تسريب | اجتماع لرئاسة الجمهورية بين السيسي و سكرتير مجلس الأمن الروسي يكشف كارثة

السلام عليكم، ازيكم؟ الفيديو اللي قدام حضرتك ده للرئيس السيسي وفلاديمير بوتين وهم بيشهدوا تركيب قلب أول مفاعل نووي مصري. والحقيقة الاثنين قعدوا يشاوروا لبعض زي ما حضرتك شايف. بس الواضح إن الاثنين ما كانوش بيشاوروا لبعض بس، ده في سر بقى استخباراتي وتقرير استخباراتي لسه نازل حالا. يعني بص، أنا وأجل دلوقتي التقرير ده لسه طالع.

قال لك إيه؟ قال لك فاكر أنت الزيارة بتاعة سيرجي شويجو، سكرتير مجلس الأمن القومي الروسي، اللي جه لمصر وقعد مع الرئيس السيسي وتم استقباله استقبال جيد جدا والكلام ده كله. لازم تعرف إن سيرجي شويجو عرض لا يمكن رفضه من الجانب المصري. والعرض ده كان بيشمل مفاجآت من العيار الثقيل. المفاجآت دي لو أمريكا عرفتها، لأن التقرير لسه نازل ولسه طالع في الإعلام، فعاوز أقول لك إن هتحصل صدمة، صدمة كبيرة جدا.

إيه اللي بوتين عرضه على الجيش المصري؟ وإيه الأسلحة اللي ممكن يتم نقلها من روسيا لمصر؟ خاصة إن في مقاتلة لو اتنقلت للجيش المصري، إحنا هنا بنتكلم على تطور خطير جدا. التقرير الاستخباراتي ده أتمنى إن حضرتك تسمعه للآخر، لأن فعلاً أنا مش جايبه من دماغي. ده موقع تاكتيكال ريبورت، والتقرير ده على فكرة غالي ومش رخيص، بس فيه كم من المعلومات والتفاصيل اللي تمت في الزيارة دي بين سيرجي شويجو وبين الرئيس السيسي، مفاجآت من العيار الثقيل.

بتيجي تسأل نفسك، مين اللي له مصلحة إنه يسرب الكلام ده؟ الكلام اللي نازل ده، ده ما يتقالش يا جدعان. مين اللي له مصلحة يقول التقرير الخطير ده ويقول إن الجيش الروسي ممكن ينقل أسلحة فتاكة للجانب المصري؟ كلام أول مرة هتسمعه. بس طبعًا عشان أقوله لك وأكشف لك الكلام ده كله، لازم أقول لك القصة من الأول. قبل ما أخش في الموضوع، قبل ما أكشف لك التفاصيل، خليني أقول لك إن إحنا معانا راعي قوي جدًا ومحترم جدًا، وهو تشينج مي. هو واحد من أقوى وأفضل المراكز الطبية في مصر والشرق الأوسط. والحقيقة ده مش إعلان فقط، ده عن تجربة شخصية. أنا جربت مركز تشينج مي بنفسي. والغريب في الموضوع إن أنا لما سافرت أكتر من دولة، شفت نفس الأنظمة اللي بيتم استخدامها في مركز تشينج مي هي اللي بيتم استخدامها في تركيا وفي دول خارجية كتير جدًا، حتى في أمريكا. بس خليني أقول لك حاجة مهمة جدًا، إن ما فيش مركز تشينج مي تلاقي فيه أسعار أقل بكتير، تلاقي فيه خدمات أعلى بكتير جدًا من أي مركز طبي لزراعة الشعر داخل مصر، وحتى في تجميل الأسنان وعمليات التجميل الأخرى. هتلاقي مركز تشينج مي متطور بشكل هيبهرك. اتصل بمركز تشينج مي دلوقتي، لأن الموضوع مش محتاج تجربة، الموضوع لازم تبقى واثق إنك رايح في مركز كبير وفي أطباء عندهم خبرة بشكل كبير جدًا عشان إن شاء الله تبقى واثق من النتيجة. ودلوقتي مركز تشينج مي بقى موجود في الشيخ زايد. وما تنساش تسأل على باكدج السياحة العلاجية عشان تجمع بين العلاج والاستمتاع بتجربة فريدة في مصر. وده رأي أحد العملاء في تجربته في تشينج مي في زراعة الأسنان وزراعة الشعر.

