Transcription
الدهون بتتراكم في البطن بكذا شكل، وكل شكل ليه سبب. ربنا ما خلقك عشان تقوم من النوم تاكل.
أفضل نظام للتخلص من دهون البطن؟ فكرة إن أنا أقلل النشويات صحيحة. أمنع نشويات خالص؟ مش صحيحة.
الصيام المتقطع ثلاث أنواع. هل ممكن اتباع الصيام بشكل يومي؟ وده أحسن نظام موجود عشان كسر ثبات الوزن. هو نزول الدهون بشكل عام بيتأثر بكل الفيتامينات في جسمك.
بالنسبة مثلاً، إذا في مشدات للبطن أو كريمات خاصة، هل فعلاً في حاجات زي كده تساعد بالتخلص من الكرش؟ الشخص اللي عنده دهون في البطن غالباً عنده مقاومة أنسولين. مع إن إحنا عندنا حاجات طبيعية ما من داء إلا وله دواء. هل ممكن أتخلص من الدهون في منطقة البطن بالنظام الغذائي فقط من غير ممارسة التمارين الرياضية؟ دي أحسن معادلة ممكن تعملها في الدايت، إنك تبقى بتزيد عضلات وبتنزل دهون.
أهلًا فيكم بهذه الحلقة، رح نتكلم بهذه الحلقة عن موضوع يهم الكثير من الأشخاص، اللي هو موضوع الدهون المتواجدة في منطقة البطن، أو ما تسمى دهون الكرش. فبهذا الفيديو راح نعرف الأسباب، أيضًا راح نعرف الحلول العملية. واستضفنا بهذا الحلقة ضيفة مميزة جدًا، اللي هو الدكتورة ندى.
أهلًا بكِ، ونورتي البودكاست.
الله يسلمك، إن شاء الله نورتينا.
الله يخليكِ. ممكن تدينا تعريف بسيط، من هي دكتورة ندى؟
أنا ندى، شخص عادي، عندي تارغت واحد في الحياة، إنّه من أول ما بدأت الشغل في التغذية عامة، إنّه زيادة الوعي. لأنّه لو الشخص بتقول له إن كل الناس بتقول معلومات، ولكن الوعي هو اللي بيفرق عند الشخص. لأنّه لو أنت عارف إن الحاجة غلط، حتى لو بتعملها، هتقلل أو هتحط لها ليمت. فلما تعرف إيه الصح من إيه الغلط، أحسن ما تكون مغيب، يعني بتاكل الحاجات اللي موجودة قدامك، مش مهتم بصحتك، لحد ما يظهر عندك مرض. فده الهدف دايمًا بتاعي، حتى من السوشيال ميديا ومن أي حاجة، إنّه زيادة الوعي عند الناس، وإن إحنا نعرفهم إيه الصح وإيه غلط، حتى لو هعمله، بس أعرف إن هو غلط، أحسن ما أبقى فاكره صح.
اممم ممتاز. طيب السؤال كده يدينا انطباع عن نفسك، اللي هو إيه فطرت النهاردة، أو فطرت إيه النهاردة؟
أنا ما بفطر خالص خالص، ومش معترفة بوجبة الفطار.
طيب زي زي مدرسة كبيرة جدًا من المدرسة الحديثة في التغذية عامّة.
طيب وجبة الفطور على أساس إنها وجبة صحية أو أساسية؟
بالضبط، في ناس بقى إحنا قعدنا قرون بيتقال إنّه وجبة الفطور دي أهم وجبة في اليوم، مش هتلاقي حد أو حاجة علمية بتقول كده، غير شخص واحد اسمه هارفي كيلوج. الشخص ده اللي اخترع، أول واحد طلع الكورن فليكس. الشخص ده لما طلع الكورن فليكس، كان حملة الدعاية بتاعته قائمة على إن هو بيماركت للكورن فليكس من إنّه أهم وجبة هي الفطار. فأنا جبت لك حاجة سهلة وسريعة، عشان ما تضيعش وجبة الفطار. ولكن الجسم غير مهيأ إن أنت يعني، ربنا ما خلقك عشان تقوم من النوم تاكل. ده حاجة بتعطل وظائف الجسم كلها، يعني الموضوع تسويقي أكثر أو تجاري يعني.
طبعًا لترويج مثلاً بالطّ، وده برضه اللي بيخلي الناس لما بتعمل صيام متقطع، هي بتلغي الفطار، بترحل الفطار، ده اللي بيخلي صحتهم أحسن. طيب ليه كل الأبحاث الجديدة اللي اتعملت على جسم الإنسان والخلايا والأنسجة وكل الكلام ده، بتقول إن أنت لما بتترك وجبة الفطار جسمك بيشتغل أحسن؟ لأنّه أشوف أكثر من يعني إنهم يصبوا نفسهم على وجبة الفطار. ما هي دي فكرة بقى إن أنا يا إما مفطرش يا إما أفطر صح بس، لكن الناس عادة دلوقتي بتتفنن في الفطار، معجنات وإلى آخره. الفطار الصح هو إن أنت تصحى تاكل بروتين مع مصدر ألياف، اللي هو الخضار أو السلطة. أما النشويات، المعجنات وغيره، أنت كنت نايم بقى فترة، سكر الدم مستقر، الأنسولين ما خرجش، فتصحى تخضّه كده يعني.
مظبوط؟
صح.
صح. وكمان هذا أعتقد يساعدنا بالتخلص من دهون البطن، اللي هو موضوع الحلقة.
طبعًا.
طبعًا. الصيام بشكل عام.
اممم.
طب خلينا نتكلم دلوقتِ عن موضوع دهون البطن، نركز بهذا الموضوع. يلا بينا. إيه هي أسباب مشكلة تجمع الدهون في منطقة البطن؟
طيب، إجابة السؤال ده تخلينا نشوف الأول هو إيه نوع البطن؟ لأنّه الدهون بتتراكم في البطن بكذا شكل، وكل شكل ليه سبب. زي مثلاً البطن الهرموني، ده البطن اللي هو تجمع الدهون حوالين منطقة البطن والأجناب، ده بسبب مقاومة الأنسولين عندك. البطن المتوتر، ده بسبب ارتفاع الكورتيزول، والناس اللي طول الوقت عندها ستريس ومشاكل، فالكورتيزول بيرتفع، وده بيحفز تخزين الدهون في منطقة البطن. عندك بطن الولادة، ودي نوع منتشر جدًا عند السيدات، بسبب ضعف عضلات البطن بعد الولادة والحمل. وعندك البطن الكحولي، بسبب شرب الكحول، الكحول بيحفز تراكم الدهون الحشوية. عندنا البطن المتعرج، البطن ده بتلاقي ناس دايمًا عندهم البطن مقسومة نصين، نص فوق ونص تحت، وفي النص بتلاقي فيه خط واضح، آآ ده بيكون بسبب القعود طول الوقت، الشخص طول الوقت قاعد، عادات غذائية كمان غلط. فالبطن ليه أنواع كتير، أي يعني أكثر من عامل يعني.
