Transcription
رجعنا لكم مره ثانيه ولسه مكملين مع حضراتكم القولون ومشاكل القولون. طبعا زي ما كنا بنقول قبل كده المعده هي بيت الداء والدواء. طول ما احنا معدتنا في حالة صحية، طول ما حالتنا النفسية كويسة، طول ما الجسم كله في حالة صحية.
القولون من أكبر الأعضاء اللي موجودة في الجسم الحقيقة، فحاجات كتير قوي ممكن تحصل وللأسف الشديد إنها بتأثر على كل أعضاء الجسم الثانية. طيب أحافظ على قولوني إزاي؟ آكل إيه؟ ما آكلش إيه؟ هل التمرين ليه تأثير؟ والنهاردة لو حاسة إن في مشكلة في القولون أنا أروح لمين وأعمل إيه؟ وهل المناظير ليها أنواع مختلفة؟ امتى أعمل مناظير وامتى أقول لأ أنا ممكن أجل الموضوع ده؟ كل ده هنتكلم عليه النهاردة مع ضيفنا الحقيقة أنا مبسوطة جداً إن هو موجود معايا النهاردة، دكتور رامي نخله استشاري الجهاز الهضمي والمناظير.
يا دكتور رامي مساء الفل.
>> مساء العسل.
>> اخبارك إيه؟
>> أنا الحمد لله، أنت كويسة؟
>> أنا عايزة بس أبدي إعجابي بالسوشيال ميديا بلاتفورم بتاعتك الحقيقة والفيديوز اللي أنا بستفاد منها جداً طول الوقت، لأنها بتبقى معلومات بسيطة وجميلة وفي الجون. ناخد فيتامينات امتى، ناكل امتى، الحاجات دي كلها بسطها على الناس شوية مش عايزين نعقدها. طب ليه الناس بتصعب موضوع القولون ده قوي يا دكتور رامي؟
>> عشان هو القولون موضوعه صعب، لأننا عاداتنا الغذائية معظمنا مش عايز أعمم مش مظبوطة، مش أفضل حاجة، مش أصلح حاجة. في أكل جانك فود كتير، دهون كتير، مسبكات كتير، توم وبصل. الحاجات دي كلها على فكرة مفيدة لجسم البني آدم، بس ساعات بنستغلها غلط أو بنطبخها غلط.
>> ده لو البني آدم ما عندوش أي حاجة عضوية موجودة ممكن تكون هي اللي عاملة الأعراض بتاعته طبعاً.
>> طب يعني لو جينا قلنا إن مشاكل القولون بتنحصر في إيه؟ طبعاً عارفة إن ده سؤال كبير قوي، بس لو قلنا المشاكل وأحس بيها إزاي أو إيه أعراضها؟
>> السؤال ده بيسألوني ناس كتير.
>> امتى أحس إن أنا قولوني في خطر؟
>> هي أقول لهم هي أعراض الجهاز الهضمي إيه غير ست سبع حاجات؟ انتفاخ، غازات، تقلصات، إمساك، إسهال، وجع.
>> ما بين 1000 أو 2000 مرض مختلف للبني آدم.
>> إنما ست سبع أعراض هم المتعارف عليهم على الجهاز الهضمي.
>> كل عرض له كذا سبب.
>> بس إحنا نحصرها في القولون العصبي فقط، ده أكبر خطأ وخطر على جسم البني آدم والإنسان.
>> ام.
>> لذلك مثلاً منظمة الصحة العالمية قالت إن كل بني آدم عنده سن 45 سنة فما أكثر لازم يفحص القولون بتاعه.
>> ام.
>> هنروح لموضوع المناظير طبعاً ويفحص القولون إزاي، بس عايزة أروح لموضوع القولون العصبي والقولون العضوي، هل هم اتنين منفصلين عن بعض وهل هم بيقضوا أو بيؤدوا لبعض ولا لأ؟
>> طيب ربنا سمح بوجود الأمراض. الأمراض نوعين، نوع عضوي ونوع وظيفي.
>> نوع وظيفي ده يندرج تحت القولون العصبي. والقولون العصبي على فكرة مش شرط يبقى عند الناس اللي عندها توتر بس أو أنكزايتي أو أي دي إتش دي أو بانك اتاكس اللي هي نوبات الهلع. لا، ممكن يبقى واحد حياته سليمة جداً وستيبل جداً وتفكيره منطقي جداً وما بيعانيش من أي ضغوطات أو سترس وبي بيعاني من مشاكل القولون ده الأمراض الوظيفية. أما الأمراض العضوية اللي هو القولون فيه مشكلة جوه عضوية زي إيه؟ زوائد لحمية، زوائد جلدية، لا قدر الله الأورام الحميدة أو الخبيثة، الأمراض المناعية اللي بقت أشهر على الإطلاق دلوقتي زي القولون التقرحي أو داء كرونز. كل دول أوتو إيميون ديزيز. كل دي أسباب عضوية ممكن تعمل نفس أعراض القولون العصبي الوظيفي العادي وإحنا مش واخدين بالنا وقايلين إن هو سترس، أصل ضغط نفسي، أصل بنتي عندها امتحانات، أصل ابني بيغير غير شغل، أصل هو الجوازة مش مبسوط فيها. وأسباب كتيرة قوي بسمعها خصوصاً من أمهات السيدات في العشرينات والثلاثينات من عمرهم.
>> طب أنا أعرف منين هو قولون عصبي ولا قولون عضوي؟ هل ده ليه أعراض وده ليه أعراض ولا الاتنين نفس الأعراض؟
>> زي ما قلنا في الأول أعراضهم ممكن تكون متشابهة جداً، تقلصات، انتفاخات، إمساك، إسهال.
>> واحد.
>> واحد.
>> إيه بقى اللي مش واحد؟ وجود دم في البراز. ده مش وظيفي، ده مش نفسي، ده مش عصبي.
>> وجود.
