اللي هتشوفه دلوقتي هتقدر حضرتك تلم التاريخ كله تاني. اللي انت ذاكرته في 10 شهور هتقدر تلمه في سبع ساعات حرفيا. أيوه زي ما بقول لك حرفيا أهم الأفكار المهمة، أهم نواتج التعلم. يعني بالبلدي كده عصارة التاريخ وخلاصة التاريخ كله في فيديو واحد. اسمع الفيديو ده وادعي لي.

يلا بقى يا بطل أقول لك هو عايز إيه منك في الفصل الأول. الفصل الأول عليه خمس درجات في الامتحان. وأنت بتذاكر الفصل الأول هأكد على بعض النقط المهمة اللي بتيجي في الامتحان زي محاولات ملوك فرنسا. واحد محاولات ملوك فرنسا بالنسبة لاحتلال مصر. رقم اثنين منشور نابليون. رقم ثلاثة موقعة من المواقع اللي موجودة عندك مع ثورة من الثورات. رقم أربعة لازم يكلمك على المجمع العلمي ويجيب لك سؤال في المجمع العلمي. ما تنساش وأنت بتذاكر فصل الأول تأكد على الدواوين وخاصة ديوان الأقاليم. زي ما بقول لك تأكد على ديوان الأقاليم كويس جدا جدا لأن بيجي فيه أسئلة كتير جدا جدا. وما تنساش منشور نابليون. وتقدر تعرف إن نابليون خد بالك هقول لك الكلام ده واحنا بنشرح الفيديو. تقدر تقول لي إن نابليون خاطب المصريين كان بيكلمهم إزاي في المنشور بتاعه. فدي نقط مهمة لازم تركز عليها يا بطل في الفصل الأول.

يلا يا بطل شوف هنقول إيه في الفصل الأول. أول حاجة بيتكلم عنها في الفصل الأول بيقول لي اختلفت المحاولة الثانية لفرنسا في احتلال مصر عن باقي المحاولات حيث اعتمدت على الطريقة الدبلوماسية عندما طلب لويس الـ 15 من السلطان العثماني أن يتنازل له عن مصر. بيقول لي اختلفت المحاولة الثانية اللي هي محاولة لويس الـ 15 لما كان لويس الـ 15 طلب من الدولة العثمانية التنازل له عن مصر. فهنا استخدم الدبلوماسية بشكل كبير. وكمان بعد ما استخدم الدبلوماسية طلب طبعًا من السلطان العثماني. طالما طلب من السلطان العثماني يبقى إذا علاقته جيدة بالسلطان العثماني. شبه نابليون لما نابليون وصل لمصر أرسل منشور بيعمل على مجاملة الدولة العثمانية. إلا أن يتنازل له عن مصر عن ولاية مصر. بينما كانت باقي المحاولات عن طريق الحملات العسكرية. دي أول نقطة موجودة عندي. يبقى أنا عندي كام محاولة؟ 1، 2، 3، أربع محاولات. المحاولة الأولى كانت لويس الـ 14. المحاولة الثانية لويس الـ 15. المحاولة الثالثة كان لويس الـ 16. المحاولة الرابعة كانت محاولة نابليون. عندي ثلاث محاولات في العهد الملكي وعندي محاولة واحدة في العهد الجمهوري. بعد التغيرات السياسية دول لم يرتقوا إلى مستوى التنفيذ. نابليون نفذ وبالفعل أتى نابليون إلى مصر لاحتلال مصر بالفعل. لويس الـ 15 شبه نابليون في علاقتهم بالدولة العثمانية والاثنين كانت علاقتهم كويسة جدا بالسلطان العثماني. محاولة لويس الـ 15 فشلت بسبب علي بيك الكبير. لما كان موجود علي بيك الكبير موجود في مصر فالسلطان العثماني قال له ما أقدرش أديك مصر. أما باقي المحاولات كانت كلها باستخدام استخدام طريقة عسكرية. سواء لويس الـ 14 لضرب التجارة الهولندية. أو سواء لويس الـ 16 بهدف تسهيل مرور تجارة مصر وهكذا. دي كانت أول نقطة موجودة معايا.

ثاني نقطة عندي بتقول لي مثل موقع مصر الجغرافي. كلمة مثل يعني كان ذات أهمية قصوى. موقع مصر الجغرافي. لو أنا حبيت أكلمك على موقع مصر الجغرافي كلمني على كتاب جمال حمدان في كتاب شخصية اسمها شخصية مصر. وهنا بنعمل عملية إسقاط لحاجات من بره المنهج لجوه المنهج. فيقول لي جمال حمدان قال إن مصر هي حجر الزاوية في الثلاثية القارية. فحيث إن مصر ترتكز على ثلاث قارات. فلما نيجي نقول إحنا عايزين نعمل إسقاط لجمال حمدان للكلام اللي قاله على حاجة موجودة عندي في المنهج نقول له مثل موقع مصر الجغرافي محاولات فرنسا ومحاولات إنجلترا وكل المحاولات اللي لاحتلال مصر بسبب موقع مصر الجغرافي. فدي بنسميها لأسباب جغرافية. حيث تتوسط مصر قلب العالم وتربط بين طرق التجارة. سواء ما بين الشرق وما بين الغرب. ففرنسا عايزة تضرب إنجلترا فتجي تحتل لمصر. فرنسا عايزة تضرب هولندا فتجي تحتل لمصر. الملك لويس الـ 15 عايز يسهل مرور تجارته فيجي يحتل لمصر. لويس الـ 16 مكسل يلف من طريق رأس الرجاء الصالح. كل ده بيتكلم على موقع مصر أهمية كبيرة استراتيجياً. وكلمة استراتيجياً يعني أمنياً. ماشي في كل حاجة. كلمة استراتيجياً تمشي وتجارياً لوقوعها على طرق التجارة. ونرجع تاني لكلام جمال حمدان اللي مش موجود عندي في المنهج بالمنطقة. يقصد إيه بالمنطقة؟ يقصد بمنطقة العالم القديم. كما أنه كان عاملاً مهماً لتكالب الاستعمار. يبقى لما يجي يقول لي تكالب الاستعمار والمحاولات الاستعمارية كلها كان لموقع مصر الجغرافي عليها. وقد ظهر ذلك في محاولات فرنسا العديدة لاحتلال مصر من أجل الاستفادة من هذا الموقع الممتاز. يبقى كل المحاولات كانت بسبب موقع مصر الجغرافي. السيطرة على موقع مصر الجغرافي. والكلام ده كلام مهم جدا.

تعال نشوف النقطة اللي بعد كده. بيقول لي كانت كان لإنجلترا. طبعًا الصورة اللي قدامي دي بتبين شكل الأسطول الإنجليزي اللي موجود عندي. بيقول لي كان لإنجلترا دور مؤثر في تاريخ مصر. كان لمين؟ كان لإنجلترا دور مؤثر في تاريخ مصر ومنطقة الشرق الأوسط بل والعالم أجمع. وقد رأينا ذلك في بداية تفكير إرسال حملة فرنسية إلى مصر. يبقى لما أجي أتكلم على إنجلترا وأجي أتكلم على فرنسا أقول له إن فرنسا مرتبطة بإنجلترا. سباق استعماري ما بين الدولتين. ما بين إنجلترا وما بين فرنسا. وظهر السباق الاستعماري بشكل واضح بعد ما يسمى بالثورة الصناعية وظهور الدول الرأسمالية وتحول الصناعة في أوروبا من صناعة يدوية إلى صناعة آلية. كله عايز يسيطر على المادة الخام ويسيطر على طرق التجارة بشكل كبير. فيقول لي كان لإنجلترا دور مؤثر. إنجلترا كان لها دور مؤثر في تاريخ مصر ومنطقة الشرق الأوسط بل والعالم. وقد رأينا ذلك في بداية التفكير بإرسال حملة فرنسا. إنجلترا أثرت في الحملة الفرنسية بس بشكل غير مباشر بسبب موقع مصر الجغرافي. وأيضًا سنرى زيادة هذا الدور في مجريات الأحداث العالمية. وذلك لأن ميزان القوى العالمي في ذلك الوقت كان يميل نحو إنجلترا. يبقى ميزان التفوق الحضاري التقدم الحضاري كان في الوقت ده بيميل لإنجلترا. لأن إنجلترا موقعها الجغرافي ساعدها على ذلك. إنجلترا حصل فيها ثورة صناعية. إنجلترا في الوقت ده كانت مسيطرة على طرق التجارة العالمية وكانت إنجلترا تقريبًا مسيطرة على السوق الأوروبي كله بفضل قوتها العسكرية. يبقى إنجلترا كانت مسيطرة على دول الاتحاد الأوروبي أو دول أوروبا في الفترة دي كده ليه؟ قال لي بسبب القوة العسكرية. يبقى إنجلترا أقوى عسكرياً بس برياً. إنجلترا كانت الأقوى عسكرياً بحرياً. أما بالنسبة لفرنسا فبدأت تظهر قوتها البرية بعد قيام الثورة الفرنسية. وخاصة أسطولها البحري. فقد أرغمها موقعها الجغرافي كدولة. يبقى إنجلترا متفوقة في الصناعات البحرية. إنجلترا تفوقت في الصناعات البحرية عشان الموقع الجغرافي كدولة بحرية تتكون من مجموعة جزر على الاهتمام بالأسطول. فكان درع الحماية. يبقى هنا لما أجي أقول لك لجأت إنجلترا للتفوق البحري والصناعات البحرية الاهتمام بالأسطول ليه إنجلترا اهتمت بالأسطول بشكل كبير؟ هقول له كل ده بسبب موقعها الجغرافي المنعزل. حيث أنها عبارة عن بعض الجزر اللي موجودة في غرب غرب أوروبا. والجزر اللي موجودة في غرب أوروبا دي لابد من درع حامي ليها. خاصة من منطقة بحر المانش اللي بيفصلها عن فرنسا. كما جعلها موقعها الجغرافي بعيدة عن الصراعات داخل القارة الأوروبية. وده أدى إلى صعوبة وصول نابليون إليها. فلجأ نابليون إلى حيلة أخرى. عشان كده تطلع في الآخر تقول لي كان لإنجلترا دور مؤثر في تاريخ مصر. دلل. شفت جيب لي جملة زي دي وجايب لي سؤال يقول لي دلل كانت إنجلترا دور مؤثر في تاريخ مصر ومنطقة الشرق الأوسط. فلازم أقول له حيث إن إنجلترا بدأ يظهر دورها في مصر بعد إرسال الحملة الفرنسية. لأن موقعها تبدأ تحكي له الكلام اللي إحنا لسه قايلينه.

بيقول لي ظهرت معارك الثورة الفرنسية. ظهرت أظهرت معارك الثورة الفرنسية مع الدول الأوروبية مدى تفوق فرنسا برياً وتفوق إنجلترا بحرياً. والنقطة دي إحنا وضحناها. معارك الثورة الفرنسية لما أقول له أظهرت قوة فرنسا برياً إزاي؟ هنقول له حيث هزمت كل قوات التحالف. ويجيب لي أي كلام في الفترة دي لتوثيق تلك الفترة. يقول مؤرخ فرنسي. يقول مؤرخ إنجليزي. يقول مؤرخ إن الدولة الفرنسية اتسعت حتى شملت ربوع إيطاليا وشملت بحر إيجة وشملت جزر الأيونيّة ووصلت حتى شرق أوروبا. كل الكلام ده يقول لي يدل على إيه؟ يدل على تفوق فرنسا عسكرياً بس برياً. ويدل على أن فرنسا كانت الأقوى وبرياً على كل قوات التحالف. وظهر تفوق إنجلترا البحري نتيجة الموقع اللي إحنا لسه قايلينه. الموقع الجغرافي ونتيجة تفوق الصناعات البحرية اللي موجودة عندها. لأن أرغمها موقعها على الاهتمام بالصناعات البحرية. فتفوقت إنجلترا وظلت بمأمن بعيدة عن ضربات نابليون. وبالطريقة دي زي ما إحنا قلنا هتلاقي إن فرنسا كانت متقدمة بشكل كبير بس في المجال البري.

تعالى بقى نخش نتكلم على المجتمع المصري. فيقول لي تأثر المجتمع المصري. تأثر المجتمع المصري بشكل واضح بالعزلة التي فرضتها الدولة العثمانية على مصر من أجل السيطرة عليها. مهم جدًا الكلام ده يا جماعة. الكلام ده ملخص الملخص. الحاجات دي مهمة. بيقول لي تأثر المجتمع المصري. المجتمع المصري سواء كان الناحية الاقتصادية اللي موجودة عندنا أو سواء كان الناحية الاجتماعية اللي موجودة أو سواء كان في نظام الحكم. كل ده المجتمع المصري من الناحية الاقتصادية متأخر اقتصادياً. زراعة وصناعة وتجارة. فبعيد عن كل عوامل التقدم. خاصة الصناعة. لأن الصناعة بعيدة خالص عن التطور. من الناحية الاجتماعية. ففي عندي تفرقة اجتماعية كبيرة جدًا. وظهرت التفرقة الاجتماعية في انتشار نظام الإقطاع في مصر. في نظام الحكم عندي حكم مطلق فردي. عكس اللي موجود في الدول الأوروبية. سواء كانت في إنجلترا أو في فرنسا. لأن نظام الحكم عندهم أو كان موجود في فرنسا عندي تغيرات في نظام الحكم بشكل كبير. فنظام الحكم عندهم قائم على الحكم الديمقراطي أو حكم الجمهوري. فهنا لما نقول تأثر المجتمع المصري بشكل واضح بالعزلة. كلمة العزلة اللي هي العزلة التي فرضتها الدولة العثمانية. إذا العزلة عزلة فردية. فالعزلة اللي فرضتها الدولة العثمانية عزلة حضارية. حيث قامت بعزل مصر عن باقي دول العالم. وبالطريقة دي إن مصر بدأت تبقى بعيدة خالص عن كل التقدم الموجود في العالم. وده كله من أجل السيطرة السياسية بالنسبة لمصر.

بالرغم من نظام ملكية الأرض الزراعية الذي فرضه العثمانيون على المصريين والمتمثل في حق الانتفاع والذي جعل الأرض ملك الأرض كلها ملكًا للسلطان العثماني. إلا أنه كانت هناك الملكية الخاصة والتي ظهرت في أرض الوسية. كلام جميل. إحنا دلوقتي بنتكلم في إيه؟ بالرغم من نظام الملكية المتبعة. بالرغم من نظام الملكية المتبع. فبيقول لي نظام الملكية كان في الفترة دي بنسميها ملكية عامة. أي أن الأرض ملك للدولة. كنا بنسميها ملكية انتفاع. أي أن الأرض ليست ملك للفلاح وإنما ملك للدولة. الإجراءات دي خلت إن الفلاح ما عندوش مشاعر بالأرض الزراعية. فاهمل الأرض الزراعية. فبالرغم من نظام ملكية الأرض الذي فرضه العثمانيون على المصريين والمتمثل في حق الانتفاع بمعنى أن الأرض ليست ملكًا للفلاح وإنما ملكًا للسلطان باعتبار أن السلطان ده حاكم شرعي. يعني إيه حاكم شرعي؟ يعني مصر كلها بتاعته. إلا أنه كان هناك ملكية خاصة أو ملكية فردية بنسميها ملكية الوسية. ودي كنوع من أنواع تقدير لجهود الملتزم على اللي عمله الملتزم مع الدولة في جمع الضرائب. وخد بالك ملكية الوسية لم تظهر في أوائل الحكم العثماني وإنما ظهرت في أواخر الحكم العثماني لمصر. ليه ما ظهرتش في أوائل الحكم العثماني؟ لأن الدولة كانت كفيلة على جمع الضرائب. فلما الدولة بدأت تضعف مش قادرة تسيطر بشكل كبير على الضرائب. لجأت إلى الملتزمين اللي هو شخص هيدفع الضرائب مقدمًا ثم يقوم بجمعها أضعاف مضاعفة. وده أدى في النهاية إلى أن يظهر نظام الالتزام. فكانت الدولة بتدي له أرض كنوع من أنواع المكافأة بالنسبة له اسمها أرض الوسية. ودي أرض شرطية مشروطة. لن يحصل على الوسية إلا إذا دفع الضرائب مقدمًا.

يقول لي توجد علاقة. توجد علاقة بين تدهور التجارة المصرية أثناء الحكم العثماني. توجد علاقة بين تدهور التجارة المصرية. إمتى؟ أثناء يشيل لك أثناء ويقول لك أبان الحكم العثماني أو يقول لك قبيل الحملة. طب هو دلوقتي بيكلمني على أنهي تجارة؟ تجارة داخلية ولا تجارة خارجية؟ قال لي التجارة. قال لي أثناء الحكم العثماني وسيطرة العناصر الأجنبية عن طريق الامتيازات الأجنبية وعدم استقرار الأوضاع الداخلية بسبب النزاع بين الفرق العسكرية. فسادت حالة من عدم الأمن مما أدى إلى غارات البدو المتلاحقة. فدي بنسميها كل ده بيتكلم على التجارة بس التجارة الداخلية. يبقى الامتيازات الأجنبية والصراع الداخلي اللي موجود داخل مصر والتلاعب بالموازين والمكاييل وعدم استقرار العملة نتيجة سيطرة العناصر الأجنبية. وكانت العملة الأجنبية هي اللي شغالة في مصر بشكل كبير. يوجد ارتباط بين تدهور أحوال التجارة الداخلية اللي إحنا بنسميها حركة انتقال السلع والبضائع داخل مصر. ممكن تسميها تجارة بنسميها كده تجارة داخلية. أثناء الحكم العثماني بسبب اختلاف الموازين والمكاييل بنسميه اختلاف معايير السلع من مكان لآخر. زي اختلاف معايير السلع. وكذلك فقدان الدولة السيطرة على القرى والمدن نتيجة سيطرة عناصر البدو وكثرة غارات البدو المتلاحقة. مما أدى إلى تدهور التجارة بشكل كبير.

تأثرت كل جوانب الحياة في مصر. تأثرت كل جوانب الحياة بمصر. طالما بيقول لي كل جوانب الحياة يبقى أنا بتكلم على الحياة الاجتماعية في مصر بنظام السياسي الذي فرضه العثمانيون على مصر. خاصة من حيث قصر مدة حكم الوالي. ادي أول ضعف في الحكم العثماني. قصر مدة حكم الوالي مما جعله غير مهتم بأحوال البلاد. يبقى أهمل الوالي الإصلاح في البلاد ولكنه اهتم بجمع الأموال. يبقى تأثرت جوانب الحياة بسبب النظام السياسي القائم على تقسيم السلطة بين ثلاث هيئات. الهيئة الأولى الوالي الأضعف. الهيئة الثانية الديوان المراقبة مهمتها مراقبة الأسواق. الهيئة الثالثة البكوات الأقباط. يعني هم كده موجودين في حكم الأقاليم وحكمهم في الأقاليم بحيث إن هم يقولوا يا جماعة إحنا موجودين هنا لمعرفتنا بأحوال البلاد. وده اللي هيمكن كبير البكوات علي بيك الكبير بالظهور بعد ذلك. التقسيمة دي تقسيمة سيئة. فيقول يقول لي حمل الحكم العثماني في طياته عوامل ضعفه. حكم العثماني حمل في طياته عوامل ضعفه. فبقول له بسبب قصر مدة حكم الوالي ترتب عليها إهمال الأحوال الاقتصادية في مصر وإهمال الزراعة وإهمال الصناعة. مما أدى إلى تدهور أحوال البلاد بشكل واضح.

توجد علاقة وثيقة. توجد علاقة وثيقة بين خط سير الحملة الفرنسية من ميناء طولون بفرنسا إلى الإسكندرية بمصر في طريق غير مباشر مرورًا بجزيرة مالطا ثم جزيرة كريت والرغبة في إخفاء خبر خروج الحملة إلى مصر عن إنجلترا بسبب قوة أسطولها البحري. الجمل دي أنا هنزل لك ليها أو هسيب لك كده بي دي إف ليها تبدأ إن أنت تستفيد بالكلام ده بعد الفيديو. الكلام ده مهم جدًا وملخص بشكل كبير. توجد علاقة وثيقة بين خط سير سير الحملة. يبقى أول معلومة عايز أعرفها في خط سير الحملة إنها خرجت من فرنسا من جنوب فرنسا من ميناء اسمه ميناء طولون. بس سرًا. كل ده لتحقيق مبدأ الخدعة الاستراتيجية أو تحقيق مبدأ المفاجأة. وكل ده عشان يفاجئوا الأسطول الإنجليزي بسبب قوة الأسطول الإنجليزي. يبقى بيقول لي توجد علاقة وثيقة بين خط سير الحملة الفرنسية من ميناء طولون بفرنسا إلى الإسكندرية. واختاروا الإسكندرية لأن هو أقرب ميناء على البحر المتوسط بنسميها سواحل مصر الشمالية أو السواحل الشمالية. في طريق غير مباشر. مامشيش بطريق مباشر عشان يحقق الخدعة. أول جزيرة دخلها نابليون مالطا. ثم جزيرة كريت. اللي أدى منها إشارة التوجه نحو مصر. والرغبة في إخفاء خبر خروج الحملة إلى مصر عن طريق إنجلترا بسبب قوة أسطولها البحري.

عمل نابليون على مجاملة الدولة العثمانية. تعالى كده كلمني على منشور نابليون. خد بالك يجيب لي أي جزئية داخل منشور نابليون يقول إن ما قدمت إليكم إلا لأخلص حقكم من يد المماليك البغيض. وإني مثلكم أعبد الله وأحترم النبي. كل الكلام ده كلام جميل جدًا. ده نوع من أنواع المنشور. نابليون أراد دخول مصر سلميًا. فعمل على جذب بالمصريين لصفه. نابليون عمل على عدم قطع العلاقات ما بين الدولة العثمانية وما بين فرنسا. فعمل نابليون على مجاملة الدولة العثمانية. بس كان واضح وصريح مع المماليك. قال أنا جاي أطرد المماليك اللي بيستنزفوا خيرات البلاد. عمل نابليون على مجاملة الدولة العثمانية في أن هو جاي يخلصهم من المنافس القوي المماليك. قبل وصول الحملة من خلال منشور يونيو 1798. وده وده بنسميه لازم بقى حتة التاريخ تقعد كده تقول لي 1798 ده في القرن الكام؟ القرن الـ 18. زود واحد في العقد الكام؟ تيجي هنا تروح برضه مزود واحد في العقد العاشر من القرن الـ 18. وبعد كده تبدأ تقول لي في النص الأول ولا النص الثاني وهكذا.

قاوم أهالي الإسكندرية. قاوم أهالي الإسكندرية. يبقى أول حد قاوم الحملة الفرنسية أهالي الإسكندرية. يبقى بنسميه وقع العبء على المقاومة المصرية. يبقى أول مقاومة للمصريين. وده دليل على فشل منشور نابليون. نابليون كان راجل فاشل في المنشور بتاعه. رقم اثنين يقول لي إن وقع العبء على أهالي الإسكندرية بسبب النزاع بين المماليك وانشغال المماليك في النزاع فيما بين إبراهيم بيك ومراد بيك. ده كله أدى إلى إيه؟ أدى إلى أن قاوم الإسكندرية بزعامة محمد كريم. وزي ما إحنا قلنا محمد كريم كان حاكم بالتناوب. اللي عينه مراد بيك على حكم الإسكندرية. وده حاكم المدينة. مما يظهر فشل منشور نابليون في التأثير على المصريين. وبالطريقة دي ما قدرش نابليون يحقق هدفه في المنشور. إيه الهدف اللي موجود في المنشور؟ إن هو يعمل على جذب المصريين لصفه. فبالطريقة دي فشل نابليون في جذب المصريين لصفه.

حارب المماليك الحملة الفرنسية في شبراخيت. وأنا عايزك ترتب تقول كده بقى يا مستر إن لما نقول لك رقم واحد مقاومة المصريين للحملة. رقم اثنين مقاومة المماليك للحملة. فبقول المصريين أول مقاومة للمصريين في الإسكندرية. بعد كده تقول لي في الصعيد. بعد كده تقول لي ثورة القاهرة الأولى وثورة القاهرة الثانية بالتوابع بقى بتاعتهم. من الإسكندرية للصعيد هتلاقي مقاومة أهالي دمياط وتلاقي مقاومة أهالي رشيد وتلاقي مقاومة الوجه البحري ومقاومة أسيوط وأسنا وديروت. كل المقاومات دي بدأت بنسميها مقاومة المصريين. فممكن يجيب لي عن شخصية تاريخية موجودة اسمه حسن طبار. يقول لي قاد حسن طبار مقاومة في منطقة إقليم غرب أو شرق الدلتا. فانا أعرف مين حسن طبار ده. ما يهمنيش ولا يخضني أصلًا. إلا إن هو بيقول لي مقاومة المصريين. ثاني حاجة مقاومة المماليك. أول مقاومة للمماليك عندي شبراخيت. رقم اثنين إمبابة. دي مقاومة المماليك. رقم ثلاثة انضمام مراد بيك لحكم الصعيد أو للمقاومة في الصعيد. يبقى حارب المماليك الحملة الفرنسية في شبراخيت وإمبابة. الاعتمادهم على الفروسية. ده بنسميه إيه؟ اعتمادهم على الفروسية. بنسميه الفجوة الحضارية بين الشرق والغرب. يعني في فجوة كبيرة ما بين الشرق والغرب خلت المماليك بيعتمدوا على الفروسية في أضعف موقفهم وتخلف معداتهم أمام الأسلحة الحديثة. وقد أكدت نتائج معركة إمبابة على الانقسام في صفوف المماليك واختلاف وجهات النظر وحدوث فراغ سياسي. لأن بعد معركة إمبابة فر مراد للصعيد وفر إبراهيم ومعه الوالي العثماني إلى بلاد الشام.

لو أنا قلت لك قاوم أهالي الصعيد الحملة الفرنسية. طبعًا لما أشوف مقاومة أهالي الصعيد أقول له طول الوادي والطبيعة الجغرافية ومظاهر الوحدة العربية أو التضامن العربي. قاوم أهالي الصعيد الحملة الفرنسية وأرهقوهم بسبب طول الوادي. مما يؤكد على أهمية الطبيعة الجغرافية. وهنا نطبق مبدأ يقول لي أهل مكة أدرى بشعابها. وهنا معرفة المصريين لدروب مصر. كلمة الدروب اللي هي الطرق الصغيرة اللي موجودة في مصر. أدى بشكل كبير إن يفشل نابليون في السيطرة على الصعيد. لولا لولا خيانة المماليك بقيادة مراد بيك في عهد كليبر. لم يستطيع نابليون السيطرة أو لم يستطيع الحملة الفرنسية السيطرة على مصر أو على الجزء الجنوبي من مصر. لذلك هقول لك نابليون فشل في السيطرة على أقاليم مصر كلها. تقول لي صح. كليبر نجح في السيطرة على أقاليم مصر كلها. نقول له أيوه. كليبر نجح بس باستخدام الطريقة الدبلوماسية. باستخدام وسيلة الإقناع. حيث أقنع مراد بيك أن يكون له حكم الصعيد تحت الإشراف الفرنسي.

أثبتت الأحداث التي واجهت الحملة في الوجه القبلي. طالما أنا بتكلم على الوجه القبلي يبقى بتكلم على الصعيد. على أهمية التضامن العربي من حيث وصول قوة من الجزيرة العربية وانضمت للمقاومة تجاه الغزو الأجنبي. بنطبق المبدأ اللي إحنا هنقوله في الفصل السابع. أهمية القومية العربية. فيقول لي ظهرت القومية العربية لأول مرة ضد المحتل الأوروبي. أقول له في القرن الكام؟ في القرن الـ 18. ضد الحملة الفرنسية 1798. 98.

أكد اشتعال الثورة المصرية. بيتكلم على أنهي ثورة؟ طالما بيقول لي أكد اشتعال الثورة المصرية ضد نابليون في القاهرة وامتدادها في الأقاليم على رفض الشعب المصري للاحتلال. فبيقول لي أكد اشتعال الثورة المصرية. اشتعال الثورة المصرية اللي هي ثورة القاهرة الأولى 1798. ثورة القاهرة الأولى بسبب فرض نابليون لون للضرائب. بسبب موقعة أبي قير البحرية. لأن بعدها فرض الضرائب. وامتدادها ده يدل على انتشار المد الثوري واتساع المد الثوري في الأقاليم. على رد الشعب المصري كله للاحتلال. وأن الشعب المصري موقن بأن الحملة الفرنسية ما جاءت إلا لاحتلال مصر.

أثرت التحالفات الدولية. بيقول أثرت التحالفات الدولية. النمسا وحلفائها. النمسا هنا ظهرت عندي. لأن النمسا عملت تحالف ثاني ضد الحملة الفرنسية. والتحالف الثاني ضد الحملة الفرنسية زي ما إحنا بنقول كان مين اللي موجود في مصر؟ كان نابليون موجود في مصر. يعني قامت ضد نابليون بشكل غير مباشر على أوضاع الحملة في مصر. يبقى في ربط. يقول لي وجه ما العلاقة بين النمسا وتغيير القيادة؟ ده القيادة الفرنسية للحملة. ما العلاقة بين النمسا وأول قائد للحملة؟ عملت النمسا على خروج أول قائد للحملة سرًا. فبقول له إن النمسا وحلفائها ضد فرنسا أثروا على أوضاع الحملة في مصر. حيث تم تغيير القيادة. فقد سافر نابليون إلى فرنسا سرًا. من وجهة نظرك ليه نابليون سافر سرًا؟ لحاجتين. حتى لا تعلم إنجلترا دي حاجة. لأنها مسيطرة على البحر المتوسط. الحاجة الثانية. لأن لو سمع الجنود بأن نابليون سافر سرًا يدب اليأس في نفوس الجنود. إلى فرنسا وأصبح كليبر القائد الثاني. فبيقول لي هناك علاقة بين النمسا وتغيير قيادة الحملة.

استطاع كليبر إخضاع الصعيد. زي ما إحنا لسه قايلين. استطاع كليبر إخضاع ثورة الصعيد وإخضاع ثورة المصريين بتغيير سياسته تجاه المماليك وليس بالقوة العسكرية. ونقدر نفسر هنا موقف مراد بيك اللي بيدور على مصلحته. لما عُرض عليه حكم الصعيد تحت الإشراف الفرنسي في عهد نابليون رفض. وفي عهد كليبر وافق. فقلنا له ليه أنت وافقت في عهد كليبر؟ قال خوفًا. خوفًا من عودة الأتراك. فهنا يقول لي ما العلاقة بين اتفاقية العريش؟ إيه العلاقة ما بين اتفاقية العريش وسيطرة كليبر على الصعيد؟ سؤال صعب من ضمن الأسئلة المقالية اللي ممكن تجيء لي. إيه العلاقة بين اتفاقية العريش وسيطرة كليبر على الصعيد؟ إيه العلاقة بين التفاوض الفرنسي التركي وسيطرة كليبر على أقاليم مصر الجنوبية؟ لأن أسئلة المقالية بتيجي على نفس مستوى الأسئلة الاختياري. فبنقول له بكل بساطة إن لجأ كليبر إلى عرض على مراد بيك أن يكون الصعيد تحت حكمه تحت الإشراف الفرنسي. فوافق مراد بيك خوفًا من عودة الأتراك. بعد ما سمع إن اتفاقية العريش هتسمح بعودة الأتراك مرة أخرى والسيطرة على حكم مصر.

أكدت معاهدة العريش. كلمة معاهدة يعني اتفاق. وده بنسميه تغير العلاقات الفرنسية التركية. مين اللي عملها؟ عقدها اتفاقية العريش الصدر الأعظم التركي. عقدها مع مين؟ مع كليبر. وده بسميه إن لجأ كليبر إلى الدبلوماسية من أجل الخروج من مصر. نتيجة سوء أوضاع الحملة. فنقول عام 1801 على أن الإنجليز لهم دور رئيسي في مجريات الأحداث. لأن فشل اتفاقية العريش بسبب تدخل قائد الأسطول الإنجليزي وأصر على خروجهم كأسرى حرب.

لم تستطع قوات قوات الحملة الفرنسية مقاومة. لم تستطع قوات الحملة الفرنسية مقاومة قوات الأسطول الإنجليزي والعثمانيين وبعض زعماء المماليك واستسلمت وغادرت في 1801 في سبتمبر. حلو الجملة دي. تعالوا نقول الجملة دي نطبقها في عهد مين؟ في عهد مينو. رقم اثنين لم تستطع قوات الحملة الفرنسية بسبب إن القوة العسكرية للحملة بسبب التناقص العددي للجيوش ومقاومة الأسطول الإنجليزي اللي جاه في مصر 1801 وانضم للعثمانيين وبعض زعماء المماليك. ولاول مرة يحصل تحالف عثماني مملوكي. وغادرت من مصر سنة 1801 في عهد القائد الثالث للحملة الفرنسية اللي هو كان مينو. دون تحقيق أي هدف من أهدافه.

يعد اختيار عبد الله الشرقاوي. يعد اختيار عبد الله الشرقاوي. مين عبد الله الشرقاوي؟ من علماء الأزهر. وطالما عالم أزهر هنختاره رئيسًا للديوان العام. كلمة اختيار يبقى باستخدام الديمقراطية. ودي كانت أول شكل من أشكال تطبيق الديمقراطية في مصر. اختيار عبد الله الشرقاوي رئيسًا للديوان العام مظهراً ديمقراطياً. حيث تم اختياره بالاقتراع السري. باستخدام أول شكل من أشكال الثورة الفرنسية في مصر. فتم اختيار عبد الله الشرقاوي رئيسًا للديوان العام بطريقة الاقتراع السري. وده أنا بسميه ذكاء من نابليون. لأن مشاركة عبد الله الشرقاوي مشاركة شكلية دون ممارسة فعلية. الهدف الأساسي مساعدة إنجلترا أو مساعدة أسف فرنسا في حكم البلاد والتعرف على ما يدور في أذهان المصريين. دي تعمل عندنا إيه؟ ازدواجية فكر وثقافة. لأنه من علماء الأزهر.

هدف نابليون من إنشاء دواوين. هدف نابليون من إنشاء ديوان الأقاليم. طبعًا ديوان الأقاليم أُسند له المصريين بدل ما كان ديوان الأقاليم في عهد الحكم العثماني كان للمماليك. لخبرتهم بأحوال البلاد. يبقى هدف نابليون من إنشاء ديوان الأقاليم تحقيق أهداف اقتصادية. هي جباية الأموال. يبقى ديوان الأقاليم هيلعب دور الملتزم وهيلعب دور شيخ الطائفة وجمع الضرائب المقررة على الأهالي. وبكده اللي هيجمع الضرائب المصريين هيجمعوا الضرائب من المصريين. اجتماعياً النظر في المصالح والشكاوى ومنع المشاحنات لتحقيق الاستقرار المجتمعي. زي دور الأمم المتحدة. زي دور معاهدة الصلح العامة. زي دور أي منظمة موجودة عندي بتعمل على نشر السلم الاجتماعي بشكل كبير بين القرى. مما يحقق السلم الاجتماعي.

نتج عن مشاركة العلماء المصريين اثنين. نتج يعني الآثار المترتبة عن مشاركة العلماء المصريين في الديوان العام أيام الحملة الفرنسية. ارتفاع شأنهم سياسيًا. وعاد عليهم بالنفع في العام أو في النفع في القرن التالي لخروج الحملة الفرنسية في اختيار محمد علي. واجتماعيًا فبدأ عندهم ممارسات سياسية ويتعرفوا على نظم الحكم اللي موجودة في فرنسا. نتج عن مشاركة العلماء المصريين في الديوان العام. طبعًا كانت مشاركة شكلية خد بالك. الديوان العام بهدف تدريب العلماء والمشايخ على نظام الحكم الاستشاري فيما يعود بالنفع على الأهالي في الضرائب والمواريث. حتة المواريث دي هنبدأ نطبقها بعد كده في عصر سعيد.

هدف علماء الحملة الفرنسية من الاهتمام بالاقتصاد المصري. مش إحنا قلنا إن كان نابليون كان جايب معاه مجموعة من العلماء لدراسة أحوال مصر في كافة النواحي بهدف تحويل مصر إلى مستعمرة فرنسية. فهدف علماء الحملة الفرنسية من الاهتمام بالاقتصاد المصري خدمة المصالح الفرنسية. وده بنسميه ربط الاقتصاد المصري بمصالح الثورة الصناعية. اشمعنى؟ لأن اهتموا بالزراعة والصناعة والتجارة لخدمة أغراضهم. خاصة الزراعة. اهتموا بمشاريع الري. أدخلوا محاصيل جديدة زي زراعة البن وزراعة القصب. يعني ممكن يجيب لك صورة كده البن عبد المعبود ولا أي صورة ويقول لك الصورة دي بيعود تاريخها لإمتى؟ نقول له منذ الحملة الفرنسية لما دخلت لنا زراعة البن وزراعة القصب. قصب السكر. واهتمت ببعض المحاصيل التي تحتاج إليها فرنسا. فكل ده كان مرتبط بمصالح فرنسا. بهدف تحويل مصر إلى مستعمرة بحيث يعوضوا اللي ناقص عندهم.

بيقول لي بعد كده تحققت تحققت معظم إنجازات الحملة الفرنسية الاقتصادية في عهد مينو. بس طبعًا كان مينو عنصري. بس قدر مينو يسيطر على المصريين عن طريق الجريدة اللي عملها اللي اسمها جريدة التنبيه. فقدر مينو بشكل كبير يسيطر على المصريين. فتحققت معظم إنجازات مصر الثورة الاقتصادية. خاصة الزراعة والصناعة. بس التجارة لا. وهدف الحملة ما قدرش يوصل مينو إن هو يطور مصر بحيث تخدم فرنسا. ولكن كل اللي عمله مينو إن هو بدأ يطور في الزراعة والصناعة بحيث تخدم الحملة الفرنسية اللي موجودة. بحيث تحقق مبدأ الاكتفاء الذاتي بسبب وجود الأسطول الإنجليزي على شاطئ مصر وقطع الصلة ما بين فرنسا وما بين الحملة.

ظهرت أفكار مينو في الصناعة. الوجه الحقيقي للاستعمار العنصرية. من حيث إن هو أقام صناعة فرنسية بأيادي أجنبية وليس بأيادي وطنية. فافتقدت الصناعة الصناعة في عهد مينو العنصر الوطني. لأنه قال أنا مش هشرك المصريين بهدف منع تسرب أسرار الصناعة إلى فرنسا. فالهدف الأساسي اللي موجود عندي إن أنا أحافظ على أسرار الصناعة الفرنسية. فلم يقم مينو بضم عمال مصريين لهدف الصناعة لكي لا تتسرب إليهم أسرار الصناعة الفرنسية. وبالطريقة دي حفاظًا على تفوق فرنسا في كافة المجالات.

شهدت مصر أول مرة. شهدت مصر أول مرة سياسة التمصير. كلمة التمصير. إسناد الوظائف إلى المصريين. في أواخر القرن الـ 17. 1799 الميلادي. بالهيئات القضائية خلال عصر الحملة الفرنسية في عهد نابليون. حيث جعل العلماء المصريين يتولون القضاء بطريقة الانتخاب. ادي ثاني مرة يستخدم الديمقراطية. يبقى الترتيب. الديوان العام أول مرة في عبد الله الشرقاوي. رقم اثنين إن القضاء أو القضاة المصريين هيتولوا القضاء. وده مرتبط بأحداث حرب الشام بالنسبة لنابليون. مرتبط بما فعله أحمد باشا الجزار. مرتبط بالتحالفات الدولية اللي هو التحالف الثلاثي ما بين النمسا وما بين إنجلترا وما بين الدولة العثمانية لإخراج الفرنسيين من مصر. فعاد نابليون وجعل المصريين يتولون القضاء بدلًا من الأتراك.

أعلى مينو من سلطة القانون. أعلى مينو من سلطة القانون عندما رفض مبدأ الدية وتدخل في الدين الإسلامي وأحكام الدين الإسلامي وترك الأمر للقضاء. وبالطريقة دي فصل مينو بين القضاء والدين وعمل تدخلات في الدين. لأن مبدأ الدية كان مبدأ معمول به. والهدف هنا قال إن أنا هعلق قيمة القضاء والاهتمام بالقضاء الفرنسي. خاصة.

أكد مجيء العلماء مع الحملة الفرنسية أن الحملة أكثر من هدف بجانب الهدف العسكري. لذلك أنا قلت لك لم تكن الحملة الفرنسية مجرد حملة للغزو والاحتلال. وإنما كانت الحملة الفرنسية لها أهداف أخرى. حيث اصطحب نابليون مجموعة من العلماء بلغوا 146 عالم. الهدف منه دراسة أحوال مصر في كافة النواحي. عشان كده عمل لهم هيئة ثقافية سياسية راح مسميها المجمع العلمي.

تعددت أهداف المجمع العلمي. مهم جدًا. تعددت أهداف المجمع العلمي. فكان منها أهداف سياسية. أول هدف سياسي اللي إحنا بنسميه ربط العلم بالسياسة لدى متخذي القرار. يبقى إحنا هنربط العلم بالسياسة عند متخذ القرار ويبقى عندي إن الحكومة تاخد رأيها العلمي من العلماء عن طريق إنشاء المجمع العلمي. أهداف فكرية واقتصادية. حيث دراسة المسائل الطبيعية زي جغرافية مصر والبحرين الأحمر والمتوسط ومشروع قناة السويس. كل دي دراسة المسائل الطبيعية والصناعية اللي هي إنشاء طواحين الهواء بعد كده والاهتمام بالمناخ المصري والاهتمام بالزراعات المصرية. والتاريخية زي فك رموز حجر رشيد ونشرها والعمل على تقدم العلوم والمعارف. بس العلوم والمعارف اللي كانت موجودة في أوروبا هينقلوها إلى المجتمع المصري.

هدف نابليون من إصدار جريدة باللغة العربية. هدف مينو. أسف هدف مينو من إنشاء جريدة باللغة العربية اسمها جريدة تنبيه. في تحقيق أهداف سياسية وهي أن الهدف الأساسي من جريدة التنبيه اللي باللغة العربية نشر قرارات الحكومة وتحذير الناس من الاستماع لأصحاب الميول المعادية واستخدام الإعلام السياسي والسيطرة بشكل كبير على كل مفاصل الدولة في الفترة دي. وده نوع من أنواع الدعاية السياسية. وتعتبر أهم نتائج تركتها الحملة الفرنسية هي النتائج العلمية لما كان لها بعيد الأثر. حيث تم اكتشاف حجر رشيد وتم التوصل إلى مشروع توصيل البحرين اللي مشروع قناة السويس. وكمان تأليف كتاب اسمه كتاب وصف مصر. لذلك بنعتبر الحملة الفرنسية لها جانب مشرق بالنسبة للمجتمع ولها جانب مظلم بالنسبة للمجتمع المصري. حيث تأثر المصريين بالأفكار والعادات والتقاليد الفرنسية. فبدأوا في تقليد عاداتهم وتقاليدهم. وحصلت لنا صدمة في النواحي العلمية وكمان في النواحي الاقتصادية وكمان في النواحي الاجتماعية. وبالطريقة دي كانت الحملة الفرنسية بغض النظر عنها أو بغض النظر إن هي حملة للغزو والاحتلال إن أحدثت بالنسبة للمجتمع المصري تغيرات واضحة.

كده خلصت معاك الحملة الفرنسية. استعد لمحمد علي. امسك ورقتك وقلمك ويلا يا وحش. مصيبة محمد علي وعياله في الفصل الثاني عليهم لوحدهم حوالي 13 درجة في الامتحان. سواء بتيجي الأسئلة بتاعة محمد علي بشكل مباشر أو بيجيبها لك ربط مع فصول ثانية. طيب وأنا بذاكر محمد علي هركز على إيه؟ في فصول ولاد محمد علي هو وعياله هتركز حضرتك بشكل كبير على بص بقى الدرس الأول هتكلمني على مرحلة الصراع بعد خروج الحملة الفرنسية وبعد كده تقول لي إزاي المصريين اختاروا محمد علي. تيجي بقى على الدرس الثاني تقدر تعرف إن إنجلترا بتتكلم بشكل كبير أنا مش عايزاه محمد علي. فعملت محاولتين لخلع محمد علي. وتبدأ في آخر الدرس تعرف لي إزاي محمد علي اتخلص من الزعامة الشعبية. تيجي في الدرس الثالث على الاحتكار وتقدر تقول لي هو ليه محمد علي طبق نظام الاحتكار. وانت بتذاكر عشان خاطري ركز في الأحوال السياسية في عهد محمد علي في ظل الاحتكار. وتركز قوي قوي قوي في الحتة بتاعة الدواوين والحتة بتاعة التنظيم الإداري اللي عمله محمد علي. أيوه زي ما بقول لك كده بالظبط. ما تنساش إن محمد علي كان راجل عسكري بيحب الجيش قوي. وهقوله لك في الفيديو إن محمد علي اهتم بالقوة العسكرية. الكلام ده مهم جدًا. طيب هركز في إيه ثاني؟ بعد محمد علي ولاده. ما تنساش ولاده عباس وسعيد وإسماعيل. وتعمل لي بينهم مقارنة. طب أنا هركز إيه في عيال محمد علي؟ اللي أنا عايزه منك تركز في الأحوال السياسية في عهد خلفاء محمد علي. وتركز لي على إسماعيل في منطقة القرن الأفريقي واللي عمله. وتقارن لي بينه وبين محمد علي. مش هطول عليك. يلا يا بطل شوف إحنا هنقول لك إيه في الفصل الثاني.

الفصل الثاني يا وحش محمد علي وعياله معاك بسم الله ما شاء الله كده في الامتحان ما يقرب من 12 لـ 15 درجة في الامتحان. تعالى كده نركز في الفصل الثاني. بنبدأ نقول لك أول حاجة هدف الأتراك والمماليك من وراء الصراع على حكم مصر. الدرس الأول اللي هو خروج الحملة الفرنسية وأحوال مصر عقب خروج الحملة. هدف الأتراك والمماليك من وراء الصراع على حكم مصر. افهم الجملة دي إيه؟ أنت خدت بالك من كلمة هدفت مين اللي هدفت؟ الأتراك والمماليك. ده بنسميه صراع سياسي. فلم تكن الأمور مستقرة عندي صراع سياسي ما بين الأتراك والمماليك. فالمماليك عندهم طموح سياسي والأتراك هم كمان عندهم طموح سياسي. في بداية القرن الـ 19. يعني ابتداء من 1801 لحد 1805. دي بنسميها بدايات القرن الـ 19. لتحقيق مكاسب سياسية في إعادة السيطرة وبسط النفوذ على مصر بالنسبة للسلطان العثماني. يبقى خد بالك من كلمة إعادة السيطرة. بعد ما اتقطعت السيطرة ثلاث سنوات في ظل وجود الحملة الفرنسية. فاراد السلطان العثماني إعادة النفوذ على مصر مرة أخرى باعتبار أن مصر جزء من الدولة العثمانية ابتداء من القرن الـ 16. الرغبة في استعادة حكم مصر بالنسبة للمماليك. يعني إحياء الطموح القديم بالنسبة للمماليك. عايزين نرجع تاني طموح المماليك مرة أخرى. بحيث إن المماليك لاقوا الفرصة سانحة قدامهم إن هم يسيطروا على حكم مصر. هدف الإنجليز تحقيق مكاسب. لما أنا بكلمك هنا على الإنجليز يقول لي دي القوة الثالثة ودي قوة خارجية.

انجلترا دخلت في الصراع عشان تحقق مكاسب اقتصاديه وهي تامين طرق مواصلاتها إلى الهند ومكاسب استراتيجيه لأن مصر تقع على طريق التجارة بالنسبة إلى الهند وبالنسبة لمستعمراتها اللي موجودة. فأرادت انجلترا السيطرة على حكم مصر عشان تحقق أهداف اقتصاديه وأهداف استراتيجيه.

تباين موقف انجلترا. كلمة تباين يعني اختلاف. خد بالك بقى من كلمة تباين. احنا بنسمي كلمة التباين يعني إيه يا جماعة؟ اختلاف. وانت بتذاكر أكد أكتر على كلمة تباين. كلمة تباين يعني إيه؟ يعني اختلاف. كلمة تباين مش وضوح، لا، اختلاف. تباين موقف انجلترا. فانجلترا هنا ما بتدورش غير على مصلحتها. فيقول لي تباين موقف انجلترا تجاه المماليك خلال العقد الأول من القرن الـ 19. ترجم الجملة. قال لي إزاي؟ خلال العقد الأول من القرن الـ 19. كلمة العقد الأول يعني ابتداءً من 1800 لحد 1809. ده بنسميه العقد الأول من القرن الـ 19. مما يدل على أن السياسة ليس لها ثوابت. وده بندور إن انجلترا تبحث دائمًا على مصلحتها وما بتدورش غير على مصلحتها. فيقول لي تباين موقف انجلترا تجاه المماليك. مرة كانت مؤيدة للمماليك والمرة الثانية كانت معارضة للمماليك. وإن ده اللي يدل على أن انجلترا بتخدم مصالحها فقط. وده بنسميه إن المماليك لما يعتمدوا على قوى خارجية أن جعلوا من أنفسهم مجال لاستقطاب القوى الخارجية. وده أدى إلى ضعف أحوال المماليك. فإن السياسة ليس لها ثوابت دائمة. وإن الدول الاستعمارية تسعى. الدول الاستعمارية على طول خد بالك من كلمة الدول الاستعمارية. انجلترا، فرنسا، إيطاليا، إسبانيا، النمسا، المجر، ألمانيا. أي دولة ظهرت عندي في المنهج. بأن الدول الاستعمارية تسعى دائمًا لتحقيق مصالحها. فتح على طول الهدف. ما فيش دولة تساعدك ببلاش. لأن كل الدول تسعى إلى تحقيق مصالحها.

بالنسبة لمصر، تأثرت أوضاع مصر السياسية. إيه اللي اتأثر؟ أوضاع مصر السياسية. أثرت بشكل كبير في مصر. الأوضاع السياسية بتطبيق انجلترا شروط صلح إيميان سنة 1802. وخد بالك من صلح إيميان قوي قوي قوي. صلح إيميان صلح عقد ما بين الدول الأوروبية في إطار تسوية تصفية الحروب بين انجلترا وبين فرنسا في إطار تصفية الحروب النابليونية. طب إيه اللي حصل في صلح إيميان؟ اشترطوا الدول المجتمعة على خروج انجلترا من مصر. فخرجت انجلترا من مصر خروج اضطراري. يعني خرجت غصب عنها. فخرجت انجلترا تطبيقًا لشروط صلح إيميان. فلما خرجت انجلترا بقى عندي قوتين متصارعتين. فقد زادت قوة المماليك. يعني انت متخيل إن عقب شروط صلح إيميان كانت الكفة الراجحة لصالح المماليك وليس لصالح العثمانيين. وإن دل يدل على أن المماليك استخدموا نفس الأسلوب في الكفاح ضد الحملة الفرنسية اللي هو السيطرة على النيل. المماليك عندهم خبرة. المماليك عندهم خبرة بمصر ونجحوا في طرد القوات العثمانية من القاهرة وسيطروا على حكم البلاد. لأن سيطروا على مركز الحكم. فسيطر المماليك على مركز الحكم بقيادة واحد اسمه عثمان بيك البرديسي. قدروا يسيطروا على حكم مصر. وبالطريقة دي كانت الغلبة. وكان صلح إيميان كان لصالح المماليك أكتر. لأن المماليك أول خطوة عملوها احتلوا المنيا. وبعد ما احتلوا المنيا قطعوا الملاحة في نهر النيل زي ما عمل مراد بيك مع الحملة الفرنسية. فده بنسميه إنهم صاروا على نفس الخطى بشكل كبير.

توجد علاقة بين أثر الوجود الفرنسي في مصر أواخر القرن الـ 18 ونضج الزعامة الشعبية بداية القرن الـ 19. كلام جميل قوي. بيقول لي توجد علاقة بين أثر الوجود الفرنسي في مصر. الأثر الإيه؟ السياسي. بتتكلم على إيه؟ إشراك المصريين في الحكم. قصدك إيه؟ قصد الديوان العام اللي عمله نابليون في مصر في أواخر القرن الـ 18. يعني سنة 1798. ونضج الزعامة الشعبية في بداية القرن الـ 19. يعني في العام التالي أو بنسميه كده في القرن التالي للحملة الفرنسية. حيث نضجوا سياسيًا. لم يشاركوا في الحكم. وإنما نبتوا من قوة الصراع. فبدأت تظهر بعض الشخصيات الوطنية زي عبد الله الشرقاوي اللي كان موجود قبل كده والسيد عمر مكرم والسيد أحمد المحروقي والشيخ السادات. بعض الشخصيات الوطنية اللي كانوا موجودين بدأ يبقى ليهم دور في السيطرة على حكم مصر. وقالوا إحنا مش عايزين غير محمد علي هو اللي يحكمنا. وبالطريقة دي قدر محمد علي يوصل لحكم مصر عن طريق التفويض الشعبي أو الاختيار الشعبي الحر اللي كان موجود.