مو شرط الأكل؟
طبعًا لا، مش الأكل فقط، لا.
طب هل مثلاً طبيعة الجسم ممكن يأثر على تخزين الدهون في منطقة البطن؟ يعني مثلاً، يعني العوامل الجينية مثلاً؟
ممكن يأثر، في كذا حاجة بتأثر بقى على توزيع الدهون عامة، مش بس في منطقة البطن. أولهم أنت راجل ولا ست؟ الستات عندهم الاستروجين أعلى من الرجالة، فالاستروجين لما بيكون متواجد في الجسم بشكل عالي، اللي هو طبيعة السيدات، بيبقى توزيع الدهون في المنطقة السفلية عند أغلب السيدات. عندك العامل إن الراجل عنده الكتلة العضلية أعلى، فتكوين الدهون عنده بيبقى أصعب، حتى أنتو دايمًا بتتحسدوا، أنتم بتخسوا أسرع. عندك العامل الجيني، في ناس بتلاقي شكل العيلة كله عندهم شكل معين للجسم، تجميع الدهون في منطقة معينة، خاصة السيدات. أي في عندك عوامل بقى زي العادات الغذائية، زي اللايف ستايل، الشخص اللي طول الوقت قاعد غير الشخص اللي شغله بيتحرك طول اليوم، فده كله بيفرق في في الشكل بتاع الجسم عامة أو توزيع الدهون.
اممم، وكمان في عامل مهم ما ننساه، سن اليأس. سن اليأس عند السيدات، لما بتنقطع الدورة الشهرية، بيقل الاستروجين، فبيخلي توزيع الدهون في الجسم بيختلف عند السيدات.
مظبوط؟
صح. نلاحظ هذا الشيء بالضبط، إنّه بيتخزن في منطقة البطن بعد ما كان بيتخزن في الجزء السفلي، بتلاقي ظهر لهم بطن بعد سن اليأس، إلا اللي محافظ على الكتلة العضلية، فمهم جدًا يعني حتى للنساء بعد بعد السنة الخمسين مثلاً، التركيز أكثر على الحفاظ على الكتلة العضلية من بدري بقى. ما أنا لو هاجي بقى أعمل عند الخمسين مش هاقدر.
صح.
صح، بس يعني أهون من إنها ما تبدأ بالطّ.
بالضبط. طيب، في نوعين هتجد من أنواع الدهون ولا ولا في أكثر من نوع؟
في دهون تحت الجلد وفي الدهون الحشوية.
اممم.
طيب إيه الأخطر؟
الحشوية طبعًا. الحشوية، كرسة دهون على الكلى والكبد والبنكرياس، أمراض بقى يعني، دي أكثر نوع دهون خطرة، دهون ثلاثية، تعمل كبد دهني، تسبب كوليسترول، ارتفاع في الكوليسترول، ودي دائرة لو دخلت فيها مش هتطلع، يعني هتكمل بقى أمراض تانية كتير.
طيب يعني هي الدهون الحشوية هي الأخطر من دهون تحت الجلد؟
بالضبط.
تمام. طيب إيه خطرها على صحة الجسم؟
خطرها بيبتدي هو مش بس الدهون الحشوية يعني هي أخطر أنواع الدهون، بسبب تراكمها على الكلى والكبد والبنكرياس، وخاصة إنّه ساعات كمان بسبب تراكم الدهون على الكبد بنسميه الكبد الدهني، من كتر ما في ناس عندهم تراكم على الكبد الدهني ده، يعني بيظهر عندهم الكبد الدهني، بتبقى الكبد مش عارف يتمدد بالحجم الطبيعي، فبيبقى يظهر عندهم ألم كمان في الجنب، بنفتكرها بقى مرارة وحاجات تانية كتير، فهي خطرة، ولكن السمنة بشكل عام خطر، حتى لو أنت شخص منطقة تجمع الدهون عندك مش في البطن، ولكن هي السمنة أساس كل الأمراض أصلًا. طب لها علاقة بحدوث السكر من النوع الثاني، وطبعًا. اممم تراكم الدهون في البطن من أهم الأسباب إن اللي تخلي الشخص يدخل في مقاومة الأنسولين، ودي مرحلة قبل السكر.
طيب الحين عرفنا الأسباب، تمام. الحين نبغى نعرف الأنظمة الغذائية اللي تساعدنا بالتخلص من هذه المشكلة، في اللي هو النظام الدارج والشائع اللي هو الأنظمة مخفضة النشويات بكافة أنواعها، اللي هي عن طريق تقليل كمية النشويات. فإيه رأيك بهذا النظام، وهل هو فعال بالتخلص من الدهون في منطقة البطن؟
طبعًا فعال، أنت كل ما قللت النشويات، هو بالنسبة لجسمك النشويات هي مصدر طاقة، وأنت كشخص عندك زيادة في الدهون، المفروض إنّه جسمك عنده طاقة فائضة، الدهون دي عبارة عن طاقة فائضة، أنت أكلت أكل زيادة عن احتياجك، فجسمك خزّنه لحد ما يحتاجه. فأنت مش مدّي له فرصة يحتاجه، لأنك طول الوقت بتدخل أكل، فالجسم عشان يحتاج الطاقة دي يحرق دهون، لازم تدّي له ساعات صيام وتقلل الحاجة اللي بتتخزن، اللي هي النشويات، اللي بتقلل كمان ارتفاع سكر الدم وخروج الأنسولين، فهذه دائرة كلها. طب كمية الأكل برضه يحدد هذا الشيء؟ طبعًا، المفروض لو أنت عايز تنزل في الوزن لازم تعمل عجز سعرات، يعني في ناس بتقول لي أنا باكل أكل صحي، طب ما بخس، ما مش هتخسي، لازم أقلل السعرات، عشان جسمي يحتاج، فيحرق. في بعض الأشخاص برضه ملتزمين بالأنظمة وخفضة النشويات، خلاص هذا هو الأساس يعني، هم مفكرين إنّه كل ما قللت النشويات كل ما خلصنا، تخلصنا من دهون منطقة البطن.