>> أحمد القرني من السعودية: تركيبات أسنان وزراعة يعني، فكام؟

والله أنا لي تجربة سابقة مع العيادة.

>> تمام.

في مجال زراعة الشعر والحمد لله كانت موفقة.

>> حضرتك نورتنا والله.

الله يكرمك، الله يكرمك.

>> سيب لحضرتك الراوت بتاع تشينج مي أسفل الفيديو لو حابب تتواصل معاهم في الموضوع على طول.

نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك وأول مرة هتسمعه فيما يخص انفجار مقاتلة مصرية. إيه اللي حصل بالظبط؟ اللي حصل إن الإعلام كله حاليًا مركز على تقرير نازل من تاكتيكال ريبورت. أنا قصدي إعلام إيه؟ إعلام عسكري. خلاص بيقول لك خلي بالك، زيارة سيرجي شويجو اللي تمت يوم 9 نوفمبر الماضي وإن جه مصر، لازم تعرف إن الزيارة دي تم تسريبها بالكامل للمواقع الاستخباراتية. فتاكتيكال ريبورت بيقول لك خد بالك بقى إن سيرجي شويجو لما جه ما كانش جاي لوحده، ده كان جاي معاه وفد من رؤساء المصانع العسكرية الروسية. طب إيه المصانع العسكرية اللي رؤسائها جم مع سيرجي شويجو لمصر؟ والله لما تيجي تبص هتلاقي إن رئيس شركة روزبور وان إكسبورت، رئيس شركتها حضر مع سيرجي شوي. ثاني شركة اسمها اسمها ستيت سبيس كوربريشن روس كوزموس. ماشي. ده رئيسها جه مع سيرجي شوي. وج روس أتوم، دي الشركة المسؤولة عن مفاعل الضبعة، فده مفهوم إن الرئيس هيجي. أما الرئيس الرابع فهو الفيدرال سيرفيس فور ميتري تكنيكال كوربريشن أو رئيس التعاون التقني الفيدرالي. ماشي.

>> سكرتير مجلس الأمن الروسي سيرجي شويجو في القاهرة على رأس وفد يضم مسؤولين كبار في مجالي التسلح والطاقة النووية لإجراء محادثات عسكرية مع القيادة المصرية. وقد التقى الرئيس عبد الفتاح السيسي تزامنا تقارير عن تقدم كبير في المباحثات بين القاهرة وواشنطن بشأن صفقة مقاتلات إف 15. ماذا يفعل الوفد الروسي في مصر؟ لماذا وافقت واشنطن الآن على صفقة الإف 15 رغم معارضة إسرائيل؟

