Transcription
انا مش عارف ازاي انت دلوقتي في 2025 وما تعرفش الحاجات المهمة اللي هاتكلم فيها معاك النهارده دي. دي حاجات الناس بتستخدمها ضدك عشان يقنعوك باي حاجة وانت كل مرة بتوافقهم. وللأسف الاسرار اللي هاتكلم فيها النهارده مش كل الناس تعرفها، لكن اذا انت عرفتها انا اضمنلك بشكل كبير جدا انك تعرف تقنع أي حد في العالم باي حاجة. وهاقولك ليه؟ لان لو انت على حق او فكرتك بجد حلوة جدا او انت عندك كل المعطيات اللازمة انك تخلي اي حد يعمل اي حاجة انت عايزها، كل الكلام ده ما يساويش أي شيء جنب مهارات الاقناع الستة اللي هنتكلم فيها النهارده. فلو انت بجد عايز تكون من الواحد في الـ 100 اللي بيعرف يقنع أي حد باي حاجة حتى لو كانت أي كلام، فاعمل الحلقة دي كويس جدا لان ممكن تلاقي فيها الحاجة اللي تميزك عن 90% او اكتر من باقي الناس.
السلام عليكم، انا مايكل راشد وانت بتشوف برنامج الزتونة. البرنامج هنا مصمم ان هو يساعدك انك تكون النسخة الافضل من نفسك ولو على الاقل بنسبة 1% للافضل. ولذلك تاكد يا عزيزي دايما انك مفعل خاصية الجرس في هذا البرنامج عشان تتابع اول باول كل الفيديوهات. واكيد يعني مش هاقولك لازم تكون عامل اشتراك في القناة في الـ 1 يعني عشان تعرف تفعل خاصية الجرس. حتى تسال وتقول كده يا مايكل هو انت ليه هتعلمنا فن الاقناع؟ مش ده اصلا يعني سر لما يكون موجود عند العامة من الناس وانت بتكلمهم كده على اليوتيوب هيكون في الاخر هذا الاقناع ما لوش لازمة. هاقولك يا صديقي بمنتهى البساطة لان حتى لو كل الناس في العالم شافت الفيديو ده 1% بس اللي هيعرفو يطبقوه. وانا هنا عايز اتحداك هل انت هتبقى من الواحد في الـ 100 اللي هيعرفو يطبقوه بجد ولا لا.
انا بالنسبة لي الفيديو ده بمثابة سجل جديد وتاريخ جديد بيتحط فيه الزيتونة اللي بقالها اكتر من 10 سنين بتقدم محتويات غرضها الاساسي انك توعى وتتطور. ولكن اذا انت يعني مش شايف كل الكلام ده وعايز تشكك من اول الفيديو فدي هتبقى مشكلة. اللي انا استخدمته من اول الحلقة لغاية دلوقتي هي من مهارات الاقناع او من افكار الاقناع اللي هنتكلم فيها في هذه الحلقة. زي ما قولتلكو هنتكلم على ست مبادئ رئيسية وهي من كتاب على فكرة حلو جدا كنا اخدناه زمان شوية ولكن بشكل مختلف ايام ما انا كنت يعني لسه بتكلم بطريقة مختلفة ويمكن تكون بطريقة مملة ورتيبة. ولكن قررت ان احنا نعمل ريميك لهذه الحلقة عشان تناسب الوقت اللي احنا فيه دلوقتي. وكتاب اسمه او او او الاقنعة. فهذا الكتاب هو بمثابة يعني دليل عملي لكل الناس اللي شغالين في السيلز او الماركتينج او الناس اللي بتدخل انترفيو او الناس اللي داخلة على او الناس اللي عايزة تقنع 1 ان هي تتجوزهم او او تتجوزها يعني او الناس اللي عايزة تبين لاهلها ان هم يعني جامدين جدا ويعرفو ان هم ياخدو قراراتهم من نفسهم فيقولولهم على فكرة مجنونة جدا واهلهم يوافقو عليها لان هم عرفو ازاي يقنعوهم. الحلقة دي يعني مخصصة ليك لو انت بجد عايز تسيب انطباع عند الناس وتعرف تاثر فيهم بجد. واهم حاجة في الحلقة دي ان كل الكلام اللي فيها هو علم نفس مجرب يعني ما هواش نظرية معينة. كل الكلام اللي احنا هنتكلم فيه النهارده ليه دراسات كتير جدا وممكن تبقى ترجع وتبص على الكلام ده من المصادر تحت. وزي ما قلتلكم 1% بس من الناس هيعرف يستخدم كل الكلام ده.
