Transcription
النهارده واحد من أهم فيديوهات حياتي. أنا دكتور محمد المغربي، دكتور أمراض المخ والأعصاب والطب النفسي. والنهارده فيديو إن شاء الله للتاريخ، يعني افتكروني بيه سواء أنا كنت عايش أو سواء أنا كنت ميت. وأنا والله العظيم بقول لكم فيه حقيقة كاملة. بعد حيرة أنتم اخترتوها بقى لكم كثير. وفي زمن غابت فيه الحقائق يعني. خلاص؟
قبل أي شيء كل سنة وأنتم طيبين، بكرة عيد الأضحى المبارك، إن شاء الله تعيدوا وأنتم في أتم صحة وأسعد حال. معلومات كثير انتشرت الفترة اللي فاتت وأنتم حيرانين ما بين فين الحقيقة. وإيه اللي صح وإيه اللي غلط وناس تطلع تتكلم عن أنظمة أكل وناس يطلعوا ينتقدوا دكتور، واحد يطلع يضرب مش عارف مين. سيبكم من كل ده.
فاكرين لما قلت لكم إن في برنامج تدمير ذاتي، من ثلاث سنين كنت شكلي أصغر شوية كده وشكلي كان لسه شباب سنة يعني. لأني عجزت شوية. وقلت لكم إن في برنامج تدمير ذاتي، البرنامج دوت قادر إنه هو يدمرك تدريجياً في حالة بعدك عن ربنا. وشرحت الموضوع ده بشكل بيولوجي وطبي بحت. وأنا ما اتكلمتش فيه عن الدين خالص. خلاص؟
طيب. دلوقتي جاي أقول لك إن جسم الإنسان يقدر يصلح نفسه بنفسه تحت أي ظرف من الظروف ولكن في بعض في تواجد بعض الشروط. لازم في بعض شروط تكون موجودة، يعني إن جسم الإنسان ده يكون صحيح من البداية. يعني واحد ما اتولدش بمشكلة، واحد كان اتولد سليم ولكن حصل مشكلة والمشكلة دي جددت عليه، وهو ما كانش ما كانتش. موجودة، ليست أصيلة في جسده. طيب. يعني. واحد رجله اتخبطت جامد. أدت إلى كسر، يبقى لازم أحط جبس عشان يمسك العظمة، ليه؟ لأن العظمة في أساسها كانت صلبة. ولكن فقدت صلابتها نتيجة الكسر، فأنا اديتها دعامة خارجية. هل الجبس ده هو اللي بيرجع العظمة سليمة؟ لا والله، ده العظمة بنفسها لما تتوفر لها الظروف اللي غابت عنها. بترجع سليمة. طيب، واحد إيده اتجرحت من سكينة، فاتقطعت، راحت اتخيطت. الخياطة اللي في جلده دي لازم كانت تبقى موجودة، لأن أنت دخلت عامل خارجي ألا وهو السكينة، فدخل العامل الخارجي ألا وهو خيط الجراحي عشان يـ يلحم الجلد في بعضه. هل بدون الـ الخيط الجراحي ده الجلد هيلحم؟ مش هيلحم مظبوط، وهيؤدي إلى مشاكل، وهيبقى ده منفذ لدخول بكتيريا، وهتبقى مشاكل كثيرة قوي. طيب.