فالتقرير بيقول لك، وثاني ده تقرير استخباراتي، بيقول لك إن سيرجي شويجو كان قاعد وجنبيه الناس دول وكان معاهم الرئيس السيسي. حلو؟ قالوا إيه لبعض؟ قال لك والله إن سيرجي شويجو فاجئ الجانب المصري وقال له والله إحنا منفتحين جدًا إننا نناقش معاكم إننا نصدر لكم أسلحة. ماشي؟ بس أنت عارف إن موضوع تصدير الأسلحة ده معقد. فالرد قال: لا، إحنا مش هنصدر أسلحة بصورتها الكاملة. بالعكس، إحنا منفتحين جدًا إننا ننقل لكم تكنولوجيا. خد بالك بقى من الأمر الخطير جدًا ده. الجانب الروسي بيقول للجانب المصري أو بيقول للرئيس المصري عبد الفتاح السيسي إن الروس منفتحين ينقلوا تكنولوجيا. ماشي؟ لأنهي أسلحة؟ قال لك والله الأسلحة اللي إحنا بنعرضها هي البي 800. إيه البي 800؟ ده صاروخ مضاد للسفن. ماشي؟ وزي ما حضرتك شايف الفيديو بتاعه ده، الصاروخ ده اسمه أونكس أو كونك. ماشي؟ الصاروخ ده مضاد للسفن ومعروف جدًا إن سرعته كبيرة جدًا يصعب إن هو يتم التصدي ليه. وبالمناسبة ده بيتسمى بالجوهره داخل سلاح المحلاية الروسي. يعني هم بيوصفوه بيقول لك جولري، يعني ده جوهره. وده صاروخ فرط صوتي. النيتو أطلق عليه اسم إس إس إن 26 ستوربل. خلاص. المميزات بتاعته إن هو بيطير بسرعة 2.9 أو 2.99 ماخ، يعني نقول 3 ماخ. الثلاثة ماخ ده يعني سرعة كبيرة جدًا. أنا بقول لحضرتك فرط صوتي وبيطير على مستوى منخفض جدًا ولديه رادار نشط وقدرة على مقاومة التشويش والإعاقة. والسلوك ده ممكن يتم إطلاقه من سفينة، من غواصة، من مقاتلة، وحتى من عربية نقالة أو عربية نقل. ماشي؟ بس هو في الأساس مضاد للسفن. السلوك ده تم مشاهدته في حرب سوريا وتم مشاهدته طبعًا في حرب أوكرانيا. فدي كانت أول مفاجأة. يعني أنت بتتكلم إن الروس ممكن ينقلوا لك تقنية صاروخية. لا، وصاروخ فرط صوتي. عارف يعني إيه الجيش المصري ينتج صاروخ فرط صوتي؟ ده حدث جلل. ده ممكن يخلي إسرائيل تترج.

>> صُمم الصاروخ أونيكس في الحقبة السوفيتية خلال سبعينيات القرن الماضي وهو مخصص أساسًا لاستهداف السفن. ويمكن إطلاق الصاروخ من السفن والغواصات كما يمكن إطلاقه من الأرض. تبلغ سرعة الصاروخ 3000 ميل في الساعة وقادر على حمل رأس متفجر يبلغ وزنه 200 غرام. يتفاوت مداه حسب أنواعه ويتراوح بين 300 و800 ميل. تبلغ الدقة التدميرية لصاروخ أونيكس دائرة نصف قطرها متر ونصف، حسب وكالة أنباء سبوتنيك الروسية.

طب أقول لك مفاجأة ثانية؟ ماشي. روسيا ما عندهاش مشكلة خالص إنها تنقل لك منظومة كاليبر. صواريخ كاليبر دي وعائلة كاليبر دي حاجة ضخمة جدًا. لأن صاروخ كاليبر ده داخل الخدمة في 1994-97. وعاوز أقول لك إن تم مشاهدته طبعًا في حرب روسيا وأوكرانيا والحرب الروسية. وده من إنتاج كذا شركة نوفوتار وكي تي آر بي. والساروك الواحد بيتكلف 98 ألف دولار. ماشي؟ وله نسخة تصديرية بتتكلف 6.5 مليون دولار. تكلفته واقفة على روسيا بـ 980 ألف دولار بس بتصدره بـ 6.5 مليون دولار. ماشي؟ لحد دلوقتي بيعمل في الجيش الروسي ومحقق نجاحات جامدة جدًا. والوزن بتاعه بيختلف من 1300 كيلو جرام لحد 2300 كيلو جرام. طول السلوك ده 6 متر، ممكن يصل كمان لحد 8.9 متر أو 8 متر و9 سم. يعني خلاص. الراس الانفجاري بتاعه أو الراس الحربي 500 كيلو جرام. ماشي؟ والساروق ده بيعمل بالوقود الصلب ومن أشهر الصواريخ الروسية. وعاوز أقول لك إن أقصى ارتفاع للسروخ ده ممكن يصله هو 1000 متر. ماشي؟ والسرعة بتاعته 3 ماخ. أقوى حاجة في الساروق ده إن هو معدل الخطأ بتاعه من 2 لـ 3 متر. يعني شوف ده دقيق جدًا. وده بيتم إطلاقه من السفن، من الغواصات، وحتى من صواريخ كالبر أو جلوب. هو نظام صواريخ متعددة المهام التي وضعها مكتب نافتور للبحرية السوفيتية والروسية. يطلق من سفن السطح جلوب إن وغيرها من غواصات جلوب إس. يصل مداه إلى 2600 كم ويبلغ طوله 6 أمتار ويصل وزنه عند الإطلاق إلى 1700 كيلو جرام.