صح؟
غير في آه، يعني هي لازم أحسب السعرات، لكن هو فكرة إن أنا أقلل النشويات صحيحة، أمنع نشويات خالص مش صحيحة.
اممم بس.
اممم. طيب، إيه أن صحينا بالأنظمة، إيش النظام اللي تعتبر أفضل نظام للتخلص من دهون البطن؟
الصيام المتقطع، أفضل نظام. صيام يعني ما كانش ربنا نزلّه في ديننا يعني، الصيام من أنفع الأنظمة اللي موجودة للصحة، مش بس لتنزيل الوزن، للصحة بشكل عام، اللي هو الصيام المتقطع ولا صيام الماء ولا كل أنواع الصيام؟
لا، صيام الماء بقى استنى، صيام الماء ده مش للتخسيس عشان نتفق يعني، في ناس كتير أنا شفتها بتقول أنا هعمل صيام المية ثلاث أيام، هخس 10 كيلو، وبعد كده خلاص، بس نظام صعب، النظام ده اتعمل لتجديد خلايا الجسم. اممم، لو قدرت تعمليه هتلاحظ فرق على جسمك كبير في التركيز، في الالتهابات، بيقلل الالتهابات جدًا، لأنّه جسمك بعد 16 ساعة صيام بيبدا يدخل في حاجة اسمها الأوتوفاجي، اللي هي الالتهام الذاتي. فلما جسمي بيبدا يدخل في الحالة دي، بيبدا يكنس كل الخلايا الميتة، ويبدا كمان يشغل الحرق، لكن هو مش للتخسيس يعني، ما ينفعش أعمله عشان أخس، ما أنا أول ما هرجع أكل هيجي لي شراهة أولًا في الأكل، وغير كده أول ما هرجع أكل جسمي هيزيد اللي أنا خسيت. صيام المية تعمل عشان يحسن الصحة، يعني يعني موضوع الصحة أكثر من إنّه خسارة دهون بالطّ.
اممم، فهذا نستبعده. طيب اللي هو الصيام، أنت ذكرت اللي هو الصيام المتقطع، يفيدنا. طيب ادّينا الطرق الصحيحة لاتباع الصيام بهدف التخلص من الدهون.
طيب، الصيام المتقطع ثلاث أنواع. في الصيام اللي هو اللي إحنا كلنا عارفينه، اللي هو صيام عدد ساعات معينة، بنبدأ بـ 12 ساعة، الأسبوع اللي بعده 14 ساعة، اللي بعده 16 ساعة، لحد ما توصل لأخر أسبوع اللي هو بيكون وجبة واحدة في اليوم، وبترجع تعيد من الأول، مع ملاحظة إن السيدات ما ينفعش إن هم يعملوا صيام متقطع الشهر كله، الرجالة اللهم لا حسد بيعملوا الصيام المتقطع ممكن يعيش عمره عليه عادي.
أي، النساء؟
طب متى الفترات اللي الأفضل لهم إنهم قبل الدورة الشهرية، البروجسترون بيعلى، البروجسترون بيحتاج نشويات، ف أنا وبيحتاج إن أنت يكون الجسم يدخل له تغذية سليمة، فما ينفعش إن أنا أعمل صيام فترات طويلة، فده وقت الدورة الشهرية، فالسيدات تقريبًا اللي يقدروا يعملوه في صيام متقطع هو أسبوعين. ده أول نوع من أنواع الصيام. ثاني نوع من أنواع الصيام هو الصيام العكسي، اللي هو يعني المفروض إنّه ربنا خالق فطرتنا بيه، إن أنت بتاكل من شروق الشمس عادي لحد غروب الشمس. ليه يعني؟ ليه ده نظام صحي؟ لأنّه أنت بعد غروب الشمس بيبتدي الميلاتونين يخرج في الجسم عشان يهيئك النوم، ووجود الميلاتونين لما تدخله تدخل لجسمك أكل، بيبدا الجسم يبقى في سكر دم بيعلى، وأنا المفروض جسمي هيتهيأ للنوم، أنا داخل أنام، كل العمليات الحيوية بتبتدي تقل، حتى الحرق بتاعك، فلو أنا حرقي ابتدى يقل، والميلاتونين عالي، دخلت أكل، السكر عليّ والأنسولين عليّ، اللي بيحصل إيه؟ جسم يخزن، أنا مش محتاج طاقة دلوقتي، أنا هنام.
مظبوط؟
صح. أنا شفت النقطة دي بخصوص الصيام دايمًا صحيح بالانستغرام، وبالمناسبة حسابات دكتور ندى راح أحطها بصندوق الوصف، اللي هو حسابها على الانستغرام، راح تقدم معلومات كتير، وراح تستفيدوا من الحساب بشكل كبير. فخلينا نتكلم طيب عن الصيام بالنسبة للرجال أو النساء، مثلاً نفرض مثلاً الرجال، هل ممكن اتباع الصيام بشكل يومي؟ ولا عادي يعني الموضوع؟
لا، عادي، بالعكس صحي جدًا، حتى للنساء.
أه، حتى للنساء، ولما بعد فترة أصلًا من أي نظام بتلاقي جسمك أخد على اللي أنت بتعمله، فبينزل بمعدل الحرق. ده بقى اللي خلى أخر نوع بقى موجود، اللي هو صيام السعرات. ده النظام اللي بيتعمل لما يكون جسمك خلاص أخد على اللي أنت ما بتنزلش في الوزن، ومش هينفع تعمل عجز سعرات أكتر من من 500 سعر، لأنّه ده هيضر صحتك. صيام السعرات عبارة عن إن أنت يوم بتاكل ثلاث وجبات، واليوم اللي بعده بتاكل وجبة واحدة، فجسمك بيبقى يعني كل يوم بتغير، فالجسم ما بيثبت عند مرحلة معينة، وده أحسن نظام موجود عشان كسر ثبات الوزن. وعند اتباع الصيام ضروري برضه نحسب السعرات ولا عادي يعني؟ أنا أشوف كثير من الأشخاص يتبعوا الصيام، بس في ساعات الأكل يعني معلش بياكلوا الأخضر واليابس.