إذًا فأنتم فهمتم القاعدة. طالما دخل شيء يؤذي، يبقى لازم يدخل شيء يصلح الظروف اللي تغيرت، مش يصلح الجسم. مش يصلح الجسم. الخيط مش هو اللي خلى الجسم يلحم. العظمة الـ الجبس مش هو اللي خلى العظمة تلحم. فهمتم القاعدة؟ إذًا ظروف تغيرت. تمام؟ يبقى هنحط لها ظروف تصلح الظروف. ظروف بتصلح ظروف. ظروف بتصلح ظروف. افتكروا. ظروف بتصلح ظروف. الدواء بيصلح ظروف. الجبس بيصلح ظروف. الخيط الجراحي بيصلح ظروف. العمليات الجراحية بتصلح ظروف تغيرت. طيب. حاجة بتصلح الجسم؟ لأ. لأ. الجسم بيتصلح لما الظروف اللي تغيرت تتعدل. يعني إذًا إحنا محتاجين حاجة تصلح الظروف اللي تغيرت عشان الجسم يقدر في الظروف الجديدة يستعيد نفسه، ويصلح نفسه بنفسه. طيب. اتفقنا على كده؟
طيب. واحد كان كويس جدًا. اتخبط خبطة نفسية قوية. وده صميم شغلي. صح؟ لقى نفسه بعدها مزاجه سيء. مافيش طاقة. تركيزه مش كويس. حاسس إنه بقى بينسى. حاسس إنه بيـ بدأ يبعد عن كوكب الأرض تدريجيًا. هو اتصدم صدمة كبيرة. وقد يكون سبب جيني، وقد يكون وراثة، وقد يكون أيًا كان. بس بنتكلم في المثال الواضح والصريح. فـ طيب. اتخبط خبطة كبيرة. اتغير. إحنا من ناحيتنا، ده معناه بنقولها بالبلدي خالص، ده أنت السـ السيروتونين قليل. ده النور إبينفرين قليل. ده ده يعني معناه إكتئاب, ده لأ. أنا مش هكلمكم بالمعنى البسيط, أنا هكلمكم بالمعنى الطبي أكنكم دكاترة. إحنا عندنا حاجة في المخ إسمها النيوروبلاستيستي, يعني إيه؟ مرونة المخ. قدرة المخ الكهربية والكيميائية والعصبية على إنها هي تستقبل الأمور وتعيد صياغتها, والإنسان يكون في مزاج كويس وفي سلام نفسي وقادر يتقبل الحياة بشكل مرن. مرونة المخ. مرونة المخ دي بتتغير. وكل تشخيص في الطب النفسي بيبقى نتيجة ظروف معينة إتغيرت, يعني الذهان أو السايكوزس. زي السكيتسوفرينا أو الشيزوفرينيا. واحد بيسمع أصوات غريبة مش موجودة, بيتهيأله ناس حواليه, بيتهيأله ناس بتراقبه, الحاجات دي ليست أصيلة, يعني بنقول بالبلدي ده زيادة في مادة الدوبامين, ولكن مفيش حاجة بتحصل نتيجة زيادة حاجة واحدة, ده مجموعة حاجات, مجموعة حاجات إتغيرت وأدت, ولكن يعني يرقصها إن الدوبامين إتغير. خلاص, فبنروح إحنا مديين أدوية من نوعية الأنتي سايكوتكس, سواء تيبكال أو أتيكال, مضادات الذهان, فعشان ترجع الدوبامين على حسب ما تراءى لي كدكتور وعلى حسب القوة اللي عايز أرجعه بيها, حسب المريض وحسب حالته, فلما الدوبامين يبدأ ينزل لمستواه الطبيعي. خلي بالك, مادة كيميائية, بدأت تزيد, رجعت لمستواها الطبيعي, المريض ييجي يقولك إيه؟ ده أنا الصوت مبقتش بسمعه, ده أنا بقيت وسط الناس مبخافش, أنا مطمن يا دكتور, هل الدوا اللي ساعده؟ لأ, الدوا صلح الظروف. فلما الظروف إتصلحت. بدأ المخ يستعيد نفسه ويستعيد النيوروبلاستيستي, فيبدأ المخ يشتغل على نفسه, ويعمل ساينبتوجينيسيس, ويعمل توصيلات عصبية جديدة, ويحاول يصلح نفسه بنفسه.