>> قيء مستمر، مبرح وما فيش دوا جايب نتيجة معاها وعملت تحاليل براز كتير. جرثومة المعدة.
>> هو أوكلوت بلد.
>> الأوكال بلد اللي هو الدم الخفيف في البراز. ده غير اللي بيشوف الدم بعينه وهو بيقول إنه مقتنع إن هو بواسير أو شرخ شرجي. وممكن وجود أسباب تنزل دم في البراز غير الشرخ الشرجي أو البواسير كمان.
>> ام.
>> طب يعني هل في تحاليل معينة هي اللي تبين زي ما أنت بتقول دلوقتي وأنا عندي مشكلة في القولون أو لا؟ وإيه هي التحاليل؟
>> طيب التحاليل اللي إحنا بنبتدي بيها لأي حد بيبتدي يشتكي. بيبتدي يشتكي يعني بقى له أسبوعين ثلاثة، شهر شهرين ثلاثة، مش سنتين ثلاثة طبعاً. هو بيكون أوريدي غير في روشتات وأدوية ودكاترة كتير قوي.
>> تحاليل براز، جرثومة المعدة ودم خفيف في براز ومزرعة براز. نطمن ما فيش بكتيريا، ما فيش بارازايتس طفيليات معينة، ما فيش أي حاجة نقدر نعالجها سواء بمضاد حيوي أو مضاد للالتهابات. وتحاليل دم نطمن على الغدة الدرقية مثلاً. اضطرابات الغدة الدرقية حاجة اسمها هايبوثيرديزم أو الغدة لما تكون كسلانة تعمل إمساك. فالإمساك يجيب انتفاخ لأن الفضلات وبراز بيتكونوا ويتحوشوا جوه القولون كمان فبيض. تحاليل الدم على بعض تحاليل البراز ونعمل سونار نطمن الحصوات ما فيهاش مثلاً المرارة ما فيهاش حصوات. نطمن ما فيش أي حاجة يقدر السونار يطلعها. لو كل ده استخدمناه وما فيش أي سبب اطلاقاً فيه أو ما ظهرش حاجة تقدر توضح لنا تشخيص، ساعتها بنلجأ لفحص القولون أو المعدة بالمنظار.
>> بالمنظار هنروح لموضوع المنظار بس عايز أرجع تاني للتحاليل. فإحنا قلنا تحاليل غدة، قلنا تحاليل براز.
>> التشيك أب اللي بيتعمل تقريباً كل سنة لأي بني آدم، صورة دم كاملة. ده.
>> ده الطبيعي اللي المفروض يحصل. بس كتير قوي منا ما بيعملش كده يا دكتور.
>> يا جماعة إحنا بنروح نعمل صيانة للعربية، بنغير زيت وفلتر كل 10000 كيلو ولو عدى 1000 أو 2000 كيلو زيادة نقلق على عربيتنا. مش هنقلق على جسمنا ونبقى عايزين نحافظ عليه؟
>> صح.
>> ده الصيانه بتاعتنا في التوكيل إن إحنا بنطمن على جسمنا. مش هنستنى الأعراض تحصل عشان بعد كده نجري ونروح ونشتكي وناخد أدوية.
>> طب فالصيانه هي التحاليل.
>> بالظبط.
>> التحاليل دي مهمة جداً. طبعاً الرياضة ده الرياضة والأكل هنروح لهم لأنهم أساسي. أنت طول ما أنت قاعد تقول يا جماعة حتى لو التمشية.
>> أيوه.
>> يعني في صيانه العربية كل ما ست شهور أو كل سنة وفي البنزين الروتين اليومي بتاعنا.
>> طيب أنا بس عايزة أسألك سؤال جالنا على السوشيال ميديا دلوقتي. ضربات القلب السريعة ساعات يقول لك ده جاي من مشاكل في المعدة. الناس بتبقى فاكرة إن دي مشكلة في القلب مثلاً فتطلع حاجة في المعدة. هل ده صح؟
>> صح. أشهر شكوى ممكن تيجي عند الناس نفسي مش قادر آخده وعندي ضربات في القلب وبحس بنبض في بطني أو في صدري.
>> هنطمن، هنروح عند دكتور. دكتور القلب هنعمل رسم قلب، هنعمل إيكو. ممكن الناس المدخنين أو اللي عندهم فاملي هيستوري عند أهلهم لا قدر الله جالهم جلطات أو مشاكل صحية يبتدوا يعملوا مثلاً قسطرة أو رسمة قلب. في حالة إن كل كشف القلب والصدرية كلهم زي الفل، يبقى ساعتها بنسمي حاجة اسمها العصب الحائر. وهي من أشهر الأعراض اللي ممكن تعمل فيجاس نيرف تعمل مشاكل في جسم الإنسان كله. نفسي تعبان، دايخ، جسمي بيوجعني، بطني منتفخة وأعراض مالهاش أي منطقية ببعض اطلاق. وجرب علاجات الدنيا كلها وزار دكاترة ومش لاقيين سببه صريح. فساعتها بيبقى اسمه فيجاس نيرف.
>> بس الفيجاس نيرف ده عبارة عن عصب واخد الجسم كله من أوله.
>> من أطول الأعصاب اللي موجودة في جسم الإنسان. طبعاً بعض الاضطرابات اللي فيه كوميتد قوي بتشخيص القولون العصبي ده لو هنتكلم كجزء الجهاز الهضمي. وكوميتد قوي كجزء القلب بضربات القلب وتكون عملت كل فحوصاتك ورسم قلبك والإيكو على القلب اللي هي الموجات الصوتية وما فيش أي أسباب عضوية خطيرة هي اللي عاملة لك الأعراض. وناس كتير قوي بتلخبط ما بين الأنكزايتي أو اضطرابات النفسية مثلاً أو اضطرابات التوتر بمشكلة في القولون العصبي برضه.
>> طبعاً طبعاً.