توجد علاقة بين أحوال مصر الاقتصادية وثورة المصريين في مارس 1804. بيقول لي توجد علاقة. خد بالك بقى بس من الثورة هنا. لأن هنا بيكلمني على إيه؟ بيكلمني على ثورة المصريين 1804. لأن في الفترة دي أنا حصل عندي ثورتين. فبيقول لي توجد علاقة بين أحوال مصر الاقتصادية وثورة المصريين 1804. دي بنسميها أول ثورة عقب خروج الحمل. طب إيه العلاقة اللي كانت بينهم أو إيه العلاقة اللي موجودة بينهم؟ بيقول لي بكل بساطة توجد علاقة بين أحوال مصر الاقتصادية وثورة المصريين بسبب طبعًا هنا عندي الأزمة الاقتصادية. عندي الأزمة الاقتصادية اللي حصلت سنة 1803 وانخفاض منسوب النيل. فتأثرت الأوضاع اللي موجودة في مصر. فقام أحد زعماء المماليك اتأخرت عليه دفع رواتب الجند. ما قدرش يدفعها. فقرر إن هو يفرض ضرائب على المصريين عشان يثبت الجند اللي موجودين معاه. فقام بفرض ضرائب على المصريين. فالمصريين نتيجة مشاركتهم في الدواوين بقى عندهم وعي سياسي. ونتيجة قيام الثورات زي ثورة القاهرة الأولى والثانية بقى عندهم وعي سياسي. فقاموا بثورة ضد المماليك. سميها كده ثورة ضد البرديسي. عثمان بيك البرديسي بسبب فرضه للضرائب والأتاوات على الأهالي. فساءت الأحوال الاقتصادية وقام المصريين بالثورة على طول. وده بنسميه من النتائج الإيجابية للحملة الفرنسية.

أثبتت فترة الصراع السياسي عقب ثورة 1804. طيب فترة الصراع السياسي عقب ثورة 1804 هي إيه أصلًا؟ صراع سياسي بعد ثورة 1804 ما بين المماليك اللي موجودين من جانب والمصريين من جانب آخر يدعمهم قائد الجند الألبان اللي هي الفرقة اللي موجودة في مصر محمد علي. فاثبتت فترة الصراع السياسي عقب ثورة 1804. أربعة. ذكاء محمد علي في إنه استخدم قوته العسكرية في تحقيق طموحاته وظهوره بمظهر غير الطامع في السلطة. لأن محمد علي في الفترة دي جاهر بالانضمام للعلماء والمشايخ. لم ينضم للثورة منذ البداية عشان خايف على قوته العسكرية. أمر جنده باحترام العلماء والمشايخ وتوعدهم بأنه سيبذل قصارى جهده لرفع الضريبة المقررة. وانتهزت فرصة الغضب اللي موجود وقام بمطاردة المماليك إلى الصعيد. فحصل فراغ سياسي. وهنا محمد علي قدر بقوته العسكرية إنه يقرب من الشعب المصري. وفي ولاية مصر من خلال اقتراح تعيين خسرو باشا. فده بنسميه الوالي العثماني اللي كان موجود. أول والي عثماني. فاعترض أنصار طاهر باشا. مين طاهر باشا ده؟ كان قائد الجند الألبان قبل محمد علي وقتل في مصر. كل دي فرقة عسكرية. هو اقترح خسرو باشا ليه؟ لأن خسرو باشا خسرو باشا كان عثماني. فمحمد علي برضه راح اقترح خرشد باشا. برضه باعتباره عثمانيًا عشان الولاء السياسي بالنسبة للعثمانيين. وبكده ظهر محمد علي بمظهر غير الطامع في السلطة وقدر إنه يكسب ود الشعب المصري.

مثلت الزعامة الشعبية بمصر الصخرة. مثلت الزعامة الشعبية بمصر الصخرة التي تحطمت عليها طموحات خرشد السياسية في التخلص من محمد علي. وده إحنا بنقول دافع الشعب المصري عن اختياره ووقف جنب محمد علي. وبالطريقة دي نجحت سياسة محمد علي في إن محمد علي قدر يكسب ود الشعب بشكل كبير. فلما نجحت سياسته بقى عنده حاجة اسمها ظهير شعبي وقدر قدر يضم الشعب لمحمد علي ويقربه منه. فبدأ يبقى كل ما يحصل حاجة بالنسبة للزعامة الشعبية أو بالنسبة لمحمد علي دافع عنه الزعامة الشعبية. أول مرة إن خرشد باشا طلب من محمد علي التوجه للصعيد عام 1805 لمطاردة المماليك اللي موجودين. فقال لهم لا. رقم اثنين 1805 حاول نقله إلى ولاية جدة. فطبعًا رفض محمد علي بفضل الزعامة الشعبية. بعد كده طلب استدعاء فرقة الألبان اللي قائدها محمد علي واستقدام فرقة الدولاه. وده كله تحطمت الصخرة بفضل الزعامة الشعبية. فمثل الزعامة الشعبية درع واقي لمحمد علي من طموحات أو من محاولات خرشد للتخلص من محمد علي.

تعد نتائج اجتماع دار المحكمة في مايو 1805. المعلومة بتقول لي هم ليه قعدوا في دار المحكمة؟ اشمعنى دار المحكمة اللي قعدوا فيها؟ قال لي قعدوا في دار المحكمة لإعلاء قيمة القضاء وإعلاء قيمة العدالة. في مايو 1805 ليدل على انتصار الإرادة الشعبية. بمعنى إن فعلًا امتثل إن فعلًا امتثل السلطان العثماني لطموحات الشعب المصري ونزل لرأي الشعب المصري. وبالطريقة دي لأول مرة تنتصر الزعامة الشعبية وفرض الإرادة بتاعتها. لأنهم لأول مرة يتم اختيار والي بإرادة شعبية بالنسبة للدولة العثمانية. في أول مرة في تاريخ مصر الحديث والتاريخ العربي كله يعزل والي ويعين آخر بإرادة شعبية. وبالطريقة دي ده كان يعد أول سد اجتماعي في تاريخ مصر وتاريخ العالم العربي. اللي هو عزل محمد علي وتعيين والي آخر.

النقطة اللي بعد كده بتقول لي توجد علاقة بين جهود الزعامة الشعبية وفشل بريطانيا. خد بالك بريطانيا هنا بيقول لي إيه؟ بيقول لي إن بريطانيا لم ترضخ. مش راضية بريطانيا إيه؟ لوجود محمد علي في الحكم. بريطانيا رافضة وجود محمد علي في الحكم في تغيير الوضع السياسي. فبريطانيا عملت عدة محاولات. المحاولة الأولى حاولت نقل محمد علي. والمحاولة الثانية حاولت خلع محمد علي. والاثنين دافع الشعب المصري عن اختياره. للمرة الأولى في محاولة نقله وللمرة المرة الثانية في محاولة خلعه. فكانت بريطانيا اللي هي انجلترا كان ليها دور في تغيير الوضع السياسي القائم في مصر عام 1806. لما أقنعت الزعامة الشعبية أو أقنعت السلطان العثماني بتثبيت محمد علي واليًا. نقل محمد علي وتعيينه واليًا على ولاية سالونيك. ولكن طبعًا السلطان العثماني استجاب لبريطانيا وأرسل فعلًا أسطولًا بقيادة موسى باشا. ولكن عمنا موسى باشا حاول إنه يمسك الحكم بالنسبة لمصر. ولكن الزعامة الشعبية اعترضت على وجود موسى باشا وأرادت تثبيت محمد علي حاكمًا على مصر. وبالطريقة دي فشلت انجلترا في المحاولة الدبلوماسية أو المحاولة الأولى لنقل محمد علي.

رقم اثنين. تحطمت طموحات بريطانيا في تغيير وضع مصر السياسي بالطرق الدبلوماسية وفشلت في إقناع الباب العالي بعزل محمد علي. وبالطريقة دي ما قدرتش انجلترا ولا السلطان العثماني يمشي كلمة على الزعامة الشعبية. فتحطمت طموحات بريطانيا في تغيير وضع مصر السياسي على يد المقاومة الشعبية المصرية خلال العقد الأول من القرن الـ 19. 1807 في حملة فريزر. فقد قام المصريين بدراوة. كلمة دراوه يعني بشجاعة منقطعة النظير في مقاومة حملة فريزر. اللي هي بنسميها الحملة الإنجليزية اللي جت هي كمان على الإسكندرية. طب وجت على الإسكندرية شبه الحملة الفرنسية في شوارع رشيد. يبقى مين اللي وقع عليه عبء المقاومة؟ أهالي رشيد والحماد. اللي إحنا بنسميها المدن الساحلية الشمالية. إلى أن تقهقر الإنجليز إلى الإسكندرية. إلى أن تم إجلاء الحملة الإنجليزية بعد ذلك. ولم تتمكن بريطانيا من خلع محمد علي من حكم مصر. وبالطريقة دي فشلت الطريقة العسكرية لخلع محمد علي. ومحمد علي دخل الإسكندرية منتصرًا واحتفل بنصر لم يحرزه.

السؤال هنا لماذا حاصر محمد علي الإنجليز؟ وليه ما قاتلهمش؟ قال لي محمد علي ما قاتلش الإنجليز في الإسكندرية لعدة أسباب. السبب الأول: حفاظًا على قوته العسكرية. السبب الثاني: حرصًا من الأسطول الإنجليزي اللي موجود. لأن إحنا اتفقنا إن انجلترا بحريًا أقوى. رقم ثلاثة: إن محمد علي أراد بالاحتفاظ بعلاقات طيبة منذ البداية مع انجلترا بحيث إن انجلترا لا تمثل ضغطًا على محمد علي بعد كده. تفضل انجلترا من 1807 لم تعادي محمد علي. أول مرة سنة خد بالك بقى بعد كده 1820 لما عملت اتفاقية الصلح العامة. وبعد كده يظهر عداء انجلترا لما عملت معاهدة لندن بعد كذا سنة في أواخر حكم محمد علي. ده بالنسبة لدور انجلترا اللي هي تعتبر أوائل الدول الأوروبية اللي نصبت العداء بالنسبة لمحمد علي.

النقطة اللي بعد كده بتقول لي أدى افتقاد انجلترا للمعلومات الكافية. طب هنا نرجع نقول لك إيه؟ بيقول لي إيه؟ سبب هزيمة انجلترا في الإسكندرية. ليه اتهزمت انجلترا؟ أو اتهزمت انجلترا فين؟ في الإسكندرية. بيقول لي أول معلومة: موت الألفي. وموت الألفي محمد علي هنا عمل فرح كبير قوي وقال: "لقد ضمنت حكم مصر بعد موت مين؟" بعد موت الألفي. لأن كان الألفي من أكبر المنافسين. الألفي كان عنده دعم داخلي من المماليك ودعم خارجي من قبل انجلترا. فلما مات الألفي محمد علي قال: "دلوقتي أنا ضمنت إني أوصل لحكم مصر". والألفي مات قبل وصول الحملة بحوالي شهرين كاملين. وده يدل على إن انجلترا ما عندهاش جهاز مخابرات وتفتقد إلى المعلومات الكافية. وبالطريقة دي فقدت انجلترا تأييد المماليك. فأدى افتقاد انجلترا المعلومات الكافية عن مصر والمقاومة الشعبية المصرية لهم إلى هزيمة الإنجليز وفشل حملة فريزر.

النقطة اللي بعد كده بتقول لي توجد علاقة بين نتائج الحملة الإنجليزية 1807. توجد علاقة بين نتائج النتائج اللي إحنا بنسميها نهايات الحملة. توجد علاقة بين نتائج الحملة الإنجليزية 1807 اللي هي في العقد الأول من القرن الـ 19 وتخلص محمد علي من قيود أول سد اجتماعي. هو مين اللي فرض عليه قيود أول سد اجتماعي؟ قال لي الزعامة الشعبية برئاسة عمر مكرم. فنتيجة حملة فريزر قال لي ارتفعت مكانة عمر مكرم وأصبح السيد عمر مكرم قصاد الناس كلها إن الناس بتتحاكم شجاعته. فمحمد علي انتهز الفرصة وعايز يخلص من أول سد اجتماعي. نتيجة ارتفاع مكانة عمر مكرم. فحصل انقسام ما بين عمر مكرم والشيخ السادات. اسمه الشيخ محمد السادات. فانتهز محمد علي الفرصة وحاول إنه يخلص من السيد عمر مكرم لدوره الواضح في مقاومة حملة فريزر. وبالطريقة دي قدر فعليًا إنه يحدث انقسام نتيجة الأزمة الاقتصادية بين صفوف الزعامة الشعبية. مما أدى في النهاية إلى نفي عمر مكرم إلى دمياط. والأول خلعه من نقابة الأشراف. يبقى يقول لي توجد توجس محمد علي من زيادة مكانة عمر مكرم بن الناس لدوره الواضح في رسم خطوط المقاومة في حملة فريزر. ولذلك عمل محمد علي على التخلص من الزعامة الشعبية وفرد عليه أو التخلص من فرض قيود الولاية.

توجد علاقة بين المطامع الشخصية. وهنا أول ما تشوف مطامع شخصية تبدأ تتكلم على شخصيات زي محمد بيك أبو الدهب، زي علي بيك الكبير، زي محمد علي، زي الشيخ السادات. كل دي بنسميها مطامع شخصية. فسعى محمد علي لتحقيق طموحاته بقتله لعلي بيك الكبير. وسعى علي بيك الكبير للانفصال عن الدولة العثمانية لتحديد مجد شخصي. وسعى محمد علي لإعلاء مكانته الشخصية بالتخلص من شروط الولاية. وسعى الشيخ السادات لتحقيق مطامع شخصية بالتخلص من عمر مكرم. يبقى لبعض أفراد الزعامة الشعبية. يقصد بمين هنا؟ بعض الأفراد. الشيخ السادات. ونجاح محمد علي في تحقيق طموحاته السياسية في اللعب على مبدأ فرق تسد. حيث انتهز محمد علي فرصة انقسام القيادات الشعبية حول تقدير مكانة عمر مكرم ليتخلص من عمر مكرم ويخلص من الزعامة الشعبية. وقدر إنه يخلص من الزعامة الشعبية بشكل كبير.

يوجد ارتباط. طبعا الربط هنا مهم. يوجد ارتباط وثيق. خد بالك من كلمة ارتباط. ارتباط يعني علاقة. يقول لي يوجد ارتباط بين أحداث الحركة الانفصالية ضد الحكم العثماني. الحركة الانفصالية دي اللي قامت فين؟ قال لي الحركة الانفصالية اللي قامت في شبه الجزيرة العربية. اللي قامت على يد محمد عبد الوهاب. طب قامت فين؟ قامت في الجزيرة العربية. طب كان عايز يعمل إيه؟ يستقل عن الدولة العثمانية. ضد الحكم العثماني في شرق مصر في شبه الجزيرة العربية في النصف الأول من القرن الـ 19. 1811. اللي هي الحركة الوهابية. وتحقيق محمد علي لطموحاته السياسية وهو الانفراد بالحكم نهائيًا بعد تخلصه من المماليك. واستغل خروج. خدت بالك بالك أنت من كلمة خروج؟ ما استناش للنتائج. يعني محمد علي هيخلص من آخر منافسيه بمجرد الخروج. مجرد خروج الجيش المصري وهو رايح يحارب في الحروب الوهابية. طبعا كان بقيادة ابنه طوسون. واللي كمل بعد منه ابنه إبراهيم. وتخلص محمد علي من آخر منافسيه وانفرد بالحكم. وقام بتنفيذ المشروعات الاقتصادية وتطبيق نظام الاحتكار في مصر بشكل كبير. يبقى ترتب على التخلص من المماليك انفراض محمد علي بالحكم دون منافس. وارتبط التخلص بحركات التوتر ضد الدولة العثمانية. اربط كل الكلام ده ببعضه.

هدف محمد علي من سيطرة الدولة على الإنتاج الاقتصادي. وهنا تبدأ تطبق إن محمد علي بيطبق مبدأ الهيمنة والسيطرة. أنت خدت بالك محمد علي هدف من الهدف هو بيقول لي الهدف يعني السبب. محمد علي من سيطرة الدولة على الإنتاج ده بنسميه إيه؟ سيطرة الدولة على الإنتاج. الاحتكار الاقتصادي. وجعل الميزان التجاري لصالح الدولة. اقف هنا في كم جملة مهمين قوي لازم نوضحهم. يبقى الهدف. الهدف اللي هو السبب. إن محمد علي طبق نظام الاحتكار اللي هو سيطرة الدولة على الاقتصاد. كل جملة وتفصيل على الإنتاج الاقتصادي في الزراعة والصناعة والتجارة والتعدين والنقل والمواصلات. بجعل الميزان التجاري. فيقول لي هو إيه الميزان التجاري؟ قال لي الميزان التجاري ليه كفتين: كفة الصادرات وكفة الواردات. فقال إن الدولة القوية هي التي تبيع أكثر ما تشتري. فتصدر أكثر ما تشتري. يبقى الميزان التجاري لصالح الدولة. وذلك من خلال زيادة الصادرات عن الواردات. كلمة صادرات اللي هي السلع التي تبيعها الدولة. وكلمة واردات هي السلع التي تشتريها الدولة. فمحمد علي كان بيطبق إن الدولة القوية هي التي يزيد صادراتها على وارداتها. لذلك إن هدف محمد علي هي المنافسة. هدف محمد علي هي عدم الكفاية. وإنما الوجود الفائض الذي يسمح بالتصدير.

نتج عن جهود محمد علي. نتج عن جهود محمد علي في الزراعة توفير أكبر قدر ممكن. نتج عن جهود محمد علي في الزراعة. اشمعنى محمد علي اهتم بالزراعة؟ لأن في الفترة دي الاقتصاد العالمي كان يميل إلى الزراعة بشكل كبير. وإن مصر منخى ملائم لزراعة العديد من المحاصيل اللي هيبدأ محمد علي يصدرها لأوروبا بس بعد تصنيعها. يبقى في الزراعة توفير أكبر قدر من الدخل من الإنتاج الزراعي. راعي. يبقى الهدف هنا إنه عايز يزود الإنتاج الزراعي. فيبدأ يشتغل على الابتكار والتجديد من الإنتاج الزراعي وزيادة المساحة المحصولية. فلما تيجي تقول لي زيادة المساحة المحصولية إيه؟ يعني بنسميه التوسع الأفقي والتوسع الرأسي للأراضي الزراعية. بس بالأخص لما يزود المساحة المحصولية ده بسميه توسع رأسي. بمعنى إيه توسع رأسي؟ بمعنى إنه عايز يزرع الأرض ثلاث مرات. الأرض دي ثابتة وهزرعها كام مرة؟ ثلاث مرات في السنة. فبدأ يهتم في الوجه البحري ويوجه اهتمام خاص بمشروعات الري في الوجه البحري من خلال إنشاء القناطر الخيرية في منتصف النيل أو عند نقطة التفرع في القاهرة. والتي أدت إلى تحويل أراضي الوجه البحري من ري أحواض لري دائم باتباع ما يسمى بالأساليب الحديثة واتباع ما يسمى بالدورة الزراعية.

توجد علاقة بين سياسة محمد علي الاقتصادية. فهنا بتركز تقول لي أنا بأخذ بالي من سياسته الاقتصادية. يقصد إيه السياسة الاقتصادية هنا؟ يقصد بتطبيق نظام الاحتكار. يبقى يقصد بالسياسة الاقتصادية تطبيق نظام الاحتكار. بالنسبة للصناعة. يبقى هو بيطبق نظام الاحتكار بالنسبة للصناعة. وبناء القوى الذاتية المصرفية. عندما تولى محمد علي حكم مصر كانت أحوال الصناعة لا تلائم حاجة الجيش. حط خط تحت لكلمة الجيش. كل الإصلاحات اللي عملها محمد علي لخدمة الجيش. لخدمة الأغراض العسكرية. كل التطوير اللي عمله محمد علي لخدمة الجيش. إنشاء المصانع والمزارع والاهتمام بالتجارة. وكل ده كان لخدمة الجيش. لأن محمد علي أصلًا متربي كجندي. فمحمد علي بيهتم بالجيش بشكل كبير. فقال كل المصانع اللي عملها زي مصانع الأسلحة ومصانع الصابون ومصانع النسيج ومصانع الأغذية. كل الكلام ده لخدمة الجيش. وبرضه إرسال البعثات لخدمة الجيش. كل ده كان بشكل كبير لخدمة الجيش في عهد محمد علي والأسطول. لذلك رأى أن خضوع أحوال الصناعة لنظام الاحتكار وسيلة لتنظيمها. يبقى الهدف من ترتيب نظام الاحتكار التنظيم وتحقيق أهدافها. بناء القوى الذاتية للبلاد من حيث الاهتمام بالصناعة عشان يقوي الجيش. والاهتمام بالزراعة بعد كده للجيش. والاهتمام بالأسطول. كل ده كان لخدمة الجيش. لأن محمد علي هنا كان مؤمن إن الدولة القوية هي اللي يكون عندها جيش قوي. ويكون عندها جيش قوي إزاي؟ لازم تمتلك سلاحها.

بيقول لي بعد كده استفادت مصر بفضل جهود محمد علي وموقعها الاستراتيجي في التجارة العالمية بين الشرق والغرب. استعادت مصر بفضل جهود محمد علي. طب محمد علي عمل جهود إيه؟ وموقعها الاستراتيجي في التجارة العالمية. كلمة التجارة العالمية يعني محمد علي وضع مصر مرة أخرى على خريطة التجارة العالمية. يعني إيه على خريطة التجارة العالمية؟ قال الذي تضاءل بسبب بسبب الكشوف الجغرافية والذي تضاءل بسبب عدم كفاية الإنتاج. فمحمد علي يحط مصر مرة أخرى على خطوط التجارة العالمية عن طريق رقم واحد: تطهير البحر الأحمر اللي هو البحر الشرقي بالنسبة لمصر من القراصنة. بمعنى توفير الأمن. لذلك فضلت شركة الهند اللي بتدور على مصلحتها الشرقية الإنجليزية استخدام طريق البحر الأحمر للمرور منه بدلًا من الدوران حول طريق رأس الرجاء الصالح. وبكده ظهور محمد علي يتناسب عكسيًا مع طريق رأس الرجاء الصالح.

النقطة اللي بعد كده بتقول استف استعان محمد علي بخبرات الدول الأوروبية. يبقى بالرغم من العداء السياسي. يعني كان في عداء سياسي ما بين محمد علي وما بين الدول الأوروبية إلا إنه استفاد منه. ده بيسميه تحقيق مبدأ المصلحة المتبادلة. في عداء سياسي مع الدول الأوروبية وخاصة انجلترا. فاراد محمد علي الاستفادة من الخبرات العسكرية السياسية أو الاستعانة بانجلترا في دعم خبراته. وبدأ يكون ليه أثر واضح في تطوير الزراعة عن طريق البعثات. لما بعت بعثات لتعليم الري والصرف. عن طريق الصناعة. لما أرسل خبراء واستخدم خبراء. حيث قام محمد علي باستخدام خبراء من الخارج في مجال الزراعة والصناعة. يبقى في تشابه ما بين الإجراءات اللي موجودة في الزراعة والصناعة. أصلًا الاثنين عكس بعض إيه؟ في الإجبار بالنسبة للعمالة والمشكلة اللي واجهت محمد علي في العمالة بالنسبة للصناعة. تخصيص بعثات للخارج لاكتساب. يبقى الهدف هنا هو هنا بيحاول الاستفادة من سياسة النقل والانفتاح على الحضارات الأخرى لاكتساب الخبرات اللازمة لدراسة أصول الري اللي يخص الزراعة والصرف يخص الزراعة وفنون الصناعة المختلفة. وترجمة الكتب الصناعية. الترجمة هنا عن طريق مدرسة الألسن. الترجمة هنا هو استخدم ترجمة الكتب ليه؟ لتقليل الاعتماد على الدول الأوروبية وتقليل أعدادهم داخل مصر.

استفاد المجتمع المصري اجتماعيًا. لما يقول لي استفاد المجتمع المصري اجتماعيًا واقتصاديًا من سياسة محمد علي تجاه سكان الصحراء اللي هم البدو. وهنا محمد علي طبق مع البدو مبدأ المواطنة. بحيث إنه اعتبر البدو جزء لا يتجزأ من المجتمع المصري. فعمل على توطين البدوي للاستفادة منهم اقتصاديًا بدل ما كان ليهم دور هدام. فاستفاد المجتمع المصري اجتماعيًا. تقول له على طول البدو. واقتصاديًا هكلمه على الأعيان وأكلمه على البدوي. بدو. لأن بدأ يظهر الأعيان من سياسة محمد علي دي. قلناها. حيث ظهرت كقوة اجتماعية. خد بالك البدو هنا إيه؟ ظهروا كقوة اجتماعية. إنما هم كانوا موجودين قبل كده. كانوا موجودين بس ما كانوش كقوة اجتماعية. هم ظهروا كقوة سياسية لأول مرة في عهد نابليون نتيجة إشراك البدو في الديوان العام. مستقر بعد منح زعمائهم أراضي واسعة اللي إحنا بنسميها الأبعاديات. ودخولهم تدريجيًا في الحياة المدنية. يبقى أداهم أرض فين؟ في الريف وفي المدن. واختفى تهديدهم للتجارة الداخلية. وده كان الهدف الأسمى. الحفاظ على التجارة الداخلية الذي كان ظاهر في عهد الحكم العثماني. يبقى محمد علي قدر يصلح اللي ما قدرتش عليه الدولة العثمانية. أدت سياسة محمد علي لما أقعد أتكلم على سياسة محمد علي على طول بسميها سياسة الاحتكار أو سياسة الباب المغلق. إلى تعزيز قيمة المواطنة وإدراك قيمة المشاركة المجتمعية وتحقيق مبدأ العناصر المجتمعية كلها جزء لا يتجزأ من المجتمع والاستفادة من جميع طوائف المجتمع والاستفادة من جميع الشعب بجميع طوائفه.

توجد علاقة. يوجد علاقة بين سياسة محمد علي الاقتصادية الاحتكار واختفاء الدور الاقتصادي لبعض الشخصيات المصرية زي أحمد المحروقي. أحد كبار التجار. وأنا عملت لك فيديو صغير كده بتكلم على إن التاجر المحلي محطوط عليه من أيام الحكم العثماني لحد ثورة 52. اللي هتبدأ تظهر دور التاجر المحلي. فهناك علاقة بين اختفاء الدور الاقتصادي. وهنا أنا بقول لك 3 6. عندي ثلاث شخصيات أو ثلاث طوائف اختفوا. ست طوائف ظهروا نتيجة سياسة محمد علي. تقول لي أعيان. أسف. علماء. علماء. تجار. مماليك. علماء. تجار. مماليك. وارجع لفيديو الشرح. الست قوة اللي ظهروا هتبدأ تقول لي أسرة محمد علي. الوكلاء الأجانب. طلاب المدارس. تبدأ تكمل وتقول لي الأعيان والبدو والصناع. دول بدأوا يظهروا بشكل كبير داخل المجتمع.

أراد محمد علي تحقيق مكاسب اقتصادية من التعليم. أراد محمد علي تحقيق مكاسب اقتصادية منين؟ من التعليم. يبقى إذا اهتمام محمد علي بالتعليم لتحقيق مكاسب اقتصادية وتحقيق مكاسب عسكرية. حيث أدرك أن النهضة التعليمية لابد أن تكون متاحة للجميع. فمحمد علي أول من طبق اجبارية التعليم أو أول من طبق مجانية التعليم. زي ما أنا قلت لك كده جاب رفاعة الطهطاوي قال له: "تعالى يا رفاعة اغسل رجلك من الطين ويلا يا حبيبي أنت طالع على بعثة". قال له: "بجد والله؟" محمد علي قال له: "يلا". فطلع على رأس بعثة تعليمية والطين لازق على رجله. فده اللي يدل على إيه؟ إن محمد علي كان جعل التعليم مجانيًا لجميع فئات الشعب. ودي عدالة اجتماعية عملها محمد علي. طيب. فبيقول لي من التعليم لارتباطه بسياسة الاحتكار الاقتصادي وبناء القوى الذاتية. أول ما أسمع كلمة بناء القوى الذاتية أتكلم على بناء الجيش المصري. وظهر ذلك في إنشاء المدارس المتخصصة. ده بنسميه إيه؟ تخصص. مثل المهندس خانة اللي هي الهندسة يعني والفنون والصناعة والطب والبيطرة. وكل كل المستشفيات والحاجات اللي عملها والإنجازات والمدارس والكلام ده كله كان لخدمة بناء القوى الذاتية بشكل كبير.

أراد محمد علي تحقيق مكاسب عسكرية. يبقى هنا محمد علي عايز يحقق مكاسب عسكرية في بناء الجيش. أنا قلت لك فكر محمد علي كله رايح للجيش. من خلال التعليم. يبقى الجيش هنا مرتبط بالتعليم. لارتباطه بالتوسع الخارجي والحروب اللي هيدخلها محمد علي. سواء كانت حروب لرغباته التوسعية أو لكسب ود السلطان. يعني حروب بناءً على رغبته أو على رغبة السلطان التي دخلها. وظهر ذلك في إنشاء المدارس العسكرية. أول مدرسة عسكرية أنشأها محمد علي كانت في أسوان. وبعد كده محمد علي عمل مراكز للتدريب. وبعد كده محمد علي عمل مدرسة للأسطول على ظهر إحدى المراكب. وده بنسميه تعليم عملي غير التعليم. وبيسموه كده عكس التعليم النظري. فانت بتقول عمل مدرسة على ظهر إحدى المراكز.

يؤكد إرسال محمد علي للبعثات. محمد علي قام بإرسال بعثات بهدف إن محمد علي متأثر بالحضارة الأوروبية. وكمان عايز ينقل مظاهر الثورة الصناعية لمصر. ويشيل إرسال البعثات دي. يعني الراجل ده كتر خيره عايز يقوم بإلغاء العزلة التي فرضها العثمانيون. فقام بإرسال البعثات التعليمية للخارج. خاصة لانجلترا. بالرغم من عدائه السياسي مع انجلترا. على فصله سياسته الخارجية المخالفة لتلك الدول ورغبته في بناء الدولة. وبكده يبين إن محمد علي ما بيدورش غير على مصلحته. وبرضه انجلترا هي كمان ما بتدورش غير على مصلحتها. فانجلترا بتقول: "أنا أهم حاجة عندي مصلحتي". فـ "أنا هعدي من مصر" لأن محمد علي طهر البحر الأحمر من القراصنة. ومحمد علي يقول لهم: "أنا أهم حاجة عندي مصلحتي. فأنا هبعت لكم بعثات تعليمية بهدف نقل الدراسات العسكرية". بنسميه تدريب عملي على الدراسات العسكرية.

أظهر هذا النوع من التعليم ثقافة. أظهر هذا النوع من التعليم ثقافة مدنية تختلف عن الثقافة الدينية التي كانت ذات تعليم أو كانت ذات طابع سائد آنذاك. مما أدى إلى حدوث ازدواجية في الثقافة والفكر. التي قد بدأت مع الحملة الفرنسية. الازدواجية وانت بتذاكر يا وحش هتقول لي رقم واحد: بدأت بنسميها كده الجذور منذ الاحتلال الأوروبي منذ الحملة الفرنسية. رقم اثنين: ظهرت. لما محمد علي عمل مدارس مدنية الطابع والحق بها طلاب الأزهر. رقم ثلاثة: تقول لي تعمقت نتيجة إرسال البعثات التعليمية اللي بعتها إسماعيل. نتيجه وجود المدارس التبشيرية اللي هي المدارس الأجنبية اللي كانت موجودة في عصر عباس وفي عصر سعيد. وبعد كده حاول إسماعيل معالجة الازدواجية. يبقى هنقول أظهر هذا النوع من التعليم. يبقى يقول لي بما تفسر حدوث مشكلات ثقافية في عهد محمد علي؟ أو يقول لي ما العيوب الموجهة للتعليم في عهد محمد علي؟ بقول له إنه عمل مدارس مدنية الطابع تعليم اللي هي الطب والهندسة والصيدلة والحق بها طلاب طلاب الأزهر ذات الثقافة الدينية. فـ أنا عندي كده نوعين من التعليم مختلفين. مما أدى إلى حدوث ازدواجية فكر وثقافة. وده أثر على نمط المجتمع وتفكيره بعد كده.

بيتكلم على المجالس السياسية اللي كانت موجودة. يقول لي يعد مجلس المشورة من أكثر عناصر السلطة التنفيذية. أنا بقول لك لا، شيل التشريعية كمان. مجلس المشورة اللي عمله محمد علي 1829. يعني عمله كده في القرن الـ 19 في العقد الثالث. أواخر العقد الثالث من القرن الـ 19. مجلس المشورة عمل للاستشارة في مسائل الإدارة والتعليم والأشغال العامة. مين اللي عمل الكلام ده؟ محمد علي. فلم يكن مجلس المشورة سوى هيئة استشارية. وده عيوب حكم محمد علي. اللي هو جمع ما بين الحكم الشرقي والغربي في إنشاء مجالس استشارية لا قيمة لها. من أكثر عناصر السلطة التنفيذية تنوعًا في أعضائه. لأن كان عبارة عن جمعية عمومية نيابة عن الأمة. يعقد مرة واحدة. يتكون من فئات مختلفة. ده اللي بنسميه كان جمعية عمومية. يعني بيتكون من جميع فئات المجتمع.

هدف محمد علي من إنشاء الدواوين الاستشارية. كلمة دواوين استشارية يعني دواوين ظاهرية وليس لها ليس لها حكم فعلي. فكان كل الدواوين اللي عملها محمد علي لخدمة أغراضه دواوين استشارية. تركيز السلطة في إيده. وده بنسميه حكم مطلق فردي. يعني هو محمد علي بس اللي يحكم لوحده. وليس إقامة حكم دستوري نيابي. وده مخالف للحكم من 1805 لحد الحكم 1808. الفترة دي كان حكم محمد علي حكم دستوري في بداية حكمه. وده سؤال بيلخبط معظم الطلبة الشاطرين في الامتحان. يقول لي: "كان حكم محمد علي منذ بدايته حتى نهايته قائمًا على فكرة الحكم المطلق". أيد صحة العبارة. فيطلع طالب يقول له: "صح". حيث تولى محمد علي السلطة فعمل حكم مش عارف إيه وعمل دواوين. أقول له الكلام غلط. لأن حكم محمد علي من 1805 لـ 1808 قائم على الحكم الدستوري. بيحكم وفقًا للزعامة الشعبية اللي قالوا له: "ألا تبرم أمرًا إلا بمشورتنا، وإلا عزلناك". قال لهم: "حاضر". "وأن تحكم وفقًا للدستور". قال لهم: "حاضر". بعد عام 1808 و1809 لما اتخلص من السيد عمر مكرم ونفي عمر مكرم 1809 لدمياط. قدر محمد علي ينفرد بالحكم. وبالطريقة دي حكم محمد علي حكمًا ديكتاتوريًا. وكمان بعد تخلصه من المماليك.

اقتصر الدور المصري في الجهاز الإداري. كلمة اقتصر في اللغة العربية يعني فقط. الدور المصري في الجهاز الإداري. يعني الجهاز الحكومي. يعني الجهاز الوظيفي. في الوظائف الإدارية. الوظائف الإدارية بتبدأ منين؟ قال لي رقم واحد: الحكومة المركزية. رقم اثنين: المديريات اللي سماها محمد علي. رقم ثلاثة: بعد المديريات الأقاليم. طيب لو إحنا بصينا للحكومة المركزية والمديريات والأقاليم اللي موجود ده اسمه تقسيم إداري. في النصف الأول من القرن الـ 19. يعني ابتداءً من 1800 لحد 1850. طبعا نهاية حكم محمد علي قبل كده. على الوظائف المالية. اقتصر الدور المصري في الجهاز الإداري في النصف الأول من القرن الـ 19. الوظائف المالية إلى جانب وظيفة شيخ البلد والعمده. طبعا هم ما كانوش موجودين في الوظائف المالية. ولكن كانوا موجودين فقط في وظيفة العمده ووظيفة شيخ البلد. ودي بنسميها أصغر وظيفة إدارية. فلم تكن كل الوظائف في عهد محمد علي كانت مصرية أو كانت تركية؟ قال لي كان عندي جزء بسيط من الوظائف. وظيفة العمده وشيخ البلد كانت وظيفة مصرية عشان خاطر خبرتهم بأحوال البلاد عشان يحقق الاستقرار المجتمعي.

هدف محمد علي من إنشاء جمعية الحقانية. ده بسميه إصلاح قضائي. والإصلاح القضائي لتحقيق الاستقرار المجتمعي. أنا بعتبر القضاء إصلاح اجتماعي. لأن مجرد وجود القضاء اللي هو الإصلاح الاجتماعي بشكل كبير بيؤدي إلى إيه؟ قال لي بيؤدي لاستقرار أوضاع المجتمع. هو القضاء عبارة عن إيه؟ الفصل في القضايا التي تنشأ بين مين؟ بين الناس. عشان نحقق مبدأ العدالة. بين الحكومة والأجانب. عشان اللي ليه حاجة ياخدها. فمحمد علي حقق عمل جمعية الحقانية دي كانت أول وزارة عدل. عشان يحقق مبدأ العدالة. لمحاكمة كبار الموظفين وضبط ما يسمى بالفساد الإداري. اللي إحنا بنسميها دلوقتي هيئة الرقابة الإدارية. لأنها اختصت بمحاكمة كبار الموظفين والكلام دهوت كان بعد سقوط الاحتكار. وبعد كده قلت سلطة الدولة في السيطرة على جميع الموظفين. فكانت بمثابة محكمة جنايات للفصل في القضايا التي تنشأ من الموظفين الكبار اللي موجودين في الدولة.

ارتبط مفهوم عدم الفصل ما بين السلطات. طالما قال لي عدم الفصل ما بين السلطات يبقى دي بنسميها ديكتاتورية. يعني إيه الفصل بين السلطات؟ ما بين السلطة التنفيذية والتشريعية والقضائية. في عهد محمد علي بتأسيس المجلس المخصوص. والمجلس المخصوص مجلس تم إنشاؤه بعد سقوط بعد سقوط الاحتكار. فكان محمد علي بدأت سلطته تضعف. فخلى المجلس المخصوص له سلطة تنفيذية. النظر في شؤون الحكومة الكبرى. وتشريعية. سن اللوائح والقوانين. جمع كلا منهم بين السلطات التنفيذية والسلطات التشريعية. وكمان السلطات القضائية. ده عدم الفصل ما بين السلطات.

اتجه محمد علي لبناء جيش مصري نظامي. أمال كان الجيش قبل كده كان إيه؟ كان غير نظامي. كان عبارة عن فرق عسكرية غير نظامية. الجملتين دول فيهم كلام كتير. كلمة جيش نظامي. الجيش كان غير نظامي. كان عبارة عن فرق عسكرية غير نظامية قبل ما محمد علي يروح الحروب الوهابية 1811. يبقى قبل أي حرب كان الجيش غير نظامي. عبارة عن فرق عسكرية. اللي يدفع أكثر حارب معاه. محمد علي حب يعمل جيش نظامي شبه الجيوش الحديثة اللي موجودة حاليًا. يعني الجيش المصري دلوقتي نظامي. وجيش مصري هيلجأ إلى محاولات لإعداد العديد من الجنود. فبدأ بالجنود الألبان وفشل. وبعد كده اتجه للمصريين وفي الأول فشل. وبعد كده اتجه للسودانيين وبعد كده فشل. وبعد كده راح للمصريين تاني. وده بيسميه إصرار. الهدف لأول مرة خلال العقد الثاني 1811. خد بالك بس من كلمة العقد الثاني والكلام ده كله من القرن الـ 19 الميلادي. ودي كانت محاولة محمد علي لإعداد جيش نظامي في مصر.

ربط محمد علي بين الجيش والتعليم من خلال إنشاء عدة مدارس. محمد علي ربط ما بين الجيش والتعليم من خلال إنشاء عدة مدارس مدنية وعسكرية. يعني عمل مدارس مدنية زي الطب والهندسة وعسكرية زي المدرسة الحربية الأولى اللي عملها في أسوان. واختار لها الكولونيل سيف أو سليمان باشا الفرنسي كقائد أول مدرسة. وكمان كان محمد علي هنا في الفترة دي كان بيخاطب أبناء المماليك. لأنهم أولاد المماليك اللي دخلهم معاه في المدرسة وقعدوا ثلاث سنين. طيب. بعد كده بيقول لي يوجد ارتباط بين بناء القوة العسكرية. ركز في الكلام ده عشان إحنا دخلنا في الجد. يوجد ارتباط إيه وجه الارتباط هنا؟ بين بناء القوة العسكرية المصرية في عهد محمد علي والحملة الفرنسية. فاستفاد محمد علي من مين؟ قال لي استفاد محمد علي. خد بالك عشان هنا في سؤال بيجي لي بيلخبطني. يقول لي: "مهد أو مهدت الحملة الفرنسية لمحمد علي عسكريًا في السيطرة على الحكم". فـ أقول له: "مهدت الحملة الفرنسية لمحمد علي عسكريًا في السيطرة على الحكم حيث أنهكت قوة المماليك". دي حاجة مختلفة عن اللي إحنا بنقول عليه دلوقتي. فـ بيقول لي: "يوجد ارتباط بين بناء القوة العسكرية المصرية في عهد محمد علي والحملة الفرنسية". ليه؟ لأن محمد علي اعتمد على الكولونيل سيف. اسمه سليمان باشا الفرنسي. فاعتمد على الخبرة الفرنسية. وكمان قام بإرسال العديد من البعثات التعليمية إلى فرنسا. لما اتسعت معاه دايرة التجنيد. فقام بإنشاء مدرسة حربية لتخريج ضباط عسكريين على النظام الحديث. وقلت لك المدرسة دي موجودة في أسوان. وأختار لها الكولونيل سيف.

أكدت نتائج الحروب. دخلنا بقى كده في الحروب. أكدت نتائج حرب المورة اللي إحنا بنسميها حرب اليونان. أكدت نتائج حرب المورة اللي هي حرب اليونان. أول حرب لمحمد علي في أوروبا. والحرب دي كانت موجودة في.

جنوب أوروبا في العقد الثالث من القرن الـ 19. فيقول لي: "يعني إيه العقد الثالث؟" أقول له: "سنة 1822-24، ده اسمه العقد الثالث كله من القرن الـ 19. باجي عند أي رقم ده وأروح مزود واحد، فبقدر أحوله للعقد."

على نجاح التجربة الثانية في إعداد الجنود، اللي هي تجربة إعداد المصريين، بس إحنا بنسميها التجربة الثانية للاعتماد على المصريين. ارتبطت بداية ظهور البحرية المصرية، ارتبطت بداية ظهور البحرية، الأسطول البحري المصري الحديث للقضاء على الحركات الانفصالية، اللي هي حركة محمد عبد الوهاب، نتيجة الحروب الوهابية ضد الدولة العثمانية في شبه الجزيرة العربية خلال العقد الثاني من القرن الـ 19، 1811 الميلادي.

الهدف هنا ظهرت البحرية نتيجة إن تم استخدام الأسطول كإمداد وتموين، يعني إحنا بنسميه في اللغة غير الإمداد والتموين، نقل ومواصلات. عشان الناس بتقول لي: "يا مستر، هيروحوا يحاربوا محمد عبد الوهاب فين؟ ده في صحرا، فإزاي هيستخدموا الأسطول؟" فاقول لك: "هم رايحين يحاربوا محمد عبد الوهاب في الصحراء، بس الفكرة هينقلوا الجنود إزاي؟ في ناس بتروح تعمل عمرة دلوقتي بتروح روح بحري، يعني بتركب السفينة وتطلع بحري."

هدف محمد علي من إنشاء مصانع حربية مهم قوي. إنشاء مصانع حربية بنسميه تحقيق مبدأ الحشد. وبكده نقول في اختلاف كان بين الملك فاروق ومحمد علي، لأن الملك فاروق اعتمد على صفقة الأسلحة الفاسدة، أما بالنسبة لمحمد علي فعمل مصانع حربية للتخلص من الهيمنة الأوروبية على صناعة السلاح. كلمة الهيمنة اللي إحنا بنقول لك: "لا تعطيني سمكة، ولكن علمني كيف أصطادها." فعمل مصانع حربية عشان التوسع الخارجي، وحتى لا يقع تحت رحمة الدول الأوروبية ويكون عنده حاجة اسمها صناعة القرار، ويقدر محمد علي يتخذ أي قرار هو عايزه.

يستدل من بناء محمد علي القلاع والحصون. القلاع والحصون دي بنسميها مباني حربية. المباني الحربية اللي عملها محمد علي عملها فين؟ في مناطق الثغور. فين مناطق الثغور؟ قال لي على الحدود الشمالية زي رشيد ودمياط والإسكندرية، وكمان عملها في مركز الحكم في القاهرة. جدد مركز الحكم في القاهرة اللي هي قلعة صلاح الدين، على حرصه على تأمين جهات مصر الشمالية. اشمعنى عمل القلاع كلها في الشمال؟ لأن كل الأخطار اللي بتيجي بتيجي من إنجلترا ومن فرنسا جاية من أوروبا بتهدد المصالح الشمالية. حيث أصلح قلعة صلاح الدين وعمل قلعة في رشيد ودمياط والإسكندرية.

حقق محمد علي مكاسب. محمد علي حقق مكاسب منين؟ قال لي حقق محمد علي مكاسب سياسية، حيث ارتفع قدره من حاكم تابع لحاكم مستقل. طب الكلام ده فين؟ إيه المكاسب السياسية دي؟ قال لي نتيجة أول حروب محمد علي. أول حروب خاضها محمد علي بناءً على رغبة السلطان سنة 1811 اسمها الحروب الوهابية، فحقق محمد علي مكانة سياسية حيث ارتفع قدره من حاكم تابع لمستقل. وبالطريقة دي يحصل على ما لم يحصل عليه أي ولي آخر. يبقى اللي حصل عليه محمد علي ما حصلش عليه أي ولي آخر نتيجة حروبه في الجزيرة العربية.

بيقول لي بعد كده: "حقق محمد علي مكاسب دينية." وطبعًا المكاسب الدينية نقول محمد علي ضم الحجاز، فده بنسميه مكسب ديني. وكمان علي بيك الكبير برضه ضم الحجاز، وكمان بعد كده هناخد الشريف حسين هو كمان ضم الحجاز. وكل دي أي حد يكون ليه مكانة في الحجاز يبقى أصبح له مكانة دينية. فحقق محمد علي مكاسب دينية حيث أسند السلطان لمحمد علي مشيخة الحرم المكي، وبقى مصر ليها بعد آسيوي موجود عندي في قارة آسيا، يعني مصر بقى ليها بعد داخل الجزيرة العربية، وبقينا البحر الأحمر شرق وغرب جزء منه تبع الإمبراطورية المصرية.

توجد علاقة بين نتائج الحركة الانفصالية، قلناها قبل كده في شبه الجزيرة العربية في العقد الثاني من القرن الـ 19، واهتمام محمد علي بالرابطة العربية. يقصد إيه بقى الجملة دي؟ توجد علاقة بين نتائج الحركة، الحركة الانفصالية اللي هي حرب محمد عبد الوهاب، اللي هي الحرب الوهابية من جهة، واهتمام محمد علي بتكوين الرابطة العربية، حيث ظهرت لدى محمد علي بوادر تكوين الرابطة العربية، يعني عايز يكون رابطة عربية، حيث كان الوجود المصري السياسي نتيجة وجوده في جدة وكمان وجوده في الحرم، والعسكري انتهى بوجود مصري في الجزيرة العربية، دور مؤثر في تكوين الرابطة العربية لمواجهة الرابطة العثمانية. وبهنا يبدأ طموح محمد علي السياسي يظهر في تكوين دولة أكبر من الدولة العثمانية أو تضاهي الدولة العثمانية.

تأثرت مكانة محمد علي في مصر إيجابياً بالقضاء على الحركات الانفصالية. كل ده أنا بتكلم على الحركات الانفصالية اللي هي بيكلمني على حركة محمد عبد الوهاب في الجزيرة العربية. تأثرت بس اتأثرت إيهابياً؟ مكانة مين؟ محمد علي في القضاء على الحركة الوهابية في شبه الجزيرة العربية، حيث اتسع خد بالك بقى اتأثرت داخلياً نتيجة القضاء على المماليك قبل ما يروح، واتأثرت خارجياً حيث اتسع مجال مصر الحيوي ليشمل الحجاز اللي هي بنسميها منطقة الحرمين الشريفين ونجد وعسير وجزء من اليمن حتى وسط وصلوا لحد الخليج العربي، يعني وصلوا إلى الشمال الشرقي للجزيرة العربية. والكلام ده أدى إلى إنجلترا من محمد علي، واتضايقت إنجلترا من محمد علي، لأن محمد علي بقى يمثل خطر على تواجدها، فراحت إنجلترا على طول عقدت اتفاقية اسمها اتفاقية الصلح العامة.

يوجد ارتباط بين نتائج حروب محمد علي في شبه الجزيرة العربية، بص لسه بنتكلم في شبه الجزيرة العربية في القرن الـ 19، ومصالح بريطانيا. يقصد بمين بريطانيا؟ مصالح إنجلترا. انت عايزة إيه يا إنجلترا؟ قال أنا خايفة على الهند، ومحمد علي مجرد إن هو قرب من منطقة الخليج العربي إذا أصبح يمثل خطر على فكرة وجود إنجلترا في الهند، فراحت إنجلترا للمنطقة دي وعملت اتفاقية 1820 اسمها اتفاقية الصلح العامة لضرب محمد علي سياسياً، التي تتشابه معاهدة بلطاليمان لضرب محمد علي اقتصادياً. بريطانيا كانت تراقب بعين الحذر توسع محمد علي. طب هي ليه خايفة من محمد علي؟ لأن محمد علي عنده طموح سياسي مما يمثل خطورة على طريق المواصلات الإمبراطوري اللي رايح لحد فين؟ الهند. فكانت الهند هي المكان الوحيد اللي بتقلق منه إنجلترا وخايفة عليه إنجلترا بشكل كبير.

أكدت حروب محمد علي في شبه الجزيرة العربية، لسه في شبه الجزيرة العربية، وبلاد المورة. اشمعنى الاثنين دول مع بعض؟ قال لي لأن الحربين دول مع بعض بناءً على رغبة السلطان، لأن محمد علي كان عايز يحقق من وراهم مكاسب لكسب ود السلطان العثماني، على ضعف الدولة العثمانية سياسياً وعسكرياً، حيث ساعد محمد علي السلطان العثماني في القضاء على الثورات والحركات الانفصالية، سواء كانت من ثوار المورة أو سواء كان من محمد عبد الوهاب داخل الدولة العثمانية، التي أظهرت مدى ضعف سلطات السلطان العثماني آنذاك في مواجهة أي خطر خارجي، فاستعان بمحمد علي. وكان محمد علي كان كل هدفه يحقق مصالح من ورا السلطان العثماني، سواء دخل حروب المورة كان عايز يحقق أهداف توسعية إن هو ياخد الشام، أو دخل الجزيرة العربية كان عايز يرضي السلطان العثماني بشكل كبير.

بالنسبة لحروب بقى السودان. بيقول لي: "حقق محمد علي مكاسب سياسية." حقق محمد علي مكاسب سياسية، حيث حقق فكرة المجال الحيوي لمصر، الامتداد الطبيعي لها. طول عمر السودان ومصر الاثنين جزء واحد، فامتداد أرضي واحد وامتداد مائي واحد، والاثنين عبارة عن اتصال جغرافي. والسودان هي بعد استراتيجي لمصر جهة الجنوب، فعايزين نحقق الأمن القومي المصري، خاصة إحنا عايزين نحقق الأمن المائي، لأن محمد علي قال: "من أين ينبع النيل؟" قالوا له: "من الجنوب." قال: "فلتكن حدودنا إلى هناك." وبعد كده محمد علي خد هدف ظاهري اللي هي المماليك. فأراد ضال جريمة قد ارتكبها 1811، فقال: "أنا هطارد المماليك الهاربين من مذبحة القلعة." وراحوا قعدوا في دنقلا بالسودان. وبالطريقة دي محمد علي بدأ يعمل حروب ناحية مصر جنوباً بهدف إن هو يسيطر على الحدود والأمن المائي والحدود الجنوبية.

حقق محمد علي مكاسب عسكرية من وجوده في السودان، حيث جند السودانيين. وده كان كنا بنسميه الهدف الظاهري أو الهدف، آسف، الحقيقي لمحمد علي إن هو كان عايز يجند السودانيين، ولكن التجربة فشلت لعدم خضوع السودانيين لفكرة التدريب الحديث.

حقق محمد علي من السودان مكاسب اقتصادية، حيث اكتشف مناجم الذهب كمقوم للسلع. ودلوقتي يقول لك الحرب موجودة في السودان على الذهب والماس، وتنمية التجارة، لأن الذهب والماس بنسميه كده مقوم للسلع لزيادة ما يسمى بالقدرة الشرائية. محمد علي حب يزود قدرته الشرائية على شراء السلع والمنتجات، فراح السودان، غير تنمية التجارة مع القارة السمراء اللي هي القارة الأفريقية. وده لما إحنا نسميه بيسميه فتح أسواق جديدة لمصر في الخارج. ودواء دل يدل على إن نجاح سياسة الاحتكار في عهد محمد علي.

