تخلص من السبب الحقيقي وراء 75% من وفيات العالم: الحلقة التي ستغير تفكيرك للأبد

اخطر شيء ممكن تعمله في حياتك. أنا ما عندي.

ضدنا الحديث فقد البوصلة. مصيبة! مصيبة!

أنا أكلت سكر، يعني صار عندي طاقة أكثر، وهذا الكلام 100% خطأ.

السيجارة بتنصحاكهه ضارة. ثلاث حالات تسعة، 10.

السكريات هي أخطر من المخدرات.

عم بفوت سم على جسمك.

السكر سم لا تعادل بالسك. سكر حبة، تبق مكعب، اثنين. أهم منتج لتخفيض سكر الدم هو شو؟ هي القاعدة الذهبية بالأكل؟

القرفة.

القرفة.

نعم.

بطحنها، بشربها، برشها فوق، شو بعمل فيها؟

والصدمة هون إنه البطاطا... لا طاقة داخل الخلية، يعني لا حرق، يعني سمنة.

خسارة الوزن بتبدأ من سرير. ممكن الشفاء التام وعكس المرض.

نعم.

كل يوم بتاخذ حبة ضغط، حبة سكري، حبة نوم، حبة مزاج، ولكن بمكان ما في سؤال بعقلك: ليش أصلاً وصلت لهون؟

الطب الحديث أنقذ ملايين البشر. المضادات الحيوية، الجراحة، الإنسولين، إنجاز حقيقي ما بيختلف عليه أحد. ولكن في سؤال بضله يمكن من دون إجابة كافية: ليش بعصر أكثر تطوراً طبياً من أي وقت مضى صار السكري والضغط والاكتئاب وأمراض القلب أكثر انتشاراً من أي وقت مضى؟

أنا بقول وأنا بآمن إنه في طبقة مخفية، طبقة بتسبق المرض ويمكن تصنعه بكل حبة فواكه بناكلها، بكل قطعة خضار، وحتى بكل رشة بهارات، وبعوامل أخرى. في شيء طبيعي معقول يغير مسار صحتك. إذا عرفت كيف تاكلها، يمكن ما تعود بحاجة لهالحبوب.

تخيل تأكل فواكه فبتدمر كبدك، وتأكل حبة بطاطا سخنة فبيزيد وزنك، بينما لو تركت البطاطا تبرد قد تصير أقل ضرراً. والأصدم من هيك، بدك تعرفوا إنه السيجارة، السيجارة أو نفس الشيشة مش بس بخربوا الرئتين، هن كمان سبب أساسي بخليك تسمن وما تعرف تنزل وزنك.

واليوم حوار مع رجل عاش بهذه الطبقة ويعالج الناس فيها، عضو الكلية الملكية البريطانية، دكتور أنس شلالفة.

ولكن قبل ما نحفر، 80% من مشاهدي "احكي طب" مش مشتركين بالقناة. إذا كنتم مهتمين لصحتكم وبدكم تعيشوا أحسن وتعرفوا أكثر، اشتركوا هلا لأنه هالحلقة رح تغير طريقة تفكيركم بجسمكم إلى الأبد.

دكتور أنس، سؤال صاحب مقولة "لا تمرض". طيب، مهمة الطب ومهمة الطبيب شفاء الأمراض. أنت بتقول "لا تمرض". كيف طبيب بيقول "لا تمرض"؟

سؤال جميل جداً، لأنه اليوم طبنا التقليدي أخفق إخفاق شديد في مواجهة الأمراض المزمنة، ونجح نجاح مبهر في الأمراض التي تتعلق بالعدوى، مثل ما تفضلت: اللقاحات، وزراعة الأعضاء، والجراحات. تطورنا كثيراً، لكن يجب أن نقف ونعترف ونقر أننا أخفقنا في الأمراض المزمنة، ورح أجاوبك بالأرقام مش بالكلام.

مش حيزعلوا منك كثير من الأطباء يلي عم حيحتروك هلا؟

أنا منهم، ولازم نصلح المنظومة، ورح أجاوبك بالأرقام.

بالأرقام. خلينا نحكي بالأرقام، وأنا بهمني اليوم حلقة تكون علمية طبية مستندة للمعلومات وللأرقام وللأبحاث، فعلاً علمية، مشان الناس هي عم تحضر تقدر فعلاً تستفيد وتغير من نمط حياتها.

اليوم عندنا تقريباً سكان الأرض 8 مليار و200 مليون. 3 مليار من سكان الأرض بيعانوا من مشكلة الوزن الزائد. 2.5 مليار كانوا بالـ 2022. اليوم عندنا مليار إنسان بيعاني من الأوبسيتي، السمنة. عندنا 830 مليون إنسان بيعاني من السكري، 95% منهم على الأقل السكري النوع الثاني المرتبط بمقاومة الإنسولين. عند بالـ 2021 لوحدها 45 مليون وفاة من الأمراض المزمنة. 20 مليون من الـ 45 مليون من أمراض القلب والشرايين. هل هذه الأرقام لا تستحق أن نقف جادين ونعدل البوصلة؟

كأنك عم بتقول الطب التقليدي فقد البوصلة؟

الطب التقليدي أو طبنا الحديث فقد البوصلة. كيف يعني فقد البوصلة؟ توجهنا في إدارة المرض أكثر من منع المرض. اليوم طبنا الحديث بجزء كبير منه قائم على إدارة المرض وليس منع المرض. إيش يعني إدارة المرض؟ أنا كطبيب باطني أنتظر ارتفاع ضغط الدم حتى أعالجه، أنتظر السكري تتغير القراءات في تحاليلك حتى أعالجها. لكن لازم احنا نكون مفكرين "How to prevent, not how to treat". كيف نسبق هذا المرض بخطوة؟ كيف نكتشفه قبل بأشهر، بل بسنوات من حدوثه؟ وهي البوصلة اللي اليوم رح تغير لنا هي الأرقام المرعبة اللي نحن سمعنا فيها.

يعني شو عم تقول أنت للناس؟ عم تقول للناس يلي اليوم الناس رح يسمعوا هذه الحلقة بخلاصة هالحلقة، شو رح يطلعوا؟ بشو رح يطلعوا؟ بأي خلاصات رح يطلعوا؟

الخلاصة اللي رح نطلع فيها أن نقوم بتوجيه الطب بالاتجاه الصحيح، في اتجاه "لا تمرض"، ومنع المرض قبل أن نفكر في علاجه.

يعني اللي رح يحضروا الحلقة اليوم قد إيش عنده النسبة؟ إيه هلا سؤال فضفاض، ولكن عدم المرض لأنه المرض مرتبط بعدة عوامل. المرض منه مرتبط فقط بأسلوب حياة، مرتبط بعدة عوامل. المرض المفاجأة إنه 75% من الوفيات في العالم اليوم بسبب الأمراض المزمنة ومضاعفاتها، وفقط 18% من الوفيات في العالم اليوم بسبب أمراض العدوى وأمراض الأمومة وأمراض الطفولة. والعدوى أقصد كورونا، كل الفيروسات، كل البكتيريا، كل أنواع العدوى، فقط 18%. فأنا لما بحكي عن 75% أمراض مزمنة، لازم أنا أصل إلى الجذر الحقيقي وأعالج الجذر، ما أنتظر الأغصان للأمراض المزمنة وأعالج كل غصن بالمشكلة اللي فيه.

عم نعطي المشاهدين آمال زائفة؟

عم نعطي المشاهدين أمل حقيقي إذا اتبعناه بخطة واستراتيجية.

رح نكشفها كلها اليوم؟

نعم، صحيح.

دكتور، بدي أرجع على الطب الحديث. اليوم في هجوم رح أعتبره قاسي على منظومة كاملة أنقذت ملايين ومليارات البشر.

هو مش هجوم بقدر ما هو حرص، لأنه نحن أبدعنا في اللقاحات. لا ننكر اللقاحات. اليوم أمراض العدوى صارت في بعض الأمثلة مثل شلل الأطفال وصلت زيرو. زراعة الأعضاء أبدعنا. الأمراض المزمنة نركز على العلاج ولا نركز على إدارة المرض، وهي الأرقام اللي ذكرناها يجب أن نعيد هذا التوجيه بحيث تكون استراتيجية واضحة. كيف أنا أعتبر من ذكائنا في الطب الحديث أن نكتشف السكري قبل حدوثه في التحاليل، قبل أن يظهر في التحاليل؟ أن نكتشف الضغط ونتنبأ به قبل أن يحدث بالقراءات؟ وهان السر اللي أنا بحكي فيه.

لكن 70% من سبب الوفيات بالعالم اليوم، نحن اليوم بهذه الحلقة رح نفندهم وكيف نقدر نعيش نمط حياة كرمال نتجنب هذه الأمراض.

نعم، صحيح.

دكتور، ولكن اليوم بدي أرجع على موضوع المقارنة بالطب الحديث. شو عمل؟ اليوم الناس عم بتعيش، أكيد لنا أنقذت ملايين ومليارات البشر، إيه ولكن أيضاً الناس عم بتعيش أطول.

جميل جداً. الناس بتعيش أطول لكن بجودة حياة أقل. وهون بدنا نحكي شو يعني "Life Span" و "Health Span". الـ "Life Span" هو عبارة عن العمر الزمني، عدد السنوات اللي مشاهدينا الآن نحسبها، اللي عم بنعيشها من لحظة ولادتنا للحظة وفاتنا بغض النظر عن صحتنا. وهذا هون متوسط العمر زاد كثير أخ من سنوات لليوم. متوسط العمر عم بيزيد، يعني الـ "Life Span" تبع الإنسان عم بيزيد، وهذا دليل إنه الطب عم يعمل شغل جبار بهذا الموضوع.

عمرنا عم بيزيد صحيح، لكن جودة هذا العمر أقل. وهون بيجي تعريفنا لشيء اسمه الـ "Health Span"، يعني العمر الصحي اللي نحن بنعرفه هو عدد السنوات اللي بيعيش الإنسان بصحة جيدة جسدياً وفكرياً. يعني جسدك لازم يكون سليم، فكرك ونفسيتك لازم تكون سليمة. يعني شخص على 40 سنة صابوا الضغط، فالعمر الصحي له 40 سنة. وحتى نميزهم من غير تعقيد، في الأساطير ورد قصة بسيطة، قصة جبر. هذا جبر عمره 60 سنة، فجلس على المقبرة فتفاجأ في أحد في شاهد على هي المقبرة مكتوب: «فلان عمره 100 عام، عاش منهم يومين فقط». فاستغرب وسأل الناس: «كيف 100 عام ويومين؟» فهون عرفوا له الـ "Life Span" والـ "Health Span" بطريقة بسيطة. حكوا له: «هو عاش 100 سنة، لكن منهم يومين فقط كان بصحة جيدة وبسعاده، يعني صحته الجسدية والفكرية كانت سليمة، فهو سجل يومين». فسألوه: «وأنت إيش نكتب يا جبر؟» فحكى جبر: «من بطن أمه للقبر». فإذا هذا هو العمر الصحي اللي نحن بدنا إياه. كم عشت فيه بسعادة؟ كم عشت فيه بصحة؟ هون تعد ما تعد سنوات زمنية.

لكن جبر شو قصته؟

جبر قصته إنه ما في عنده "Health Span"، يعني من لما ولد جبر صابته الأمراض. فإذا ما في "Health Span". والمرض هون مش فقط المرض المزمن الضغط والسكر، قد يكون الحالة النفسية، لأنه الشرط للحساب أن تكون جسدياً معافاة وعقلياً وصحياً معافى أيضاً.

طيب، خلينا مشان ما نكون مثل جبر، خليني أفهم منك دكتور أنت شو بتعمل؟ أنت أيضاً بالطب الحديث، ولكن أنت شو بتعمل بطريقة مختلفة؟ يعني شو هي نظرتك وكيف التعاطي بهذا الموضوع بمنظار مختلف وأنت في صلب هذه المنظومة بالطب الحديث؟

أنا كطبيب ممارس للمهنة منذ سنوات طويلة، صدمت لما شفت عدد الحالات اللي عم بتراجعني عندها ارتفاع في ضغط الدم، حالات عندها سكري، حالات عندها سمنة، حالات عندها تصلب الشرايين. وبعد فترة اكتشفت إنه احنا ناطرين عمالنا بعياداتنا وبمستشفياتنا حتى الناس تصير معها الضغط ويصير معها السكري. بعد ما تولع المشكلة بنفكر بالعلاج. لكن الناس اللي موجودة الآن وعم بتشاهدنا، أستاذ مالك، لو سألتك: كم من شخص من اللي عم بيشاهدونا الآن ممكن يكون معه مقاومة إنسولين؟

رح يسالوا الناس، نعم.

رح نتفاجأ بالجواب.

وأنا يمكن رح أيضاً أفاجئك. في كثير ناس ذكرت هلا مقاومة إنسولين، كثير ناس ما رح تفهم شو يعني مقاومة إنسولين. قبل ما أدخل على شو مقاومة الإنسولين، بدي أسألك شغلة وأرجع على موضوع دراسة لفتتني جداً، وهي من أبرز الدراسات بأرقى المجلات الطبية عالمياً، ومعهد القياسات الصحية والتقييم بجامعة واشنطن عملتها ونشرت بـ "The Lancet" اللي هي أعرق مجلة طبية. اسمعوا منيح شو بتقول: بتقول الأمراض غير المعدية سببها 71% من حالات الوفاة عالمياً، مثل ما حضرتك قلت، واعتبرت أيضاً سوء التغذية يعتبر القاتل الأول متجاوز التدخين.

