حق الإمام الحسن المجتبى (ع) - الشيخ ياسين الجمري - مجلس الدعيسي

الحسن حقه مو بس ليله الشهاده والحسن مو حقه بس الليله ليله 15 رمضان. اسمعني ايش اقول لك. الحسن حق السنه كلها تذكره. تقدر تكتفي بالحسين بس ليله ثلاثه شعبان؟ سؤال اسال. لو يقولون لك بطل مجالس خلي عندك بس عشره محرم وثلاثه شعبان ذكرى الميلاد ذكرى الشهاده وانتهت تقبل انت؟

الامام الحجه روحي فداء يقول الحسن كالحسين بل قدم الحسن على الحسين. والندبه على اهل بيت محمد وعلي وهو واحد منهم بل في صدادتهم بل اول فرحتهم. ولازم مثل ما تخلي ندبه على الحسين تخلي ندبه على منو؟ على الحسن عليه السلام.

من هنا يا احبتي شايفين الخطاب اللي موجود مو بس عند اهل البحرين عند البحرين وعند غير البحرين. شيخنا ليش ما تذكرون الحسن؟ مو تمام. يقولون الناس شيخنا ما تذكرون الامام الحسن ما تذكرون الا بس بايام الشهاده وايام المولد ليش ما تذكرونه طوال السنه؟ طيب ليش طلبت الامام الحسن؟ قال لانه مظلوم صح لو لا؟ ويقولون الشكل مظلوم الامام الحسن يستحق انهم ذكرى اكثر.

سؤال موسى بن جعفر مو مظلوم؟ لا. خلي موسى بن جعفر السجن. الامام الرضا مو مظلوم؟ ليش تسمى عليه السلام عليك يا غريب الغرباء؟ القضيه مو بس المظلوميه يا اخواني. اذا المظلوميه منو من اهل البيت مو مظلوم؟ نعم صاحب الظلام الكبرى بل المظلوم الاكبر امير المؤمنين. ترى الى حق الحسن بان يذكر طيله ايام السنه. هذا مو من عندنا مو هذا الامام الحجه في دعاء الندبه من يقول اين الحسن اين الحسين؟ يطلب من عندنا نادبين سيدي على منو دبان؟ يقول على اولاد محمد وعلي. منو اولاد الحسن تالي الحسين؟

اين الحسن اين الحسين اين ابناء الحسين؟ صالح بعد صالح صادق بعد صادق. فشوف التسلسل اللي جابه صاحب الزمان في دعاء وجاب الامام الصادق الندبه للحسن وللحسين ولاولاد الحسن والحسين. وترى عندنا تاسيا اخواني تاسي بمن؟ باشرف الخلق وسيد الكائنات ابي القاسم محمد صلى الله عليه واله. اللهم صل وسلم.

النبي صلى الله عليه واله في اخر لحظات حياته يعني باقي اقل من ساعه وتطلع روح الشريفه من جسدي وهو مرهق. النبي مرهق مرهق ومتعب ما يقدر حتى يطلع يروح المسجد يصلي والدلل المسلمين واحد يصلي بهم ما يقدر. لكن اخر عمل في حياته عقد النبي مجلس ندبه على الحسن وعلى الحسن على من هو على منو؟ على الحسن وعلى الحسين.

خلي اقرا لك الروايه. الروايه اللي يرويها العلامه المجلسي على الله مقامه في بحار الانوار الجزء 22 صفحه 500 قال النبي صلى الله عليه واله يا بلال ائتني بولدي الحسن والحسين فانطلق فجاء بهما فاسندهما الى صدره يعني حطهم عند صدر النبي صلى الله عليه واله فجعل يشمهما. قال عليه السلام امير المؤمنين فظننت انهما قد غماه اي اكربه يعني زيد واحزانه والنبي مرهق يحتاج واحد يخفف عليه. فظننت انهما قد غماه اي اكرباه. فذهبت لاخرهما اريد اشيلهم حتى النبي شويه ياخذ راحته يعني. فذهبت لاخرهما عنه فقال دعهما يشماني واشمهما ويتزودا مني واتزود منهما. شوف الندبه مالت النبي هذا اخر كلمات النبي. فسيلقيان من بعدي زلزالا وامرا عظالا فلعن الله من يحيفوهما. اللهم اني استودعكما وصالح المؤمنين. سوق رايه النبي على الحسن وعلى الحسين في لحظاته الاخيره.

فالغرض الاول يا اخواني اتذكر هالكلمه من تمر عليك اين الحسن؟ يطلب من عندك الامام الحجه يطلب من عندك الامام الصادق في دعاء الندبه الاكثار من المجالس الحسنيه. اخواني ولله الحمد بالذات البحرين القطيف الاحساء الكويت المجالس تكاد تكون طوال السنه غير منقطعه. احبائنا في العتبه الحسينيه وفي العتبات المقدسه يجهزون مثل ما اعرف اخواننا هناك الان يمكن يسمعون صوتي عندهم جدول من واحد محرم الى 30 ذي الحجه اسماء الخطباء اللي راح يجون يشاركون. ماكو يوم يجي ماكو من بر في حرم الامام الحسين عليه السلام ظهرا وليلا. هاي دعوه من الامام صاحب الزمان انه نكثر من الندبه الحسنيه. اليوم هالشه ر هذا في ليله خليها للامام الحسن من حقه. وحتى طلب صاحبنا العطائب من اهل بيت محمد وعلي صلى الله عليهما والهما. فليبكي الباكون واياهم فليندب النادبون. هذا كل يوم جمعه الامام يطلب من عندنا وين مجلس عمي الحسن حطيته لو ما حطيته؟ وين مجلس عمي الحسن المظلوم حطيته على مجلس لولا؟ لو قصه تجيبونها من الحسن لو روايه تجيبونها من الحسن لو دعاء من الادعيه الماثوره عن الامام الحسن حتى يصير شهركم شهر حسني كما هو شهر حسيني.