توجد علاقة بين ضم محمد علي للسودان وحماية الأمن القومي. اتفقنا إن محمد علي كان عايز يضم السودان عشان السودان بعد استراتيجي لمصر، فالأمن القومي هنا أمن مائي لمصر، حيث ساعد ضم محمد علي السودان على اكتشاف منابع النيل. في عهد مين؟ قال لي في عهد إسماعيل. فاستكمل إسماعيل ما بدأه محمد علي من حيث إن الاثنين بدأوا يوصلوا لحد وسط أفريقيا ويوصلوا لحد منطقة المنابع الاستوائية والمنابع الموسمية. يعني إحنا لو حبينا نشوف كده شكل خريطة لقارة أفريقيا ونبدأ نقارن الدولة المصرية، أقول له محمد علي وصل لحد السودان. إسماعيل راح مكمل الجنوب وصل لحد ما حاصر الحبشة بتوسعاته، ما ضمّش الحبشة بس هنا كان عايز يضم المنابع الموسمية، ومحمد علي ضم المنابع اللي بنسميها المنابع الدائمة. وإسماعيل وصل لحد منطقة أوغندا ومنطقة وسط أفريقيا من خلال التوسعات التي تمت فيما بعد في عهد إسماعيل، نتيجة سيطرة إسماعيل على منطقة القرن الأفريقي وسيطرة إسماعيل على جنوب مصر.

يؤكد تدخل القوى الأوروبية في الصراع بين محمد علي والدولة العثمانية، اللي هي حروب محمد علي في الشام. تدخل القوى الدولية في الصراع لإحداث فرقة وابعاد، إحنا بنسميها كده وجهات النظر ما بين الطرفين. الفرقة دي اللي عملتها مين؟ اللي عملتها إنجلترا بشكل كبير، حيث أفسدت مساعي الصلح ما بين محمد علي وما بين السلطان العثماني، نتيجة حرب الشام. بنسميها كده حروب الشام الأولى وبعد كده حروب الشام الثانية خلال النصف الأول من القرن الـ 19، يعني من 1800 لحد 1840، دي فترة حكم محمد علي وفترة قوته والدور الحيوي لمصر على المستوى الدولي، لأن الدول الأوروبية كانت بتدور بشكل كبير على إن محمد علي لا يتوسع في تلك المناطق.

توجد علاقة بين نتائج موقعة نزيب أو نصيبين. موقعة نزيب أو نصيبين في علاقة بينها وبين مبدأ التوازن الدولي، لأن محمد علي في نزيب أو نصيبين حقق انتصارات على السلطان العثماني، فاتسع مجال مصر بشكل كبير ومحمد علي بقى على حدود الأناضول. وبالطريقة دي هيقلق الدول الأوروبية. يبقى توجد علاقة بين نتائج موقعة نزيب أو نصيبين على الحدود التركية السورية، يعني نزيب أو نصيبين شمال منطقة بلاد الشام على الحدود ما بين سوريا وما بين تركيا، وقيام دول أوروبا بعقد معاهدة لندن. ودي بنسميها من النتائج السلبية. نتائج سلبية لإيه؟ نتائج سلبية لموقعة نزيب أو نصيبين، حيث أصبح محمد علي يمثل خطر على فكرة التوازن الدولي، وادت انتصارات محمد علي على السلطان العثماني لتهديد جديد فكرة التوازن الدولي اللي ظهرت لأول مرة في القرن الـ 19 للوقوف ضد محمد علي. واستعدت الدول الكبرى لو لم يستجيب محمد علي لمطالبهم لتدخلوا ضده عسكرياً، فهنا بيهددوا بيهددوا بشكل كبير فكرة التوازن الدولي، ففرضوا على محمد علي شروط معاهدة لندن. وهنا بقى نقعد نقول لك: "ما العلاقة بين نزيب ومعاهدة لندن؟" فقال لي: "توجد علاقة بين عدم رضا السلطان العثماني على صلح كوتاهية." إحنا بنسمي صلح كوتاهية ده إيه؟ قال لي بسمي صلح كوتاهية صلح مؤقت، ترضية مؤقتة ما بين محمد علي والسلطان العثماني، بنسميها سياسة الأمر الواقع. فرض سياسة الأمر الواقع عام 33 في نفس السنة عقد اتفاقية مع روسيا. وروسيا هنا تثبت خد بالك بقى من المعلومة الجامدة دي، روسيا تثبت تخليها عن السلطان العثماني مرتين. اتخلت عن السلطان العثماني مرة مرتين في مواجهاته الخارجية ومواجهاته الداخلية. فاتخلت عن مواجهاته الخارجية ضد فرنسا في بنسميه كده أواخر أواخر القرن الـ 18، يعني سنة 1799 لما عملوا تحالف ما بين إنجلترا وفرنسا، ما بين إنجلترا وروسيا والدولة العثمانية لإخراج الحملة الفرنسية من مصر، فخلت روسيا عن السلطان العثماني في معركة أبي قير البرية. والداخلية روسيا عقدت اتفاق سري كنا بنسميه اتفاقية خنكار اسكلاسي. اتفاق ده لمواجهة محمد علي عسكرياً، وتخلت عنه روسيا. والدليل على ذلك هزيمة السلطان العثماني في معركة نزيب أو معركة نصيبين، حيث لم يكن صلح كوتاهية إلا تسوية ترضية مؤقتة. خد بالك صلح كوتاهية حقق لمحمد علي ما يسمى بالرابطة العربية، لأن السلطان قد رتب لمواجهة محمد علي عسكرياً مع روسيا، فكانت معاهدة دفاعية هجومية لم تنفذ على أرض الواقع.

يستدل من خلال الصدام بين محمد علي والقوى الأوروبية على أن الدول الكبرى لا يعنيها إلا مصالحها. يستدل من خلال الصدام بين مين؟ محمد علي والقوى الأوروبية على أن الدول الكبرى لا يعنيها إلا مصالحها. وقد أكد ذلك على تذبذب موقف فرنسا تجاه محمد علي من معاهدة لندن. الأول ما ما وقعتش لأنها كانت بتقيد محمد علي، وبعد كده وقعت لأنها واقفة ضد محمد علي. وهنا فرنسا بتدور على مصلحتها. ونقول هنا في نقد موجه لمحمد علي وهو الوثوق في الدول الأوروبية بشكل كبير.

تناقض. كلمة تناقض يعني علاقة عكسية. تناقضت نتائج معاهدة لندن 1840 مع صلح كوتاهية. في صلح كوتاهية خد الأراضي اللي أنت عايزها واعمل رابطة عربية. في معاهدة لندن رجع الأراضي اللي أنت خدتها. فالاثنين في بينهم تناقض. واحدة أدت لتكوين الرابطة العربية والثانية أدت لانكماش الرابطة العربية، حيث توسعت الدولة المصرية وتم تأييد ذلك التوسع بمقتضى صلح كوتاهية، حتى جاءت نتائج معاهدة لندن لتحرم مصر من انتصاراتها وترجع مصر إلى ما قبل الفتح. ولكن معاهدة لندن كانت لها نتيجة إيجابية واحدة اللي هي جعلت لمصر شخصية دولية.

توجد علاقة بين فرض معاهدة لندن وتنفيذ معاهدة بلطاليمان. قلنا معاهدة بلطاليمان أرادت إنجلترا ضرب محمد علي. خد بالك بقى تطبيق نظام الاحتكار اللي طبقه محمد علي منذ بداية حكمه. إنجلترا أرادت ضرب محمد علي سنة 38. لأن إنجلترا ثابت ثابت محمد علي طول المدة دي كلها ما وقفتش ضده. قال لي رقم واحد لأن كانت لسه سياسة الاحتكار لم تنضج بعد. رقم اثنين لأن اصطدم محمد علي بنتائج الثورة الصناعية لأن عايزين يفتحوا أسواق. رقم ثلاثة لأن إنجلترا أرادت تحجيم نفوذ محمد علي، ففرضت معاهدة بلطاليمان التجارية التي نصت على ضرورة إلغاء نظام الاحتكار الذي يقف كحجر عثر أمام رواج البضائع الأوروبية. كان تطبيقها طبعًا في علاقة ما بين لندن وما بين بلطاليمان. بلطاليمان اتعملت الأول سنة 38 وظلت معاهدة حبر على ورق لحد معاهدة لندن 1840 لما تم تنفيذها. أحد شروط المعاهدة تضمنت أن يلتزم محمد علي بكافة الاتفاقيات. فارادت إنجلترا تحقيق هدفها التي المعاهدة التي أبرمتها السلطان أبرمها السلطان العثماني مع الدول الأوروبية. طبعًا هنا تم ضرب مصر عسكرياً في معاهدة لندن. طبعًا هنا الفرمان بيكمل فرمان 41: "لا يزيد عدد الجيش وقت السلم عن 18000 جندي." وفقاً لفرمان 1841.

يقول لي: "تقلصت قوة مصر إلى أدنى مستوياتها." قوة مصر في عهد محمد علي سنة 1838، 38 بلغت 235 ألف جندي. سنة 1831 كانت بلغت ما يقرب من 195 ألف جندي. الزيادة الرهيبة دي نتيجة وجوده في الشام واتساع القطر المصري. في وقت السلم ومصر لا تبني سفن حربية إلا بإذن السلطان. لما جاء بعد كده سعيد قال لهم: "يا جماعة أنا عايز أطور الأسطول." قالوا له: "ماشي، بس إنجلترا اللي اعترضت." فبرضه نفس القصة، نفس الفرمان اللي صدر في عهد سعيد صدر في عهد محمد علي بمنعه تكوين قوة بحرية.

اقتصادياً: التزام مصر بتنفيذ كافة الاتفاقيات التي أبرمها السلطان العثماني مع الدول المختلفة، في مقدمتها معاهدة بلطاليمان. وده نص من نصوص معاهدة لندن. إفشال المشروع العربي اللي هي الرابطة العربية، بمعنى إن محمد علي يرجع جميع الأراضي اللي خدها من السلطان العثماني. وده أدى إلى تأخير استقلال مصر، حيث ربط مصر بالدولة العثمانية.

بعد كده بنبدأ نتكلم طبعاً عن بعض البنود اللي موجودة. نتكلم على قانون المقابلة، لأن قانون المقابلة في عهد خلفاء محمد علي وأثر قانون المقابلة. لما نيجي نتكلم على قانون المقابلة يقول لي: "إيه قانون المقابلة؟" وانت بتذاكر سميه قانون ستة ونص. يبقى قانون المقابلة اسمه قانون إيه؟ الستة ونص. إيه قانون الستة ونص ده؟ قال لي قانون بيقول: "ادفع ستة تعفى من نصف الضرايب مدى الحياة." مين اللي أصدر قانون المقابلة؟ قال لي صدر في عهد إسماعيل، ولغاه تم إلغاؤه في عهد توفيق. فيقول لي قانون المقابلة نتيجة الأزمة المالية. مصر عليها ديون، فإسماعيل عايز يوفي التزاماته المالية وعايز يدفع جزء من الديون اللي موجودة عليه. فيقول: "يلا يا جماعة أنا هضرب عصفورين بحجر." فقانون المقابلة إحنا بنسميه ذات نفع متعدي على جميع الأطراف. الأعيان هيبقى معاهم الحق إن يمتلكوا الأرض ملكية قانونية، عكس ملكية الرقبة اللي كانت موجودة في عهد سعيد، لأن سعيد أصدر السعيدية إن الفلاح له الحق في ملكية الأرض وبيعها وهبتها، بس مع دفع الضرايب. هنا تم تخفيض الضرايب وامتلاك الفلاح ملكية قانونية. فقانون المقابلة ترتب عليه تخفيض الضرايب، عكس الالتزام. رقم اثنين: استقرار قرار أوضاع الملكية. رقم ثلاثة: إن إسماعيل هيوفي بالتزاماته المالية. فقانون المقابلة بهدف سداد الديون التي ظهرت نتيجة الاستثمارات الأجنبية. وهنا ظهرت مخاوف محمد علي لما قال: "لا أريد بوسفور آخر في مصر." ونتج عنه استقرار ملكية الأرض وتم ذلك في يناير قانون المقابلة 1878. ده في عهد مين؟ كل ده في عهد إسماعيل.

بيقول لي: "أكدت معاهدة بلطاليمان." أكدت معاهدة بلطاليمان على أهمية الأسواق المصرية بالنسبة لأوروبا، خاصة بعد قيام الثورة الصناعية لتصريف منتجاتها. معاهدة بلطاليمان دي معاهدة تجارية زي ما أنا لسه قايل لك، كانت بتنص على ضرورة إلغاء نظام الاحتكار عشان أغلق السوق المحلي في وجه البضائع الأوروبية، زي بالضبط كده ضريبة الدخولية اللي كان فرضها محمد علي اللي ألغت أو إن هي قفلت الأسواق الداخلية. إلغاء نظام الاحتكار في بلطاليمان يتشابه مع إلغاء الدخولية على أهمية الأسواق المصرية بالنسبة لأوروبا، خاصة بعد قيام الثورة الصناعية لتصريف منتجاتها عبر مصر، لأن مصر سوق جيد جداً. واللي أصرت على الكلام ده كان عندي إنجلترا.

بيقول لي: "توجد علاقة بين تسوية لندن اللي هي ضرب محمد علي سياسياً واقتصادياً وعسكرياً، اللي هي سنة 1840، في أربعينيات القرن الـ 19، وموافقة محمد علي عليها وتطبيق سياسة الباب المفتوح." لأن في نص بيقول لك: "التزام محمد علي بكافة الاتفاقيات." ترتب على تطبيق سياسة الباب المفتوح خلاص بقى طالما بنتكلم على سياسة الباب المفتوح يبقى إحنا كده بنتكلم على سياسة الاحتكار. بتكلمني على سياسة الباب المفتوح، بتكلمني على سياسة سقوط نظام الاحتكار، يعني بتكلمني على أحوال مصر في عهد خلفاء محمد علي. بمعنى إن الدولة رفعت إيديها عن الاقتصاد، فأصبح الاقتصاد حر في إيد الأفراد. وده بنسميه زوال نظام الاحتكار، زوال الهيمنة والسيطرة للدولة، ترك الاقتصاد حر في إيد الأفراد، أفراد وأجانب. الأجانب يسيطروا لأن ده كان لمصلحة الأجانب بشكل كبير.

ارتبط تغيير نظام الملكية الزراعية. ارتبط تغيير نظام الملكية الزراعية خلال النصف الثاني من القرن الـ 19. يقصد به نظام الملكية الزراعية؟ قال لي أنا بتكلم على الملكية الزراعية ابتداءً من عهد زي ما أنا لسه قايل لك سعيد، مروراً بعهد إسماعيل. فيقول لي سعيد أصدر اللائحة السعيدية 1858، وإسماعيل أصدر قانون اسمه قانون المقابلة. يبقى ارتبط بـ سياسة مصر المالية. يبقى هنا بيكلمني على قانون المقابلة ويتضح ذلك من خلال إصدار قانون المقابلة لمواجهة مشكلة الديون لمنع تدخل الدول الأوروبية في شؤون مصر. رغم الحرية الاقتصادية اللي كانت موجودة، الحرية الاقتصادية دي كانت لصالح الأجانب. اكت في ظل خلفاء محمد علي، إلا إنها انعكست بأثر سلبي على الإنتاج. وظهر ذلك من خلال ليه تأثر سلبي مع الإنتاج؟ لأن رقم واحد الأجانب ما بيدوروش غير على مصلحتهم. رقم اثنين المنافسة غير المتكافئة داخل السوق المحلي ما بين المنتج المصري وما بين المنتج الأوروبي والمنتج الأجنبي. جودة وحلاوة وزي الفل عكس المنتج المصري. فيقول لي إن بدأ يظهر الأثر السلبي في الإنتاج الزراعي. المزارعين أصبحوا أحرار، يبقى الحرية عكست أدت إلى الجمود والتخلف، لأن بدل ما كانت الزراعة في إيد الدولة بتقول اللي هي عايزاه، بقت الزراعة في إيد الفلاح يزرع اللي هو عايزه بالأسلوب اللي هو عايزه، مما أدى إلى حدوث جمود وتأخر في أساليب الزراعة، لأن بنسميه تراجع دور الدولة في الإنتاج. ولكن بعد صدور قانون المقابلة صار هناك اهتمام بالإنتاج. طيب يبقى ده بنسميه إيه؟ بنسميه إن ليه صناع الزراعة بدأت يبقى فيها إيجابيات وسلبيات. فرغم ذلك لم تتضرر الزراعة بشكل كبير. أما بالنسبة للإنتاج الصناعي فقل الإنتاج. ليه قل الإنتاج الصناعي؟ قال لي لأن أنت حطيت المصانع المصرية قصاد المصانع الأوروبية. الإنتاج ده والإنتاج ده في داخل السوق المصري، فتم إغلاق معظمها نتيجة عدم استطاعتها على المنافسة الأوروبية.

طيب بيقول لي: "إنما بالنسبة للتجارة ذات السلع الأجنبية في مصر، لأن الوكلاء الأجانب شجعوا الإيرادات وما شجعوش التصدير في مصر لزيادة الوكالات الأجنبية وتدهور دور التاجر المحلي لحساب الوكالات الأجنبية."

ارتبط إصدار الصناعات الحربية. ارتبط إصدار الصناعات الحربية أول ما أشوف كلمة الصناعات الحربية أنا بصنفهم عباس وسعيد وإسماعيل، كم واحد؟ ثلاثة. خد الاثنين دول مع بعض عباس وسعيد. قو لي أواخر وقو لي أوائل. إيه أواخر؟ أواخر عهد عباس وأوائل عهد سعيد. الاثنين مع بعض ازدهرت الصناعات الحربية في النصف الثاني من القرن الـ 19، 1853 لحد 1856 بسياسة تركيا الخارجية اللي هي سياسة الدولة العثمانية الخارجية اللي هي حرب القرم بين تركيا وروسيا من سنة 53 لحد 56، حيث كان اشتراك مصر عفوا في هذه الحرب بناءً على طلب السلطان العثماني وتنفيذ لمعاهدة لندن اللي بيقول إن تكون قوات محمد علي البرية والبحرية في خدمة السلطان إذا قامت حرب، فإحنا اضطرينا يبقى تطوير الصناعات الحربية بالاضطرار.

أما بالنسبة لتطوير الصناعات الحربية في عهد إسماعيل دي حاجة مختلفة. ليه؟ قال مشروع الصناعات الحربية في عهد إسماعيل لما استصدر فرمان لزيادة عدد الجيش من 18000 لـ 30000، وده أدى لزيادة قوة مصر العسكرية، فاضطر للاهتمام بالصناعات الحربية.

بعد كده بيقول لي: "أكد رفض محمد علي لمشروع قناة السويس." ولما اتعرض المشروع ده على محمد علي اللي هو مشروع قناة السويس، رفضه محمد علي وقال كده نصاً: "لا أريد بوسفور آخر في مصر." يبقى محمد علي رفض مشروع قناة السويس لمنع التدخل الأجنبي. وهنا بنقول له أنت قارئ جيد للتاريخ، وهنا بنقول له أنت عندك وعي سياسي ومدرك للأحداث السياسية وعندك رؤية مستقبلية، عكس سعيد باشا اللي كان في الوقت ده ما كانش عنده أي رؤية خالص، حيث وافق بمشروع قناة السويس. وهذا ما أكدته الأحداث السياسية التي تعرضت لها مصر في عهد خلفاء محمد علي.

كان مشروع قناة السويس سبباً في التدخل الأجنبي في شؤون مصر، لأن ساعة إنجلترا وساعة فرنسا للسيطرة على قناة السويس بحيث إن يعتبر أهم مشروع مائي في العالم يربط بين البحر الأحمر والبحر المتوسط، فتدخلت الدول الأوروبية وزادت الأزمة المالية بعد افتتاح قناة السويس للملاحة في عهد إسماعيل. وبالطريقة دي كانت مظهر من مظاهر التدخل الأجنبي في شؤون مصر لحد الآخر خالص، وإنجلترا متمسكة بمشروع قناة السويس في مصر بشكل كبير.

لما نقول: "شهدت مصر طفرة." شهدت مصر طفرة يعني تقدم في تطور وسائل النقل والمواصلات من أول مشروع قناة السويس في عصر سعيد. يبقى أنا لما أجي أتكلم على عصر سعيد يعتبر اهتمام بوسائل النقل والمواصلات نتيجة زيادة نشاط الأجانب في التجارة واشتغالهم في التجارة، فاهتموا بالطرق البرية واهتموا بالطرق البحرية، قناة السويس، واهتموا بإنشاء المواني وعملوا شركتين للملاحة برؤوس أموال أجنبية، واحدة نيلية وواحدة بحرية، وكمان تم إنشاء شركات للبريد. يبقى نقول خلال العقد السابع من القرن الـ 19. نقول له العقد السابع من القرن الـ 19 يعني إيه؟ يعني تقول لي 1800 عقد سابع 66 وتبدأ تتكلم على عصر سعيد لحد 62. نتيجة إلغاء نظام الاحتكار في عهد خلفاء محمد علي بشكل كبير.

أكدت شروط امتياز قناة السويس التي وضعها فرديناند ديليسبس. مين فرديناند ديليسبس؟ الخاين اللي خان عرابي، هو اللي أسس شركة قناة السويس وأسسها شركة مساهمة عبارة عن أسهم، فامتلكت مصر 44% من الأسهم وامتلكت شركة القناة 56% من الأسهم. وبالطريقة دي أصبح لديليسبس حق إدارة شركة قناة السويس، لأن هو ليه 56% من الإدارة. وطبعاً شركة قناة السويس بالبنود بتاعتها أخلت بمبدأ سيادة الدولة، حيث تطورت تنفيذها جعلت منه مظهر من مظاهر التدخل الأجنبي وضعف الإرادة السياسية للدولة آنذاك. بمعنى إن قناة السويس كانت سبب في تدخل إنجلترا وتدخل فرنسا في شؤون مصر، وفضلت إنجلترا الدفاع عن مصر والدفاع عن منطقة قناة السويس وأفضل موجودة في القناة لحد بعد تأمين شركة قناة السويس. أدت في النهاية إلى تعرض مصر للعدوان الثلاثي في 56. فبالنسبة لشركة قناة السويس في فترة وجود خلفاء محمد علي أخلت بمبدأ السيادة المصرية. فيقول لي يعني إيه أخلت بمبدأ السيادة؟ يعني أصبحت خارج النطاق المصري.

لما تم بيع الأرباح وتم بيع الأسهم بتاعة شركة قناة السويس. تدهورت طوائف الحرف ومكانة شيوخ الطوائف. أنا عامل لك كده شرط صغير بيتكلم على طوائف الحرف من أول العهد العثماني لحد الآخر. فلما أجي أتكلم على طوائف الحرف ومكانة شيوخ الطوائف بيقول لي تدهورت. أنت بتقول لي طوائف الحرف من الأول من أول العهد العثماني، رقم اثنين من أول الحملة الفرنسية، رقم ثلاثة من أول سياسة الاحتكار، بعد كده بعد سقوط الاحتكار، بعد كده بتكلمني في الاحتلال الأجنبي، وبعد كده بكلمك على محمد فريق، وبعد كده بكلمك على آخر واحد عبد الرحمن فهمي، وبعد كده بتكلم على ثورة 52. بالنسبة للنقابات العمالية سريعا كده في العهد العثماني كان شيوخ الطوائف مسيطرين على الصناعة بشكل كبير وأدوا إلى سوء أحوال الصناعة، لأن كان شيخ الطايفه همزة. في عهد الحملة الفرنسية عشان نقدر نوفي احتياجات السوق المحلية. في عهد بعد الحملة الفرنسية في عهد الاحتكار محمد علي برضه سابهم لنفس السبب. بعد سقوط الاحتكار بيقول لي تدهورت. تدهورت مكانة شيوخ الطوائف قلت نتيجة عدم استطاعة منافسة المنتج الأجنبي. إحنا مش قادرين نقف قدام المنتج الأجنبي، فالطوائف الحرفية والصناعات الصغيرة مش قادرة تقاوم المستورد. فرط في الطريقة دي تدهورت مكانة شيوخ الطوائف وبرزت طبقة من كبار ومتوسطي ملاك الأراضي اللي إحنا بنسميهم مين؟ الأعيان. واشتركوا في السياسة نتيجة سقوط نظام الاحتكار. فاكتر ناس اتأثروا إيجابياً وعاد عليهم سقوط الاحتكار إيجابياً اللي هم ملاك الأراضي اللي إحنا بنسميهم الأعيان. ما ينفعش أقول لك الفلاحين أقول لك الأعيان، لأن الأعيان كبار ومتوسطي ملاك الأراضي. استمر تدهور طبقة التجار، تاجر المحل يعني لصالح الوكالات الأجنبية. ودواء ده اللي يدل على سوء الأوضاع التاجر المحلي على مدار العصور وعلى مر العصور.

تعد طبقة الأعيان زي ما إحنا لسه قايلين أكتر الطبقات الاجتماعية التي استفادت من تطبيق سياسة الباب المفتوح، حيث بدأوا يتطلعوا إلى المشاركة في الحياة السياسية منذ عهد إسماعيل، لأن إسماعيل زي ما أنا قلت لك أصدر لهم قانون المقابلة اللي قال في قانون المقابلة اسمه قانون الستة ونص، مما أدى لاستقرار ملكية الأراضي، فشاركوا في المجالس النيابية زي مجلس شورى النواب اللي عمله إسماعيل 1866. ده كله بنتكلم على إيه؟ ده كله بنتكلم على شكل الأعيان.

ساءت أحوال المدارس. هنا هنتكلم على التعليم بقى. تدهورت وأعيدت لمكانة ت عليه في العهد العثماني، وهنفرض عليها عزلة سياسية نتيجة إن أحوال المدارس تدهورت وأغلق بعضها، وألغيت وزارة التربية والتعليم في عصر سعيد، وتوقفت البعثات الأوروبية. أنا هشيل كلمة توقفت عندي عليها تحفظ وأقول لك تقلصت البعثات، لأن اللي عايز يطلع بعثة كان بيطلع بفلوسه. كلمة التقلص إنها قلت بشكل كبير ولكن لم يتم إلغاؤها.

بيقول لي: "تم إنشاء المدارس التبشيرية." كلمة المدارس التبشيرية يعني تدخل أوروبي ثقافي، فيؤدي إلى تعميق ازدواجية الفكر والثقافة، مما أدى إلى حدوث التعميق بشكل كبير نتيجة وجود مدارس أوروبية بتدرس الثقافة الأوروبية، فبقى غلط على نمط المجتمع المصري، أدى لازدواجية الفكر والثقافة اللي هيعالجها إسماعيل في الجمعية الخيرية الإسلامية. يبقى يقول لك نجح إسماعيل فيما فشل فيه سعيد.

حدثت طفرة في مجال التعليم المصري في عصر إسماعيل. نتكلم بقى على عصر إسماعيل. حدثت طفرة في مجال التعليم المصري، لذلك إسماعيل أنا بسميه نهاية فترة انتقالية هي تقلصت فيها أحوال مصر، سواء كان في عهد عباس الأول أو في عهد سعيد. حدثت طفرة في مجال التعليم المصري خلال عهد إسماعيل، تمثلت في تحقيق مبدأ تكافؤ الفرص ومبدأ تكافؤ الفرص زي ما إحنا قلنا إنشاء المدارس وخاصة الجمعية الخيرية الإسلامية ما بين الجنسين، سواء البنين أو البنات، فانشأ أول مدرسة لتعليم البنات سماها مدرسة السنية ومدرسة القربية، وأقام مدرستين للبنات في القاهرة، فده بنسميه تحقيق مبدأ تكافؤ الفرص والاستفادة من الأيدي الناعمة.

توجد علاقة بين الاستفادة من حرية الصحافة. ودي بنسميها نهضة ثقافية. فاسماعيل استخدم حرية الصحافة في الفترة دي في تحقيق إسماعيل مكاسب سياسية بحيث إن هو يعرف الناس خطورة التدخل الأجنبي في شؤون مصر. فقد استعان إسماعيل بالصحف العلمية والأوروبية والسياسية حينما اصطدم بالدول الأوروبية وحصل خلاف. وأنا برجح هنا الخلاف أدى إلى عزل إسماعيل من منصبه في النهاية، ولكن استغل الصحف بشكل كبير لتوعية الناس، فكانت الصحف ليها دور كبير في التوعية عكس الصحف اللي كانت موجودة في عهد مينو.

لم يختلف نظام الحكم في عهد خلفاء محمد علي عن عهد محمد علي. فقال لي ليه لم يختلف نظام الحكم في عهد خلفاء محمد علي عن عهد محمد علي؟ قال لي مطلق فردي. يعني إيه؟ عدم الفصل بين السلطات. يعني إيه؟ ديكتاتورية. فكل الدواوين اللي كانت موجودة سواء في عهد محمد علي أو في عهد خلفاء محمد علي كلها دواوين استشارية لتنفيذ سياسة محمد علي. بس الفرق إن كانوا عندي سبع دواوين في عهد محمد علي بقوا أربع دواوين بس. خد بالك تهتم تم بالأمور السيادية. يعني إيه الأمور السيادية؟ يعني الأمور الهامة اللي موجودة في الدولة بعد أن أصبح الاقتصاد حر. وده بنسميه أثر بلطاليمان على التعليم. فتم تخفيض على الناحية السياسية، فتم تخفيض عدد الدواوين إلى أربع دواوين. أما الحكم فاستمر حكم مطلق فردي وتركز السلطات في إيد أولاد محمد علي.

رغم أهمية مجلس شورى النواب اللي عمله إسماعيل. إحنا اتفقنا إن مجلس شورى النواب سنة 66 الذي أنشأه إسماعيل، إلا إنه افتقد للعدالة لأنه احتوى على فئات معينة. مين الفئات المعينة؟ الأعيان، الناس الأغنياء اللي معاهم فلوس، اللي ما معوش فلوس ما يتقدمش أصلاً لمجلس شورى النواب. فده أدى إلى حدوث تفرقة عنصرية وتفرقة اجتماعية، حيث حصل حق الترشح للمجلس في شرائح معينة ولم يكن للمتعلمين من غير الأعيان عضوية المجلس. غير إن مجلس شورى النواب لم يكن له قاعدة جماهيرية، وإنما كان منحة من الحاكم لتحقيق سياسات الحاكم.

زاد أعداد الأجانب بشكل كبير. أكبر أعداد للأجانب في مصر كان في عصر إسماعيل. أدى إلى إنشاء كومسيون مصر ابتداءً من عصر سعيد. يبقى لما زاد أعداد الأجانب بشكل كبير جداً بدأنا نعمل عمل لهم محاكم ابتداءً من عصر سعيد. كومسيون مصر في عهد سعيد شبه الكومسيون. قال لي شبه مجلس التجارة اللي كان معمول في عهد محمد علي والذي اختص بالنظر في القضايا التي يرفعها الأجانب على المصريين فيما عدا العقارات والملكية. الكومسيون ده اللي هو تعدد المحاكم منذ عهد سعيد.

نسمع الأداة بالنسبة بقى للجزئية بتاعة المحاكم المختلطة عام 75. دي برضه نتيجة زيادة أعداد الأجانب في مصر في عهد. أنا بقول ما أكتبش أحسن في عهد إسماعيل. خد بالك بقى المحاكم المختلطة. أنا بسميها المحاكم المختلطة محاكم سلطة تتكون من مصريين وتتكون من أجانب، بس الأغلب للأجانب. تخيل المحاكم المختلطة اللي أنشأها إسماعيل أصبحت مظهر من مظاهر التدخل الأجنبي. فيبدأ بعد كده في الفصل الثالث مجلس شورى القوانين اللي سلطته شرعية أو سلطته أصلاً صورية قدام الناس. يبدأ يطالب مجلس شورى القوانين بالتوقف عن المحاكم المختلطة اللي هي التدخل الأجنبي في مجال القضاء. دي اللي وردت عندي مرتين. فكرة المحاكم المختلطة ودي ظهرت في عهد إسماعيل للنظر في النزاعات بين المصريين والأجانب. ده طبعاً بدل الكومسيون وبدل مجلس التجارة اللي كان موجود في عهد محمد علي.

معاهدة لندن 1840. ده طبعاً من ضمن المعاهدات اللي موجودة عندي، حيث كان من شروط معاهدة لندن إن تصبح قوات محمد علي البرية والبحرية جزءاً من قوات السلطان العثماني وفي خدمته. وده اللي خلى محمد علي يشترك مع الدولة العثمانية في أكثر. بعد كده خلى خلفاء محمد علي يشتركوا مع الدولة العثمانية في أكثر من حرب. فرمان 41 نص على ألا يزيد عدد الجيش عن 18000 جندي لمصر، وأن لا تبني مصر سفن حربية إلا بإذن السلطان. وده أثر بشكل كبير زي ما إحنا قلنا على عدد القوة العددية بالنسبة للجيش المصري.

ربط مصر بالدولة العثمانية سواء كان سياسياً أو ربط مصر بالدولة العثمانية سواء كان اقتصادياً. وبالطريقة دي فرمان 41 قيد استقلال مصر وربط مصر بالدولة العثمانية. فاراد إسماعيل بعد ذلك التخلص من قيود فرمان 41.

اختلف سعيد باشا عن باقي حكام أو كان مصر من أبناء محمد علي في تعزيز العدالة الاجتماعية. حلوة الحتة دي بنتكلم كده على حتة الجيش. يبقى سعيد باشا كان أقرب شوية عطفا على الشعب المصري، فاراد سعيد تحقيق مبدأ العدالة الاجتماعية وإزالة الفرقة الاجتماعية. فأصبح بنسميه كده التعبئة العسكرية أكثر عدالة، فقد جعل التجنيد إجبارياً للجميع على اختلاف الطبقات. وده نوع من أنواع العدالة الذي أدى إلى إن الناس أقبلت على الجندية في عهد في عهد سعيد.

بيقول لي بعد كده: "يوجد ارتباط بين الإنجليز وتعطيل القوى البحرية المصرية." مهمة قوي مهمة جداً جداً. لما إسماعيل أما سعيد. سعيد حاول يستعيد قوة مصر البحرية وسعيد حاول يرجع مصر لمجدها البحرياني، فراح للسلطان العثماني قال له: "يا سلطان، سلطان أنا عايز أعمل أسطول بحري." إنجلترا قالت له: "لا." يبقى إنجلترا هنا ضغطت على متخذ القرار في الدولة العثمانية ومنعت. منعت سعيد من تجديد الأسطول ومن استعادة قوتها البحرية. فبالطريقة دي مصر ما قدرتش ترجع قوتها البحرية في عهد سعيد بسبب زي ما إحنا قلنا الفرمانات السلطانية.

اختلف الخديوي إسماعيل عن باقي الحكام. دي مقارنات جميلة قوي. اختلف الخديوي إسماعيل عن باقي حكام مصر من خلفاء محمد علي، حيث تم رفع الوعي الثقافي لأفراد الجيش. فعمل جريتين للشؤون العسكرية برؤوس أموال طبعاً مصرية أو برؤوس أموال ما لناش دعوة برؤوس أموال إيه، بس الفكرة هنا إن هو تم بالجانب التثقيفي للعسكريين من خلال إصدار صحيفتين للشؤون العسكرية.

اعتمد إسماعيل في تطوير القوى العسكرية. اعتمد إسماعيل في تطوير القوى العسكرية على الخبرات الأوروبية كما فعل جده محمد علي، وخاصة الخبرات الفرنسية. فعمل عملة عكسية، بعت بعثات واستقدم خبرات من خيرة الجنود. بس هنا كانت أنيل شوية، كان في عهد إسماعيل كان أنيل شوية. ليه بقى؟ لأن مرة في عهد إسماعيل الوزارة يتولاها أجانب. الهدف كان الهدف الأول لاستصدار إسماعيل فرمانات سلطانية تغيير وضع مصر الاقتصادي. يعني إسماعيل كان بياخد فرمانات من السلطان العثماني اللي هو من فرمان 66، فرمان 67، فرمان 72، فرمان 73. كل الفرمانات دي كان الهدف منها تغيير وضع مصر السياسي بحيث يتخلص من فرمان 41 ويتخلص من معاهدة لندن 1840 ويوسع سلطات نطاق استقلاله عن البلاد. ودي كانت أحسن حاجة عملها إسماعيل إن هو خد قروض، بس طبعاً قدر إن هو يحقق العديد من الاستقلال، بس افتقد الخديوي إسماعيل الرؤية السياسية ولم يوازن بين طموحاته الشخصية في تحقيق المجد الشخصي وتحقيق مجال الحكم أن يكون الحكم في أكبر أبنائه والأحوال العسكرية في أحوال البلاد الاقتصادية، فاستلف عشان يحقق الخطة بتاعته، فكانت خطة خطته والاستقلال بمصر على حساب الخزنة المصرية قائماً على سياسة أبرز تنجز. وطبعاً انتهت بزيادة وحدة الأزمة المالية وكانت سبب للتدخل.

الاجنبي، زي ما هنقول في الفصل الثالث، يوجد ارتباط وثيق بين الفساد الإداري. يوجد ارتباط وثيق بين الفساد الإداري والمالي داخل الدولة العثمانية. طب، ظهر لي منين الفساد المالي والإداري؟ قال لي عن طريق فؤاد باشا، الصدر الأعظم، رئيس الوزراء التركي، لما خد له 60,000 جنيه ناشفين من إسماعيل عشان يحققوا الاستقلال. وغير كده كمان، السلطان العثماني هو كمان تم استضافته في مصر، كان اسمه السلطان عبد العزيز، تم استضافته في مصر وخد سفينة محملة بالهدايا كلفت مصر السفينة والفلوس اللي خدها ما يقرب من 3 مليون جنيه أثناء حكم الخديوي إسماعيل.

وظهر ذلك في مساعي الصدر الأعظم فؤاد باشا لاستصدار فرمانات الاستقلال، وخاصة تغيير مبدأ وراثة الحكم أن يكون الحكم في أكبر أبناء إسماعيل وليس أكبر أبناء محمد علي، والتي أدت إلى أزمات مالية، أدت إلى أزمات عائلية داخل الأسرة العلوية ما بين إسماعيل وما بين الأسرة العلوية. مشاكل، مشاكل يا جماعة والله.

تاني حاجة بيقول لي عندي مكاسب سياسية من الفرمانات. تغيير وراثة العرش لتصبح في أكبر أبناء إسماعيل سنا وفقًا لفرمان 66 عشان لما يموت إسماعيل يمسك ابنه توفيق، لما يموت توفيق يمسك عباس حلمي وهكذا، يفضل يتغير الوضع وهكذا. فيقول لي بعد كده ده فرمان 66.

بعد كده بيقول لي مكاسب عسكرية. ده من فرمان 66، زيادة عدد الجيش من 18 لـ 30. يبقى المكاسب العسكرية عكس فرمان 41 اللي قالوا لا تزيد قوات مصر عن 18,000 جندي. وده يؤدي إلى إيه؟ يؤدي إلى الاهتمام بالصناعات الحربية. طبعًا أنا بقول لك الكلام ده ليه كده بسرعة؟ على أساس ده يا حبيبي بلم لك التاريخ كله كده في إيدك قابضة واحدة. ما تتعش مني الكلام ده أنت قعدت تذاكره في 10 شهور، أنا بلمهولك كده. حتى لو لمتهولك في 10 ساعات، الساعة بشهر، فدي حاجة حلوة بالنسبة لك.

مكاسب اقتصادية. فيقول لي أصبح لمصر الحق في ضرب النقود، وهنا إسماعيل بقى عنده استقلال مالي. مصر تضرب النقود باسمها، وكمان زي علي بيك الكبير لما كان ليه حق في ضرب النقود باسمه.

بيقول لي يوجد ارتباط بين فرمان 72 بتاع الأزمة المالية اللي قال له استلف زي ما أنت عايز خلال النصف الثاني من القرن الـ 19. ليه النصف الثاني؟ اهو، اهو 1872. فقد مُنع حق الاستدانة لإسماعيل من الخارج، وده كان مصيبة سودا وردت على مصر، لأنها أدت إلى أن أغرقت مصر كلها في الديون.

بيقول لي تشابهت نتائج حروب محمد علي في شبه الجزيرة العربية مع فرمان 67. اشمعنى يعني؟ قال لي لأن بكل بساطة تغير في الاثنين لقب حاكم مصر. يعني في حروب الجزيرة العربية رفع لقب محمد علي من حاكم تابع لحاكم مستقل. وهنا اتغير غير لقب حاكم مصر إلى لقب خديوي، بقى بسم الله ما شاء الله عليه خديوي مصر إسماعيل. زيادة سلطات القيادة السياسية المصرية في إدارة شؤون الدولة وتحقيق قدر من الاستقرار. فإسماعيل هنا بقى ليه حق في إدارة العديد من الاتفاقيات والمعاهدات الاقتصادية زي البريد وزي الجمارك وزي شؤون الجاليات وتنظيم البضائع والركاب، زي محمد علي برضه لما رفع لقبه من حاكم تابع لحاكم مستقل.

بيقول لي جمعت التوسعات إسماعيل في شرق أفريقيا بين بداية الأزمة المالية. جمعت توسعات إسماعيل في شرق أفريقيا بين الأزمة المالية ودي إحنا لسه قايلينها والتدخل الأجنبي المباشر في الشؤون المصرية. فلم يكن من المصادفة أن يكون عام 75 هو نفس العام اللي إسماعيل استدان فيه. هو نفس العام الدول الأوروبية قالت إحنا عايزين فلوسنا. طب اشمعنى؟ قال لي لأن ده نفس العام الدول الأوروبية قالت إحنا عايزين فلوسنا. نفس العام اللي إسماعيل توسع فيه في الحبشة وتوسع فيه في أفريقيا.

وبالطريقة دي، أصبح إسماعيل يمثل خطر على فكرة التوازن الدولي. إسماعيل بقى دوره إيه في أفريقيا وفي منطقة القرن الأفريقي عشان تبقى فاهم؟ إسماعيل راح الصومال ودخل جيبوتي، يعني راح الصومال وجيبوتي وإريتريا وساحل البحر الأحمر. دخل ساحل البحر الأحمر بكامله إلا إثيوبيا. اشمعنى يعني؟ إلا إثيوبيا؟ قال لي لأنه ما قدرش ينتصر على إثيوبيا. فصحياً، انتشرت أو الإدارة المصرية اهتمت بعلاج الأمراض المنتشرة زي الدونستاريا وزي الملاريا وزي الكوليرا، نفس اللي عمله نابليون في مصر أو مينو في مصر عن طريق إنشاء محاجر صحية. وبالطريقة دي هتتم بالمستوى الصحي بالنسبة لسكان القرن الأفريقي.

اجتماعياً، نشر السلام الاجتماعي. ومعظم الأسئلة اللي بتيجي في الجزئية دي إن بيقول لي شبه قرار الأمم المتحدة أو شبه مجلس المجالس الدولية أو شبه ديوان الأقاليم واتفاقية الصلح العامة، لأن هنا حاول نشر السلام الاجتماعي بين الأهالي والقبائل وتثقيف الأهالي في الدين الإسلامي عن طريق الأزهر الشريف وإرسال علماء الأزهر الشريف لتعليمهم أصول الدين الإسلامي.

اقتصادياً، بيقول لي حدوث ازدهار في المجالات الاقتصادية في كافة المجالات سواء كانت الزراعة، فدخل محاصيل جديدة وفر المياه، عمل هناك مياه لأن حارب الأراضي البور وكمان اهتم بالعديد من المحاصيل اللي موجودة في أفريقيا. في المجال الصناعي، الصنايعية اللي عندنا اللي موجودين في الجيش علموهم أصول الصناعة. وكده إحنا مش عنصريين. بالنسبة للتجارة، تم إنشاء خطوط ملاحية من كسلا للخرطوم أو من مصوع لكسلا لحد جدة ومن مصوع لجدة. بدأ يعمل خطوط ملاحية بشكل كبير يضم جميع دول الاتحاد الأفريقي.

أجد الجيش المصري في القرن الأفريقي على أنه إرادة للنهضة أو أداة للنهضة الاقتصادية بجانب مهمته العسكرية. فقد صاحب بعض الشباب الصوماليين الجنود الحرفيين بالجيش المصري كي يتعلموا منهم الحرف. وهنا إن إحنا بنطبق مبدأ اسمه مبدأ المواطنة ومبدأ التعليم للجميع.

أكدت أعمال البناء والتشييد إسماعيل اهتم بالبناء والتشييد على مدى الوحدة الوطنية، لأنه عمل جامع ومسجد وكنيسة وعمل مساكن صحية وعمل مواسير مياه. في النصف الثاني من القرن الـ 19 على تعزيز مبدأ المواطنة وذلك من خلال بناء مسجد وبناء كنيسة.

تشابهت خريطة مصر زمن محمد علي مع خريطة إسماعيل في تأمين الأمن القومي المائي من حيث اكتشاف منابع النيل. ودي الخريطة دي اللي جت لك السنة اللي فاتت في الامتحان أو جت السنة اللي فاتت في امتحان التاريخ.

بكده نكون خلصنا معاك يا وحش الفصل الثاني. يلا اشرب لك كوباية قهوة واستعد معايا بسرعة في الفصل الثالث. نبدأ معاك الفصل الثالث بأزمة مالية وتركز قوي قوي قوي على النقط المهمة اللي موجودة في الأزمة المالية، خاصة صندوق الدين والمراقبة الثنائية ولجنة التصفية ولجنة التحقيق الأوروبية. مهم قوي ما تفوتكش الكلام ده. كلام مهم جداً وتقدر تقول لي هم شالوا إسماعيل ليه وأصدروا فرمان 79. النقط دي لازم حضرتك تركز عليها قوي. وبعد كده تقول لي توفيق إزاي كان خاضع. وانت بتذاكر الثورة العرابية لازم تعرف يناير وفبراير ومايو وسبتمبر حصل إيه. وتيجي في النهاية تقول لي هي ليه فشلت الثورة العربية بسبب تواطؤ ديليسبس. طب مصر وقعت تحت الاحتلال الإنجليزي. إنجليزي عمل إيه؟ قانون دافرين مهم مهم جداً جداً. طب وإيه اللي بعد قانون دافرين؟ إزاي إنجلترا دمرت الصناعة والحتة بتاعة وضع طوائف الحرف لازم تركز في وضع طوائف الحرف وفي المقارنة بتاعة البنك الأهلي. تيجي معايا في آخر درس تتكلم على عباس حلمي. الثورة المهدية مهمة. حادثة فاشودة مهمة. كفاح مصطفى كامل وتركز بالله عليك عشان خاطري في محمد فريد قوي قوي قوي. لو في معلومة أنت عايز تعرفها زيادة تعال كده أقول لك إحنا هنقول إيه في الفصل الثالث. شربت شايك؟ تعال بقى نركز ونقول أول خطوات الفصل الثالث تسع درجات يا وحش في الامتحان. الفصل الثالث هنقول فيه أهم الأفكار المهمة اللي ممكن تتعرض ليها في امتحان الثانوية العامة. خد بالك المراجعة بتكلمك على أهم الأفكار يعني إحنا بنلم نفسنا كده عشان اللي ما ذاكرش طول السنة يجي يذاكر واللي ذاكر يأكد معلومة زيادة عنده. المهم بيكلمني على أول حاجة: توجد علاقة. وخد بالك من حكاية توجد علاقة لأن بيجي لي في الامتحان ما العلاقة؟ ما مدى الارتباط؟ فتوجد علاقة بين موقع مصر الاستراتيجي. واتفقنا في أول الفيديو اتكلمنا على دكتور جمال حمدان لما قال إن مصر هي حجر الزاوية في الثلاثية القارية، هنا أفريقيا وهنا آسيا وهنا أوروبا. ونلاقي إن موقع مصر الاستراتيجي وظهر بشكل كبير منذ مجيء الحملة الفرنسية سنة 1798 لما جت الحملة الفرنسية على مصر أظهرت أهمية موقع مصر الجغرافي خاصة بالنسبة للإمبراطورية الإنجليزية، لأن الإمبراطورية الإنجليزية كانت ترغب بشكل كبير في السيطرة على كل المنافذ البحرية وتأمين طرق تجارتها إلى الهند.

وبين استغلال القوى الأوروبية للأزمة المالية. إحنا اتفقنا بقى على الأزمة المالية. يقول لي ظهرت بداية الأزمة المالية ظهرت في عصر سعيد، أول واحد استلف 1862 واستلف بديون سارية وتفاحلت وتفاقمت في عهد إسماعيل، لأن إسماعيل وصلت الديون في عهده لرقم كبير جداً. يعني ممكن يجيب لك رسم بياني ويقول لك خد بالك دي القروض اللي عقدتها مصر في الفترة من كذا لكذا. يعني مثلاً في فترة حكم سعيد من 1862، 1863، 1864، 1875، 75 ويقول لي هنا بدأت الأزمة المالية. إحنا استلفنا بالجنيه مثلاً كان الديون وقتها كان ما يقرب من 29 مليون جنيه. في عهد 75 وصلت الديون ما يقرب من 166 مليون جنيه. وديوان ده اللي يدل على توسع إسماعيل في سياسة الاقتراض وأن إسماعيل طموحاته أعلى من إمكانياته وأن إسماعيل تفاقم في في الأزمة المالية وزود الأزمة المالية بشكل كبير. فزادت الأزمة المالية لينتهي الأمر باحتلال بريطانيا لمصر. يبقى بريطانيا قبل ما تحتلنا عسكرياً احتلتنا الأول اقتصادياً.

يوجد ارتباط بين خطوات إسماعيل الاستقلال. لأن إحنا اتفقنا إن خطوات إسماعيل في الاستقلال التخلص من فرمان 41 والتخلص من قيود معاهدة لندن سنة 40. الاثنين دول مع بعض أدى إن إسماعيل دفع رشاوى للسلطان العثماني زي ما أنا قلت لك استضاف السلطان عبد العزيز واستضاف كمان الصدر الأعظم. الاثنين خربوا بيت مصر. فكانوا قايمين على سياسة شخلل عشان تعدي أو أبرستنجز ادفع فلوس عشان تحقق رشاوى وبعد كده تحقق مزيد من الاستقلال. فتضمن بس تغيير وراثة العرش لأكبر أبناء وتضمن مبالغ طائلة بشكل كبير. فدي الحاجة اللي ليها جانب إيجابي وجانب سلبي. الجانب الإيجابي إن إحنا نحصل على الاستقلال والجانب السلبي إن وقعت مصر تحت الديون.

بحكم مصر عن طريق استصدار الفرمانات السلطانية من السلطان العثماني اللي هو فرمان 66، 67، 72، 73 وتوسع نفوذ مصر السياسي وفقاً لفرمان 73، الفرمان الشامل. وبحث الدول الأوروبية عن كيفية تسديد الديون دي بنسميه سبب ظاهري وحجة ظاهرية في شؤون مصر. وتعددت مظاهر التدخل الدول في شؤون مصر خاصة أن التدخل الأوروبي بحجة بحجة يعني إيه؟ يعني سبب ظاهري. البحث عن كيفية لتسديد الديون بدأ منذ عام 1875 وهو نفس العام اللي الدول الأوروبية وجهت لإسماعيل إنذار بعدم التوسع في القارة الأفريقية، لأن نفس العام اللي إسماعيل بدأ فيه التوسع في أفريقيا هو نفس العام اللي الدول الأوروبية طلبت أموالها. وده كان بالنسبة لإسماعيل إنذار شبه جده محمد علي.

أصبح مشروع قناة السويس محطة أطماع دول كبرى خاصة بعد الافتتاح وظهرت الأهمية وظهر اختصار الوقت وظهر اختصار المسافة ولغى طريق رأس الرجاء الصالح. واللي يسيطر على قناة السويس سيطر على العالم. فأصبح مشروع قناة السويس محطة أطماع الدول الأوروبية لأهميتها الاستراتيجية. للتدخل الدول الأوروبية في شؤون مصر عام 1875 ده سبباً رئيسياً. وقد أثبتت ذلك صدق رؤى محمد علي لما قال: "لا أريد بوسفور آخر في مصر" ورفض مشروع قناة السويس. الأمر الذي لا تدركه كلا من سعيد وإسماعيل.

أكدت الأزمة المالية الأزمة المالية إن إحنا استلفنا. الاستدانة مع عدم السداد يساوي أزمة مالية بديون متراكمة متزايدة بنسميها الديون السارية. يبقى أكدت الأزمة المالية في عهد الخديوي إسماعيل على أن الديون لا تبني أوطاناً. دي بنسميها دروس مستفادة من الاستدانة في عهد إسماعيل. الديون لا تبني أوطاناً، حيث توسع إسماعيل في سياسة الاقتراض للصرف على مشروعات التنمية زي مشروعات التنمية. إنشاء المدارس زي إنشاء الكباري زي إنشاء الطرق زي إنشاء كل دي أزمات اقتصادية نتيجة إن إسماعيل عمل مشروعات تنمية وكان مفكر مشروعات التنمية اللي بيعملها تخدم الوطن ولكن انعكس سلباً فزادت حدة الأزمة المالية. فعملنا مشروعات التنمية اللي عملها إسماعيل زي المدارس زي ما إحنا قلنا الجمعية الخيرية، مدرسة لتعليم البنات وإرسال بعثات للخارج، زي إنشاء الكباري، كوبري قصر النيل وكباري كتير جداً، وزي إنشاء العديد من الطرق، وزي مشروع قناة السويس اللي هي حفلة قناة السويس. كل ده كلف مصر ديون كبيرة جداً. فنقول له لما تحب تعمل مشروعات اعملها من جيبك. والتوسع الخارجي اللي هي في الحبشة اللي في النهاية خسرنا 3 مليون جنيه ولكنها انتهت باحتلال مصر. لأن خدوا من الديون سبب ظاهري.