معهد القياسات الصحية "IHME" قام بأكبر بحث صحي في العالم، وهذا نحن بنسميه "GBD" (Global Burden of Disease)، الحساب الوبائي للمرض عالمياً. وهون هي دراسة طويلة، لكن في ثلاث أشياء خلصت لها هي الدراسة اللي تفضلت وسألتني عنها. أول معلومة خطيرة كانت إنه الأمراض المزمنة اليوم تشكل من الوفيات من 71 إلى 75% من الوفيات، يعني كل 100 شخص بيشاهدنا الآن 75% منهم عم بيموت بشكل يومي من الأمراض المزمنة. النتيجة الثانية اللي خلصت لها هذا البحث والدراسة أن أمراض القلب والشرايين ما زالت السبب الأول في الوفاة في العالم. والمعلومة الثالثة والأخطر اللي خلصت لها الدراسة على أن لحدوث هذه الأمراض يوجد "Risk Factors" (عوامل خطورة). من عوامل الخطورة اللي انذكرت: ارتفاع ضغط الدم، سوء التغذية، التدخين، السمنة ومحيط الخصر، السكري، ارتفاع الدهون السيئة خاصة الـ "LDL". والمفاجأة أن معظم هذه العوامل تعود لنفس الأصل الذي نتحدث عنه: الصحة الأيضية والتغذية. معظم هذه العوامل تعود للتغذية. فإذا اليوم لما بنحكي إنه سوء التغذية بكل عناصره تفوق على التدخين كسبب، نعم.

أم.

سوء التغذية بكل عناصره تفوق على التدخين. طيب، خليني أقول شيء للناس. أنت عم بتقول 75% من اللي عم يحضرونا هلا هن معرضين يتوفوا بأمراض مزمنة. أول سؤال: شو هن الأمراض المزمنة يلي سأل؟ شو يعني أمراض مزمنة؟ شو هن الأمراض المزمنة اللي 75% من المشاهدين هلا قد يصابون وقد يتوفون جراء هذه الأمراض المزمنة؟ شو هن بكل بساطة؟

45 مليون وفاة بالعالم بالـ 2021. تخيل احسب كل يوم كم من وفاة الآن ونحن بهي الحلقة، كل دقيقة كم من إنسان بيموت من الأمراض المزمنة وكم من إنسان بيموت من الأمراض المعدية. حتى أكبرها كان كورونا، حتى في فترة كورونا لم تشكل الوفيات اللي صعقتنا في العالم وعملت إيقاف لكل الحياة في العالم لم تشكل ربع الوفيات في العالم. فإذا الموضوع كبير والموضوع موضوع يستحق أن نعيد البوصلة. الأمراض المزمنة اليوم ناس كثير بيسألنا: أمراض مزمنة؟ سجل عندك: سجل سكري أمراض مزمنة، سمنة أمراض مزمنة، يعني ارتفاع في ضغط الدم أمراض مزمنة، يعني ارتفاع في الدهون أمراض مزمنة، يعني تصلب شرايين، وكل ما يؤدي له هذا كنتيجة نهائية جلطات قلبية ودماغية.

وهدول كلهم عم بتقول كلهم ممكن تجنبهم؟ مو كلهم لهم نفس الجذر؟

هذول أغصان شجرة شريرة لها جذر واحد، وأنا هون بنادي بأعلى صوتي في مبادرة "لا تمرض" حول العالم أن نتوقف قليلاً ونعيد الاتجاه. لماذا لا نعالج كل غصن؟ بمعنى: أنتظر أن يصبح معك ضغط الدم وأعطيك نوعين دواء، أنتظر يصبح معك سكري ثم أعطيك أدوية أخرى، أنتظر يصير معك تصلب شرايين ثم شبكيات وتسكير في الشرايين وأعطيك أدوية وتصبح في آخر المطاف تحمل كيس كامل من الدواء. أنا أقول أن هذه الأغصان لها جذر واحد، إذا اكتشفنا هذا الجذر سنعالج من الجذور ثم الأغصان تأتي طبيعية 100%.

شو هو؟ شو هو هذا الجذر اللي نحن اليوم بدنا نكتشفه؟ وشو هو يلي عم بيقتل الناس فعلياً؟

أنا رح أحكي لك هذا الجذر بناء على "Evidence-Based Medicine"، بناء على دراسات وعلم، وبناء على تجربة من علاج المئات بل الآلاف من حالات المرضى سواء باستشارات أو من خلال المستشفيات. أعطيك سر بسيط لهذا الجذر. في دراسة اللي حكيناها الـ "GBD" بمعهد الـ "IHME" لما بتخلص لنتيجة خطيرة 75% من الأمراض المزمنة، عندما أعطت عوامل الخطورة، ما بنلاحظ في شيء مشترك ما بين كل هذه العوامل؟

شو هو؟

الشيء المشترك بين كل هذه العوامل هو التغذية والصحة الأيضية. بمعنى: سوء تغذيتنا في العصر الحديث، خلل منظومتنا الغذائية الكاملة في العصر الحديث، عملت مشكلة خطيرة جداً وهي مشكلة مقاومة الإنسولين. صحيح كلمتين، لكن هذول الكلمتين خلونا نفقد أعز الناس علينا. 45 مليون هون إنسان، مين هم؟ ممكن يكون أخي وأخوك، ممكن تكون أمي وأمك، ممكن يكون صديقي وصديقك. فإذا الموضوع خطير، لازم نرجع لهذا الجذر ونحل المشكلة من الجذور.

خليني أفهم منك أول شيء عم بتقول في ثلاث أمور بدي أوقف عنهم. أول شيء بدي أفهم منك عم بتقول سوء تغذية. شو يعني سوء تغذية؟

سوء التغذية كل ما يتعلق بنظامنا الغذائي من خلل في نظامنا الغذائي من حيث المواد، من حيث الترتيب، من حيث الأوقات، من حيث الزيادة في، من حيث النقص. كل ما يتعلق بتغذيتنا غير السليمة.

يعني سكر، أطعمة مصنعة، زيوت مهدرجة، قلة خضار، قلة بروتين؟ شو عم نحكي تحديداً للناس تفهم شو قلة، شو يعني سوء تغذية وشو يعني؟

اليوم بنحكي عن عصر السرعة، هذا العصر اللي نحن عايشين فيه بسرعة كبيرة، وصرنا نميل للوجبات السريعة. صرنا نعتقد بدنا طاقة أسرع، فمعناه بدنا سكر أكثر. أنا ما بآخذ بروتين لأني أنا بدي طاقة سريعة، أنا مشغول. اليوم احنا معظمنا عم ناكل من غير وعي. أنا بكون آكل ومش مركز بالأكل، وهذا من أحد أهم الأسباب. اليوم السكريات عندنا أصبحت وكأنها إنجاز في العصر الحديث، وأنا في أحد المقالات اللي يمكن عملت ضجة إعلامية كبيرة لما تحدثت قلت: «السكريات هي أخطر من المخدرات». وفسرت بطريقة: السكريات هي مادة تسبب 75% من الوفيات، المخدرات تسبب أقل. في المقابل، المخدرات في معظم دول العالم يضرب بيد من حديد، لكن السكريات قد تتفاجأ أن وزير الصحة ربما يفتتح محل حلويات.

طيب، هيدي حكينا عن موضوع سوء التغذية وبوافقك على موضوع السكر، مش رح أناقشك بالموضوع لأنه موافقين على نقطة السكر هو فعلاً السم الأبيض القاتل للناس. حكينا على موضوع سوء التغذية، قلت الصحة الأيضية. طيب، الناس بدها تفهم شو يعني الصحة الأيضية؟ فسر لي شو يعني صحة أيضية؟

الصحة الأيضية كل ما يتعلق بمعادلة بسيطة منذ لحظة دخول الطعام إلى الفم في جسم الإنسان لغاية وصوله الخلايا وتحويله إلى طاقة في النهاية. المعادلة المطلوبة من الطعام: إنتاج الطاقة. هلا أنا عم بحاورك، أنا عم بصرف طاقة. هلا أنا عم بحرك إيدي، أنا عم بستهلك طاقة. فالمعادلة الأيضية هي دخول الطعام إلى الجسم لغاية إنتاج الطاقة. وتخيل حجم المشكلات من لحظة الابتداء دخول الطعام إلى الجهاز الهضمي إلى لحظة إنتاج الطاقة، فأي خلل فيهم هو الخلل في الصحة الأيضية.

حكيت مقاومة إنسولين، رح أرجع بعد شوي لمقاومة الإنسولين. بدي أرجع للمقارنة اللي أنت حكيت فيها عن الماضي وعن الحاضر. اليوم شو العلامات يلي بنشوفها اليوم بعصرنا اليوم بالعصر الحديث وبرايك أنت ما كانت موجودة عن أجدادنا لعم الفرق؟ أنا لو سألتكم: مين أفضل صحتنا اليوم ولا صحة أجدادنا؟ كل حدا بيسمعنا يسجل عنده الجواب، وأنا ما رح أعطيك جواب، رح أعطيك أرقام لأنه دائماً الأرقام أصدق. نرجع لأجدادنا، ما بدي أرجع لك 100 سنة ونحكي تغيرت الجينات، فقط بدنا نرجع 35 سنة من اليوم ونقارن ما بين الـ 1990 و2025 أو 2026. وسجلوا عندكم هي الأرقام المرعبة: السمنة في البالغين.

خليني أسجل معك لأناقشك فيهم. قلت لي عم نقارن من 1990؟

2025.

لـ 2025؟

35 سنة فقط.

بس أنا بعد ما كنت خلقت! طيب.

35 سنة فقط في عمر زمن لا شيء، لأنه أحياناً إذا تعدينا الـ 100 سنة ممكن نحكي في تغير جينات. من الـ 1990 لـ 2025، السمنة في البالغين بعد عمر 18، 19 سنة تضاعفت. السمنة في الأطفال والمراهقين، حطوا لي خط أحمر تحت الأطفال من خمس سنوات إلى 19 سنة، هل تضاعفت؟ لا، أصبحت أربعة أضعاف، وهذا رقم خطير جداً جداً.

مصيبة! مصيبة! مصيبة!

نعم، وهلا بنحكي فيها. أما السكري فايضاً تضاعف، لا صار أربعة أضعاف. بنحكي عن حالات سكري 1990: 200 مليون، في الـ 2025: 830 مليون، أربعة الأضعاف الأعداد. صار في عندنا سكري، ارتفاع ضغط الدم 1990 كان 650 مليون، اليوم بنحكي عن مليار و200 مليون. تضاعفت النتيجة.

وهون أنا بدي أسألكم سؤال واحد، وبدي أسألك أستاذ مالك: هل الطب اليوم أحدث من الطب في 1990 أم العكس؟

أكيد أحدث.

علم الأدوية وتطور علم الأدوية؟

أكيد متقدم أكثر.

علم الجراحات حتى وصلنا إلى الجراحة بالروبوت.

وبالـ "AI".

المنطق يقول إذا كان التطور بكل هذا التطور، لماذا هي الأرقام اللي سمعتوها قبل شوي؟ أعطوني جواب.

أنا ما عندي جواب. طيب، أنا رح أناقشك، ما رح أقول لك ما عندي جواب. اليوم إيه لأنه الطب تطور، عم بصير في تشخيص أفضل، هي أول نقطة. ثاني شيء، أجدادنا ما عاشوا، يعني متوسط العمر عم بيزيد سنة بعد سنة، هيدي نقطة ثانية. يعني هيدول ممكن يكونوا عناصر أيضاً بتساهم لهذه الأرقام. يعني اليوم كل سنة عم بتزيد، كل ما التطور والتشخيص عم بيزيد، عم نقدر نكتشف الأمراض أكثر، ممكن تكون واحدة من الأسباب.

هي جزء من الأسباب، ولكن الأهم إنه نحن قدرنا نعمل عمر الإنسان كسنوات أكثر، ولكن كجودة صحية كلنا نقر أنها صارت أقل. وهون لي ملاحظة بسيطة جداً ويمكن كمان أنا أنتقدها: لما احنا في المنظومة الصحية أمامنا روشتة أو ملف مريض، أول شيء بالروشتة "Name" صح؟

بعدين الشيء الصغير اللي جنب الـ "Name" إيش هو؟

الجنس.

الجنس. بعدين الـ "Age".

العمر.

العمر. بسألك شو اسمك وبسألك شو عمرك، بسجل عمرك عندي 35 سنة. وهذا خطأ وخرافة كبيرة. احنا في المنظومة الصحية ما لازم نسجل هذا العمر. هذا العمر إيش بسجل؟ هذا العمر من اليوم اللي أنت انولدت فيه لليوم اللي أنت عايش فيه. أنا بعد سنوات وأشهر، هل خليتك تعترف بهذا الحساب؟ فالعمر البيولوجي والصحي هو العمر اللي بتحدده خليتك، مش اللي بتحدده هويتك.

حلو كثير. ولكن بدي أرجع على موضوع الأجداد. أجدادنا كانوا يأكلوا دهون ويأكلوا سكر ويأكلوا خبز ويأكلوا أكل قد يصنفوا اليوم إنه منه صحي. اليوم نحن بعصر الرياضة، بعصر المكملات، بعصر السعرات، بعصر إن عم نعد. فسر لي هذه المفارقة.

في عصرنا الحديث فقدنا أربع عناصر مهمة. العنصر الأول: الغذاء غير الصحي والغذاء السريع نتيجة رتم وإيقاع الحياة السريع، صار كلنا عم ناكل من غير وعي أولاً. طيب، للناس اللي رح تتوجه لأكل الأشياء الطبيعية، موجودين ولكنهم قلة، وأصبح الحصول على هذا الغذاء الطبيعي ليس بالسهل. والمصيبة أيضاً إنه نحن بعصرنا الحديث حتى الأشياء الطبيعية تدخلنا فيها خارجياً، تدخلنا فيها لزيادة الإنتاج، تدخلنا فيها بالهرمونات لزيادة الدورات المتعددة، وهذا كان أكبر ناقوس خطر بينا وبين الأجيال القديمة. أجدادنا كانت الأشياء تكون طبيعية بالكامل، ما كان يكون في هرمونات.

السبب الثاني والأهم: النشاط البدني. اليوم أستاذ مالك 90% منا دوامنا وشغلنا مكتبي، ساعات طويلة خلف المكاتب. الحياة عند أجدادنا كانت تميل إلى الحركة والنشاط الجسدي، وهذا رقم اثنين.

