قتلت بسه ( قطه ) فكان عقاب الله لي بالدنيا |اسمع ماذا حدث لي بالنهايه | #قصة_حقيقية

السلام عليكم ورحمه الله وبركاته. صلوا على الرسول. اللهم صل وسلم على نبينا محمد.

هذه القصه، لكن قبل ما ابدا فيها، اسال الله الذي لا اله الا هو، من ضغط لايك واشترك في قناتي، يا رب انك توفقه وترزقه، يا حي يا قيوم. فانتم الداعمين والله لي. ترى اللايك ينفعني ولا يضرك، ويخليها اليوتيوب من المقترحات. وكثير من الناس يسوي اشياء في الحيوانات اعزكم الله، وهي ما يدري ان فيه عقاب. شوفوا ايش صار لي انا، وهذه للعظه والعبره.

قبل 34 سنه، زين؟ تقريبا عام 1411 من الهجره، بالميلادي الظاهر انه عام 1991 تقريبا في الميلادي. كنت مراهق، مجموعه مراهقين يعني، ويزي مراهقتنا من اول يعني على وضح النقى. وكنت طالب ذيك الايام، واحنا خمسه. وركز لي تكفى على كلمه خمسه. وكان هك الحين النظام من اول بالمدارس. صار اختبار، اختبارات نهائيه. لو صار عليك مادتين مثلا، خلي نقول جيزي ونحو، لا اختبرت جيزي عادي تطلع بالشارع لك تتمشى وذا، وتجي وتختبر الماده الثانيه عادي. يعني المراد اني انا ما سيكم هذا تخيلك الحين.

ومعي مني واحد اسمه مطلق الحربي. انا ما ادري هو حي الحين ولا ميت، والله ما اعلم عنه، لكن الله يرحم الحي والميت. انا امشي، تونا مختبرين الماده الاولى وطالعين برا المدرسه. عمر مراهقه ذيك الايام، ويميني مطلق، ويساري ثلاثه. بس ضيعت والله اساميهم. واحنا خمسه نمشي. وكانت معي قاروره بيبسي. ومن هو من اول اللي معه قاروره بيبسي الحين نجخ فيها. وخاص مسكت القاروره كذا ونطلع. كلمه بيبسي تو طالع قاروره قزازه. واشربها انا واحنا نمشي. الخمسه.

ويتمر من عندنا بسه، اللي هي قطه وهره، ماشيه في سبيلها. وانا اشوفها. يوم شفتها، وانا امسك القاروره كذا، وهي تضرب البسه من هنا، من عند قلتها من ورا. وي البسه ق تق تلفلف كذا. ويجيك مطلق فيه بلكه، ويمسك بلكه مطلق عليها، وهي ميته. احنا نضحك. ك نضحك احنا الخمسه. من اللي ضربها بقاروره؟ انا. من اللي هبدها بلكه؟ مطلق. ركزوا معي. هذا يوم الاربعاء الصبح. ايه ضحكنا، اختبرنا، قضينا. هك الحين ما في دراسه الخميس. من اول جاك الخميس وجت الجمعه. ويجي يوم السبت. دراسه. هك الحين يوم السبت.

يوم جاي يوم السبت، هنا عقاب الله سبحانه وتعالى. ما كنا ندري. يوم جا يوم السبت، ولا مطلق هذا اخذ سياره خاله كراون سوداء. والله ما انساها 822 او 83 بهالموديلات هذه. وو جاي يمنا. عيال عيال. معي سياره. معي سياره. صادق انت منهم؟ ليه؟ قال سياره خالي اخذتها. اركب اركبوا يا عيال. واحنا نركب. مين الخمسه بالسياره؟ كراون السوداء. ويقعد يفتر فينا. نمشي مراهقين ويعني وشباب ذيك الايام.