>> إزاي أفرق برضه؟ إزاي أقول أصل إحنا بقينا ترند دلوقتي موضة في عندك أنزايتي؟ إيه ده؟ ده أنت عندك بانك اتاك؟ أنت ممكن يكون عندك مشكلة في القولون.
>> عارفة يا رنا إيه اللي زود الحاجات دي في الوقت ده؟
>> مشروبات الطاقة اللي هي بقينا نستنزفها بطريقة غير طبيعية.
>> ام.
>> والأكل بتاعنا اللي بقينا دايماً نعمل له أبيوز بطريقة غير منطقية ولا صحية.
>> بمعنى إيه أبيوز؟
>> على أساس إن إحنا صغيرين في عشرينات، ثلاثينات، أربعينات ناكل اللي إحنا عايزينه، نشرب اللي إحنا عايزينه، ما ننامش كويس، مشروبات الطاقة دي براحتنا خالص. فالحياة ما فيش ده. ده خط العلاج الأول لمعظم أمراض الطب. سطر درسناه في الكتب كلها في الماجستير والدكتوراه وفي الجامعة. لايف ستايل موديفيكيشن. غير نمط حياتك وأكلك وشربك ونومك بالليل وما تشقلبش ليلك نهارك ونهارك ليلك. وبعد كده شوف لسه بتشتكي. روح اكشف إن في ناس لو ظبطت دنيتها أمورها بتستقر وبتكون طيبة.
>> في حاجات فيها سكر عالي بما إننا اتكلمنا عن مشروبات.
>> سكر عالي. في ناس بتشرب مشروبات الطاقة. في ناس بتحط صوص كتير قوي وأعشاب مختلفة مش معلومة المصدر. هل كل ده ممكن يعمل مشكلة في اضطرابات أو يعمل اضطرابات في القولون فبالتالي يسمي نفسه عنده أنكزيتي؟
>> السموم البيضاء تلات حاجات.
>> اه.
>> ملح، سكر، دقيق.
>> امم امم.
>> وجميل على فكرة. كل أما الأكل بقى طعمه حلو وجميل وجوسي وعليه صوصز وألوان صناعية ومكسبات طعم، كل ما بقى مضر أكتر. الأكل الصحي على فكرة مش حلو قوي، بس هو بالتعود. مش أحلى حاجة في الدنيا. إحنا كلنا بنحب الجانك فود والأكل اللي فيه دسم ودهون وفاتس والدهون الضارة.
>> بس كمان بيكون إدمان للأسف الشديد.
>> جداً.
>> لأن مع الوقت السكر إدمان.
>> جداً.
>> والملح تعود والدقيق إدمان برضه.
>> هقول لك حاجة بقى. عارفة السيروتونين والأوكسيتوزين والحاجة هرمونات السعادة دي بتطلع من الأمعاء الدقيقة.
>> الأمعاء الدقيقة لو احترمناها وأكلناها صح زي ما جسم البني آدم محتاجه، طول عمرك هتفضل في مود السعادة. ليه أمراض البريشن والاكتئاب ونوبات الهلع وبانك اتاكس والاي دي إتش دي زادت جداً في الفترة الأخيرة؟ الفترة الأخيرة دي مش كام شهر، بنتكلم في حقبة من الزمن عشان خاطر إحنا مش بنحترم بيت الداء اللي أنت في أول وأنت بتقدمي البرنامج قلتيه، بيت الداء. احترمناه اه هيحترمنا.
>> صح.
>> ما احترمناهوش ممكن يقلل مننا ويزود أعراضنا.
>> بما إن حضرتك اتكلمت على السيروتونين وقلت إن هو بيتم إفرازه أو تكوينه خلينا نقول في المعدة وده ليه علاقة بالبروبيوتكس والبري بايوتكس. معلش أنا هدخل في حتة دقيقة شوية. ليه؟ لأن في أكلات كتير جداً بتحتوي على الحاجات المهمة جداً دي اللي هي البروبيوتكس اللي بيحصل مع مدار الوقت إن بيحصل فيها خلل. بناكل أكل غلط بتروح الحاجات دي كلها. وجود المكونين دول من الأكل مهم قوي قوي قوي. آخد البروبيوتكس والبري بايوتكس ومعناهم إيه ومن أنهي أكل كمان؟
>> أنا من رأيي أول حاجة البروبيوتكس مشهورة جداً موجودة في الزبادي. في الزبادي كمان مش المصنع، في الزبادي بتاع اللبان بتاع زمان البلدي. هو ده اللي فيه قمة الفايدة. وكمان منتجات الألبان على فكرة الألبان مفيدة.
>> ممكن يكون في بعض الأحيان في بعض الدول في بعض الشركات التعبئة بتاعتها والمواد اللي عليها أفقدتها فايدتها أو زودت أعراضها عند البني آدم فبقت تعمل تقلصات. فنسب حساسية الألبان اللي إحنا بقينا نشتكي منها زادت وعليت. دايماً بقول للناس تاني أنا مش بعمم. إيه اللي يخلي زمان زمان أيام اللبان يمكن جدي وجدك ما.
>> فيش.
>> فيش.
>> يومين اتنين اللبن موجود في الثلاجة أو بره يغير أربع حاجات: شكل، لون، طعم وريحة.
>> ام.
>> وإيه اللي يخلي دلوقتي ممكن عبوة تقعد بالست شهور؟ ما تغيرش ولا تشقق ولا تغير لون ولا طعم ولا شكل ولا ريحة؟ ده سؤال وجوزي.
>> طبعاً وعندك حق. كل ما رجعنا للحالة الطبيعية بتاع الحاجة اللي ربنا خلقها، طول ما إحنا في حالة صحية. زي ما بيقول لك كل من الأرض دلوقتي هو ده الأصح. ما تاكلش من حاجات مصنعة. أي حاجة مزروعة من الأرض وطالعة من الأرض ناتشرال ما دخلش فيها يد بشرية تقدر تغير من مكوناتها أو من طعمها أو من شكلها الطبيعي اللي ربنا خلقه، ممكن تكون أفيد بكتير جداً.