رقم ثلاث وهو مهم ويغفل عنه الكثير من الناس: النوم العميق. لما بنحكي نوم عميق، زمان كانت الناس طبيعة حياتها العمل بالنهار والنوم بالليل. اليوم نتيجة التطور الهائل اللي عشناه والتكنولوجيا اللي أفادتنا كثير، لكن دفعنا ضريبة إنه أصبحت الـ 24 ساعة هي ساعات عمل. فالنوم العميق هذا كان من أحد أهم الأشياء.

رقم أربعة: التوتر والضغط النفسي. اليوم الحياة الحديثة لا ننكر تبعاتها، لا ننكر التوتر، لا ننكر الضغط النفسي سواء على مستوى الفرد أو على مستوى الدول أو على مستوى الأقاليم. وهذا الضغط النفسي والتوتر من أحد أهم الأسباب الخفية اللي رح نحكي عنها بعد شوي. كيف لو كان أكلي صحي ولو كان نومي صحي لكني شخص انفعالي، لن أنجو من مقاومة الإنسولين، لن ننجو من مقاومة الإنسولين، ولن ننجو من الأمراض المزمنة، ورح نكون مع الـ 75% من الوفيات في عالم عمر مبكر.

بس بدي أرجع اليوم الحياة الحديثة عم نشوف نحن سلبياتها، ولكن هذه الحياة الحديثة أعطتنا نوع من الرفاهية، أعطتنا نوع من الحياة صارت أسهل. التقدم عم بيفيدنا، يمكن التقدم عم بيعمل لنا توتر، ولكن بالمقلب الآخر التوتر، التقدم فادنا على كثير من الأصعدة بحياتنا اليومية. طيب، أنا كيف بدي أقيس الأمور؟ يعني في التقدم فادني بكثير من الأمور من حياتي، وأنت عم تقول لي هلا التقدم والسرعة عملت مشاكل نفسية وتوتر قد يكون سبب رئيسي للموت المبكر.

سلبيات عصرنا الحديث على صحتنا للأسف أكثر من إيجابياته، لأنه المنظومة الغذاء والنوم والتوتر مرتبطة بالعصر الحديث. نحن اليوم عم بنعيش حياة فيها رفاهية صحيح، لكن على مستوى الجسم احنا عم نتعب، على مستوى التلوث في العالم احنا عم نتعب، على مستوى الصحة الأيضية والأمراض المزمنة احنا عم نتعب، وبندفع ضريبة باهظة لهذا التطور.

عم ندفع ضريبة باهظة لهذا التطور مثل ما عم بتقول. شو العلامات يلي عم نشوفها اليوم بالجيل اليوم ما كانت موجودة عند أجدادنا؟

اليوم احنا قدمنا بالأرقام العلامات اللي موجودة عندنا اليوم أكثر من أجدادنا. سجلوا عندكم: السمنة رقم واحد، السكري رقم اثنين، أمراض البشرة ومشاكل البشرة اليوم عم نحكي عن مشاكل كبيرة بالبشرة، أربعة مشاكل الشعر، الاضطرابات الجنسية ومشاكل الخصوبة والإخصاب، الاضطرابات النفسية، الاكتئاب، الهوس، أمراض الاسكيزوفرينيا. كلها هي في عصرنا عبارة عن مرآة تعكس متلازمة الأيض، وهذا الشيء أنا وضحته في فصل كامل في كتاب "لا تمرض". إيش يعني مرآة؟ مرآة شيء يعكس صورتك، تستطيع من خلاله تتنبأ إنه في عندك الجذر والمشكلة قبل ما تظهر في تحاليلك وتزور الحكيم.

يعني فينا نعرف هلا إذا عندنا هذه المشاكل؟

نعم.

هلا فينا نعرف؟

جاهزين. وهذا كله عم بحكي لك إياه أنت قادر تعرف حالك من غير ما تزورنا بالعيادة، من غير ما تعمل ولا تحليل قليل. سجل عندك.

سجل.

"Stage Two" العلامات.

العلامات.

أول علامة لازم ننتبه لها: محيط الخصر، بين قوسين الكرش. وهذا اليوم الكرش يا جماعة يا أحبابنا، الكرش مش وجاهة. الكرش أكبر شيء مرتبط بأمراض القلب والشرايين حسب ما أثبتوا العلم والأبحاث العلمية. إيش يعني الكرش ومحيط الخصر؟ كيف بدي أعرف يا دكتور عندي كرش صغير، عندي كرش كبير، محيط خصري كبير، محيط خصري صغير؟ هذا بكل بساطة ما بده تحليل ولا تصوير أشعة، هذا فقط بهذا الشريط. هذا الشريط شو رح يعطيك؟ رح يعطيك قياس محيط خصرك. تسجل عندك: إذا كنت شاب، إذا صبية لا. إذا كنت شب ومحيط الخصر عندك أكثر من 94 سم، فأنت عندك دهون بطنية وعندك سمنة. وإذا كان الرقم أكثر عن 102 سم، فبأكد لك إنه عندك دهون حشوية وعندك الآن عامل خطورة كبير، مش للكرش فقط عشان الشكل، لا، عندك عامل خطورة كبير لأمراض القلب وانسداد الشرايين التاجية.

بالعالم العربي في مثل شعبي بقول: «الرجال بلا كرش ما بيسوقش».

صحيح، والعكس تماماً.

شو هو العكس؟

كرشك طريقك الأقرب إلى الموت.

خلينا نشوف كرشه.

بدك تحسب.

خلينا نشوف كيف بدي أقيس.

القياس أفضل طريقة بتكون واقفاً.

طيب، يلا.

هذا الشريط نجرب، لأنه ناس كثير القياسات عم تخطئ لأنه بيمسك الشريط وبيحطه عشوائياً خصره، فبيحطه على الخصر عشوائياً. طيب، سؤال: في ناس بتحط هذا الشريط مع السرة، في ناس تحت السرة جهة الظهر. من وين يجي؟

قول لي بدي أعرف هلا، بعدين بتفسر لي.

بدنا نعرف.

إيه، شو هلا حطيتها؟

بنيجي لعظم الحوض، كل إنسان هذا محسوس عنده. نشوف عظم الحوض هون.

أوك.

ونشوف الضلوع السفلية، يعني مرجعيتنا نقطة العظم.

الحوض ونقطة العظم للضلوع آخر ضلوع محسوسين بإيدك.

خذ منتصف المسافة بينهم.

أوك.

وبدنا نكون تقريباً مع السرة.

أعلى من السرة شيء قليل وناخذ قياس.

إيش طلع عندك أستاذ مالك؟ 90.

90.

ممتاز.

90 أقل من 94.

إن شاء الله ما بنشوفه هالرقم 94.

إن شاء الله ما بنشوفه.

أقل عن 94.

جيد.

بشكل عام جيد. في الستات إذا كان القياس أكثر عن 80، فمعناه في عندنا بداية كرش أو دهون بطنية. وإذا كان الرقم أكثر عن 88، بنأكد إنه في دهون حشوية وهي تزيد الإصابة بأمراض القلب وانسداد الشرايين التاجية.

بس عم نعطي رقم، ولكن هذا الرقم منه مطاط، ما بيختلف من طبيعة جسم إلى طبيعة جسم آخر؟ أو هذا الأرقام تقريباً متعارف عليه مشان يعني ما العالم تفوت بـ يعني يعملوا حالة هلع جراء إذا الرقم ما كان مضبوط. هذا الرقم ينطبق على الكل أو هذه أرقام وكل جسم ممكن يختلف حسب العظم، حسب تكون الجسم؟

هي أداة تقريبية تعطي مؤشر ولا تعطي تشخيص.

هيدا موضوع محيط الخصر. العلامة الثانية؟

العلامة الثانية: انظر إلى نفسك بالمرآة. لهذا السبب سميناها «مرآة الأيض». عندما أنظر إلى نفسي بالمرآة، في شيء مهم اسمه السواد الشوكي "Acanthosis Nigricans". السواد الشوكي هو عبارة عن تصبغات مع سماكة بتكون موجودة في مناطق مثل خلف الرقبة، مثل منطقة الإبط، مثل المنطقة التناسلية. ولما بحكي تصبغات مع سماكة، يعني المفروض لو أنا مغمض عيوني ووضعت إيدي عليها بميز الخشونة والسماكة. وهون في ستات كثير لما حكينا السمنة أصبحت أربع أضعاف في الأطفال، بتجيب الطفل بتشوف هي العلامة عندها بتفكر هذا وسخ، فبتجيب الليفة وبتصير تعمل للجلد لغاية ما تعمل جرح بالجلد. هذا ما بده ليفة لتنظيف جلدك من بره، هذا بده ليفة داخلية لتنظيف مستقبل الإنسولين على خليتك. تعرف قديش أطفال في عندهم هذه البقعة السوداء على رقبتهم؟

للأسف كثير.

وهذه علامة خطر.

نعم، صحيح. من أهم العلامات لأنه العلامة أدق من الأعراض. فالعلامة الأولى إذا كان محيط خصرك أكثر عن الأرقام اللي حكيناها. العلامة الثانية إذا لاحظت موجود السواد الشوكي هذا التصبغ اللي نحن بنفكره أوساخ.

العلامة الثالثة: الزوائد الجلدية. يعني يكون في عندك زوائد جلدية أكثر شيء منطقة الرقبة.

الرقبة اللي بيطلع على الرقبة هذول زوائد جلدية اللي؟

نعم، زوائد جلدية بيكونوا موجودين على الرقبة، منطقة الإبط. في لها أسباب ثانية نعم، لكن من أهم الأسباب هو مقاومة الإنسولين. فإذا لاحظنا الزوائد الجلدية، بدنا الآن عم نجمع علامات. اه، مركزين نحن واضحين إنه قد يكون موضوع ثاني زوائد جلدية، ولكن قد يكون أيضاً علامة من علامة مقاومة الإنسولين.

نعم، إذا زادت هي العلامات والأعراض الموجودة عندك كمجموع، تصبح أكثر دقة في القرب من معرفة مقاومة الإنسولين. العلامة الأولى سجلنا محيط الخصر، العلامة الثانية السواد الشوكي، العلامة الثالثة الزوائد الجلدية. العلامة الرابعة وهون هون رح تكون صدمة: حب الشباب. دكتور، حب الشباب مرض جلدي وبنتعالج له. نعم صحيح، ولكن إذا حب الشباب تكرر في صبية أو شب، تعالج عنا مرة ومرتين وثلاث وأربعة، عم بيطيب بيترك الدواء، عم ترجع المشكلة، شيك على السبب الخفي: مقاومة الإنسولين. الحالة الثانية في حب الشباب إذا حب الشباب ظهر في أعمار أكثر من العمر المتوقع ظهوره، يعني بعد الـ 40، 50 سنة ظهرت هذه الحبوب في فئة عمرية قليل ما نجد فيها حب الشباب، هون شيك على مقاومة الإنسولين. صار عندكم أربع أعراض، تأكدوا لي كم جمعتوا منهم، والعلامات صرنا حاكيين أربع علامات، كم جمعتوا منهم؟ وانتظرونا في العلامة الخامسة والمهمة اللي نحن بنغفل عنها. شو هي؟

أنا من هون بحكي لكل الناس: الدهون على الكبد من أوائل العلامات التشريحية الحقيقية لمقاومة الإنسولين. أنت الآن بالبيت إذا كانت معظمها موجودة عندك، على الأغلب إنه عندك مقاومة إنسولين. يعني اليوم إذا أنت عم بتشاهدنا وعندك بكل بساطة تعب يومي، حاس حالك بتشتهي الحلويات، بدنا نكمل بقية الأعراض، بدي أعتبر اثنتين عندك وعندك تمام في كرش، اطلعت صار في خلف الرقبة سواد ومنطقة وتصبغات، على الأغلب عندك مقاومة الإنسولين.

شو لازم أعمل؟

ما تخاف إنه عندك مقاومة إنسولين، لأنه نحن اكتشفناك في الوقت صح. لأنه هي مقاومة الإنسولين اللي عندك حتى أطمنك قد تسبق مرض السكري من خمس إلى 10 سنوات. الجسم يعطيك هذا الإنذار وهذا التحذير، يعطيك وقت كافي وأحياناً أكثر من 10 سنوات. فأنا بهنيك أنك اكتشفتها هلا.

يعني هذه المعلومات ممكن تنقذ حياة كثير من الناس اللي عم تحضرنا؟

نعم، صحيح.

ربطت عدة أمور خاصة أي بنمط الحياة. قلت أمور يمكن تقطع، ولكن في أمور بدي أنا أتوقف عندها. قلت موضوع الخصوبة، قلت موضوع الأمراض العقلية والنفسية كالاسكيزوفرينيا. ما بتعتبر في تبسيط، تبسيط لما بنقول هيك ملفات طبية شائكة معقدة نربطها فقط بموضوع الأيض ونمط الحياة؟

كل هالأمراض جذرها واحد وهو خلل الصحة الأيضية. السكر الزايد في دمك مادة سامة على كل خلية بجسمك.

شو يعني؟

السكر اللي بيزيد بدمك رح يعمل لك مشاكل السمنة، رح يعمل لك مشاكل الخصوبة، رح يعمل لك مشاكل على الدماغ والتفكير.

رجعنا على موضوع الخصوبة. برجع لك، الخصوبة موضوع معقد، يعني مش ممكن يكون عنصر واحد هو سبب مشاكل خصوبة اليوم اللي عم يعيشوها الناس. يعني مش ممكن نبسط ملف هالقد معقد بنقول إنه فقط لأنه مشكلة سكر بالدم؟

لو سألتك: مراكز المساعدة على الإنجاب وأطفال الأنابيب اليوم في العالم مزدحمة أكثر من عيادات الزكام والإنفلونزا. ألا يشكل هذا ناقوس خطر؟

أكيد، ولكن أنا عم برجع أربطها. ليش بدك تربطها بموضوع مقاومة الإنسولين والسكر؟ في كثير من الأسباب الأخرى تتعلق بموضوع الخصوبة.