لا، كده إحنا بنستعرض بقى.
أيوه، يعني غلط. هذا غلط طبعًا، لأنّه في الآخر أنت اللي بيحكم في جسمك سعرات، فعندك مثلاً في الصيام المتقطع، اللي هو ساعات اللي أغلب الناس عارفته، عندك ثمان ساعات بتاكل فيهم، هتاكل سعراتك برضه، مش هينفع أكل الأخضر ويابس، أقول ما أنا صايم طول اليوم.
أيوه، لأنّه في ناس كتيرة مفكرين إن لا خذ راحتك.
أيوه. طيب نرجع لموضوع اللي هو دهون البطن. طيب في أشياء أو أو مثلاً نقص فيتامينات أو معادن أكلنا تمام تمنعنا من نزول الوزن أو نزول الدهون في منطقة البطن؟
طيب، هو نزول الدهون بشكل عام بيتأثر بكل الفيتامينات في جسمك. في حاجات أساسية بقى زي فيتامين دال، الحديد، المغنيسيوم، كل الحاجات دي صحيح ليها أعراض، ولكن نقصها بيخلي الجسم في حالة ميتابوليزم قليل، فطبعًا نقص الفيتامينات بيأثر. اممم، فيتامين د مهم جدًا، من أهم الفيتامينات على للإنسان عامة، بصفة عامة، السيدات أهم عنصر عندهم هو المغنيسيوم، والرجال أهم عنصر الزنك. أه. طيب في مكملات، يعني أنا مثلاً خلاص التزمت بنظام غذائي صحي، الصيام المتقطع، حسبت السعرات الحرارية، مارست التمارين الرياضية كمان، اللي تساعدني بالتخلص من الدهون، لكن في بعض المكملات ممكن أتناولها تساعدني بتسريع حرق دهون البطن؟
طيب، الشخص اللي عنده دهون في البطن غالباً عنده مقاومة أنسولين، فلو هنتكلم على أعشاب تحسن من دهون البطن أو تنزلها أسرع، فهنّا نتكلم على الأعشاب اللي بتزود أو بتحل مشكلة مقاومة الأنسولين، زي البربرين، وده للأسف أنا معرفش هو ليه إحنا كمجتمعات يعني ما عندناش الثقافة بتاعة البربرين ده، يعني بره بيستخدموه بشكل كبير جدًا. بربرين من أهم الأعشاب اللي بتزود حساسية الجسم للأنسولين، وبتفتح الخلايا للأنسولين. الحاجة التانية القرفة، يعني أنا بشوف ناس كتير أكتب له القرفة يقول لي ما بحبش طعمها، بحبها عادي يعني، اعتبرها دواء، دايمًا بندور على الأدوية، مع إن إحنا عندنا حاجات طبيعية ما من داء إلا وله دواء. كل حاجة حاجة طبيعية موجودة تساعدنا على الحاجات دي، لكن إحنا بنستسلم. [موسيقى] فالقرنفل، بيخفض سكر الدم في الجسم. دول مثالين لحاجتين الناس بتتجاهلهم تمامًا، الكركم، الكمون، القرنفل، كل دي حاجات فعالة جدًا في مقاومة الأنسولين وفي دهون البطن.
ممتاز. هذه نضيفها مثلاً مع الأكلات ونشربها كمشروب ساخن مثلاً؟
مشروب أفضل بالنسبة للقرفة، فهو أفضل نوع من أنواع القرفة هو القرفة السيلانية، اللي هي بتبقى يعني أنضف أنواع القرفة. أه. بالنسبة للبربرين، فهو عشبة بتتعمل زي الشاي، ولكن في منها دلوقتِ تابلتس، لأنّه الحصول عليها كعشب صعب في الدول بتاعتنا، فموجود في شكل تابلتس. أه. طب والمكملات، فيتامينات أو معادن، يعني لازم كلنا يعني؟
في حاجات لازم نأخذها، أولًا الملتي فيتامين هو مش علاج هو وقاية، يعني ما ينفعش يبقى عندي فيتامين معين قليل آخذ ملتي فيتامين، هو النسب بتاعته مش كافية إن هي تعالج مشكلة معينة، زي مثلاً أنا لو عندي نقص حديد لازم آخذ حديد بعينه، ما ينفعش إن أنا أروح آخذ مكمل غذائي ملتي فيتامين عشان أزود الحديد، فلازم آخذ مغنيسيوم، ده لازم أحافظ عليه قبل النوم، لازم آخذ الزنك، لازم آخذ فيتامين د، لازم آخذ الأوميجا، الأوميجا مهمة جدًا بس، فدي مجموعة حاجات لازم تبقى موجودة بشكل يومي. طيب خلينا نتكلم عن الخرافات أو المعلومات المغلوطة اللي اللي الناس تعتقد فيها إنّه تساعدهم بتخلص من الدهون في منطقة البطن، اللي هي مثلاً زي مثلاً استهداف أو تمارين رياضية تستهدف منطقة البطن، هل هذا الشيء صحيح إنّه نستهدف منطقة معينة بهدف التخلص من هذه المنطقة؟
طيب، هي الموضوع صح وغلط في نفس الوقت، يعني ما فيش تمرين هينزل لي دهون من منطقة معينة، ولكن في تمارين بتستهدف عضلة معينة، فأنا لو زودت الكتلة العضلية في المنطقة دي، خلي التخلص من الدهون فيها أسرع، زي مثلاً البطن أو الدراعات مثلاً، في ناس بتبقى دراعاتها مترهلة أو فيها دهون كتير، لما بيلعب رياضة أو كارديو مثلاً للجسم كله بيخس، ولكن بيحصل ترهل، فلما ألعب تمارين مقاومة بتضبط شكل الجسم، لكن هي التمارين مش بتستهدف منطقة معينة.
أوكي، يعني عامل مساعد يعني بالظبط.