أول دولة استجابت لمطامع الدول الأوروبية كانت إنجلترا، لأنها طمعانة في مصر من أيام الحملة الفرنسية.

أكدت وظيفة صندوق الدين. خد بالك قبل صندوق الدين اللي كان موجود عندي كان في بعثة كيف وميسيوفيه. دي بنسميها صور التدخل الأجنبي في شؤون مصر. دي أول صور التدخل. إنما صندوق الدين أول هيئة رسمية للتدخل في شؤون مصر. طب ليه أول هيئة رسمية؟ لأن ده أدى لفقدان مصر مبدأ السيادة. لأن تولى صندوق الدين أعضاء أجانب، ناس مش مصريين. الأعضاء الأجانب دول بدأوا يتدخلوا في شؤون مصر وبقى عندي صندوق الدين أول هيئة رسمية للتدخل في شؤون مصر. فاقترح صندوق الدين توحيد الديون في دين واحد بفايدة بسيطة جداً بجوار الخزانة العامة تستلم المبالغ المخصصة للديون من المصالح الحكومية مباشرة. وبالطريقة دي أصبحت دولة داخل دولة. ودي خطورتها. خطورة صندوق الدين إن هو بيعمل منفرد.

يؤكد تعيين الخديوي توفيق. يؤكد تعيين الخديوي توفيق الخديوي توفيق تعين إمتى؟ 1879 بعد إيه؟ قال لي بعد عزل إسماعيل. طب إسماعيل اتعزل ليه؟ عشان عزل الوزارة المختلطة اللي مزعجة إنجلترا وفرنسا. طبعاً الوزارة المختلطة دي كانت وزارة نبار اللي كانت مؤيدة بشكل كبير للتدخل الأجنبي في شؤون مصر. فتم عزل تم عزل إسماعيل سنة 1879 بناء على طلب الدول الأوروبية من السلطان العثماني وتعيين ابنه توفيق. ويفك لفرمان 1866 اللي حصل عليه إسماعيل. فقد تغيرت وراثة العرش يعني تغير طريقة التعيين والحكم وفقاً لفرمان 66. تصبح في أكبر أبناء إسماعيل الذكور سناً.

تشابه نصوص فرمان 79. لما أجي أتكلم على فرمان 79. الفرمان ده اتكلم في ثلاث حاجات مهمة: عدد الجيش يرجع لـ 18,000 جندي، أوعى تستلف، عدم السلف من الخارج إلا بالرجوع للدولة العثمانية، وكمان مصر لا تعقد أي معاهدة إلا بالرجوع للسلطان العثماني. ده شبه فرمان 41. عكس فرمان 66. ده عكس فرمان 72. ده عكس فرمان 67. بدل ما كان لمصر استقلال اتحول استقلال مصر لاستقلال شكلي وربط مصر بالدولة العثمانية مرة أخرى مع فرمان 41 في عهد محمد علي. عسكرياً في عودة عدد الجيش لـ 18,000 جندي. فتم زي ما بنسميه كده تقلص قوات مصر مرة أخرى. وده رضت بيه إنجلترا وفرنسا. مش رضت بالفرمان كله. لا رضت بفقرة إن عدد الجيش يرجع لـ 18,000 جندي تاني. لأن بالشكل اللي إحنا بنقوله ده لما زاد عدد الجيش إسماعيل توسع في أفريقيا. طب إحنا عايزين مصر ترجع تاني لما كانت عليه.

جاء فرمان 79 الذي صدر في عهد توفيق مناقضاً لفرمان 72 بشان الشؤون المالية. بشان القروض. الشؤون المالية أوعى تستلف إلا بالرجوع للسلطان. وتم حظر عقد قروض جديدة بمعنى وقف الأزمة المالية. طب إحنا هيبقى قدامنا مشكلة الديون اللي هي الديون السارية اللي هي ديون بفوائد مركبة لا تسدد. فدي المشكلة بالنسبة لنا. بعد أن كان لإسماعيل حق الاستداء وفقاً لفرمان 72 من الخارج دون الرجوع للسلطان العثماني. فكان نوع من أنواع تهميش السلطان العثماني. فقلنا ليه يا سلطان عملت كده؟ قال لعدم رضا السلطان عن سياسة إسماعيل وربط مصر تاني بالدولة العثمانية.

يوجد تعارض. التعارض يعني تناقض. يلعب بيك بالألفاظ بين طموحات إنجلترا وفرنسا السياسية. إيه طموحات إنجلترا وفرنسا السياسية؟ التدخل في شؤون مصر وتنفيذ بنود أول فرمان سلطاني. لأن إنجلترا وفرنسا عايزين عزل مصر عن الدولة العثمانية. لأن لو تم ربط مصر بالدولة العثمانية ضد طموح إنجلترا وفرنسا. فإذا جاء فرمان 79 مناقضاً لطموح إنجلترا وفرنسا في السيطرة على مصر. طب ليه؟ قال لي لأن فرمان 79 اللي بيقول يا جماعة إن مصر ترجع تاني للدولة العثمانية. إنجلترا وفرنسا عايزة تفصل مصر عن الدولة العثمانية بحيث إنها تقدر تنفذ سياستها جوه مصر وهي السيطرة على مصر.

في عهد بداية عهد توفيق ليس عفوًا على توفيق، وإنما خوفاً من زيادة نفوذ السلطان العثماني المتمثل في وجوب إبلاغ الباب العالي بنصوص المعاهدات التي تنوي مصر توقيعها مما يزيد من نفوذ السلطان العثماني على الخديوي وتوفيق. وذلك يعطل مشروعات إنجلترا وفرنسا. طب توفيق لا اعترض ولا اتكلم. إنما اللي اعترضت إنجلترا. لذلك نصوص فرمان 79 القرارات السلطانية لم تحظى بقبول أنجلو فرنسي إلا فيما يتعلق بعدد الجيش إنه يرجع لـ 18,000 جندي تاني. إنما البندين الثانيين لا. قالوا لا مش عايزين ننفذها.

تشابه موقف توفيق. تشابه موقف توفيق مع موقف إنجلترا وفرنسا تجاه مصير أول وزارة في عهده. الهاء عائدة على مين يا بتوع اللغة العربية؟ في عهده. الهاء ضمير يعود على الخديوي توفيق. حيث تخلص من وزارة شريف. وزارة شريف إحنا بنسميها الوزارة الوطنية. طب مين اللي تخلص من وزارة شريف؟ قال لي توفيق بالاشتراك مع إنجلترا وفرنسا. لأن توفيق حكمه مطلق فردي مستبد. إنجلترا وفرنسا كانت ضد أنصار إنشاء حياة نيابية وشريف مؤيد لحياة نيابية. طب إيه اللي أكد لتوفيق إن شريف من أنصار حياة نيابية؟ قال لي لأن شريف جاء بعد وزارة مختلطة. الوزارة المختلطة أقالها إسماعيل في غضبة إنجلترا وفرنسا. فاسماعيل استجاب للحركة الوطنية وجاب وزارة معروفة وطنياً اللي هي وزارة شريف. فواحد قال لي هو كان الشريف إزاي معروف وطنياً؟ كان قبل يا برنس الوزارة المختلطة. يبقى هو كان قبل الوزارة المختلطة خلاص. لذلك إن بعد كده شريف مسك الوزارة ثلاث مرات. آخر مرة لما قدم استقالته بعد المذكرة المشتركة.

ظهرت رغبة توفيق الشديدة في التخلص من وزارة شريف. ظهرت رغبة توفيق الشديدة في التخلص من وزارة شريف وعدم انتظاره ووصوله لرياض باشا تعني إن كان هو مستعجل على السيطرة على الأمور السياسية حتى لا ينفذ الدستور الذي وضعه شريف عشان ما يتحطش محطة تنفيذ. فما استناش لما جاء رياض من أوروبا لتعيينه مكان شريف وقام توفيق بتشكيل أول وزارة برئاسته. إحنا بنسميها وزارة مؤقتة مخالفة للائحة مجلس النظار. مين اللي حط اللائحة؟ إسماعيل. ومين اللي خالفها؟ ابنه توفيق شخصياً. وكان ذلك مخالفاً لنظام تشكيل مجلس الوزراء وفقاً لمرسوم 78 اللي صدر في عهد إسماعيل. المرسوم بيقول لي لا يجوز الجمع ما بين الخديوية والوزارة. فالوزارة مستقلة عن الخديوية في بعض الأمور. اللي يقدم أن يتولى أحد الوزراء رئاسة مجلس الوزراء وليس الخديوي. يعني ما ينفعش الجمع ما بين منصبين. واللي حط الكلام ده كان الخديوي إسماعيل. ولكن توفيق عرضه استناداً لموقف إنجلترا وفرنسا. لأن هو عارف إن إنجلترا وفرنسا مش هيتكلموا.

يوجد ارتباط بين تنفيذ السياسة المالية للرقابة الثنائية وخروج قناة السويس من سيطرة الحكومة المصرية. فقد تم بيع حصة مصر في أرباح القناة في يناير 80 وفاء للديون. يبقى هنا لما أجي أقول لك إيه الكلام اللي أنت بتقوله ده؟ قال لي ده رياض لما قام باعتماد نظام المراقبة الثنائية. كلمة الاعتماد يعني وضع قانون جديد للمراقبة الثنائية يدي لهم سلطات واسعة. فكان من حقهم حضور جلسات مجلس النظار. لا يجوز عزلهم إلا بموافقة حكومتهم. رأيهم نافذ وليس استشاري. فسنة 1880 تم بيع أرباح مصر في القناة. الأرباح اللي هي كانت الـ 15%. فأصبحت مصر لا تمتلك شيء في قناة السويس لأرباح ولا أهمية. والاثنين اتباعوا بسبب الأزمة المالية. الأسهم والأرباح. وهنا كان المراقبة الثنائية كان دور كبير جداً في رغبة إنجلترا وفرنسا في السيطرة على قناة السويس. طبعاً في نقطة بسيطة هنا إن إحنا بنقول نتيجة وجود المراقبة الثنائية برضه أصدرت لجنة اسمها لجنة التصفية سنة 1880 اللي أصدر قانون اسمه قانون التصفية مما أدى إلى إرباك الحالة الاقتصادية وكمان هنلاقي بعد كده إن تم إلغاء قانون المقابلة اللي بيقول إن هنرجع الضرائب كاملة بالنسبة للفلاح.

يوجد ارتباط بين تظمر. يوجد ارتباط بين تظمر معظم فئات المجتمع. بيقول بيقول لي هنا معظم فئات المجتمع. لأن وإن دل يدل على تظمر على تضرر جميع فئات المجتمع أو معظم فئات المجتمع المصري من سياسة الوزارة الثالثة اللي هي وزارة رياض في عهد مين؟ قال في عهد توفيق. حيث كانت تعارض إقامة حياة نيابية. يبقى مين اللي هيزعل؟ المثقفين والمتعلمين. وتنحاز للنفوذ الأوروبي. فمين كده اللي هيزعل؟ غالبية الشعب المصري. لأن هيحط نفسه تحت تصرف إنجلترا وفرنسا وتضطهد الوطنيين المصريين اللي موجودين. غير إن هي بتعطل الحريات التي نص عليها القانون زي تعطيل الصحف وتنتقد ولا تنتقد تصرفات الحكومة. وبالطريقة دي وزارة رياض الثالثة هنا بنسميها ثالث وزارة في عهد توفيق. فقل لي يعني إيه ثالث وزارة؟ قال لي تعال كده أقول لك. أول وزارة في عهد توفيق كانت شريف. ثاني وزارة في عهد توفيق كانت توفيق. ثالث وزارة في عهد توفيق وزارة رياض. بنسميها الوزارة الثالثة في عهد الخديوي توفيق. مما أدى إلى تظمر جميع فئات الشعب. ودي كانت بتعتبر أكبر خدمة عملها الاحتلال أو عملها الخديوي توفيق للاحتلال اللي هو تعيين رياض باشا بصفته رئيس وزراء أو رئيس السلطة التنفيذية.

بيقول لي أدرك المثقفين أثناء وزارة رياض سنة 79 إن الإصلاح يأتي بالدستور الذي وضعه شريف باشا اللي هو يعتبر أول رئيس وزراء في عهد الخديوي توفيق. ف أدرك المثقفين الناس المتعلمين قالوا والله لن يأتي الإصلاح إلا بإحداث إصلاحات دستورية. لأن الدستور اللي حطه شريف كان بيقول في تعدد للسلطات عن طريق إنشاء مجلس نواب. وقد تشابهوا في ذلك مع رؤية وزارة باول وزارة في عهد توفيق اللي هي وزارة شريف. الذي تمسك بالدستور وإنشاء مجلس نواب. فشريف هنا هيزعل كلا من إنجلترا ومن فرنسا ومن الخديوي. طب يزعلهم ليه؟ لأن شريف كان من أنصار من أنصار إقامة حياة نيابية فيزعل إنجلترا وفرنسا ومن أنصار الحكم الدستوري فيزعل الخديوي توفيق.

مثل قانون التصفية الأخطر قانون التصفية. القانون الأخطر الذي صدر وفقاً للجنة التصفية. قانون التصفية قانون الـ 50 قانون الـ 50 في في اللي قال إحنا هناخد نص الإيراد وأكثر لسداد الديون. أول ما تفتكر قانون التصفية افتكر إنك شغال بـ 3000 جنيه هناخد منك 1500 جنيه لسداد الديون ونسيبك تعيش بالباقي. فتصرف على أكلك وشربك ولبسك وتعليمك وحياتك وكل حاجتك بالـ 1500 جنيه. فتقلصت الموارد موارد الدولة للنصف. مما أدى إلى إن قرارات اللجنة الدولية أدت لأرباك الحياة داخل مصر بشكل كبير جداً وعلى رأسها إحالة عدد كبير جداً من الضباط للتقاعد توفيراً للنفقات. إرباك البنية التحتية في مصر. إهمال التعليم والحالة الصحية وتدهور أحوال النقل والمواصلات. لذلك نشرت جمعية حلوان سنة 1881 أول بيان سياسي لها والذي يتناقض مع مطالب قانون التصفية. مطالبه الاقتصادية مع وضع نظام مالي لمصر اللي تم وضعه سنة 1880 اللي هو بنسميه وفقاً لقانون التصفية. طالبت بإعادة جميع أملاك الخديوي وأملاك أسرته للدولة. إذا هنا في معارضة لقرارات التصفية. وكمان إلغاء النص الخاص بالسكك الحديدية وتخصيص الإيراد للدولة للاحتلال أو لتسديد الديون. وكمان إحنا عايزين نعمل إدارة مراقبة وطنية بديلة عن المراقبة الثنائية. بس خد بالك فيها عنصر أجنبي عشان يدافعوا عن حقوقهم.

يوجد ارتباط بين تطبيق النظام المالي. إحنا اتفقنا النظام المالي اللي هو قانون التصفية سنة 1880 واشتعال الحركة الوطنية المصرية. حيث كان سوء الأحوال الاقتصادية سبباً من أسباب قيام الثورة العرابية. قلنا ليه قامت الثورة العرابية؟ قلنا لأسباب سياسية: زيادة التدخل الأجنبي ووجود حكومة رياض باشا وخضوع الخديوي توفيق للأجانب والحكم المطلق. أسباب اقتصادية: سوء الحالة الاقتصادية وتدهور الخدمات وانهيارها. أسباب عسكرية ودي عديناها: واحد سوء معاملة الضباط المصريين الوطنيين من القيادات التركية بقيادة عثمان رفقي. رقم اثنين: إحالة عدد كبير جداً منهم للتقاعد. رقم ثلاثة: تدهور الوضع الوظيفي لغالبية العسكريين.

أدى تطبيق قرارات اللجنة الدولية سنة 1880 اللي إحنا سميناها لجنة التصفية. أدى تطبيقها إلى غضب ملاك الأراضي الزراعية. اشمعنى؟ لأن لجنة التصفية بالمراقبة الثنائية أدت إلى إلغاء قانون المقابلة. مما يعني حرمان الأعيان من ثمرة جهودهم. لما أقول لك حرمان غالبية المصريين من ثمرة جهدهم نتيجة قانون التصفية. أما لما أقول لك إلغاء قانون المقابلة وفقاً لقرار إعادة المراقبة الثنائية بشكل كبير بسبب إلغاء قانون المقابلة الذين قد استدانوا. يعني إيه إلغاء قانون المقابلة؟ عودة الضرائب كاملة. يعني إيه إلغاء قانون المقابلة؟ عودة الملكية للدولة. يعني إلغاء قانون المقابلة يعني تدهور مكانة الأعيان وتظمرهم. فبدأوا يشتركوا في الثورة العرابية دفاعاً عن حقوقهم.

توجد علاقة بين تنفيذ قرارات اللجنة الدولية. لسه في اللجنة الدولية اللي هي لجنة التصفية. وتراجع قوة مصر العسكرية. لأن تم تخفيض عدد العسكريين من 18,000 وفقاً لقرار 79 إلى 12,000 توفيراً للنفقات. هنجيب لكم منين ندفع لكم رواتب منين؟ اقعدوا يا حبيبي في البيت.

أدى تغيير قائد اليطرة عبد العال حلمي. اتعرض للنقل التعسفي. اتعرض للغدر من القيادات التركية. تم تنزيل رتبته العسكرية من اليطرة لأن عبد العال كان أمير لاي. تم نقله من اليطرة إلى مقر وزارة الحربية وتعيين أحد الجراكسة غير مكانه. وده بنقولها في اللغة العربية القشة التي قسمت ظهر البعير. أيوه يعني دي العامل الأساس الذي أدى إلى قيام ثورة الثورة العرابية. وده بنسميه في اللغة بتاعتنا إن عبد العال حلمي هو المفجر الأساسي للثورة العرابية. طبعاً هنا أدى إلى تعيين عبد العال حلمي أو إقالة عبد العال حلمي أدى لقيام الثورة العرابية.

توجد علاقة بين موقف الخديوي توفيق من مظاهرة عابدين الأولى. مظاهرة عابدين الأولى اللي إحنا بنسميها مظاهرة يناير وفبراير. حادثة قصر النيل. ودي كان للمطالبة بتغيير الجانب الإداري. يا جماعة لو سمحتوا شيلوا عثمان رفقي وهاتوا لنا أي حد آخر عشان يجيب حق المصريين. فتم إقالة عثمان رفقي وتعيين البارودي بدلاً منه. استجابة لمطالب. شعور الضباط بقوتهم. فبدأوا في تقديم مطالب فئوية خاصة بفئة الجيش. وإن دلت المطالب الفئوية تدل على سوء الأحوال الاقتصادية لغالبية العسكريين وتدهور أحوالهم. لأن قالوا عايزين صرف بدل نقدي عن التغذية والملابس. عايزين دفع نصف أجرة في السكك الحديدية. عايزين هدوم. عايزين ناكل ونشرب.

تناقض موقف الخديوي توفيق اتجاه مطالب الضباط في مايو 81. كلمة التناقض يعني اختلاف يعني تباين. موقف الخديوي اتجاه مطالب الضباط في مايو. لأول مرة تتوحد الحركة السياسية مع الحركة العسكرية في مايو. فقدموا ثلاث مطالب: عايزين تشكيل مجلس نواب سياسي، زيادة عدد الجيش عسكري، بناء حصون جديدة تطوير الجانب العسكري. عن مطالبهم في فبراير. لأن في المطالب بتاعة فبراير مطالب فئوية. والتي استجاب لمطالب فبراير وبدأ يعمل على تحجيم الضباط بعد مطالب مايو عن طريق: واحد تشتيت شملهم عن طريق كتابة تقارير ضدهم. اثنين عن طريق إلهائهم بأعمال عسكرية وأعمال سياسية. روحوا للثورة المهدية. فقالوا له لا. واستغل الموضوع ده عشان يضرب عصفورين بحجر واحد. رقم ثلاثة حفر الرياح التوفيقي. فارتبط التخلص من العرابيين ببعض مشروعات الري اللي موجودة عندي في شرق الدلتا هناك.

علاقة بين تعنت توفيق في تنفيذ. تعنت يعني رفض توفيق في تنفيذ مطالب مايو 81 وحركة الضباط في 9 سبتمبر. لأن من مايو حاول يخلص منهم. فجت حادثة العربة. فراح مغير رئيس رئيس الجيش اللي موجود وجاب داوود باشا يكن. فطبعاً فشل داوود باشا يكن. فقام العرابيين بثورة 9 سبتمبر وطلبوا نفس المطالب اللي كانت موجودة في مطالب مايو. فقد اتهم عرابي الحكومة بعدم الوفاء بوعودها.

أكدت مطالب مظاهرة عابدين الأولى. لما يقول لي مظاهرة عابدين الأولى أقول له مظاهرة يناير والثانية اللي إحنا بنسميها 9 سبتمبر. على ضعف موقف السلطة الحاكمة في مواجهة الحركة الوطنية. أما بالنسبة لمظاهرة عابدين الثانية فإن دلت تدل على التدخل الأجنبي في شؤون مصر. حيث وافق الخديوي توفيق بعد نصيحة القنصلين.

تناقض موقف الفرنسيين والإنجليز تجاه مطالب الضباط العرابيين. حيث قام بنصيحة الخديوي برفض التصديق على الأحكام الصادرة ضد ضباط الشراكسة. الكلام ده بعد مؤامرة لاغتيال عرابي و 40 ضابط آخر. اكتشف عرابي المؤامرة قبض عليهم. حكم عليهم بالنفي المؤبد للسودان مع التجريد من الرتب العسكرية. هنا القنصلين قالوا للخديوي توفيق ما توافقش لمنع زيادة نفوذ العرابيين. أما في مظاهرة 9 سبتمبر فطلبوا من الخديوي التصديق والموافقة لامتصاص غضب الضباط. وهنا بنسميه تناقض في موقف القنصلين. وده وإن يعني بان الخديوي مستجيب استجابة تامة لإنجلترا وفرنسا.

اتحدت رؤية الخديوي توفيق والقنصلين الإنجليزي والفرنسي تجاه العرابيين. حيث تم رفض الحكم على المتآمرين. وده إحنا لسه قايلين النقطة دي دلوقتي.

تناقض موقف وزارة الثورة اللي هي وزارة البارودي اللي إحنا بنسميها الوزارة الرابعة عن موقف وزارة شريف تجاه مناقشة الوضع المالي. لذلك إن وزارة البارودي اللي هي كانت 82، وزارة شريف اللي هي كانت 81. الاثنين مختلفين حول مناقشة الميزانية والشؤون المالية. حيث أنشأ شريف دستوراً لم يتضمن مبدأ الميزانية. والبارودي أنشأ دستوراً أعطى مجلس النواب حق مناقشة الميزانية في ما عدا الجزء الخاص بالديون.

ارتبط إرسال المذكرة المشتركة الثانية باتهام الضباط المصريين التدخل في تغيير الوضع السياسي. حيث نُسب إلى العرابيين عزل توفيق وتعيين الأمير حليم من الأسرة العلوية. وبالطريقة دي استفادوا من فرمان 66 لإحداث شقاق داخل أسرة محمد علي. فنسب للعرابيين إن هم عايزين يشيلوا توفيق ويجيبوا الأمير حليم. وإن هم بيتدخلوا لإعلاء قيمة الخديوي والمحافظة على الخديوي. وده طبعاً كان في البداية. فارسلوا المذكرة المشتركة الثانية اللي كان تهديد شديد اللهجة. لأنهم أرسلوا مع المذكرة أسطولين حربييين، واحد فرنسي وواحد إنجليزي. في نهاية المذكرة انسحب الفرنسي وظل الإنجليزي كما هو على شواطئ الإسكندرية. وكمان بالطريقة دي فشلت المذكرة المشتركة إلا أنها أحدثت خلاف وقدمحدثت خلاف ما بين العرابيين وما بين رئيس السلطة التشريعية سلطان باشا اللي اتهموه بالخيانة.

أكدت نتائج تنفيذ مطالب المذكرة المشتركة الثانية على مخالفة الخديوي توفيق للمراسيم الخديوية للمرة الثانية. حيث قام بتشكيل الوزارة برئاسته بعد إقالة البارودي. وده مخالف للائحة مجلس النظار اللي عملها إسماعيل. وبكده توفيق يكون خالف اللائحة للمرة الثانية.

توجد علاقة بين موقف الخديوي توفيق من نزول الإنجليز للإسكندرية. توجد علاقة بين موقف الخديوي توفيق إيه ده من نزول الإنجليز للإسكندرية. عمل إيه؟ قال لي استقبلهم استقبال الأبطال وقال لهم يا رجالة احموا الإسكندرية. فعلى طول راح عمنا عرابي عمل مجلس عرفي. والمجلس العرفي في الوقت ده مجلس اسمه مجلس إدارة شؤون البلاد مكون من مين؟ من العرابيين بالإضافة للشيخ محمد عبده وبعض الأعيان اللي كانوا موجودين في الوقت ده للنظر في شرعية الخديوي. هل الخديوي ده دماغه تعبانة ولا إن هو يوافق على تدخل الإنجليز؟ موقف الخديوي في الإسكندرية بيقول يا جماعة أنا مؤمن بأن الإنجليز هم اللي حموني من الاحتلال الإنجليزي اللي حموني من العرابيين. فانضم الخديوي إلى الإنجليز وربط مصيره بمصيرهم. فوجهت له تهمة الخيانة. كلمة الخيانة هنا إحنا بنديها لديليسبس الراجل الخاين مندوب شركة قناة السويس. وكمان بنروح مديين كلمة الخيانة لسلطان باشا اللي هو رئيس مجلس النواب اللي بلّغ المذكرة المشتركة الثانية. وكلمة الخيانة هنا بنديها للخديوي توفيق برضه. فتم تشكيل المجلس العرفي لادارة شؤون البلاد. وبالطريقة دي يعتبر المجلس اللي عمله عرابي أخطر مجلس أُنشئ في مصر لأنه أسقط ولاء الخديوي وأصبح الجيش جيش الشعب وليس جيش الملك.

بيقول لي توجد علاقة وارتباط بين تشكيل المجلس العرفي ونجاح الإنجليز في تعميق الخلافات في صفوف المصريين. حيث ظهر الانقسام في صفوف الأمة. طب الإنجليز ليه؟ لأن الإنجليز ضغطوا على السلطان العثماني لإصدار فرمان بعصيان عرابي. وبالطريقة دي حصل تشكيل المجلس العرفي بأن اتهم عرابي خاين وأن الخديوي توفيق أصدر قرار بخيانة عرابي وأن الإنجليز يعمقوا صفوف المصريين ويحصل انقسام زي صفوف الزعامة الشعبية في عهد محمد علي سنة 1808 للتفريق بين المؤيد لعرابي من ناحية والفريق المؤيد للخديوي من ناحية ثانية. وبالطريقة دي يحصل انقسام كبير في صفوف الشعب المصري.

يستدل من تتبع طريق تحرك الجيش البريطاني منذ دخوله الإسكندرية. الجيش البريطاني دخل الإسكندرية من أول ما دخل الإسكندرية اللي هو الصغر الشمالي بدأ لحد ما عايز يمشي لحد كفر الدوار. منذ وصوله للتل الكبير لدى الإنجليز القدرة على تغيير استراتيجيتهم العسكرية. يعني عندهم حاجة اسمها حسن تخطيط عسكري. لأنه فشلوا في دخول كفر الدوار فراحوا محولين المسار عشان يدخلوا من الجزء الشمالي الشرقي اللي هي منطقة الإسماعيلية وبعد كده يوصلوا لمنطقة القاهرة. وكل الطرق المؤدية للقاهرة هم عايزين يستفيدوا بالشكل ده. فعندما رفض عرابي التوقف عن الاستعدادات الحربية في كفر الدوار اتجهت القوات البريطانية إلى منطقة قناة السويس ثم للقصاصين والتل الكبير. يعني دخلوا من الإسماعيلية.

يوجد ارتباط وثيق بين نجاح الإنجليز في اختراق الجبهة الشرقية. الجبهة الشرقية اللي هي دخول منطقة قناة السويس لمصر. وتواطؤ إدارة شركة قناة السويس. وهنا نوجه لوم لعرابي نقول له عرابي ديليسبس راجل خواجة. قال لك لا تخشى يا عزيزي لن ينزل جندي إنجليزي إلى قناة السويس إلا إذا تبعه جندي فرنسي. وقال لك حط في بطنك بطيخة صيفي وأنت اطمنت يا عرابي. فبالطريقة دي تم خيانة ديليسبس. بالرغم إن ديليسبس فرنسي بس هنا ما بيدورش غير على مصلحة الشركة بتاعته.

لجوء الإنجليز إلى اختراق قناة السويس يدل على قوة التحصينات المصرية غرب الدلتا. فين؟ في كفر الدوار. ودانين ده اللي يدل على إصرار العرابيين للتصدي للإنجليز في منطقة غرب الدلتا.

لسه هنكمل يا بطل. تعالوا ندخل في الدرس اللي بعده. أوضاع مصر بعد الاحتلال بقى بيقول لي إيه؟ بيقول لي تأثرت القوة العسكرية المصرية بعد الاحتلال على طول. بيقول لي تأثرت القوة العسكرية المصرية. ده بنسميه أول تأثير على مصر بعد الاحتلال. أول تأثير على مصر بعد الاحتلال. تأثرت القوى العسكرية المصرية بدخول الإنجليز سنة 1883 وفقاً لقانون دافرين. حيث تم حل.

الجيش المصري. لان بالشكل ده الجيش المصري زي ما احنا قلنا كان هو العقبه الوحيده أمام انجلترا. واحنا عرفنا في الدرس اللي فات أن انجلترا بدأت تدخل في مصر عن طريق بقى مؤتمر الأستانة واتلككت لضرب مصر والكلام ده كله. طيب، فبيقول لي حيث تم حل الجيش المصري وتم تشكيل مجلس أو جيش جديد 6000 جندي يراسهم قائد إنجليزي اسمه إيه؟ القائد الإنجليزي اسمه سير دار.

وبالطريقة دي، وبذلك تم تحجيم قوة مصر العسكرية بعد الاحتلال وفقًا للاحتلال الإنجليزي المصري وسيطرتها على السلطة بشكل كبير.

طيب، بيقول لي توجد علاقة بين أفكار اللورد دافرين. مين دافرين ده؟ قلنا سفير إنجلترا في الأستانة. يعني إيه سفير إنجلترا في الأستانة؟ مندوب إنجلترا لدى الدولة العثمانية. أن هو وضع خطة سياسية بالنسبة لإدارة شؤون مصر. فتوجد علاقة بين أفكار دافرين ووضع مصر السياسي والدولي بعد الاحتلال البريطاني.

فعمنا دافرين قال إن مصر اسميًا تبع الدولة العثمانية وفعليًا تحت الحكم الإنجليزي. فانا كده عندي سلطتين. وقام اللورد دافرين بوضع خطوط الإدارة الإنجليزية اللي إحنا هنسميها القانون الأساسي في مصر. بما يعني اهتمام إنجلترا بالحفاظ على علاقتها مع الدولة العثمانية اللي قالت بشكل كبير استمرار تبعية مصر للدولة العثمانية منعا لإثارة السلطان.

وبكده دافرين بيتشابه مع نابليون في علاقتهم الطيبة بالدولة العثمانية.

توجد علاقة بين أفكار دافرين وطبيعة العلاقة بين فرنسا وإنجلترا. لأن دافرين قام بإلغاء نهائي للمراقبة الثنائية. عمل إيه يا عمنا دافرين؟ لغى نهائيًا المراقبة الثنائية. حيث تم إلغاء بعض الإدارات. بعض، خد بالك. ما لغاش كل الإدارات. لغى إيه؟ بعض الإدارات. فجأة أقول لك هو ليه لغى البعض؟ قال لي منعا لإثارة الدول الأوروبية وخوفًا من تكتل الدول الأوروبية. ساب صندوق الدين، ساب المحاكم المختلطة، ساب الدائرة السنية، ساب الدومين، ساب المجلس الأعلى للمالية. كل ده موجود في مصر إلا الحاجة الوحيدة اللي شالها اللي هي المراقبة الثنائية لقطع صلة فرنسا بمصر في الشراكة بينها وبين إنجلترا وكمان ذات الصبغة الدولية وفي مقدمتها المراقبة الثنائية. مما يعني إلغاء الوجود الفرنسي المشارك في مصر.

طب هل تم إلغاء الوجود الفرنسي نهائيًا؟ نقول لا. في شراكة قناة السويس، في صندوق الدين، في الإدارات المالية الباقية حتى تنفرد إنجلترا بالحكم وقطع صلة فرنسا بالحكم. مما كان سببًا في عداء فرنسا لإنجلترا. مما ترتب عليه تفاقم مصطفى كامل اللي هيظهر بعد كده. بيقول لي على المستوى الدولي واستمر ذلك حتى الوفاق الودي 1904. بنسميه تغيير سياسة إنجلترا مع فرنسا نتيجة سياسة ملك إنجلترا اللي راح زار فرنسا وزار باريس وقال لهم تعالوا نحط إيدينا في إيدين بعض.

تناقض أفكار دافرين. التناقض هنا يعني عكس. عكست أفكار دافرين مع أفكار المثقفين المصريين في 79 تجاه الحياة النيابية. بمعنى أن المثقفين قالوا إحنا عايزين مجلس نيابي حقيقي. أما بالنسبة لدافرين، لغى المجالس النيابية وعمل مجالس صورية لا قيمة لها زي مجلس شورى القوانين والجمعية العمومية والجمعية التشريعية في مصر. حيث قام دافرين بإلغاء مجلس النواب وإقامة مجالس صورية. في حين أن المثقفين كانوا مهتمين بإنشاء مجلس نواب أب حقيقي. أما المجالس الصورية فلا قيمة لها.

يوجد ارتباط بين الفجوة الغذائية. هنبدأ بقى نتكلم على أحوال الزراعة. بين الفجوة الغذائية اللي هو إهمال محصول القمح واهتمام بمحصول القطن. فجوة غذائية في مصر بعد عام 82 وسياسة إنجلترا الاقتصادية. حيث اهتمت إنجلترا بالمحاصيل الصيفية خاصة بمحصول القطن بخدمة أفكار الثورة الفرنسية وتوفير القطن وحاجة الدول الأوروبية للقطن المصري على حساب المحاصيل الشتوية وخاصة الحبوب اللي نقصد بها محصول القمح. مما يؤدي إلى حدوث أزمة غذاء ومصر مش هتقدر تعمل عملية كفاية من الإنتاج الغذائي فتضطر إلى الاستيراد المحاصيل الغذائية من الخارج وخاصة من إنجلترا.

يوجد ارتباط بين سياسة إنجلترا الاقتصادية. طبعًا سياسة إنجلترا الاقتصادية والاهتمام بالتخصص الزراعي. يعني الاهتمام بمحصول واحد في مصر عقب الاحتلال وعودة مكانة الأعيان. عودة مكانة الأعيان مرة أخرى نتيجة اهتمام إنجلترا بالزراعة وإذاعت مصر بأن مصر بلدًا زراعيًا. وهنا يروح حاطط لي كده الرسم البياني اللي إحنا اعتدنا عليه ويقول لي إنتاج مصر من القطن سنة كذا وإنتاج مصر من القطن سنة كذا وإنتاج مصر من القطن سنة كذا بالأمتار. يقول لي يدل زيادة إنتاج القطن إلى سياسة إنجلترا واهتمامها بشكل كبير بمحصول القطن. إلى فترة تطبيق قانون المقابلة حيث تشكلت منهم مجالس المديريات وبدأوا يشكلوا في يشكلوا في المجالس النيابية. فاكثر ناس مستفيدة من سياسة إنجلترا هم الأعيان اللي هم ملاك الأراضي الزراعية ودافعوا عن حقوقهم الزراعية من خلال السلطة التشريعية.

طيب، وبيقول لي بعد كده استقرت وظيفة العمدة وشيخ البلد في إيديهم. فصدر الخديوي عباس حلمي الثاني 1896 قانون اسمه قانون العمد. اللي هو بأحدث تفرقة اجتماعية. فقال من يتقدم لوظيفة العمدة يكون من ملاك الأراضي الزراعية يمتلك مش أقل من 10 فدادين عشان يتقدم. ازدادت الفجوة الاجتماعية. نرجع تاني أهو بين المصريين أواخر القرن الـ 19 نتيجة إصدار قوانين إدارية. اللي هي قوانين العمد. وظيفة العمدة ظهرت في عهد محمد علي. وظيفة العمدة كانت تفرقة اجتماعية في عهد الخديوي عباس حلمي. وده اللي إحنا اتكلمنا عليه اللي هو قانون العمد.

توجد علاقة بين مستقبل بيع المنتجات المحلية داخل مصر 82 والنظام الضريبي. إذا حلوة الجملة دي. النظام الضريبي اللي إحنا بنسميها فرض رسوم إضافية. فيقول لي قيقول لي توجد علاقة بين مستقبل بيع المنتجات المحلية. فانت مش هتقدر تبيع المنتجات المحلية لأن المفروض عليها ضرائب. فزودت سعر المنتج المصري فمش هيقدر يقف قدام المنتج الأوروبي. زي إيه السلع؟ قال لي زي المنسوجات القطنية 8% وزي السكر وزي الآلات. كل ده أدى إلى زيادة الضرائب الذي أدى لارتفاع تكلفة الصناعة الوطنية وبالتالي صعوبة تسويقها في وقت اللي كان المنتج الأوروبي مش مفروض عليه أي ضرائب داخل مصر.

بيقول لي يتضح تأثير إلغاء نظام طوائف الحرف. إلغاء نظام طوائف الحرف اللي أنا لسه قايله لك في أول الفيديو. نظام طوائف الحرف في ظل سقوط الاحتكار. كان موجود بس كانت مكانته متدهورة. في ظل الاحتلال تم إلغاؤه. إلغاء نظام طوائف الحرف خلال العقد الأخير من القرن الـ 19. العقد الأخير يعني آخر 10 سنين في القرن الـ 19. على نظرة المصريين للمنتجات الأوروبية. فلم تستطع المنتجات الوطنية منافسة المنتجات الأوروبية. فانتشرت البضائع المستوردة في الأسواق المصرية. وكان اللورد كرومر يفتخر في تقريره السنوي دليل على نجاح سياسته داخل مصر في أن هو قام بتدمير المنتجات الوطنية. وطنية وقال إن المنسوجات الأوروبية حلت محل المنسوجات الأهلية وأصبحت الدكاكين واستخدام اللفظ الدكاكين اللي هي أصغر وحدة تجارية أصبحت تبيع كل ما هو مستورد وكل ما هو أوروبي دليل على نجاح سياسته داخل مصر.

يتضح أثر تأسيس البنك الأهلي. والبنك الأهلي ده سنة 98. إنشاء البنك الأهلي سنة كام؟ 98. متزامن مع حادثة فاشودة بالضبط. على الاستقلال المالي. فالبنك الأهلي بيصدر الأوراق المالية يتعامل في كافة الأعمال المصرفية. ربط العملة المصرية بالعملة الإنجليزية. وبالطريقة دي احتكار البنك الأهلي وظهوره أدى إلى تدهور أوضاع مصر بشكل كبير. لما نخلص بقى في آخر الفيديو خالص هقول لك خطورة البنك الأهلي والتشابه اللي بين البنك الأهلي. أنا قايل لك فيديو صغيرة اتفرج عليها ليلة الامتحان. كل ده أدى إلى أن البنك الأهلي أضر بالاقتصاد المصري لدرجة إن إحنا كنا بنسميه بنك إنجلترا.

يوجد ارتباط بين أهداف التعليم في مصر عقب الاحتلال. بعد الاحتلال البريطاني وخدمة النظام الإداري. لأنهم دمروا التعليم بس كان هدف التعليم تخريج موظفين فقط للحكومة. وحيث كان التعليم مجرد تخريج موظفين للدولة وفقًا لقرارات دونلوب. اللي هو المستشار الإنجليزي اللي قال هنخلي التعليم بمصروفات عالية وهنخلي التعليم يطلع مصريين خاضعين وخانعين للاحتلال. مما أدى لارتفاع نسبة الأمية في البنين 92% والبنات 97%.

توجد علاقة بين أفكار دونلوب ونظرة تجاه طبيعة الوجود البريطاني في مصر. اللي هو تنشئة جيل سلبي الإرادة. حيث أخضع دونلوب لمجموعة من النظم والقواعد التي نشأت أفراد خاضعين على الاستسلام وخاضعين للاحتلال الإنجليزي. وبالطريقة دي عمل على نجلزة التعليم بشكل كبير. حيث يوجد ارتباط بين أفكار دافرين واستحداث أدوات التبعية للاحتلال البريطاني. اللي هو ربط مصر بالاحتلال البريطاني بشكل كبير.

تعالى بقى نتكلم على آخر جزء في الدرس الثالث ونقعد كده ندردش مع بعض فيه. فبيقول لي توجد علاقة بين نتائج الثورة العرابية. توجد علاقة بين نتائج الثورة العرابية وتغيير بعض الوطنيين نظرتهم تجاه المحتل. حط بقى خط هنا كده. توجد علاقة بين نتائج الثورة العرابية. مالها الثورة العرابية؟ فشلت كده والعياذ بالله. ولما فشلت الثورة العرابية تم إلقاء القبض على العرابيين. منهم تم تقديمهم لمحاكمة الإعدام وتعدل الإعدام للنفي إلى جزيرة سيلان بالهند.

فتوجد علاقة بين نتائج الثورة العرابية. نتيجة نفي زعماء الثورة العرابية وسيطرة إنجلترا على مصر وبقت مصر مسيطرة بشكل كبير وتغيير بعض الوطنيين لنظرتهم تجاه المحتل. زي مصطفى فهمي. احفظ الاسم ده كويس. لأن مصطفى فهمي كان من ضمن الناس اللي اتعينت في الوزارة بأمر من عرابي في عهد وزارة البارودي اللي سميناه وزارة الثورة. اتعين وزير خارجية بأمر من عرابي. وهنا مصطفى فهمي يروح مغير نظرته تجاه الحركة الوطنية. فيتعين رئيس وزراء في عهد الاحتلال البريطاني.

حيث خمدت الحركة الوطنية لمدة 10 سنوات من 82 لـ 92 في ظل حكم توفيق. خمدت يعني حصل عملية كمون للحركة الوطنية في عهد توفيق. أول 10 سنوات احتلال يعني بسم الله ما شاء الله كده استمرت إيه؟ عقد كامل ركضت فيه الحركة الوطنية نتيجة سيطرة إنجلترا على كل مفاصل الدولة. وأكبر حاجة عملتها إنجلترا إنها سيطرت على مصر. اللي هي السيطرة على الهيئات الحاكمة اللي كانت موجودة في مصر.

يوجد ارتباط بين موقف إنجلترا من السلطة. السلطة الحاكمة اللي إحنا سميناها السلطة الاسمية لمصر خلال الثورة العرابية وشكل الحركة الوطنية. حيث وضع الخديوي توفيق نفسه تحت حماية إنجلترا على اعتبار أن إنجلترا هم دعاة الوطن وكانوا بيحموه من الثورة العرابية. عقب الاحتلال البريطاني. حيث خمدت الروح الوطنية أثناء عهد الخديوي توفيق لخضوعه لخضوع الخديوي توفيق لسيطرة الإنجليز وعدم اعتراضه على سياستهم. لأنهم قالوا له إحنا جايين نحميك بشكل كبير من العرابيين.

أثرت بعض مظاهر الوجود الدولي في مصر خلال مرحلة الخمود على مبدأ سيادة الدولة. يبقى أثرت بعض مظاهر الوجود الدولي. لذلك أنا قلت لك لسه من شوية قايل لك إن تم إلغاء بعض الإدارات زي المراقبة الثنائية. ولكن كان عندي صندوق الدين وكان عندي الدائرة السنية وكان عندي الدومين والسكك الحديدية وجمارك الإسكندرية والمحاكم المختلطة. ركز عليها. لأن المحاكم المختلطة اللي كانت موجودة أثرت على التدخل في شؤون مصر في مجال القضاء. فاخلت بمبدأ السيادة. بمعنى أن في جزء بره الدولة المصرية زي صندوق الدين والسكك الحديدية والتليغراف والدائرة السنية والدومين وميناء الإسكندرية بالإضافة للامتيازات الأجنبية والمحاكم المختلطة. الامتيازات الأجنبية اللي هي مظاهر الدولة العثمانية اللي كانت مديها للأجانب. المحاكم المختلطة اللي إحنا سميناها في القضاء. السكك الحديدية السيطرة على وسائل النقل ووسائل الاتصال والدائرة السنية والدومين منذ لجنة التصفية. كل ده أخل بمبدأ السيادة على أرض مصر بشكل كبير.

أكد موقف عباس حلمي. عباس حلمي الثاني يعتبر رقم ثلاثة في أسرة إسماعيل. لأن إسماعيل نسك رقم واحد. توفيق رقم اثنين. عباس حلمي رقم ثلاثة. فتولية عباس حلمي وفقًا لفرمان 66. برضه أن يكون الحكم لأكبر أبناء الأسرة الإسماعيلية سنًا. اللي هي القيادة السياسية. من وزارة مصطفى فهمي اللي إحنا لسه قايلين عليه اللي اتحول تجاه الاحتلال. على اختلاف نظرته عن أبيه مين أبوه؟ أبوه توفيق تجاه الاحتلال. لذلك لتطلع عباس حلمي للتخلص من قيود قانون دافرين ومحاولة لتحويل سلطته إلى سلطة فعلية بدل ما هي سلطة اسمية صورية إلى مزاولة سلطته كاملة بعيدًا عن سيطرة وتوجهات المعتمد البريطاني إيفلين. اسمه كده إيفلين بارينج. وبالتالي يمكن إلغاء سلطة اللورد كرومر. ده طبعًا هنا عباس حلمي هيحصل بينه وبين اللورد كرومر أزمات سياسية. لأن من نفسه هيشيل مصطفى فهمي ويعين حسين فخري. فتحصل أزمة بشكل كبير ما بين السلطة الاسمية والسلطة الفعلية.

يستدل من أزمة 1893. إيه أزمة 1893؟ صدق جديدة يمكن ما فيش حد تعرض ليها. يجي يقول لي دلل أو يقول لي أحدثت أزمة 1893 خلافًا كبيرًا في مصر. أزمة 1893 بنسميه العقد الأخير من القرن الـ 19. أزمة 1893 ما بين عباس حلمي السلطة الاسمية وما بين اللورد كرومر بسبب أحداث تغيرات في السلطة التنفيذية. حيث أقاله مصطفى فهمي وعين حسين فخري. حسين فخري على شاكلة شريف ومصطفى فهمي على شاكلة خله رياض. فلو إحنا بصينا إن هنا أرادت إنجلترا تحجيم سلطات عباس حلمي وعدم زيادة سلطته دون الرجوع للمعتمد البريطاني اللي هو السير إيفلين بارينج. على مدى سيطرة الإنجليز الفعلية على الأحوال السياسية المصرية. مما أدى إلى حدوث أزمة أدرك فيها عباس حلمي عدم الصدام مرة أخرى بالسلطة الفعلية.

لعب مجلس شورى القوانين. اللي هو أصلًا كان سوري في عهد عباس حلمي الثاني. نتيجة مواقف عباس حلمي المتشددة في الأول. فيلعب مجلس شورى القوانين دور سياسي إيجابي. فيتحول من سوري إلى مجلس حقيقي. وبالطريقة دي يخالف الهدف الذي أنشئ من أجله. وهو سيطرة إنجلترا على الأحوال في مصر. مناقشة الميزانية. مناقشة الشؤون المالية. هنا يتشابه مع مجلس النواب عام 1881. وضع نظام جديد للضرائب. يعني برضه مناقشة الشؤون المالية والاقتصادية. حل مشكلة الديون العقارية. مناقشة الشؤون المالية. التوقف عن تعيين الأجانب في الوظائف العليا. يعني التوقف عن سياسة النجلزة في الوظائف الإدارية.

طيب، هنا ببدا أتكلم يقول لي إيه؟ يقول لي توجد علاقة بين شكل الحركة الوطنية في نهاية القرن الـ 19. اللي هي مرحلة إصدار الحركة الوطنية ضد الاحتلال والوعي الثقافي والفكري اللي بدأ منذ عهد إسماعيل. لما إسماعيل قام بإرسال بعثات تعليمية بدأت تؤتي ثمارها في عهد عباس حلمي الثاني. فقد ظهرت بعض الشخصيات التي حملت لواء المقاومة. يعني ده كله أدى إلى حدوث حراك وطني. وده كله أدى إلى حدوث ظهور كوادر وطنية حملت لواء المعارضة قبل الحرب العالمية. زي مصطفى كامل واللي على شاكلته محمد فريد. زور بعض الشخصيات زي مصطفى كامل ومحمد فريد اللي حملوا لواء المعارضة.

تلاقت أفكار السلطة الحاكمة لمصر عباس حلمي. اللي إحنا سميناها السلطة الاسمية مع أفكار مصطفى كامل خلال مرحلة الازدهار. وهنا نقول لك نحط الاثنين كده مع بعض ونقول مصطفى كامل تعلم من أخطاء الماضي وقال كده دعونا نعمل أخطاء جديدة. قلنا له ليه يا درش؟ قال أنا هصلح اللي عمله عرابي. فبدأ يحصل إن هو يقرب من عباس حلمي حتى لا يقع في مثل ما وقع فيه عرابي. والاثنين كانوا ميالين للدولة العثمانية. والاثنين كانوا مزودين علاقتهم بالدولة العثمانية. لدرجة مصطفى كامل قال للسلطان العثماني إيه رأيك تديهم اليونان مقابل التنازل عن مصر. فهنا مصطفى كامل كان غير واقعي لكي يستند إليه إذا ما دعت الحاجة والسيطرة الإنجليزية حتى لا تتفق الدولة العثمانية مع الإنجليز ضده.

توجد علاقة بين نتائج الثورة العرابية. توجد علاقة بين نتائج الثورة العرابية وتغيير بعض الوطنيين نظرتهم تجاه المحتل. حط بقى خط هنا كده. توجد علاقة بين نتائج الثورة العرابية. مالها الثورة العرابية؟ فشلت كده والعياذ بالله. ولما فشلت الثورة العرابية تم إلقاء القبض على العرابيين. منهم تم تقديمهم لمحاكمة الإعدام وتعدل الإعدام للنفي إلى جزيرة سيلان بالهند.

الاول وهنا انجلترا بتتعامل زي تعامل فرنسا في كلا من المغرب وفي بلاد الشام. يعني في المغرب قاموا بنفي محمد الخامس، وفرنسا في بلاد الشام قاموا بنفي بشاره الخوري ورياض الصلح.

وهنا انجلترا بتلعب لعبه النعامة، بتدفس راسها في التراب عشان مش قادرة تواجه، فتتصرف بغباء. لأن وينجت هنا أنا بوصفه بالغباء السياسي. لأن لو سمح لسعد زغلول بالسفر لباريس من أول وهلة، لما قامت ثورة 19، وكان رتب أوضاعه هناك في مؤتمر الصلح. ولكن هنا لأول مرة خارج مصر تم نفيه لجزيرة مالطا اللي موجودة في البحر المتوسط. فكان السبب المباشر لقيام ثورة 19. بنسميه كده القشة التي قسمت ظهر البعير. عندي أسباب مباشرة لقيام ثورات. يفضل الناس قاعدة وساكتة ومستريحة وزي الفل لحد ما يحصل حاجة مهمة قوي تؤدي إلى قيام الثورة. اديني مثال، قال لي زي الثورة العرابية. هي أصلاً قامت ليه الثورة العربية؟ بسبب نفي أو إقالة عبد العال حلمي من منصبه. ثورة سعد زغلول قامت ليه؟ بسبب نفي سعد زغلول إلى جزيرة مالطا.

فقدت انجلترا سيادتها على مصر. فقدت انجلترا سيادتها على بعض مناطق مصر. مهم دي كلمة "بعض". يبقى إحنا هنا بنتكلم على ثورة 19 واشتعال ثورة 19. وأنت عارف بقى شعبية وقومية والكلام ده كله. من خلال فيديوهات الشرح تلاقي الدنيا بالنسبة لك سهلة. فيقول لي فقدت انجلترا سيادتها يعني خرجت بعض المناطق على السيادة الإنجليزية. وإن تكن هذه المناطق في أحداث ثورة 19 زي مدينة زفتى. واللي أدى لخروجها عن السيطرة هو استخدام الفلاحين العنف وقطع خطوط السكك الحديدية. فهل الفلاحين هم أصلاً بيشتغلوا سياسة؟ قال لي نتيجة الإجراءات اللي عملتها انجلترا في مصر أثناء الحرب العالمية الأولى من أساليب للقمع وتقييد الحريات ونهب خير الشعب المصري والسيطرة على المواشي والسيطرة على البذور والسيطرة على القطن. فاكثر الناس اللي كانوا متضررين من سياسة انجلترا الفلاحين. فقاموا بقطع خطوط السكك الحديدية. وده بسميه عزل، عزل مؤقت لوقف حركة النقل والمواصلات. فانقطعت الصلة ما بين القاهرة والأقاليم. وده يؤدي إلى انتشار المد الثوري خارج حدود القاهرة.