>> حلو قوي. هروح بقى لحاجة الناس كلها مشغولة بيها وفي الفترة الأخيرة. إتش بايلوري جرثومة المعدة. كل الناس دلوقتي أنا عندي جرثومة المعدة، أنا عندي جرثومة المعدة. هل جرثومة المعدة دي حاجة بتروح وبتيجي ولا بتبقى خامدة وبعدين بتنشط؟ ويعني إيه جرثومة المعدة وتتعالج إزاي؟
>> طيب جرثومة المعدة هي اسمها ليها اسمين، اسم البكتيريا الحلزونية والاتش بايلوراي. اوكي هيليكوباكتر.
>> دي موجودة على الأسطح حوالينا في الأكل اللي مش نضيف. ممكن تكون موجودة في إيديا وإيديكي دلوقتي لو إحنا مش غاسلينها باستمرار وسلمنا على بعضنا على ناس كتير حوالينا. أمناها بقنا أولم بتاعتنا على طول هتخشنا.
>> خلونا متفقين إن المصريين والشرق أوسطيين أكتر من 60 70% منهم عندهم جرثومة المعدة سواء بأعراض سواء إنها كامنة أو خامدة. امتى تعمل أعراض؟ لو البني آدم ابتدى يشتكي من ارتجاع في المريء، حموضة، حرقان، في ثقل في بطني، في انتفاخات. كل دي أعراض لجرثومة المعدة وهي أعراض لأسباب تانية أخرى باي ذا واي. إنها مش جرثومة. يعني ورم في المعدة لا قدر الله أو فتق في الحجاب الحاجز أو التهابات في الأمعاء أو تقرحات أو فطريات على المريء تعمل نفس أعراض جرثومة المعدة بالضبط.
>> إنك هتحللها سواء في البراز أو النفس. طبعاً تحليل النفس بتاع جرثومة المعدة أدق بكتير وأعلى بكتير من تحليل التواليت. هتلاقيها موجودة.
>> في ناس دلوقتي ترند ماشي بقى له سنة إنه ممكن نعالجها أصل بخل التفاح أو بلبان الذكر أو بعسل المانوكا. كل دي أعشاب طبيعية أو حاجات طبيعية. أنا مش ضدها، بس ضد إنه يكون عندي جرح في إيدي وأحط عليه خل. لو في قرح في معدتك أو ارتجاع شديد في المريء وبتشرب خل التفاح، أنت بتقضي نفسك وتزود أعراضك.
>> بس بيقول لك أنا بدوبه في ميه.
>> حتى لو حطيت نقطة قد كده مع الوقت لو ما تحسنتش يبقى أنت بتعمل حاجة غلط. والله لو فادك أنا مش ضده، بس ضد إنه دي اسمها بكتيريا حلزونية. في أبحاث علمية وفي علم إحنا ربنا أدانا عشان ننتفع بيه. قال لنا إن إحنا نعالجها بـ أنتي بيوتكس بمضادات حيوية.
>> البكتيريا ليها مضاد حيوي. الفيروس ملوش مضاد حيوي، ليه مضاد للفيروسات. ففي بروتوكول علمي منطقي معين درسناه حول العالم كله كأطباء. أي حد خريج كلية طب اسمه اسمه العلاج الثلاثي بنبتدي بيه العلاج جرثومة المعدة. ما نفعش ساعتها يبقى نعلن للعلاج الرباعي.
>> طيب البني آدم اللي بيجيله جرثومة المعدة بتروح وتيجي كتير؟
>> مليون في المية. في أكل هو مش منضبط عليه. أنا لو أكلت ديليفري طول عمري، أكل من بره ومش نضيف، ممكن ما يحصليش أي حاجة خالص. معدتي الحمض فيها جامد وقوي جداً وتهدم الزلط زي ما بيقولوا. بس ممكن واحد معدته رقيقة ما تستحملش أي ساندوتش واحد جابه من بره. هو ده يكون سبب جرثومة المعدة. فممكن تحصل من نص مرة وممكن تقعد سنين وسنين وما تحصلش والبني آدم سليم وبيشتكيش. ما فيش بني آدم زي الثاني.
>> بس الأسلم إننا نلتزم بالأكل السليم.
>> ده مش للجرثومة بس، ده في العموم للصحة الذهنية والنفسية الجسدية.
>> طيب امتى تكون نشطة وامتى تكون ما فيش خمول بقى؟ يعني هل ده ليه علاقة بزمن معين أو أكله معينة أو كده؟ لأن أنت قلت دلوقتي الأكلة مهمة جداً ممكن تنشط. هل في حاجات تانية غير الأكل ممكن تخلي جرثومة المعدة تنشط؟
>> هو اللايف ستايل في العموم.
>> الأكل طبعاً أولهم. وإنه في أنواع من جرثومة المعدة الناس مش عارفة الموضوع ده. في حوالي خمس أنواع من جرثومة المعدة وفي نوعين ثلاثة منهم هي دي اللي بتقلب لا قدر الله أورام أو سرطانات المعدة. عشان كده إحنا بنقلق من جرثومة المعدة. من حسن الحظ إن مش الأنواع الضارة هي اللي موجودة عندنا في مصر في بعض الأحيان. وفي تحليل في المعامل على فكرة إيه نوع جرثومة المعدة اللي عندك كمان. وده اللي مش ناس كتير تعرفه. لأن كل واحد بأعراضه وعلى حسب نوع الجرثومة يختلف بروتوكول العلاج.
>> اه فعلاً.
>> في ناس ممكن ألاقي عندها جرثومة خصوصاً الأطفال ما أعالجهاش. ما عندهمش أعراض ونسبتها مش عالية.
>> لأن ساعات علاج الجرثومة يضر الطفل أو يأخر نموه. المضادات الحيوية مش حلوة لكل الناس أو تموت البكتيريا النافعة اللي هو المايكروبيوم اللي ربنا خلقها طبيعي في جسمنا عشان يحصل بالانس أو توازن ما بين خلايا جسمنا.