السر الـ 1 الموجود معانا سر اسمه او المعاملة بالمثل. فكرته بمنتهى البساطة لو انا عايز اقنعك انك تعمل اي حاجة فانا ممكن ابتدي اللعبة دي من قبل اصلا ما اسالك عليها. ابتديها عن طريق ان انا اعملك حاجة انت بتحبها اقدملك خدمة قبل ما تتكلم معايا او اشوف لغة الحب اللي انت بتقدرها من لغات الحب الخمسة وممكن تبقى ترجع تبص عليه واشوف هذه اللغة واقدملك حاجة من لغات الحب دي بحيث ان انت يبقى عندك في او عندك في عقلك اللاواعي ان انت بتفكر ازاي تردلي هذا الجميل. دي حاجة موجودة عندنا كلنا وعشان كده انت ساعات بتخاف من الناس بتوع المبيعات لو قدمولك خدمات بتقعد تقول كده في عقلك اه ده هيسالني على حاجة وهيلبسني في حاجة كبيرة. فتخيل انت عارف هذا السر يعني لفكرة زي ان انت رايح المول بتشتري حاجة وفي واحد بيساعدك ولكن يعني ممكن تعمل هذا السر مع كل الناس الموجودين في حياتك. مثلا عندك ميتنج مع مديرك وعايز تطلبه او عايز تطلب منه ان هو يعني يزودلك المرتب شوية فممكن تبتدي من قبل اصلا ما تروح الميتنج وتعمل حاجة مديرك بيحبها مش شرط على فكرة تكون في الشغل المهم ان هي تكون حاجة مديرك يقدرها حاجة تكون مهمة بالنسبة له. ساعتها هيكون الاوبشن اللي قدامه هو انه ينفذه لانه عايز يردلك هذا الجميل. نفس الكلام بقى اعمله بقى مع شريكة حياتك اعمله مع شريك حياتك اعمله مع الناس اللي انت بتحبهم كاصدقائك اتعمله مع اي حد في الدنيا وهتلاقيه كل مرة بيجيب نتيجة كويسة قوي.
السر التاني اللي موجود معانا النهارده هو السر الاسكرستي او النضارة. انك حاسس حد ان الحاجة دي هي نادرة هو لوحده هيحاول يقنع نفسه بيها. اكيد جربت قبل كده وانت داخل بتحجز اوتيل مثلا من على بوكينج تلاقي في شريط صغير مكتوب بخط صغير قوي كده تحت يقولك ايه يعني في غرفة 1 بس اللي فاضية. الفكرة بتاعت النظرة دي بتخلي خليك انت تجري بسرعة وتقول اه انا لازم اخد العرض ده انا لازم اشتري هذه الغرفة. وده لان احنا كلنا كبشر عندنا الفومو واكيد سمعت اسمه قبل كده اللي هو الفير او ان انت بتخاف دايما ان انت تفوت الفرصة اللي ممكن غيرك يكون بيستمتع بيها. كلنا انانيين كلنا عايزين ناخد الفرصة الاخيرة. بيفكرني بشكل كبير جدا بالناس بتوع العقارات ان يعني انا بحب جدا الناس بتوع العقارات وما حدش يزعل مني واحنا عاملين كورس على فكرة ليهم عشان نضربهم ازاي يكونو يعني ماهرين في البيع ولكن تلاقيهم كده وهم بيتكلمو معاك يجي يقولك ايه هي يعني اللعبة دي بيعملوها هم وبيعملوها المطورين نفسهم. يجي يقولك بص احنا عندنا في اللانش فيز اللي احنا بنعملها دلوقتي في هذا المشروع بتكون الاسعار اقل حاجة. فاذا انت لحقت وحطيت الديبوزيت بتاعك عشان تلحق هذا اللانش فيز فانت ممكن تخلي خلي اليونيت بتاعتك في اقل سعر ممكن لان كمان شهرين او كمان شهر او كمان اسبوع هتلاقي ان سعر الوحدة دي نط وضرب في 2 او 3. هي دي فكرة مبدا النضارة. مبدا بيخليك لو انت عايز تتعامل مع واحد هو متردد في انه ياخد قرار تخليه يعني يتزنق في ان هو ياخد هذا القرار او يتزنق في ان هو يعمل حاجة اللي انت عايزه ان هو يعملها.