أظهرت أحداث ثورة 19 الدور القومي. كلمة الدور القومي يعني الدور الوطني. لأصحاب الفكر الديني. وإحنا اتفقنا كلمة قومية يعني إيه؟ مسلمين زائد مسيحيين بتساوي مصريين. كلمة مصريين يعني إحنا عايزين يكون عندنا قومية. فاخذ القساوسة يخطبون على المنابر المساجد، حتى الجامع الأزهر وهكذا. وأخذ المسلمين يخطبوا على مذابح الكنائس، حتى الكنيسة المرقسية. وهنا أكثر طائفة كانت مشاركة طبعاً الكنيسة المرقسية. هنا في ثورة 19 وكل الكنائس. تميزت ثورة 19 عن ما سبقها من ثورات مصرية. كلمة تميزت يعني في اللغة العربية إحنا بنسميها يقول لك إيه؟ تفردت. يعني ثورة فريدة من نوعها. تختلف عن اللي سبقها في العصر الحديث من الثورات ببروز الدور الإيجابي. كلمة إيجابي يعني كل الناس بدأوا يتجمعوا. لجميع عناصر المجتمع. أول مرة المرأة. أول مرة المرأة تخرج في ثورة. وكمان العمال لأن كان حقوق العمال كانت ضايعة وما كانش فيه نقابات عمالية. والطلبة لأنهم عندهم قدر من التعليم. والفلاحين لما إحنا لسه قايلين. وعنصري الأمة المسيحيين والمسلمين. ومدن مصر. كل ده شارك في ثورة 19.

يوجد ارتباط بين تغيير الشعب المصري وأسلوب مقاومته. بين إيه؟ تغيير. إذا الشعب المصري الأول كان بيستخدم العنف، تقطيع سكك حديدية وإنشاء جرائد وضرب في القوات الإنجليزية. بعد كده بدأ يغير أسلوب المقاومة للمقاومة السلبية اللي إحنا بنسميها الإضراب. الإضراب والتوقف عن العمل والمقاطعة الاقتصادية. كل الدور الاقتصادي ده نوع من أنواع الضغط الاقتصادي على انجلترا عشان انجلترا تغير سياستها. ففعلاً انجلترا غيرت سياستها وغيرت استراتيجيتها في مواجهة 19. وقامت بالإفراج عن سعد زغلول. بس ده إحنا بنسميه نوع من أنواع الدهاء السياسي. أو إحنا بنسميه في اللغة مناورة سياسية. يعني إيه مناورة سياسية؟ يعني بيهدوا الشعب المصري. فأرادت انجلترا تهدئة الشعب المصري. الإفراج عن سعد زغلول.

يتشابه مع موقف انجلترا في سحب اللورد كرومر وتعيين جورس كمعتمد بريطاني. وسمحت للوفد بالسفر إلى باريس. حاول سعد زغلول تحقيق فكرة الجامعة الإسلامية. سعد زغلول كان عايز يحقق فكرة الجامعة. آسف المصرية. كلمة الجامعة المصرية زي ما أنا لسه قايل لك مسلمين مسيحيين بتساوي كلمة مصريين. بالاعتماد على المجالس التشريعية. إمتى ده بقى يا عم سعد؟ قال لي عندما عاد بخفي حنين. يعني إيه يا عم الحاج؟ يعني عمنا سعد زغلول فشل في عرض القضية في مؤتمر الصلح في باريس. أيوه فشل. طب فشل ليه؟ بسبب سياسة التآمر الدولي والتجاهل الدولي للقضايا والتوافق ما بين الولايات المتحدة الأمريكية وما بين انجلترا وما بين فرنسا. توافق المصالح الكبرى فيما بينهم. مما أدى إلى أن أقوال ويلسون تخالف أفعاله. حيث اعترف مؤتمر الصلح بالحماية البريطانية على مصر.

سعد زغلول هنا يروح يلعب على نفس فكرة مصطفى كامل. ويقول: "لا يأس مع الحياة ولا حياة مع اليأس". فبدأ يكلم الهيئات التشريعية بس من فرنسا وهو موجود في فرنسا. وبدأ يناشدهم بإقرار الحماية، بعدم إقرار الحماية البريطانية على مصر. وبدأ يقود الحركة الوطنية وهو موجود في باريس عن طريق لجنة الوفد المركزية برئاسة سكرتير اللجنة كان اسمه عبد الرحمن فهمي.

طبعاً هنا بيقول لي حاول سعد زغلول تحقيق فكرة الجامعة المصرية. دي إحنا لسه قايلينها. يوجد ارتباط بين كفاح لجنة الوفد المركزية. قلت لي لجنة الوفد المركزية أسسها سعد زغلول إمتى؟ عند سفره لباريس. كانه لم يكن مطمئناً لموقف انجلترا. وكان رئيس اللجنة رئيس لجنة الوفد المركزية سعد زغلول. والسكرتير بتاعها كان اسمه عبد الرحمن فهمي. اللي صار على خطى محمد فريد في تأسيس النقابات العمالية. وبدأ يعمل جهاز سري من الشبان المتحمسين. وفشلت مهمة انجلترا في استقطاب الشعب المصري. عندما قام الشعب المصري بجميع طوائفه بمقاطعة لجنة ملنر. وده إحنا بنسميه وعي سياسي والتفاف نحو القيادة. وإيمان الشعب المصري بأفكار سعد زغلول وإيمان القائد بتاعه. وهنا يبقى عندي درس مستفاد. الدروس المستفادة: لابد الالتفاف حول القيادة. وقام الشعب بمظاهرات عنيفة ضدها. مما يؤكد على وعي الشعب المصري بسياسة انجلترا الاستعمارية. وعرفوا إن الشعب إن انجلترا جاية تضحك علينا. نفس مقاطعة الشعب المصري للجنة ملنر عمله الشعب العراقي في ثورة الـ. اللي هيجي لنا بعد كده في الجزء الخاص بالفصل السادس.

تعالى بقى نخش على الدرس الثاني. ورقة وقلم بقى يا برنس معايا في الدرس الثاني. درس المفاوضات. هو ده الفصل الرابع. ومعظم الأسئلة بتيجي في درس المفاوضات. طبعاً إحنا بنلم لك الدنيا هنا بحيث إن أنت التاريخ ما يمثلكش مشكلة. التاريخ كله في فيديو واحد. ده يعتبر إنجاز تاريخي لم يحدث من بعد.

هنا بيقول لي: يوجد ارتباط بين عبد الرحمن فهمي. مين عبد الرحمن فهمي؟ اللي إحنا لسه قايلين عليه سكرتير لجنة الوفد المركزية. ده بنسميه إيه؟ جهاز توعية بالنسبة للناس. فعبد الرحمن فهمي لعب على وعي الشعب المصري بخطورة الاحتلال. نفس الفكرة اللي كان بيعملها برضه مصطفى كامل. وهو دفع عوامل اليأس وتوعية الناس بخطورة الاحتلال البريطاني. من من أجل لجنة ميلنر. خلاص كده. وموافقة بريطانيا على بداية مرحلة التفاوض مع زعماء الوفد المصري. وذلك لتمسك الشعب المصري بالوفد.

هنبدأ نتكلم على أول مفاوضات عندي مفاوضات سعد ملنر. سبب المفاوضات عبد الرحمن فهمي. وأنت بتذاكر تقول لي: "صارت الحركة الوطنية على طرفي نقيض". المفاوضات المصرية البريطانية كلها مفاوضات فاشلة. لأن مصر لما تدخل في مفاوضات مع انجلترا، مصر عايزة استقلال كامل. وانجلترا عايزة تحول استقلال مصر إلى استقلال شكلي أو استقلال ناقص. فمصر هنا لما تدخل في مفاوضات عايزين استقلال كامل. تحقيق الاستقلال. أما انجلترا فعايزة تنتقص من استقلال مصر. سواء بقى كان مصر سعد زغلول وهو زعيم الأغلبية. أو سواء كان سعد زغلول وهو رئيس الحكومة المصرية. أو انجلترا سواء كان عن طريق ميلنر أو عن طريق ماكدونالد. كل المفاوضات اللي تمت ما بين مصر وما بين بريطانيا هي مفاوضات فاشلة بالمرة. ليه؟ بسبب اختلاف الهدف. والطرفين صاروا على نقيض.

يقول لي: "أكدت نتائج أول مفاوضات". فبيقول لي أول مفاوضات اللي أنت قصدك مين؟ مفاوضات سعد ملنر. في المرحلة الأولى. المرحلة الأولى اللي هي بدأت سنة كام؟ 1920 لحد 1936. بين مصر وبريطانيا. على حرص بريطانيا على تحقيق مصالحها في مصر. وهي إن بريطانيا مصرة على حماية المصالح الأجنبية. ومصرة على حماية الأقليات. عشان هي شافت مدى الوحدة بين المسلمين وبين المسيحيين. فارادت بريطانيا تفتيت وحدة الصف الوطني. ولكن فشلت هذه المفاوضات.

يقول لي بعد كده: "تعرض قائد الحركة الوطنية المصرية". يقصد بمين قائد الحركة الوطنية المصرية؟ عمنا الحاج سعد الزغلول. ربنا يبارك في عمره. الله يرحمه يعني. في بداية العقد الثالث من القرن العشرين. العقد الثالث يعني كام؟ 1920 لحد 30. هو ده كده العقد الثالث. في بداية العقد الثالث من القرن العشرين للنفي للمرة الثانية. ولكن النفي كان لمسطح مائي آخر. فتم نفيه إلى جزيرة سيشل. عشان يخلصوا منه ويقدروا ينفردوا بالشعب المصري. سيشل المعلومة في المحيط الهندي. وسيشل من ضمن المناطق اللي موجودة على حدود حدود المحيط الهندي على حدود أفريقيا داخل المحيط الهندي.

ارتبط بقاء القوات الإنجليزية في مصر خلال العقد الثالث من القرن العشرين بتطبيق نصوص تصريح 28 فبراير. الآخر تصريح 28 فبراير صدر إمتى؟ في العقد الثالث من القرن العشرين. التصريح صدر من طرف واحد. أي أصدرته انجلترا ودون أخذ موافقة من الشعب المصري ولا من الملك اللي كان موجود. فبيقول لي ارتبط بقاء القوات الإنجليزية في مصر. يعني انجلترا هتفضل موجودة في مصر في العقد الثالث. بتطبيق تصريح 28 فبراير عن طريق ما يسمى بالتحفظات الأربعة. طب بقاء القوات الإنجليزية أنهي بند؟ البند اللي بيقول: "تأمين المواصلات البريطانية في مصر". وده يعني وجود جيش إنجليزي تحت بند التأمين من أجل تأمين مواصلاتها البريطانية في مصر. وده من ضمن اللي انتقص من من استقلال مصر. فحول ول استقلال مصر استقلالاً شكلياً. بسبب التحفظات الأربعة. وده اللي خلى الشعب المصري معترض على تصريح 28 فبراير.

يوجد ارتباط بين تطبيق نصوص تصريح 28 فبراير وتغير وضع مصر السياسي. بمعنى إن تصريح 28 فبراير أول نقطة لإنهاء الحماية البريطانية على مصر وإلغاء الأحكام العرفية. وبالطريقة دي الحماية البريطانية قعدت ثمان سنين. والأحكام العرفية قعدت ثمان سنين. لأن دي تم إصدارها 1914 وتم إلغائها 1920. فارتبط تصريح 28 فبراير. وده اللي إحنا بنسميه المظهر الإيجابي من التصريح. إن تغير وضع مصر السياسي. فدخلت مصر المرحلة الليبرالية. وهيتغير لقب حاكم مصر. في إنهاء الحماية البريطانية على مصر واعتبارها دولة مستقلة. وتغير لقب حاكمها من سلطان إلى ملك. إذا دلوقتي أنا عندي أحمد فؤاد والخديه. وإسماعيل. أحمد فؤاد وإسماعيل. الاثنين جمعوا ما بين ألقاب ما بين لقبين. يعني الخديوي إسماعيل كان الأول كان اسمه الوالي ثم تحول لقبه لخديوي. أحمد فؤاد كان اسمه سلطان ثم تحول لقبه إلى ملك. فالاثنين دول اللي إحنا بنسميهم إيه؟ الاثنين جمعوا ما بين الألقاب ما بين لقبين. وتغير ألقابهم بشكل كبير. فده التشابه الوحيد ما بين أحمد فؤاد وما بين إسماعيل.

توجد علاقة بين نصوص تصريح 28 فبراير ودخول مصر الحقبة الديمقراطية. الحقبة الليبرالية. اللي هو بيقول لي مصر أصبحت دولة. فطالما بقى دولة يبقى ليها حاكم. والحاكم ده هيبقى إيه؟ ملك. وطالما هيبقى الحاكم ملك يبقى لازم يحكم وفقاً لدستور لقوانين. عشان تعدد حكم الدولة. والدستور اللي هيتم إصداره هيفصل ما بين السلطات الثلاثة. وده يعني إن مصر هيصدر فيها لأول مرة دستور. وتدخل الحياة الدستورية. وتتشابه أحوال مصر عند تولي محمد علي الحكم.

توجد علاقة بين موقف السلطة الحاكمة في مصر. اللي هو الملك فؤاد الأول. طبعاً هنا هنسميه ملك. التصريح لما صدر كان سلطان. بعد التصريح بقى ملك. على فكرة الملك أحمد فؤاد وحكومته اللي هي حكومة عبد الخالق ثروت. الاثنين وافقوا على تصريح 28 فبراير. أما الشعب. الشعب المصري فكله رفض تصريح 28 فبراير. لأنه وجد فيه استقلالاً ناقصاً. يبقى الملك أحمد فؤاد. وعدم تحقيق مبدأ فصل الفصل ما بين السلطات. في تدخل الملك في شؤون لجنة إعداد الدستور لينتزع لنفسه صلاحيات دستورية تجاه المجلس النيابي وتجاه الوزارة. لأن هنا من حق إقالة الوزارة مهما حازت على ثقة الأمة.

فقد دستور 23 قيمته الديمقراطية. فقد دستور 23. يبقى إذا الدستور إيه العيوب اللي موجودة فيه اللي خلت الدستور يفقد قيمته الدستورية والديمقراطية؟ نتيجة النصوص المتعارضة اللي إحنا سميناها المادة 23. التي احتوت على إن تجعل الأمة مصدر السلطات. ونصوص أخرى تعطل هذه المادة فتجعل الملك هو مصدر السلطات. والملك هو اللي بيحكم. فالملك مصدر السلطات. والأمة هتكون هي كمان مصدر السلطات.

حفظ دستور 23 على الحريات العامة. لو أنا قلت لك الدستور اتكلم على الحرية والمساواة والحرمة والفصل. ودي الحاجات الكويسة اللي موجودة. فالدستور اتكلم على حرية الرأي، حرية الاعتقاد، حرية الاجتماعات، حرية الصحافة. فقال لك في حرية الاعتقاد: "الدين لله والوطن للجميع". وهنا ظهرت لأول مرة على أرض الواقع الدولة القومية والدولة المدنية في الدستور. لما قالوا حرية الاعتقاد. حرية الصحافة والاجتماعات. زي ما كانوا بيطالبوا زمان عن طريق جمعية مصر الفتاة. المساواة بين المصريين في الحقوق المدنية والحقوق الدينية. والمساواة أمام القانون. الحرمة: لا ينتزع ملكية إلا بقانون مع دفع تعويض. وحتة التعويض دي اللي بنشبهها بس بشروط قناة السويس. الفصل بين السلطات الثلاثة: التنفيذية والتشريعية والقضائية. وده يعني إن مصر هترجع تاني للمجالس النيابية. وتعني إن مصر هترجع تاني تعمل انتخابات. وترجع تاني تنتخب. والفترة دي بنشبهها بفترة 1881 مع قيام الثورة العرابية.

توجد علاقة بين تطور الحياة النيابية. لسه بنقول أهو. تطور الحياة النيابية مرتبط بالانتخابات والمجالس النيابية المنتخبة في مصر خلال العقد الثالث من القرن العشرين. طالما بنتكلم على العقد الثالث 1923. لأن هيتم إجراء أول انتخابات 1924. حيث تم إجراء انتخابات عامة ليختار الشعب ممثليه في البرلمان. وهيتم تشكيل أول وزارة تمثل الشعب. أول وزارة برلمانية. أول وزارة دستورية. أول وزارة منتخبة. أول وزارة. أول وزارة اللي إحنا بنسميها وزارة الشعب. اللي هي وزارة سعد زغلول. حيث فاز حزب الوفد بالأغلبية بنسبة 90%. وده وإن يعني إن فعلاً حزب الوفد هو العمود الفقري للحركة الوطنية.

وتوجد علاقة أيضاً بين وزارة الشعب اللي هي وزارة 24. وتحسين الوضع الاجتماعي لبعض فئات المجتمع. لما يجي يتكلم على تحسين الوضع الاجتماعي أقول له: الاهتمام بالتعليم. فعمل حاجتين مهمين جداً في التعليم: مجانية التعليم. وزود ميزانية وزارة المعارف. يبقى اللي عمله هنا سعد زغلول بيحارب اللي عمله دنلوب. لبعض فئات المجتمع. وذلك لقيامها ببيع أكبر جزء من أراضي الدولة لصغار المزارعين. ده أنا بسميه إصلاح اقتصادي لتحسين الأحوال الاجتماعية ورفع المستوى الاجتماعي. اللي عمله سعد زغلول هنا هيتشابه مع قانون الإصلاح الزراعي. ويختلف مع قانون اللي إحنا سميناه قبل كده بقى اللي هو قانون إيه؟ قال لي يختلف مع قانون الاستثمارات الأجنبية والبيوع الجبرية.

توجد علاقة بين إنجازات وزارة سعد زغلول. توجد علاقة بين إنجازات وزارة سعد زغلول وتحقيق الاستقلال المالي. أول ما يقول الاستقلال المالي أقول له على طول إن سعد زغلول بيصلح اللي عمله البنك الأهلي. لأن البنك الأهلي ربط العملة. وسعد زغلول فصل العملة. وده عكس سياسة اللورد كرومر وعكس سياسة دافرين. اللي ربطوا مصر بالدولة الإنجليزية.

تتناقض يعني بتختلف السياسة الإدارية لأول وزارة دستورية مع سياسة أول معتمد بريطاني لورد كرومر. من حيث إن هو سعد زغلول بدأ يتبع التمصير. واللورد كرومر كان بيتبع النجلزة. فهنا بيقول لك نجلزة يعني إيه؟ يعني صبغ مصر بالصبغة الإنجليزية وتعيين الأجانب في معظم الوظائف. أما بالنسبة للتمصير فسعد زغلول سار على نهج إسماعيل وعلى نهج محمد علي. بحيث إن هو بدأ يمصر الوظائف اللي موجودة.

وبكده الحاج سعد زغلول ينفذ كلام مجلس شورى القوانين في بدايات حكم عباس حلمي. يعني ابتداء من 1892 لحد 1899. في الفترة اللي كان فيها عباس حلمي ميال للحركة الوطنية. طلب مجلس شورى النواب توقف تعيين الأجانب في الوظائف الهامة.

يقول لي: "أكد مقتل السير ستاك". مين السير ستاك؟ سير دار الجيش المصري. على نقص الوعي. وهنا بنطبق مبدأ: "عدو عاقل خير من صديق جاهل". نقص الوعي لبعض المصريين بقضية بلادهم السياسية. حيث أدى ذلك لإسقاط أول حكومة برلمانية. فقدم سعد زغلول استقالته. لأن انجلترا استغلت أزمة السودان. اللي هي أزمة سير دار الجيش المصري. استغلت الأزمة واستغلت الكلام ده كله من حيث التدخل في شؤون مصر. ومن حيث فصل السودان عن مصر. بحيث إن هي تستقل بالسودان عن مصر. وبالطريقة دي عرضوا الكلام ده على سعد زغلول. فرفضوا. لأن سعد زغلول مصر على تمسك وحدة حوض النيل ووحدة مصر. فقدت مصر تحقيق فكرة المجال الحيوي الجنوبي. الذي عمل محمد علي والخديوي إسماعيل على تحقيقهم.

نتيجة سياسات زيور باشا. إحنا قلنا زيور باشا كانت ثاني وزارة بعد الدستور. وأول انتهاك للدستور اللي هو دستور 23. حيث تم تعيين زيور بدون انتخابات. أحمد زيور باشا قبل الإنذار. سحب الجيش المصري من السودان. دفع نصف مليون جنيه غرامة. سمح لهم باحتلال جمارك الإسكندرية. مما أدى إلى تأثر المجال الحيوي المصري جنوباً. مما أدى إلى خروج الجيش المصري للسودان للمرة الثانية. مما أدى إلى تكليف مصر أعباء مالية زيادة. وفقدان مصر سيطرتها على جمارك الإسكندرية. وبالطريقة دي بدل ما إحنا اللي كنا بننظم الجمارك. لا أصبحت انجلترا اللي هتمسك الجمارك. الذي قبل الإنذار بسحب الجيش المصري من السودان.

يقول لي: "تمثلت وزارة محمد محمود". وزاره محمد محمود الأسوأ في التاريخ. من 1927 بعد وفاة سعد زغلول لـ 28 لـ 29. كل الفترة دي كانت وزارة محمد محمود. في نهاية العقد الثالث من القرن العشرين. انقلاباً لصالح الدكتاتورية. حيث قام بتعطيل الحياة النيابية. خد بالك هو عمل إيه؟ عطل الحياة النيابية. ولم يلغِ. عطل الحياة النيابية لاجل غير مسمى. ثلاث سنين قابلة للتجديد. مافيش انتخابات. مافيش دستور. مافيش برلمان. لمدة ثلاث سنوات. لذلك سياسته رحنا مشبهينها بسياسة كيتشنر. فسميناها سياسة القبضة الحديدية.

تأثرت مظاهر الحياة التشريعية والنيابية في مصر بنتائج مقتل السير ستاك. يعني إيه تأثرت؟ مبدأ الحياة التشريعية اللي هو البرلمان. فتم حل البرلمان أكثر من مرة. والحياة النيابية اللي هي الانتخابات. فلم يرضى السلطان أو لم يرضى الملك أحمد فؤاد بالانتخابات. ومارس حقه في الدستور. فقام بإقالة حزب الوفد أكثر من مرة من الانتخابات. وبالطريقة دي نتاج مقتل السير ستاك. حيث تم حل البرلمان وإلغاء دستور 23.

أعطت استقالة وزارة الشعب الضوء للملك فؤاد للعبث بالحياة الدستورية. يعني إيه؟ يعني هيبدأ يمارس حقه في الدستور. اللي هو المادة 23. اللي بتقول له أنت من حقك أو من حق الأمة الحكم. وفي مواد تانية بتعطل الكلام ده. فبتقول له أنت من حقك حل الوزارة مهما حازت على ثقة الأمة. فليك مكانة تجاه السلطة التنفيذية. فقد تمسك بالدكتاتورية. منتهزاً تأييد الإنجليز له. وصدام حزب الوفد مع الإنجليز. فقام بحل مجلس النواب في نفس يوم انعقاده. والكلام ده كان سنة 1925. منتهكاً بذلك الدستور ومستفيداً من نصوصه. والدعوة لانتخابات جديدة. اللي هيفوز فيها برضه سعد زغلول.

ويقول لي بعد كده: "ترتب على سياسة إيطاليا الخارجية". نبدأ بقى نتكلم على دولة جديدة بدأت تظهر خلال العقد الرابع. يعني من 1930 لحد 1940. الفترة دي بنسميها العقد الرابع. إيطاليا من بعد وحدتها سعت لإحياء أمجادها القديمة. واللي هيساعدها أكتر صعود موسوليني الحكم الفاشي. اللي هيبدأ موسوليني يدعو إلى إحياء أمجاد الإمبراطورية القديمة مرة أخرى. فترتب على سياسة إيطاليا الخارجية خلال العقد الرابع وغزو إيطاليا للحبشة. لمنطقة شرق شرق أفريقيا. أو بنسميها لمنطقة المنابع الموسمية للنيل. لتغيير علاقة بريطانيا مع مصر والموافقة على الدخول في مفاوضات. الكلام ده كان في ظل وزارة توفيق نسيم. لما الشعب المصري عمل مظاهرة أو ثورة بنسميها ضد تصريح صامويل هور سنة 1935. وده بنسميه التبعيات. ثورة 19.

يوجد ارتباط بين مظاهرات الـ 35. اللي هي ضد تصريح صامويل هور. وهنا أنا بتكلم على صامويل هور. أنا بشبهه على طول بوينجد. الاثنين ما شاء الله ما يتخلوا عن بعض في الغباء السياسي. وتغيير الحياة النيابية والتشريعية في مصر. فقد أعطت بريطانيا الملك بإعادة دستور 23. هو دستور 23 اتعطل إمتى؟ قال لي ده دستور 23 اتلغى في عهد وزارة إسماعيل صدقي. إسماعيل صدقي لغى الوز الدستور 23 وعمل دستور جديد اسمه دستور 30. اللي عاش فيه الملك بحرية أكبر وزادت فيه صلاحيات الملك. مما أدى إلى غضب الشعب. إسماعيل صدقي حكم بدستور 30. وتوفيق نسيم حكم بدستور 30. وكل اللي حصل ده كان في دستور 30. لحد ما تمت المظاهرات. فالملك قال: "هنرجع دستور 23 مرة أخرى".

يوجد ارتباط بين معاهدة 36. كده لما أقول لك النتائج هتقول لي بقى النتائج الداخلية ولا النتائج الخارجية. يعني هو مصر بعد معاهدة 36 ووضع مصر الدولي. فقد انضمت مصر إلى عصبة الأمم باعتبارها دولة مستقلة ذات سيادة. ودخلت بعد العراق باعتبارها دولة مستقلة ذات سيادة. كده. فدخلت مصر عصبه الأمم وحصلت مصر على اعتراف دولي بالاستقلال. ودي حاجة كويسة. وشكراً يا انجلترا. الحسنة الوحيدة اللي انت عملتيها لنا إن ظهرت مصر على الخريطة الدولية وبقى لها حق إقامة معاهدات سياسية.

يقول لي: "تشابهت النتائج المترتبة على تطبيق تصريح 28 فبراير". تشابهت نتائج المترتبة على تصريح 28 فبراير مع معاهدة الـ 30. وشكل السيادة المصرية في منطقة قناة السويس. لأن في المعاهدتين إن انجلترا تريد السيطرة على منطقة قناة السويس. بمعنى إن معاهدة 36 قالت إن مصر تكون دولة مستقلة. اللي هي بنسميها تقوية الجيش المصري للدرجة اللي تمكنه عن قناة السويس. تفضل القوات البريطانية موجودة في منطقة القناة السويس لحين تقوية الجيش المصري. تصريح 28 فبراير قال برضه تأمين المواصلات البريطانية. هنا موجودة قوات بريطانية. وهنا موجودة كمان قوات بريطانية. يبقى بقاء القوات البريطانية في منطقة قناة السويس. وبذلك تعتبر السيادة المصرية على القناة غير كاملة. يعني مصر مش هي اللي هتأمن القناة.

توجد علاقة بين معاهدة الـ 30. وعودة الاهتمام بالمجال الحيوي لمصر جنوباً. حيث تم إعادة مصر إلى السودان. قلت لك مصر طردت من السودان مرتين. ثورة المهدية 1884. 1924 بعد مقتل السير ستاك. ومصر رجعت السودان مرتين. مرة 1899 وفقاً لاتفاقية الحكم الثنائي 1899 في عهد عباس حلمي. والمرة الثانية وفقاً لمعاهدة 36. حيث كان من نصوصها إرجاع الجيش المصري إلى السودان. والاعتراف بريطانيا بالإدارة المشتركة. حيث اعترفت بريطانيا بمعاهدة 99. وإن في خط فاصل ما بين مصر وما بين السودان. خط 22 شمالاً.

أثبتت نتائج الخلاف بين بريطانيا ووزارة علي ماهر. الخلاف ده إمتى؟ قال لي في بدايات الحرب العالمية. يعني ابتداء من 1939. هي عايزة إيه من علي ماهر؟ قال لي علي ماهر ذو ميول محورية. فعمنا علي ماهر رفض إعلان الحرب على دول المحور. فحصل خلاف ما ما بين انجلترا وما بين وزارة علي ماهر. اللي هي أول وزارة بعد قيام الحرب العالمية. أثناء الحرب العالمية الثانية. عدم احترامها لمعاهدة 36. وده بنسميه انتهاك لمعاهدة 36. وأول مظهر من مظاهر الانتهاك. حيث تدخلت لطرد علي ماهر وإجباره على الاستقالة. بنسميها كده في اللغة بشكل ظريف كده بنسميها إقالة.

ترتب على نتائج القتال المرتبطة بأحداث الحرب العالمية الثانية. لأن مصر أصبحت ميداناً للحرب. وخاصة على الحدود الغربية. فتعرضت مصر للهجمات من قبل النازية والفاشية. على يد رومل. لما سقطت بني غازي في يد القوات الإيطالية بقيادة المحور. الخبر ده كان فرح كبير جداً بالنسبة لحكومة حسين سري. وكانت زعل كبير بالنسبة لانجلترا. فـ تأثرت الأوضاع السياسية في مصر. فقدمت بريطانيا إنذاراً لإسقاط الحكومة. اللي هي حكومة حسين سري. وتعيين حكومة برئاسة النحاس. على أساس تنفيذ معاهدة 36 وإعلان الحرب على دول المحور. فعندما رفض الملك. قامت بريطانيا بالانتهاك الثاني للحقوق المصرية. والتدخل الثاني في الشأن الداخلي المصري. عن طريق تدخلها لعدل الملك شخصياً. إن لم يستجب لمطالبهم. فاستجاب الملك. وده وإن يعني تدخل انجلترا في السياسة. ودي بنسميها الحصار. الأول للقوات البريطانية. عندي حصار تاني للملك فاروق عن طريق القوات المصرية في ثورة 52.

تشابهت سياسة الملك فاروق في نهاية الحرب العالمية الثانية. يعني من سنة 44 لسنة 50. بيقول لي تشابهت سياسة الملك فاروق في نهاية الحرب العالمية الثانية مع سياسة أبيه. اللي هو الملك فؤاد. في الحكم الدكتاتوري وانتهاك أحكام الدستور. حيث قام بإقالة حكومة الوفد في 44 بأمر أمر من انجلترا. حتى لا يطالبها بالاستقلال. وهنا ده بنسميه تخلي من انجلترا عن مصطفى النحاس. وتعيين حكومات الأقلية. اللي هتحكم من 44 لحد 50. وحكومات الأقلية دي هتثبت فشل كبير جداً. سواء كان فشل سياسي. فمش هيعرفوا يعدلوا معاهدة 36. أو عسكري. فشلهم في دخول حرب 48. أو أمني. في زيادة نشاط جماعة الإخوان المسلمين. وكمان أمني في اغتيال اثنين من رؤساء الوزراء. راء على يد جماعة الإخوان المسلمين. اللي هو أحمد ماهر والنقراشي. وفشلوا في عرض قضية الاستقلال كمان على مؤتمر الصلح. أو على عصبة الأمم سنة 1947. كل ده اضطر الملك إنه يعمل انتخابات سنة 50. هيفوز فيها حزب الوفد ويمسك الوزارة سنة 1951.

يدل تخلي بريطانيا عن رئيس حزب الأغلبية النحاس. شبه محمد الخامس بالضبط. في مصر قرب نهاية الحرب العالمية الثانية. على سعي الدول الكبرى لتحقيق مصالحها. فقد فقط لأن بريطانيا خشيت من مطالبته بالاستقلال. تشابه موقف مجلس الأمن في عهد وزارة النقراشي سنة 1947. وهنا أنا قلت مجلس الأمن يتشابه مع عصبة الأمم. مجلس الأمن إحدى منظمات الأمم المتحدة. الذي يدعو للاستقلال وحماية استقلال البلاد والشعوب. وحل المشكلات بالطرق السلمية. بعد انتهاء الحرب العالمية الثانية. مع موقف مؤتمر الصلح من سعد زغلول في القضية المصرية. لأنه تركها معلقة. وإن دل يدل على إيه؟ يدل على الضعف السياسي لحكومات الأقلية.

على الرغم من توقيع مصطفى النحاس معاهدة 36 مع بريطانيا. إلى إنه توجد علاقة بين قرارات حكومة الوفد في أكتوبر 51. وتغيير العلاقة. دي أنا بسميها إيه؟ حكومة الوفد الأخيرة. وآخر انتخابات. آخر انتخابات في مصر. حكومة الوفد الأخيرة. وآخر انتخابات في مصر دي كانت لها تأثير كبير جداً. حيث ترك النحاس حرية النضال المسلح. واتجه الفدائيين لمنطقة القناة. فصارت اشتباكات الإسماعيلية. ونسف العديد من الفنادق. وحريق القاهرة. بعد كده وقتل عدد من ضباط الشرطة. كل ده كان في عهد وزارة النحاس. كل ده نتيجة إن النحاس ألغى المعاهدة. خد بالك هو ألغاها من طرف واحد. نفس تصريح 28 فبراير لما كان من طرف واحد. وبكده الملك عمل العديد من الوزارات اللي إحنا بنسميها وزارات تسيير الأعمال. وأعلن الأحكام العرفية. كل ده كان في ظل وزارة النحاس. وبعد كده تم إقالة وزارة النحاس. وتعيين أربع وزارات من غير المنتمين للأحزاب. كان آخرها وزارة اليوم الواحد. وزارة نجيب الهلالي. بما فيها وزير الداخلية كان اسمه فؤاد سراج الدين. وكان أسف بما فيها وزير الحربية كان اسمه إسماعيل بيك شيرين. طبعاً فؤاد سراج الدين ده كان موجود في وزارة النحاس. اللي أصدر أوامر بالدفاع عن الوطن واجب وطني بالنسبة للجميع.

بِكَذَا نَكُونُ خَلَصْنَا دَرْسَ الْمُفَاوضَاتِ سَرِيعًا. تَعَالَ يَا وَحْشُ ادْخُلْ عَلَى ثَوْرَةِ 52. الدَّرْسُ الْأَخِيرُ. ثَوْرَةُ 52 مِنَ الدُّرُوسِ الْمُهِمَّةِ قَوِيًّا قَوِيًّا قَوِيًّا. الَّتِي يَجِيءُ مِنْهَا أَسْئِلَةٌ كَثِيرَةٌ فِي الِامْتِحَانِ. يَجِيءُ مِنْهَا أَسْئِلَةٌ خَاصَّةٌ فِي الْجُزْءِ الْأَفْرِيقِيِّ. وَيَجِيءُ مِنْهَا أَسْئِلَةٌ فِي إِنْجَازَاتِ الثَّوْرَةِ. وَالْحِتَّةُ بِتَاعَةُ الْجَيْشِ مُهِمَّةٌ قَوِيًّا. وَتَحْدِيدُ مَوْعِدِ مَوْعِدِ الثَّوْرَةِ. الْحَاجَاتُ دِي خُذْ بَالِكَ مِنْهَا. تَعَالَ بَسْ نَقُولُ كِدَهْ مُلَخَّصٌ سَرِيعٌ لِلْدَرْسِ.

يقول: "يوجد ارتباط بين فشل معاهدة الصداقة المصرية البريطانية". يقصد بها يعني معاهدة الصداقة والتحالف. اللي هي معاهدة 36. هي المعاهدة نجحت ولا فشلت؟ لي فشلت في تحقيق الاستقلال الكامل. والدليل على ذلك وجود قوات بريطانية في منطقة القناة. والدليل على ذلك إن تدخلت بريطانيا لعزل الوزارة. اللي هي وزارة علي ماهر سنة 39. والدليل على ذلك حادث 4 فبراير. كل ده بيقول لي إن معاهدة 36 فشلت في تحقيق الطموحات السياسية المصرية. وتغيير الفكر السياسي للضباط.

المعاهدة هنا لما فشلت قال لي أدى إلى تغيير الفكر السياسي للضباط. مين هم الضباط؟ قال لي الضباط الأحرار. والتشكيل ده كان تشكيل سري. لأن لوائح الجيش تحرم وتجرم عمل رجالة الجيش بالسياسة. فالفكر السياسي للضباط هنا عندي الضباط المصريين هيبدأوا يدخلوا معسكر السياسة. فبيقول لي هنا بسبب استمرار الاحتلال البريطاني على مصر. فكان التخلص من الاحتلال هو الهدف الأساسي. وده بنسميه الهدف رقم واحد. التخلص من الاستعمار وأعوانه. يقصد بمين الاستعمار بالاحتلال الإنجليزي. ويقصد بمين مين الأعوان؟ الملك والحاشية. كل دول كانوا معاونين للاحتلال في الداخل. وهم اللي كانوا مثبتين مكان الاحتلال بشكل كبير.

ترتب على نتائج أول حرب شاركت فيها مصر. بنسميها إيه؟ أول حرب شاركت فيها مصر قال لي حرب 1948. بنسميها الحروب المصرية أو الحروب العربية. في النص الأول من القرن العشرين. 1948 48 بدأت تبين الحرب 48. نمو فكر وطني يجمع بين الضباط المصريين. ليه؟ لأن حرب 48 من أكبر العوامل اللي أثرت في تشكيل الضباط الأحرار. لأن تم تشكيل الضباط الأحرار عقب يعني إمتى؟ عقب حرب 48. ونمو فكر وطني يجمع بين الضباط المصريين. فقد أدت هزيمة الجيش في الحرب. وانكشاف فضائح النظام عن طريق طبعاً صفقة الأسلحة الفاسدة. وعدم التخطيط الجيد جيد للدخول للحرب في النظام الملكي. إلى خلق رابطة فكرية مشتركة بين عدد كبير من الضباط. على اختلاف توجهاتهم وعلى اختلاف أفكارهم. ولكن في رابطة واحدة بتجمعهم كلهم. تحرير مصر من الاحتلال. يعني هتلاقي في ضباط مثلاً ليبراليين. ضباط علمانيين. ضباط إخوان. ضباط. كل دول كانوا بيتجمعوا مع بعض من أجل إن هم يتجمعوا ضد الملك وضد السراي. وطبعاً اللي جمعهم زي ما إحنا قلنا كان جمال عبد الناصر.

ارتبط تحديد الموعد الأول للثورة. الموعد الأول اللي هو إيه؟ الموعد الأول للثورة ثورة 52. بوجود تحديات. خد بالك إن الثورة قالوا إحنا هنعملها يوم 55 سنة 55. التشكيل اتأسس سنة 49. يعني مش هنعلن الثورة غير بعد ست سنوات. وده بنسميه تخطيط جيد. بحيث اكتمال الهيكل التنظيمي للضباط الأحرار. فقالوا إحنا هنعلن الميعاد الأول للثورة سنة 55. فحصل تحديات. الأول هيخليهم يعجلوا بالثورة ثلاث سنين ويعملوها في 52. تحديات داخلية جوه مصر. زي أجهزة الأمن المتعددة. أجهزة المخابرات. البوليس السياسي. أجهزة المخابرات التابعة للملك. كل الأجهزة دي. حتى الأجهزة الخارجية تتمثل في أجهزة المخابرات البريطانية والأمريكية والإنجليزيه والفرنسية كمان. كل ده كان بيعرض الضباط الأحرار والتنظيم إن هو يتفضح أمره. فلذلك عجلوا بقيام الثورة ثلاث سنوات. واللي خلاهم يعجلوا أيضاً ميعاد الثورة بشكل كبير إن هم كانوا عايزين يخلصوا بعد ما الملك اتخلص من وزارة النحاس الأخيرة. اللي هي وزارة 1952. وشكل وزارات متتالية. حصل توتر في الموقف الداخلي. وحصل حريق القاهرة. مما أدى إلى إن انتهز الضباط الأحرار فرصة حريق القاهرة وفترة التوتر اللي موجودة عقب إقالة النحاس. وقالوا إحنا لازم نعلن الثورة. ثورة قبل ما يمسك الوزير الجديد أو الرئيس الجديد اللي هيمسك. طيب. يبقى يقول لي: "توجد علاقة بين نتائج التخلص من وزارة النحاس الأخيرة". آخر وزارة اللي هي كانت سنة 52. طبعاً ابتداء من 1951 لـ 52. لخبطتهم الزمنية. في مواجهة النظام الحاكم بسبب حالة الفوضى. بنسميها كده فوضى خلاقة أو فوضى مفتعلة. نفس الفوضى اللي عملتها انجلترا في الإسكندرية. التي عقب حريق القاهرة. وهنا تبدأ تتكلم الجرايد. حريق القاهرة. فندق شبرد. فندق الكونتيننتال. فندق أبات. أو باترفاندي بنزيون. كل المحال التجارية ووسائل النقل والترام والمواصلات. كل ده اتحرق. بسبب نوع من أنواع الضغط. والملك شكل وزارات حوالي أربع وزارات متتالية دون انتخابات. منتهكاً للدستور. آخرها وزارة نجيب الهلالي. اللي أنا بسميها وزارة اليوم الواحد.

ترتب على تغيير القيادة العسكرية للجيش المصري. مين اللي هيمسك رئيس الجيش؟ إسماعيل بيك شيرين. هيبقى وزير الحربية. نفس المنطق بتاع داوود باشا يكن. نفس المنطق بالظبط. هنا الملك الخديوي توفيق كان عايز يسيطر على الجيش. وهنا الملك فاروق عايز يسيطر على الجيش. وداوود فشل. لأن بعده قامت مظاهرة 99 ت. اللي هي مظاهرة سبتمبر. وإسماعيل كمان فشل. لأن بعده قامت ثورة 52. فلم يؤدوا المهمة اللي كانت مطلوبة منهم. وبين تقديم موعد قيام الثورة. لأن تعيينه كان بفرض التنكيل بالضباط والتضييق عليهم ومطاردتهم ومعرفة اجتماعاتهم.

تم تغيير رأس السلطة خلال اجتماع قادة الثورة في 23 يوليو سنة 52. حيث تقرر عزل الملك فاروق. باعتبار أن الملك فاروق من أعوان الإنجليز. وده أول حدث قام بعد الثورة. وده عكس الثورة الفرنسية. لأن الثورة الفرنسية انتهت بإعدام رأس النظام. أما هنا استطاعوا إقالة رأس النظام. وطلبوا منه السفر في ميعاد أقصاه 26 يوليو. وإرسال بعض الوحدات العسكرية لتعزيز الحامية العسكرية في الإسكندرية. لأنه هيركب من ملاحة الإسكندرية استعداداً لعزل الملك. وما زالوا مصرين على فرمان 66. لأن قالوا هنعزل الملك ويمسك الحكم بدلاً منه أحمد فؤاد الثاني. وده آخر ملك من ملوك مصر. وآخر واحد من الأسرة الإسماعيلية.

تم تغيير وضع مصر السياسي. حيث تم إلغاء الملكية وإعلان الجمهورية. ده بسميه تغيير إيه؟ تغيير سياسي. الكلام ده كان سنة كام؟ 53. فيقول لي تولى أول رئيس للجمهورية كان اللواء محمد نجيب. طيب. هنا تتشابه مع مين؟ تتشابه مع الثورة الفرنسية. وتتشابه مع الثورة العراقية.

تم تغيير شكل السيادة المصرية في قناة السويس. حيث تم تأميم شركة قناة السويس. هنا بيقول لي تغيير شكل السيادة. يعني عادت شركة قناة السويس تحت السيادة المصرية. لذلك بنعتبره حدث سياسي وليس حدث اقتصادي. وانتقال جميع أموالها وحقوقها والتزاماتها للدولة. بحيث إن عادت كافة الأموال المنهوبة وسيطرة الدولة على كافة موارد القناة. وأصبح تسيير القناة تحت إدارة مصرية. واللي قال الخبر بشخصياً كان جمال عبد الناصر. في اجتماع المنشية في الإسكندرية.

عملت حكومة الثورة على النهوض بالزراعة. كلمة النهوض بالزراعة يعني الاهتمام بالإنتاج الزراعي. زي محمد علي وزي الاحتلال الإنجليزي وزي أي حد اهتم بالزراعة. واستصلاح الأراضي الصحراوية. خاصة في الصحراء الغربية. وبناء السد العالي. اللي هو يعتبر أضخم مشروع ري في القرن. العقابلة خزان أسوان. وبكده هنقدر نحقق ما يسمى بالأمن المائي. ونحافظ على موارد الدولة. ونستخدمه كمان في توليد الطاقة الكهربائية.

اهتمت حكومة الثورة بالصناعة. مهم قوي اهتمامها بالصناعة. خاصة بقى عشان نريح دماغنا مصانع الأسلحة. عشان نتحل نتعلم من أخطاء الماضي. زي ما حصل قبل كده. فنبدأ نقول لك خلال إنشاء مصانع حربية لتمديد القوات المسلحة المصرية والعربية. خدت بالك بقى من حتة العربية دي؟ قومية عربية. فعبد الناصر عايز يحقق الاكتفاء الذاتي. ويطبق مبدأ الحشد. بحيث إن الدولة القوية هي التي تمتلك سلاحها. بالأسلحة. وبذلك تشابهت ثورة 52 مع أفكار محمد علي في تحقيق مبدأ القوة الذاتية. من خلال إن إحنا نمتلك قوتنا ونمتلك سلاحنا دون اللجوء للدول الأوروبية.

وجت وجهت ثورة 52. معلش يا جماعة إحنا كاتبينها 53 بس هي 52. تجارة مصر الخارجية إلى كافة بلاد العالم. وعملت على فتح أسواق خارجية لمصر. خاصة في دول آسيا. وخاصة في دول أفريقيا. اللي إحنا بنسميها الدول محبة للسلام. على عكس اللي كانت عاملاها طبعاً انجلترا وفرنسا. عملت علينا إغلاق الأسواق الأوروبية. فإحنا فتحنا أسواق جديدة لمصر في الخارج. وتم تمصير البنوك والشركات. فتحول البنك الأهلي إلى بنك مصري إيجابي لتمويل كافة المشروعات المصرية.

يوجد ارتباط بين ثورة يوليو وأحوال المصريين الاجتماعية. كلمة الأحوال الاجتماعية. فقد قد قامت الثورة بتحقيق العدالة الاجتماعية للمصريين. وده البند الرابع. من خلال القضاء على الإقطاع. ده البند الثالث. كلمة القضاء على الإقطاع يعني إيه؟ يعني إحنا هنقضي على الإقطاع. بحيث هنحول الملكية إلى ملكية الفلاح. ورجوع ارتباط الفلاح مرة أخرى بالأرض الزراعية. فبدأوا يلغوا نظام الإقطاع. أول ما أقول لك إلغاء نظام الإقطاع تقول لي ده شبه الثورة الفرنسية في تحقيق العدالة. على فكرة القضاء على الإقطاع تم في العهد الملكي. أيوه تم في العهد الملكي. زي ما بقول لك كده في شهر 9 في عهد الملك أحمد فؤاد الثاني. وده اللي يدل على أول حاجة اهتمت بيها ثورة 52 هي تحقيق فكرة العدالة الاجتماعية. ورفع طبقات كانت منسية.

كانت موجودة من أيام الاحتلال، زي ما إحنا قلنا من أسباب قيام الثورة. إحنا عايزين القضاء على الإقطاع وإقامة عدالة اجتماعية. الاهتمام بالمرأة. وهنا لما نيجي نتكلم على المرأة، نبدأ نكمل دور المرأة من أيام مين؟ قال لي من أيام إسماعيل ومن أيام ثورة 19. هنا المرأة بقى ليها حق الترشح والانتخاب، فظهور الدور الاجتماعي للمرأة باشتراكها في الحياة السياسية.

لما نيجي نتكلم يقول لي قامت ثورة 52 بتحقيق العدالة الاجتماعية، لسه في بند العدالة من خلال تعميم التعليم ومجانية التعليم في جميع مراحله. عد بقى محمد علي كان عامل التعليم مجاني، إسماعيل عن طريق الجمعية الخيرية، سعد زغلول طلب أو عمل مدارس مجانية. بعد كده لما نيجي نكمل يقول لي كمان محمد فريد طلب بإنشاء مدارس ليلية. وقد تشابهت في ذلك مع إنجازات ثورة وزارة الشعب، زي ما أنا لسه قايل لك دلوقتي.

يوجد ارتباط مباشر بين تحقيق المبدا الخامس. وأنت بتذاكر بالله عليك عد: واحد، اتنين، تلاتة، أربعة، خمسة، ستة، سبعة. ستة، هم ستة بس يا مستر، ما فيش سبعة. هم ستة. يبقى نقول: واحد، القضاء على الاستعمار، القضاء على الاحتكار، القضاء على الإقطاع، إقامة عدالة اجتماعية، إقامة جيش قوي، إقامة حياة ديمقراطية. لازم بالترتيب. استعمار وأعوانه واحد، فتم القضاء عليه بنقل الملك فاروق إلى الخارج. القضاء على الاحتكار وسيطرة رأس المال عن طريق تمصير الشركات والبنوك. القضاء على الإقطاع عن طريق قانون الإصلاح الزراعي. إقامة عدالة اجتماعية عن طريق مجانية التعليم وتحديد ساعات العمل وإشراك العمال وإشراك المرأة. إقامة جيش وطني قومي عن طريق الاهتمام بمصانع الأسلحة. وإقامة حياة ديمقراطية سليمة عن طريق إلغاء دستور 23 وحل الأحزاب السياسية وإصدار دستور ما بعد 52 بنسميه دستور 1956. وإقامة جيش وطني قوي خدمة القوة العسكرية العربية وتوحيد الصف العربي.

توجد علاقة بين سياسة ثورة 52 عربياً. عربياً يبقى قومية عربية. وأنت بتذاكر تقول إيه؟ دور مصر. أقول لك قبل الثورة تقول لي مصر الملكية. بعد الثورة تقول لي مصر الجمهورية. مصر الملكية تقول لي سوريا ولبنان، ليبيا، فلسطين. سوريا ولبنان، ليبيا، فلسطين. يعني إيه؟ يعني مصر شجعت استقلال سوريا ولبنان سنة 46. وقفت مع ليبيا سنة 51. دخلنا حرب 48. إنما بعد ثورة 52 تقول لي كل الحركات اللي وقفت مع مصر سواء كانت في بلاد المغرب العربي أو في بلاد المشرق العربي أو في دول الخليج. كل ده كان مصر ليها دور كبير جداً في استقلال العديد من البلاد العربية، وخاصة تخيل يا أخي دولة السودان. إحنا ادينا السودان استقلالها عن طريق حق تقرير المصير سنة 53.

تشابه دور مصر في تحقيق الأمن الاجتماعي في أفريقيا خلال النصف الثاني من القرن الـ 19 عهد إسماعيل، خلال مع الدور الذي قامت به ثورة 52 في النصف الثاني من القرن العشرين من خلال التنديد بسياسة التفرقة العنصرية. يبقى إحنا هنا عندنا أربع قادة: محمد علي وإسماعيل، جمال عبد الناصر والسيسي. أربعة دول شبه بعض ودول شبه بعض.

لما نيجي بقى نجيب جمال عبد الناصر والخديوي إسماعيل، الاثنين حاولوا التنديد بسياسة التفرقة العنصرية. إسماعيل عاملهم كويس واعتبرهم جزء من المجتمع المصري. وبرضه جمال عبد الناصر قاوم سياسة التفرقة العنصرية التي تمارسها أقلية أوروبية. سعى للتنمية الاقتصادية في أفريقيا خلال إنشاء تجمع أفريقي اقتصادي اللي أنت بتاخده في الجغرافيا اللي هو التكتلات الاقتصادية زي تكتل الكوميسا بالضبط. وإنشاء العديد من الصناديق لمواجهة الفقر وإنشاء صندوق الصندوق الفني في أفريقيا من أجل تدعيم المياه اللي موجودة ومن أجل الاهتمام ببناء السدود في أفريقيا. وبالطريقة دي هم رفعوا شعار "أفريقيا للأفريقيين".

سخرت مصر تكنولوجيا الاتصالات لدعم القضايا. تكنولوجيا الاتصالات عن طريق إن إحنا ادينا لهم حق البث الإذاعي وادينا لهم حق عرض القضايا بتاعتهم للحفاظ على هويتهم وعلى لغتهم الثقافية عشان خاطر طبعاً ضد المد الأجنبي ومحاولة لطمس الهوية الأفريقية اللي هي موجودة في أفريقيا.

أدخلت مصر نفسها في تكتل سياسي عالمي بعيداً عن سياسة بعيداً عن سياسة الصراعات الدولية. فتبنت سياسة الحياد الإيجابي وهو عدم الانحياز للكتلة الشرقية أو الكتلة الغربية. لا انحاز لروسيا اللي هي الكتلة الشيوعية ولا للولايات المتحدة الأمريكية اللي هي الكتلة الرأسمالية. وبالطريقة دي مصر تبنت حركة الحياد الإيجابي وظهر ذلك في مؤتمر باندونج باندونيسيا. طبعاً إندونيسيا موجودة في جنوب شرق آسيا. مما أدى إلى إن آمنت بأفكار مصر حوالي 29 دولة بيمثلوا تقريباً عدد كبير جداً أو أكتر من نص سكان العالم. كفاية انضمت لمصر الهند ويوغوسلافيا وباكستان وانضمت كمان ليها بعض الدول الأخرى.