>> صح.
>> طيب لو لو جينا بقى لخلاص لا قدر الله البني آدم عرف إن عنده إتش بايلوري والدكتور قال له هنمشي على أنتي بيوتك. هل بيبقى كورس واحد أنتي بيوتك وخلاص بعد كده ولا بيتكرر كورس الأنتبايوتيك؟
>> على حسب بيلتزم بيه ولا لا. ساعات ممكن تاخد الناس نص الكورس تقطعه. فالبكتيريا ما بتروحش. فالجسم يبتدي يكون أجسام مضادة ضد المضاد الحيوي بتاع الجرثومة. فما يمشيش معاه تاني اللي هو.
>> ده اللي بيمشي مع لو أخدنا أنتي بيوتكس كتير كمان للأسف الشديد.
>> طبعاً إحنا الفاضي والمليان.
>> من البلاد اللي بتبيوز أو بتستنزف استخدام المضادات الحيوية بشكل شارد جداً. وده الواحد بيدفع ثمنه في المستقبل. كلنا ممكن يجيلنا عدوى بكتيرية أو مشكلة ما لما نكبر في السن. لما يجي ناخد نستنزف الأنتبايوتكس دي وإحنا صغيرين هتيجي مش هتحوق معانا لما نكون فعلاً محتاجينها لالتهاب ما زي مثلاً التهاب نمونيا اللي هي الحاجة الصدرية، التهابات اليو تي آي، اليورين تراكت إنفكشنز أو اللي هو التهابات مجرى البول والمثانة والكلى. وهي أشهر عند السيدات كمان. ونيجي ناخد المضاد الحيوي مش مش هيجيب نتيجة. ليه؟ عشان استنزفناه وإحنا صغير فالجسم عرف عليه فكون أجسام مضادة ضده.
>> طيب الإمساك والإسهال. اوكي لو اتكلمنا بشكل عام. الإمساك ليه أضرار كتير جداً على الجسم. اوكي وأضرار نفسية كمان. فعايزين نتكلم عن الإمساك أسبابه وإزاي نقي نفسنا من موضوع الإمساك ده وبرضه لموضوع الإسهال.
>> أول حاجة لازم نقول إن الإمساك عرض وليس مرض. ما فيش مرض درسناه في كتاب كلية طب أو صفحة كلية طب اسمه مرض الإمساك. عرض لإيه؟ الغدة الدرقية الخمول بتاعها يعمل إمساك مثلاً.
>> لو في أورام لا قدر الله ما هتعرقل مجرى البراز إنه يمشي في القولون أو في الشرج أو في المستقيم فتعمل إمساك. فالسن عامل رئيسي. التدخين عامل رئيسي. الفاملي هيست التاريخ المرضي عند العائلة أقرب الدرجة الأولى أو حتى الثانية عامل رئيسي. وجود دم في البراز. البواسير الداخلية لو محتقنة أو الخارجية هيبقى في ألم أثناء عملية التبرز أو دخول التواليت فتعمل إمساك. البوكتس جيوب القولون في حاجة اسمها جيوب القولون تحوش براز جواها تعمل إمساك وانتفاخات وغازات. في أمراض كتير قوي عضوية ممكن جوه القولون تعمل إمساك وإحنا مش واخدين بالنا منها ومعتمدين على الملينات على طول بدون معرفة السبب. ضعف في عضلات الحوض الشرج والمستقيم. دي مشكلة كبيرة جداً خصوصاً الناس اللي عاملة عمليات في بطنها أو السيدات اللي عاملة سيزيرين سكشن اللي هو القيصرية. تأثر على عضلات الحوض فما يبقاش في قوة لإخراج الفضلات والبراز من المستقيم والقولون تعمل إمساك وأنا عمال آخد ملينات ومش عايز أكشف على العضلات. ودي حاجة خارج نطاق الجهاز الهضمي شوية.
>> بالظبط. لا وبعدين كمان قلة الميه، قلة الألياف. لا يمكن كمان في نقطة مهمة جداً ودي ليها مدرستين. كتر الألياف يعمل مشكلة ولا قلة الألياف هي اللي تعمل مشكلة؟
>> اوكي.
>> الفايبرز اللي هي الألياف في العموم مفيدة جداً، مفيدة جداً لجسم الإنسان. اوكي. تيجي عند صاحب القولون العصبي ساعات تثير أعراض القولون العصبي أكتر وأكتر.
>> طبعاً عشان هضمها.
>> بالظبط. الثوم والبصل هم مفيدين جداً هم انتي أوكسيدنتس مضادات للأكسدة جمال.
>> بس تيجي عند صاحب القولون العصبي تعمل له انتفاخات وأعراض شديدة تضايقه كمان.
>> فيفضل صاحب القولون العصبي يبعد عن الثوم والبصل والألياف الكتير.
>> في أكل معين معين اسمه فاد ماب دايت. طريقة كده أكل للمريض القولون العصبي. مثلاً التفاح. التفاح وأن أبل أيدا كيب دكتور أوي أحسن وأفضل حاجة في الدنيا وهيلثي.
>> بس مع القولون.
>> مريض القولون العصبي ماينفعلوش التفاح خصوصاً لو بقشره.
>> كنت لسه هقولك.
>> خصوصاً لو بقشره. البطيخ. كلنا بنحب البطيخ خصوصاً في موسم الصيف.
>> المانجا.
>> كل دي حاجات تضر القولون العصبي.
>> أنا أعرف مرضى بيقولوا لي أنا قولوني تعبان. أكلت إيه امبارح بالليل؟ قعدت على نص بطيخة وتم استنبولي.
>> ده إحنا لسه داخلين عليها. لسه اللي جاي.
>> اه. قلة الميه طبعاً تعمل مشاكل كتير قوي.
