Transcription
النبي عليه الصلاه والسلام قال جمله من 1400 سنه قبل اصلا ما يبقى في حاجه اسمها علم الاعصاب. قال: "اتبع السيئه الحسنه تمحها". ظاهريا دي توصيه روحيه واضحه وبسيطه.
لكن لما تبص عليها من زاويه علم الاعصاب بتلاقي انها بتعالج اليه محدده جدا في المخ. اليه بتشتغل فورا بعد اي تصرف منافي لقيمك العليا. والتوقيت في الحديث اللي بيعني فورا بعد السيئه باستخدام كلمه "اتبع" دي مش زخرفه لغويه دي سر الوصفه كلها.
لما بتعمل حاجه بتنافي قيمك العليا مخك بيدخل فورا في حاله اسمها العلمي التنافر المعرفي (كجنتيف ديسوننس). السؤال اللي بيشتغل في الخلفيه بيقول: "انا شخص كويس ولا وحش؟". التنافر المعرفي ده حاله من التوتر الداخلي. مخك مش بيستحمل يسيب السؤال ده مفتوح لان معناه استمرار حاله الاستنزاف.
فبيكون عنده مسارين اثنين والاختيار بينهم لازم يتم على وجه السرعه. المسار الاول هو انك تعمل حسنه فورا تثبت بيها لنفسك انك شخص كويس. عملت غلطه. المسار الثاني هو انك تستسلم فتثبت لنفسك انك شخص وحش. عشان كده بتغلط.
الخطوره هنا هي انك لو ما اخترتش المسار الاول بوعيك مخك هيختار الثاني باللاواعي. "اتبع" في الحديث معناها فورا مش لما تفضى مش لما تحس انك مستعد. الحكمه هنا مش في الحسنه. الحكمه في سرعه التصحيح. Ah.