Transcription
ايه السر اللي بيخلي الستات تتعلق تعلق جنوني او تعلق هستيري حرفيا بالراجل البياع او الراجل المستغني؟ وفي نفس الوقت، هم هم الستات دول هم اللي بيبيعوا أو بيستغنوا عن الراجل اللي متعلق بيهم بجنون.
وأوعى تفتكر إن الهدف بتاع الفيديو ده، زي ما فيديوهات تانية كتيرة جدا للأسف بتقول كده، إنك أنت لازم تعامل الست معاملة سيئة وتهملها وتستغنى عنها تمامًا عشان هي تتعلق بيك أكتر. ولا الهدف بتاع الفيديو إن أجي أقول لك إن الستات كائنات سيئة جدا وصنف سيء جدا، الصنف اللي أنت لازم تهمله وتعامله وحش عشان هو يعاملك كويس.
الهدف بتاع الفيديو ده هو إني أوضح سبب الواقع المرير اللي إحنا عايشين فيه، بفكره إن الستات بجد بتتعلق بشكل زيادة قوي بالراجل المستغني عنها، وفي نفس الوقت للأسف بتبيع الراجل اللي متعلق بيها بالزيادة. عشان أنت كراجل لازم تفهم كويس إن في خط في النص كده، أو خليني أقول لك شعرة في النص. الشعرة دي لو أنت مشيت عليها صح، هتقدر تحافظ على قيمتك وتخلي الست اللي أنت معاها متعلقة بيك بشكل أنت عمرك ما تتخيله. وفي نفس الوقت، لو أنت بعدت عن الخط اللي أنا هقول لك عليه ده، للأسف هتعيش حياة سيئة جدا.
بس قبل أي حاجة، ما تبخلوش عليا باللايك، لأن اللايك بيزود انتشار الفيديو، وبالتالي أنتوا هتساعدوني إن القناة بتاعتي تكبر أكتر وأكتر. وفي نفس الوقت، لو أنت لقيت الفيديو مفيد، ما تبخلش تبعته لواحد صاحبك لو حسيت إن صاحبك ده محتاجه، لعل وعسى تاخد أجر وثواب إنك ساعدت الشخص ده.
ودلوقتي خلينا على طول نخش في موضوع الحلقة: سر تعلق المرأة الهيستيري بالرجل البياع في بره الصندوق. السر اللي بيخلي الستات تتعلق بالراجل البياع أو المستغني، وهي هي اللي بتبيع الراجل اللي متعلق بيها، هو بمنتهى البساطة ديناميكية العلاقة. هشرح لك يعني إيه أي حاجة عشان تشتغل صح، بيبقى ليها ديناميكية معينة، أو ديناميكية معينة. الديناميكية دي اللي بتخلي الحاجة تشتغل بالشكل السليم. لو أي حاجة في الديناميكية دي اتلخبطت، للأسف هتلاقي الموضوع كله مشي غلط.
ولو إحنا أخدنا الكلام ده وطبقناه على العلاقة بين الراجل والمرأة، هتلاقي إن الست كده في ديناميكية العلاقة، عارفة كويس إن الراجل رقم واحد في حياته. ما ينفعش تكون هي. الموضوع ده على فكرة ليه جانب علمي وله بعد علمي، بعيد تمامًا عن الكلام للأسف اللي منتشر الأيام دي إن الست صنف سيء والست صنف تحب الراجل اللي يرميها والكلام ده كله. بمنتهى البساطة، الست في اللاوعي عندها فاهمه كويس إن الراجل لازم يبقى عنده رقم واحد واثنين وثلاثة في حياته، هو شغله. ما ينفعش تكون في حاجة في حياته متعلق بيها أكتر من شغله، لأن شغله ده بمنتهى البساطة هو اللي بيأمن للست ولعيالها الحياة الكريمة اللي هي بتحلم بيها.
فبالتالي، سيبكم خالص من الكلام اللي بيقول إن الست بتموت في الراجل الرومانسي والراجل اللي مخليها هو محور الكون في حياتها. الكلام ده غلط تمامًا. حتى لو الست حرفيًا بتقول كده، هي فكرة، هي مش بتكذب، هي فعليًا بتقول كده. لكن في اللاوعي عندها، عارفة كويس إن الراجل لو حطني أنا كامرأة رقم واحد، معناها إن الراجل ده مش مركز في شغله. طب أنا إزاي هدي حياتي كلها، وإزاي هأمن إن أنا أسلم روحي وحياتي كلها في إيد راجل مخليني أنا رقم واحد على حساب شغله؟ ده معناه بالتبعية إن أنا حياتي في خطر.
