سر الطاقة والنشاط والمود الحلو في معلقة واحدة من الخميرة الغذائية

انا ليه بقىي 6 سنين مصره على الخميره الغذائيه وبستخدمها كل يوم بدون توقف؟

علشان يا جماعه المغامره بنقص البي فيتامينز هي مغامره بضعف الطاقه، التركيز، وحتى فقدان الشغف. ما هو البي فيتامينز عنصر اساسي ومهم جدا لإنتاج الدوبامين والسيروتونين. مغامرة بعمليات الحرق، عمليات إصلاح الحمض النووي، صحة الغدة الكظرية. نقص البي فيتامينز معناه احتمالية أعلى للإصابة بفقر الدم، تساقط الشعر، التهاب بات الأعصاب. وأنا بصراحة مش عايزة أغامر بكل الحاجات دي.

طيب ليه مش مكملات البي كومبلكس؟ هي مكملات البي كومبلكس وحشة؟ سؤال منطقي، بس الإجابة لا. مكملات بي كومبلكس الميثيليتد جيدة جدا، بس هي مناسبة أكتر للناس اللي عندها نقص واضح في مستويات البي فيتامينز، لأنها بتيجي بجرعات أكبر. لكن الخميرة الغذائية، أنا بشوف إن هي طريقة ذكية جدا للحفاظ على مستويات معتدلة من البي فيتامينز من غير ما أحط أي حمل أو لود على جسمي، وبدون أي احتمالية للأوفردوز. علشان الفيتامينز لما بتيجي في مصفوفة غذائية مدعومة بمعادن وبروتينات وعناصر مهمة كتير، ده بيخلي الجسم يتعامل معاها على أنها فيتامين غذائي عادي، فمش بيحتفظ بأكتر من احتياجه بس منها.

والخميرة الغذائية بتتحول من حاجة مهمة لحاجة أساسية بالنسبة للنباتيين والناس اللي ما فيش في أكلهم بروتين كفاية، لأن هي كمان غنية جدا بالبروتين النباتي. وأحلى حاجة فيها، واعتقد ده هو تاني سبب خلاني ما أبطلهاش أبدا، إن طعمها نفس طعم الجبنة بالظبط. فهي عندي صديقة البيض، دايما بحطها على البيض. هي شكلها فليكس كده، فبعد ما بعمل البيض بحط عليه معلقة أو اتنين منها.

بس قبل ما أقول لك الجرعة، خلوني أجاوبكم على سؤالين مهمين عارفة إنكم سألتوه. هل الخميرة الغذائية هي نفسها الخميرة البيرة أو الخميرة البلدي؟ لا، الخميرة البلدي ليها فوايد كتير بس ما لهاش أي علاقة بالخميرة الغذائية. طيب ينفع الناس اللي عندها كند أو عندها فطريات تاخد خميرة غذائية؟ آه ينفع جدا، لأن الخميرة الغذائية بتحتوي على فطريات معطلة، فعلياً ما فيهاش أي كائنات حية.

جرعة الخميرة الغذائية معلقة لمعلقتين صغيرين مع الأكل، ودايما ندور على نوع يكون انفورتيفايد، مكتوب عليه كلمة انفورتيفايد، يعني غير معزز، علشان ما يكونش فيه أي فيتامينات اصطناعية. زي النوع ده مثلا، بس انتوا ممكن تجيبوا الحجم العادي مش لازم كل ده، أو أي نوع تاني تحبوه، بس يكون مكتوب عليه إن هو ان فورتفايد.

وبس كده.