طيب، بالنسبة مثلاً إذا في مشدات للبطن أو كريمات خاصة، هل فعلاً في حاجات زي كده تساعد بالتخلص من الكرش؟
هي بتساعد على الترهل، بتساعد عكس آه، طبعًا لا، المشدات دي والحاجات دي عند السيدات كانت عادة في فترة ما عشان الفستان يطلع شكله أحلى، الكلام ده بس للأسف يعني إحنا دلوقتِ بنعاني بقى عشان نرجع نشد الجلد تاني، وميد ثرابي بقى وبندخل في قصص حقن، لأنّه الحاجات دي كلها بتعمل ترهل في الجسم. اممم، فعشان كده الناس ما نبغاه يضيعوا وقتهم على الفاضي باستخدام أدوات. هو إحنا كده يعني كشعوب عربية في المطلق إحنا بنحب نلف حوالين المشكلة بدل ما نحلها، وبنحِب الأشياء السهلة.
بالضبط. وفي الآخر هروح للحاجة وحل المشكلة بالحل الأولاني، طب ما ضيعت وقت ليه؟
صحيح.
والله صح، صح، صادقة. طيب، بالنسبة ل مثلاً اللي هو رجيم الديتوكس والحاجات دي برضه فعالة ولا؟
هتنزلك جدًا في الوزن، كتلة عضلية ومية وشويه دهون.
أه، كتلة عضلية طبعًا.
طب هذا أمر غير صح إنك ما بتاكلش يعني؟
طب وبعدين هو الجسم عايز طاقة، فهِيبتدي إن هو الكتلة العضلية بتاعتك تنزل، المية تنزل، وشويه دهون هتنزل، بس الجسم طول ما أنت مدخله في الحالة دي هيبقى مضطرب، فنسبه الحرق بتاعتك هتقل جدًا، ونرجع بعد كده أول ما هتتوقف الديتوكس وتدخل أكل هتبتدي تزيد بسرعة جدًا، غير شراهة الطعام اللي بتحصل بسبب الحرمان، فغلط يعني، حاجات دي غلط للأسف. طب هل في مثلاً مشروبات في الصباح مثلاً، أنا سمعت إنّه مثلاً اللي هو مشروب الليمون الدافئ في الصباح على الريق إنّه يحرق دهون، يستهدف دهون المتواجد في منطقة البطن، هل هذا الشيء صحيح؟
حد غلب كان زمان، ما فيش حد عنده سمنة. لا، الحاجات دي أصلًا على الريق يعني، الليمون على الريق أصلًا غلط جدًا على المعدة، يعني مع على المدى البعيد بيسبب التهابات في جدار المعدة، ف يعني لو دي حاجة بتخسس كان زمان كل الناس عملتها.
طب إيش المعلومات الخاطئة اللي ما ذكرناها ممكن الناس عشان لا تضيع وقتهم وتعبهم على الفاضي؟
في أشياء ثانية غير بص، أنا في حاجة برضه سمعتها كتير قوي، إن في ناس بتعمل دايت اسمه دايت القهوة، دايت اللي هو يشرب قهوة بس، اللي هو بيشرب قهوة بس كل ما يجوع يشرب كوباية قهوة، فبس نفسه طبعًا، يحس إن هو بقى يعني أنا عامل إنجاز، أنا ما أكلتش اليوم كله، فهي نفس الفكرة، أنت أولًا بتجيب لنفسك ارتفاع في الكورتيزول، ارتفاع الكورتيزول بيزود تراكم الدهون مش العكس، فبتقلل معدل الحرق بتاعك. الحاجة التانية إن دي مشاكل بقى كمان في المعدة، الكورتيزول لما بيرتفع التوتر عندك بيزيد، ف وفي الآخر مش هتخس برضه. اممم عضلية؟
طب يعني الكتلة العضلية أكيد طبعًا.
وراها مصايب طبعًا يعني، وراها ترهلات وشكل الجسم أصلًا ما راح يكون يعني، هو يشوف الأرقام أو الرقم اللي بالميزان نازل بس لا، الشكل بالظبط راح يكون سيء بصراحة.
طبعًا. طيب، خلينا نتكلم مثلاً عن مواضيع الخيارات الطبية أكثر.
أكيد طبعًا، تكون تحت إشراف طبي، يعني يكون تحت مُراقبة أو إشراف طبي، اللي اللي هو موضوع التكميم، هل يعتبر حل فعال للتخلص من دهون البطن، وراح الشخص يتخذ هذا القرار؟
طيب، بص إحنا لو هنبص على الحلول دايمًا بيبقى عندنا سيء وأسوأ، فأنا دلوقتِ عندي مثلاً شخص وزنه معدّي الـ 100 كيلو، أوكي، والشخص ده بدا يجي له أمراض بسبب السمنة، بسبب زيادة الوزن، فهل أنا الصح يعني إنّي أسوأ إن هو يجي له يبدا يجي له أمراض مزمنة، ولا إن هو يعمل تكميم؟ هنا إحنا بنقارن من سيء وأسوأ. اممم، دي الحالات اللي تلجأ للتكميم، لأن أنت عشان تخلي الشخص ده خلاص هو جاله إنذار خطر يعني، في خلال شهور لو ما نزلش الوزن ده هتبقى كارثة، فهل أخليه يعمل تكميم ولا أ أخليه يدخل في الأمراض بقى دي؟ إن هو لو قادر يخس بالدايت كان خَس. اممم، مش كل لازم نقتنع إنّه مش كل الناس تقدر إن هي تعمل دايت بالالتزام على مدار فترة طويلة، وتحقيق التارجت بتاعها. في ناس كتير بتقع في النص، هو أغلب الناس عندها زيادة كام كيلو؟ من 10 لـ 30 كيلو.