فبالتالي، كنتيجة لكل ده، الست كده في الوعي عندها، أول ما بتلاقي الراجل متعلق بيها بزيادة جدا وشايفها هي كل حاجة في حياته، هي بالتبعية بتنفر منه وبتبعد عنه. وبالتالي هي بتستغنى عنه. عشان كده ديناميكية العلاقة السليمة بتتطلب إن الراجل لازم يحط رقم واحد في حياته شغله، ولازم يوضح للست اللي معاه في علاقة إن أنا رقم واحد في حياتي شغلي، مش عشان أنا ما بحبكش، بالعكس، أنا عشان بحبك مخلي رقم واحد في حياتي هو شغلي.
عشان كده بقى لو بصينا على الموضوع من الناحية الثانية، هنلاقي إن الراجل البياع أو الناس اللي بيقولوا عليه راجل بياع أو مستغني، الست متعلقة بيه جدا. لأن الست بتبقى فاهمه كويس إن الراجل ده مش حاططها هي محور الكون في حياته، هو حاطط محور الكون في حياته وشغله، وبعدين أنت تيجي. فانت عايز تمشي على الأسلوب بتاعي، أهلاً وسهلاً. مش عايزة تمشي، اتفضلي مع ألفين سلامة ومليون ست تيجي مكانك.
وبطبيعة البشر، بعيدًا عن الرجالة والستات، طبيعة البشر كلهم إن هو أول ما بيحس إن هو الشيء الوحيد اللي موجود في حياة الشخص اللي قدامه، أو هو الشيء الوحيد الذي لا يمكن الاستغناء عنه، الإنسان بطبيعته للأسف بيبتدي يتكبر ويتعالى ويبتدي يحس إن أنا ما فيش مني. والإنسان ساعتها بيبتدي يستغنى عن الحاجة اللي هي متعلقة بيه جدا، سواء كان الحاجة دي على فكرة علاقة أو شغل أو أي حاجة تانية.
عشان كده أنت كراجل لو عايز تتصرف صح، لازم توضح للست في حياتك وتوريها حرفيًا، مش مجرد كلام، ده يبقى بجد على أرض الواقع، إن أنت شغلك رقم واحد في حياتك، وإن محور الكون في حياتك هو شغلك. أنا بحبك جدا آه، بس أنا عشان بحبك مخلي شغلي رقم واحد. أكيد بهتم بيكي، بعاملك كويس جدا، أكيد بتقي الله فيكي، لكن شغلي رقم واحد.
ساعتها الست بتحس إنها ريبليسبل، إنها يمكن استبدالها، فبالتالي بتبتدي تتعلق جدا. لأنها عارفة كويس إن أنا لو مشيت مليون ألف ست ثانية تتمنى تاخد مكاني. فبالتبعية ده في السبكونشس مايند عندها، في اللاوعي عندها، هتبتدي تتعلق جدا بالراجل ده. لأنها عارفة كويس إن ديناميكية العلاقة ماشية سليم. الراجل حاطط شغله رقم واحد، حاططني أنا رقم اثنين. هو عشان بيحبني حاطط شغله رقم واحد. وفي نفس الوقت هو بيعاملني إن أنا مش محور الكون في حياته، وإن أنا لو حبيت أمشي أو أنا عملته بأسلوب وحش، مع ألفين سلامة اتفضلي امشي ومليون ألف ست تقدر تحل محلك.
هو ده السر الحقيقي اللي بيخلي الستات تتعلق جدا بالراجل البياع أو المستغني. الراجل حاطط شغل رقم واحد. وفي نفس الوقت، هو هو نفس السر اللي بيخلي الستات تستغنى وتبيع الراجل اللي حاططها هي رقم واحد.
ودلوقتي وصلنا لنهاية الفيديو. لو أنت كملت معايا للمرحلة دي، أحب أشكرك جدا. وزي ما قلت في أول الفيديو، ما تبخلوش عليا باللايك، لأن اللايك بيساعد إن القناة بتاعتي تكبر أكتر وأكتر. وفي نفس الوقت، لو لقيتوا الفيديو مفيد أو حسيت واحد صاحبك محتاج الفيديو ده، ما تبخلش عليه إنك تبعته له، لعله وعسى تاخد أجر وثواب إنك ساعدته.
لو عايز تعرف إيه السر اللي بيخلي الستات تخضع وتتودد للراجل العنيف، وهي اللي بتكون عنيفة جدا مع الراجل الطيب، فشوفوا الفيديو اللي طالع قدامكم ده. السلام عليكم.