وتوجد علاقة بين إنجازات مصر في المجال الدولي وتبني سياسة الحياد الإيجابي وتعرضها للعديد من المؤامرات الدولية. سواء كانت مؤامرة 56 نتيجة مساعدتنا للثورة الجزائرية أو 57 نتيجة إن الولايات المتحدة عايزة تحارب فكرة الشيوعية في المنطقة. وبالطريقة دي نتيجة إن مصر رفضت إن هي تدور في فلك الدول الأوروبية وفلك الأحلاف العسكرية بدأت تتعرض للعديد من العدوانات الخارجية.

حرب ثورة 52 الاستعمار بكل أشكاله وبكل ألوانه وعملت على مساعدة الشعوب العربية والأفريقية في جميع بلدان العالم. ووقفنا طبعاً مع العديد من دول أفريقيا حتى تنال استقلالها. كده يا وحش لمينا لك الرابع. يلا شايك وقهوتك وورقتك وقلمك واستعد للخامس. الفصل الخامس بقى أنت بتضمن ست درجات في الامتحان بتحطهم في جيبك الصغير. لازم وأنت بتذاكر الفصل الخامس تاخد بالك من شوية معلومات صغنطوطة خالص يعني لازم تركز على اتفاقية إيفيان، منظمة الجيش السري، شارل ديجول، عبد القادر وخديعة الجزائر أو خديعة فرنسا للجزائر على يد عبد القادر. وتقدر تقارن ما بين دور المغرب وما بين دور مصر بالنسبة للجزائر. آه ونسيت أقول لك ده أنت عندك الدرس الأول احتلال إنجلترا لجزيرة بريم إن هي في مدخل البحر الأحمر. أكد على المعلومات دي يا وحشي وأنت بتذاكر.

بعد كده لازم في تونس تعرف سان ستيفانو كويس قوي، سياسة الأمر الواقع ومؤتمر برلين والسياسة الدولية وعلاقة السياسة الدولية باحتلال فرنسا لتونس. وتأكد لي أكتر على أطماع فرنسا في مراكش وحادثة أغادير والمشروعات بتاعة ألمانيا مهمة جداً ودور إنجلترا في فشل هذه المشروعات. ما تنساش دور الجلاوي. الجلاوي مهم. لازم تعمل ربط بين اللي عمله الجلاوي وهو مين الجلاوي ده؟ هسمعه كده معايا في الفيديوهات.

نبدأ بقى الخامس في ست درجات كده في الامتحان ما نضيعهمش. أول درس في الخامس حاجة صغنطوطة خالص بس فيها شوية معلومات ربط باللي قبله سواء كان بالحملة الفرنسية أو بمحمد علي. الفكرة كلها بتتكلم على إن إنجلترا هتبدأ تحتل منطقة الخليج العربي ومنطقة الجزيرة العربية. فبيقول لي شهدت إنجلترا أو تنبهت إنجلترا إلى أهمية موقع مصر وبلاد المشرق بعد مجيء الحملة الفرنسية سنة 1798 يعني أواخر القرن الـ 18. تنبهت إنجلترا إلى أهمية موقع مصر وموقع بلاد المشرق العربي عشان خاطر تأمن طرق مواصلاتها إلى الهند. فتعددت أشكال التواجد البريطاني في جنوب الجزيرة العربية منذ أواخر القرن الـ 18 وبداية القرن الـ 19 يعني ابتداء من سنة 1800، 97، لـ 1899، لـ 1700، لـ 1801. فبيقول لي ده شكل وجود إنجلترا في المنطقة. فانجلترا بدأت تحط رجليها في المنطقة. راحت على طول لسلطان عمان وبعد كده احتلت جزيرة بريم الواقعة في مدخل البحر الأحمر. وبعد كده لما رحلت من جزيرة بريم عقدت اتفاقية مع سلطان عدن ولحج. فبنقول: فمنها السياسي والدبلوماسي كالمعاهدات. يبقى سياسي دبلوماسي زي المعاهدات اللي عقدتها بريطانيا مع أمراء الخليج لحماية المصالح وأهمها زي ما إحنا قلنا اتفاقيات الحماية اللي كانت موجودة في الفترة دي. منها العسكري كالحاميات كالحاميات العسكرية والاحتلال. حيث عقدت إنجلترا معاهدة مع سلطان عمان سنة 1798 تسمح بوجود حامية عسكرية بريطانية. والفكره هنا هم عايزين يكون في حامية عسكرية بريطانية موجودة في المنطقة بحيث إن هي تأمن طرق مواصلات إنجلترا إلى الهند. وقد أثرت هذه المعاهدة على مصالح فرنسا الاقتصادية بالإضافة إلى مصالح هولندا كمان الاقتصادية. ففي شبه الجزيرة العربية حيث نصت على عدم إنشاء وكالات فرنسية ولا هولندية. وبعد كده نصت على طرد جميع الرعايا الفرنسيين. وبعدها احتلت إنجلترا جزيرة بريم الواقعة في المدخل الجنوبي للبحر الأحمر. وبالطريقة دي تقدر إنجلترا تسيطر على البحر الأحمر وتسيطر على المدخل الجنوبي لمنع فرنسا إذا ما فكرت الوصول إلى الهند.

خشيت بريطانيا على مواصلاتها إلى الهند بظهور محمد علي. عند وصول محمد علي للمنطقة، إنجلترا خافت على مصالحها في الهند عند رأس الخليج. فمحمد علي وصل لرأس الخليج العربي بإذن من السلطان العثماني لما كان بيحارب الحروب الوهابية. فمنذ وجود محمد علي، إنجلترا اقتحمت. تحججت بالعوامل الاجتماعية اللي هي أرادت تحريم تجارة الرقيق وتحريم القرصنة كوسيلة للسيطرة على منطقة الخليج العربي. وبعد كده عملت اتفاقية اسمها اتفاقية الصلح العامة سنة 1820 اللي اتجددت على مدار سنوات اللي أدى لإنجلترا الحق في إقامة علاقات موجودة في المنطقة وإن هي اللي تحمي المشايخ وتفصل في المنازعات اللي موجودة وكمان تحرم تجارة الرقيق وتجارة القرصنة. عملت على تدعيم نفوذها في منطقة الخليج العربي وشبه الجزيرة العربية. ففرضت معاهدة الصلح العامة وقامت باحتلال عدن سنة 39 بمجرد وصول محمد علي لليمن. وعدن دي في اليمن. ثم عقدت اتفاقية مع سلطان لحج. ثم احتلت بعد ذلك الكويت. قلنا كل ده بسبب وجود محمد علي في المنطقة سواء كان على رأس الخليج أو في منطقة اليمن وبسبب وجود فرنسا في المنطقة دي. المعلومات المهمة اللي موجودة عندي في الدرس الأول.

الدرس الثاني بيتكلم على احتلال فرنسا للجزائر. وهنا هنقول الملخصات اللي موجودة عندي في احتلال فرنسا للجزائر. فبيقول لي أول معلومة: يوجد ارتباط بين تغيير النظام السياسي. يوجد ارتباط بين تغيير النظام السياسي الفرنسي أواخر القرن الـ 18، اللي هي قيام الثورة الفرنسية بتغيير الأنظمة السياسية في فرنسا بتحويل النظام من ملكي إلى جمهوري. وبالطريقة دي بدأت ملوك أوروبا يخافوا على أماكنهم ويخافوا على عروشهم. فبدأوا يعملوا تكتل اقتصادي ضد فرنسا. وبالطريقة دي لجات فرنسا إلى الدول الجنوبية اللي هي لجات للجزائر لجلب القمح لأنه عملوا عليها حصار اقتصادي. هيبقى طريق التواصل عن طريق البحر المتوسط. وطبيعة العلاقات الفرنسية الجزائرية التي اتسمت بالود في الأول. لأن كانت الجزائر بالنسبة لفرنسا كانت مورد من موارد الغذاء وكانت فرنسا في الشكل فرنسا بتعتمد على الجزائر في القمح اللي هي المحاصيل الغذائية بحيث إن هي تسد الفجوة الغذائية وتحمي نفسها من التكتل الأوروبي للظهر. لأن فرنسا كانت تستورد القمح من الجزائر على سبيل الاقتراض يعني بالسلف بالديون. وهنا أول مرة تتقلب الآية إن دولة أوروبية تستلف من دولة عربية. هنا تجربة الجزائر في البداية عكس تجربة مصر في البداية بسبب الحصار الاقتصادي واللي إحنا فاهمينه. لما فرنسا تلجأ للجزائر وتقول لها اديني قمح يدل على عجز إنجلترا على تحقيق الحصار الكامل على البحر المتوسط. لأن هي راحة جاية محملة بضايع وراحة جاية بالقمح من غير ما إنجلترا تعرف. تخيل لو إنجلترا مسيطرة على البحر المتوسط كله.

لما لجات فرنسا إلى الجزائر الذي فرضته عليه إنجلترا، فكانت الجزائر بمثابة سلة الغذاء لفرنسا. حلو قوي المصطلح ده. كانت فرنسا سلة الغذاء بالنسبة لفرنسا خلال مرحلة الصراع العسكري للثورة الفرنسية مع دول أوروبا. يعني خلال أواخر أو بنسميه العشر الأخير من القرن الـ 18 وبدايات القرن الـ 19. يوجد ارتباط بين الوضع الاقتصادي لفرنسا أوائل القرن الـ 19. يوجد ارتباط بين الوضع الاقتصادي لفرنسا في أوائل القرن الـ 19 يعني ابتداء من سنة 1820 و1830. بدأت الأوضاع تتحسن بالنسبة لفرنسا وبدأت تنهي المشاكل بتاعتها وبدأت تتراكم عليها الديون لدى الجزائريين. فالجزائريين هنا هيقولوا بكل بساطة: إحنا عايزين فلوسنا. وتوترت علاقتها بالجزائر. حيث أصبحت فرنسا مدينة للجزائر بمبالغ طائلة حوالي 24 مليون فرنك فرنسي. في الجزائر فبدأ حكام الجزائر يطالبون فرنسا بالسداد. فمطلت فرنسا في السداد.

نظم الأمير عبد القادر الجزائري. نظم الأمير عبد القادر الجزائري المقاومة وشكل إدارة في عاصمتها بسكرة. يبقى الأمير عبد القادر الجزائري شكل عاصمة إدارة عاصمتها بسكرة. فاضطر الفرنسيين إلى عقد اتفاقية دي ميشيل. كلمة اضطر يدل على إن فرنسا عجزت عن. فرنسا مالها؟ قال لي عجزت عن إخضاع عبد القادر بالقوة العسكرية. فلجأت إلى الخداع وأسلوب اللي إحنا بنسميه المكر والدهاء السياسي. فلجأت لعقد اتفاقية دي ميشيل. وهنا بنعتب على عبد القادر في وثوقه في وعود فرنسا. فاعترفوا به حاكم على وسط الجزائر. وهنا عبد القادر قال: إحنا ممكن اللي ناخده بالدبلوماسية ما ناخدوش بالحرب. وبعد كده اعترفوا به حاكم على وسط الجزائر. وبعد كده نقضوا اتفاقهم. فكانت اتفاقيات بنسميها اتفاقيات استراحة. بعدها نقضتها وعملت اتفاقية جديدة اسمها التفنة ونقضتها باحتلالها قسنطينة اللي كانت تبع عبد القادر.

توجد علاقة بين قصف طنجة. طنجة ده بنسميه المفتاح الجنوبي والمفتاح الغربي. الجنوبي بالنسبة للبحر الأحمر، البحر المتوسط بالنسبة لمضيق جبل طارق، والغربي بالنسبة للبحر المتوسط. فقامت بقصف طنجة ودي بنسميها قصف المواقع الاستراتيجية على وسط وغرب الجزائر قبل منتصف القرن الـ 19. حيث ضعفت المقاومة الجزائرية لأن عبد القادر كان بيجيب قوته ويستمد قوته من المغرب. حيث سمحت المغرب للأمير عبد القادر قادر باجتياز الأراضي المغربية واستخدامها في التدريب. فتوقف الدعم المغربي وتراجعت المغرب عن دعمها للقضية الجزائرية. مما اضطر الأمير عبد القادر إلى الاستسلام وتم نفيه إلى الشام سنة 97.

ارتبط انتعاش اقتصاد فرنسا بسياستها تجاه موارد الجزائر. فيقول لي إزاي كانت الجزائر مورد من موارد الخزينة؟ فهقول له بكل بساطة: خدوا فلوس الجزائر وخدوا الأراضي الزراعية بتاعة الجزائر. فزرعوها عنب وخدوا كل الموارد بتاعة الجزائر وخدوا المحاجر وخدوا المناجم. كل ده وراحوا مديينه لمين؟ مديينه لفرنسا بأبخس الأثمان ببلاش يعني. فسيطرت عليه فرنسا وقامت في فرنسا بمنح الضياع اللي هي الأراضي الزراعية واستولت على شركاتهم الاستثمارية وعلى مساحات واسعة. والهدف الأساسي خدمة الصناعات الفرنسية. يزرعوا عنب عشان ينتجوا خمور واستغلال مناجمها زي ما أنا قلت لك المناجم الحديد زي برج إيفل. البرج كله مبني بحديد الجزائر والفوسفات لإنعاش الزراعة الفرنسية والنحاس والزنك. وإنشاء العديد من المصانع وخطوط السكك الحديدية اللي هي وسائل النقل والمواصلات. طبعاً ده كله برؤوس أموال فرنسية.

مارست فرنسا السياسة الاستيطانية. كلمة الاستيطانية يعني قامت بتشجيع هجرة الفرنسيين وهجرة اليهود وهجرة الأوروبيين وحولت الجزائر كوطن آخر للفرنسيين. ودي إحنا بنسميها فرنصة الجزائر. واتبعت سياسة استيطانية لمحاولة محو الهوية العربية الجزائرية بعد احتلالها. فشجعت هجرة اليهود الفرنسيين وغيرهم من اليهود إلى الجزائر. وبالطريقة دي بدأ يبقى عندي جزء جديد من مجتمع جديد داخل الجزائر. وبالطريقة دي يخرج لي جيل جديد يميل لفرنسا ويبقى متشابه أكتر مع فرنسا.

بيتشابه الدور الوطني الذي قام به الأمير خالد بن عبد القادر. سواء كان ابن عبد القادر أو حفيده. بس اختلف معاه في الطريقة. فده استخدم الطريقة الدبلوماسية ولجأ إلى المنتديات الدولية. فعرض نفس القضية على مؤتمر الصلح وقابل هناك الحاج سعد زغلول. ولكن الظروف الدولية تآمرت ضد القضية المصرية والقضية الجزائرية وفشلوا الاثنين في مؤتمر الصلح وعادوا بخفي حنين.

فشلت سياسة فرنسا في تغيير هوية الشخصية الجزائرية. بس مش فشل كامل ده فشل بسيط بسبب التحديات من داخل الجزائر بسبب جماعة علماء الجزائر اللي كانت بتطالب بحاجتين: إسلام، الحفاظ على الدين. وعروبة، الحفاظ على اللغة والهوية. ودي اللي أسسها عبد الحميد بن باديس وبشير الإبراهيمي متأثرين بأفكار الإمام محمد عبده. وبالطريقة دي فكان لها الفضل في ذلك زي جماعة علماء الجزائر. وظهرت عام 26 كحركة وطنية مضادة ضد سياسة الاستعمار وضد سياسة الاستيطان.

بيقول لي بعد كده حاولت بعض الرموز الوطنية داخل الجزائر اتباع سياسة المسالمة زي عباس فرحات. سياسة المسالمة زي عباس فرحات اللي بدأ يبقى بشكل كبير يميل إلى الاحتلال الفرنسي وكان بيطالب بمحو الهوية وكان بيطالب بأن هو يكون جزءاً من فرنسا. الأمر الذي رفضته فرنسا وبدأت تتعامل مع الجزائريين بعنصرية وقالت له كده يا عباس فرحات: أنتم مواطنون من الدرجة الثانية تجاه الوجود الاستعماري. بعد الحرب العالمية الأولى ونشأت جماعة اسمها جماعة الاندماج. وفي جماعة تانية اسمها جماعة مصالي الحاج نجمة شمال أفريقيا. قال لي لا ده إحنا مش هنريح إلا بحمل السلاح.

ترتب على تغيير وضع مصر السياسي. يعني إيه تغيير وضع مصر السياسي؟ يعني قيام ثورة 52. يعني تغير مصر في العهد الجمهوري في أوائل النصف الثاني من القرن العشرين 1952. بقيام مصر بالدفاع عن حقوق الجزائريين. وده بنسميه الحقوق العربية. لأن مصر رفعت شعار القومية ورفعت شعار التحرر من الاستعمار. وطالبت بالاستقلال في المؤتمرات الدولية زي الأمم المتحدة. ونتيجة قوة مصر في الأمم المتحدة حصلت على اعتراف رسمي من الأمم المتحدة باستقلال الجزائر. وهنا مصر تحقق انتصارات دبلوماسية يزعل منها جي موليه، الجمهورية الرابعة في فرنسا.

ترتب على دور مصر القومي تجاه الجزائر وإعلان ثوار الجزائر من القاهرة الثورة. استمرت ثمان سنوات خرجت سنة 54 فضلت مستمرة لحد سنة 62. من القاهرة إلى تعرض مصر لمؤامرات دولية اللي هي حرب 66 والعدوان الثلاثي. وده فكر جي موليه، جي موليه اللي هو الجمهورية الرابعة اللي قال إن لازم ننهي على قوة مصر وعلى التغيرات السياسية اللي حصلت عندنا هنا في مصر. ولكن أفكار جي موليه اللي كانت متلاقة بشكل كبير مع أفكار عباس فرحات لم تؤت ثمارها.

فهنا يقول: أدت الإجراءات الإيجابية للحكومة المصرية أو للحكومة الفرنسية بعد سقوط الجمهورية الرابعة وقيام الجمهورية الخامسة على يد شارل ديجول اللي هو كان الراجل مثال للمصابرة اللي هو كان حكومة فرنسا الحرة في الحرب العالمية. إلى حكم فرنسا الذي وضع أمر الجزائريين على وجوه ثلاثة. وده بنسميه تحقيق مبدأ الاختيار وليس الإجبار. وده استخدم الوسيلة الديمقراطية. مما أدى إلى عقد اتفاقيات إيفيان. واللي رفض اتفاقيات إيفيان بشكل كبير كانت منظمة اسمها منظمة الجيش السري اللي اتكونت من المستوطنين الفرنسيين واتكونت من اليهود وبعض أعضاء الجيش الفرنسي اللي رافض لحكم ديجول. وعملوا عدة غارات وهجوم على العرب وعلى الفرنسيين لتراجع ديجول. ولكن ديجول لم يتراجع. فحصلت الجزائر على استقلالها وفقاً لاتفاقيات إيفيان 1962.

تعالوا نخش على تونس. لما تيجي بقى تتكلم على احتلال فرنسا لتونس، تبدأ تعرف إن كانت الدولة العثمانية واقفة موقف سلبي من احتلال فرنسا للجزائر نتيجة حروبها الداخلية مع محمد علي. فانتهزت الدولة العثمانية الفرصة وقالت: يلا بالمرة حافظ على تونس وحافظ على ليبيا عشان فرنسا ما تفكرش إن هي تقرب من تونس أو من ليبيا. وده نوع من أنواع إن فرنسا بتحمي مستعمراتها. فعلى طول ترتب على خوف الدولة العثمانية ترتب على خوف الدولة العثمانية من المد الفرنسي في شمال أفريقيا إلى تغيراتها للوضع السياسي في طرابلس اللي هي طرد الأسرة القرمانلية. لأن الأطماع الفرنسية تعدي أكتر من كده. وكمان في تونس ضد الأطماع الفرنسية في حالة طرد الباي. ولكنها لم تستطع بسبب ادعاء استقلال تونس. لأن الأطماع الفرنسية كانت تتطلع لأكثر من احتلال الجزائر. فعملت الدولة العثمانية على استعادة الحكم المباشر على طرابلس سنة 35 وحاولت تطرد الأسرة. طبعاً طردت الأسرة القرمانلية وعملت تغيرات سياسية ولكن لم تستطع في 36 طرد الباي من تونس بسبب ادعاء استقلال تونس.

بيقول لي توجد علاقة بين سياسة رجال السلطة المركزية. بنسميهم مين؟ رجال السلطة المركزية العليا بنسميهم الأعوان. لأن الأعوان دول سعت كلا من فرنسا وإنجلترا وإيطاليا لكسب الأعوان داخل الإدارة التونسية بحيث إن هم يتدخلوا ويتوغلوا في الاستقلال التونسي في الاقتصاد التونسي فيوقعوا تونس في شركة ديون زي ما وقعوا مصر كمان في زيادة الديون. فهنا بنقول خلال النصف الثاني من القرن الـ 19 وجذب التنافس الأوروبي إلى تونس. فعقدت تسابقات ما بين الإدارة التونسية أو داخل الإدارة التونسية ما بين دول ثلاثة لكسب الاستثمار. فرنسا عايزة تكون مستعمرات في شمال أفريقيا. إنجلترا عايزة كمان تكون ليها مستعمرات. إيطاليا بدأ يظهر عندها الفكر الاستعماري بعد ما اتحدت. وقامت الإمبراطورية. حولت تونس تحقيق بعض مبادئ الليبرالية. كلمة المبادئ الليبرالية يعني تحقيق مبدأ الديمقراطية. لما الباي محمد أصدر عهد الأمان. عهد الأمان أصبح المواطنون تساووا أمام القانون. وهنا يتشابه الباي محمد مع سعيد. حيث أصدر الباي محمد عهد الأمان سنة 1859 و55 بمقتضاه سوى المواطنون أولاً أمام القانون. وده كان أول إصلاح دستوري داخل ليبيا. داخل تونس. أسف معلش يا جماعة أنا معاكم من زمان يعني أنا واقف على رجليا حرفياً من زمان قوي عشان نخلص إن شاء الله منك.

بيقول لي أكدت أكدت نتائج الأحداث السياسية في تونس خلال العقدين السادس والسابع. العقدين السادس يعني من خمسة لستة والسابع يعني من ستة لسبعة من القرن الـ 19. على دور الحكام اللي هم البياض في جذب الأطماع الأوروبية. وخاصة الباي محمد الصادق. فالباي محمد الصادق عايز يجذب الأطماع الأوروبية. الراجل عايز يبقى يعمل تطوير بشكل كبير. فاراد التعاون مع الدول الكبرى في تحديث البلاد. وتشابه ذلك مع سياسات إسماعيل. لأن عمل مشروعات مش من جيبه. وتشابه مع سعيد في مد خطوط السكك الحديدية. فالاثنين اللي هو الباي محمد وإسماعيل وسعيد شبه بعض في سياسة الاستدانة وإقامة مشروعات ليس برؤوس وطنية. وهنا نوجه لهم اللوم نقول لهم: لما تحب تطور، تطور بأموال وطنية. يمكن الاستفادة من نتائج الأحداث السياسية في تونس ومصر خلال النصف الثاني من القرن الـ 19. لسه بنقول لك أهو ده بنسميها الدروس المستفادة من كلا من إسماعيل ومن كلا من الباي محمد الصادق. الاثنين ما تعلموش لأن الاثنين أفلسوا البلاد ودخلوا بلادهم في أزمة الديون.

توجد علاقة بين تغيير ملامح حدود بعض دول شرق أوروبا خلال النصف الثاني من القرن الـ 19. اقف بس كده شوية وفهمني الحتة ديت. أنا بتكلم على إيه؟ قال لي أنا بتكلم على معاهدة سان ستيفانو. لأن معاهدة سان ستيفانو معاهدة فرضتها روسيا على الدولة العثمانية. وطالما قال لي فرضتها يبقى المعاهدة بالإجبار ودي بنسميها سياسة أمر واقع. هترضى الدولة العثمانية غصب عنها. لأن قالت كده إن هندي لبلغاريا استقلالها. فدولة بلغاريا دولة ضمن دول شرق أوروبا خدت استقلالها على حساب الدولة العثمانية بتوجيه من روسيا عشان تبقى بلغاريا تحت التوجه الروسي. في اقتناص أراضي الدولة العثمانية وإعطائها لروسيا. وتحديد مستقبل تونس السياسي. فدعى بسمارك المستشار الألماني لتجنب الصدام الأوروبي إلى عقد مؤتمر برلين. وهنا في برلين نقول له: تأتي الرياح بما لا تشتهي السفن. فهنا كان نفسه ياخد أراضي هو كمان بس ما حصلش. مؤتمر برلين كان على حساب الدولة العثمانية لتسوية مشاكلها على حساب الدولة العثمانية. في مؤتمر برلين وكان طبعاً هنا المؤتمر كله لاقتسام أراضي الدولة العثمانية بين نفوذ الدول المشتركة. والذي كان من نتائجه إن إنجلترا خدت قبرص وزادت مواردها المائية. وفرنسا خدت تونس وزودت مستعمراتها في شمال أفريقيا. وإيطاليا خدت الصابونة فما أخدتش أي حاجة. مما أدى إلى غضب إيطاليا من سياسة المساومات هي وألمانيا وعملوا أحلاف منذرة.

يوجد ارتباط بين سياسة القيادة السياسية لألمانيا اللي هو مين؟ بسمارك في الربع الأخير من القرن الـ 19 أثناء مؤتمر برلين وتعرض تونس لمؤامرة دولية في مؤتمر برلين الذي انتهى باحتلال تونس اللي كانت طمعانة في إيطاليا.

توجد علاقة بين اتساع الوجود البريطاني في حوض البحر المتوسط في منطقة قبرص. لا حصولها على إحدى الجزر باستيلاء على قبرص من الدولة العثمانية ووقوع تونس في قبضة الاستعمار الفرنسي. حيث وعدت إنجلترا الدولة العثمانية بالدفاع عنها مقابل ضم جزيرة قبرص. مما أدى إلى غضب فرنسا. فوافقت إنجلترا لفرنسا على الانفراد بتونس التي تم احتلالها سنة 1881. بعد الاحتلال.

بيقول لي حافظ التونسيون على هويتهم سواء كانت الهوية الدينية والهوية الثقافية اللي هي اللغة. للتمسك بفكرة الجامعة الإسلامية. فقاموا بتشكيل أحزاب وطنية قاوموها سياسياً لنظل المطالبة بالاستقلال. وقد تشابهوا في ذلك مع أفكار الحركة الوطنية المصرية قبل الحرب العالمية الأولى. فكر مصطفى كامل في تكوين الحزب الوطني سنة 1907 للمطالبة بالجلاء وبالدستور. وتمسكهم بفكرة الجامعة الإسلامية بشكل كبير.

بيقول لي بعد كده توجد علاقة بين الأفكار السياسية للدولة العثمانية. الأفكار السياسية للدولة العثمانية وفشل سياسة فرنسا الاستيطانية. إحنا لسه قايلينها عن طريق إن متمسكين بفكرة الجامعة الإسلامية وتعلق الشعوب التونسية بفكرة الجامعة الإسلامية اللي هي أفكار جمال الدين الأفغاني وأفكار السلطان عبد الحميد الثاني. لأن هو اللي تبنى الفكرة.

تميزت سياسة كفاح الحبيب بورقيبة. مهم قوي الحبيب بورقيبة ده. الحبيب بورقيبة جمع ما بين الثقافتين: الثقافة العربية والثقافة التونسية الفرنسية. واستخدمها في تحريك الجماهير. حبيب بورقيبة اعتمد على فرنسا زي مصطفى كامل بالضبط وزي الجمع ما بين الثقافتين. وعكس عباس فرحات. لأن هو هنا الحبيب بورقيبة خدم قضية بلاده. وهنا ما خدموش أو طبعاً عباس فرحات بدأ يخدم قضيته الشخصية.

هو تشابه موقف المجتمع الدولي تجاه قضية استقلال تونس وقضيتي استقلال مصر والجزائر. نفس اللي حصل في مؤتمر الصلح. فعرض تم عرض القضية على مؤتمر الصلح ولكنه فشل. فتقوم فرنسا بعد كده تستخدم إجراءات مقيدة للحريات.

توجد علاقة بين نتائج الحرب العالمية الثانية بالنسبة لفرنسا وضعف موقفها. لأن في بداية الحرب العالمية الثانية فرنسا هزمت على يد ألمانيا وهتلر خد صورة مع برج إيفل عشان يقول لهم يا جماعة أنا حطيت عليكم وبتصور جوه بلادكم هنا. فهنا بيقول لي هو ضعف موقفها في تونس. فقد أدت هزيمة فرنسا في بداية الحرب العالمية الثانية إلى ضعف موقف فرنسا تجاه الحركة الوطنية. فبدأت تنشط الحركة الوطنية في تونس وبدأوا يعملوا اجتماعات للحصول على الاستقلال. وهنا فرنسا تتعامل معاهم بغباء. فتقوم بإلقاء القبض على أعضاء المؤتمر الوطني اللي كانوا متجمعين. وبعد كده تبدأ يحصل ضجة عالمية وضجة كبيرة جداً فتحصل تونس على استقلالها في العقد السادس سنة 56. نتيجة استمرار طبعاً هنا حصلت تونس على استقلال كامل إلا وجود عسكري في بعض القواعد زي قاعدة بنزرت التي حصلت على استقلالها نهائياً سنة 56. وبالطريقة دي نكون خلصنا تونس. يلا يا وحش على اللي بعده. فاضل لك كده المغرب وليبيا ونخلص الفصل.

فرنسا حطت المغرب في الألبوم اللي هو ألبوم الاحتلالات اللي كونتها فرنسا في منطقة شمال أفريقيا بالإضافة للجزائر وتونس. عايزة تاخد كمان المغرب أو مراكش أرض غروب الشمس. بيقول لي توجد علاقة بين موقع مراكش الجغرافي بالنسبة لموقع مراكش الجغرافي. تقع مراكش زي ما إحنا اتفقنا في أقصى غرب الوطن العربي، أقصى شمال غرب الوطن العربي. فهي تشرف على مضيق جبل طارق وكمان تعتبر المدخل الغربي للبحر المتوسط. غير إن هي بتربط ما بين البحر المتوسط بالبحر بالمحيط الأطلسي. وكمان بيقول لي إن المغرب تعتبر أقرب حاجة لليابس الأوروبي. حيث يعتبر شبه اتصال ما بين اليابس الأوروبي وما بين اليابس العربي عن طريق مضيق جبل طارق. فيقول لي إن مراكش نتيجة الموقع الجغرافي كان نقمه بالنسبة لها زي مصر كده بالظبط على الأهمية الاستراتيجية وتطلعات الاستعمار الأوروبي. خاصة من شبه جزيرة أيبيريا. إيه شبه جزيرة أيبيريا؟ اللي هي إسبانيا والبرتغال في العصر الحديث. حيث كانت مراكش بحكم موقعها في مواجهة مباشرة مع كلا من البرتغال وإسبانيا. لأن البرتغال وإسبانيا في الفترة دي كانوا أسياد العالم في البحار. فكانوا عايزين يسيطروا على مضيق جبل طارق. نتيجة إن هم كانوا مسيطرين على طرق التجارة العالمية. وقد خاضت معركة مصرية ضدها في وادي المخازن واللي قضى طبعاً المنصور السعدي في القرن الـ 16 في العقد الثامن من القرن الـ 16. يظهر المنصور السعدي ويحمي منطقة شمال أفريقيا من الاحتلال الإسباني والبرتغالي. وبالطريقة دي تأخر الاحتلال الأوروبي لمنطقة شمال أفريقيا. فيقول لي أول منطقة تعرضت للاحتلال نقول له المغرب قبل مصر كمان بكتير. وعايزك تعرف معلومة إن المغرب لم تكن من ضمن ممتلكات الدولة العثمانية. دي معلومة كده مادية. المغرب كانت دولة مستقلة في الوقت ده.

بيقول لي توجد علاقة بين موقع مراكش الجغرافي والأمال الاستراتيجية. إحنا لسه شارحين دي. توجد علاقة بين المؤامرات الاستعمارية حول مراكش وتغيير وضع ليبيا. يعني إيه؟ يعني فرنسا كانت عايزة مراكش تقوم على طول تروح تاخد إذن من إنجلترا وتاخد إذن من إيطاليا وتاخد إذن من إسبانيا عشان تضمن عدم المعارضة اللي موجودة فيها. فتروح على طول تاخد إذن من إنجلترا. لأن إنجلترا كانت طبعاً في الفترة دي هي وفرنسا أعداء. فإنجلترا تاخد مصر وفرنسا تاخد المغرب في الوفاق الودي 1904. تروح مراكش فرنسا تستأذن زل من إيطاليا وتقول لها يا إيطاليا ما تزعليش مني في اللي أنا عملته فيكي في مؤتمر برلين. فلو سمحت يا إيطاليا اسمحي لي إن أنا أحتل المغرب. فإيطاليا قالت لها وماله. أنا كمان هاخد ليبيا أو طرابلس. إسبانيا عشان دولة من ضمن دول الجوار. فاسبانيا هتاخد منطقة الريف المغربي. وبالطريقة دي هتبقى المغرب مختلفة عن أي دولة وقعت تحت الاحتلال. لأن هيتقسم ما بين استعمار فرنسي واستعمار إسباني ووضع وضع طنجة تحت إدارة دولية. هي كمان. بيقول لي ارتبط فشل مشروعات خطوط المواصلات الألمانية وممتلكات الدولة العثمانية في نهاية القرن الـ 19. إيه قصة ألمانيا؟ ألمانيا تم استبعادها من سياسة المساومات. ما أخدتش حاجة. ألمانيا كانت حزينة جداً من ضربها اقتصادياً خاصة على يد دول الوفاق. وخاصة مين؟ قال لي خاصة إنجلترا. لما إنجلترا عرضت مشروعين مهمين جداً جداً لألمانيا: مشروع خط سكة حديد برلين بغداد كازما لوقوع إنجلترا في الكويت. خط سكة حديد اللي هو الحجاج للدولة العثمانية. الطابة لوجود إنجلترا في مصر. وهنا رفضت المشروع ده عشان تحافظ على قناة السويس. ورفضت برضه المشروع ده عشان منع توغل ألمانيا في المنطقة بالتواجد البريطاني في الكويت. حيث قامت بريطانيا بعقد عقد اتفاقية مع آل صباح في الكويت اللي هي وفقاً لاتفاقيات الصلح العامة 1820 لمنع مد خط سكة حديد برلين بغداد كازما للكويت. وبالطريقة دي فشلت ألمانيا في تحقيق هدفها. مما أدى إلى إن لجات ألمانيا إلى الدعوة إلى مؤتمر الجزيرة.

بيقول لي بعد كده ارتبط عقد مؤتمر الجزيرة. ارتبط عقد مؤتمر الجزيرة في أوائل القرن الـ 1907 بمعارضة ألمانيا للصفقات الاستعمارية واستبعادها. فقالت بالبلدي يا فيها يخفيها ياخد يا أما مش يا أما مش هخلي فرنسا تحتل المغرب أصلاً. وبدأت تدعو إلى مؤتمر الجزيرة بدعوة من السلطان مولاي عبد العزيز اللي هو سلطان المغرب. عشان هو وجد في إن ألمانيا سبب في إن هي هتدي له الاستقلال. والمانيا في الآخر ضحكت عليه.

بيقول لي ترتب على نتائج مؤتمر الجزيرة أوائل القرن الـ 19 تغيير القيادة السياسية. فحيث تم عزل السلطان عبد العزيز اللي إحنا سميناه مولاي عبد العزيز. وتعيين مولاي عبد الحفيظ اللي هو يعتبر في وجهة نظرهم أمير المؤمنين. ونفس اللي عملته فرنسا في المغرب عملته إنجلترا في مصر بس مع بدايات الحرب العالمية في عزل القيادة السياسية عباس حلمي وجابت عمه حسين كامل.

أكدت نتائج مؤتمر الجزيرة على اعتماد الأوروبيين في حل مشاكلهم طبقا لسياسة المصالح المشتركة. يعني في مؤتمر الجزيرة وقفت إنجلترا بجوار فرنسا. كما وقفت ألمانيا بجوار أو النمسا بجوار ألمانيا. ولكن موقف النمسا كان أضعف من موقف إنجلترا. لأن فرنسا كانت ضمنة موافقة إنجلترا عن طريق سياسة الصفقات. وبالطريقة دي لما فشلت ألمانيا في مؤتمر الجزيرة ونجحت فرنسا في مؤتمر الجزيرة قامت فرنسا باجتياح مراكش. ووجدت نفسها طبعاً ألمانيا وحيدة ومعزولة. فضربت المان فرنسا ضربت المغرب واحتلت المغرب 1907 معتمدة على موقف إنجلترا وتقييم موقف إنجلترا.

توجد علاقة بين نتائج حادثة أغادير. حادثة أغادير بنسميه حادث المحيط الأطلنطي. لأن أغادير موجودة على المحيط الأطلنطي. وتعدد أشكال الوجود الدولي في المغرب. لأن نتيجة حادثة أغادير فرنسا خدت كل المغرب ما عدا الريف. والمانيا خدت منطقة الكونغو الفرنسية. وفرنسا أعلنت الحماية على مراكش وإسبانيا أعلنت الحماية على منطقة الريف والصحراء المغربية. وكمان اتفقت الدول الكبرى خد بالك بس من حتة الصحراء المغربية. لأن إسبانيا هتوجد في منطقتين في الشمال الغربي وكمان في الجنوب الغربي في منطقة الصحراء المغربية. واتفقت الدول الكبرى على إن توضع طنجة تحت إدارة دولية. حتى تضمن إنجلترا عدم الهيمنة والسيطرة بالنسبة لأي دولة على الممرات البحرية وتضمن إنجلترا مرور بضايعها بكل سهولة وعدم سيطرة أي دولة على المدخل الغربي للبحر المتوسط. وإن الدول الكبرى بتحل مشاكلها على حساب الشعوب ولا تنظر إلى الشعوب. وبالطريقة دي لما إحنا نقول لك إن فرنسا وإنجلترا دوروا على مصالحهم بشكل كبير.

أكدت نتائج حادثة أغادير 1911 على تناقض الموقف الألماني. لأن ألمانيا في مؤتمر الجزيرة كانت بتدور على الحريات. لما خدت الكونغو ما دورتش غير على مصلحتها. ودخلت آخر دولة دخلت السباق الاستعماري. فبعد أن كانت معارضة وافقت مقابل قطعة أرض صغيرة في الكونغو. دي بنسميها صفقة ضئيلة جداً مناحتها فرنسا يعني بالبلدي كده لقمه رميتها لأي حاجة وخلاص على أساس إن هي تحتل مراكش دون معارضة. وضمنت بالطريقة دي فرنسا عدم معارضة دولية.

بيقول لي ارتبط استسلام المقاومة الوطنية في منطقة الريف. مين اللي قاد المقاومة في الريف؟ محمد عبد الكريم الخطابي. مهم قوي محمد عبد الكريم الخطابي. لالتقاء المصالح الاستعمارية الإسبانية الفرنسية. فرنسا راحت وقفت مع إسبانيا عشان تحافظ على باقي مستعمراتها ضد محمد عبد الكريم الخطابي سياسياً. وتم هزيمته وإلقاء القبض عليه ونفيه خارج البلاد.

نستدل من نستدل من نتائج سياسة سلطان مراكش اللي هو مين؟ محمد الخامس خلال الحرب العالمية الثانية على ضعف الرؤية. وإن هو ما عندوش رؤية سياسية وما عندوش بعد سياسي. ووثق بشكل كبير في فرنسا زي مصطفى النحاس بالضبط. لأنه وثق بمسانده دول الحلفاء في الحرب العالمية ولكنهم هم تخلوا عنه بعد ذلك. وتهور الفرنسيين بعد ذلك وقاموا بعزله. وبعد ما عزلوه اتخلوا عنه وضحكوا عليه. وبالطريقة دي حاولوا إن هم يتخلصوا من محمد الخامس عشان يخلصوا من خدماته أو يخلصوا من مطالبتهم بالاستقلال. نفس اللي عملته إنجلترا مع مصطفى النحاس في مصر عقب الحرب العالمية.

بيقول لي أكد موقف كبار زعماء البربر في المغرب. لأن فرنسا هنا حاولت تلعب على العنصرية. حاولت تضرب عناصر المجتمع المغربي اللي هو مكون من البربر ودول السكان الأصليين ومن العرب ودول الوافدون مع دخول الإسلام. فقالوا إن البربر ليسوا عرب وإنما البربر من قبائل الوندال الأوروبيين اللي مهاجرين من أوروبا. وبالطريقة دي حاولوا الإيقاع ما بين العرب والبربر. بعد الحرب العالمية الأولى ما نفعوش. حاولوا بعد الحرب العالمية الثانية ولكن الجلاوي الزعيم المغربي يضرب أروع الأمثلة في الوحدة الوطنية ويبدأ يقول يا جماعة إحنا إيد واحدة. ففشلت فرنسا. مما أدى إلى عودة محمد الخامس. يبقى أنت متخيل لو الجلاوي فضل على موقفه أو رفض أو استجاب لموقف فرنسا كان إيه اللي حصل؟ كان ظل محمد الخامس خارج الحدود المغربية. وبالطريقة دي فشلت في الإيقاع ما بين العرب والبربر. ولدرجة إن انتقل زعيم الحركة الوطنية المغربي علال الفاسي إلى لجنة تحرير المغرب. وبعدها حصل حصلت ضجة كبيرة جداً وللمطالبة بعودة محمد الخامس. فاضطرت فرنسا غصباً عنها لإلغاء الحماية على المغرب. واضطرت إسبانيا لإلغاء الحماية على منطقة الريف. وتم إلغاء النظام الدولي اللي كان مفروض على طنجة. وبالطريقة دي حصلت المغرب على استقلالها. وتعال يا وحش نتكلم على ليبيا. بس مش عايزك تنسى إن آخر دولتين عربيتين تحت الاحتلال الفرنسي كانت موريتانيا اللي حصلت على استقلالها ثم جيبوتي آخر دولة عربية حصلت على استقلالها من الاحتلال الفرنسي.

فاضل ليبيا. ما تستعجلش. بيقول لي لجات إيطاليا بعد انفراض فرنسا بتونس. خلاص بعد انفراض فرنسا بتونس بعد مؤتمر برلين على طول إلى عقد تحالفات دولية. فلجأت للتحالف مع ألمانيا والتحالف مع النمسا ضد تحالف فرنسا وإنجلترا لحماية ليبيا من أي أطماع أجنبية. حيث انضمت إيطاليا للحلف الألماني النمساوي المعادي سنة كام؟ سنة 1882. في نفس الوقت اللي إنجلترا جاية تضرب في مصر. عقدت معاهدة ضمت إيطاليا وألمانيا والنمسا وبريطانيا وإسبانيا عام 87 ضد أي توسع فرنسي جديد سواء كان في ليبيا أو في مراكش. الكلام ده كان سنة كام؟ كان سنة 1887. بعدها تبدأ العلاقات تتغير ما بين ليبيا وما بين ما بين إيطاليا وما بين فرنسا.

بيقول لي ارتبط حصول روسيا على مزايا. طبعاً روسيا هتحصل على مزايا. إيه اللي دخل روسيا في التسابق؟ عايزة مضيق البوسفور وعايزة تتحكم في المضايق التركية وعايزة يبقى ليها نصيب كبير في المضايق التركية. فبيقول لي ارتبط حصول روسيا على مزايا في طرق مواصلاتها البحرية المضايق التركية بتحقيق إيطاليا لطموحاتها في طرابلس. لأن إيطاليا عقدت تحالفات. راحت راحت على طول لإنجلترا ولاسبانيا وراحت على طول لروسيا وراحت لفرنسا. فطبعاً

فرنسا خدت مراكش، وكمان روسيا خدت مضيق البسفور والدردنيل، اللي هتخدم بعد كده المصالح الإيطالية. نتيجة إن الدولة العثمانية، أما تحب تطلع أسطول من السواحل بتاعتها، تلاقي على طول روسيا تسمح لإيطاليا إنها تضغط على الجزر الإيطالية. الجزر العثمانية زي جزر الديدو كانيز، اللي كان بيضغط عليها بشدة الأسطول الإيطالي. بيقول لي خططت إيطاليا لأن تكون مصالح تكون صاحبة مصالح في ليبيا عن طريق، وده اللي إحنا بنسميه التوغل الاقتصادي. أولاً فاول حاجة بدأت تتدخل اقتصادياً في إنشاء بنكو دي روما، اللي شبه البنك الأهلي اللي تم إنشاؤه في مصر من حيث مجرد بس السيطرة على المشروعات الاقتصادية والتمويل.

زيادة البعثات، يبقى ده اسمه تدخل اقتصادي، وده اسمه تدخل ثقافي. البعثات التبشيرية لمحاولة طمس الهوية، بقى لا طمس الديانة الإسلامية اللي موجودة في ليبيا عن طريق زيادة بعثتها التبشيرية والكاثوليكية، وإقامة المدارس الإيطالية، زي نوع من أنواع ازدواجية الفكر والثقافة اللي كان موجود عندنا في مصر في عهد عباس وعاد سعيد.

توجد علاقة بين رغبة تركيا في الحفاظ على سيادتها جنوب غرب شبه الجزيرة العربية، يقصد بها إيه؟ يقصد بها اليمن. لأن تركيا حاولت الدفاع عن ليبيا ولكنها فشلت بسبب وجود سحبت جزء من قواتها راحت موديها لليمن عشان تواجه التوتر اللي موجود، فعايزة تحافظ على شبه الجزيرة العربية وغرب شبه الجزيرة العربية ووجودها في ليبيا قبل طبعاً ما تعرف إن إيطاليا تحتل ليبيا. فقد كانت مقاومة العثمانيين ضعيفة أمام الإيطاليين في ليبيا، خاصة حيث سحبت الدولة العثمانية جزء من قواتها لإرسالها إلى اليمن. وده بنسميه تعدد جبهات القتال للدولة العثمانية. وكده لما إحنا نقول إن تفتتت قوة الدولة العثمانية في مواجهة التوترات الداخلية بعد قيام ثورة الإمام في اليمن في جنوب غرب الجزيرة العربية.

يوجد ارتباط بين فشل تركيا في الدفاع البري، لما حاولت تبعت بعثات أو تبعت جيش من بلاد الشام عن طريق ليبيا، ولكنها فشلت نتيجة موقف إنجلترا. وطبعاً هنا نتيجة نجاح سياسة المساومات، وبكده إنجلترا خلفت قانون دافرين 1911. وبالطريقة ديت بدأوا يرفضوا عبور القوات العثمانية عبر مصر، وكده منعت الدولة العثمانية المرور في أراضيها. ونتيجة الموقف الإيطالي الإنجليزي المتضامن، وكده لو إنجلترا تعلم الغيب لما سمحت لإيطاليا باحتلال ليبيا، لأن بعد كده بدأت تمثل خطر على تواجدها داخل مصر.

بيقول لي بعد كده يوجد وجه الإيطاليون عدة تحديات منعتهم من إحكام السيطرة على المناطق الداخلية، لأن هي سيطرت بشكل كبير على المناطق الساحلية فقط وفشلت في السيطرة على المناطق الداخلية بعد وصول الأسرة الثونثية للحكم واختيار محمد ابن إدريس الثلوثي حاكم على ليبيا. وبالطريقة ديت في إقليم طبعاً برقة وبني غازي والمناطق ديت ما قدرتش غير إنها تسيطر على المنطقة الساحلية. برز الدور الوطني لمنطقتي برقة وطرابلس بعد مبايعة إدريس السنوسي أميراً عليهم طبعاً. وبالطريقة ديت بدأ إدريس السنوسي يقود المقاومة بشكل كبير ضد القوات الإيطالية.

توجد علاقة بين تغيير الفكر السياسي تجاه ليبيا في ما بين الحربين العالميتين ومستقبل المقاومة الوطنية. تغيير الفكر السياسي يعني صعود موسوليني الحكم وأعلن بأن ليبيا جزء لا يتجزأ من إيطاليا، وأنه يحيا لإحياء أمجاد الإمبراطورية القديمة، وأنه بشكل كبير سيحاول تحويل البحر المتوسط إلى بحيرة إيطالية. فعَمّنا موسوليني راح معين جرزياني، اللي قضى على مقاومة عمر المختار، والذي يتشابه مع لورد كرومر في مصر في استخدام سياسة الباتش واستخدام سياسة العنف الجماعي.

ترتب على نتائج الحرب العالمية الثانية تغيير أوضاع ليبيا السياسية، فقد تسببت هزيمتي دولتي المحور ألمانيا وإيطاليا في الحرب العالمية إلى تحرير ليبيا من إيطاليا. وبالطريقة ديت بدأوا يخافوا من وجود ليبيا اللي موجودة هتبدأ تاخد إيطاليا ليبيا قاعدة لغزو مصر. أثناء حكومة حسين سري، فانجلترا قلقت، فبعد الحرب عملت إنجلترا على تخليص ليبيا من الاحتلال الإيطالي لتحصل ليبيا على استقلالها. استفادت ليبيا من موقف مصر القومي في إن هي في بداية النص الثاني من القرن الـ 1951 إنها وقفت للحيلولة ضد تفكيك ليبيا وطلبت استقلال ليبيا وابعاد إنجلترا وفرنسا عن ليبيا. وبعد كده حصلت ليبيا على استقلالها سنة 51.

ودي كده مراجعة سريعة للفصل الخامس. شيك قلمك ورقتك، ما تستعجلش معانا. الخامس، السادس، والسابع، والثامن سريعا. فاضل على الحلو تكه وتلم التاريخ كله في معاك. وبالطريقة ديت تلاقي الدنيا بالنسبة لك سهلة إن شاء الله. الفصل السادس بقى يا وحش، برضه بتتكلم على ست سبع درجات في الامتحان. أسئلة الفصل السادس معظمها مباشر، حاجات كده في اللزازه. هتبدأ تكلمني على الدولة العثمانية ليه دخلت الحرب مع ألمانيا، وليه ألمانيا أدت للدولة العثمانية سلاح عشان تضرب روسيا، وليه الدولة العثمانية ركزت على مبدأ الدين، وإيه أثر الدين اللي قال إنجلترا في الفترة ديت. وبعد كده تقول لي مين هو الشريف حسين والثورة العربية بتاعة الشريف حسين، واتفاقية سايكس بيكو مهمة. اتفاقية سايكس بيكو والله العظيم مهمة، والتصحيح بتاعها في مؤتمر سان ريمو. الكلام ده مهم قوي، مهم جداً، ولازم تفتكر لي عبد العزيز آل سعود وإزاي أقام الدولة السعودية. وأنا بذكر سوريا لازم أعرف سياسة الاحتلال الفرنسي في سوريا، زي ما عملوا مع سياسة البنك الأهلي كده في مصر. وأنا بذاكر برضه في سوريا لازم دور القطرش، وأقدر أعرف إن سوريا أول دولة أقاموا فيها جمهورية. لازم تركز على النقط ديت، والحته بالله عليك بتاعة حكومة فيشي وحكومة بيتان، أثر الحرب العالمية وأثر هزيمة ألمانيا لفرنسا على الانقسام اللي دار ما بينهم. وترجح لي كده ليه سكان سوريا ولبنان أو الفرنسيين اللي موجودين في سوريا ولبنان كانوا بيميلوا أكتر لحكومة فيشي. ما تنساش موقف إنجلترا اللي كانت بتأيد الأول فرنسا وبعد كده بدأت تبقى متناقضة ضدها. تدخل على العراق، تقدر تعرف إن العراق ده ماشية وعلى مصر سطر سطر. عملنا ثورة 19 ورانا، بعد كده عملنا ثورة 52 شجعناها بس مختلفة معانا في الحتة بتاعة حلف بغداد. ركز قوي على حلف بغداد ومعاهدة بورت سموس، اللي سطر اللي شبه معاهدة 1930 في وجود الاحتلال. لازم حضرتك تأكد على المعلومات الصغيرة ديت. يلا بقى ندخل على الفصل السادس ونعرف إيه التفاصيل اللي موجودة عندي في الفصل السادس. الفصل السادس ثلاث دروس بس. بيتكلم في الفصل السادس على الثلاث دروس على دخول الدولة العثمانية الحرب. بيتكلم على الفصل السادس في الثلاث دروس على الثورة العربية، وبيتكلم على الشريف حسين وعبد العزيز آل سعود. ده الدرس الأول. الدرس الثاني بيبدأ يكلمني على سوريا ولبنان. والدرس الثالث بيكلمني على العراق. يلا استعد، يلا يا وحش. فاضل لك على الحلو تكه، والفصل السابع هنقوله كده برضه إن شاء الله، بس هناكد شوية على الفصل السابع. تعالى بقى نقول أول جملة موجودة عندي في الفصل السادس.