الخالق العظيم. الخالق العظيم ربنا عز وجل, لم يخلق جسد الإنسان هباءً, وخلقه في في تقويم. وخلقه قادر على إصلاح نفسه بنفسه ولا يمكن لأي حاجة ده خارجية إنها تقدر تعمل ولو واحد في المليون من اللي يقدر يعمله الجسم بنفسه ولو حتى بعد 100 مليون سنة ولو حتى لحد يوم القيامة. وأنا أسأل عن كلامي. خلاص؟ معلش أنا قعدت مع ألوفات الحالات واختبرنا كل الحاجة وشوفنا كل حاجة و أنا مش بكلمكم في بعد ما شفت الـ اثنين مرضى ثلاثة مرضى لأ. بفضل ربنا هذا من فضل ربي وما شاء الله أنا قعدت مع ألوفات ألوفات من البشر. خاطبت العقل وشفت الـ الكيمياء وشفت الـ أنا بـ خلي بالكم أنا بتاع مخ وأعصاب برضه.
طيب. عايز تقول إيه يا دكتور محمد؟ عايز أقول لك حضرتك لما تلاقي حاجة متغيرة فيك ابدأ رقم واحد ارجع للي ربنا فطرك عليه. طب شوف ربنا حرم عليك إيه وابعد عنه. شوف ربنا قال لك إيه اللي حرام الحرام ده يعني غلط عليك. مش حرام يعني أنت هتضر ربنا. حرام يعني غلط عليك. ومن خوف ربنا عليك قال لك ابعد عن الغلط اللي هيضرك عشان هو بيحبك فخايفك تتضر فهيزعل منك. ولو هو ربنا مستقصدك ما كانش قال لك باب التوبة مفتوح طول الوقت. تعال في أي وقت. ولازم تفـ تفهموا حاجة يعني إيه خالق؟ الله الله خالق خالق. ربنا خالق. كريتور. يعني إيه خالق؟ وإيه الفرق بين الخلقة والصنعة؟ الصنعة دي يعني أنا استخدمت حاجات موجودة عشان أعمل حاجة. خدت الـ شجرة طلعت منها خشب صنعت كرسي. أنا صنعت الخشب؟ أنا جبت الخشب؟ أنا اللي عملت الشجرة؟ أنا اللي حطيت البذرة؟ لأ. أنا استخدمت حاجة موجودة. ولكن الخلقة هي شيء لم يكن له أساس من الوجود. ليس له أساس من الأساس أصلاً. ما فيش ما بـ ربنا خلقه. يعني يعني عارف يعني إيه؟ يعني ما كانش ليه أساس أصلاً. يعني المركبات والحاجات اللي ربنا استخدمها عشان يخلقك دي هو اللي ابتكر هو اللي جابها أساس أساسها. ولكن لم تكن موجودة. قصدي أقول لك إيه؟ أنت صنعت كرسي، الكرسي يقدر يتغلب عليك؟ الكرسي يفهم أكثر منك؟ مستحيل. لا يمكن أبدًا أن تتغلب الصنعة الصنعة على صانعها. وبالتالي لا يمكن أبدًا أن يتغلب المخلوق على الخالق. وشتان الفرق بين الخلقة والصنعة. خلاص؟ افتكروا الكلام ده كويس. بعد إذنكم. أنا بحبكم في الله. وبقول الكلام ده يعني لعله ينفعني في دنياي وآخرتي. وأنا راجل أحسب نفسي من أصحاب العلم. والحمد لله يعني عملت كثير في مجال الطب الحمد لله. ومن نتائجي كويسة. يعني بفضل ربنا والناس تشهد. فأنا بقول لكم الكلام ده من أرض الواقع. الكلام ده مثلًا مش رحت قرأت كتاب شوية وجيت. لا، ده كلام حقيقي. إحنا شفناه.