مظبوط؟
دي الغالبية العظمى، هل نزول، لو هنّيجي نحسبها بالورقة والقلم، نزول الكلام ده ما ياخدش ست شهور، أوكي، بس اللي بيحصل إيه؟ إن الناس بتمشي على الدايت أسبوع وتريح أسبوع، أسبوعين وتريح أسبوع، وبعدين في ناس بتزهق في النص وتسيب الدايت خالص، وبينتقم بقى، فهي الفكرة كلها في المايند ست، إن الشخص يبقى إحنا حوالين المغريات كتير قوي يعني، دلوقتِ بقى مش زي زمان، زمان كان هو أكل البيت ويعني مرة في الشهر الناس بتاكل برة، دلوقتِ بقى الطبيعي وترند كذا وترند الشوكولاتة الكذا وترند الكنافة مش عارف إيه، فالناس طول الوقت عايزة تجرّب، والفود بلوجرز مش مقصرين، ربنا يديهم الصحة بس، فالناس بقت صعب إن هي تعمل دايت، صعب جدًا، مش سهل خالص. طيب الحين نأخذ الخيار الأوسط اللي هو بين النظام الغذائي وممارسة التمرين وبين التكميم، النظام الأوسط اللي هو إبر التخسيس أو إبر التنحيف، تمام. إيه رأيك؟ هل فعلاً يساعدنا بتحقيق هذا الهدف بنزول الدهون في منطقة البطن؟
بص، الموضوع ده بقى بقى ترندي قوي، وعلى فكرة إبر التخسيس دي موجودة من زمان، من يعني من أول ما ظهرت أول شركة عملت الإبر دي، لكن هو دلوقتِ السوشيال ميديا بقت بتنشر كل حاجة بسرعة جدًا، فالناس بقت كلها عندها حب التجربة حاجة سهلة تخسسني بسرعة، فبقى في ناس كتير بتأخذ دي وهم مش محتاجين لها، لأنّه هي دواء، لو أنت مثلاً ما عندكش ضغط وأديتك دواء ضغط، هل ده عادي؟ مش عادي، هتتعب وهيجيلك مضاعفات، ف وبلاقي ناس بتهاجم النوع ده من الإبر، هي دواء زيّه زي أي دواء، اللي محتاج له هيبقى نتيجته رهيبة معاه، اللي مش محتاج له هيتعب طبعًا، هيتعب له ويجيب له المشاكل بقى اللي إحنا بنسمعها من الممثلين وغيره دلوقتِ، وأكيد ضروري يكون تحت إشراف طبي.
طبعًا، لازم تبقى تحت إشراف طبي، لأنّه وللأسف أنا معرفش هي ليه بتتباع للعامة يعني، للناس، اللي هو أنا أروح الصيدلية أشتري الإبر دي، ده ده من الحاجات المفروض تتمنع يعني.
أي، كارثة صراحة.
بالضبط صح. طيب، خلينا نبدا خطوات عملية، يعني نفرض أنا قررت إنّي أبدأ بمرحلة التخلص من دهون البطن، تمام، ادّيني الخطوات البدائية اللي راح أمشي فيها اللي تساعدني على تحقيق هذا الهدف.
طيب، أنا الأول هقول لكِ، أول خطوة في الموضوع للسمنة عامة اممم، إنك تغير تفكيرك، طول ما أنت باصص للأكل الصحي على إنّه أكل دايت مش هتنفع تخس، ولو خسيت هترجع تاني، لأنّه أنت شايف إنك محروم من حاجة، لكن لو أنت اقتنعت وشفت إنّه ده الأكل الطبيعي اللي ربنا خلقنا بنأكله، لما بطلع أتكلم على حاجة أقول دي مضرة، الناس ما تستهلكها بشكل كتير، زي الزيوت المهدرجة مثلاً، أه، الناس بتعترض جدًا وإحنا بنستخدمها وبيحصل لناش حاجة، مش لازم أستنى لما يحصل لي.
مظبوط؟
صح. تمام، أه. طب ناكل إيه؟ أكل كل ما خلقه ربنا، أي حاجة ربنا خلقها دي دي تبقى عادي في يومي، لكن الحاجات المصنعة الجديدة اللي مش ربنا اللي خلقها دي حاجات لازم أبعد عنها قدر المستطاع، حتى لو مش همنع أبعد عنها وأبقى عارف إن ده طبيعي، أنا مش بعمل حاجة إكسترا يعني، ده العادي بس. دي أول خطوة، تاني خطوة إنك لازم تدّي جسمك فرصة إن هو يحرق، يحتاج الدهون اللي عندك، فلازم أبقى بعمل صيام. الخطوة الثالثة إن أنا أبدأ أحسب الأكل اللي أنا باكله، يعني أنا عايز أكل مثلاً وجبتين، ظروفي مش مناسبة غير إن أنا أكل وجبتين، كل وجبتين بس، خلي أول وجبة بدون نشويات، تاني وجبة بنشويات، لو أنت عايز تفطر أي تبقى الوجبات اللي أنا باكلها في الوقت بتاع الفطار ضمن سعراتي. ثالث حاجة الحركة، حتى لو أنت شخص ما عندكش وقت للرياضة، لازم أبقى بتحرك، حتى لو الناس اللي شغلها مثلاً طول الوقت قاعدة، قوم امشي وارجع تاني اقعد، يعني حتى لو أنا مش هقدر إن أنا أنزل بقى تراك وامشي، لا خالص، مش ده المطلوب طبعًا، بتفرق، تحرك على أقل الجسم بتحرك الخلايا، بتخلي الجسم، سكر الدم ينتظم، من أنفع الحاجات اللي في الدنيا عشان تقلل كمان مقاومة الأنسولين، إنك تبقى بتمشي 10 دقائق بعد الأكل.
ممتاز، لأنّه سكرّك لما بيعلى، أنت جسمك قمت مشيت بقى، فالجسم محتاج، هو جسمك مش عارف يستقبل الأنسولين، فلما بتمشي جسمك بيبتدي يحتاج سكر عشان الطاقة، فبيبدأ يفتح للأنسولين الخلايا اللي قافلة في وشه دي. بس دي دي تاني خطوة، الحركة، ثالث خطوة، الحاجة الرابعة والمهمة واللي ناس كتير مش قادرة تعرف أهميتها لحد دلوقتِ هي النوم. الشخص اللي بينام ثمان ساعات منتظمين من ست لثمان ساعات بالليل، مش الصبح، حرقه مختلف تمامًا عن الشخص اللي بينام الصبح ويسهر لحد الفجر، فدي نقطة الناس مش مش قادرة تدركها. والحاجة الأخيرة هي التوتر، دي حاجة أنا عارفة إن هي ما بقتش رفاهية لبعض الناس يعني، إحنا حياتنا أصلًا دلوقتِ كجيل كمان كلها توتر.
صحيح.