توجد علاقة بين نتائج المؤامرات الاستعمارية التي قامت بها إنجلترا وفرنسا وموقف تركيا في الحرب العالمية. فسألنا إيه العلاقة؟ قال لي العلاقة إن تركيا، اللي هي الدولة العثمانية أو مصطلح الرجل المريض، بدأت تركيا أو الرجل المريض تحاول بقدر الإمكان إنها تدخل الحرب العالمية الأولى بهدف، هدف إيه؟ قال لي استرداد ما سلبته منها دول الوفاق. يعني هي عايزة تعمل إيه؟ تسترد ما سلبته منها دول الوفاق، سواء كانت دول الوفاق كانت إنجلترا أو دول الوفاق كانت فرنسا، الاثنين سرقوا منها حاجات كتير، أو بالإضافة إلى روسيا. فواحد يقول لي إنجلترا خدت منها إيه؟ قال لي خدت منها مصر، ومصر كانت تبعها السودان. وإنجلترا خدت منها منطقة الجزيرة العربية اللي هي على الأطراف. أما بالنسبة لفرنسا، فخدت منها ليبيا، وخدت منها تونس، وخدت منها الجزائر. أما روسيا، فاخدت منها المضايق التركية، مضيقي البسفور والدردنيل، وسمحت لبلغاريا التوسع على حساب الدولة العثمانية. فدخلت الدولة العثمانية الحرب على أمل استرداد ما سلبته منها دول الوفاق، يعني عايزة ترجع الأراضي اللي اتسحبت منها، وكمان تحافظ على ما تبقى تحت إيديها من مستعمرات اللي موجودة تحت إيدين الدولة العثمانية. إيه؟ ما فيش عندي غير العراق وسوريا وقلب الجزيرة العربية. فبيقول لي فقد هدفت الدولة العثمانية من دخولها الحرب إنقاذ نفسها وما تبقى تحت إيديها من ولايات عربية من مخططات دول الوفاق. فدخلت الدولة العثمانية الحرب بنسميها كده بتعليمات من ألمانيا. فالمانيا دعمتها بقطعتين حربيتين، فقامت الدولة العثمانية بضرب مينائين روسيين هما أوديسا وسيبستابول. وبعدها على طول حولت تركيا استغلال، حول تركيا استغلال الفكر الديني، فكرة الجامعة الإسلامية وفكرة الشعور الديني لتوحيد كل الشعوب خد بالك الإسلامية تحت مظلة الدولة العثمانية في العقد الثاني من القرن الع. إيه العقد الثاني من القرن الع؟ نقول له 1914 لحد 1918 أثناء الحرب العالمية. فقد أعلنت فكرة الجهاد المقدس، وهنا بتستخدم الدعاية الدينية وبتستخدم الدعاية السياسية ضد دول الوفاق بقصف منيرينهم أوديسا وسيبستابول في نوفمبر عام 1914. وبكده الدولة العثمانية هي اللي بدأت الحرب على الجيران بتوعها وعلى الدولة المجاورة ليها اللي هي روسيا.

يوجد ارتباط بين نتائج المفاوضات العربية التركية في باريس. إيه المفاوضات العربية التركية؟ قلنا العرب كانوا بيطالبوا بالاستقلال والاعتراف بحقوقهم كعرب. فكان العرب بيطالبوا بحاجة اسمها القومية العربية ضد الممارسات التركية. فسعت الدولة العثمانية لسياسة التتريك، يعني ساعدت بشكل كبير إنها تلعب على فكرة التتريك للدولة للدول العربية. فقبل الحرب العالمية الأولى وموقف زعماء العرب من هذه الفكرة. فلما قعدوا مع الدولة العثمانية وقالوا لها يا دولة يا عثمانية إنتِ ليه بتتبعي سياسة التتريك؟ ردت عليهم الدولة العثمانية قالت لهم أنا بتجاهل المطالب العربية، أنا مش شايفاكوا، أنا مش شايفاكم بالمرة. فبالطريقة ديت قال لي يوجد ارتباط بين نتائج المفاوضات التركية في باريس قبل الحرب العالمية الأولى وموقف زعماء العرب من فكرة الجهاد المقدس. فقد تسبب فشل المؤتمر العربي الأول في باريس، يبقى إنت متخيل قاعدين في باريس عشان يجدوا حل للأزمة العربية التركية والتسوية العربية التركية التي عقبته في عدم التوصل إلى نتائج مرضية مع بعض زعماء العرب أمثال الشريف حسين، أمثال عبد العزيز آل سعود. وبالطريقة ديت فقدت الدولة العثمانية التأييد العربي لها في الحرب.

رجعت إنجلترا كافه حاكم الشريف حسين. طبعاً إنجلترا لما سمعت فكرة الجهاد المقدس قلقت، لأنها خايفة على مستعمراتها اللي موجودة في الهند وموجودة في جنوب شرق آسيا اللي هي بتحكم في المنطقة ديت ما يقرب من 50 مليون مسلم. فهي خايفة من الفكرة، فقالت إيه رأيك لو إحنا نرجع كافه الشريف حسين بن علي لحسبه ونسبه وموقعه في مكة، لأن لما ناخد الشريف حسين الذي ينتهي نسبه إلى النبي صلى الله عليه وسلم ونقول خدوا بالكم الشريف حسين أهو رافض فكرة إنه يكون مرتبط بالدولة العثمانية. فبالطريقة ديت نرجح فكرة أو نقضي على فكرة الوحدة الإسلامية ونقضي على فكرة الجهاد المقدس عن غيره من زعماء العرب في إفشال فكرة دولة دولة الخلافة. وفضلت حكومة لندن التفاهم مع الشريف حسين لأنها وجدت المؤهل للإعلان بالثورة ضد الحكم العثماني. أما بالنسبة لحكومة الهند الشرقية البريطانية فقالت يعني إيه لو نتعاون مع عبد العزيز آل سعود عشان نستفيد. وده لو إحنا قلنا موقف إنجلترا بالنسبة لموقف إنجلترا تجاه زعماء العرب، انقسم ما بين موقف مؤيد لعبد العزيز آل سعود اللي هو حاكم حاكم الرياض وما بين الشريف حسين حاكم مكة. فحكومة لندن قالت نروح للشريف حسين، حكومة الهند قالت نروح لعبد العزيز، وكل واحد عنده مبرر. فحكومة الهند قالت عبد العزيز عنده خلاف وكره للدولة العثمانية منذ القدم. الشريف حسين راجل عنده طموح سياسي ويرغب في الاستقلال عن الدولة العثمانية. فيجرى إيه لو نتفاوض معاهم؟ وبالطريقة ديت بدأت الدول بدأت حكومة الهند الشرقية تقول هنتعاون مع عبد العزيز، ولكن انتصر في النهاية رأي حكومة لندن في التعاون مع الشريف حسين.

الشريف حسين كان قاعد ذات مرة بيعبر في طموحاته لطبعاً هو الشريف حسين تولى شرافة مكة بعد انقلاب قام على السلطان العثماني في تركيا. كان طبعاً السلطان العثماني في الفترة ديت كان السلطان عبد الحميد، وقام ضده انقلاب على يد حزب اسمه حزب الاتحاد والترقي، وكانوا عايزين يمسكوا السلطة في الفترة ديت. عبد شريف حسين انتهز الفرصة وأعلن نفسه حاكم على مكة 1908. إيه طموحاته السياسية؟ أنا عايز استقلال البلاد العربية التي ما زالت تحت الحكم العثماني، زي مين؟ قال لهم زي العراق وزي سوريا وزي لبنان وزي مارسين وقطنة. وقال لهم أنا عايز بصوا بقى الدينية، إن يتولى الخلافة الإسلامية بدلاً من السلطان العثماني، لأن أنا أولى بالخلافة الدينية بدل من السلطان العثماني عشان أنا من آل بيت النبي. ده وجهة نظر مين؟ شريف حسين. وبعد كده بدأ يعبر في طموحاته أكتر.

وفشل حاكم الحجاز الشريف حسين في تحقيق طموحاته السياسية قبل الثورة العربية بسبب الوفاق الإنجليزي الفرنسي. لأن الشريف حسين قال طموحاته ومكمهون رد عليه قال له لا. شريف حسين قال له أنا عايز استقلال العراق أو تكون تحت حكمي، قال له فيها أطماع إنجليزية. أنا عايز بلاد الشام، قال له فيها أطماع فرنسية. أنا عايز اليمن، قال له مستقل خله. أنا عايز أكون ملك على العرب، قال له ما ينفعش عشان زعماء العرب رافضين. أنا عايز اليمن، قال له مستقلة. أنا عايز مارسين وقطنة، قال له غير عربيتين. وبالطريقة دي اتقفل الباب أمام الشريف حسين وفشل في إنه يحصل على اتفاق من إنجلترا بأنه يكون ملك على العرب. رغم كده الشريف حسين أعلن نفسه أو أعلن الثورة العربية.

طيب هنا بيقول لي حيث رفضت بريطانيا مطالب الشريف حسين بضم الشام لوجود مصالح فرنسية في حلب وحماه وحمص ودمشق، ووجود وجود مصالح إنجليزية في جنوب العراق. وبالطريقة ديت فشل الشريف حسين في إنه يجد نوع من أنواع قيام دولته بتوافق إنجليزي.

بيقول لي بعد كده يوجد ارتباط بين تغيير القيادة السياسية في بعض مدن الحجاز. إيه تغيير القيادة السياسية في بعض مدن الحجاز؟ قال لي وهيب باشا لما تم تعيينه والي على جدة، وجدة دي موجودة في أعالي بلاد الحجاز، موجودة في البحر الأحمر. فتم تغيير بعض الأماكن اللي موجودة على البحر الأحمر في الحجاز أبان الحرب. يعني أثناء الحرب، أسند أسند الأتراك حكم جدة لوهيب باشا وبداية إنهاء التواجد التركي في الحجاز والتعجيل التعجيل بقيام الشريف حسين بثورته. وبالطريقة ديت هم أصلاً عينوا وهيب باشا لاكتشاف خيانة الشريف حسين، واكتشفوا الخيانة بعده طرق منها هزيمة جمال باشا على الجبهة المصرية اللي كان بيحارب إنجلترا، ومنها النقطة الثانية إن الشريف حسين رفض مساعدة جمال باشا، ومنها اكتشاف وثائق سرية تدين دول الوفاق أو تدين زعماء العرب بالتعاون مع دول الوفاق.

توجد علاقة بين الهدنة بين تركيا وإنجلترا أواخر الحرب العالمية الأولى والوضع السياسي لبعض المدن العربية. إحنا بنتكلم دلوقتي أثناء الحرب. أثناء الحرب العالمية الأولى وأثناء الثورة العربية، لأن الاثنين متزامنين مع بعض. الحرب العالمية الأولى 14، الثورة العربية قامت من 15 لـ 16، يعني قامت في الفترة ديت. فلما تيجي تقول لي إن في علاقة ما بين الحرب العالمية الأولى ومستقبل بعد المدن، فأنا بقول لك إنجلترا انتهزت فرصة الثورة العربية وقامت بضرب العراق، بس ضربت جنوب العراق عشان تحقق طموحها. ضربت إيه في جنوب العراق؟ قال لي ضربت بغداد، خدت بغداد والبصرة اللي موجودين في الجنوب، وأصبحت على مقربة من الموصل اللي هي بعض المدن العربية أصبحت على مقربة من الموصل اللي موجودة في شمال العراق. وبالطريقة ديت تم استيلاء إنجلترا على الموصل في أعقاب هدنة مدروس 1918. وبالطريقة ديت بدأت إنجلترا تقترب من الدولة العثمانية. كلام كبير يا جماعة والله.

طيب يوجد ارتباط بين تغيير الوضع السياسي في روسيا. إيه تغيير الوضع السياسي في روسيا؟ قال لي قيام ثورة سياسية اسمها الثورة البلشفية قامت ضد روسيا القيصرية. فادى إلى إن قامت روسيا البلشفية بتسريب وثائق سرية تدين روسيا القيصرية. إيه القصة دي بالبلدي كده؟ روسيا وفرنسا وإنجلترا بيقسموا المناطق بتاعتك يا معلم. الحق يا شريف يا حسين، روسيا وإنجلترا وفرنسا بيقسموا المناطق اللي إنت طمعان فيها وإنت مغفل مش واخد بالك. أنا بقى مش راضية، مين اللي مش راضية؟ روسيا البلشفية مش راضية بالتقسيمة اللي عملتها روسيا القيصرية. وبالطريقة ديت أثناء الحرب العالمية الأولى تغيرت ملامح تقسيم منطقة الهلال الخصيب، العراق وبلاد الشام، والذي ظهر في اتفاقية سايكس بيكو. التقسيمة الثنائية ما بين إنجلترا وما بين فرنسا. الضربة القاضية في الحتة الفاضية للشريف حسين، لأن دي خيانة كبيرة جداً للشريف حسين. وتعد الاتفاقية التي عقدتها إنجلترا وفرنسا في العقد الثاني من القرن العين سايكس بيكو. ما بين مين؟ ما بين فرنسا وما بين إنجلترا. فرنسا، إنجلترا خدت ت إيه؟ خدت كل ما هو جنوب. وفرنسا خدت كل ما هو شمال. إلا جنوب الأناضول. فرنسا خدت جنوب. إنجلترا خدت جنوب الشام وجنوب العراق بما في ذلك بغداد والبصرة. وكمان فرنسا خدت شمال الشام لحد ما وصلت لحد جنوب الأناضول، وخدت شمال العراق بما فيها الموصل. المنطقة الصحراوية اتقسمت ما بين نفوذ إنجليزي ونفوذ فرنسي. إنجلترا قالت إحنا يا جماعة هنحط فلسطين تحت إدارة دولية تمهيداً لقيام الدولة اليهودية وتنفيذاً لما يسمى فيما بعد بالوعود اليهودية الإنجليزية، وعد بلفور.

ترتب على الاتفاق السياسي بين دولتي الوفاق فرنسا وإنجلترا، طبعاً سايكس بيكو، عقب نهاية الحرب العالمية الأولى، إعادة النظر طبعاً النظر في اتفاقية سايكس بيكو في تعديل الأخطر سان ريمو. لأن مؤتمر سان ريمو قال العراق كلها وفلسطين كلها تحت قيادة إنجليزية، وسوريا كلها ولبنان كلها تحت إدارة فرنسية. وبالطريقة ديت تم تقسيم الدولتين والتعديل في مؤتمر سار ريمو، الذي ترتب عليه فشل الحاكم الحجاز الشريف حسين في تحقيق طموحاته السياسية. وبالطريقة ديت عمنا الشريف حسين راح على طول لمؤتمر الصلح زي اللي قبله وحضر مؤتمر الصلح، وابنه فيصل وطلبوا استقلال البلاد العربية، ومنهم فلسطين. وبدأوا يطالبوا باستقلال البلاد العربية التي في النهاية فشلوا في استعطاف مؤتمر الصلح، الذي اعترف بالحماية الإنجليزية على العراق وفلسطين، وبالحماية الفرنسية على سوريا ولبنان. فالشريف حسين حب يرجع تاني الحجاز موطنه الأساسي ورجع وقال لك موطني بلادي أنا أرجع لبلادي. وجد هناك قوة من عبد العزيز آل سعود، اللي أنا بحترمه في الفترة ديت، لأن عبد العزيز آل سعود جنب نفسه الصراعات اللي كانت قائمة وقدر عبد العزيز آل سعود يحافظ على قوته العسكرية. فحصل صدام ما بين الشريف حسين وما بين عبد العزيز آل سعود، انتهت بهزيمة الشريف حسين في أول صدام في تربة سنة 1918.

عقب الحرب خلال الحرب العالمية الأولى، حيث إنه لم يدخل الحرب ضد بريطانيا وظل محافظاً على قدراته العسكرية وتعهدات مع بريطانيا زي اتفاقية دارين، اللي اعترفوا به حاكم حاكم على الرياض. لذلك السعودية العاصمة بتاعة السعودية دلوقتي إيه؟ الرياض. مما مكنه من الضغط العسكري على الشريف حسين وإبادة قواته في أول صدام في تربة. وبالطريقة ديت قدر عبد العزيز آل سعود ينهي على القوات والتحالفات اللي كانت موجودة، فوصل لحد حائل اللي موجودة على الشمال الغربي أو شمال الجزيرة العربية، ووصل حاكم الحجاز في صراعات داخل شبه الجزيرة العربية من الاستيلاء على مدن الحجاز واحدة تلو الأخرى. فقدر ياخد تربة وحائل والطائف، وصل لحد ما حصل خلاف بينه وبين الدولة اليمنية أو دولة اليمن، بين يحيى حميد الدين اللي هو الإمام وبين عبد العزيز آل سعود. انتهى الصدام بأن انتصر عبد العزيز آل سعود وفرض عليه معاهدة الطائف 1934، التي أصبحت منطقة عسير جزءاً من الدولة السعودية بمقتضى اتفاقية الطائف. وبالطريقة ديت قدرت الطائف أو قدرت السعودية تنهي الخلاف اللي كان بينها وبين اليمن، الذي وضعه الاستعمار. كده خلصنا الدرس الأول. تعالوا ندخل معايا على الدرس الثاني على طول، يلا بسرعة.

بالنسبة بقى لاحتلال فرنسا لسوريا، هنتكلم عنها. خد بالك فرنسا احتلت سوريا وفقاً لسك الانتداب. يعني إيه سك الانتداب؟ وفقاً لقرارات مؤتمر سان ريمو. يعتبر الاحتلال الوحيد اللي قدام العالم اللي بتقول يا جماعة إنتوا اللي اديتوني سوريا ولبنان عشان أستعمرها، يعني أعيد أعمارها مرة أخرى. ولكن الكلام ده ما حصلش. هنا بيقول لي إيه؟

توجد علاقة بين نتائج إعادة النظر في سايكس بيكو والوجود الأجنبي في سوريا ولبنان. عشان مؤتمر سان ريمو الأخطر 1920. إحدى تبعيات مؤتمر سان ريمو ده كان تبعيات، يعني إيه تبعيات؟ يعني كان مترتب على ما يسمى بمؤتمر الصلح اللي عقد في باريس عقب الحرب العالمية. في سوريا ولبنان، فقد تم إعلان فرنسا الانتداب على سوريا ولبنان تطبيقا لقرارات مؤتمر سان ريمو في بدايات العقد الثاني من القرن العين.

لما نيجي نتكلم بقى بيقول لي تعرضت الخريطة السياسية لبلاد الشام في العقد الثالث من القرن الع لتغيرات نتيجة للسياسة الاستعمارية. لما يقول لي تعرضت الخريطة السياسية لبلاد الشام، يقصد بإيه بلاد الشام؟ نمسك بقى سوريا اللي هي إقليم سوريا الكبير. يقول لك الأول راحوا مدين جزء للبنان، فزادت دولة لبنان اللي هي الدولة الساحلية على حساب سوريا. أدوه بقى طرابلس وادوه صيدا وادوه بيروت وادولها منطقة جبال لبنان. كده كده أصلاً كانت تبع لبنان، بس ما كانش في دولة اسمها لبنان. رقم اثنين قاموا بتقسيم سوريا نفسها إلى دويلات على أساس طائفي لإثارة الفتن الطائفية. دمشق وحلب سنة، والعلويين شيعة، والدروز اللي موجودين في الجنوب مش عارفين لهم مله. فده بنسميه نوع من أنواع تفتيت وحدة أراضي الشام بحيث تحقق لهم الهيمنة والسيطرة السياسية.

قامت فرنسا في سوريا ولبنان، قامت فرنسا في سوريا ولبنان خلال النصف الأول من القرن الع بربط العملة السورية. شبه سياسة إنجلترا في مصر، شبه سياسة البنك الأهلي لو إنت فاكر اللي أنا قلته في أول الفيديو هتفتكر الكلام اللي أنا بقوله لك. لعبت فرنسا في سوريا ولبنان نفس اللعبة الخبيثة اللي لعبتها إنجلترا في مصر عن طريق ربط العملة السورية بربط الفرنك الفرنسي. أنا هشيل اللبنانية في الفترة ديت لأن أصلاً ما كانش في دولة لبنان، وسيطروا على اقتصاد البلاد. وقد تشابهت في ذلك مع السياسة المالية للاحتلال البريطاني اللي موجود عندي هنا في مصر، فسيطروا على العملة المصرية بشكل كبير زي ما سيطروا على العملة السورية اللي موجودة عندي في بلاد الشام هناك.

علاقة بين الأطراف الجنوبية السورية. إيه الأطراف الجنوبية السورية؟ اللي هي منطقة الدروز وبداية الحركة الوطنية. الحاج سلطان باشا الأطرش اللي عمل الثورة السورية من منطقة جبل الدروز، ومن ضد سياسة الانتداب. حيث انطلقت الثورة السورية الكبرى بـ 25 اللي أسبابها اللي إحنا لسه قايلين عليها رقم واحد تمزيق سوريا إلى دويلات، إعطاء أجزاء من سوريا للبنان، ربط العملة، اتباع سياسة الفرنسة، سيطرة الموظفين الفرنسيين على معظم الوظائف اللي موجودة في سوريا. كل ده أدى إلى اندلاع الثورة السورية من منطقة جبل الدروز من المنطقة الجنوبية.

بيقول لي ترتب على توتر الموقف الدولي خلال منتصف العقد الرابع من القرن الع غيوم حرب عالمية جديدة. يقول لي يعني إيه توتر الموقف الدولي؟ احتلال إيطاليا للحبشة سنة 34، مما أدى إلى توتر الموقف الدولي سنة 36، وأصبح العالم على مشارف حرب عالمية. فارادت فرنسا حشد قوتها، كما أرادت إنجلترا حشد قوتها وسيطرة البلاد اللي تحت إيديهم. قصة كبيرة زي اللي إحنا قلناها قبل كده. فبالطريقة ديت هنا ظهور محاولة لم تكتمل لتعديل سياسة الانتداب في سوريا ولبنان. مشروع معاهدة 36. إيه رأيكم يا سوريا ولبنان لو تساعدونا مقابل إن إحنا نديكم الاستقلال؟ وافقوا سوريا ولبنان، ولكن البرلمان والحكومة الفرنسية رفضت مشروعي المعاهدة. ففشلت معاهدة 36 وعادت فرنسا تحكم سوريا ولبنان تاني بمقتضى مؤتمر سان ريمو وسك الانتداب. وتعرضوا لانتهاكات دستورية، فتم تعطيل الدستور. وكمان لم يحافظوا على وحدة الأراضي السورية، فاقتطعوا لواء إسكندرونة وأدوه لتركيا اللي موجود في شمال سوريا. يبقى إذا هم خدوا أجزاء غربية أدوه للبنان، وخدوا أجزاء شمالية أدوه لتركيا.

ترتب على إعادة المستعمر سياسة الانتداب في سوريا قبيل الحرب العالمية الثانية لاتساع مساحة تركيا. اتساع الأجزاء الجنوبية لتركيا وقلة الأجزاء الشمالية لسوريا. حيث عمل الفرنسيون على فصل لواء إسكندرونة عن سوريا حتى استولت عليه تركيا سنة 39. فطالب شاطر قاعد قال لي قال لا هي من إمتى تركيا بقت حبيبتهم؟ قلت لك تركيا في الحرب العالمية الأولى غير تركيا في الحرب العالمية الثانية، لأن في اختلافات دينية وفي اختلافات مذهبية. وبدأت تظهر ما تسمى بالدولة التركية العلمانية سنة 1924 على يد مصطفى كمال أتاتورك. وطبعاً سياسة تركيا هنا أقرب لسياسة المحتل، فأصبحت مساندة لكلا من سياسة إنجلترا وسياسة فرنسا.

استفادت لبنان من جهود الحركة الوطنية. دي لبنان بتطبق مبدأ وأنا كمان زي ما هتعملوا مع سوريا نفس اللي هتعملوه مع سوريا اعملوه معايا بالظبط. فهنا هنطبق على لبنان وأنا كمان. فاستفادت لبنان من جهود الحركة الوطنية السورية، حيث أعلنت الجمهورية اللبنانية وتم إصدار دستور وتشكيل برلمان وتم إنشاء جمعية تأسيسية. كل الكلام ده بفضل الجهود السورية. إلا إنها عانت من ضعف الثقة بين الطوائف، لأن لبنان بشكل كبير اتقسمت بين الطوائف إلى ثلاث أقسام: المسيحيون وده رئيس الدولة زي أول واحد عندي بشارة الخوري، وتاني واحد عندي المسلمين السنة وده رئيس مجلس الوزراء، والمسلمين الشيعة وده رئيس مجلس النواب. كل دول اتقسموا بسبب إن لبنان سيطر عليها العامل الطائفي وسيطرت عليها الطائفية التي أقامتها فرنسا في لبنان. ولكن ظل الأسلوب الطائفي في الحكم والإدارة هو المسيطر على لبنان عكس سوريا. يعني سوريا ما استطعوش إنهم يعملوا كده.

أدت انتشار، أدت انتصارات قوات الرايخ الألماني اللي هو هتلر النازي في بدايات الحرب في بدايات الحرب العالمية على تناقص الرؤى. انتصر على مين؟ قلت لك هتلر هزم فرنسا ودخل لحد برج إيفل، واتقسمت فرنسا لقسمين: قسم مؤيد لألمانيا وقسم مؤيد لإنجلترا. القسم المؤيد لألمانيا بقيادة بيتان، اللي قال يجرى إيه يعني لما نتعاون مع المحتل زي عباس فرحات. والقسم المعاون مع إنجلترا بقيادة شارلي ديجول، وده قال لا أنا أرفض الهزيمة. وبالطريقة ديت كان على فرنسا اللي موجودة في سوريا ولبنان تحدد موقفها. انضمت لحكومة بيتان نكاية في إنجلترا بتغيظ في إنجلترا التي تخلت عنها في الحرب. يبقى أدت انتصارات قوات الألمانية في بداية بداية الحرب العالمية الثانية على تناقص الرؤى السياسية للقيادات العسكرية الفرنسية، وظهر ذلك في الاختلاف بين حكومة فيشي وحكومة فرنسا الحرة. فيشي تبع بيتان، فرنسا الحرة تبع شارل ديجول.

يوجد ارتباط بين دعم إنجلترا لحكومة فرنسا الحرة ديجول. لأن إنجلترا دعمته بشكل كبير خوفاً من ثورة رشيد عالي الكيلاني، اللي كان بيطالب بشكل كبير بدخول ألمانيا وبيطبق مبدأ عدو عدو صديق. رشيد علي الكيلاني زي حكومة حسين سري في مصر، زي علي ماهر في مصر، كل دول كانوا مؤيدين للألمان وكانوا بيطبقوا مبدأ عدو عدو صديقي. فبداية العقد الثاني من القرن العين وبين إعلان القوات الفرنسية في سوريا ولبنان ولا لحكومة فيشي وموقف ألمانيا الداعم لثورة الضباط العراقيين ضد الوجود الإنجليزي، الذي أثر بشكل كبير على إن إنجلترا تدعم حكومة فرنسا الحرة.

يوجد ارتباط بين فشل حكومة ديجول. يوجد ارتباط بين فشل حكومة ديجول في السيطرة مرة أخرى على سوريا ولبنان منتصف العقد الخامس. في منتصف العقد الخامس حاول شارلي ديجول إنه يسيطر على العراق مرة أخرى، وعلى فرنسا على سوريا ولبنان مرة أخرى، ولكنه لم يستطع، لأن السوريين تصدوا ليه بشكل كبير. تغيرت بريطانيا تجاه الاحتلال الفرنسي. وهنا تتحقق رؤى حكومة الحكومة الحكومة الفرنسية اللي موجودة في سوريا ولبنان اللي قالت إحنا هننضم لحكومة بيتان نكاية في إنجلترا، لأن إنجلترا عملت على تقويض الاستعمار الفرنسي في سوريا ولبنان وطالب إنجلترا بشكل كبير بإعطاء سوريا ولبنان استقلالها. وقالت إن إحنا يا جماعة بنحترم رغبات الشعوب في الاستقلال، وإحنا كمان عايزين إن سوريا ولبنان يحصلوا على استقلالهم. وبالطريقة ديت سوريا ولبنان هيحصلوا على استقلالهم.

هناك ارتباط بين عودة الحياة النيابية في سوريا ولبنان خلال الحرب العالمية الثانية. اللي هي انعقاد المجلس النيابي سنة 43، يعني بداية الحياة النيابية والبرلمانية، وإعلان دولة دولة ديمقراطية وتغيير وضع سوريا ولبنان السياسي. بقت جمهورية، تم اختيار أول رئيس للوزراء شكر القواتلي، أول رئيس للجمهورية أسف. كذلك في لبنان بشارة الخوري تم اختياره أول رئيس للجمهورية ورياض الصلح رئيساً للوزراء على حسب الأسلوب الطائفي اللي موجود. حيث قام الفرنسيين طبعاً بعد كده لما طالب اللبنانيين الاستقلال قام الفرنسيين باعتقال بشارة الخوري ورياض الصلح ونفيهم إلى خد بالك نفس التعاملات اللي اتعملت مع سعد زغلول ونفس التعاملات زي ما أنا قلت لك في أول الفيديو اللي اتعملت مع محمد الخامس، اللي هو إلقاء القبض عليهم ونفيهم. وبعد كده مصر تضامنت معاهم، ودول العالم تضامنت، إنجلترا ومصر وأمريكا. كل ده تضامن مع الشعب السوري. وعليه تم إنهاء سياسة الانتداب، حيث انطلق قت الثورة السورية مرة أخرى. طبعاً إنجلترا والولايات المتحدة، واضطر الفرنسيين لإطلاق سراح المعتقلين. وبعدها حصلت سوريا ولبنان على الاستقلال، وحصلت سوريا ولبنان على الاستقلال أسف سنة 46. وبالطريقة ديت لم يبق تحت الاحتلال سوى العراق.

آخر الفصل السادس: احتلال إنجلترا للعراق. ظهرت أطماع إنجلترا في العراق من اتفاقية سايكس بيكو، لما رفضوا مطالب الشريف حسين. إنجلترا لما احتلت العراق حاولت إنها تدخل العراق عن طريق حجة سياسية شبه نابليون بالضبط. فلعبت على نفس الحجة اللي لعب عليها نابليون، قال لهم والله يا جماعة ده أنا جاي أخلصكم من حكم العثمانيين. فاتشبهت الحجة السياسية التي أعلنتها إنجلترا للوجود في العراق خلال النصف الأول من القرن العين، يعني من ابتداء من سنة 1920، مع الحجة السياسية التي أعلنها نابليون عند منشوره في مصر. إنما الاثنين كانوا عكس بعض. إنجلترا كانت جاية تقف ضد العثمانيين، أما نابليون فكان جاي يقف ضد المماليك مجاملاً للعثمانيين عشان تاخد بالك من التشابه وتاخد بالك هنا من الفرق. عند قدومه إلى الإسكندرية لاحتلال مصر. وعلى فكرة إن الدولتين سواء كانوا مصر أو سواء كانوا العراق، الاثنين لم يتفقوا مع رؤى المحتل. حيث يعني بكل بساطة لم تنجح فكرة نابليون لجذب المصريين لصفه، ولم تنجح فكرة إنجلترا لجذب العراقيين لصفهم بكل بساطة.

فبيقول لي هنا حيث أعلنت ت إنجلترا إنها جاءت لطرد الأتراك من العراق بعد انتهاء الحرب العالمية، واكتشف العراقيون إن الإنجليز ما قدموا إلا للاحتلال العراق. يبقى هنا يقول لي فشلت إنجلترا في إخفاء نواياهم إنها ما جاءت إلا لاحتلال العراق. وبالطريقة ديت احتلوا العراق وفقاً لقرارات مؤتمر سان ريمو في نفس السنة اللي بدأت تعمل سياسة مساومات هي وفرنسا.

يوجد ارتباط بين النتائج التي ترتبت على نفي سعد زغلول للمرة الأولى خارج مصر. يعني إيه؟ يعني يوجد ارتباط بين ثورة 19 وثورة الـ في العراق. فثورة الـ 19 اللي قامت في مصر قامت عليها ثورة العراق متأثرة بها. يبقى يوجد ارتباط بين النتائج التي ترتبت على نفي سعد زغلول للمرة الأولى خارج مصر واشتعال الحركة الوطنية العراقية بنهاية العقد الثاني من القرن الع. نهاية العقد الثاني من القرن الع، أيوه يعني في نهاية 1919. فثورة 19 كانت الملهمة للعديد من الثورات العربية. فبشكل كبير لما المصريين انتفضوا ضد إنجلترا وطلبوا عودة سعد زغلول، سمحت إنجلترا بعودة سعد زغلول. فحس العراقيين بأن المصريين قد انتصروا، فعملوا ثورة زيهم كده بالضبط بسبب نفي سعد زغلول إلى جزيرة مالطا. ليه أثر كبير في تشجيع الحركة الوطنية اللي موجودة عندي في العراق.

كان للمحتل الأجنبي السلطة الفعلية في العراق. المحتل الأجنبي للسلطة الفعلية، طالما سلطة فعلية يبقى طالما هيقول لي سلطة يبقى أنا عندي سلطتين: سلطة فعلية وسلطة صورية. فيقول لي مين السلطة الفعلية؟ أقول له إنجلترا. ومين السلطة الصورية؟ أقول له المملكة العراقية اللي قاموا باستخدام فيصل ابن الشريف حسين للتهدئة كاستمرار للمخطط الهاشمي واستمرار للمخطط الفيصلي زي ما بيقولوا، اللي هي قيام الدولة العربية عقب ثورة. على الرغم من البيعة لفيصل بن الشريف حسين. طبعاً هم جابوا فيصل على أساس إنه راجل مسلم من شبه الجزيرة العربية مؤمن، أبوه راجل ليه مكانة. فقالوا خلاص بقى نجيبه. وتشابه ذلك مع الوضع في مصر بعد الاحتلال البريطاني طبقا لأفكار دافرين، لما عملوا عندي سلطتين: سلطة صورية وسلطة فعلية، وإلهائهم بعروش وهمية.

تشابهت نتائج الأحداث السياسية لكل من العراق ومصر خلال العقد الرابع من القرن الع في تحرير الوضع الدولي. حيث انضم كلا من مصر والعراق إلى عصبة الأمم. العراق دخلت عصبة الأمم بمقتضى 30، ومصر دخلت عصبة الأمم بمقتضى 36. يعني بمقتضى معاهدة الـ 30 ومقتضى معاهدة الـ 36. مش عايزك تنسى إن في معاهدة اسمها معاهدة 22 قاموا بإلغاء الحماية البريطانية على العراق. في 30 قالوا لهم إحنا إحنا هنديكم استقلال بس استمرار بعض القواعد داخل العراق. في عصبة الأمم بمقتضى العديد من الاتفاقيات.

تعددت التحديات الداخلية. لما نيجي نتكلم على التحديات الداخلية، يبقى إحنا بنتكلم على صراعات داخل العراق في الداخل، هتاثر سلبياً على شكل الحركة الوطنية. وده اللي خلى الحركة الوطنية في العراق لم تسير بانتظام. خلى الحركة الوطنية اللي موجودة عندي في العراق تسير ببطء، شبه الحركة الوطنية في مصر من 1882 لـ 1892 في خمول الحركة الوطنية في سرعتها. طيب يقول لي هي ليه كان فيه أصلاً بعد معاهدة الـ 30 صارت الحركة الوطنية ببطء؟ قال لي بسبب الصراعات الطائفية، لأن العراق فيها سنة وفيها شيعة، ومين اللي أثار الكلام ده كله؟ إنجلترا. فلعبت إنجلترا على التفرقة الطائفية داخل أبناء الشعب العراقي. فيما فشلت فيه في مصر. التناحر بين الأحزاب، ده بنسميه كده صراع سياسي بين الأحزاب. تدخل العشائر، التدخل الاجتماعي وإعلاء الاجتماعية اللي موجودة داخل العصبية القبلية اللي موجودة داخل العراق. في تدخل وزارة وإعلان وزارة أخرى. كل ده أدى لحدوث انقلاب اسمه انقلاب بكر صدقي.

يوجد تناقض بين موقف إنجلترا من الحكومة العراقية. يوجد تناقض بين موقف إنجلترا من الحكومة العراقية خلال الحرب العالمية ومعاهدة الـ 30. أنا قلت لك خد بالك 1922 سنة 22 دخلت العراق في مفاوضات مع إنجلترا بحيث إن تم إلغاء الحماية البريطانية على العراق. 1930 تم عقد معاهدة لم تحقق حقق الاستقلال الكامل للعراق، شبه معاهدة الـ 30 في مصر وشبه معاهدة شبه معاهدة 36 في مصر ومعاهدة 36 في سوريا ولبنان. الهدف الأساسي هنا إن لم تحصل العراق على استقلالها. فمعاهدة الـ 30 أبقت بعض قواتها داخل العراق. فقالت وجود قوات محدودة في بعض المناطق شبه معاهدة 36 في مصر. وبعد كده بيقول لي اعترضت الحكومة العراقية بعد ذلك أثناء الحرب العالمية. قلت مين الحكومة العراقية؟ قلت لك حكومة حكمت سليمان، اللي كان ميال للألمان هو ورشيد عالي الكيلاني. كل دول كانوا معتمدين بشكل كبير إن ألمانيا هتكسب الحرب وإن ألمانيا داخلة لهم من سوريا. فبالطريقة ديت بدأت حكومة حكمت سليمان أثناء الحرب لما طلبت إنجلترا زيادة قواتها وحبت تخالف معاهدة الـ 30، رفضت حكومة حكمت سليمان ودخلت في حرب مع إنجلترا. انتهت بهزيمة القوات العراقية على يد قوات من البصرة وقوات من بغداد. وبالطريقة ديت أرادت إنجلترا مخالفة معاهدة الـ 30 وحابت تزود قواتها ما عرفتش. تلاقت معاهدة بورتسموث. إحنا نسمي معاهدة بورتسموث دي سطرة عندك في المنهج صالح جبر اسمها معاهدة جبر بيفين رئيس وزراء إنجلترا. فتم عقد معاهدة بورتسموث، اللي بيقولوا في معاهدة الـ 30 إحنا عايزين نخالف المعاهدة ونقول أو عايزين نقول نأكد على معاهدة الـ 30 في استمرار قوات جوية في العراق، وإن يعني معاهدة الـ 30 وبورتسموث وجهين لعملة واحدة في إن المعاهدتين لم يحققوا استقلالاً كاملاً، وإن المعاهدتين لم يحققوا للعراق استقلالاً كاملاً بشكل كبير.

بيقول لي تناقض موقف حكومة العراق في منتصف العقد السادس من القرن الع 1900 من 50 لـ 60. تناقضت موقف حكومة العراق في منتصف العقد السادس مع موقفها في بداية العقد الخامس من حيث إن كانت العراق بتقاوم الاحتلال الإنجليزي وتغير الكلام ودخلت معاه في تحالف اللي إحنا هنسميه حلف بغداد. عكس الأفكار المصرية. تناقض موقف القيادة السياسية العراقية، اللي هي الملكية، مع القيادة السياسية المصرية، اللي هي الجمهورية. يعني أفكار نور السعيد والوصي على العرش وأفكار جمال عبد الناصر كانوا متناقضين بحيث إن العراق كانت عايزة تدخل في حلف بغداد. وبالنسبة لمصر كانت رافضة الدخول في الأحلاف العسكرية، لأن مصر كانت بتقول أي تكتل عسكري في الو في الفترة ديت لخدمة الدول الكبرى. فارادت إنجلترا جر

مصر للدخول في الأحلاف، ولكن مصر رفضت الدخول في أي حلف عسكري، مما أدى إلى أن مصر قامت بدعم المعارضة العراقية. ولما مصر دعمت المعارضة العراقية، بدأت تقوم ثورة في العراق سنة 58 للقضاء على الملكية وإعلان الجمهورية، تتشابه مع الثورة المصرية ومع الثورة الفرنسية. فكان لمصر دورها تجاه العراق في تحقيق العراق استقلالها، لأن الأفكار المصرية ترفض الاستعمار بكل أشكاله وألوانه، ورفعت شعار لا للاستعمار في كافة بلدان العالم وفي البلاد العربية.

بكده يا وحش إحنا خلصنا الفصل. الفصل السادس. ما تمشيش شايك أو قهوتك، قلمك ورقتك. يلا يا وحش داخلين على 12 درجة أو 13 درجة في الفصل السابع. الفصل السابع ما شاء الله 13 درجة في الامتحان. في الـ 13 درجة كل معلومة في الفصل السابع مهمة. يعني تأكد لي على سياسات الاحتلال ما بين الحربين العالميتين، وخاصة تروح ماكد لي على العنصرية أو الطائفية أو النعرات. آه، أو النعرات والحتة بتاعة الحتمية التاريخية. أشكال التقارب مهمة. الحتة بتاعة أشكال التقارب والمرحلة الأولى بتاعة السعودية والمرحلة الثانية بتاعة فلسطين والمرحلة الثالثة بتاعة المنظمات المهنية. وكمان تروح ناقل على طول على الفرق ما بين بروتوكول الإسكندرية وكمان ميثاق جامعة الدول العربية وأسباب ضعف الميثاق. وأنت كعربي تبدأ تركز لي أكتر على ميثاق الضمان الجماعي وتقدر تقول لي لو اتحقق كان إيه اللي حصل. كل المعلومات دي هتعرفها معايا. القضية الفلسطينية، كتاب أبيض أول، ثاني، ثالث. ما تعرفوش بالكتب البيضاء. لازم تقول الكتاب الأبيض الأول 22، 30، 39 وتشوف المفارقات اللي بينهم والاختلافات اللي ما بين الثلاث كتب بيضا. ركز على مؤتمر روجرز بيجي على طول في الامتحان واللجنة الإنجليزية الأمريكية وكمان مؤتمر لندن. والله مؤتمر لندن مهم. والحروب تأكد أكتر على حرب 56. آه، أكد على حرب 56 وخطة مصر في تجاوز حرب 56. وإيه دور روسيا المتناقض ما بين 48 وما بين 56. في 67 تأكد لي على دور الولايات المتحدة الطماعة دي عملت إيه الولايات المتحدة وتحركات مصر بعد 67 مهم قوي قوي قوي قوي، وخاصة مؤتمر الخرطوم. ما تنساش مؤتمر الخرطوم وافتكر إن أنا قلت لك الكلام ده. وتيجي بعد كده تروح ماكد لي على نتائج حرب أكتوبر. لازم النتائج دي بيجي منها سؤال والدروس المستفادة. وكمان عبد الغني الجمسي، سعد الدين الشاذلي، يا أحمد إسماعيل، كل دول مهمين لازم يجي في الامتحان. آه، نسيت أقول لك قبل ما أختم معاك لازم تأكد لي على مؤتمر كامب ديفيد مهم قوي مؤتمر كامب ديفيد وأوسلو مدريد. آه، أوسلو مدريد اللي أنت بتنساها بتاعة غزة وأريحا. لازم تفتكرها. أوسلو مدريد. الفصل السابع من الفصول المهمة بالنسبة لك ما تسقطوش. خد بالك ده الفصل السابع والثاني عليهم نص الامتحان.

نبدأ السابع ونقول بسم الله. بنكلمك كده في السابع. يوجد ارتباط بين وقوع الدول العربية تحت السيطرة الاستعمارية وتأخر بروز القومية العربية. العلاقة هنا علاقة إيه؟ قال لي علاقة عكسية، لأن البلاد العربية وقعت تحت الاحتلال فادى إلى تأخر فكرة القومية العربية. فقلت لي يعني إيه كلمة قومية عربية؟ قال لي أدى إلى تأخر الوحدة العربية بين البلاد العربية. فوق البلاد العربية تحت الاستعمار وجدها تحت سيطرة استعمارية، سواء كان ما بين إنجلترا أو بين فرنسا أو بين إيطاليا. دول أشهر الثلاث دول اللي احتلوا البلاد العربية. وتأخر بروز القومية العربية، حيث سعى الاستعمار الأوروبي، سعى الاستعمار، كلمة سعى هنا بنسميها إيه؟ محاولات الاستعمار الأوروبي لتقسيم الوطن العربي إلى أجزاء منفصلة وإقامة الحواجز فيما بينهم. وده بنشوفه من خلال خريطة الوطن العربي اللي موجود عندك. يعني هنا مصر وهنا السودان، هنا ليبيا، هنا تونس، هنا الجزائر، هنا المغرب، هنا موريتانيا. التقسيمة اللي قدامك دي يجي مثلا بين مصر والسودان يقول لي في مشكلة سياسية هنا؟ أقول له حدود بسبب التقسيم. يجي في الجناح العربي الآسيوي يقول لي في مشكلة في السعودية؟ أقول له مشكلة تقسيم ما بين السعودية واليمن حول منطقة عسير. الهدف من إقامة أجزاء منفصلة أن يكون كل دولة وحدة سياسية ويكون كل دولة يمنع انتقال الأفراد ورؤوس الأموال فيقضي على فكرة سيادة عربية مشتركة ما بين البلاد العربية. رقم اثنين عمل الاستعمار على خلق جنسيات من الجنسية العربية بحيث إخراج العرب بره إطار فكرة القومية، طبعًا داخل الدول العربية الواحدة. وبالطريقة دي يكون عندي أكتر من جنسية من الجنسية العربية. بيقول لي استغل الاستعمار التاريخ القديم لبعض الشعوب العربية لإثارة النعرات. أول ما أشوف كلمة التاريخ القديم، مثلا بتكلم على مصر، بتكلم على حجر رشيد، بتكلم على الحملة الفرنسية. فاستخدام التاريخ المصري استخدموه لإضعاف القومية العربية، فأثاروا النعرات والتمسك بالماضي. النعرة اللي إحنا بنسميها النزعة، النعرة اللي إحنا بنسميها العصبية المحلية للقضاء على فكرة الوحدة والتكتلات في قوميتهم العربية. النعرات تم إثارتها في كام دولة؟ دولتين. النعرة المصرية اللي هي الفرعونية والنعرة الفينيقية اللي هي في سوريا ولبنان، بحيث إن يطلعوا سوريا ولبنان ويطلعوا مصر بره نطاق فكرة القومية. حاول الاستعمار خلق العنصرية. أول ما أشوف كلمة العنصرية أقول التفرقة على أساس مش الدين بقى، على أساس اللون أو اللغة أو الأصل. طب يا مستر لو عنصرية على أساس الدين بنروح محولين الدين إلى طائفية. فلعبوا على مبدأ العنصرية داخل البلد العربية من خلال تسخير علمائهم لإثبات بعض القضايا. فقالوا إن البربر ليسوا عرب ورد عليهم الجلاوي قال لهم إحنا عرب. وراحوا للفينيقيين قالوا دول من نسل الفرنجة. طبعًا الفينيقيين ما ردوش علينا لحد دلوقتي. لبنان متعرضين لنقطتين مهمين قوي. بعد كده بيقول لي لجا الاستعمار لاستخدام سلاح اللغة والثقافة لإضعاف القومية الثقافية العربية عن طريق استخدام الفرنسة والإنجليزية واللاتينية والتريك. كل الكلام ده لإضعاف اللغة العربية وإضعاف الروابط العربية كهوية عربية بشكل عام. استخدام التعليم واستخدام سياستهم زي سياسة دونلك في مصر، سياسة فرنسا في سوريا ولبنان والجزائر وتونس. وبالطريقة دي حصل تصدي ليها كبير عن طريق إنشاء أحزاب وطنية. يوجد ارتباط بين تمسك العرب بلغتهم وتاريخهم وثقافتهم ونجاحهم في إحياء القومية العربية. لذلك إحنا قلنا إيه؟ لا خوف على القومية العربية عشان العرب متمسكين باللغة العربية وبالثقافة العربية والتاريخ العربي، مما أدى إلى إحياء خلق فرص للتجاوب.

توجد علاقة بين تطور وسائل النقل والمواصلات اللي هي السيارات والطائرات، اللي هو استخدام وسائل النقل الحديث في خلال العقد الرابع يعني إيه العقد الرابع من 1900، 30 لـ 1940 من القرن العشرين فيما بين الحربين العالميتين وإحياء القومية العربية، لأن وسائل المواصلات خلقت فرص من التجاوب وخلقت حاجة اسمها الحتمية التاريخية. بيقول لي سعى تقدم التكنولوجيا وسائل الاتصال الفكري، تليفون، فيسبوك، الحاجات دي كلها، تلفزيون، أقمار صناعية. العالم كله بقى بقى دولة واحدة عن طريق مبدأ العولمة وسهولة الانتقال وسهولة الاتصال خلال القرن العشرين على زيادة التقارب العربي بين البلاد العربية. نجح مؤسس الدولة السعودية عبد العزيز آل سعود. لذلك السعودية بدأت في أول تجربة في إنهاء خلافاتها بين البلاد العربية من خلال العقد الرابع في ثلاثينيات القرن العشرين في إنهاء الخلاف الدائر مع اليمن والخلاف الدائر مع العراق والخلاف الدائر مع مصر. لذلك إن عبد العزيز آل سعود في ثلاثينيات القرن العشرين قدر يخلق فرصًا من التجاوب بين البلاد العربية. يعني مثلاً على اليمن، حل مشكلة عسير اللي هي المشكلة الحدودية 1934 ودي بنسميها أول صور التقارب. حل مشكلة العراق اللي هي كانت المشكلة الأسرية ما بين الأسرة السعودية والأسرة الهاشمية في توقيع معاهدة سنة 36 اللي هي معاهدة الإخاء والتحالف. حل أقدم صور الخلاف بين السعودية ومصر في معاهدة مايو 1936. وده كان شكل من أشكال تصفية الخلافات بين البلاد العربية. شكل الوحدة اللي كان ما بين السعودية والعراق، لأن تركوا الباب مفتوح وقالوا من أراد الدخول معنا فليدخل. فدخلت معاهم اليمن سنة 37. ترتب على سياسة التقارب العربي قبل الحرب العالمية الأولى إنهاء أقدم صور الخلاف زي ما إحنا قلنا بين الأسر الحاكمة بين الأسرة السعودية ومصر من أيام محمد علي والحركة الوهابية. ترتب كمان تم عقد عقد مؤتمرات خاصة بالقضية الفلسطينية فيما بين الحربين العالميتين باعتبار أن القضية الفلسطينية جزء من الأراضي العربية ونوع من أنواع التجاوب مع البلاد العربية. فبدأنا نعقد العديد من المؤتمرات الخاصة بفلسطين في بولودان بسوريا سنة 1937 ومؤتمر المائدة المستديرة لحل الهجرة الصهيونية للحفاظ على القومية الفلسطينية فيما بين الحربين العالميتين. المؤتمر الفلسطيني الأول ومؤتمر المائدة المستديرة.

ارتبطت فكرة تحقيق الوحدة بين الدول العربية بإنشاء جامعة الدول العربية. الفكرة كانت مرتبطة بشكل كبير خلال العقد الخامس سنة 1945، 1940. ده بنسميه العقد الخامس من القرن العشرين بالأحداث الدولية اللي هي الحرب العالمية الثانية والحرب العالمية الأولى، لأن إنجلترا أرادت أن هي تجذب شعوب العالم ليها للوقوف معها ضد الخطر الفاشي والخطر النازي. توجد علاقة بين رغبة العرب في مواجهة المخططات الصهيونية وترحيبهم بقيام الوحدة العربية خلال الحرب العالمية الثانية عن طريق إنشاء فكرة الجامعة لإحباط فكرة المخطط الصهيوني من السيطرة على فلسطين. ارتبطت أهمية مصادر الطاقة في منطقة الخليج العربي للقوى الاستعمارية بدعوتها لقيام وحدة عربية. وده يرجح تصريح مستر إيدن الأول ويرجح تصريح مستر إيدن الثاني. والتصريحين بيتكلموا بشكل كبير عن ترحيب إنجلترا لقيام الوحدة العربية. وده موقف متغير بالنسبة لإنجلترا. فارادت إنجلترا السيطرة على مصادر الطاقة. يبقى أهمية المنطقة الاقتصادية والسيطرة على البترول. فارادت إنجلترا إن هي تخدم مصالحها فقط وليس لخدمة البلاد العربية. يرجع قلة عدد الدول العربية المستجيبة لتوقيع ميثاقها دول سبع دول. منهم ست دول في الجناح الآسيوي ودولة واحدة في الجناح الأفريقي اللي هي مصر. هنا عندي سوريا ولبنان واليمن والسعودية ولبنان. عد 1، 2، 3، 4، 5 والعراق. ادي الست دول اللي موجودين عندي في الجناح الآسيوي مستقلين وإن يكن استقلالاً شكلياً. ومصر كانت مستقلة من تصريح 28 فبراير. ليه سبع دول؟ قال لي لأن باقي الدول تحت الاحتلال. لذلك الدعوة لم توجه إلى دول شمال أفريقيا لأن ما زالت دول شمال أفريقيا تحت الاحتلال البريطاني لسه تحت الهيمنة والسيطرة الاستعمارية داخل الوطن العربي.

وبعد كده عقد بروتوكول الإسكندرية اللي هو يعتبر أول خطوة في إنشاء جامعة الدول العربية. وده كان مهم جداً واللي بدأ يؤلف جامعة الدول العربية من الدول العربية المستقلة التي تقبل الانضمام إليها. ودي كانت الخطوة الأولى لقيام جامعة الدول العربية. بيقول لي ترتب على آليات اتخاذ القرار، كلمة آليات اتخاذ القرار اللي هي طريقة طريقة التصويت داخل الجامعة. قالوا طريقة التصويت مختلفة. لازم إن القرارات عشان تنفذ لازم القرارات تكون بالإجماع. أما ما يتقرر بالأغلبية فلا يسري إلا على من يقبله. وده أدى بشكل كبير لسوء أوضاع جامعة الدول العربية وجعلها اتحاد حكومات لا اتحاد شعوب. يعني بالبلدي كده حبر على ورق داخل مجلس الجامعة من الدولة العربية عدم تنفيذ معظم قراراتها. ولو اتعدل الكلام ده هنعدل ميثاق جامعة الدول العربية. ولو اتعدل الكلام ده هتبقى جامعة الدول العربية جامعة فعالة وأصبح حلم العرب حقيقة في إزالة كل المخططات اللي ضد الدول العربية.