>> الديهايدريشن تعمل صداع، دوخة، تعب، خفقان. تعمل إمساك. جسمنا مكون من 70 80% منه ميه. ما ينفعش ما تشربش أكتر من 2 3 لتر في اليوم.
>> ما ينفعش تاخدهم من الأكل وتاخدهم من الشرب.
>> والجديد كمان حقن التخسيس اللي بتبطئ. أنا عارفة بص دكتور بص اللي بص اهو دلوقتي اللي بتبطئ حركة الأمعاء عشان تحسسك إن أنت شبعان دي كمان من الحاجات الخطر.
>> طبعاً.
>> فأي حد بياخد حقن تخسيس يعني هم خمس أو ست أنواع وفي بقية أقراص دلوقتي بيشتكي من أعراض ارتجاع أو انتفاخ أو غازات أو إمساك ما ياخدهاش ويروح عند الدكتور. لأن الدكتور مش هيعرف يفيده بأي حاجة خالص لأن هي السبب في الأعراض بتاعته إنها زادت الطاق طاقين.
>> فبالتالي لو هتعملوا كده لازم يبقى في حد هو اللي متابع معاكم عشان حركة الأمعاء لما تتبطئ فما بنتخلصش من السموم اللي موجودة في جسمنا ودي كارثة.
>> طب اللي عنده ارتجاع هيزيد. ما هو الأكل متراكم في المعدة ما بيتهضمش بسهولة. اللي عنده إمساك هيزيد. اللي عنده انتفاخ هيزيد. فيفضل أكل جوه سوري يعفن ليه؟ لأنه هيحصل فيه أبخرة ويطلع بكتيريا ويطلع طفيليات. ما هو ما بيتهضمش ما بيطلعش بره جسم الإنسان.
>> امتى نقول إن الإمساك حاجة لازم تتحل بعد كام يوم مثلاً ما دخلش التواليت؟
>> طيب تعريف الإمساك إن هو قعدت من تلات لخمس أيام على حسب البني آدم وطبيعته.
>> ما أقلقش لو واحد بيقول لي أنا من صغري بخش تواليت كل تلات أيام. أقلق لو واحد بيقول لي أنا من صغري بخش تواليت زي الفل بس في آخر تلات أربع خمس شهور بقى عندي إمساك. ده عرض جديد حصل تريجر. يا ترى إيه السبب اللي حصل في جسمه سبب الإمساك في آخر فترة وجيزة. إنما لو هو طبيعته كده لأن ما فيش حاجة وحشة لا قدر الله هتقعد سنين وسنين وهو صغير. فإحنا بنقلق من الأمراض الخبيثة لا قدر الله.
>> على عكس بقى الإسهال. الإسهال في مشكلة على ما أعتقد صح يا دكتور؟ لأن.
>> في ناس طبيعتها بتخش تواليت تلات أربع تلات أربع مرات في اليوم. وفي أكلات بتزود الإسهال وفي أكلات بتقلل الإسهال كمان. والإسهال برضه ممكن يكون مرض.
>> قولون تقرحي يعمل إسهال مدم. مرض كرونز يعمل إسهال. بكتيريا أو طفيليات أو فيروسات معينة تصيب جسم الإنسان زي حاجة اسمها شتاين بار فايروس أو سايتو جالو فايروس أو حاجة اسمها سيديف كولستريديوم ديفيسيل. أنواع كده مسميات معقدة شوية من البكتيريا تعمل إسهال.
>> فمش كل حل الإسهال إن أنا آخد مضاد حيوي على طول. دايماً بقول للناس إذا عرف السبب بطل العجب. اعرف سبب العرض إيه عشان تعرف تعالج المرض.
>> فبالتالي أروح للدكتور بعد كام يوم عندي إسهال ولو هو مش عرض طبيعي أو مش لايف ستايل بتاعي عادي؟
>> لا لو حاسس إن أنا بيجي لي ديهيدريشن وجفاف وكل شوية مش عارف أطلع من التواليت وما فيش أدوية جايبة نتيجة معايا وظبطت أكلي وشربي كويس قوي لازم على طول في خلال تلات أيام بالكتير أروح عند دكتور. لأن الإسهال الشديد هيعمل جفاف. الجفاف هياثر على تركيزك على وعيك على مخك على المعادن والفيتامينات الرئيسية اللي جسمك محتاجها هيتخلص منها على الكلى يعمل لك فشل كلوي حاد ويعلي الكلى الكرياتينين بتاعها وهيؤذيك. فما نستهونش بأي عرض يا جماعة حتى ولو صغير بنحس بيه. ده أليرم ربنا خلق لنا الشكوى بتاعة الألم أو العرض عشان نقول إحنا محتاجين نكشف. إحنا محتاجين حد فاهم. إحنا محتاجين مساعدة.
>> طبعاً. أنت ضربت مثل قوي جداً العربية لما بتنور بنجري بسرعة بدل ما نخبط فلوس قد كده و نبقى باقيين إن إحنا نوديها للصيانة بدل ما تكلفتها تبقى عالية جداً وهي إيديا ورجليا اللي أنا بتحرك بيها. النهاردة الجسم اللي ربنا مديه لنا ده اللي هو نعمة وأهم نعمة عندنا بنستنى بنقول.
>> أنا بشوف ناس كتير بتشتكي يمكن سنين كمان وهم ساكتين. وممكن يكلموا الصيدلية يبعتوا دواء عشان جارتها اللي في الدور السابع أخدته أو بنت عمتها جربته قبل كده.
>> ادوية الحموضة اللي إحنا بناخدها على الفاضي والمليان أصلها بتريح.
>> [ضحك] جداً.
>> هي مشكلة ما بتريحش على المدى الطويل.
>> طب ومشهورين جداً وعلى فكرة أعلى مبيعات في سنة 20 25 اتقالت في في كل نيوز في مصر كانت دوا من أدوية الحموضة اللي هو تركيزه 40 ملغم.
>> طب ده فا في فايدة ولا في.
>> طيب.
>> أضرار.
