السنونو | الكوميديان طلع عالمسرح و وقلب جو السفينة كلها

يا رب ما تكونوش زهقتوا مني، عشان أنا بقيت كل يوم بظهر لكم زي الغداء والعشاء، بقى في وجبة ثالثة اسمها عدلي. [ضحك] معلش، مش عايز حد يزهق مني. أنا النهارده مش متارجت إن أنا أقدم لكم شو حلو أو أبسطكم، على قد ما أنا متارجت إن أنتم تخرجوا من هنا النهارده معجبين بالبيبيون دي. مش عارفين يا جماعة البيبيون دي يعني فارقة معايا كتير في حياتي إزاي؟ البيبيون دي تقريبًا أغلى من البدلة كلها. ماعرفش ليه يعني، بس هي كررت مراتي الجديدة طبعًا، وأنا طلقت الأجنبية وتجوزت واحدة مصرية، اللي اللي هي بتضيع الفلوس على البيبيونات والشرابات.

النهاردة ما كنتش جاي بصراحة يعني، كان عندي مشكلة معاكم، كنت خايف منكم النهارده. لإن مش أنتم يعني مضايقني شخصيًا، بس هو حلم أنا حلمت حلم كده، واحنا بنؤمن بالأحلام، ما يخلينيش أنزل يعني. حلمت حلم غريب، حلمت إن أنا أول ما صحيت عملت القهوة بتاعتي زي أي مواطن بيصحى، لسه بشرب القهوة، اتدلقت كلها عليا. فدي حاجة تقلق. بعد شوية بمسك الورق اللي مجهز فيه الشغل اللي هقدمه لكم، لقيت الورق أبيض ممسوح، حاجة أتقل. بعد شوية نزلت جيت لكم هنا الاستيج، كل ده في الحلم، لقيتكم كلكم وقفتوا أول ما دخلتوا وقعدتوا تقولوا لي انزل انزل، فحاجة توتر. في الآخر لقيت نفسي برمي نفسي من الدور الأخير في المركب في وسط الميه. فقلت أنا مش جاي.

لحد ما رن عليا صديقي، كلمني إسلام. قلت له إسلام أنا متوتر وحصل كذا كذا. قال لي لا لا يا عم احكي لي الحلم، علم في إيه؟ قلت له حلمت والله إن أنا صحيت وقهوة اتدلقت عليا، والقهوة كانت سخنة جدًا. قال لي ده خير، القهوة اتدلقت عليك، هو أنا اللي هقول لك معروفة، ده للقهوة خير، القهوة اتدلقت، أنت هينزل عليك سكينة وهدوء وتركيز. القهوة هي أيقونة التركيز والهدوء، فده معناه إن انت هينزل عليك النهارده هدوء وأنت بتقدم الشو. قلت له ربنا يطمنك. قلت له بعد شوية لقيت الورق أبيض. قال لي الورق بتاع إيه؟ قلت له اللي مكتوب فيه الشغل. قال لي كده ربنا هيبيض وشك قدام الناس. قلت له ربنا يطمنك. هو شخص جميل، فالدنيا حلوة. بعد شوية قلت له ورحت لقيت الناس بتقول لي انزل انزل. قال لي حد مد إيده عليك؟ قلت له لا، هم قالوا انزل بس في الحلم. قال لي انزل دي عشان عايزين يتصوروا معاك. قلت له الله يكرمك، الراجل مديني دفعة يعني ما شاء الله. قلت له في الآخر بنط من فوق المركب بنزل في الميه. قال لي أنت كده بتغرق في بحر النجومية والنجاح. السلام. [تصفيق] [تصفيق]