أتفق وبشدة، لكن مقاومة الإنسولين تبقى العنصر الخفي في هالحالات. مثال بسيط: أحد الاستشارات، صبية عمرها 32 سنة فقط، تزوجت السنة الأولى ما صار حمل، السنة الثانية ما صار حمل. ما بين السبب. واليوم في عندنا حالات كثيرة بيجوا عندنا على أرقى المراكز الطبية وبنعمل تحاليل، التحاليل ما بتبين شيء. بنحكي لهم: «نعم، ما في حمل، التحاليل ما بينت شيء». وفي حالات نعم التحاليل بتبين وبنعالجها. ما بينت شيء، هون اضطرت هي الصبية لعمل زراعة، فعملت زراعة مرة ومرتين وثلاث وفشلت الزراعة. شو يعني فشلت الزراعة؟ مش مجرد كلمتين، هذا في تعب جسدي عليها، تعب مالي ضخم عليها، تعب نفسي مش مجرد كلمتين، شعور صعب. فكانت هي الصبية في استشارة، فاكتشفنا أن السبب الخفي وراء ذلك مقاومة الإنسولين. تم حل مشكلة مقاومة الإنسولين والزراعة الرابعة كانت ناجحة 100%. هذا لا يعني أن مقاومة الإنسولين هي السبب الوحيد في مشاكل الخصوبة، لكنها من الأسباب المخفية التي قد تكون وراء مشاكل الخصوبة.

لأنه هيدي حالة فردية، مش ممكن نعمم من حالة فردية ونقول هو ممكن يكون. رجعت وضحت الأمور وحطيتها بنصابها. هيدا في موضوع الخصوبة. برجع بسألك نفس السؤال: مش تبسيط لملف معقد كالخصوبة يلي كل يوم بصير في دراسات وأبحاث جديدة عنها؟ موضوع الاسكيزوفرينيا أيضاً في كثير علامات بعد منها واضحة 100% فيما يتعلق يعني بكثير من الأمراض النفسية والعقلية. مش تبسيط لما يعني لملفات صحية وعلمية هالقد معقدة عم نيجي نبسط للناس عم نقول لهم هذه المشاكل جذورها العملية الأيضية ونمط الحياة؟

جزء كبير من أسبابها هي مشاكل الصحة الأيضية، ولكن في أسباب أخرى، لكن السبب الأكثر هو ما يتعلق بالصحة الأيضية: نظام أكلنا، شربنا، نومنا، ونشاطنا، وتوترنا، وانفعالاتنا.

طيب، يمكن الناس هلا عم تحضر رح تقول هذا كلام يمكن شعبوي، كلام يصنف ضمن أي تيارات اليوم عم تطلع وقد تضر بصحة الإنسان وعم يمشوا وراها الناس. كيف أنت بترد على هذا الكلام؟

احنا أي شيء بدنا نحكي لازم يكون "Evidence-Based Medicine". يعني لما أخذنا ها الأرقام، هي أرقام في أهم المعاهد والدراسات والأبحاث الطبية. لكن ربما كنت أنا جريء أعترف قليلاً، ذهبت إلى أبعد من العلاج وأصبح سؤالي الأول اللي أطرحه: كيف نمنع وليس كيف نعالج؟ وأنا أؤمن أن مشاكل العصر الحديث اللي عم بنعيشها لا نعيش أزمة دواء، نعيش أزمة غذاء.

وأنا بوعد كل مشاهدي "احكي" إنه المعلومات يلي رح تطلع من هذا المنبر هي معلومات رح تكون موثوقة من مصادر علمية موثوقة، لأنه هيدا في مسؤولية ونحن على قدر هذه المسؤولية والثقة يلي عاطينا إياها الناس من خلال مشاهدة هذا المحتوى يلي فعلاً شكر لكل الناس اللي عم بتابعونا هلا. هذا المحتوى يلي عم بيكون في تفاعل إيجابي جداً جداً في كل العالم العربي. ملايين من المشاهدات عم بتكون لأنه نحن حريصين نقدم هذه المادة الصحية العلمية للناس تقدر تفهمها مضبوط. مش عن عبث ممكن يكون عندنا 170 مليون مشاهدة شهرياً. العالم بدها هذه المعلومات العلمية الدقيقة، وأنا على أنا بوعدهم إنه رح أعمل جهدي ونقدم المعلومة الدقيقة العلمية اللي ما فيها شك. عم تحكي بدي أحكي عن جزء يعني الناس يمكن بتعاني منه كثير وما بدي أفوت بالأمور يلي بدها فعلاً تشخيص وبروحوا عند الأطباء المسؤولين فيما يتعلق بالطباء النفسيين والسايكاترست وإلى آخره. بدي أسأل على موضوع الزعل، التعب، ووصولاً إلى الاكتئاب، لأنه لفتني دراسة لجامعة ستانفورد بالـ 2021 بتقول مثل ما أنت عم بتقول: مقاومة الإنسولين بتساهم بزيادة الاكتئاب. طيب، السؤال: قد إيش نسبة الناس يلي عندها اكتئاب من وراء الأكل؟

الناس اللي بتنصاب بالاكتئاب بسبب نظامهم الغذائي وبسبب مقاومة الإنسولين أعلى من الناس الطبيعيين 2.6 مرة، يعني تقريباً ثلاث مرات، ثلاث أضعاف. وهذا رقم كبير. وفسرت ليش لأنه كيف الهرمونات بتتغير جراء السكر يلي عم بيطلع على موضوع الدماغ. طيب، أنا كيف ممكن أساعد حالي؟ عم نحكي عن الأكل نحن وموضوع الاكتئاب عند الناس. كيف أنا ممكن أساعد نفسي؟ وأنا حريص هون أستخدم تعبير "ساعد نفسي". كيف نحن ممكن نساعد نفسنا من خلال الأكل كرمال نساعد نفسنا فيما يتعلق بأعراض الاكتئاب الحادة اللي ممكن نقطع فيها؟ كيف ممكن نساعد نفسنا؟ أدوات حقيقية رح تساعدنا من خلال التحكم في نظامنا الغذائي. مثلاً لو أخذنا هي البيضة، فيها مادة غذائية مهمة جداً مش بس حتى تبني عضلاتك، مهمة جداً حتى تبني دماغك. إيش هي هي المادة؟ الكولين. الكولين موجود في هي البيضة تقريباً من 120 إلى 150 ملغ من الكولين. هذا الكولين هو اللي بيتحول لناقل عصبي في الدماغ، مهم مادة خام لناقل عصبي مهم في الدماغ اسمه الأسيتيل كولين. معنى هذا الشيء إنه هي البيضة رح تزيد تركيزك، رح تزيد تحليل التفكير. هي البيضة رح تساعدك للشعور، شعور بالسعادة لأنه بتدخل في مادة وناقل عصبي مهم في دماغها.

البيضة ممكن تعطيني.

شعور بالسعادة.

نعم.

هذه المادة قد تكون مساعدة للناس يلي تعاني من بعض الاكتئاب، ولكن أكيد الشخص يلي بيعاني من أعراض حادة لازم يروح عند طبيب، والطبيب يشخص ويعطيه العلاج اللازم فيما يتعلق بالاكتئاب. مشان نحن ما نقول للناس اللي عنده اكتئاب: كل بيض بتصحه. نحن ما عم نقول كلو بيض بتصحه، عم نقول هذه المادة يلي بالبيض موجودة مهمة كرمال تساعدنا على تخطي أعراض الاكتئاب.

دكتور، الخيط الواحد المشترك برأيك أنت بكل هذه الأمراض اللي أنت حكيتني عنها، شو هو الخيط المشترك والسبب الرئيسي؟

مقاومة الأنسولين ومشاكلنا بالصحة الأيضية.

طيب، حكينا صحة أيضية، مقاومة الأنسولين. شو يعني مقاومة الأنسولين؟ صحيح كلمتين، لكن اليوم هي الكلمتين، وبناء على الدراسات اللي وردت بالـ IHME، 75% من الوفيات. فلما بنحكي مقاومة أنسولين، انبسطها.

بزيقة، 75% من الوفيات من ورا مقاومة الأنسولين.

75% من الوفيات بسبب الأمراض المزمنة.

صحيح.

اللي جذرها مقاومة الأنسولين.

شو مقاومة الأنسولين؟ فسر لنفهم شو مقاومة الأنسولين بطريقة مبسطة. خلي كل واحد عم يحضرنا اليوم يفهم ويسيب وينشر هذا الفيديو لنشوف فعلاً شو يعني مقاومة أنسولين، اللي هو جذر أساسي من أمراضنا اليوم يلي عم بتسبب 70% من الوفيات بالعالم. شو يعني مقاومة أنسولين؟ هذا المفهوم المعقد راح أشرح لكم إياه بطريقة بسيطة ما ننساها بعد اليوم.

أنت الآن ببيتك. في هذا البيت في غرف. هي الغرف هي خلايا جسمك. كل خلية في جسمك تحتاج الطاقة حتى تعيش. هي الطاقة حتى تدخل للخلية في لها شروط. الجلوكوز والسكر حتى يدخل للخلية في له شروط. هذا الشرط مثل كل غرفة ببيتك هي خلية. الغرفة لها باب، هذا الباب عليه قفل وفي له مفتاح. هذا المفتاح عمركم ما تنسوه هو الأنسولين، وهذا القفل هو مستقبل الأنسولين. فأنا لما بدي أفتح الغرفة، هذا المفتاح بالقفل، يعني الأنسولين على مستقبل الأنسولين، بيفتح الباب وبتفضلوا الضيوف على الغرفة. هذا الوضع الطبيعي.

تخيل معي هذا المفتاح اللي موجود صارت مع 10 أشخاص خاص، وصار في ناس تحاول تدخل هذا الغرفة وتعمل مفاتيح مشوهة، وصاروا يجوا يحاولوا يفتحوا هذا الباب وما يزبط معهم. بعد شوي حتى أنت يلي معك المفتاح الأصلي والحقيقي رح تعجز تفتح هذا القفل.

مقاومة الأنسولين بكل بساطة هي الغرفة هي خليتك والمفتاح هو الأنسولين. بسبب أكلنا غير الصحي ونظام حياتنا اللي قائم على عدم النوم وقائم على التوتر وارتفاع السكر في دمك بأسباب خارجية من أكلك أو بأسباب داخلية من توترك، معناه أنسولين أكثر في الدم. يعني تذكروا معي مفاتيح أكثر للقفل. هي المفاتيح رح تيجي على هذا القفل رح تشوه شكل هذا القفل، فهذا القفل اسمه مستقبل الأنسولين رح يعمل بالعلم شيء اسمه Insulin Receptor Internalization، يعني راح يسكر هذا المستقبل وراح يضرب القفل، باب غرفتك ضرب القفل فيه.

تخيل معي الآن الغرفة مغلقة. الأشخاص اللي المفروض يدخلوا عم يتراكموا، بيجوا بينتظروا ما بيعرفوا يدخلوا، عم يتراكموا 10 أشخاص، 20، صار فائض. فصار في الممر ناس كثير، صاروا يعملوا ضجة للمناطق الثانية. أما الغرفة اللي نحن لازم ندخلها ولا شخص فيها، وهذا هو مقاومة الأنسولين. السكر رح يضل بره في دمك ويرتفع في دمك. جوا الخلية ما في سكر، فأنت رح تكون غني وفقير في نفس اللحظة: غني بالسكر في دمك، فقير بالسكر في خلاياك.

ام.

لكن السكر اللي لازم يفوت على الخلية كرمال يعطيها طاقة ما عم بيقدر يدخل. عم بيتراكم السكر على باب الخلية. الخلية عم بتجوع لأنه بدها طاقة. السكر يلي تجمع عم بيتجمع، عم بيتجمع كالضيوف، عم بصير في فائض من السكر. هيدا صار في عنا مقاومة أنسولين، صح؟

صحيح.

لما يكثر هون الناس كثير، يكثر السكر كثير وما عم بيدخل إلى داخل الخلية كرمال يغذي الخلية، شو عم بصير بهذا السكر يلي عم يتراكم على باب الخلية، على باب غرفة النوم وما عم بيقدر يدخل؟

نرجع، الأشخاص عم يتراكموا باب الغرفة. إيش راح يصير إذا أنت في فندق والأشخاص عم يتراكموا أمام غرفة معينة؟ 20، 30، 20 سكر، 30 جزيء سكر، 40. رح يصير حد رح يتواصل مع إدارة الفندق: في إزعاج، في ناس عم تتراكم في محل مش لازم تكون فيه. وهذا اللي بصير فعلياً. الدم بيبعث إشارة ورسالة سريعة للدماغ: سيد الدماغ، يوجد فائض من سكر الدم. إذا هذا الفائض استمر، بعطيك تحذير أخير، هذا الشخص رح يدخل في حموضة في الدم، هذا الشخص ممكن يموت. سيد الدماغ، أنت المدير التنفيذي، حل المشكلة لطفاً. الحل: الدماغ يرسل برقية مستعجلة إلى الكبد، ويرسل برقية مستعجلة إلى الجهاز الهضمي. إلى الكبد يقول له: الكبد أيها الصديق الصدوق، أكثر عضو صديق إلى الدماغ هو الكبد، يقول له: الدم مليء بالسكر، خذ هذا السكر فوراً اسحبه من الدم. لهذا السبب رح يروح هذا السكر على الكبد ويعمل لنا مشكلة خطيرة جداً تعتبر من أوائل العلامات التشريحية لاكتشاف مقاومة الأنسولين وهي الكبد الدهني. هذا أولاً.

جزء من هذا السكر الكبد رح يفيض بهذا السكر، فجزء منه راح يروح على محيط خصرك ويعمل لك سمنة الكرش، وجزء منه رح يروح على شرايينك ورح يعمل لك تسكير الشرايين. فبصير الدماغ يعطي حالة طارئة، ودائماً في شيء اسمه Emergency وفي شيء اسمه Elective. الحالات الطارئة تميل إلى الحلول السريعة التي قد تؤدي إلى نتائج خطيرة. الآن السكر راح ينزل شوية بالدم، لكن بعد ما عمل مشاكل خطيرة في الكبد، عمل مشاكل خطيرة، عمل لك الكرش، عمل مشاكل خطيرة في كل أعضاء الجسم بسبب تراكم الجلوكوز.

السكر.

السكر.

ام.