>> ماشي. طيب ده حاجة عظيمة جدًا إن روسيا تنقل لك التكنولوجيا دي. طب أقول لك مفاجأة من العيار الثقيل. امبارح أنا كنت عامل فيديو عن إن مصر ابتدت تصنع قنبلة ثقيلة جدًا اسمها الـ إم كي 84. خلاص. وحتى كان جنبيها حرف آي يعني إيجيبت. ماشي؟ أو صناعة مصرية. قلت لحضرتك القنبلة دي قنبلة إسرائيل كانت هتموت عليها من أمريكا. وجو بايدن حرم إسرائيل منها لما حاول إن هو يعاقب نتنياهو. يعني أوقف له شحنة الـ إم كي 84 دي. وكان عقاب لإسرائيل. إسرائيل ما بتعرفش تنتج القنبلة دي، بتستوردها من أمريكا فقط. مصر بتنتجها. وبمناسبة مصر كمان خلتها جليد بمب أو قنبلة انزلاقية. صح كده؟ صح. ده كده حلو جدًا. طب إيه رأيك إن الروس بقى جايبين مفاجأة؟ قال لك إيه؟ قال لك هننقل لك تكنولوجيا أم القنابل. أم أو بي آي. دي قنبلة أم القنابل على فكرة. أمريكا عندها أم القنابل، روسيا عندها أبو القنابل. ده مش مش تريقة على فكرة، هو كده. كل دولة عندها قنبلة ثقيلة مسمياها اسم. فبعد ما أمريكا عملت أم القنابل بنفس التكنولوجيا اللي هي الـ إم أو بي، روسيا عملت قنبلة مسمياها أبو كنا.

>> ما ذكرته واشنطن بأن قنبلتها الأقوى في العالم ردت عليه موسكو بأنها تمتلك قنبلة أطلقت عليها "أبو كل القنابل" مقارنة بالوصف الذي أطلقته واشنطن على قنبلتها. مسؤولون عسكريون روس قالوا إنها أصغر حجمًا من القنبلة الأمريكية لكنها تعادل أربعة أضعاف قوتها. القوة التفجيرية لأم القنابل تصل لما يعادل 11 طنًا من مادة التي إن تي، بينما تعادل لدى أبو كل القنابل 44 طنًا من نفس المادة.

فالروس بيقول لك إحنا ممكن ننقل لك الذخيرة اللي هي الانفجارية العالية جدًا دي، ننقلها للجيش المصري إن هو ينتجها. شوف قد إيه. شوف العيار. طيب تيجي تقول لي على فكرة كل الكلام ده كلام فالغ وما يفرقش معانا في حاجة. واللي أنت بتقوله ده أي كلام وكلام مش صحيح وأنت بتدعي إن هو تقرير استخباراتي. هقول لك لسه بس يعني بص يعني انتقدني في الآخر. ماشي؟ سيرجي شويجو قال لك إيه بقى؟ قال لك يا باشا، كل ده حطه على جنب. إحنا مستعدين ندي الجيش المصري التي أو تي بتاع إيه؟ بتاع المقاتلة سوخوي 35. يعني إيه التي أو تي؟ ترانسفير أوف تكنولوجي. ينقل لك تكنولوجيا صناعة المقاتلة سوخوي 35. وبمناسبة أنا ولا حرف من اللي أنا قلته في الفيديو ده فاتي عليه ولا حتى تحليل من عندي خالص. سيرجي شوي لما قعد قدام الرئيس السيسي قال له والله إحنا عاوزين نستعيد الصفقة بتاعة السوخوي. بس المرة دي إحنا مش هنبيع لكم المقاتلات. خلاص. إحنا المرة دي هننقل لكم تكنولوجيا لتصنيع المقاتلة سوخوي 35. مش بس كده، هنديكم رخصة لصيانة المقاتلة سوخوي 35. إيه رأيك في العروض الجبارة اللي قالها سيرجي شويجو للجيش المصري؟ خلاص.