>> أي بني آدم عنده ارتجاع أو حموضة أو حرقان أو الهبو أو اللقمة بتقف لي هنا في ارتجاع صامت في ارتجاع بأعراض. هيقعد تلات شهور ظابط أكله وشربه وبياخد الأدوية بتاعة الحموضة دي ما تضرش.
>> بس لو استمرت الأعراض أو بيجي يبطل الدواء الأعراض بتفضل زي ما هي أو ضبط أكله وشربه ولسه بيشتكي هنا لازم نشوف سبب الارتجاع أو الحموضة دي إيه هو ليه؟ طب لو هو قادر يستحمل أعراضه الحموضة أو الارتجاع ليه لازم أعرف السبب؟ الارتجاع الحمض بتاع المعدة. المعدة سميكة تخينة تستحمل. هي اللي بتفرز الحمض أصلاً تهدم الزلط زي ما بيقولوا. إنما المريء جداره سفييف جداً ما تقدرش تستحمل الحمض الشديد اللي المعدة بتفرزه. فيحصل حاجة اسمها بارتس أوسوفيجس. مريء بارت تحور وتغيير في شكل خلايا المريء الناتج عن الارتجاع المزمن لفترات طويلة وبعيدة من حمض المعدة تاكل وتنحل في جدار المريء ده يقلب بأورام سرطانية في المستقبل.
>> فانه مش هو ما بين المريء وما بين المعدة في حاجة اللي هو الباب الصغير ده اللي بيفتح وبيقف لو العضلة دي ضعفت يطلع الأسد أو الحمض لفوق.
>> صح.
>> العضلة دي اسمها عضلة الفؤاد.
>> ليه الفؤاد؟ عشان هي جنب القلب والقلب اسمه الفؤاد. أو ساعات بيسموه اسم تاني ارتخاء في صمام المريء.
>> بالظبط.
>> شغلتنا إن إحنا ناكل نبلع. ربنا خلق لنا الأكل يتزحلق من المريء ينزل ناحية المعدة. هوب تقوم الصمام ده قافل أو العضلة دي قافلة. لو العضلة دي فيها مشكلة وفيها ارتخاء أو حتى حصل حصل لها فتق ده اللي بنسميه فتق الحجاب الحاجز. وهو من تاني أو تالت أشهر أعراض لارتجاع المريء عند الناس الغير مستجيبة لمثبتات الحمض اللي هو الأدوية بتاعة الارتجاع والحموضة.
>> فبالتالي هنا لازم الحل ليها عملية مثلاً ولا.
>> لما تخش بالمنظار وتعرف تقيس فتق الحجاب الحاجز ده كام سنتي بالضبط ونوعه إيه لأنه أربع أنواع. في حاجة اسمها هيلث كلاسيفيكيشن. تعرف تعالجه إذا كان جراحة وإذا كان جراحة بالمنظار بدون جراحة دلوقتي بنتدخل فيه. أو أنت مش محتاج تعمل له أي حاجة خالص لأنه مش شديد قوي لدرجة إنك محتاج تخضع العملية عشان تصلحها.
>> كده نروح بقى للمناظير. أنواع المناظير المختلفة وهل كل المناظير لكل الناس ومن سن كام برضه؟ هل في أطفال يقدروا يعملوا مناظير؟
>> طيب في سن سنة ممكن نعمل مناظير.
>> اوكي.
>> أسهل كمان. أسهل من زمان.
>> طيب المناظير اتطورت بشكل شديد جداً. كل واحد طبعاً كل مستشفى أو كل طاقم طبي على حسب أنواع المناظير اللي بيستخدمها. هل المناظير أنواع؟ طبعاً سؤال بيتسأل لي. طب أنا عايز أعمل منظار. أيوه حضرتك منظار إيه؟ ما هو إحنا هنكشف. هنسمع تاريخ مرضي. هنشوف فحوصات أشعات تحاليل. نشوف أدوية حضرتك جربتها قبل كده أو حضرتك جربتيها قبل كده. إذا كنا محتاجين منظار ولا لأ. في منظار معدة. في منظار قولون. في منظار قنوات مرارية. في هركب دعامة في القنوات المرارية ولا لأ لو في مشكلة أو ورم في الكبد أو في في المرارة. في منظار الفراغ الثالث وده الجديد والحديث بيعالج أمراض زي خزل المعدة. حاجة اسمها جاستروباريسز أو بيعالج أمراض زي الأكاليزيا. فاكرة فكرةنا من شوية إنه في ارتخاء في عضلة الفؤاد هنا وتعمل ارتجاع. ساعات عضلة الفؤاد دي تقفل خالص ويحصل فيها تشنج.
>> ودي مشكلة في الأعصاب اللي رايحة تغذي المريء ده اسمه مرض أكيليجيا أو أكاليزيا. دي بنعالجها بمناظير الفراغ الثالث. البني آدم مش هيبقى عارف يبلع. في صعوبة في البلع وفي ألم أثناء البلع واللقمة بتقف له هنا ما بتنزلش بسهولة ناحية المعدة. فالمناظير أنواع كتير وأصناف كتير وكل بني آدم ما يناسبوش منظار زي الثاني على حسب أعراضه على حسب سنه على حسب وزنه على حسب هو تشخيصي ولا علاجي على حسب هاخد عينات ولا لأ. هكوي قرح نازفة ولا لأ. هستأصل زوائد جلدية أو لحمية وأستاصلها إزاي بالكي البارد ولا الكي الحراري. اللي مناظير بحرها واسع جداً.
>> اه. تعال بقى نبسط كل ده للمشاهدين.
>> [ضحك]
>> بتكلم بسرعة شوية.
>> لا لا بالعكس عشان الناس تستفاد وأنا الحقيقة قاعدة مركزة قوي. فأنا حاسة إن المعلومات كتير بس أنا كمشاهد أو كران نفسي أفهم. أيوه يعني أنا دلوقتي لما قولوني يوجعني اوكي أو عندي مشكلة في المعدة أعمل منظار وأنهي نوع من أنواع المنظار؟ طبعاً عارفة أنت قلت لي لازم كشف.