تعبت وأصابتك العلة وأصابك المرض ارجع للخالق. شوف إيه اللي حرمه وأنت بتعمله. وقفه فورًا. أصابتك العلة خذ بالأسباب. روح لدكتور من أصحاب التخصصات. قول له يا دكتور بعد إذنك إيه اللي الظروف اللي تغيرت يا دكتور؟ أنا دلوقتي بحسس بكذا كذا. إيه اللي تغير؟ وإيه وإزاي هنصلح الظروف دي؟ ما حدش بيصلح خلقة ربنا. إحنا بنصلح الظروف اللي تغيرت. اللي حضرتك بشكل مباشر أو غير مباشر بقصدك أو برضاك أو عدم رضاك كنت سبب في تغييرها. الدكتور والطب لهم دور كبير جدًا بفضل الله. فهم يد الله في الطب. تمام؟ هو اللي يساعدك. فيجي المريض مثلًا أنا كدكتور أقول له آه ده الاكتئاب ده بدرجة معينة وأديت له حاجة تبدأ تعوض الظروف. يبدأ المخ يستعيد الـ الـ الـ النيوروبلاستيستي بتاعته. ويبدأ المخ يستعيد مرونته. فيبدأ الإنسان يقول لك ربنا يخليك يا دكتور. ده أنا كنت ميت وصحيت ده أنا بسمعها كثير خلاص. أنا كنت تعبان وبقيت كويس ده أنا كنت فين وبقيت فين لأنك ساعدته خلاص فإذا ما فيش حاجة اسمها قاعدة ثابتة لكل الناس كلكم هتعملوا كده هتبقوا كويسين واللي هيمشي عكس ما فيش حاجة اسمها كده. يعني أنا ما أقدرش أفرض نظام غذائي على شخص في الغابة وهو نفس النظام يا على شخص في الصحراء ونفس نظام على شخص في المدينة. أنا اللي بأرجوه إن الجسم الإنسان إزاي يتكيف يحصل أكوموديشن يعني تكيف على البيئة اللي هو موجود فيها تمام البيئة دي قد يكون نسبة السموم اللي بتدخل جسمك دي مفيدة عشان تديك القدرة على التكيف ولكن إذا أصابك المرض وتعبت شوية يبقى نسبة السموم دي لازم توقف حالا خلاص. اتفقنا؟ فهمتوا؟ الكلام ده كبير قوي والكلام ده خطير قوي والكلام ده مهم قوي.
أنا تعبت أعمل إيه؟ أول حاجة أي حاجة حرام في حياتك لازم توقف. اه اه ده قبل ما أروح للدكتور ومع الدكتور في نفس الوقت وده الأهم عشان ما تكونش بتأذي نفسك بنفسك. شوف بقى روح للدكتور روح لدكتور تغذية علاجية قول له يا دكتور أنا أكل إيه؟ وروح للدكتور اللي بتاع الجزء اللي أنت بتشتكي منه قول له يا دكتور إيه الظروف اللي اتغيرت؟ لقيته تاجر وبيتاجر بيك شوف غيره وشوف غيره لحد ما تلاقي حد بيتقي ربنا والناس بتقول عليه كويس وروح له. خلاص ولو لقيت حد بيتقي ربنا يبقى ربنا بيحبك فيبدأ يصلح لك إن شاء الله الظروف اللي اتغيرت وترجع كويس. دي كانت عيديتي لكم. يا رب تكونوا كويسين وفي أتم صحة وأنا بحسب الكلام اللي أنا بقوله دلوقتي ده أنا بقوله وأنا مضطر أقوله لأن دي ضريبة وده زكاة عن العلم اللي ربنا أدهولك عشان أنا لما أموت وأنزل في قبري كده وأتسأل فأنا يعني في العلم ماذا عملت بالعلم اللي أنا أملكه خلاص والخبرة اللي اكتسبتها عن طريق التعامل مع ألوفات المرضى يبقى أنا عندي رد ولو بسيط حتى أقدر أقول وأقف قصاد بيه يعني أه مش هأقدر أقف قصاد ما أقدرش أقف قصاد ربنا أو أقدر يبقى لي يعني حاجة أرد بيها قدام كرم ربنا العظيم ورحمته اللي كده كده يعني ربنا كل حاجة برحمته كل حاجة برحمته خلاص يا ريت الكلام ده يكون اتفهم أشوفكم على ألف خير