شو بصير بجسمنا لما نحن نقطع السكر، أو لأكون منطقي أكثر، شو بصير بجسمنا لما نبلش نخفف السكر بطريقة جذرية ولكن تدريجياً؟

الصدمة هون إنه نحن ما بنطالبك تقطع السكر، نحن بنطالبك تاخذ حاجتك اليومية الحقيقية منه. لكن إذا هذا السكر اليوم أخذنا قرار نعدل حاجتنا اليومية الصح، إيش ممكن يصير؟ رح نلاحظ نتائج مبهرة رح تبدأ من الأسبوع الأول.

من أول أسبوع بخفف فيها سكر في نتائج مبهرة على جسم الإنسان وصحة الإنسان.

نعم. بالاسبوع الأول من تخفيف السكر رح يقل شعورك باشتهاء الحلويات. أول ملاحظة رح يصير طلبك للأشياء الحلوة أقل. بالاسبوع الثاني رح تشعر بتحسن بالطاقة في جسمك. قبل شوي حكينا تعب مزمن وجوع مستمر، هذا التعب المزمن رح تبدأ تقطف ثماره من الأسبوع الثاني. بعدين كل ما تقدمنا أكيد رح تكون النتيجة أفضل. الأسبوع الثالث رح تلاحظ زيادة في التركيز. كان عندك تشتت، توتر، مش عمالك بتركز في شيء، رح تلاحظ بالاسبوع الثالث زيادة في التركيز. والأجمل الأسبوع الرابع، فكركم إيش بتلاحظوا بالاسبوع الرابع؟ اكتبوا. بالاسبوع الرابع هذا اللي كلكم عم تستنوه رح يبدأ محيط الخصر، رح يبدأ كرشك بالنزول، وهذا هو أهم سبب بيدفع الناس يقللوا السكر. خلصنا الشهر الأول، بندخل على الأسبوع الخامس والسادس، راح يستمر محيط الخصر بالنزول وراح تلاحظ نشاطك البدني عم بيزيد. الأسبوع السابع والثامن رح نبدأ نلمس النتائج في مرآة الأيض. شعرك اللي كان يتقصف، شعرك اللي كان يتساقط، رح نلاحظ الشعر عم ينمو من جديد، وهي بداية قطف الثمار لتقليل السكر.

شغلتين دكتور. أول شيء أنت عم بتقول تقليل السكر، ولكن في كثير نظريات بتقول: قطعوا السكر كلياً ونهائياً كرمال تحصدوا هذه النتائج لما تقطعوا السكر.

أنا مع التوازن لكل المواد الغذائية، ناخذ حاجتنا الطبيعية حتى نقدر نستمر بنمط حياة مستمر. ما بدي أنا صدمة للجسم لا أستطيع الاستمرار فيها. احكي لي الآن بكل بساطة عن أي نظام غذائي في بالك، بسألك سؤال واحد: هل أنت قادر تستمر عليه مدى حياتك؟ إذا كان جوابك نعم، فهذا النظام مواكب لنمط الحياة وراح تستمر التحسن عندك. إذا كان جوابك لا، فمعناه مشكلتك رح تنحل مؤقتاً.

بس السكر سم، طيب أنا ما عم بقطعه، عم بخففه بس عم بفوت سم على جسمي؟

السكر سم إذا زاد عن حده اليوم الطبيعي بجسمك، إذا زاد مثلاً عن 25.

رح نحكي بعد شوي قد إيش لازم ناخذ سكر وكيف نعرف قد إيش عم ناخذ سكر.

السؤال الثاني: حكيت أول شهرين تقريباً من قطع السكر شو بصير، ولكن ماذا عن الأعراض الأخرى اللي حكينا عنها قبل فيما يتعلق بالسكر؟ شو عم يعمل بأعضاء الجسم يلي بلش السكر كان يتلف هذه الأعضاء؟ أي بعد قطع أو تخفيف السكر ببلشوا هذه الأعضاء ترجع تنتعش وهذه الأعضاء يلي تضررت بترجع بتصلح نفسها، أو الأعضاء يلي انضربت خلص انضربت؟

بيعتمد على اكتشافنا للحالة بالوقت. يعني حتى في مقاومة الأنسولين في درجات، ممكن يكون بكير خلال أشهر، ممكن يكون خلال سنوات. فالمده الزمنية بالتحسن بتعتمد متى صحيت لحالك. ولكن اللي بطمنكم إنه بمجرد شو ما كانت النتيجة، إذا قبل ما يختلفوا والتحاليل عندك لسه نحن بخير. بالشهر الثالث لتخفيفك للسكر رح تبدأ المؤشرات الأيضية تتحسن، يعني الفحوصات والتحاليل للناس اللي كان عنده مشكلة بالأنسولين الصائم المرتفع، للناس اللي كان عنده مشكلة بالسكر المرتفع، للناس اللي كان عنده مشكلة بالتراي جليسرايد أو الدهون الثلاثية المرتفعة.

والكوليسترول الـ LDL بالذات، والكوليسترول السيء. رح نلاحظ اختلاف بالمؤشرات، ولكن إذا بدنا تحسن كامل لازم نظامنا يكون مش نظام طارئ، نظام نمط حياة حتى نستمر ونحصل على النتائج مميزة. خلال ست شهور وإلى سنة بنحصل على نتائج تكون قريبة من الشخص الطبيعي.

بس أنت قلت قبل إنه بيأثر على القلب، بيأثر على الشرايين، بيأثر على الخصوبة، بيأثر على الأمراض العقلية والاكتئاب. قلت إنه بيتحسن المزاج، ولكن الأمور الثانية اللي حكيت عنها إيمتى ببلش نلاقي تحسن بالأعراض يلي كانت جراء السكر؟

يبدأ من الأسبوع الثامن. بداية تحسن من اليوم الأول الطاقة، لكن التحسن في هذه الأشياء بعد الأسبوع الثامن ممكن يحتاج عند بعض الناس شهرين، عند بعض الناس ثلاث، وممكن يصل إلى ستة حسب شدة مقاومة الأنسولين، لكن التحسن وارد بالفترة الزمنية.

طيب، شك بموضوع ذكرته دكتور فيما يتعلق بالشعر تحديداً. لفتني إنه الشعر الكثيف ببلش يطلع بعد قلت لي خلال أول أسابيع من قطع السكر، ولكن منا وعود مبالغ فيها لأنه البصيلات تحتاج من ثلاثة إلى ست أشهر كرمال تطلع. يعني كان اليوم عند الناس في مبالغات بالوعود لأنه علمياً بصيلات الشعر بدها توصل لست أشهر لترجع تنمى. أنت عم بتقول لي الشعر ممكن يتحسن خلال الأسابيع والأيام الأولى؟

السكر أحد أهم الأسباب اللي بيأثر على الشعر، بالإضافة طبعاً لنقص الحديد، لنقص الفيتامينات، تركيبة. لكن السكر جزء مهم لأنه هذا السكر الزايد رح يرفع الأندروجينات، وهذا رح يعمل لنا تساقط في المنطقة الأمامية من فروة الرأس، يعني رح يضرب البويصلات وهذا الشعر راح يتساقط. لأنه السكر كمان راح يرفع العوامل الالتهابية، وهون تحت العوامل الالتهابية نحط خط، لأنه دائماً العوامل الالتهابية بتلفت انتباهنا إنه في التهاب بالجسم. أنت بتروح على الحكيم بيطلب لك فحص نسبة الالتهاب، فحص مشهور اسمه CRP C-Reactive Protein حتى يشوف الالتهاب. سألتكم أنا لو عند الشخص كان هذا الفحص عالي وما عنده حرارة وما عنده عدوى، سألتم نفسكم شو ممكن يكون رفعه؟ هون الجواب هي العوامل الالتهابية، وجودها بشكل مستمر من الأدلة على وجود مقاومة الأنسولين، فرح تضرب بويصلات الشعر وراح تقلل لنا عمر الشعرة. ثلاث: لأنه السكر رح يزيد الإجهاد التأكسدي، العوامل المؤكسدة في الجسم هي الضرر على خلايا الجسم رح تزيد وراح تضرب لك بويصلات الشعر. والسبب الرابع: رح تقل تروية الدم بسبب مقاومة الأنسولين لبويصلات الشعر، يعني ما رح يصل دم بالشكل الطبيعي فرح تضعف البويصلات الشعر. خفضنا السكر من الأسبوع الثامن رح نلاحظ النتائج، لكن حتى نحصل على نتائج مميزة لازم نستمر ويكون نظام...

حياتي.

نمط حياة وليس نظام علاجي لشهر وشهرين وثلاث.

السكر الدايت، الستيفيا، الأسبارتام، هل هو آمن أو أيضاً بيعلق السكر بالدم؟

اليوم في هروبنا عن السكر وضرره صرنا نلجأ لأشياء كثيرة. أهم طريقة، أهم طريقة للتخلص من السكر: نبدأ نتعود على إنه ما بدنا الشيء الحلو كثير. اثنين: نلجأ للسكر من مصادره الطبيعية. بخصوص الستيفيا والأسبارتام، هي بدائل مهمة جداً، لكن رح نحكي عنها هون شوي. الستيفيا كلنا بنعترف إنه محلي طبيعي من أوراق الستيفيا.

صحيح.

وبنعرف إنه بيعطينا حلاوة 200 إلى 300 ضعف السكر، وهذا رقم مهول. الستيفيا مش رح يرفع الأنسولين كثير ولا رح يرفع سكر الدم كثير، يعني بشكل بسيط ممكن يرتفعه. لهذا السبب هي بديل آمن لأنها من مصدر طبيعي.

ولكن عم بتقول الهدف الأساسي نحن نخفف هذه الحاجة إلى السكر وطعم السكر الزائد بحياتنا. فلما أنا عم بستعمل هذا البديل الآمن، أنا ما بكون دخلت بنمط حياة، أنا أعوّد حالي ما أحتاج لهذه الكميات أو الحلاوة تدخل على جسمي.

صحيح. أما فيما يتعلق بالأسبارتام، فهو مش محلي طبيعي. الأسبارتام هو محلي صناعي ومعروف من زمان.

معروف من 1965.

والأسبارتام هو عبارة عن الأسبارتيك أسيد مع الفينيل ألانين، ولكن المشكلة في إنه بيحلي 200 مرة صحيح عن السكر العادي. لكن بعض الدراسات اللي نشرت أشارت إلى أن الأسبارتام قد يكون عامل مسرطن. هذه الدراسات لم تثبت بالشكل الكامل لكنها موجودة، والأسبارتام يعتبر محلي صناعي اللي اليوم نحن بنستخدمه في أشياء كثير بالدايت. عشان هيك الحل أن نخفض السكر بشكل طبيعي ونلجأ مؤقتاً إلى البدائل الطبيعية. مثل: يعني لو خيرتني السكر الأبيض ولا الأسبارتام، رح أختار الأسبارتام. إذا خيرتني أسبارتام ولا ستيفيا، راح أختار ستيفيا. إذا خيرتني ستيفيا ولا أنا أعتمد في الشيء المحلى على جرعات وطعم أقل، رح أختار الخيار الأخير.

عم تحكي عن الستيفيا والمنتجات الطبيعية. شو في منتجات طبيعية ممكن تساعد على خفض السكر بالدم؟

المفاجأة هون، أهم منتج لتخفيض سكر الدم هو بجسمك: عضلاتك. هذا الشيء المنسي. العضلات مش مجرد أنا بدي أبني عضلات للشكل. أي شخص، سجلوها عندكم، بعد الـ 40، ونحن اليوم بيحكوها الناس بعد الـ 40: يا رب تعين. أي شخص بعد الـ 40 وكانت كتلته العضلية قليلة وكتلته الدهنية عالية، فهو قريب جداً من الأمراض المزمنة، خاصة السكري النوع الثاني وارتفاع ضغط الدم. فالمنتج الأهم هو تبني عضلاتك، لأنه العضلات أكبر مصنع لحرق السكر في الجسم. كيف علمياً كيف العضل هو بيحرق سكر بالدم؟ العضل يشكل جزء كبير من جسم الإنسان، كمية العضلات، وهي العضلات تحتوي على مصنع مهم للطاقة هو مصنع الميتوكوندريا. فأنا كل ما كبرت هذه المصانع، كل ما زدت الحرق للسكر الزائد. يعني اليوم إذا أنا بدي أتخلص من مقاومة الأنسولين، أحد أهم الاستراتيجيات أزيد مصانع الحرق، يعني أزيد العضل.

طيب، قبل ما أفهم أكثر عن المصانع، مصانع الخلايا، بدي أفهم منك أنا اليوم أكلت وجبة كان فيها سكر، كيف أنا بعد الأكل ممكن أو شو فيني أعمل بعد الأكل كرمال أحرق هذا السكر يلي أنا أكلته من خلال واستطراداً على اللي أنت عم بتقوله على موضوع العضل؟

أهم شيء اليوم بعد وجبة الأكل نتمشى لو 20 دقيقة أو ربع ساعة. ليش؟ هل الـ 20 دقيقة رح يحرقوا دهون؟ مش كثير. ليش أهميتهم؟ من أهم التوصيات إذا أنت بتواجه مشكلة في نزول وزنك، أهم توصية بعد الأكل تمشى 15 إلى 20 دقيقة، لأنها الإشارة المهمة لمصنع الطاقة في جسمك. يبدأ مصنع الطاقة والميتوكوندريا بالعمل، وهذا المصنع هو اللي راح يحرق السكر اللي بيزيد في جسمك. فأنت نشطت المصنع مباشرة بعد الأكل، مش الرياضة هون حتى أحرق الدهون بشكل مباشر.

سألتك شو في منتج طبيعي ممكن يخفف السكر، قلت لي العضل. ولكن بدي أرجع على سؤالي، كنا عم نحكي على موضوع الستيفيا كيف طبيعي وممكن ما يكون عنده أضرار مثل أضرار السكر الصناعي. شو في اليوم منتجات ممكن نحن نستخدمها تساهم وتساعد بتخفيف نسبة السكر بالدم؟

منتج واحد طبيعي ممكن يحسن مقاومة الأنسولين ويقلل السكر هو القرفة.

القرفة؟

نعم.