طيب هتيجي تقول لي يعني مصر ما جالهاش السوخوي 35؟ هاجي أقول لحضرتك للأسف أنا أكتر واحد في بلد قعد يزعق ويغني ويقول لك خلي بالك السوخوي 35 ما جتلناش. طيب آخر حاجة طلعت عن صفقة السوخوي 35 اللي كانت رايحة للجيش المصري. موقع اسمه أرمي ريكوجنيشن. وامشي بس معايا عشان الموقع ده عرض الصورة اللي قدام حضرتك دي. الصورة دي لمقاتلة سوخوي 35 وهي موجودة في الجزائر. وحتى مكتوب عليها التاريخ 10 مارس 25. خلاص. الصورة دي تم التقاطها بقمر صناعي والصورة طالعة متسربة للمقاتلة المصرية اللي المفروض كانت هتدخل الخدمة في مصر بنفس الألوان دي بس موجودة في الجزائر. طيب إيه اللي حصل للصفقة المصرية؟ والله بص الموقع كاتب بالسطر كده. أنا برضه مش هحاول أفتي عليك في أي حاجة. الموقع بيقول لك إن المصانع الروسية تلقت طلب مصري في 2018 لصنع 28 مقاتلة سوخوي 35. حلو؟ جه في 2019 الأمريكان أرسلوا إنذار للجانب المصري وقالوا لهم خلي بالكم روسيا مفروض عليها عقوبات كاتسا. ولو أنتوا اشتريتوا المقاتلة دي لازم تعرفوا إن هيتم توقيع عقوبات على الجيش المصري. الموقع نفسه بيذكر بيقول لك خلي بالك برغم التحذيرات الأمريكية دي، إلا إن المصانع الروسية استكملت الصفقة. يعني استكملت إنتاج الطيارات دي لحد كام؟ لحد 2021. ماشي؟ وفي 2022 تم اكتمال كل المقاتلات اللي هم 28 مقاتلة. تم اكتمالهم. آه اتصنعوا كلهم. ماشي؟ بس ما طاروش لمصر. فضلوا واقفين.

>> رغم مرور نحو ستة أعوام على بدء المفاوضات بين مصر وروسيا بشأن صفقة مقاتلات سو 35، لا يزال الجدل والشكوك تحوم حول هذه الصفقة دون حسم رسمي من البلدين اللذين التزما الصمت طيلة هذه الأعوام رغم التصريحات والضغوط الأمريكية العلنية التي عارضتها عبر أرفع مسؤوليها. آخر محطات هذا الجدل ما نشره موقع بلغيرين ماليتيري قال إن مصر ألغت عقداً كان مبرماً مع روسيا لتوريد مقاتلة سو 35 وذلك بسبب ما أرجعه الموقع إلى عيوب في تجهيزات الطائرات وأنظمة تشغيل قديمة، فضلاً عن ضعف كفاءة المحركات.

فاللي حصل إن الجزائر استقبلتهم العام ده 2025. استقبلت قد إيه؟ والله الموقع كاتب 14 مقاتلة. وجاب لك صورة مقاتلة منهم. 14 مقاتلة. المصرية ما راحوش. إيران راحوا الجزائر. طب إيه المفاجأة؟ إن الموقع نفسه بيقول لك خلي بالك أصل الجزائر ممكن ما تكونش اشترتهم أصلاً. يعني ممكن الجزائر تكون بتجربهم عشان تشتريهم. ده الكلام اللي مكتوب في الموقع. ما جابش حاجة من عندي. وقال لك والله خلي بالك إن الجزائر الصفقة الأساسية بتاعتها هي السوخوي 57. ماشي؟ فالموقع نفسه مش عارف هل دي صفقة اكتملت ولا لا. بس الموقع بيجزم إن والله الجزائر اشترت سوخوي 57 وهي دي الصفقة الأساسية. صفقة سوخوي 35 غير مؤكد اكتمالها. سواء بقى إن الجزائر هتكمل شراء الـ 28 مقاتلة مصرية من روسيا ولا لا. بس كده أو كده في 14 مقاتلة موجودين في الجزائر. خلاص. فالجانب الروسي جاي يقول لك إيه؟ جاي يقول لك يا باشا، ما تاخدش الطيارات بتاعتك. ده إحنا هننقل لك تكنولوجيا تصنيع سوخوي 35. حلو؟