وانا اقول للمطلق يا مطلق وقف وقف. ترى باقي 20 دقيقه ويبدا الاختبار الثاني. تكفى لبق نبي نراجع شوي. قال تدري؟ يلا هو هو يروح للساحه. ساحه المواقف حق المدرسه. وهو يقف. واحنا ننزل. وهو يطفي الموتر. ينطفى الموتر. وهنا تجي ساعه الصفر. ينطفى الموتر. ونزلنا احنا الخمسه. والله تق قدام عيني. مطلق نزل من عند الباب. قال تخيل تخيل. شوف ما ناد الا انا. الله انطقه. قال تخيل يا رجال. اركب اركب خلنا ناخذ بس هالدوره هال اللفه ذي. قلتها لا لا رجال. اركب. وانا اركب. الله من فوق سبع سما. هالدوره. الثلاثه الثانيين راحوا.

من اللي يسوق الحين؟ مطلق اللي بد البسه بالبلكه. ومن اللي ركب على الب يمين؟ انا اللي ضرب البسه بالقاروره. واحنا نركب انا وياه على اساس انها لفه. ويروح بدايه الشارع. وتو ترذ مطر. تو جاي نرش. تو جا رش. مستانسين احنا مط بسالفه. قال بس هدوره يقول كذا. يوم جاب يسقط مع الرذاذ. وهي تزح الموتر. على قولتهم زحلت. ويتزحلق الموتر. والله انا تق اشوفها الحين. من اللقطات اللي ما انساها. ويتزحلق الموتر ويضرب الكفر اللي ورا على يسار الرصيف الوسطي. تق قدام يا المشهد. وهي تقلب السياره. انا اشوف البيوت. يوم قال كذا. هذه اخر لقطه شفتها. انا اظر. قلبت اربع قلبات والخامسه وين؟ بالماسوره.

طبعا انا فقدت الوعي. ما ادري وش صار بعدين. فتحت متى فتحت؟ بعد خمس ايام تقريبا او اربع ايام. طبعا على شهاده الشهود اني انا طلعت من السياره. لان كان في طلاب وكان في ناس. طلعت من السياره. طلعني. يلا ما هو بانا اللي. انا غمي علي اصلا. انا اذكر انا البيوت مقلبت كذا. اذكر بس. هنا ما صار. اظهرني الله سبحانه وتعالى. ما حد. القزاز اللي ورا. اللي قدام. وطرت فوق. تقلب كذا. وطحت على الزفلت على صدري. انا. انا منين ضربت البسه؟ ضربتها من هنا صح؟ الله فك حنكي هذا. طلع على الحنك ذا. تلاحظون؟ جيت اسكر فمي في ميلان عا الحين. زين. الحمد لله. وينفك حنكي من هنا. وتجيني ضربه قويه من هنا. سبحان الله العظيم. ويجيني تصلب في العمود الفقري هذا. وكسر في رجلي اليمنه من تحت.

بعد اربع ايام او خمس ايام فتحت. كنت يعني في غيبوبه. مغمي علي. مطلق وينه؟ مطلق هبد البسه بالبلكه صح؟ الله بده بالسياره. صارت السياره فوقه. وهو تحت السياره. لدرجه انهم. انا لقوني على طول. لكن مطلق يدورونه. ما يدرون وينه هو. طلع هو. لا ما شافوه تحت الموتر. تخيل الماسوره. السياره ضربت الماسوره كذا. زين؟ هذه الماسوره ضربتها كذا. و تقوست. مطلق تحت. الله بده بالموتر. والله ما انساها. هذه عام 1411 من الهجره بشهر 10. يوم والله ما ادري متى. لكن الساعه 10 الا ربع. انا ما انسى التوقيت. 10 الا ربع الصبح.

كيف الله الحمد لله. لا وين؟ في مكان ذبحنا للبسه. والله العظيم. انا ومطلق كنا راكبين قبل خمسه. وندور ونبر. الله عطانا كذا. وبعدين نزل الثلاثه. كان الله يقول للثلاثه الثانيين. شوفوا الاثنين ذول اللي ذبحوا البسه. كيف عقبته. طبعا قعدت يمكن حول ست شهور بعدها امشي كأني رجل آلي كذا. والحمد لله رجع على الحنك. طبعا هذا واحيانا لجيت كذا. كان في عصب يتحرك. لكن الحمد لله. انا شفته في دنياه. واسال الله ان يغفر لي في آخرتي.