بس للأسف ما لحقتش أفرح بكلام إسلام، لأن رن عليا خالي صالح بعدها. [ضحك] الو، أيوه يا خالي، أيوه عامل إيه؟ ونبي خالي سيبني النهارده بس عشان عندي شو متوتر. قال لي ليه ليه متوتر؟ أصل أنا أصلًا النهارده حاسس إن هيحصل معاك حاجة وحشة. قلت له ليه يا خالي؟ لا إن شاء الله خير. قال لي أمال أنت بتقول لي؟ قلت له لا ده حلم بس خلاص. قال لي لا احكيه لي. قلت له ما فيش، حلمت إن أنا صحيت الصبح بشرب القهوة، القهوة اتدلقت عليا، بس الحمد لله يعني إسلام صاحبي قال لي إن دلق القهوة خير. قال لي إيه كلام الستات ده، دلق القهوة أخيرة كانت سخنة؟ قلت له آه. قال لي ده كده هينزل عليك نار وغبار وعفر على صدرك، ده كده في جمر، هتشيل جبل النهارده على صدرك. قلت له يا خالي. قال لي لا كمل كمل، ده شكلها مصيبة. قلت له ما فيش، مسكت الورق بتاع اللي فيه الشو لقيته أبيض تمامًا. قال لي الورق اللي فيه الشو لقيته أبيض؟ قلت له آه، بس عرفت إن كده ربنا هيبيض وشي. قال لي ونعمة بالله، بس ده ما فيش الكلام ده. قال لي الورق أبيض ده يعني أنت هتقف قدام الناس، كل اللي في خيالك هيتمسح، ومش بعيد يكون هيتمسح نجومية آخر يوم ليك. [ضحك] النهارده اسمك هيتمسح خالص. قلت له يا خالي ماتمشي الدنيا. قال لي يا ابني أنا أنا بصارحك، أجامل زي إسلام. قال لي إيه تاني اللي حصل؟ قلت له ما فيش، رحت لقيت الناس بتقول لي انزل انزل، بس عرفت إن هم عايزين يتصوروا. قال لي مين اللي عرفه؟ قلت له إسلام. قال لي إسلام ده هيضيعك، الناس بتقول لك انزل هيرنوك علقة موت لما تنزل، الناس مش طايقاك ولا طايقة أهلك كلهم. قلت له طب في الآخر أنا بنط من المركب يا خالي، بنط وبنزل في بحر النجومية. قال لي بحر النجومية ده فين ده؟ ده فين من البحر الأحمر، بحر النجومية ده. [ضحك] قال لي ده هيرموك الناس من فوق المركب، في الآخر هتموت غرقان.

ليه بحكي لكم الحلم والقصه دي؟ عشان أوريكم إن هو الحلم هو الكلام بس، شوف ده اتفسر إزاي عند إسلام وفسره إزاي خالي صالح. هو ده تقسيمية الناس، مش أبيض وأسمر ولا غني وفقير ولا آسيوي وأوروبي وأفريقي. الناس كده، الناس إيجابي وسلبي. إسلام وخالي صالح، هي دي تقسيمة البشر. إحنا كده، هتلاقي في حد أي حاجة وحشة بتحصل بيفسرها تفسير حلو لأنه متفائل. ما هو إيه الشخص الإيجابي؟ الشخص الإيجابي ده هو شخص متفائل، شخص طموح، شخص عنده اجتهاد، عنده أسرار. السلبي العكس تمامًا، الشخص السلبي ده مش عايز يتحرك، مش عايز يعمل أي حاجة. لما بيحصل عندنا حادثة في الشارع، يا لما بيحصل حادثة في الشارع ده بيبقى مهرجان فاير ووركس. ده لما بيحصل حادثة، الناس ده الناس بيكلموا بعض، انزل يا ابني في حادثة على الدائري، انزل انزل، كلم الواد محمود هاته، ده في حادثة في اتنين ماتوا، تعالوا تعالوا. [تصفيق] يعني إيه؟ أنا مرة قابلت واحد في حادثة، قال لي إيه الناس مصابة؟ يعني ولا طلب إسعاف، واقف بيصور. بقول له حضرتك شفت؟ قال لي آه، أنا من أول ما الحادثة حصلت، أنا أول واحد شافها. الحمد [ضحك] لله حضرتك، أنا حضرت الحادثة من أول ما العربية مالت وعملت كده. قال طب كلمت الإسعاف؟ لا أكلم أنا بصور، ده دي على على التيك توك دي هتولع الدنيا. [ضحك] هو الشخص السلبي كده.