طيب هتيجي تقول لي سؤالين مهمين جدًا. ماشي؟ عشان التشكيك. خلي بالك أنا فاهم كويس جدًا إن المشاهد بتاع اليوتيوب بيشك في كل حاجة الواحد بيقولها. ده طبيعي وده حقك. هتيجي تسأل نفسك، هي روسيا بتعمل كده ليه معاك؟ ده سؤال. ثاني سؤال، مين مصلحته تسريب الكلام ده؟ لأن أنت بتتكلم على معلومات استخباراتية خطيرة. يعني أنت بتسرب يعني معلومات تمت في رئاسة الجمهورية. ماشي؟ فمين سرب الخبر؟ والله بص الموقع نفسه بيقول لك خلي بالك إن المصريين ممكن ما يقبلوش كل الكلام ده. إيه رأيك؟ ده موقع في آخر سطر في التقرير نفسه بيقول لك على فكرة المصريين ممكن ما يقبلوش كل اللي أنت بتشوفه ده ويشوفوا إن والله ده ممكن يبقى أداة ضغط للضغط على الغرب. فانا أتوقع إن على فكرة التسريب ده تم من الداخل. حد من مصر. ده كان توقع شخصي. لأن ده ورقة مهمة جدًا. أنت رايح تقول للغرب يا جماعة خلي بالكم إحنا معانا عرض لا يقاوم. الروس هينقلوا لنا التكنولوجيا بتاعة أم القنابل الروسية أو أبو القنابل الروسي وهينقلوا لنا سوخوي 35 نقل تكنولوجيا وهينقلوا لنا أونكس صاروخ بحري لا يقاوم وهينقلوا لنا تقنية كاليبر صواريخ كاليبر. إيه رأيكم؟ إيه شايفين بقى الإف 15 عندكم ولا عند مين؟ شايفين بقى هتدونا الصواريخ ولا مش هتدونا؟ وهكذا. كل اللي أنت عاوزه من الغرب يجاب. خلي بالك الغرب لما وقف لك صفقة سوخوي 35 وعدك بالإف 15 ما أخدتهاش. وبعد كده أدالك الرفاهية. بس الـ 15 لحد دلوقتي ما جتش. فدلوقتي إحنا جاي لنا عرض من روسيا مهم جدًا. فاللي أنا أعتقده يعني إن التسريب ده تم. ده اعتقاد شخصي بموافقة مصرية أو إن المصريين ما عندهمش مشكلة إن ده يتسرب. إنما ده مش تجسس يعني دي حاجة مصر بتسربها كده. إيه؟ خلي بالك العرض اللي جالنا ده. اهو.

طيب السؤال الثاني، ليه الروس بيعملوا كده؟ لا ده حاجة مهمة جدًا والله. الروس بيعملوا كده لكذا سبب. خد بالك أنا قلت لحضرتك إن بوتين يعني جاله عرض من السودان من عبد الفتاح برهان إنه والله يدي قاعدة بتاعة بورت سودان يحط عليها أربع سفن نووية روسية تابعة لسلاح البحرية الروسي يقفوا في القاعدة دي. وده هيبقى أول تواجد روسي للبحرية الروسية في البحر الأحمر.

>> في التفاصيل كشفت صحيفة وول ستريت جورنال أن حكومة البرهان عرضت على روسيا إنشاء أول قاعدة بحرية لها في أفريقيا ومنصة غير مسبوقة تطل على طرق التجارة الحيوية في البحر الأحمر. أضافت الصحيفة أن إبرام صفقة مع روسيا قد يثير مشاكل مع الولايات المتحدة والاتحاد الأوروبي وأن ذلك يثير قلق مسؤولي الأمن الأمريكيين الذين يتنافسون مع بكين وموسكو منذ سنوات بشأن تطلعاتهم العسكرية في أفريقيا.