ليش القرفة؟ وكيف القرفة ممكن يساعد بتخفيض السكر بالدم؟

هي القرفة بتحتوي على الفينولات، وهي الفينولات مهمة جداً جداً. كيف؟ أول شيء القرفة لما بتدخل للجهاز الهضمي بتعمل تبطيء لتفريغ المعدة، يعني شعور مبكر بالشبع، هي أولاً. القرفة بتشتغل كمضاد للالتهاب، العوامل الالتهابية اللي حكينا عنهم عم بيقلوا بسبب القرفة. ثلاث: مضاد أيضاً للإجهاد التأكسدي، العوامل التأكسدية اللي بسبب العمليات الأيضية والتلوث البيئي والتلوث اللي موجود حوالينا بيرتفع شيء اسمه بالدم عوامل تأكسدية، وهي بتضر بمستقبلات الأنسولين وفي النهاية رح ترفع السكر. القرفة عم بتخلصنا منها. الطريقة الرابعة للقرفة بتحسن عمل مستقبلات الأنسولين، القفل اللي حكينا عنه. الطريقة الخامسة: تفتح قنوات دخول السكر إلى الخلية، لأنه السكر بيدخل من قنوات خاصة في الخلية. القرفة بتنشط هي القنوات، معناه السكر اللي بدمك رح يدخل لمصنع الطاقة الميتوكوندريا للحرق.

مثبت علمياً إنه مادة طبيعية موجودة بكل بيت عربي اليوم ممكن يكون عندها هذه الفوائد العظيمة؟

مثبت علمياً، ولكن انتبهوا، لوحدها لا. هي جزء من نظامك الغذائي، من الرياضة، من النوم العميق ومن التخلص من التوتر. هي رح تساعدك. وسؤال أخير: اكتبوا لنا بالتعليقات القرفة اللي بنحكي عنها وجودتها أعلى، هي القرفة ولا بتعرفوا نوع ثاني؟ خليها لكم.

طيب سؤال، بس هذيك خليها لكم هيك. كيف بشربها؟ هي بشربها، شو بعمل فيها؟ بطحنها؟ بشربها؟ برشها فوق؟ شو بعمل فيها؟

هي بنغليها.

وإيمتى أشربها؟ يعني أشربها إيمتى؟ قبل الأكل؟ بعد الأكل؟ خلال اليوم؟

هي بتشربها الصبح، بتشربها الظهر، بتشربها المساء. مش المشكلة بالتوقيت، المهم بتشربها.

رح أفهم منك أكثر شو الميتوكوندريا، ولكن قبل، العالم بتقول شغلة عم تحكي لأنه عن الطاقة. عالم كثير بتقول وبتلمسها أيضاً: أنا أكلت سكر، صار عندي طاقة. ما عم بفهم شو واحد بيشعر بعد ما ياكل سكر وبياخذ طاقة، بين اللي أنت عم بتقول لي إياه إنه السكر بيتعب الإنسان وبيعطيه تعب وخمول. أنا مش عم بقدر أفهم أنا شو بشعر بعد السكر وأنت شو عم بتقول لي شو بصير في من بعد ما آكل سكر، في شيء غلط.

العالم بتحكي اليوم أنا أكلت سكر يعني صار عندي طاقة أكثر.

صحيح.

وهذا الكلام 100% خطأ.

بس كيف خطأ؟ أنا فعلاً بآكل سكر بصير عندي طاقة.

طاقة مؤقتة. لأنه أنا عم باخذ السكر، أنا واحد من اثنين: إما شخص سليم وإما شخص عنده مقاومة أنسولين. في غيرهم مبدئياً لا.

إذا كنت أنا شخص سليم والجلوكوز والسكر هذا دخل الدم، رح يفرز أنسولين السكر. السكر سرعان ما ينزل بالدم، لكن الأنسولين بضل عالي، فهذا راح يعطيك شعور بالجوع المستمر والخمول. لهذا السبب هي طاقة لحظية مؤقتة يتبعها خمول. الحالة الثانية: أنا شخص أصلاً عندي مقاومة أنسولين وعلى الأغلب ما بعرف عنها. لما بآكل السكر حكينا في مثال مقاومة الأنسولين إنه القفل ضارب، فأنا أكلت سكر لكن هذا السكر عم ينتظر على باب الخلية ما عم يدخل. فالخلية من جوا عم تصرخ وبتبعت للدماغ: أنا ما بيوصلني طاقة. فالخلية بتزداد تعب. يعني جسمك بيدخل السكر وبيستهلك طاقة في دخول هذا السكر ما بين امتصاص وما بين حمله بالدم، ولكن لما بيصل الخلية حتى يعطي شغله في مصنع الطاقة ما عم يدخل، فالجسم رح يتعب أكثر وأكثر ومصنع الطاقة جوا خليتك رح يتعب أكثر وأكثر.

يعني أنت عم بتقول مشكلة التعب هي مشكلة من داخل الخلية لها علاقة بالميتوكوندريا؟

نعم صحيح.

شو يعني ميتوكوندريا؟

الميتوكوندريا عبارة عن جسم صغير موجود داخل كل خلية في جسمك، وهذا اسمه السري: مصنع الطاقة. وأعطيكم أكثر، هذا المصنع الحقيقي لحرق الدهون في جسمك.

يعني أنت عم بتقول لا طاقة يعني لا حرق يعني سمنة؟

نعم صحيح.

لا طاقة داخل الخلية يعني لا حرق يعني سمنة وزيادة وزن؟

لا طاقة يعني لا حرق يعني مزيد من السكر راح يتراكم في الدم. مزيد من السكر مش رح يدخل لمصنع الطاقة، فرح نتعب مصنع الطاقة وراح نرفع سكر دمنا ويعمل لنا مشاكل في كل الأعضاء اللي ذكرناها.

سؤال دكتور، وين بروح السكر يلي ما يتم تخزينه؟

السكر في الدم إذا ارتفع عن المستوى الطبيعي يشغل الجسم إنذار من الدماغ. وين هذا السكر عم بيروح؟ على كل أعضاء جسمك. رح يروح على الكبد، رح يروح على منطقة الكرش، رح يروح يتحول لدهون. لأنه اليوم السبب الرئيسي للسمنة والأخطر، أخطر من الدهون هو السكر، لأن السكر هو الذي يتحول إلى دهون. بدي أحكيك بموضوع السعرات الحرارية: إذا أنت وأنا اثنيناتنا أكلنا 2000 سعرة حرارية باليوم، ممكن أنا أنصح أكثر منك؟

أكيد. كيف؟ ليش؟

لأنه السمنة مش نظام سعرات فقط. السمنة نظام هرمونات، نظام التهابات، نظام مايكروبيوم. أنا وأنت رح نختلف في الهرمونات، يعني ممكن ناكل نفس السعرات وندخل نفس السعرات، لكن تعامل الجسم معها بيختلف حسب كيف الهرمونات عندك، كيف الأنسولين عندك، كيف الكورتيزول عندك. عشان هيك ممكن توأم ياكلوا نفس الأكل ونفس المجهود، خلينا نحكي يعني السعرات الداخلة والسعرات المستهلكة متساوية، حد فيهم يسمن وحدا يظل مثل ما هو. ليش؟ لأنه ممكن يكون حد فيهم عنده كورتيزول مرتفع، يعني شخص توتري انفعالي. فإذا كورتيزول مرتفع هذا الشخص رح يسمن، لأنه الكورتيزول رح يرفع له الجلوكوز الداخلي في الدم وراح يمنع الحرق عنده. فلو المعادلة فقط معادلة سعرات، كان كل الناس قاعدة بتاكل كثير معناها رح تسمن، ما بتاكل مش رح تسمن. وهذا نحن كل يوم بنواجهه إنه في ناس عم تاكل كثير وما بتنصح، وفي ناس بتنصح على شربة المي. كم من حد من المشاهدين الآن رح يحكي لنا: أنا يا دكتور جربت نظام غذائي مرة واثنين وعشرة، أنا ما عم بنزل. دكتور أنا يئست. دكتور أنا بشرب كاسة المي باليوم أنا بنصح عليها. بحكي له: أنت صادق.

واللي بيقهر أكثر، في ناس بيكونوا حدك بياكلوا كميات مهولة من الأكل وما بينصحوا.

نعم صحيح. لأنه الهرمونات. إذا أنا شخص مثال طبقت نظام غذائي 100% وأكلي صحي 100%، بدي أعقدها عليكم شوي، وعم ببذل نشاط بدني ورياضة 100%. مش بتحكوا لنا نظام غذائي عملناه، بتحكوا لنا رياضة ونشاط بدني عملناه. لكن أنا هيني بحكي لكم أنا صاحب المشكلة مش عم بنزل ولا جرام. هون بدنا نعرف إنه في سبب خفي أهمه قد يكون التوتر والانفعال. بسألك أنا: كيف صحتك النفسية؟ السؤال الثاني اللي رح أسألك إياه رح تحكي لي: أنا والله سعيد مبسوط. ممكن يكون غرفة النوم هي السبب.

كيف يعني غرفة النوم هي السبب؟

يعني إذا أنا شخص بآكل منيح، بلعب رياضة منيح، حالتي النفسية ممتازة، لكن أنا مشكلتي بالنوم، يعني ما بعرف أنام نوم عميق، يعني ممكن أحتاج ساعات لما أنام وممكن أضل أصحى ويكون عندي النوم متقطع. بتعرفوا إنه هذا سبب خفي لحالات كثيرة بيستشيرون فيها زملاؤنا أخصائي التغذية؟ لأنه بيصل لحالة بيتعقد فيها المريض. ملتزم بنظام غذائي، المريض بروح على الجيم ثلاث أيام بالاسبوع، المريض حالته النفسية مليحة حتى ما نحكي عن الكورتيزول. إيش اللي بصير؟ اسألوا سؤال واحد: اسألوا عن النوم بالليل، هل هو نوم عميق ولا نوم متقطع؟ خسارة الوزن بتبدأ من سريرك، فهمت؟

من خلال نومك أو من خلال حرق سعرات حرارية؟

من خلال نومك العميق، السر من أسرار إعادة تشغيل مصنع الطاقة في جسمك.

بس سؤالي أنا في سيف ذو حدين، عم بسأل النوم من خلال حرق سعرات حرارية قد يفهم بمفهومين: مفهوم حرق بالسعرات الحرارية جراء علاقة زوجية، أو ممكن نحرق سعرات حرارية نحن ونايمين؟

ليش ما يكونوا الاثنين؟ يعني أنت شو يعني شو اللي ضاغطك؟

طيب دكتور، هون أنا بدي أرجع أسألك سؤال. حكيتك قبل شوي عن الناس اللي بتأكل كميات مهولة من الطعام وما بيسمنوا. هل هيدا الشيء صحي إنه يأكلوا وما يسمنوا، أو ممكن يكون مخبى أمراض ومقاومة أنسولين من دون ما يكون في إشارات وأعراض وعوارض وعلامات ظاهرة؟

نحن دائماً بنربط السمنة بمقاومة الأنسولين وهذا خطأ. مقاومة الأنسولين قد تكون عند شخص نحيف ويبدو مثالي.

لكن الناس اللي بتأكل كثير وما بتنصح، هيدا مش دليل صحي. الناس اللي بتأكل أكل كميات كثير كبيرة وما بتنصح، ممكن يكون الشيء سليم لأنه حسب ما أنا عم جرب بسط الأمور وأفهم إنه نظام الخلايا الميتوكوندريا عنده عم يشتغل بطريقة صحيحة أو لا. ممكن يكون بحالة خطر، ممكن يكون مخبى أمراض كمقاومة الأنسولين وبعد العلامات والأعراض ما ظهرت. ممكن يكون سليم لأنه مصانع الطاقة عنده شغالة صح، وأيضاً لا يستثني إنه قد يكون مريض وفي أسباب لها علاقة بتوازن الهرمونات ومشاكل في الغدد عم بتخليه يحرق أكثر. السؤال الأهم اليوم: كيف أنا بدي أدعم هذا مصنع الطاقة بجسمي كرمال أنا أخفض وزني؟ لأنه خفض الوزن وتخفيض الوزن ضروري كرمال نبلش نحارب مقاومة الأنسولين. سؤال: كيف أنا بدي أدعم هذا المصنع طاقة بجسمي كرمال أخفض وزني؟

خمس أسرار لدعم مصنع الطاقة في الجسم. خمسة. يعني هيدا هو السر لواحد يقدر فعلاً يحسن صحته. هذا هو النظام يلي نحن عم نحكي عنه، خمس أركان.

خمس أركان، كل واحد فيهم رح يصدمكم. الركن الأول، لنكتب ونشير وأرسلوا هذا الفيديو لكل شخص بتحبوه عم بيقاوم كرمال يخسر وما عم يقدر. خمس أسرار رح يقولها الدكتور هلا وهي بتساعد بخسارة الوزن. الركن الأول: أكيد مش وصفة ولا روشتة راح أكتب لك إياها تجيبها. السر الأول هو الرياضة والتمارين. إيش علاقتهم؟ أهم جزء لتنشيط مصنع الطاقة والميتوكوندريا. وهون حتى أربط في أذهاننا وأذهانكم ما ننسى شو يعني تنشيط الميتوكوندريا: معناه طاقة أعلى، معناه صحة أعلى، معناه عمر بيولوجي أفضل، معناه أمراض أقل. فالموضوع جداً مهم. سجلوهم عندكم: الرياضة أكبر منشط ومحرك للميتوكوندريا ومصنع الطاقة هي الرياضة. لهذا السبب بعد أي وجبة لازم تتمشى، مش حتى تحرق دهون، حتى...

تخف.

تحرك نشاط الميتوكوندريا وتجهزها لحرق السكر اللي دخل بالوجبة.

طيب، عم تحكي عن الرياضة. الرياضة عم تحكي لأنه قلت رياضة وأهمية المشي، وقلت قبل شوي العضل هو أساس. إذا مشيت ما بتبني أنت عضل، فلازم نمشي ونبني عضل من خلال تمارين المقاومة.