وش صار على مطلق؟ مطلق جاه الله سبحانه وتعالى. جاه تصلب في العمود الفقري. وضربه ايضا مثلي في راسه. وانجانا الله سبحانه وتعالى. صحنا تاثرنا عده اشهر. كان لنا مدرس ذيك الايام. اركان. انا ما انساه. مدرس علوم. اللي كان مدير اداره التعليم في منطقه القصيم. هذا كان يدرسنا. تو متعين ذيك الايام. وقبلته انا قبل عده سنوات. يوم شافني انهبل. قال لي والله ان ذكر ذاك الحادث. والمتوسطه اسمها ابي عبيده في بريده. ورا الملعب. لكن شوف حكمه الله. احنا الاثنين.

فانا اطالب من هذا المنبر. هذه حيوانات لا تؤذوها. ما دامها ما اذتك هي. حتى يقول لك الموذي تتبرى منه ثلاث ايام. ما اذتك لا تعرضها. احنا تعرضنا لهر وبسه ماشيه في سبيلها. وانا اللي ضربتها في القاروره. ومطلق هبدها البلكه. فالله سبحانه وتعالى روماني من السياره. وطحت. وفك حنكي من هنا. وجتني ضربه مع راسي من هنا. وتصلب في العمد الفقري. طبعا سببت خرعه. وابوي بغى تراه. الله يهدينا وياه. في واحد الله يسامحه ويحلله. راح لبيت ابوي وكسر البيبان. يوم فتح ابوي الله يرحمه ويغفر له. قال الحق ولدك. ترى ولدك مات. اي والله. الله يسامحه. امي طاحت وغمي عليها. راح ابوي يدورني بالثلاجات. ويوم ج عن الثلاجه. قال ولا في حادث على طريق حايل. يقول ابوي فتحوا لي الجثث. ولا انت انتم معهم. لانه ما يدري. ما في اتصالات ولا في جو.

من ضمن الاكاذيب. ابوي يوم جا مقر الحادث. قال هذول خمسه صاروا مثل الطماط ماتوا. والثاني يقول لا والله ثلاثه كلهم انطحن. هذا من ضمن الاشاعات اللي طلعت. ابوي الله يرحمه يقول خلاص فقدت الامل. لين لقاني ابوي سبحانه. واذكر انا لما فتحت عيوني كذا بعد الافاقه. والله انه واقف. ما انساه. عليه ثوب اصفر وكوت اك الحين حق المطار. ولا واقف عند راسي. ابوي الله يرحمه ويغفر له. تسببت لامي جاها ضغط. الوالده بسبت هذا اللي طق الباب. الله يهدنا وياه. وقال ترى ولدكم مات. شوفوه عاد بي ثلاجه. الله يدفع هذا عقاب في الدنيا. واسال الله ان يغفر لي في الاخره. لا تتعرضون.

وانا اطالب ايضا جريده الجزيره. لطلع خبر في الجزيره في جريده الجزيره عام 1411 في شهر 10. الايام انا مضيعها. لكن طلع عنوان اسمه تقوس السياره. عنوان اسمه. يا ريت اذا في احد في الجزيره يجيب لي. لاني انا حفظتها الجزيره ذيك الجريده. وكانت عندها هذك وضاعت. صوره. الله يدفع البلاء. لكن هذه هي قصتي وموقفي. فبعض الناس يقول اللي بيدقق بوجهي. شوفها لجيت اسكر ها. طالع شوي. لكن الحمد لله يا ربي لك الحمد. خلق الله حسن. يا ربي لك الحمد. حبيت اقول هذه القصه للعظه والعبره. والحمد لله اني عقبت في الدنيا. الحمد لله يا رب. الحمد لله. واسال الله ان يغفر لي في الاخره. ان شاء الله.

جزتك القصه. اطني لايك ولا تحرمني الاشتراك في القناه. اسال الله لي ولكم العفو. اللهم انك عفو تحب العفو فاعفو عنا. ربنا اتنا في الدنيا حسنه وفي الاخره حسنه وقنا عذاب النار. صلوا على الرسول. اللهم صلي وسلم على نبينا محمد. مع السلامه.