>> هو لازم كشف. طيب تعالي نبسطها. تعالي نبسطها. أنا بشتكي بقى لي تلات أربع شهور جربت تلات أربع دكاترة بثلاث أربع روشتات مختلفة. سونار على تحليل براز وما فيش أي نتيجة. ساعتها هعمل منظار. ليه؟ أنت جربت ولعبت كل الألعاب اللي يمكن تلعبها.
>> بالظبط.
>> بتلجأ بقى للفحص اللي بيلخص ويشخص ويجيب من الآخر.
>> المنظار اللي هو زي ما إحنا قلنا كده بيدخل يستكشف.
>> كاميرا كاميرا مكرونة سباجتي آخرها كاميرا.
>> بس كده. ودي ممكن تدخل من فتحة البق وفتحة الشرج.
>> من الفتحات الطبيعية اللي ربنا خالقها في جسم الإنسان.
>> وعلى حسب التشخيص برضه.
>> طبعاً.
>> طيب هل لازم أوصل لحالة معينة عشان أعمل منظار؟ يعني أجيب أخري خلاص فاروح دكتور أقول له اعمل لي منظار.
>> ولا يفضل إن في الأول خالص.
>> طيب على حسب وجود دم في البراز. من ظرف الأول خالص بدون أصلاً نقاش. الدم ده مش حاجة طبعاً. قيء دموي أو قيء مستمر أو في ناس بتجي لي بترجع خمس ست 10 مرات في اليوم. ده منظار على طول نبتدي بيه. أما يكون الحالة مستعصية وبتشتكي وتعبانة والكوالتي أوف لايف بتاعتها مش قادرة تتعامل نبتدي بمنظار. أنا مش هبتدي بجرثومة معدة. ما فيش حد عنده جرثومة معدة بيرجع 10 مرات في اليوم. كان العالم كله ابتدى يرجع 10 مرات اللي ماشي في الشارع.
>> فعلى حسب الأرمين سيمتومز أو الحاجات المنذرة لدى البني آدم وأعراضه.
>> قادر يتعايش يتعامل أعراضه ستيبل مش بتسوق أكتر من كده. سنه تدخينه ووزنه وأكله تاريخ مرضي عند العائلة. الحاجات دي كلها بتدخل في القرار الطبي لدى الطبيب.
>> ام.
>> آخر سؤال. أي حد ممكن يعمل منظار؟ أي حد ممكن يعمل منظار؟
>> ما فيش مثلاً حد عنده مرض معين لا قدر الله سيدة حامل مثلاً أي حاجة.
>> السيدة الحامل لحالات الطوارئ فقط زي وجود الدم أو النزيف أو القيء المستمر اللي فيه دم. دي حالة طوارئ. إنما بنخاف أكتر من الأم. ساعات في بعض الأحيان. النهاردة الصبح عاملين مريض 97 سنة عامل قلب مفتوح من 20 سنة منظار عشان عنده نزيف وكان عنده ورم في في القولون. فمالهاش سن على حسب الدكتور على حسب إيده على حسب أجهزته ومعداته على حسب فريقه الطبي ودكتور التخدير اللي معاه عاملين إزاي.
>> ام.
>> تدي نصيحة أخيرة للناس على موضوع المنظار تقول لهم إيه؟ لأن مهم جداً اختيار الطبيب وفريق الأطباء كمان.
>> جداً. زي ما أنت بتروح تشتري عربية أنت هتختار العربية وهتسأل عليها الأول وهتجربها الأول وتشوف. إنما مش بتشتري حاجة أنت مش شايفها. لازم تعرف أنت بتعمل المنظار ده حفاظاً على حياتك. ما تطنش أعراضك. مش منظار بس أي حاجة. حتى لو دكتور القلب طلب منك قسطرة قلب ما تخافش. مادام رسم قلبك والإيكو وكل الفحوصات دي سليمة ومش لاقيين سبب لأعراض بتاعة القلب بتاعك. اعمل قسطرة. دي ممكن تساهم في إنقاذ حياتك.
>> يعني أتمنى يا رب إن شاء الله ما نوصلش لده. بس هي حاجة مهمة وحاجة ما تخوفش يا دكتور. ده اللي عايزين نقوله.
>> كان تخوف زمان. كان سمعتها مش حلوة. أجهزة المناظير في حاجات ريفيربشت أو إعادة يعني إعادة تصنيعها دلوقتي. الدنيا اتطورت جداً وكل سنتين تلاتة بيبقى في أجهزة مناظير حديثة بتنزل أساساً. فأنك كطبيب تواكب الدنيا دي وتعرف بتنتقي الآلات والمعدات والأجهزة الطبية اللي أنت بتستخدمها في شغلك هي دي اللي هتخدم المريض بتاعك وتخدم فيها شغلك والكواليتي بتاعة الخدمة الطبية اللي أنت بتقدمها للمريض.
>> الله. بشكرك يا دكتور رامي جداً. نورتنا وشرفتنا النهاردة. وهرجع أختم بس بحاجة مهمة جداً. اللايف ستايل نمط الحياة مهم قوي. دكتور رامي دايماً بيتكلم عن الموضوع ده. الأكل السليم والرياضة مهمة قوي قوي قوي في حياتنا بشكل عام. وطبعاً زي ما هو قال في الأول لازم نعمل صيانة لجسمنا. وبداية الصيانه دي بأننا نكشف. لازم نعمل التحاليل البسيطة السهلة زي ما بنروح أي مشوار نروح لمعمل التحاليل نعمل التحاليل دي. وإن شاء الله ما يكونش في حاجة. بس مهم جداً إن إحنا نعمل ده بشكل دوري. نورتنا وشرفتنا. وإن شاء الله تنورنا مرة تانية في القانك يو فيري ماتش.