الرياضة هون المقصود فيها هي رياضة خفيفة، مش رياضة أبني عضل. هلا رح نحكي عنها. فقط مطلوب منك لأنه اليوم نحن حتى المشي ما بنعتبره من أنواع الرياضة. المشي اليوم لا يصنف رياضة، نحن بنحكي عن ركض. ولكن المطلوب المشي على الأقل لأنه أثبتت الدراسات المشي بعد الوجبة يعطي إشارة إلى الميتوكوندريا ومصانع الطاقة أن تستعد بالعمل، فتبدأ بالجهوزية لتستقبل الجلوكوز والسكر اللي رح يدخل بعد شوي. وللناس اللي ما بتحب تمشي كثير، ممكن وأنت ببيتك تعمل حركة لأطرافك السفلية لرجليك، حركة لإيديك، تتحرك بالبيت بشيء بسيط، هذا يعتبر محفز للميتوكوندريا.

وينزل السكر بالدم.

نعم صحيح.

هيدي أول نقطة الرياضة، قلت لنا المشي أو نتحرك بعد الأكل. وثاني شيء عم بتقول بالرياضة، الركن الثاني: النوم العميق. النوم نوم مش رفاهية. النوم أكبر جلسة علاجية لجسمك. النوم العميق هو النوم الوحيد اللي قادر ينزل مستويات الكورتيزول إلى الوضع الطبيعي. نزل الكورتيزول إلى الوضع الطبيعي، احنا عم بننشط مصنع الميتوكوندريا والطاقة. كورتيزول متذبذب وعالي، مصنع الطاقة لا يعمل. بدك مصنع الطاقة يعمل، هذا اللي اسمه كورتيزول ابعده عن الخلايا الآن. فالنوم العميق من أهم الأدوات العلاجية لتحسين مصانع الطاقة.

الركن الثالث: الصيام المتقطع. صيام متقطع: آخذ وجبتين مشبعات، أريح جسمي من وجبة حتى أخليه يستعد وينظف نفسه بكل بساطة ومن غير تعقيد. صيام متقطع عالي البروتين والخضروات، قليل الكربوهيدرات. وهذا السر في نظام غير متطرف، بمعنى نظام متوازن يعطي الجسم جميع المواد ويصلح أن يكون نمط حياة وليس مجرد فترة قصيرة وطارئة.

عم نحكي بكم ساعة صيام متقطع؟ لأنه في عدة نظريات فيما يتعلق بالصيام المتقطع. في ناس بقول لك 20/4، في ناس بقول لك يعني في عدة عدة نظريات فيما يتعلق بالصيام المتقطع. كم ساعة هن الساعات الجيدة لكي أحصل على نتائج الصيام المتقطع؟

كل أصناف الصيام المتقطع مهمة لجسم الإنسان لشيء معين. لكن نحن كيف نبدأ مع شخص حتى يقدر يستمر؟ نحن ممكن نبدأ بصيام متقطع بسيط يعني 12 ساعة، بعدين نمد فترة الصيام 16 ساعة. يعني أنا مع النظام المستمر أن يكون 16 ساعة. بمعنى آخر، يعني أنا لما آخذ وجبتين وأجعل فترة الفراغ، يعني نفترض العشاء كان الساعة 8 المساء، للـ 8 الصبح أنا نايم في هذه الفترة، أي عندي 12 ساعة. لو لغيت وجبة الصبح من هذه الوجبات وللساعة 12 كان فطوري متأخر أو غداي مبكر، هي 16 ساعة. الساعة 12 والساعة 6 المساء أو الساعة 8 المساء.

سؤالين: في كثير دراسات اليوم عم تطلع فيما يتعلق بالصيام المتقطع منه كثير مستحب للنساء لأنه بيلعب بالهرمونات. بعض الدراسات في حالات معينة بتحكي إنه بيأثر على الهرمونات.

عند المرأة.

وهذا الصيام المتقطع المبالغ فيه أحياناً، في ناس بيستمروا على صيام متقطع مثلاً أيام، هذا لا ما بنفضله للسيدات. هذا النظام لا يفضل للسيدات. صيام متقطع يكون 12 لـ 16 ساعة من الصيام ما بيأثر بشكل كبير وملحوظ على الهرمونات.

طيب، عم بتقول صيام متقطع، انتقلت من الثمانية للثمانية نحن نايمين فكسبنا 12 ساعة من دون أكل. ولكن إذا عندك مقاومة أنسولين، وبدي أربط علامة من العلامات اللي أنت قلتها، هيدا بيوعى بالليل يستيقظ مساءً وبده يأكل. ما في يضمن 12 ساعة صيام متقطع إذا هو عنده أو هو عنده إشارات مقاومة أنسولين.

في البداية رح يكون صعب.

شو يعمل؟ يقفل على حاله؟ يحبس حاله؟ شو يعمل؟

في البداية رح يكون صعب، يعني ممكن ما يلتزم. لكن بعد أسبوع مثل ما حكينا تقل الشهية للحلويات، رح يشوف إنه هو صار بإرادته. في البداية أنت ممكن تحتاج تضغط على نفسك شوي، لكن بعد أسبوع رح تلاحظ إنه جسمك عم بيطرد السكر، ما بيطلب السكر. الأسبوع الثاني، الأسبوع الثالث بتصير جسمك طلبه للسكر أقل، فرح يساعدك.

لفتتني دراسة وأرقام عن موضوع الصيام المتقطع، بيقول بيزيد كفاءة الميتوكوندريا من 30 إلى 40% إلى جانب التنظيف الذاتي للخلايا، بيقلل الالتهاب وبيزيد إنتاج الطاقة.

طيب، حكينا ثلاث أركان. الركن الأول: الرياضة. الركن الثاني: النوم العميق. الركن الثالث: الصيام المتقطع. الركن الرابع رح يفاجئكم: مضادات الأكسدة. واللي راح يفاجئكم أكثر، مين هو أكثر مضاد للأكسدة؟ من وين نجيب أهم مضاد للأكسدة؟

من وين؟

جاوبونا.

أنا فيني أجاوبك.

نعم.

من الفيتامين سي.

الفيتامين سي ومضاد للأكسدة.

أهم مضاد أكسدة موجود بجسمك الجلوتاثيون، ويحتاج إلى نوم عميق حتى الجسم يعطيك كمية أفضل منه، مش بحاجة تشتريه من أي محل.

طيب، أنا كيف بدي أحفز الجلوتاثيون داخل جسمي غير النوم العميق؟

النوم العميق والرياضة والصيام المتقطع، نفس تحفيز الميتوكوندريا يؤدي إلى...

مضادات أكسدة داخل. وإذا بدي أدعم حالي من خلال الغذاء، معروف مضادات الأكسدة موجودة، الفيتامين سي.

أكثر شيء فيتامين سي بالحمضيات، موجود أيضاً بالشاي الأخضر، بشاي الماتشا، بالقهوة، موجود بالطماطم، موجود بالورقيات الخضراء، موجود بالمكسرات. فمضادات الأكسدة اليوم مطبخنا غني فيها.

الركن الخامس والأخير: الفيتامينات والمكملات. إيش يعني الفيتامينات والمكملات؟ أهم الفيتامينات اللي بتنشط الميتوكوندريا وبتحافظ على الشباب وبتعطيك الطاقة، دائماً بطاقة ودائماً حاسس بشباب وأعضاء جسمك تكون أنشط: فيتامينات بكل أنواع فيتامينات، مش فقط البي 12، كل أنواع فيتامينات B بمعنى B3، B5، فيتامينات B. اثنين: فيتامين دال. فيتامين دال، الصدمة هون، كنا زمان نحكي ما في شيء بيغير التعبيرات الجينية، الجينات صندوق جايك ما بيتغير.

صحيح، هيدا كان بالماضي، اليوم في علم.

الصدمة أن فيتامين دال قادر على إحداث تغيرات جينية في موضوع السمنة. بمعنى: عندك نقص فيتامين دال رح تواجه مشكلات كبيرة في تنزيل وزنك، لأنه فيتامين دال بيشتغل على مستوى التعبيرات الجينية في خليتك. ثلاث: المغنيسيوم. أربعة: الزنك. خمسة: الحديد. بالإضافة إلى فيتامينات أخرى، لكن هي أهم الفيتامينات اللي رح تنشط لك مصنع الطاقة في جسمك. خمس أسرار لتنشيط مصنع الميتوكوندريا والطاقة بجسمك: الرياضة، النوم العميق، الصيام المتقطع، مضادات الأكسدة والفيتامينات.

والمكملات. ابقوا معنا بختام الحلقة لأنه حكيت حكي مهم على موضوع المكملات، وبدي إياكم تبقوا لآخر الحلقة لأنه هذه الفيتامينات بناخذهم من خلال الطعام، بناخذهم من خلال الأغذية والطعام، بناخذهم جراء مكملات. نظرية بتقول المكملات اللي بنشتريها هو فقط بول غالي، مثل ما قال دكتور إيلي أبي راشد في الحلقة. والسؤال أصعب: إذا نحن أخذنا هذه المكملات، وهون الكل رح يحضر وينطروا هذه اللحظة ليفهموا، طيب أنا بآخذهم. والسؤال الأصعب: كيف بآخذهم مشان أأكد إنه عم بآخذهم بالطريقة الصحيحة؟

بس بدي أرجع على موضوع الأكل. شو هي القاعدة الذهبية بالأكل أنا وعم بآكل كرمال أنا أحافظ على مستويات سكر جيدة؟

القاعدة الذهبية للأكل: الترتيب. شو يعني؟

يعني أهمية الأكل ترتيب بالأكل. يعني ابدأ بالخضار، ابدأ بالألياف بمعنى آخر، بعدين البروتينات. بعدين ما حكينا نحن نقطع السكر والكربوهيدرات، نحن حكينا نقلل. بعدين رقم ثلاث بتكون الكربوهيدرات.

والنشويات.

والنشويات أخطر شيء ممكن تعمله في حياتك: تبدأ بالكربوهيدرات والنشويات.

يعني أخطر شيء نبلش بالخبز؟

نعم صحيح. وكلنا بنبلش بالخبز الصراحة. كلنا بنبلش بالخبز، إن كان نحن ناطرين بمطعم بيحطوا لنا سلة خبز، أو إن كان بالبيت أول شيء بناكل العيش والخبز مع أي شيء بدنا نأكله. عشان...

وأول طبق موجود على الطاولة ببيوتنا العربية هو العيش والخبز. عشان هيك في 3 مليار حكينا وزن زائد، وفي عنا مليار مليار رقم مرعب على كوكب الأرض بيعانوا By Definition من التعريف سمنة، ليس وزن. حكينا على موضوع الترتيب: خضار، بروتينات وبعدين نشويات. طيب، فيما يتعلق بالنشويات تحديداً، في طريقة معينة بتناول النشويات قد تساعدني إنه أنا أخفف الضرر اللي ممكن يدخل من جسمي جراء كثرة النشويات والسكريات؟

نعم، غير ترتيبها المهم أيضاً طريقة تحضيرها.

النشويات.

نعم. يعني، يعني مثلاً البطاطا. البطاطا هاي بناكلها مسلوقة، بتحبوها سخنة ولا باردة؟

بحبوها. بدها سؤال دكتور؟ أكيد العالم كلها بتحب تاكل بطاطا مسلوقة سخنة.

والصدمة هون إنه البطاطا تؤكل باردة.

البطاطا المسلوقة باردة؟

نعم.

كيف؟ في فرق بين هي البطاطا مسلوقة مسلوقة، هي بطاطا ومسلوقة. يعني البطاطا مسلوقة، إيه شو فرق بين بطاطا مسلوقة سخنة وبطاطاها مسلوقة باردة؟

هي البطاطا إيش فيها؟ نشا.

صح.

هذا النشا لما تكون هي البطاطا سخنة غير ما تكون باردة. لما بنبردها هذا النشا يتحول إلى شيء اسمه Resistant Starch، نشا مقاوم. شو يعني نشا مقاوم؟

حولته من مادة سريعة الامتصاص أثناء أكله إلى مادة بطيئة الامتصاص. ومش بس هيك، بطيء الامتصاص رح يكون وراح أستفيد شغلتين. إيش هم؟ أول شيء هذا النشا المقاوم رح يعمل تبطيء لتفريغ المعدة، يعني رح تقل الشهية أثناء الأكل. اثنين: هذا النشا المقاوم بيشبه الألياف إلى حد ما، يعتبر تغذية للبكتيريا الطبيعية الموجودة في أمعائك. إذا أنا غذيت هي البكتيريا الطبيعية في أمعائك، رح تعطيني كنز. الكنز اللي راح آخذه اسمه أحماض دهنية قصيرة السلسلة، Short-Chain Fatty Acid.

شو بتعمل؟

أحماض دهنية قصيرة السلسلة بالأمعاء، أهم وظيفة لها هي الليفة. الأحماض الدهنية قصيرة السلسلة رح تدخل وتنظف لك القفل، مستقبلات الأنسولين، وترجع مستقبلات الأنسولين يشتغلوا صح. يعني مش كل شيء رح يضرب مستقبلات الأنسولين. أخيراً طلعنا بشيء يساعدنا لمستقبلات الأنسولين لما بناكل هي البطاطا باردة. البطاطا كلوها باردة، ما تاكلوها سخنة. عم نحكي على موضوع النشويات والبطاطا طبق رئيسي وضروري جداً على مائدتنا العربية: الرز.

الرز لا تسخنوه، كلوه بارد. يعني ما نرجع ثاني يوم نسخن الرز.

من البراد ناكله.

بارد. نعم. ليش ناكله بارد؟ لأنه النشا المقاوم (الريزيستنت ستارتش) بكون أعلى، لنفس السبب اللي حكينا عنه. ولكن الصدمه هون، لو سخناه، مفاجأة! إن النشا المقاوم بعد ما تم تبريده، يبقى موجود حتى لو سخناه مرة أخرى، ولكن أقل.

يعني، لافهم، لبسطة الكلام، إذا أكلنا رز بارد، بنصح أقل مما ناكل رز مسخنه؟ أكيد. لا، هيدي مهمة. إذا الرز أكلناه بارد، بنسمن أقل من أنه ناكل الرز سخن. أكيد. البطاطا لو أكلناها باردة، بنسمن أقل مما ناكل بطاطا مسلوقة سخنة. أكيد.

