Transcription
فانتم يا احبائي الان عبر البث ما يدريك قد يختارك الامام لتكون من قواده لا من مجرد جنوده. اكو اشخاص يمكن مو ببالك اصلا. الان راح اقرا لك الروايه تتعجب مو ببالك انه هذا باكر يوقف ويا الامام او يجي يسلم على الامام. تالي هذا اللي مو ببالك شوفه حاطينه قائد وانت تمشي رهن اوامره لخدمه الامام.
شلون شيخنا يعني قصدك مو اعم اعم قصدك شيخنا يعني سني وتاليه يصير من جنود الامام؟ لا بقول لك اكثر. ايش اقول لك مسيحي؟ لا بعد بقول لك اكثر مو بس ملحد. اذا قلت لك يمكن يجي واحد هندوسي او يجي واحد سيك. هلا انا طالبني بالدليل. من اقول لك طالبني بالدليل. لما اقول لك واحد حاط صنم يسجد للصنم تاليها باكر تشوفه من الامام سلام الله عليه. شو تقول؟ شو تقول؟ صعبه عليك لو شلون صعبه؟ ها.
زين خلنا نقرا الروايه. هذا القسم الخامس ذكرنا احنا انبياء 313 نجباء وعصائب وابدال 50 من اهل الكوفه. القسم الخامس اناس غير متوقعين اصلا مو ببالك. يقول الامام الصادق عليه السلام الروايه في بحار الانوار الجزء 52 صفحه 329 قال: لينصرن الله هذا الامر بمن لا خلاق له. لا خلاق له يعني شنو؟ يعني ما له علاقه بالمهدي ما له علاقه بالاسلام اصلا مو من اهل الدين وملا من اهل المله ولا من اهل المذهب ما الى ربط فينا. لينصرن الله هذا الامر بمن لا خلاق له. ولو لو قد جاء امرنا لقد خرج منه من هو اليوم مقيم على عباده الاوثان. تفضل. هذا الامام يقول لك انت تشوفه هناك تاليها الامام عاطلنا لواء يقول يلا امشي ورا منو؟ امشي ورا منو؟ هذا اللي تو طالع من المعبد ماله هذا اللي هندوسي هذا اللي يمكن يعبد بقار هذا ما ادري كم الهه عنده في الهند. شاف العلامات وسمع صوت جبرائيل ودخل حب الامام. ما قلنا تتذكرون البارحه يا جماعه لو لا؟ يصلح الله امره في ليله. دخله حب الامام ترك كل شيء جاء واسلم وصار من الفدائيه واختاره الامام.
ومن هنا احبائي اسمعني ولا تزعل من عندي. لا تستنقص احدا من البشر. لا تستنقص احدا من البشر. لا تشوف واحد وتقول والله انا احسن من عنده. زين هو ما يخالف هو مو مسلم لكن عنده امانه عنده حب للاخر ما اذى احد ملتزم بالقانون. لا انا احسن من عنده. ايش دراك؟ ايش دراك انت احسن من عنده؟ تفضل شو تسوي بهالروايه هذه؟ باكر هذا يسلم ويصلح عقيدته ويختار الامام تال الا مو عاجبنك ولا تشوف نفسك انت فوقه. غصبا عليه انت فوقه. الامام يقول لك راح اراويك شلون دولاب الزمن. تالي هو القائد وانت اذا تحب الله وتحبني تخدمه وين ما يوديك انت وراه. املا قلبك حبا للاخرين وتوسم فيهم الخير. يجي يوم يا اخواني وتمر علينا راح تجينا الليالي القادمه راح عندنا يكون بحث في هذه السلسله المواجهون للامام المهدي. شو تقول عمي واحد عايش يشط حياته يحط ايده على راسه اللهم كن لوليك. واحد كل يوم جمعه معصب اذا قرا دعاء الندبه وتالي يطلع الامام ويقول له ارجع لا حاجه لنا فيك روح. شو تقول انت وذاك اللي مو عاجبنك مسلمنا الامام رايه في اخر. شوف شايف شلون. وهذا طبقها على عاشوراء من يظن صاحب اللواء لطالع من الكوفه حتى يقطع طريق الحسين يصير اول فدائي عند الحسين وهو الحر. ولا كانوا يقولون جاي يريد يحارب الحسين تاليها هم اللي خلوا الحسين ورجعوا. شنو هاي الدنيا كلها يا اخواني عجائب.
يقول الامام زين العابدين سلام الله عليه تقول لي هذول شيخنا من وين من الهند وغيره. الروايه في بحار الانوار الجزء 52 صفحه 306 قال: وسائرهم من اثناء الناس لا يعرف بعضهم بعضا. جاي في الحرم الليله وباكر يطلع الامام وقاعد يصلي صوبي ما ادري وانا محضر نفسي انه اول واحد راح يناديه الامام. تاليها هذا اللي قاعد صوبي ما اعرفه هو قبلي ناداه الامام سلام الله عليه. اللهم اجعلنا من شيعته واعوانه.