توجد علاقة بين دور مصر في استقلال الدول العربية قبل وبعد ثورة 52 وثبات الموقف المصري تجاه الأمة العربية. حيث ناصرت ودعمت، عملت حركات التحرر. والله العظيم سبق وقلت لك في أول الفيديو لو أنت نسيت وأنت بتذاكر تقول مصر الملكية يعني قبل قيام الجمهورية قبل قيام ثورة 52. مصر الملكية ساعدت سوريا ولبنان وليبيا وفلسطين في حرب فلسطين. بعد الثورة مصر وقفت مع العديد من البلاد العربية لنيل استقلالها زي مين بقى؟ زي سوريا، زي العراق، وزي الجزائر، وزي تونس، وزي موريتانيا، وزي جيبوتي. كل البلاد العربية مصر وقفت معاهم ودعمتهم بشكل كبير. ترتب على موقف مصر تجاه ليبيا دي بنسميها مصر إيه يا جماعة؟ مصر الملكية تجاه ليبيا سنة 51. بداية النصف الثاني من القرن العشرين الحصول على استقلالها. حيث قامت بابعاد الإنجليز والفرنسيين عن ليبيا والحيلولة ضد تقسيم ليبيا زي ما إحنا لسه قايلين في الفصل اللي فات. بيقول لي توجد علاقة بين استقلال السودان. السودان كانت تحت إدارة مشتركة مصرية تحت إدارة مشتركة إنجليزية. لأن إحنا قلنا إن إحنا رجعنا وفقاً لمعاهدة 36 للحكم المشترك وفقاً لاتفاقية الحكم الثنائي. فمصر على طول طلعت سنة 53. اديتهم حق تقرير المصير وبعد كده وقعت اتفاقية الجلاء مع إنجلترا. فراحت آخر جندي إنجليزي من سوريا خدت استقلالها سنة 53. وراح لاخر جندي إنجليزي سنة 56. وبالطريقة دي حصلت السودانيين على استقلالهم بفضل القوى الداعمة المصرية.

وبكده نكون خلصنا الدرس الأول. يلا يا بطل على الدرس الثاني على طول. تعالى بقى يا وحش للدرس الثاني اللي هي القضية الفلسطينية. بيقول لي توجد علاقة بين النهضة الأوروبية، النهضة الأوروبية اللي بدأت منذ الثورة الصناعية والثورة الصناعية وتطور المستوى الاقتصادي والفكري لليهود. حيث استغلوا إمكانياتهم المادية وإمكانياتهم الفكرية في تحقيق ثروات طائلة فارتفع مستواهم الاقتصادي وارتفع مستواهم الفكري. فعملوا فلوس كتير وبعد ما عملوا فلوس كتير عاشوا داخل أوروبا. ولكن إن هم كانوا عايشين جوه أوروبا هم يهود وأوروبا مسيحية فحصل ما بينهم نوع من أنواع العنصرية داخل أوروبا. فلجوا إن هم يعيشوا في جيتو خاص بهم. يبقى هنا ترتب على نمو مشاعر القومية الأوروبية، القومية الأوروبية اللي هي القومية اللي إحنا بنسميها القومية المسيحية ورغبة اليهود في التمسك بهويتهم اللي هي بنسميها كده الهوية اليهودية. لما بيقولوا إحنا قليلين وإحنا هنخلص فلازم نحافظ على قوميتنا وعلى حياتنا وعلى مستوياتنا وعلى إمكانياتنا. فلجوا إن هم يعيشوا في أماكن خاصة بهم. عاشوا في جيتو. كلمة جيتو أحياء سكنية خاصة باليهود تجمعهم للحفاظ على هويتهم. يبقى دلوقتي المجتمع الأوروبي بنسميه مجتمع إيه؟ مجتمع ظور مناظرة عنصرية لليهود إلى عدم ترحيب الشعوب الأوروبية بوجودهم. وبالطريقة دي بدأت تظهر فكرة جديدة اسمها فكرة الصهيونية. فكرة الصهيونية نشأت على يد ثيودور هرتزل سنة 1896 لما قال يجرى إيه يعني لو يكون لليهود وطن يجمعهم. أي مكان سحرا كان أو بستان أهم حاجة إن يكون في مكان بالنسبة لليهود. بعدها اليهود يبدأوا يتجمعوا ويعملوا المؤتمر اليهودي الأول ويعملوا بقى صندوق صهيون بعض الإمكانيات الخاصة بهم.

طيب بيقول لي هدفت بريطانيا من تأييد الأفكار اليهودية. مين أول ناس تبنت القضية اليهودية؟ بريطانيا اللي هي إنجلترا. من تأييد الأفكار اليهودية اللي هو إقامة وطن قومي لليهود. وكلمة وطن هنا نكرة يعني إيه؟ يعني أي مكان، أي وطن يجمع اليهود. بالمرة إنجلترا تخلص من وجع دماغهم اللي موجود في أوروبا. رقم اثنين تستفيد من إمكانياتهم المادية اللي هتساعدهم في الحرب العالمية. يبقى هنقول تلاقت الأفكار اليهودية وإنشاء وطن قومي لليهود خلال الحرب العالمية الأولى لتحقيق أهدافها من دخول الحرب واقتسام ممتلكات الدولة العثمانية. فعلى طول إنجلترا تديهم وعد من لا يملك لوعد من لا يستحق. ارتبطت العلاقات بين الصهيونية والدول الغربية اللي هي بريطانيا في الحرب العالمية الأولى والولايات المتحدة الأمريكية بعد الحرب العالمية الثانية خلال النصف الأول من القرن العشرين من 1914 لحد 1945 وبعد 45 بتحقيق المصالح في المجالين السياسي والمجال الاقتصادي للاستفادة من إمكانيات اليهود الاقتصادية وإقامة وطن قومي لليهود. ده بنسميه الأفكار الصهيونية. ارتبطت بكلا من دول الدول العظمى سواء كانت بريطانيا أو كانت الولايات المتحدة الأمريكية.

توجد علاقة بين نتائج الحرب العالمية الأولى وتغيير مسار مستقبل فلسطين. لأن بنتائج الحرب العالمية الأولى تم وضع فلسطين تحت الانتداب البريطاني وفقاً لمؤتمر سان ريمو 1920 التي أصدرته عصبة الأمم. وبكده عصبة الأمم تكون تخلت عن مبادئها. يعني هتتخلى عن مبادئها في إيه؟ في إقامة وطن أو في إعطاء استقلال العديد من البلاد أو استقلال البلاد وحق تقرير المصير. وبكده عصبة الأمم بتقول يا جماعة إحنا معمولين لخدمة الدول الكبرى ما توجعوش دماغي. يوجد ارتباط بين موقف المجتمع الدولي نهاية العقد الثاني من القرن العشرين. يوجد ارتباط بين موقف المجتمع الدولي في نهاية العقد الثاني من القرن العشرين 1918، 1919 وتحقيق طموحات اليهود. حيث أقرت عصبة الأمم الانتداب. كلمة الانتداب في اللغة نوع من أنواع الاحتلال بوضع الدول المنهزمة تحت رعاية الدول المنتصرة. فتم وضع ممتلكات الدولة العثمانية تحت رعاية إنجلترا وتحت رعاية فرنسا. وبذلك صارت في طريق إبادة عرب فلسطين وتهويدها من أجل تنفيذ وعودها أثناء الحرب العالمية اللي إحنا بنسميه وعد بلفور لإقامة وطن قومي لليهود.

استفاد اليهود من نتائج الانطلاقة الاقتصادية الأوروبية الحديثة في إحداث تغيير ديموغرافي لفلسطين بمعنى التغيير الديموغرافي حيث شجعت إنجلترا اليهود على الهجرة إلى فلسطين وامتلاك الأراضي وإلحاق اليهود بالشباب، إلحاق الشباب اليهودي بالأعمال الزراعية. وبكده إن تم تغيير التركيب الديموغرافي للسكان. العمل على تهويد فلسطين حيث كانت رؤوس الأموال الصهيونية مستعدة لتغطية أي بائع فلسطيني تحت ضغط عن طريق سياسة الانتداب. لأن إنجلترا سمحت بانتقال الأراضي وزودت أعباء ضريبية بالنسبة للفلسطينيين بشكل كبير. ترتب على تطبيق نصوص الكتاب الأبيض بداية العقد الثالث. طالما قال لي بداية العقد الثالث يبقى يقصد الكتاب الأبيض الأول. ولما بيجي في الامتحان ما بيقولكش أول وتاني وتالت لا بيقول لك ترتب على تطبيق نصوص الكتاب الأبيض الأول خلاص في بداية العقد الثالث 1922. حدوث تغيير ديموغرافي لأن الكتاب الأبيض شجع الهجرة اليهودية إلى فلسطين مما أدى لزيادة الأعداد بشكل كبير في فلسطين مما أدى إلى فتح باب الهجرة وزيادة الأعداد اليهودية قصاد الأعداد العربية وتنفيذاً لوعد بلفور. لأن قال لهم إحنا هنعمل لكم وطن قومي دون النظر لأي طائفة. فإحنا اعتبرنا الطائفة المال اللي هي مين؟ العرب. فاغفل حق العرب في وجودهم في فلسطين.

افتقدت قرارات بريطانيا في الكتاب الأبيض الثاني اللي يقصد بها 1930 اللي تم إصداره بسبب حوادث البراق أو حوادث مكة. استخدمت إنجلترا الانحياز لصالح اليهود بشكل كبير ضد العرب. فبإبادة عدد من العرب إلى الحسم. طبعاً افتقد قرارات الكتاب الأبيض ده بنسميه نقد للكتاب الأبيض الثاني. فافتقد إلى الحسم حيث أثار قضايا ولم يضع حلاً لها. بمعنى إن هو قال إحنا هنمنع الهجرة دون وضع آليات للتنفيذ. وقالوا إحنا هنمنع انتقال الأراضي دون وضع آليات للتنفيذ. إذا الكتاب الأبيض ده ماله؟ قال لي يفتقد يفتقد إلى الحسم. شبه الكتاب الأبيض الثالث برضه كان يفتقد إلى الحسم. تشابه موقف الكتاب الأبيض الثاني والثالث. ناس كتير بتتلخبط في الكتب البيضاء الثاني 30، الثالث 39. من حيث موقفهم من سياسة الهجرة اليهودية. الاثنين شبه بعض حيث وضعوا خطوطاً لمنع الهجرة ولكن لم يضعوا حداً لمنعها. ففرضوا قيوداً على الهجرة اليهودية ولكن دون وجود آليات التنفيذ. فده إحنا بنسميه افتقدوا الاثنين إلى الحسم.

توجد علاقة بين التغيرات السياسية في ألمانيا اللي هي تغيرات سياسة النازية وصعود هتلر اللي اضطهد اليهود وأحرقهم فيما يسمى بالهولوكوست. الهولوكوست اللي هي المحرقة. كان بيولع فيهم مما أدى إلى إثارة مشاعر الكراهية ضد ألمانيا. كانوا اليهود بيحبوا يقعدوا في ألمانيا. فبيقول لي توجد علاقة بين التغيرات السياسية في ألمانيا وصول ول الحزب النازي هتلر خلال العقد الرابع من القرن العشرين. هتلر ونظام النازي وتطور الأحداث السياسية في فلسطين. حيث كانت فلسطين بص بقى الربط. التغيرات اللي حصلت في ألمانيا أدت لحدوث تغيرات سياسية في فلسطين. حيث كانت فلسطين المكان المفضل. فتم فتح أبواب الهجرة إلى اليهود الألمان بناءً على السياسة الإنجليزية. حيث أكد المجالس التشريعية والبرلمان الإنجليزي بأن فلسطين ستكون يهودية. وقامت الوكالات اليهودية بنقل أعداداً ليست بالقليلة إلى فلسطين مما أدى إلى إن هنغير في التركيب السكاني الديموغرافي في فلسطين. فالقئ عرب فلسطين فقرروا تشكيل اللجنة العربية العليا للمطالبة بـ: أول حاجة منع انتقال الأراضي، منع الهجرة، إصدار قانون الأفدنة الخمسة، إنشاء مجلس تشريعي. ورقم رقم خمسة إن بيقول لك عايزين نعمل بطاقات شخصية. كل المطالب دي اترفضت مما أدى إلى قيام الثورة العربية. فبيقول لي تسبب موقف السلطة التشريعية البريطانية اللي هو البرلمان الإنجليزي إلى تدفق اليهود إلى فلسطين خاصة بعد هتلر والكلام ده إحنا لسه قايلينه بشكل كبير. فمش هنقعد نعيد فيه.

توجد علاقة بين بعض الزعامات العربية وظروف إصدار أول مشروع لتقسيم فلسطين. مين؟ الزعامات العربية السعودية والأردن والعراق. لأن أثناء ثورة العرب لما اشتعلت ثورة العرب في 36. الثورة العربية بقيادة الشيخ أمين الحسيني مفتي القدس الذي أفتى بقيام ثورة ضد إنجلترا. اشتعلت الثورة. إنجلترا مش عارفة تهدي الموقف عشان داخلة الحرب العالمية الثانية في نفس فترة التوتر في 36. فتقوم إنجلترا تقول لبعض البلاد العربية وتطلب وسطتهم. فتدخلوا البلاد العربية لحل الموقف كنوع من أنواع القومية. فتدخلت السعودية والأردن والعراق للتباحث مع لجنة بيل الإنجليزية التي أصدرت قرار بالتقسيم. وإحنا بنقول لجنة بيل تتشابه مع لجنة ميلنر. حيث إنها لجان لم تعطي استقلالاً كاملاً وإنما لتهدئة المواقف بعد قيام ثورات. فهنا دخلت الأردن والسعودية والعراق ينصحوا الثوار 36 بالتوقف عن ثورتهم والتباحث مع لجنة بيل الذي أصدر قرار بتقسيم فلسطين لدولتين. دولة عربية ودولة يهودية. الأفضل لليهود والأراضي الكويسة لليهود والأراضي الزراعية لليهود. وإن ما خصص لليهود كان أفضل مما خصص للعرب. فرفضوا قرار التقسيم الأول واشتعلت الثورة مرة أخرى استمراراً بدخول عام 1937، 38، 39 حتى أخمدت إنجلترا الثورة بالشدة والعنف.

تشابهت السياسة البريطانية تجاه التعامل مع أحداث ثورتي 19 في مصر وثورة عرب فلسطين من حيث استخدام العنف ضد المتظاهرين ثم التهدئة ثم إرسال لجان دولية. تشابهت لجنة ميلنر وبيل في عدم الحصول على نتائج مرضية لحكومتهم بعد التباحث. حيث قاطع الشعب المصري لجنة ميلنر. طبعاً ده إحنا شرحناه في الرابع وقاموا بمظاهرات عنيفة. وعاد عرب فلسطين للثورة المسلحة بعد لجنة بيل لرفضهم مشروع التقسيم. لأن ما خصص لليهود كان أفضل مما خصص للعرب. وإن إحنا رافضين اقتطاع أي جزء من أراضينا. مما أدى لاشتعال الثورة مرة أخرى. فإنجلترا حبت تهدي الموقف فعملت مؤتمر المائدة المستديرة. ففشل. فعملت الكتاب الأبيض الثالث وفشل. وهكذا. وده يعني فشل إنجلترا الذريع.

ارتبط الدعم الأمريكي لليهود. تبدأ بقى تظهر أمريكا وتتحول لدولة من الدرجة الأولى منذ أربعينيات القرن العشرين ورغبة الإدارة الأمريكية في تحقيق مكاسب سياسية وعسكرية واقتصادية. حيث صعدت الصهيونية الولايات المتحدة في تحطيم ألمانيا النازية. يبقى رقم واحد مكسب سياسي اللي هو الوقوف ضد الدول المعادية لها. الأموال الباهظة التي ينفقها اليهود في انتخابات الرئاسة على هاري ترومان اللي حضر طبعاً ده كان رئيس الحزب الديمقراطي اللي حضر في مؤتمر بالتيمور وأكد بأن فلسطين ستكون يهودية. إذا دلوقتي اليهود استخدموا المال للتدخل في الأحوال السياسية الأمريكية. ومن اللحظة دي بيتحكم اليهود في متخذ القرار داخل الولايات المتحدة الأمريكية. ودعم مصالحها في الشرق. فلذلك التقت المصالح الأمريكية مع المصالح الصهيونية بعد مؤتمر بالتيمور. وبدأت أمريكا تلجأ لليهود. لأن اليهود هم اللي مستخدمين الأموال لتحقيق أو للسيطرة على أكبر منصب سياسي في أمريكا وهو رئيس الجمهورية. بيقول لي أكدت قرارات أول مؤتمر أمريكي يهودي. قرارات مؤتمر بالتيمور اللي جا كله لصالح الصهيونية. لأن ما حضروش أصلاً غير الصهيونية. فاقتصر على ممثلي الصهيونية خلال العقد الخامس في الأربعينيات من القرن العشرين. قرارات مؤتمر بالتيمور بص بقى في العقد الخامس في الأربعينيات. تلعب اللعبة دي يقول لك العقد الخامس تروح مزود على الرقم ده واحد. على التقاء المصالح الأمريكية الصهيونية. حيث جاءت قراراته لصالح الصهيونية لتحقيق قومية سياسية. إقامة وطن قومي لليهود وإنشاء دولة يهودية حق لها الالتحاق بهيئة الأمم المتحدة. حيث قرروا إنشاء قوة عسكرية تحارب تحت علمها. وطموحات عسكرية حيث تشكيل قوة عسكرية يهودية تحارب تحت علمها. حتى إذا ما قامت الأمم المتحدة واعترفوا يعترفوا بقيام دولة. دولة إسرائيل. غير بعد كده قالوا لهم يلا يا رجالة إحنا هندي اليهود حقوقاً إدارية داخل فلسطين مما أدى إلى تغلغل اليهود داخل فلسطين.

يوجد ارتباط بين نظرة اليهود للدور القيادي لإنجلترا بعد الحرب العالمية. تتحول إنجلترا لدولة من الدرجة الثانية وتتحول أمريكا لدولة من الدرجة الأولى. حيث إن إنجلترا منعت هجرة عدد كبير من اليهود بزعم اليهود بأن ألمانيا ما زالت بتضطهدهم وأن في كره مش قادرين يعيشوا في ألمانيا بعد ما هتلر ولع فيهم. فبالطريقة دي إنجلترا حبوا يفتحوا أبواب الهجرة. فانجلترا اعترضت فلجوا إلى أمريكا. فضغطت أمريكا على إنجلترا. فاليهود استخدموا المنظمات الصهيونية لاستخدام العنف. وقد انتهى وبدأ الضغط على إنجلترا. فقاموا باغتيال وزير التموين الإنجليزي لورد مويل بنوع من أنواع العنف. وهنا يتشابه الدور اليهودي مع منظمة الجيش السري مع الإخوان مع جمعية الانتقام في استخدام العنف كوسيلة. نسف فندق الملك داود في القدس. وده يعني تحرج موقف إنجلترا داخل القضية اليهودية أو داخل القضية الفلسطينية. يا سلام عليها يا سلام. ترتب على فشل آخر مؤتمر دعت إليه إنجلترا. والله العظيم اسمه مؤتمر لندن. ده مؤتمر في 46. في فرق بين مؤتمر لندن ومعاهدة لندن. الفرق بينهم 100 سنة. فتركز قوي. فمؤتمر لندن يدل على فشل إنجلترا السياسي وفشل إنجلترا في حل القضية ويأس إنجلترا في حل القضية إلى ظهور دور المجتمع الدولي تجاه القضية الفلسطينية. حيث أدى المؤتمر إلى عرض القضية على الأمم المتحدة التي تحيزت إلى واصدرت القرار الثاني للتقسيم. وبالطريقة دي أدت لليهود حق كبير لمنافذ بحرية على البحر الأحمر والبحر المتوسط. بس القرار افتقد لتجانس الوضع داخل فلسطين. بمعنى إن الأراضي كلها العربية والأراضي الصهيونية زي ما إحنا قليلك في فيديو الشرح مش متقاربين. حيث أدى فشل مؤتمر لندن إلى إعلان بريطانيا رفع أيديها عن المشكلة الفلسطينية ووضعها في يد الأمم المتحدة مما أدى إلى تدويل القضية الفلسطينية. ودولة إنجلترا امتنعت عن التصويت.

بيقول لي ترتب على رفع القضية الفلسطينية إلى الجمعية العامة للأمم المتحدة. فأصدرت قرار تقسيم ثاني بعد 10 سنين من قرار التقسيم الأول. تقسيم فلسطين بين العرب واليهود. وكل التطورات كان لصالح اليهود. معاهم القوة العسكرية المدربة اللي كانوا بيحاربوا بيها في الحرب العالمية. إنجلترا امتنعت عن التصويت. القوة العربية قوة بدائية. الدول العربية كلها بتعاني تاني من الاستعمار وبعض الدول بتعاني من إن هي لسه طالعة من تحت الاستعمار. فعلى طول ارتكب اليهود ضد العرب أعمالاً إجرامية متمثلة في مذبحة دير ياسين التي راح ضحيتها العديد من العرب. ومن اليهود. امتنعت إنجلترا عن التصويت على قرار الأمم المتحدة وانسحبت إنجلترا في 14 مايو عام 1948. وتم إعلان قيام الدولة اليهودية في 15 مايو 1948 بتاييد من كلا من روسيا والولايات المتحدة الأمريكية. فاول دولتين أيدوا قيام الدولة الصهيونية كانت روسيا وكانت أمريكا. إنما أول من تبنت قضية اليهود منذ البداية كانت إنجلترا وكانت فرنسا. فاض لك درس يا وحش. اصحى معايا. إن شاء الله نخلص معاك السابع. يلا على الدرس اللي بعده.

تعالى بقى يا وحش على آخر درس في الفصل السابع وأهم درس. الحروب العربية. خد بالك أنت بتتكلم على حرب 48، حرب 56، حرب 67، حرب 73. وما بينهم في حرب الاستنزاف وبعد كده تدخل بس على حاجة كده بسيطة تغير النزاع العربي الإسرائيلي بالطرق السلمية. فانت تركز معايا قوي في الكلام اللي هنقوله ده. لأن إحنا هنلم لك الدنيا كده سريعا. بيقول لي ساعدت المتغيرات الدولية على جعل الموقف اليهودي أفضل بكتير. إيه المتغيرات اليهودية؟ قال لي ساعدت المتغيرات الدولية على جعل اليهود إن هم الموقف اليهودي أفضل بكتير من موقف العربي بعد صدور قرار التقسيم. فقد اعترف كلا من الولايات المتحدة والاتحاد السوفيتي وغيرها من معظم دول العالم بقيام دولة إسرائيل. الكلام اللي إحنا لسه قايلينه. المتغيرات الدولية اللي هي انتصار انتصار دول دول الوفاق في الحرب أو بنسميها دول الحلفاء انتصروا في الحرب العالمية. فبدأ بالطريقة دي كل المتغيرات تبقى لصالح اليهود. غير إن هم ساعدوا وسندوا وأيدوا قيام الدولة اليهودية وأيدوا العديد من الإجراءات اللي اتخذها اليهود داخل فلسطين. ده بنسميهم أول دولتين أيدوا قيام الدولة اليهودية.

توجد علاقة بين نتائج تطبيق قرارات مؤتمر بالتيمور. قرارات مؤتمر بالتيمور اللي قالت والتفوق العسكري لصالح القوات الصهيونية قبل اشتعال حرب فلسطين وخلالها. حيث نص مؤتمر بالتيمور على تشكيل قوة عسكرية زي ما إحنا لسه قايلين تحارب تحت علامتها الخاص حتى يتم قيام دولة إسرائيل. توجد علاقة بين نتائج تطبيق قرارات مؤتمر بالتيمور والتفوق العسكري. ده إحنا لسه قايلينه. أظهرت محنة فلسطين مدى التفكك السياسي. يقصد إيه بالمحنة؟ حرب 48. مدى التفكك السياسي في الجبهة العربية أثناء حرب 48. حيث دخلت البلاد العربية الحرب دون ترتيب أو تدريب أو قيادة غير متحدة. وحدة الفكر معاهم. أسلحة فاسدة. فدخلوا الحرب فانتهت في النهاية بهزيمة البلاد العربية. واضطرت البلاد العربية المواجهة مصر والأردن وسوريا ولبنان اللي هي الدول الحدودية بالنسبة للكيان الصهيوني بالنسبة لإسرائيل على توقيع اتفاقية جديدة اسمها اتفاقية رودس. بنسميها سياسة الأمر الواقع. فرض سياسة الأمر الواقع بحيث هيبدأوا يحددوا حدود دولة إسرائيل. طبعاً الاتفاقية ما وقعتش عليها العراق عشان كانت العراق بعيدة شوية عن حدودها. فمصر والأردن وسوريا ولبنان اللي وقعها الاتفاقية بيسميها اتفاقية انسحاب من الأراضي الفلسطينية لصالح اليهود.

يوجد ارتباط بين اشتراك إسرائيل في العدوان الثلاثي. يا إسرائيل أنت دولة بنت إمبارح إيه اللي خلاكي تشتركي في العدوان الثلاثي؟ قالت لي أنا عايزة أحقق هدفي. قلت لها برضه يا إسرائيل أنت عايزة تحققي هدفك في إيه؟ القضاء على قوة مصر. حيث إن ثورة 52 عملت صفقة الأسلحة الشرقية من الاتحاد السوفيتي سنة 55. فانا خايفة على نفسي. ما أخافش يعني؟ قلت لها يا إسرائيل أنت مزروعة جوه البلاد العربية. أنت مش خايفة من البلاد العربية؟ قالت لي لا. أنا مطمئنة لأن بعض البلاد العربية بعيدة عن حدودي وبلاد أخرى تحت سيطرتي وبلاد عربية أخرى تحت نفوذ دول موالية. فاطمنت إسرائيل ودخلت العدوان الثلاثي خلال العقد السادس 1956 في القرن العشرين. وده بسميه التقاء المصالح الصهيونية مع المصالح الاستعمارية. واطمأن اليهود لبعض الدول العربية اللي بعيدة عن حدودها وكانت مطمنة من رد فعل العرب إن هيكون سلبي.

ترتب على استعادة مصر كامل سيادتها على أحد مصادر دخلها الاقتصادي. يقصد قناة السويس. لمشاركة إنجلترا في العدوان الثلاثي وكذلك فرنسا وحكومة الثورة لقناة السويس في يوليو 66 لتعرضها لمؤامرة ثلاثية خلال العقد السادس. وده سبب اشتراك إنجلترا في العدوان الثلاثي. غير كمان بيقول لي توجد علاقة بين سياسة مصر الخارجية تجاه مساندة البلاد العربية. يقصد الجزائر في مشاركة فرنسا في العدوان الثلاثي على مصر في ظل الجمهورية الرابعة اللي هي جمهورية جيولي لو أنت نسيته. فقد كانت مساندة مصر لثورة الجزائر أحد أهم أسباب العدوان الثلاثي من حيث اشتراك فرنسا في العدوان. كان موقف المجتمع الدولي خلال بداية النصف الثاني من القرن العشرين مهم في فشل الدول المعتدية. لذلك أنا قلت لك أول حاجة بسأل الجيش والشعب. ثاني حاجة موقف البلاد العربية. ثالث حاجة إعلان روسيا التدخل بالقوة. رابع حاجة رفض الولايات المتحدة مبدأ القوة. خامس حاجة عرض القضية على الأمم المتحدة. سادس حاجة ثورة المتعطلين. كل دول بنسميهم أسباب فشل العدوان الثلاثي على مصر. بس بشرط. إسرائيل حققت مكسب اقتصادي بعد فشل العدوان الثلاثي. سمحوا لإسرائيل إن هي تعدي في خليج العقبة واطمأنت شوية من مصر. فتم وضع قوات طوارئ دولية على الحدود بين مصر وإسرائيل من سنة 57. وكمان لو إحنا حبينا نكمل إن العدوان الثلاثي سبب فشل العدوان الثلاثي. الخطط العسكرية الممنهجة للجيش المصري. حيث ضيع على كلا من إنجلترا وفرنسا وإسرائيل الفرصة من إن هم يسيطروا على الجيش المصري ويدمروا الجيش المصري بحيث كانوا عايزين تطويق الجيش المصري داخل سيناء. استفادت إسرائيل اقتصادياً رغم فشل العدوان بأن هي من حقها المرور في خليج العقبة. حيث تمكنت إسرائيل من الملاحة أو الإبحار في خليج العقبة بعد أن توقفت في فترة العدوان.

أظهرت نتائج ثالث حرب بين العرب واليهود اللي هي حرب 67. أول حرب 48، ثاني حرب 56، ثالث حرب 67، رابع حرب 73. 01 اتصل كده يمكن حد يرد عليك أو 0100 دي بنسميها الكود بتاع الحروب العربية. خلاص فهنا بيقول لي ثالث حرب الحرب عندي حرب 67. مدى تناقض الموقف الأمريكي تجاه القضية العربية. بمعنى إن أمريكا وروسيا في الحرب الثانية في حرب 56 كانوا رافضين خروج إسرائيل لأول مرة خارج أراضيها. أما بالنسبة لهنا فالولايات المتحدة الأمريكية تدعم اليهود وتقول لهم روحوا اضربوا مصر. طب ليه؟ قال لك لأن أمريكا عايزة تطوق أفكار الاتحاد السوفيتي الأفكار الشيوعية وعايزة تستغل غل البترول. وإسرائيل عايزة تحقق مقولة من النيل إلى الفرات. خلال العقدين السادس والسابع من القرن العشرين. حيث رفضت 56 وقبلت 67. وده بنسميه تناقض. يوجد ارتباط بين حاجة الدول الاستعمارية لمصادر الطاقة البترول. البترول يا جماعة الذهب الأسود. خاصة الولايات المتحدة الأمريكية بنسميها أسباب اقتصادية لدعم الولايات المتحدة الأمريكية فيما يسمى بالعدوان. عدوان 67 خلال حقبة الستينيات ودعمها كانت سبباً في عدوان 67. يوجد ارتباط بين تنفيذ مصر لميثاق الضمان الجماعي اللي هي اتفاقية الدفاع المشترك بين مصر وبين سوريا. اتفاقية الدفاع المشترك وقعتها مصر وسوريا سنة 61 وفضلت مستمرة لحد سنة 67. فاستدرجت إسرائيل لمصر في حرب لم تكن مستعدة لها اسمها حرب 67. حيث قامت إسرائيل بحشد قوتها على الحدود وعلى الحدود السورية وهددت أمن سوريا. فاعلنت مصر وقوفها بجوار سوريا. فقفلت خليج العقبة عشان تعمل ضغط اقتصادي على إسرائيل وطلبت من قوات الطوارئ الدولية التراجع عن بعض النقاط. مما أدى في النهاية إلى إعلان إسرائيل إنها لن تكون هي البادية بإطلاق النار. مصر كمان أعلنت على طول. استخدمت إسرائيل عنصر المفاجأة وضربت الطيارات المصرية في يوم 5 يوليو جميعاً وهي موجودة على الأرض. وبالطريقة دي إسرائيل هددت سوريا وهددت مصر واحتلت مناطق أكتر من مكان اللي محتلاه قبل كده. فاحتلت سيناء كلها وغزة كلها واحتلت فلسطين كلها واحتلت الجولان وبعض أجزاء من الأردن الضفة الغربية.

ترتب على التفوق العسكري الجوي والبري للكيان الصهيوني انتصارها في عدوان 67. حيث قامت بقذف سلاح الطيران المصري وزيادة مساحة الأراضي اليهودية خلال العقد السابع. حيث سيطرت زي ما أنا قلت لك في مصر وسيطرت على الأردن وعلى الجولان في سوريا وسيطرت على فلسطين كلها. فخدت من مصر سيناء وغزة وخدت من الأردن الضفة الغربية لنهر الأردن. وبالطريقة دي خدت أماكن أكتر مما خصص لها في قرار التقسيم الثاني. فقد أغرت القوات الجوية اليهودية وصلت زحفها حتى وصلت إلى الضفة الشرقية لقناة السويس. مما أدى إلى احتلال فلسطين كلها زي ما إحنا قلنا ومصر سيناء كلها. طبعاً أنت بتقول إحنا بنعمل كل ده ليه؟ أول حاجة العلم ده لله سبحانه وتعالى. ثاني حاجة أنا واقف على رجليا تقريباً سبع ساعات عشان نقدم لك حاجة كويسة لعل ولي أمر يدعي لنا دعوة. رابع حاجة أو ثالث حاجة إن إحنا بنحاول نلخص لك التاريخ لأن أنت تعبان طول 10 شهور. فنرجو إن أنت ما تزهقش ونرجو إن أنت ما تكررش الفيديو. أنا حاولت إن أنا ألم لك النقط المهمة اللي موجودة معاك. مش عايز منك أكتر من دعوة وأكتر من استفادة لكل الطلاب اللي موجودين على مستوى جمهورية مصر العربية. تعالى بس نكمل. بيقول لي بعد كده أكد موقف اليهود من قرار المجتمع الدولي بعد عدوان 67. إيه القرار الدولي؟ قرار رقم 242 لسنة 67 اللي بيقول انسحاب إسرائيل من أراض عربية يعني من بعض الأراضي وليس كل الأراضي. وكده افتقد للحسم. رقم اثنين عودة الملاحة في خليج العقبة لإسرائيل. رقم ثلاثة إنهاء الحروب. احترام سيادة الدول. إقامة مناطق منزوعة السلاح. تحقيق الحقوق المشروعة للشعب الفلسطيني. كل الكلام ده اتقال في قرار مجلس الأمن ولكن تعنتت إسرائيل ورفضت إسرائيل تنفيذه. مما أدى إلى إفشال كل الجهود الدولية لتحقيق الانسحاب بالطرق السلمية. فبدأت مصر تحط خطة لتجاوز نكسة 67. ويوجد ارتباط بين موقف إسرائيل يوجد ارتباط بين موقف إسرائيل من قرارات المجتمع الدولي ودخول مصر حرب الاستنزاف. وحرب الاستنزاف عبارة عن حرب متفرقة متقطعة لاستنزاف قوات العدو. الهدف من حرب الاستنزاف واحد صمود وتصدي بالنسبة لينا إحنا للعدو. رقم اثنين انتقال المعارك من الضفة الغربية عندنا للضفة الشرقية عنده. رقم ثلاثة تحول موقف العدو من الهجوم للدفاع. رقم أربعة إثبات كفاءة المقاتل العربي مرة أخرى. ونتيجة حرب الاستنزاف مات عبد المنعم رياض الله يرحمه. وطلبت الولايات المتحدة الأمريكية مبادرة عاجلة سميناها مبادرة روجرز لوقف إطلاق النار. حيث نقلت مصر المعركة من خلالها من ناحيتنا إلى ناحيتهم. بيقول لي تعلمت كلا من مصر وسوريا.

تعلمت كلا من مصر وسوريا أسباب الهزيمة في حرب 48، حيث كانت الجيوش العربية غير متحدة الفكر أو الخطة خلال مواجهتها للكيان الصهيوني في آخر مظاهر الصراع العربي الصهيوني. وذلك من خلال عمل تنظيم محكم بين مصر والقوات السورية تحت قيادة موحدة على يد المشير أحمد إسماعيل، الذي بدأ يوحد الجبهة المصرية والجبهة السورية ما بين الطرفين.

تعلمت كلا من مصر وسوريا أسباب الهزيمة دي، إحنا لسه قايلينها. يوجد ارتباط بين الفكر العسكري المتطور للقيادة العسكريين المصريين واختيار الزمن المناسب كشكول الجامص محمد عبد الغني الجمسي لبدء حرب أكتوبر لتحقيق عنصر المفاجأة. فقد قامت هيئة العمليات القوات المسلحة بدراسة أنسب التوقيتات الهجومية لإحكام عنصر المفاجأة الاستراتيجية.

وترتب على المفاجأة التكتيكية التي أعدتها مصر خلال حرب 73 افتقاد الكيان الصهيوني أهم مميزات ذاته، وهو ثقته أو ثقة الكيان في أهم جهاز مخابرات، اللي هو الموساد الإسرائيلي، اللي بيعرف دبة النملة وكان بيتجسس على الناس جوه بيوتها. فانت طالما أنت جهاز قوي كده ما قدرتش تعرف ليه ميعاد حرب 73.

وقد أفقدت القوات الإسرائيلية توازنها على جبهتي سوريا والجولان، لأننا ضربنا ضربة مزدوجة، ضربة في الركبة وضربة في الكتف. فعلى طول أدى لانسحاب قواتهم وأدى إلى تحقيق عنصر المفاجأة وإحداث خلل لدرجة أن جولدا مائير طلعت تتكلم وموشيه ديان ما كانش قادر يسيطر على الصدمة. مشى ديان على فكرة كان وزير الدفاع الإسرائيلي وجولدا مائير كانت رئيسة وزراء إسرائيل. يلا الله يلعنهم جميعًا.

توجد علاقة بين النتائج التي أحرزتها شبكة الدفاع الجوي لمصر بقيادة سلاح الطيران على يد أول دور ضربة جوية حسني مبارك. كإحنا عندنا شبكة دفاع جوي عكس سلاح الطيران الدفاع الجوي اللي هي أنظمة الدفاع. أنا نصبت هنا شوية مدافع عشان أصطاد طيارات العدو. فهم عندهم طيران اللي كانوا بيحققوا بيه عنصر المفاجأة ويحقق مبدأ السيادة. فالطيران بتاعهم ما قدرش يقف قدام أنظمة الدفاع الجوي المصري. وتغير بعض الدول استراتيجيتهم لأنظمتهم العسكرية الغربية. أما إحنا بقى الحمد لله سلاح الطيران بتاعنا وقف بشكل كبير قدام أنظمتهم العسكرية، وخاصة سلاح الدفاع الجوي اللي موجود عندهم.

أثبتت الأحداث أثناء حرب 73 ضرورة وجود احتياطي كافٍ من الأسلحة وأهمية مبدأ الحشد اللي كان بيطبقه الحاج محمد علي وحول تطبيق جمال عبد الناصر. فلا أن الدولة القوية التي تستطيع مواصلة القتال هي الدولة التي تمتلك سلاحها والمعدات القتالية حتى تكون سببًا في الهزيمة. لذلك مصر لن تستطيع مواصلة القتال أكثر من 18 يومًا لأن تم إصدار قرار بوقف إطلاق النار في 24 أكتوبر ومصر قالت يا جماعة ماشي ما فيش مشكلة وفقًا لقرار رقم 338 لسنة 33. واعتذرت. حدث عندما اعتذرت ورفضت بعض الدول طلب الولايات المتحدة بإقامة جسر جوي لنقل الإمدادات. وبالطريقة دي حصلت أن حرب 73 أثرت في العلاقات الدولية بين حلف شمال الأطلسي، حلف الناتو، وبين الولايات المتحدة الأمريكية لما طلبت أمريكا مساعدات عاجلة لن تستطيع نقلها إلا عن طريق دول غرب أوروبا.

يوجد ارتباط بين نجاح الدبلوماسية المصرية وتدني العلاقات الخارجية لإسرائيل في القارة الأفريقية، حيث أن مصر سيطرت على القارة الأفريقية. فعندي العديد من الدول، ثمان دول أفريقية قطعت علاقتها بإسرائيل سنة 67 وباقي الدول الأفريقية قطعت علاقتها بإسرائيل لسنة 73. وده كله استخدام سياسة التضييق الخناق على إسرائيل واستخدام سياسة قطع العلاقات الدبلوماسية والاقتصادية لفرض عزلة اقتصادية وعزلة سياسية على إسرائيل وبالتالي نوع من أنواع الضغط على إسرائيل لقبول السلام في المنطقة.

يوجد ارتباط بين تغيير فكر القيادة المصرية محمد أنور السادات رئيس الحرب تجاه الصراع. طبعًا محمد أنور السادات كان الرئيس رقم كام؟ قال لي الرئيس الرابع ولا الرئيس الخامس؟ تعال نعد: محمد نجيب، جمال عبد الناصر، السادات الرئيس الثالث. تجاه الصراع مع إسرائيل وبداية مرحلة جديدة في منطقة الشرق الأوسط، حيث رأى السادات أن الحل السلمي هو الأفضل لحل المشكلة العربية.

ترتب على الدور الأمريكي الإيجابي عقد مؤتمر القمة في كامب ديفيد. بص السادات عمل مبادرة في 77 والمبادرة دي مهدت الطريق لعقد مؤتمر كامب ديفيد سنة 1978 ما بين الرئيس الأمريكي جيمي كارتر وما بين الرئيس السادات وما بين مناحم بيجن. وقالوا كده في تطور المباحثات: عايزين انسحاب إسرائيل الكامل من سيناء، تحقيق الحقوق المشروعة للشعب الفلسطيني، تطبيع العلاقات مع إسرائيل. وترتب على هذا الكلام عقد معاهدة السلام بين مصر وإسرائيل في 79 وتحول الصراع المصري الإسرائيلي أو الصراع العربي الإسرائيلي إلى الطرق السلمية.

استفادت مصر استعادة مصر كامل أراضيها أواخر العقد التاسع من القرن العشرين وتنفيذ قرارات المجتمع الدولي، حيث تم إنهاء الخلافات الحدودية حول منطقة طابا سنة 1989. عادت سيناء كاملة لينا مصر اليوم في عيد باستعادة مصر السيطرة الكاملة على كامل أراضيها بطابا. أما بالنسبة لانسحاب إسرائيل الكامل من سيناء في ما عدا طابا كان سنة 82. واللي رفع العلم على طابا ورفع العلم على سيناء الرئيس الرابع حسني مبارك. فحظي حسني مبارك بثمار السلام الذي بدأه السادات. وفي 79 طبعًا تم التحكيم وفي 89 عادت سيناء كاملة لينا.

ترتب على جهود القيادة السياسية لمصر خلال الربع الأخير من القرن العشرين حدوث ترتيبات سياسية بين الفلسطينيين واليهود في بعض العواصم. طبعًا القيادة السياسية القيادة الرابعة اللي هو حسني مبارك في عدة عواصم في مدريد بإسبانيا وبعد كده في واشنطن واتنقلت لأسلو لتحقيق الحقوق المشروعة للشعب الفلسطيني. حيث تم الاعتراف بقيام دولة فلسطينية في قطاع غزة وأريحا والضفة الغربية وفقًا لمؤتمر أوسلو بين منظمة التحرير الفلسطينية وبين إسرائيل. وبالطريقة دي نكون وصلنا لآخر جزء معايا في السابع. ما تستعجلش يا بطل وانت بتذاكر. ركز في السابع على نتائج حرب 73، على الدروس المستفادة من حرب 73، على خطة مصر في حرب 67.

بكدة ما فاضلش قدامي غير ثورتي 25 يناير و 30 يونيو. آخر بق موجود معاك في كوباية الشاي أو في القهوة. آخر جزء معاك في الورقة. اكتب ورايا ثورة 25 يناير و 30 يونيو. وتيجي على طول في الفصل الثامن. مديك هدية درجتين وتقارن لي ما بين أسباب ثورة 25 يناير وأسباب ثورة 30 يونيو في حتة الحزب الحاكم ودور الجيش في مساندة 25 يناير ودور الجيش في مساندة 30 يونيو.

ثورة 25 يناير و 30 يونيو. أنا عايزك تعرف فيها معلومات صغيرة قوي. إن ثورة 25 يناير تعتبر أول ثورة، أول ثورة قامت في العقد أو في القرن الـ 21 لأنها قامت 2011. وده بنسميها الأحداث المهمة اللي قامت في 21 في 21 قام في القرن الـ 21. يعني حصل عندي ثلاث أحداث مهمة اللي وردوا عندي في المنهج وهو في 2019 تراست مصر القمة الأفريقية، في 2011 قامت ثورة ثورة 25 يناير، في 2013 قامت ثورة 30 يونيو. فلو أنا قلت من أهم الأحداث رقم 2 ثورة 25 يناير عايزك تقول لي إن هي تختلف عن باقي الثورات حيث تم استخدام التكنولوجيا الحديثة.

ثورة 25 يناير لم تكن وليدة ذلك التاريخ، وإنما اتولدت من 2004 نتيجة المعارضة ضد النظام السياسي اللي كان موجود. فطلعت بعض الجامعات السرية ضد نظام حكم مبارك اللي هو يعتبر الرئيس الرابع من وجهة نظر الحكم عندنا. فنقول حسني مبارك بدأ يحكم مصر 30 سنة فبدأت تخرج ضده المعارضة ويعملوا ضده ثورة 25 يناير. فبيقول لي أدى تجاهل القيادة السياسية المصرية في العقد الأول من القرن العشرين يعني ابتداءً من أول 2000 لحد 2011 لحقوق المواطن المصري السياسية إلى قيام التنظيمات المعارضة اللي بدأت من 2004 لنظام أنذاك للتخلص من سيطرة الحزب الوطني على الحكم.

كلمة الحزب الوطني اتكررت ثلاث مرات: حزب مصطفى كامل وحزب حسني مبارك وجمعية الحزب الوطني. مصطفى كامل نشأت 1907 يعني في العقد الأول من القرن العشرين. يد مصطفى كامل للمطالبة بالجلاء والدستور. حسني مبارك ورث الحزب عن السادات. فحسني مبارك كان من أسباب قيام الثورة الحزب الحزب الوطني في 2011 يعني في القرن الـ 21 نتيجة أن الحزب تم تزوير انتخابات مجلس النواب لصالح الحزب الوطني ودان ي طبعًا 2010 ودوا أن يعني اختفاء المعارضة وعودة الحكم المطلق والتزاوج بين السلطة التنفيذية والسلطة التشريعية.

يوجد تناقض بين تصدر الحزب الوطني للمشهد السياسي عام 2010 والمبدأ السادس لثورة 52: إقامة حياة ديمقراطية سليمة. لأن الحزب الوطني هنا التزوير زي ما أنا لسه قايل لك أدى إلى تحقيق مبدأ عدم الفصل بين السلطات.

تشابهت الأحوال السياسية لمصر خلال العقد الثاني من القرن الـ 21 مع أحوال مصر السياسية عقب حريق القاهرة. انتشار حالة من الفوضى وتعدد الوزارات. فواحد يقول لي ليه قامت ثورة 25 يناير؟ أقول له: تزوير انتخابات 2010، رقم 2 استمرار العمل بقانون الطوارئ، رقم 3 سوء الحالة الاقتصادية، رقم 4 انتشار الخصخصة، رقم 5 مشروع توريث الحكم سنة 2005. يبقى هنا لما نيجي نتكلم على تشابهه الأحوال السياسية: انتشار الفوضى في فترة ما بعد حريق القاهرة شبه الفوضى اللي هي قامت ما بعد ثورة 25 يناير من حيث توالي عدد من الوزارات بشكل كبير حيث توالت التغيرات الوزارية السريعة في فترتين وتدني الأوضاع السياسية تعني خروج البلاد عن سيطرة النظام الحاكم.

يوجد ارتباط بين استمرار الإجراءات المقيدة للحريات اللي هو العمل بقانون الطوارئ اللي شبه الأحكام العرفية وثورة الشعب المصري بدايه العقد الثاني من القرن الـ 21. خد بالك بنتكلم أهو على القرن الـ 21. يقول لي تشابهت ثورة 25 يناير مع ثورة 19 من حيث العناصر المشاركة فهي ثورة شعبية شاملة يشارك فيها جميع فئات الشعب: مسلمين، مسيحيين، طلاب، مدارس، أفندية، كل الناس دي شاركوا فيها وتمثلت في جموع الشعب ثم انتشر المد الثوري ليشمل جميع أنحاء مصر. شبه ثورة ثورة القاهرة الأولى، شبه ثورة 19.

نتائج ثورة 25 يناير. حاول الرئيس حسني مبارك امتصاص غضب الشعب المصري فحاول يمتص غضب الشعب المصري بأن خرج واستعطف الشعب وألقى بيانًا على الشعب المصري لم يستعطف به الشعب المصري. فاضطر في النهاية إلى تعيين السيد عمر سليمان كأول أو كأول نائب للرئيس حسني مبارك. فإذاع السيد عمر سليمان كان رئيس المخابرات في الوقت ده إذاع بيان تنحي مبارك. قرر الرئيس محمد حسني مبارك تخليه عن منصب رئيس الجمهورية وتكليف المجلس الأعلى للقوات المسلحة إدارة شؤون البلاد. وبالطريقة دي بعد عزل حسني مبارك وشعور الشعب المصري بالارتياح وشعر الشعب المصري بأن هو حقق أهدافه تولى حكم الهيئات العسكرية. يعني تم تسليم السلطة لرئيس لرئيس الجيش وهو محمد حسين طنطاوي. وبالطريقة دي محمد حسين طنطاوي حل مجلس الشعب وحل مجلس النواب اللي كان موجود اللي هو طبعًا اللي بيحتوي على الحزب الوطني. قام بعمل انتخابات لمجلس الشعب ومجلس النواب. عمل انتخابات للرئاسة ففاز فيها رئيس حزب الحرية والعدالة محمد مرسي بنسبة ضئيلة جدًا على المنافس ليه أحمد شفيق.

وبكده نبدأ نتكلم على أسباب ثورة 30 يونيو. لما تولى محمد مرسي رئيس حزب الحرية والعدالة الحكم في مصر أدى فشل القيادات السياسية لحزب الحرية والعدالة إلى نزول الشعب المصري للميادين مرة أخرى مطالبين بحقوقهم الوطنية. يبقى هنا في تشابه بين ثورة 30 يونيو وما بين ثورة 25 يناير: هيمنة الحزب الحاكم على السلطة، سيطرة الحزب الحاكم على السلطة السلطة أن هو بيشتغل لحساب الحزب وليس لحساب الدولة. وفي النهاية أدى إلى سوء الأحوال الاقتصادية ما بين الفترتين وكمان ما قدمش أي حلول ممكنة لغالبية الشعب المصري.

تشابهت السياسة الحزبية في مصر قبل 25 يناير مع السياسة الحزبية لسيطرة الحزب الوطني على الحكم خلال فترة حكم مرسي مع السياسة الحزب الواحد حزب الحرية والعدالة، حيث سعى لتعيين عناصر حزب الحرية والعدالة في جميع أنحاء الدولة.

يتشابه نتائج تطبيق الإعلان الدستوري لمحمد مرسي للقيادة السياسية بدايه العقد الثاني من القرن الـ 21 دستور 2012 الذي عزز من صلاحيات الرئيس مرسي مع إصدار الحكومة المصرية لدستور جديد بدايه العقد الرابع من القرن العشرين كان بيعزز من صلاحيات الملك. وهنا برضه الدستور بيعزز من صلاحيات حياة الرئيس.

شكل رفض القيادات السياسية المصرية في 2013 التجاوب مع مطالب المعارضة خطورة محترمة لا لتعرض مصر لانزلاق إلى نفق مظلم من الصراع. فكان لابد من تدخل القوات المسلحة. تدخلت في ثورة 25 يناير كدرع واقٍ للوطن وتدخلت في ثورة 30 يونيو كدرع واقٍ للوطن لإيجاد حل للأزمة السياسية اللي موجودة ما بين المعارضة وما بين النظام الحاكم.

هدفت قرارات القيادات العسكرية في 23 يوليو 2013 من العقد الثاني من القرن الـ 21 الحفاظ على كيان الدولة من الانزلاق في نفق مظلم من الفتنة وطلبت وضع خطط يعني خطط لحل المشكلات اللي موجودة. وأصر النظام الحاكم على عدم تغيير سياسته. أدى تغيير القيادة السياسية عقب عزل مرسي لأن حزب الحرية والعدالة تسلم السلطة رئيس المحكمة الدستورية في 25 يناير. تسلم السلطة القوات العسكرية في 30 يونيو. تسلم السلطة الهيئات القضائية المستشار عدلي منصور. وأي حاجة تحصل بعد كده في عهد المستشار عدلي منصور يعني نقول رقم واحد فض اعتصام رابعة في عهد عدلي منصور، رقم اثنين إلغاء دستور الإخوان نقول في عهد عدلي منصور، رقم ثلاثة إصدار دستور 2014 في عهد عدلي منصور. إجراء انتخابات رئاسية مبكرة. تنفيذ خارطة الطريق. كل الكلام ده كان في عهد المستشار عدلي منصور.

مما أدى إلى حدوث تطورات إيجابية دستورية في مصر حيث تم تعطيل العمل بالدستور ورسم خارطة الطريق. تشابهت ثورة 25 يناير و 30 يوليو في سعي الشعب المصري لتحسين أحواله الاقتصادية والاجتماعية. فقد كانت من أسباب الثورة انعدام العدالة الاجتماعية، سوء الأحوال الاقتصادية.

وبكده يا أبطال وصلنا معاكم لآخر فقرة معايا في منهج التاريخ. وليشهد التاريخ بأن لمينا التاريخ في فيديو واحد تقدر تذاكره ليلة الامتحان. وبكده نكون حققنا معاكم إنجاز تاريخي. وراكم يا أبطال لحد ما دخلكم الامتحان. دعواتكم شدوا حيلكم ركزوا كويس انتوا قدها. أطحلنا سبع ساعات كاملين ركزنا طلعنا بمعلومات قيمة استفدنا وبكرة تدعي. سلام يا رجالة.

Get Our Mobile App

مراجعة ليــــــــــــالي الامتحان | شرح المنهج كامل | الصف الثالث الثانوي | تاريخ 2025

Transcription