وده أمر كان الروس بيسعوا ليه بقى لهم خمس سنين. يعني عقدوا الصفقة دي مع البشير وبعد كده البشير مشي. خلاص. بعد كده عبد الفتاح برهان عقد ومعاه الصفقة تراجع عنها. كل ده من 2019 لحد دلوقتي. النهارده الجيش السوداني هو اللي بيعرض الصفقة دي. والروس قال لك كويس. طب إيه دخل مصر في الموضوع؟ مصر لو رفضت الصفقة دي، الصفقة دي مش هتبدأ. فأنت هنا الروس واقفين عند بورت سودان وواقفين عند خليفة حفتر في ليبيا. مين اللي لاعب أساسي في الحاجتين دول أو مين المؤثر في الجبهتين دول؟ مصر أصلًا. وأنت واقف هنا وواقف هنا وإحنا معاك. يعني إحنا ما قلناش حاجة. فدلوقتي روسيا شايفه إن الجانب المصري يعني مش فقط صديق، ده صديق وحليف. ثاني حاجة، الروس شافوا إن تأثيرهم تراجع جامد جدًا في الشرق الأوسط بعد حرب روسيا وأوكرانيا وعاوزين يرجعوا. خلي بالك روسيا علاقتها بالسعودية وعلاقتها بالخليج زي الزفت. أنت عارف إن الروس بيصنعوا 16 مقاتلة سوخوي 35 وهيدوها لإيران. ده خبر يقول لك إن أكيد السعودية مش راضية على ابتعاد روسيا والروس مش راضيين على ابتعاد السعودية. بتحرق أسعار النفط.

>> وده بيحرق الاقتصاد الروسي المفروض بيعتمد على النفط لتمويل حرب أوكرانيا. فالروس عاوزين يكسبوا حلفاء جدد أو حتى قدام يرجعوا لهم ثاني. فالراجل بيعرض عليك فلذة كابين. قال لك يا باشا اتفضل صواريخ ما اتشافتش قبل كده. إحنا عرفنا إن أنت بتعمل صواريخ رعد 300 ورعد 200 والكلام ده كله. إيه رأيك بقى تاخد أم القنابل وأونكس وكاليبر والسوخوي 35 وتنتجهم عندك؟ إيه رأيك في الكلام الحلو ده؟ خلي بالك الراجل بوتين ما بعتلكش مفوضين. ده بعت لك سيرجي شوجو سكرتير مجلس الأمن القومي ومعاه رؤساء الشركات دول. مش جايين يتفاوضوا على صفقة. دول جايين يتكلموا في تكنولوجيا. أنت عاوز إيه وتنتج الحاجات دي يا باشا ونرجع تاني أصحاب وأصدقاء والكلام ده كله. فتقرير اللي نزل ده لا تستهين بيه تمامًا. موقع تاكتيكال ريبورت كان واضح جدًا من اللي بيحصل ده وقال لك والله ده تقرير لسه نازل النهارده حالا حالا. أنا مش جايب لك تقرير صادق. في الآخر يا رب أكون شرحت لحضرتك الموضوع بشكل مبسط. ويا رب انصر مصر، رب العرب. ويا رب انصر فلسطين. يا رب تحيا مصر. سلام.

>> أنت مش عارف إحنا مين؟ إحنا اللي الناس بتيجي لنا من كل مكان عشان تشوف بلدنا. إحنا اللي علينا العين. إحنا حضارة بقى لها سنين والعالم مش عارف سرها. إحنا خفة دم بتضحك القلب.

>> وكرم بيضرب به المثل. جدعنة وشهامة مش موجودة في زماننا. ورحمة بتطلع من عينينا قبل قلبنا.

>> إحنا بسمة بتفتح ألف باب. أكلة حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية. حكاية تعجب. خلي أفعالنا تحكي عنا. ربنا أدانا نعمة لازم نحافظ عليها ونوريها للعالم كله. وري ضيوفنا إحنا مين؟ إحنا مصر.

>> يا محروسة بسيف شاطر وسيف حارس عليكِ يا مين. ومن فوق السماء السابع حاميكِ رب العالمين.