Transcription
في ناس في حياتك بتتعمد انها تعمل لك مشاكل لان المشاكل دي بتخليها قادره انها تسيطر عليك. مثلا النرجسي المعفن اللي بيتخانق معاك قبل عيد ميلادك او المناسبات وبعدين سبحان الله شوف ازاي يصلحك بعد المناسبه دي ما تعدي وتبقى انت كده ايه وفرت عليه ثمن الهدايه اللي كان المفروض يجيبها لك.
او زميلك في الشغل اللي مثلا ينسى ينسى الديد لاين علشان تبقى انت مضطر تلم ورا قرفه وهو قاعد على البحر مفنيخ في الساحل.
او الشخص السامي اللي انت مرتبط بيه واللي بيتخانق معاك قبل يوم مهم بالنسبه لك او في المناسبات مثلا عشان ايه عشان ينكد عليك في الاوقات اللي انت المفروض تلمع فيها فتبقى قاعد بتفكر فيه وبتشوف هتصالحه ازاي بدل ما تفرح بنفسك او باليوم اللي انت كنت مستنيه.
الناس دي بتتعمد انها تلبسك توقع على رقبتك علشان تعيش انت بتلم وراهم فتنسى المصالح اللي وراك. نصيحتي ليك لما تلاقي حد قاصد ان هو باستمرار يلهيك عن نفسك بانه يشغلك بيه اقطعه من حياتك غير كده انت عايش ليه مش لنفسك. Так.