عمر الثلاثينات والاربعينات وبيموتوا فجأه كلام مهم وخطير #دكتوروليدشوقى

الحقيقة بقينا بنشوف شباب في عمر الـ 35 سنة والـ 40 سنة والـ 45 سنة، ونقول لك: "ده دخل نام". ما يمشي وما يكونش أحياناً كمان مدخن، وما يكونش عنده أي أمراض، ولكن عنده حاجة واحدة بس: ضغط عصبي شديد جداً، ستريس، مجهود عصبي رهيب لا تتحمله الجبال.

هذا السن ما بين 35 سنة لـ 45 سنة عامل زي الساندوتش، مضغوط ما بين جيلين. فهو بيبقى طبعاً، وده طبعاً شيء جميل إن ياخد باله من أسرته، بيبقى مضغوط إن مثلاً لو والده ووالدته بصحة وعايشين، ربنا يديهم الصحة، تعبانين بيبقوا مرهقين. وطبعاً لو أنت بتسمعني في السن ده وعدت تفكر: "أنا عامل حمل على ابني"، لا ده أنت تتشال على الراس. بس أنا بقول له هو: لو باباك أو مامتك عندهم مشكلة صحية، يعني خد الأمور شوية ببساطة، تقبل تغييرات السن، وغيره، حاول ما تبقاش مضغوط بقدر المستطاع.

برضه مضغوط مع الجيل الصغير اللي هو الأطفال الصغيرين أولاده. بتلاقيه مضغوط مادياً واقتصادياً. اللي معوش شغال شغلانة واتنين وتلاتة عشان يقدر يكفي، واللي معاه شغال شغلانة واتنين وتلاتة عشان خاطر يقدر يحوش، لأن مافيش رضا. فتلاقي الناس بتجري في ساقية، بيبقوا مضغوطين جداً. لا اللي معاها نافعة ولا اللي معوش نافع، وكله قاعد بيبقى قلقان ومضغوط بشكل عصبي رهيب جداً.

يا حبيبي، أنا عايز أقول لك حاجة: هذا الضغط العصبي الشديد بيرفع هرمونات السترس والضغط العصبي في جسمك، فبيزيد الكورتيزون وبيزيد الأدرينالين. ده بيزود التجلط. الهرمونات بتاعة القلق دي والأكسيديتيف ستريس والضغط العصبي اللي بيحصل، وعوامل الأكسدة الشديدة اللي بتحصل، بتحفز الصفايح الدموية إنها تعمل جلطات. هذا الضغط العصبي بيعمل انقباض في الأوعية الدموية ورفع لضغط الدم. هذا الضغط العصبي بيرفع السكر ويزود التجلط والتهاب الأوعية الدموية وجدارها. فيقول لك: "نام ما قامش ليه؟" بتعملوا في نفسكم كده؟

اعمل الآتي: رقم واحد، بص للنص المليان من الكوباية. يعني ما تقعدش تبقى شايل الهم قوي إن أنت ابنك ما دخلتوش المدرسة الفلانية، يعني حسب إمكانياتك. آه يا سيدي، لدكتور مجدي يعقوب بجلالة قدره كان في مدرسة حكومي وغيره وغيره. ما بقولش إن أنت ما تدخلش ابنك أحسن حاجة تقدر عليها، ولا أحسن. اعمل على قد ما تقدر، لكن افتكر دايماً إن اللي أنت بتعمله ده خير وحاجة كويسة. ابنك إنه بصحة كويسة وأنت بصحة كويسة. الفلوس مش هي كل حاجة، والنجاح مالوش مكان، مالوش حدود. تقدر تنجح في أي حتة.

افصل في اليوم على الأقل نص ساعة، ويا سلام لو الفصلة تاخدها قبل النوم. شغل موسيقى هادية، شغل حاجة كوميدية اقعد اتفرج عليها، اطلع من المود بتاع الضغط العصبي. اقرا شوية في قرآن واقرا شوية في إنجيل، أي حاجة تشوفها هتهديك عشان خاطر لما تدخل تنام تكون حضرت الملاتونين، يكون هرمونات القلق قلت في جسمك وهرمونات الراحة ابتدت تزيد، يكون الموتور هدي وبرد. فلما تدخل تنام تبدأ تدخل في عمق النوم. وهذا العمق من النوم بيحميك أصلاً من الجلطات. النوم الهادي يطلع في جسمك ميلاتونين، يطلع في جسمك يقلل الأكسدة، يطلع يطلع في جسمك نيتريك أوكسايد يساعد الأوعية الدموية في الانبساط، يطلع في جسمك يقل في جسمك الكورتيزون والأدرينالين، فيبدأ جسمك يهدى.

أرجوك لازم تعمل تمارين رياضية من 20 لـ 30 دقيقة، ودي تعملها إن شاء الله ماشية، هرولة، إن شاء الله تجري شوية. لازم ما تقعدش ثابت في مكانك أكتر من ساعة لساعة ونص. قوم امشي خطوتين تلاتة. لازم تشرب من 2 لـ 3 لتر ميه في اليوم عشان تمنع اللزوجة بتاعة الدم والركود بتاع الدم والتجلطات. ولو عندك حاجة بتشتكي منها، شوف في إيه. ليه بتسيب نفسك؟ رغم إن أنت أي حد من اللي حواليك ممكن تقعد تروح لـ 50 دكتور لو كح، وأنت يبقى فيك ألم حقيقي وما تفحصوش وما تشوفوش. عموماً، قريب ممكن نعمل فكرة إن إحنا نقول إيه الفحص الشامل، بس مبدئياً قبل ما أقول لك بعد قريب الفحص الشامل كله، على الأقل قيس ضغطك مرة كل سنة، قيس سكرك مرة كل سنة، تابعهم. ولو بتشتكي من شكوى، شوف هي. ما تهملش في نفسك. اللي حواليك عايزين حضنك ووجودك أكتر ما هم عايزين فلوسك. سلام.