السر التالت اللي ممكن تقنع بيه اي حد هو ال او السلطة. شوف لما مثلا دلوقتي انت بتروح تكشف ويجي الدكتور يقولك بص الدواء ده لازم تاخده لان هو الدواء اللي هيخلي حالتك تتحسن انت ساعتها بتصدق في كلامه لان هو عنده السلطة هو عنده المعلومة وبالتالي بتاخد كلامه ثقة. لما انا النهارده باجي اكلمك واقولك ان الكلام الموجود النهارده كلام من كتاب كتاب عليه ابحاث وليه مصادر كل الكلام ده بيخليك انت تفكر ان ده الكلام الحقيقي. كل الكلام ده بيخليك تحس ان انا اللي عندي السلطة وبالتالي تبتدي تصدق في اللي انا باقوله. 1 من هذه التجارب الجميلة جدا ان كان في واحد في مرة طلع عمل زي كده او طلع يعني اتكلم قدام ناس كتير على فكرة ان في دراسات بتتكلم على ان التدخين ليه مزايا كتير جدا وابتدى ان هو يقول اي ارقام وطبعا انت مش محتاج تتخيل ولكن الحقيقي فعلا اللي حصل ان الناس صدقته. الناس صدقت ان فعلا التدخين ممكن يكون ليه مزايا لان هو كان بيتكلم بارقام واحصائيات. هي دي فكرة السلطة ان انت تحسس الناس ان انت عندك حاجة هم ما عندهمش وبالتالي يبتدو يسمعو كلامك. هاقولك مثال ممكن تجربه في شغلك او في علاقاتك وجربه وادعيلي. عندك مثلا كده فكرة لمشروع ولا عندك فكرة لكمبين جديدة ولا عندك فكرة كده للشغل ممكن تخليك انت يعني في حتة تانية خالص قبل ما تروح تعرضها قدام مديرك قوله بقولك ايه في دراسات تتكلم على ان لو عملنا كده ممكن ده يزود المبيعات بنسبة قد كده او قوله بقولك ايه في مجموعة من الشركات برا عملت الحوار ده وقدرت ان هي تجيب منه مبالغ كبير جدا. انت هنا عملت ايه انت هنا لغيت نفسك من هذه المعادلة لان مديرك ممكن ما يكونش حاسس ان انت عندك المعلومة الصح ولكن لما ابتديت ترميها على ناس تانية او على دراسات او احصائيات تانية مديرك بيبتدي يفكر ان في سلطة هنا تخليه ياخد هذا القرار. معلش يا مدير احنا اسفين لو احنا يعني خربنا عليك الديل كده.
