Transcription
القراءه التحليليه بيكون فيها تفاعل بينك وبين الكتاب. ولذلك انت محتاج قلم يفضل يكون قل رصاص.
من الخطوات المهمه اثناء القراءه التحليليه هي انك تمتلك الكتاب. بمعنى انك تجعل هذا الكتاب هو نسختك الخاصه عن طريق كتابه اي ملاحظات مهمه وتحديد ما اعجبك وما لم يعجبك. بمعنى اوضح انك تضع ملاحظاتك داخل الكتاب نفسه.
بعض الناس بيرفض فكره الكتابه داخل نسخته من الكتاب وبيحبوا يحافظوا على كتبهم نظيفه. فلو انت من الناس دي فانت محتاج تفهم ان وضع علامات للصفحات ووضع خطوط تحت بعض الفقرات وكتبتك على الهامش هي شكل من اشكال الاحترام والاهتمام الذي تعطيه للكتاب. واي مؤلف سيسعد بانه يجد القراء بتضع علامات وملاحظات في كتابه لان ده دليل على اهتمامهم وتفاعلهم مع الكتاب وتاثيره فيهم.
البعض ممكن يقول انه ممكن يكتب الملاحظات دي في ورق خارجي. وده ممكن. لكن فكره انك تترك الكتاب وتحضر ورقه وتكتب فيها غالبا هيعطى لك عن القراءه بشكل مزعج. وبالنسبه لمعظم الناس ده هيخليهم يكسوا عن اخذ الملاحظات عاده. لكنه يظل حل ممكن لمن يستطيع القيام به بدون تشتت. وقد يكون حل ضروري لو كان الكتاب ليس ملكك من الأساس.
كتاب اليوم اللي بنلخبط محدده لتسجيل الملاحظات داخل الكتاب. لكن احنا هنوضح طريقه بسيطه وسهله لاخذ الملاحظات. الطريقه دي هي تقريبا نفس طريقه كال نيوبورت مؤلف كتاب العمل العميق وكتاب الحرفيه والشغف اللي لخصنا هنا بالفعل على القناه قبل كده.
الطريقه كالتالي. وهي طبعا بتفترض ان الكتاب ملكك مش مستعير من صديق او من مكتبه. بدايه اي صفحه وجدت فيها شيء مثير للاهتمام او وضعت فيها اي ملاحظه بتضع في الركن الاعلى منها خط صغير بالشكل ده. وممكن برضو بدل الخط انك تثني طرف الصفحه العلوي بهذا الشكل. الهدف من الخط الصغير او ثاني طرف الصفحه انه لاحقا هيسهل علينا اننا نجد الصفحات المهمه من الكتاب.
بعض القراء بيستخدموا بوك ماركس لاصقه بالوان مختلفه كده بيتم لصقها على الصفحات المهمه. مشكله الطريقه دي انها ممكن تكسر تدفق القراءه بمعنى انها تعطلك عن القراءه عشان تطلع البوك مارك وتلزق. بالاضافه ان على اي حال ناويين نخطط ونكتب داخل الصفحات فمافيش داعي تكلف نفسك باستخدام البوك ماركز دي. لكنها تظل طريقه جيده لتحديد الصفحات المهمه ان كنت بتفضلها اثناء قراءتك.
لو وجدت فقره مهمه او جمله عجبتك او حتى نقطه لا تتفق معها بتعلم عليها. بمعنى اما انك تضع خط تحت هذه الفقره او ممكن تضع قوس مربع في هامش الكتاب بهذا الشكل وتكتب في الهامش كلمه او كلمتين توضح سبب تعليمك على هذه الفقره. زي مثلا انها فكره مهمه او فكره اساسيه مقوله او صياغه جميله او حتى تسجيل اعتراض. ممكن مثلا تكتب عباره لا اتفق. او ممكن مثلا تضع علامه استفهام لو كنت مستغرب الفقره او صعب عليك فهمها.
لو وجدت قصه عجبتك ممكن تكتب كلمه قصه في الهامش. وفي حاله كونها قصه لا يفضل انك تظلل او تضع خط تحت سطور القصه كلها خصوصا انها ممكن تكون صفحه كامله او اكثر. كمان يكفي انك تضع قوس مربع في بدايه القصه.
ممكن كمان لو المؤلف بيطرح وجهه نظر معينه من خلال عده نقاط. ممكن تضع خط عند رؤوس هذه النقاط وتكتب في الهامش رقم النقطه لتسهيل الوصول اليها لاحقا. يعني ممكن مثلا يقول لك ان هناك ثلاث اسباب للظاهره اللي هو بيناقش. عاده بيطرح السبب اولا في جمله او جملتين بعدها يستفيض في شرح هذا السبب. فانت هتظلل او الجملتين دول وتكتب في الهامش السبب الاول او حتى تكتب رقم واحد وهكذا مع النقاط. ده هيسهل عليك لاحقا الوصول لرؤوس الاسباب بدون قراءه النص كامله.
ايضا بشكل عام لو اي ملاحظه اخذتها كانت غايه في الاهميه بالنسبه لك ممكن تضع جنبها رمز النجمه مثلا. وده هيسهل عليك توصل لاهم الافكار والنقاط بسهوله لاحقا. فكره النجمه دي مهمه لو كنت شخص بطبيعتك بتاخد الكثير من الملاحظات. لان النجمه دي هتسهل عليك انك تفلتر الاهم من المهم.
وهنا في ملحوظه. لو وجدت نفسك بتعلم تحت معظم او كثير من الفقرات وما فيش صفحه الا وانت معلم فيها بالفعل على فقره او اكثر فده للاسف بيقلل من قيمه الملاحظات. لو هتعلم على معظم الفقرات يبقى الافضل انك ما تعلمش على اي حاجه اصلا وتعيد قراءه الكتاب كله مره ثانيه بعد الانتهاء منه. ركز اكثر على تعليم الفقرات اللي بتقدم خلاصه افكار الكتاب العامه او افكار الفصل اللي بتقراه بشكل خاص.
وطبعا ممكن تعلم على اي جمله او مقوله عجبتك صياغتها او الهاتك بفكره معينه. مره ثانيه ما تنساش ان في اي صفحه تضع فيها ملاحظه او ظلل فيها اي فقره انك تضع خط في الركن العلوي منها او انك تثني طرف الصفحه زي ما قلنا.
لو اتبعت هذه النصائح خصوصا نصيحه انك تظلل الفقرات اللي بتركز على الافكار الاساسيه لفصول الكتاب فكل اللي انت محتاج تعمله لاحقا عشان تسترجع افكار الكتاب هو انك تمسك الكتاب نفسه وتفر في صفحاته من الاعلى وتوصل للصفحات اللي انت معلم عليها وتراجع ملاحظاتك فيها وهتجمعنا اللي اتعلمتها من هذا الكتاب.