وفي سلبي تاني اللي هو بيصور ولا بتاع، بس بيعدي بالعربية كده، افتح الإزاز وشارب سيجارة، أقول يا زميلي حد حصل له حاجة؟ آه ده بيقول لك العربية دي اتقلبت وبتاع. طب ما تجيبوهم على جنب اللي اتقلبتوا كده عشان الطريق بس يفتح للنبي. [تصفيق] يعني إيه؟ هو بيقول لك إزازة ميه وقعت، هاتوه على جنب. ده ناس يقول لك لا، بس هاتهم بس يا عمي الطريق يا جدعان، مشيوا الطريق، ما كلها بتعمل حوادث. ده الشخص السلبي. هتلاقي الإيجابي في نفس الموقف هيقف، هينزل في إيه خير يا جماعة؟ بتاعت له إسعاف، الحقوا، أسند الراجل، بيتصرف. الشخص الإيجابي هو شخص دايما عنده أمل، حتى لا قدر الله لو حد قال له إن ده في ثوافي لهم، لا، انتوا اتأكدتوا؟ انتوا مش دكتور، تعال نروح المستشفى. شخص إيجابي. طبعًا السلبي مثلاً لما تقف الحوادث اللي هي الحمد لله بتبقى حوادث عربيات بس، يعني الإنسان بيخرج سليم منها، تلاقي الراجل واقف متضايق على العرب عربيته برضه اتكسرت. تلاقي واقف معاه واحد إيجابي كده يقول له يا عم احمد ربنا، الحمد لله، أهم حاجة إن أنت كويس. يقول له بس العربية وعليها قساط. يقول له عليها قصاط ولا كان دراعك اتكسر ولا رجلك ولا كنت تموت فيها، الحمد لله. يجي السلبي يقف جنبه يقول له هتسمع له، دراعك كان اتكسر كان بـ 100 جنيه هتجبسه وتتصل [ضحك]، إنما العربية دي مش عايزاه أقل من 100,000 يا صاحبي. أنا بصرحك، أنا مش هعمل لك الدنيا وردي. [تصفيق] أه والله يقول له يا عم. يقول له بس فاني بقى عايز يصبر نفسه اللي عمل حادثة يقول له بس الحمد لله فعلاً أحسن من إن أنا أموت. قال له يعني أنت كده عايش؟ اسكت بس اسكت، أنت لسه قصاط هتنزل عليك وهتتحبس وهتتنيل، خلينا ساكتين. فالناس دي موجودين في حياتنا في كل حاجة. ما فيش حد فينا هنا ملوش واحد صاحبه إيجابي، ملوش واحد صاحبه إيه؟ ما فيش حد فينا هنا هتلاقي نصنا هنا إيجابيين وسلبيين. هتلاقي فينا الشخص اللي هو الدنيا سودا، يا عم ما تضحك، ما تق هيحصل حاجة. واحد بعد الضحك كده هيخرج من يقول لك أنا قلقان، في مصيبة هتحصل. ليه؟ في أصل إحنا ضحكنا كتير. إيه اللي يضحك؟ هو الضحك بقى لازم. ولما نعيط نقول لك ده فرج جاي. إحنا شعب كيب يا جماعة. أه والله بنحب البكا، بنحب الدراما. ممكن تتفضل هنا معانا؟ اتفضل اتفضل. أنا أحيه. [تصفيق] [موسيقى] شفت ده كان متوصى بيك أكتر مني. معلش، إحنا اتعرفنا بالاسم قبل كده، بس نتعرف تاني. اسمي >> ها بدر. عجيب والله. أعرفني. [ضحك] >> أنت بدر عجيب؟ أيوه أيوه يا بدر. أنت عديت بمواقف سلبية في حياتك، كنت أنت سلبي أو حد كان سلبي أثر في حياتك دائمًا في مواقف سلبية. آخرها كان هنا إيه اللي حصل هنا؟ أنا كنت بصراحة كنت موجود في هذه الرحلة الحلوة عشان أكتب مسلسلي الجديد وقعدت [ضحك] أكتب وأتعب وأفكر وأوقف وأستعيد أفكار جديدة. وصلت لمرحلة إني قربت أخلص المسلسل، ولكن للأسف يعني، هو وطير كل شيء من الأشياء اللي كتبتها طارت. يا حبيبي، اتشرفت يا بدري. اتشرفتكم. [تصفيق] [موسيقى] [تصفيق]

فالسلبية هي فكرة موجودة في الحياة، موجودة في الأشياء. يعني السلبية هي طاقة، تقدر أنت بقى بتاخدها وهل بتشربها؟ يعني يعني الطاقة دي خلاص بتبقى جواك، بتبقى زي، لأن هي السلبية دي زي ثاني أكسيد الكربون، المفروض تخرجه. مش يعني الشخص الإيجابي ده هتلاقيه هو أكسجين حياتك، هو دايما اللي بيديك أمل قدام قدام. الشخص السلبي بالعكس. الشخص السلبي حاول تطرد الفكرة دايما. اسمعه، اتعامل مع الشخص السلبي على إنك سد. اتعامل معاه على إنك الأقماع بتاعته المرور، اللي هو مش هيعرف يعدي من وسطك. يعني أنت صعبها عليه زي قمع المرور بالظبط. فيا رب أكون النهارده ما كنتش سلبي وما كبتكوش أكتر ما أنتوا سلبيين شكلكم. [ضحك] [تصفيق] وكنت مبسوط معاكم في الرحلة دي، ويا رب يا رب تكونوا انبسطتوا معانا. وتحية لكم صديقي >> [تصفيق] [موسيقى] [تصفيق] >> وتحية لكم كلكم، وأشوفكم على خير ورحلة سعيدة. >> [تصفيق] [موسيقى]