بس في حاجات أنا بإيدي إن أنا أبعد عنها، فلازم أبقى عندي فكرة إنّ صحتي أهم، خاصة الجيل بتاع العشرينات يعني، سن العشرينات دايمًا شايف إن أنا بصحتي ويا أرض تهدّي مع عليكي قدي، بس بندم قدام بس
أفضل يعني بالضبط فابدا بالـعادات، ابدا ان انا مثلا اخصص حتى لو ربع ساعة في اليوم امشي فيها. دي عادات ابدا اغيرها، ابدا اراقب شربي للمايه، اهتم بشرب الميه. الميه مسؤوله عن 30% من الحرق بتاعك، فلازم اهتم بالعداد دي الاول واتمكن منها، وبعدين هتلاقي نفسك نزلت على فكرة في الوزن. تغيير العادات لوحده بينزل في الوزن. وبعدين ابدا اشوف بقى لما الاقي ان انا خلاص جسمي اتعود على الطريقه دي، ابدا اغير، اغير الجسم، امشي بقى على النظام اللي يناسبني حسب ظروفي. لان برضه الصيام المتقطع مثلا ما ينفعش مع الحامل، ما ينفعش مع اللي عندهم فيه رضاعه، ما ينفعش مع اللي عنده سكر من النوع الاول. فكل شخص يناسبه دايت، ما ينفعش انا اشوف حد خس على دايت فاقول له طب هاته بقى انا امشي عليه، مظبوط؟ صح، صح. حتى لاحظ ان البدايه تكون صعبه بالغالب دايما، لانه الشخص لسه بيكتشف ايه اللي يناسب جسمه. ولكن في حاجات عامه للجميع زي مثلا انت تترك وجبه الفطار، حتى بتاثر على مستويات الشبع. يعني الناس، انا بسمع الكومنت ده كتير، الناس بتقوللي انا لما بفطر بفضل جعانه طول اليوم، لما ما بفطر بتحكم في الجوع اكتر، مظبوط؟ صح. دي شويه عادات نعملها في الاول، وبعدين لما يقف الجسم عند كده نبتدي نغير. بس طيب، انا الحين خلاص التزمت بهذه العادات وبالنظام الغذائي ومارسه التمرين، طيب كيف اراقب مستوى تقدمي؟ يعني هل اراقب الوزن؟ هل اراقب مثلا قياسات اخرى، قياسات الجسم؟ ايش الاشياء اللي ممكن اراقبها باستمرار بشكل مثلا شهري او شكل اسبوعي؟
طيب انا ممكن يبقى قدامي شخصين، الاثنين وزنهم 70 كيلو، واحد فيهم انا اشوفه انظر ليه كده احس ان هو عنده دهون زياده، والتاني ابصله الاقي في فورمه معموله، يعني عضل. الفرق بين الاتنين ايه؟ هي نسبه الدهون للعضل. ف الوزن، الرقم بتاع الميزان ده مش مقياس تماما خالص. مقياسك هو، لانه في ناس كمان يعني بتجي لنا مثلا الاسبوع ده زايده على الميزان ولكن المقاسات نازله، طب ده اسمه ايه؟ اسمه ان انا زدت في الكتله العضليه ونزلت في الكتله الدهنيه، فدي احسن معادله ممكن تعملها في الدايت انك تبقى بتزيد عضلات وبتنزل دهون. بس في ناس ما تحب تسمع الكلام هذا، في ناس يعني مجرد انه الوزن ثابت خلاص، يعني الدنيا متقفله عندهم. ما انا لازم اراقب المقاسات. عشان كده دايما انا لما بيبقى عندنا حاله في العده بقول له ما توزن انت توزن عندي، عشان انا عندي جهاز اقدر اعرف بيه انت ا نزلت دهون زدت عضل، ولكن المقياس بتاعي هو المقاسات، وانا ماعرفش ليه الناس لحد النهارده بتهتم بالميزان. يعني انا بشوف ناس والله بيجي مقاساته نازله والميزان من القياس نازله بس هو زعلان، انا عايز رقم الميزان ينزل! امم، فشكله تتحسن بالضبط، هو الموضوع كله هنا امم في العقليه امم، وللاسف خدنا الانطباع هذا انه الوزن هو اهم حاجه، يعني لا لا، طالما نزلنا بالوزن ما يهمنا الشكل، ما يهمنا الترهلات. وبالنهايه يعني اعتقد ان الشخص هيندم، بادان طبعا بيندم وبيحاولوا يصلحه، بس للاسف لما بتبقى وصلت لمرحله ان الكتله العضليه بتاعتك نزلت قوي كده يبقى الاصلاح اصعب من ان انا اخس، مظبوط؟ لانك لما تيجي تشد الجلد انت هنا بقى محتاج رياضه خلاص مافيش مفر. فانت طب من الاول يعني؟ صحيح، صحيح. الناس دايما تيجي وخلاص يجوا، والمصيبه جدي حصلت بالضبط. هم ما بيقولنا فعلا غير بالمصيبه يعني.