فاضلنا المبدا ال4 والخامس والسادس ولكن قبل ما نتكلم عليهم حابب اني افكرك ببرنامج الكوتشنج اللي بجد ممكن يغير حياتك كلها. وانا مش بحاول اقنعك مع اني نفسي اني اقنعك ولكن برنامج الكوتشنج هو برنامج احنا بنعمله من اكتر من حوالي اربع سنين والبرنامج دخل في ناس كتير جدا وكلهم حياتهم اتغيرت. ده لان البرنامج في افكار كتير جدا افكار بتساعدك ان انت تكتشف نفسك وافكار بتساعدك ان انت تكتشف ايه هو السوء اللي انت ممكن تكون بتدخله لو انت بتفكر في حاجة زي البزنس. افكار بتساعدك ان انت تكون بتشتغل في اي وظيفة لان في جزء كبير جدا عن الكارير كوتشنج وافكار بتخليك انت كمان تشتغل اذا لايف كوتش معتمد لان هو في تولز كتيرة جدا بتخليك تشتغل كلايف كوتش محترف مش زي ناس كتير ممكن يكونو موجودين. غير طبعا الاعتمادات الموجودة من هذا البرنامج سواء من ال او من ال. فتاكد ان انت بجد لو عايز تغير حياتك وعندك مساحة من الوقت تقدر تخصصها انك تستثمر في نفسك بجد انك تدخل هذا البرنامج وهتلاقو اللينك بتاعه في الديسكربشن تحت. ودلوقتي مش هاقولك ان في عرض خاص ولكن بجد في مفاجاة الا وهي ان البرنامج كمان في منه نسخة مسجلة بالكامل فيعني دي بتكون كويسة للناس اللي ما عندهاش وقت او ممكن كمان تكون تكلفتها اقل شوية.
السر ال4 اللي موجود معانا النهارده هو سر اسمه ال او الاتصاق. ده سر جميل جدا لان هو يعني اكيد اتلعب عليك اكتر من مرة وانت ما خدتش بالك. تعال احكيلك على السر ده. مساء الخير يا محمد ايه الاخبار؟ بقولك ايه انت مهتم بقضايا البيئة؟ اه طبعا مهتم البيئة دي كلنا بنعيش فيها. جميل جدا دلوقتي في فرصة ان انت تساعد البيئة عن طريق برنامج للتبرعات ممكن تدخل دلوقتي وتنضم لينا. هي دي فكرة ال او الاتصاق. احنا لما بنوافق في سياق الكلام على فكرة معينة بنحب ان احنا ننفذ هذه الفكرة بعدها حتى لو كانت الفكرة اكبر شوية مننا او من امكانياتنا عشان ما يكونش في تناقض في شخصياتنا. بشكل بسيط قوي لو انا رحت سالت بابا وقلتله يا بابا هو انت نفسك ان انا اكون شخصية مستقلة ولا لا يقولي اه طبعا يا حبيبي نفسي ان انت تكون شخصية مستقلة. فجيت قلتله بص يا بابا انا فكرت في مشروع بجد ممكن يفرق معايا في ان انا اكون شخصية مستقلة وبجد هابقى مبسوط جدا لو انت وافقت عليه. الدخلة دي هتكون احلى 1,000,000 مرة لو انت رحت وقلت لباباك بابا انا عندي مشروع وعايز اعمله. لان باباك في السيناريو الاولاني هيفكر كاب هو ملتزم قدامك بكلمة وبوجهة نظر انما في المرة ال2 هيفكر كاب هو لازم ان هو يحميك. هو اكشلي يعني هو بابا هنا هو نفس بابا هنا ولكن لما انت حطيته في سياق معين ممكن ما يكونش قدامه غير ان هو يوافق. وكانت برضه من ضمن افكار نيجوشيشن كتير كنا سمعنا عليها قبل كده هي فكرة او ان انت تحاول ان انت تجيب اكتر من كلمة نعم. يعني مثلا لو انا دلوقتي سالتك هل انت مهتم انك تطور من نفسك؟ هل انت بتحب ان انت تشوف مثلا محتوى مرئي عن تطوير الذات؟ هل انت بتحب ربنا؟ هل انت مثلا بتحب عيلتك؟ طيب تخيل لو كل الكلام ده موجود في مكان واحد يساعدك ان انت تطور من نفسك وتساعدك ان انت تطور من عيلتك ويساعدك ان انت تكون شخص اكثر روحانية وكل الكلام الجميل ده تعال ننضم للبرنامج اللي احنا بنقدمه. ساعتها انت هتفكر ان اه كل الكلام ده هو اللي بجد بيعبر عني وبالتالي انت هتعرف ان انت هتنضم وانت مرتاح. فهي الفكرة في السياق نفسه اللي انا ممكن اكون برسمهولك وبجيب منك اكتر من كلمة يس او نعم عشان اقدر في الاخر اخدك واعملك عملية ال دي. خليني اسالك انا سؤال للناس اللي بتتفرج عليا وبتحب برنامج الزتونة هل انتو ممكن يكون في منكم ناس شاطرين في التصميم؟ لو بجد في ناس منكم بتحب البرنامج وشاطرين في التصميم ايه رايكم تعملو لوجو جديد للبرنامج؟
المبدا ال5 اسمه لايكينج او الاعجاب. عمرك لاحظت ان في ناس بتحاول ان هي تقرب منك وان انت تكون صديقهم عشان في الاخر هيطلبو منك حاجة؟ اهي دي فكرة الاعجاب بشكل بسيط جدا ان انت تكون محل اعجاب الناس قبل ما تبتدي تطلب منهم اي شيء او قبل ما تحاول تقنعهم باي شيء. لان اذا انا معجب بيك او معجب بحاجة انت بتعملها او حاسس ان انت يعني اتوسم فيك الخير ساعتها انا بسهولة جدا اقدر اوافقك على اي حاجة ممكن تطلبها. هتلاقي ان هذا المبدا موجود بشكل كبير جدا عند الناس بتوع المباحث اللي موجودين في اي مكان اللي هم بيحاولو يستقبلوك بابتسامة ويحاولو ان هم يعني يساعدوك باي كانت الطريقة ويحاولو يبينولك ان هم مهتمين بيك انت كشخص ويحاولو يعني تعرفو عليك او على العيلة او على اولاد الصغيرين اللي داخلين معاك المول لان كل الكلام ده بيخليك انت تعجب بيهم وبالتالي تقدر انت تشتري منهم بسهولة. طيب ازاي استخدم ده في حياتي العملية؟ قبل ما تطلب حاجة من حد حاول انك تقرب منه عن طريق ان انت تعرف المشاعر اللي موجودة عنده اهتماماته الحقيقية ممكن تحاول تشاركو هذه المشاعر او تشاركو هذه الاهتمامات وساعتها هيقدر الشخص ده يكون ان هو يستقبل منك اي حاجة. عارف لو مثلا لو انت حبيت مايكل راشد فانت ممكن تدخل معاه برنامج الكوتشنج اللي موجود في ال تحت يعني نفس الفكرة كده.
المبدا ال6 اللي موجود هو مبدا السوشيال بروف او مبدا التاكيد او الدليل الاجتماعي. يعني ممكن نشيل كلمة سوشيال بروف ونحط قدامها كلمة ابل. سوشيال بروف معناها ان انت بتبتدي تشوف الناس اللي حواليك او الناس اللي موجودين في نفس المجتمع هم موافقين على انهي فكرة وده بيخليك انت كمان توافق على هذه الفكرة. يعني مثلا احنا كنا مجموعة من الاصدقاء نفترض ان احنا كنا 5 وفي واحد سادس كان بيستخدم اندرويد وكلنا بنستخدم ايفون تخيل هذا الشخص لما راح جاب موبايل جديد مع انه كان مقتنع جدا بالسامسونج الترا راح جاب ايه راح جاب ايفون. انت دلوقتي لو بتختار ان انت تدخل مثلا كورس جديد ولا تدخل مكان جديد او تشتري حاجة من مطعم ولقيت ان في ريفيوز عليه من يعني 4 وتسعة من 10 من 5 وفي 5 الاف ريفيو مكتوبين تقول ايه ده الله انا عايز اشتري الحاجة دي دي حاجة كويسة دي حاجة الناس كلها موافقة عليها. وعشان كده في التسويق عامة تلاقينا بنستخدم فكرة ال او نستخدم فكرة ال اللي احنا عملناها مع ناس تانية لان ده بيحسسنا ان واضح ان الموضوع ده في اجماع ليه من باقي الناس ال2 واضح ان الريفيوز دي بتقول ان المكان ده كويس او الناس دي بتقدم فعلا حاجة كويسة. فوايد كتير جدا انت ممكن تقنع الناس عن طريق ان انت بقى تبني سوشيال بروف عن الحاجة اللي انت عايز تقنعهم بيها من خلالك انت. طب ازاي الناس تشوف الحاجة دي؟ ايه الحاجة اللي بنستخدمها في يومنا تقريبا بشكل يومي وممكن تسيب فكرة السوشيال بروف دي عند الناس؟ فكر كده معايا حاجة بتستخدمها في موبايلك حاجة بتعملها اول ما بتصحى من النوم الصبح حاجة بتشوف فيها صور ناس تانية وبتشوف فيهم كلامهم اللي كاتبينه عن نفسهم او الكلام اللي في ناس بتكتبه عليهم. السوشيال ميديا. السوشيال ميديا بغض النظر انت بتحبها او بتكرهها بقت هي السوشيال بروف الجديد. انت دلوقتي بتتابع البرنامج ده بشكل بسيط لان انت عارف ان البرنامج ده بقاله اكتر من 10 سنين وعليه 2 ونص 1,000,000 مشترك وبالتالي بالنسبة لك هو سوشيال بروف في حد ذاته. انا بشوف ده في القناة عندي يعني مثلا دلوقتي كمية الناس اللي بتعمل سبسكريبشن جديدة اكتر بكتير جدا من الناس اللي كانت بتعمل وانا لسه بادئ مع انه وانا لسه بادئ يمكن كان عندي طاقة اكبر ويمكن كان عندي مجهود اكتر ولكن الفكرة في السوشيال بروف. فواحدة من ضمن الحاجات الكويسة جدا اللي ممكن تركز عليها هي السوشيال بروف اللي موجود في السوشيال ميديا بتاعتك في اللينك ال بتاعك لو انت عايز تشتغل في حاجات كتير جدا ممكن تكون موجودة ولو عايز تعرف اكتر عنها ممكن تدخل وتنضم لبرنامج ايه الكوتشنج.
ملخصا لكل الكلام اللي احنا كنا بنتكلم فيه ما يهمش انهي طريقة ممكن تستخدمها ممكن تستخدم على فكرة اكتر من طريقة ولكن تاكد تماما ان كل قرارات تقريبا اللي انت عملتها في حياتك او اللي انت حسيت ان انت اقتنعت بيها رغم ان انت مش عارف انت اقتنعت بيها ليه غالبا جاية من هذه الافكار. انت حبيت حد فعملت حاجة لاجل خاطره. انت اتحطيت في السياق ان انت بتعرف نفسك ان انت شخص بتعمل حاجة معينة وبالتالي رحت عملت الحاجة دي فعلا. انت اتحطيت في سياق ان انت شايف ان كل الناس موافقة على حاجة معينة وبالتالي انت كمان وافقت عليها. او انت اتحطيت في موقف ان انت لقيت نفسك مضطر انك ترد جميل لحد مع ان ما حدش طلب منك بشكل مباشر انك ترد الجميل ده لقيت نفسك بتعملها. او لقيت نفسك يا عيني محصور جوا اختيار هيروح كمان شوية وقت وبالتالي حسيت ان انت لازم تعمله دلوقتي. او حسيت ان اللي بيكلمك عنده بعض السلطة لان هو عنده بعض الدلائل اللي مش موجودة عندك وبالتالي كل الافكار دي هل ممكن تخليك تختار حاجة معينة وتقتنع بيها وانت كمان تقدر تعمل كده مع الناس عن طريق ان انت تفكر ايه الحاجة اللي ممكن تستخدمها ومع مين.
يعني اتمنى بشكل كبير جدا ان الحلقة دي تكون عجبتكم بجد لو الحلقة دي انت استفدت منها ما تنساش تكتبلي في التعليقات اللي تحت ايه اكتر حاجة سمعتها وعجبتك. انا عامة كنت خايف وانا بعمل الحلقة دي بشكل بسيط جدا لاني بعمل ريميك ولكن اتمنى كده يا رب ان انا اكون عملت الريميك ده بشكل كويس. لو عملته برضه بشكل كويس ما تنساش انك تدعمني عشان يعني احنا محتاجين الدعم بتاعك بشكل كبير قوي. في النهاية شكرا ليكم واشوفكم على خير الحلقة الجاية ان شاء الله كان معكم مايكل راشد برنامج الزتونة.