طيب يعني يعني على حسب فهمي انه انه طالما محيط الخصر في نزول هذا مؤشر ايجابي، حتى اذا لاحظنا ثبات بالوزن او زياده حتى طفيفه، ط طبعا هذا يدل انه مثلا في زياده بالكتله العضليه، تحسن شكله للجسم. فبط ونسبه الميه كمان لما بتزيد بتوزن على الميزان، فده شيء المفروض الناس تبقى فاهماه، انه رقم الميزان ده مش مقياس ابدا. طيب الحين نتكلم عن موضوع الكرش مثلا، هل حجم الكرش يفرق مثلا اذا كان حجم بسيط تمام مو زياده كبيره؟ هل هذا برضه راح ياثر علينا؟ طيب هو ظهور الكرش ده بيعني ايه؟ انذار من الجسم انه في فائض عن حاجتي وعمال يتراكم على الاعضاء الداخليه، فهو من بدايه ظهوره هو انذار، فانا تجاهلت الانذار فالحجم عمال يزيد، فهو من بدايته لحد نهايته هو خطر، الخطوره بتتدرب بتزيد مع الوقت، ولكن مش لازم استنى لما يبقى مش قادر اتنفس عشان احل، ممكن على الاقل على فكره يعني في الاول كمان لما بيبقى الموضوع في بدايته بيبقى اسهل بكتير، مضبوط؟ لما تحب تنزل 5 كيلو غير لما يبقى مطلوب منك تنزل 55، فصح، الفتره تطول معك بالضبط. امم. طيب هل ممكن اتخلص من الدهون في منطقه البطن بالنظام الغذائي فقط من غير ممارسه التمارين الرياضيه؟ اه طبعا ممكن، طبعا. امم، يعني انا مره عل ناس كتير جدا بتخس، لانه هو الموضوع جسمك محتاج طاقه، هياخد من الدهون المتراكمه، يعني لو خليت فيه عجز سعرات جسمك محتاج الطاقه فهياخد من الدهون. اما الرياضه هي بتحسن شكل الجسم، تزود لي الكتله العضليه فتخلي لما اخلص خلاص وصلت لوزن الثبات، ارتدادي في الوزن ما بيحصلش بسرعه، ممكن ما يحصلش اصلا طول ما انا محافظ على الكتله العضليه. ممتاز، ممتاز. لكن نزول الوزن عادي، في ناس كتير بتنزل في الوزن بدون رياضه، لانه الاحظ كثير من الاشخاص انه اوكي تخلصوا من دهون البطن لكن بعدين تجيهم بعد سنه سنتين دهون البطن رجعت من جديد، ف الحلول او الخطوات انه انه بعد ما نتخلص من دهون البطن انه نحافظ على هذا المستوى، ايش هي الخطوات اللي ممكن نتبعها بعد وصول للاهداف؟ ان انا احافظ على العادات، هرجع واقولها تاني، انه العادات اللي انا خلاص انا خسيت بيه هي دي اصلا العادات الصحيحه، هي مش عشان انا عامل دايت، يعني لازم اكمل عليها علشان اضمن لنفسي كمان مش بس ان انا متخنش، اضمن لنفسي صحه، السمنه مسؤوله عن اي مرض، حتى الاكتئاب هتلاقي ليه دخل بالسمنه، فكل الامراض مرتبطه بالسمنه واحنا عندنا ما شاء الله عوامل كتير دلوقتي حوالينا بتجيب امراض، ف يعني على الاقل تبقى دي مضمونه. امم. طيب مثلا انا ملتزم بنظام غذائي وممارسه تمارين رياضيه، جميع العادات الصحيه اللي ذكرتيها اتبعها بس ماني قاعد الاحظ النتائج لا بقياسات الجسم ولا حتى بالوزن، طب ايه المشكله ممكن تكون هنا؟ المشكله بتبقى حاجه من الاثنين، يا اما انا بعمل حاجه غلط في النظام الغذائي زي مثلا الناس اللي بتمنع النشويات تماما، بعمل حاجه غلط ده ده مثال في الدايت. الحاجه الثانيه ان انا عندي مشكله صحيه منعه ان الميتابوليزم بتاع الجسم ينتظم، معدل الحرق. فهنا يبقى لازم احلل الاول، اعمل تحاليل، اشوف فيتامين د، اشوف الحديد، احلل سكر تراكمي، احلل غده، دي كلها حاجات مسؤوله عن الحرق بشكل مباشر، بتاثر بشكل مباشر على الحرق. فدول السببين، غير كده مش هتلاقي يعني مافيش سبب تالت. طيب هل في طرق مختلفه بين الرجال والنساء ولا كلهم ممكن يتبعوا نفس النصائح اللي ذكرناها؟ النصائح العامه للصحه اللي احنا ذكرناهم؟ لا مافيش، ولكن طرق الدايت زي ما ما قلنا انه مثلا في انظمه غذائيه ما تنفعش مع السيدات في اوقات معينه، ف يعني في الرضاعه لازم الست تبقى بتاخد نظام متوازن، في الحمل ما ينفعش اعمل دايت اصلا، مش هعمل عجز سعرات، امشي على نظام صحي عشان لما ازيد ازيد وزن الحمل، وبعد الولاده ارجع للوزن الطبيعي. لكن في انظمه معينه ما تنفعش للسيدات، اما الرجال فالموضوع مرتبط بالحاله الصحيه، يعني لو هو عنده مرض معين يتماشى مع دايت معين، تمام؟ لو هو مثلا عنده حساسيه من حاجه خلي بالك انه حاليا في مثلا التحليل اللي هو الفود ماب تست، التحليل ده بيظهرلك 220 نوع من الاكل جسمك بيتحسس منهم، مش بقى الحساسيه اللي هي بيظهرلك مثلا حساسيه في الجلد، لا الموضوع اكبر من كده، في اكلات يعني في تحاليل بتبين لك انه انت الاكله دي هتزود في الوزن وبتطلع نتائج ماحدش بيتخيلها، يعني انا شفت واحده من الحالات عندها حساسيه الكوسه بتخنه، اه يعني الكو اللي هي يعني اكله صحيه عند العالم كله جسمها ما بيتعامل معاها تخنها. في ناس عندها حساسيه عاليه جدا للجلوتين، هو مجرد ما بيوقف العيش بيخس، السكر ده طبيعي عند كل الناس، فلازم ابقى فاهم جسمي وابقى فاهم انه مش اي حاجه تنفع مع اي حد. ممتاز، صح، اكيد الموضوع يختلف من شخص لاخر. بالضبط. طيب خلينا نرتب الموضوع اكثر كده يكون مفهوم للمشاهد انه مثلا بالنسبه للتخلص من دهون الكرش خلينا نرتب الخطوات اكثر، يعني مثلا الاسباب، العادات، ط انا هقوللك خمس حاجات، ايوه خمس نصائح الذهبيه، خمسه مختصرين: اولا تترك وجبه الفطار، واترك السكر الابيض، تمام؟ او على الاقل لو مش هتقدر تتركه ابعد عنه قدر المستطاع. الحاجه الثانيه انه تدخل النشويات المعقده مش البسيطه، تمام؟ شي يبقى في حركه في يومك، وتنام كويس بس. ممتاز، هذه اهم النصائح اللي يعني لو طبقنا هذه الخمسه نصائح يعني باذن الله حنشوف نتائج، مستحيل ما تلاقيش نتيجه، مستحيل. ممتاز، ممتاز. احنا اخذنا من وقتك الكثير والله يا دكتور، والله يا دكتور، ش استفدنا كثير بهذا البودكاست والله، والله شكرا لك يا دكتور، واكيد طبعا المتابعين استفادوا بهذه الحلقه، طالما وصلت لهذه الدقيقه فاكيد طبعا يعني يعني استفدت، وفي مفاهيم كثيره تنورت دماغك وتساعدك باذن الله على الوصول لاهداف، باذن الله، ويعطيكم الف عافيه.