عم نحكي عن الخبز، كيف أنا بدي أختار الخبز الصحيح يلي خفف من الضرر جراء تناول النشويات والكاربز؟ وهل الخبز الأسمر صحي أو خديعة تسويقية؟ ما تبدأ أكلك بالخبز، شو ما كان. وإذا خيرتك الخبز الأبيض ولا الخبز الأسمر، أكيد رح نختار الخبز الأسمر، بشرط.

بشرط مش خبز أسمر على العمياني. نعم. شو هو الشرط؟ الخبز الأسمر، إيش يعني؟ أنا بأخذ حبة القمح مع قشرتها مع النخالة تاعتها، يعني مع ألياف، مع فيتامينات. وهي الألياف، نرجع للترتيب، وكأنه أنا بحبة القمح نفسها وجبة غذائية كاملة. أخذت الألياف، بعدين الكربوهيدرات، بعدين السكر اللي فيها. فالألياف وجدت على حبة القمح حتى تحمينا من السكر والكربوهيدرات الموجود جواها. هذا هو الشرط.

ولكن اليوم في مخابزنا بيكتبوا خبز أسمر. الصدمة إنها أكبر خديعة. الخبز الأسمر بالأسواق، ليش؟ صحيح ممكن تكون حبة القمح كاملة، ولكن يضاف كمية كبيرة من السكر لتحسين المصنعية وتحسين الشكل والمرونة لهذا الخبز. فإذا ضمنت لي تعمل الخبز الأسمر ببيتك، بحكي لك نعم.

وإذا عم تشتريه من السوق، نحن أمام خدعة كبيرة. بضيفوا سكر بكميات كبيرة للأسباب اللي حكيتها، ولايضاً يحسنوا الطعم ويقدروا يبيعوا. صحيح. ما باكل خبز أسمر بالأسواق. من الأسواق. دكتور، قلت خلال الحلقة إنه نتناول السكر الطبيعي أفضل من السكر المصنع. أفضل. السؤال اللي الملايين عم يسألوه هلا، وهو من عاداتنا اليومية، بناكل الفواكه. الفواكه اللي فيه سكر طبيعي. هل الفواكه آمنة؟ نقدر ناكلها مشان ما نزيد معدلات السكر بالدم؟ الفواكه ضارة. ضارة في ثلاث حالات. ضارة. في ثلاث حالات. ضارة. ضارة في ثلاث حالات.

إنه الفواكه طبيعية، سكر طبيعي موجود بالطبيعة. شو بدك أنت أكثر من هيك؟ من دون ما نقول ثلاث حالات. طبيعي من الطبيعة، سكر طبيعي بتعطيك الـ... الفاكهة ضارة في ثلاث حالات. بعدك. إذا شربنا عصير الفاكهة، ما أكلنا الحبة. يعني حبة تفاح، مش عصير التفاح. حبة البرتقال كاملة، مش عصير البرتقال. وأكبر كذبة عرفناها إنه عصير البرتقال الطبيعي هو صحي وآمن. هو شو؟ هو ضار، لأنه فصل حصلناه عن الألياف والفيتامينات اللي كبناهم لما عملنا هذا العصير.

هلا رح تحكوا لي جميل، لكن رح ناكل الفاكهة كاملة. بحكي لكم جدا مفيدة، إذا ما تجاوزنا الحصة اليومية منها. حتى الحبة كاملة، في لك كمية طبيعية منها. يعني من حصتين لأربع، إذا أنت غير مصاب بالسكري. يعني أنا ممكن حبات فواكه متوسطة الحجم، ممكن آكل حبة، اثنتين، ثلاث، بالكثير أربعة باليوم. أي فاكهة، أي فاكهة أو متنوعة، ما أتجاوز الثلاث حصص أو أربع حصص بالكثير.

والسبب الثالث، إذا تدخلنا صناعياً بالفركتوز بالفاكهة. مثل ما اليوم بنشوف، صار موديل فركتوز طبيعي مصنع. ما في شيء اسمه فركتوز طبيعي مصنع. الفركتوز هو اللي موجود في الفاكهة، من غير ما نتدخل صناعياً فيه. أي تدخل صناعي بالفركتوز يصبح مادة ضارة. مثل ما ببيعوا اليوم قطر بيقولوا من الفركتوز. أي تدخل بالفركتوز خارج الفواكه وإطاره الطبيعي هو ضار.

دكتور، حكيت على موضوع الكميات، إنه ممكن ناكل إلى ما يقارب أربع حصص من الفواكه يومياً. أكيد عم نحكي عن الناس اللي ما عندها مشاكل سكري. عم نحكي عن الناس اللي بدها تتوقع بحياتها. عم بتقول أربع حبات حصص، أربع حصص فواكه يومياً. شو يعني أربع حصص من الفواكه يومياً؟ وأي فاكهة اللي كان ممكن آكل أنا بأربع حصص؟ يعني مثلاً، هي التفاحة، وهي تمرة مجدول. أنت ممكن تاكل هي التفاحة وتشبعك في اليوم كفواكه. لكن تمرة واحدة مستحيل. يمكن تحتاج ثلاث، يمكن تحتاج أربعة، يمكن تحتاج خمس. طيب صحتين. التمر منيح ونقدر ناكل تمر وناكل خمس ست حبات تمر. طيب، بالاخر عم ناخذه من مصدر طبيعي. يعني ليش بدنا نعيش هذا، نخوف الناس لهذه بهذه الطريقة؟ طيب، في هيك صحتين. أكل خمس ست حبات تمر. صحتين.

المفاجأة بكم كمية السكر في كل واحد فيهم. هو سكر طبيعي. دكتور، أنت عم تقول لي سكر. هو سكر. برجع لك. سكر طبيعي. لكن اتفقنا إنه حتى السكر الطبيعي، إذا تجاوز عن كمية محددة، بصير ضار. يعني ممكن أنت تقارن السكر الطبيعي بالسكر الأبيض المصنع. الضرر هو نفسه. السكر الأبيض أكيد أخطر. لكن سكر الفاكهة، إذا زاد عن حده الطبيعي، في ضرر كبير أيضاً. يعني ممكن سكر الفواكه يعادل بمخاطره السكر الأبيض المصنع. إذا زادت كمية السكر الطبيعي، يصبح ضار. وهلا رح نشوف مع بعض، حبة الفاكهة ولا تمرة مجدول، مين رح تختار؟ أنا شي أربع خمس حبات تمر مجدول بيرويني أكثر. يعني بيروي أكثر. عشان هيك حكينا نحن بالحصص اليومية. هي التمرة مستحيل تمرة واحدة تكتفي أنت فيها. رح تطلب اثنتين، وثلاث، وأربعة. هل يعقل إنه هي التمرة السكر اللي فيها مثل هي التفاحة؟ ما بعرف. نشوف مع بعض كم مكعب سكر فيها. ما بعرف. نعد نشوف. مكعب واحد. إنه مفروض ما فيها كثير سكر. التفاحة مالها كثير حلوة. يعني التفاحة، أنه أنا صراحة لي خذ تفاحة، بقول لك إنه أكيد ما بعتبرها كبديل سكر. ما بحس فيها سكر بصراحة. التفاحة ما بحس فيها سكر.

وهلا رح نتفاجأ. مكعبين ممكن يكون ولا شايف أقل. أنا برأيي نص مكعب سكر. هيدي كحلاوة فيها. مكعب سكر. اثنين. ثلاث. أربعة. إيش رأيكم؟ نكمل. خمسة. ستة. وأحياناً حسب حجمها، سبع مكعبات سكر في التفاحة المتوسطة. هذا السكر موجود في ها التفاحة على شكل جلوكوز، فركتوز، سكروز. تفاحة فيها ست مكعبات سكر. نعم، صحيح. بما يقارب 18 غرام من السكر في ها التفاحة. وحبة المجدول. نشوف مع بعض كم مكعب سكر في حبة تمر مجدول. اثنين. ثلاث. أربعة. خمسة. ستة. بحبة المجدول ست حبات سكر. ست مكعبات سكر. ست مكعبات سكر. يعني حبة المجدول فيها سكر مثل حبة التفاح كاملة. تخيل أنت أخذت أربع حبات تمر مشول. مشان هيك واحد ممكن يشبع بتفاحة، مش ممكن يشبع بتمرة. نعم، صحيح. فأنت عندك من حصة إلى أربع حصص باليوم. هي الأربع حصص، حصة حتى أنت تاخذ الكمية الصح، ما تاخذ سكر أكثر عن حاجتك اليومية.

لكن دكتور، عم بتقول التفاحة تعادل بالسكر حبة تمر. نعم. نحن بناكل تفاحة، ممكن نشبع. بس تمر بدنا على الأقل ثلاث حبات كرمال كرمال نشبع. تفاحة يعادل حبة تمر. وهي اسمها حصة، وهي اسمها حصة. وهذا الموز كم في سكر؟ مكعب سكر. اثنين. إيش رأيكم؟ نكمل. ثلاث. أربعة. خمسة. ستة. تقريباً ست مكعبات سكر في الموزة المتوسطة. طبعاً، وبخلف حسب الحجم. نحن هالقد عم نفوت سكر من خلال قطعة فواكه، نحن بالنسبة لنا صحية. ولكن هالقد عم نفوت سكر إلى داخل جسمنا. صحيح. والكرز لعشاق الكرز. كم مكعب سكر؟ بـ 20 حبة كرز. اثنين. ثلاث. ستة. ثمانية. عشرة. 12. 14. 16. 18. هيك 20. الكرز في مكعب سكر. في اثنين. ثلاث. أربعة. خمسة. ستة. 20 حبة كرز بالحجم المتوسط فيهم ست مكعبات سكر. والمفاجأة لعشاق العنب. هي نحن بنسميها خصلة عنب. إيش بتسموها؟ عنقود صغير. اكتبوا لنا في التعليقات. 30 حبة عنب تقريباً، بما يعادل خصلة أو عنقود صغير للعنب. إيش فيهم سكر؟ 30 حبة. نحن عم نحكي عنب تقريباً. 30 حبة عنب. مكعب سكر. اثنين. ثلاث. أربعة. خمسة. ستة. نزيد سبعة. إيش رأيكم؟ ثمانية. تسعة. تسع مكعبات سكر. وباكد لك اللي بده ياكل عنب ما بياكل بس هالقد. بياكل عنقود أكبر بكثير. نحن بنسميه قطف عنب. فممكن تاكل قطف واثنين وثلاث. تخيل هي الخصلة اللي ممكن تكون تقريباً خمس القطف. يعني 9 في 5 يعني قطف العنب ممكن يكون فيه 45 مكعب سكر. والمفاجأة هون، مرضى السكري. فترة موسم العنب بيجونا دائما بخلل في التراكمي والسكر. وبنسألهم، بيحكوا يا دكتور، أنا ما باكل أكل سكر وبقسم إنه ما باكل سكر. لكن هو يعتقد إنه السكر الموجود بالفواكه، مهما أكل منه، بغض النظر عن الكمية، فهو مفيد. ورسالتنا، الفواكه مفيدة بشرط ما نتجاوز الثلاث أشياء اللي حكيناهم في وسط الحلقة.

طيب، عم تحكي هلا موسم. عم نحكي موسم. البطيخ. موسم البطيخ. في شيء للمشاهدين من جوا أحمر ومن برا أخضر وبيبدأ بحرف السين. إيش هو؟ بحرف السين؟ اكتبوا لنا بالتعليقات. بطيخ. لا، وين السين؟ سن بطيخ. هذا السن اللي بنحكي عنه. كم في سكر؟ سن البطيخ. مكعب. هيدا بناكله بالصيفية. بلا ما نوقف. ما حدا بيشبع من سن. لا يمكن. نحن هلا بنحكي عن سن بطيخ واحد. في مكعب. اثنين. ثلاث. أربعة. خمسة. ستة. ستة. هيك صار مثل التفاحة. سن بطيخ واحد. لكن نحن لسا ما خلصنا. سبعة. ثمانية. تسعة. والهدف 10 مكعبات سكر في سن بطيخ واحد. الناس بتاكل بطيخ بالصيفية، مش سن. يعني اليوم بالصيفية بدنا نوقف ناكل بطيخ. لا. يعني هذا اسمه حرمان. هذا ما اسمه مضحيات بقى. صراحة، هذا ما اسمه مضحيات. خليني أعيش، آكل هالبطيخ ويصير معي سكري. معيش هالسترس إنه ما آكل بطيخ. ناكل بطيخ بالكمية المطلوبة. وإذا حبينا أكثر شوي، بنزيد مع البطيخ بروتين حتى نقلل دخول السكر الموجود بالبطيخ بشكل سريع على الدم. البروتين بساعد. مع بطيخ وجبنة ممتاز. جميل. جميل.

طيب، أنا هلا عندي سؤال. هالفيكة اللي الكل بينصح فيها، مضادات أكسدة وفوائد تعد ولا تحصى. الرمان. وإذا بدي أبلش أقول لك الرمان شو بقلبه، قد إيش حكينا، بنقرأ عن الرمان وحكينا عن الرمان يعتبر من الفواكه اللي فيها كثير، اللي هي صحية كثير. طيب، الرمان رح تفاجئني أو رح أفاجئك. الرمان من الفواكه اللي كلنا بنحبها وفوائده كثيرة. لكن نعرف شو بيلزمنا منه؟ شو ممكن هذا الرمان يكون فيه سكر؟ نشوف مع بعض. مكعب. إيش رأيكم؟ اكتبوا لنا بالتعليقات. اثنين. ثلاث. أربعة. خمسة. ستة. سبعة. ثمانية. هلا نشوف إيدك بتمسك ولا لا. تسعة. عشرة. نكمل. أف. حبة رمان. لسه أكثر. 11. 12. 13. بعد ما عم نزيد. 14. رمانة. 15 مكعب سكر أبيض. الرمانه بحجم متوسط، بحكي عن 14 مكعب سكر. تخيل تاكل أربع أو خمس رمانات. كارثة. كارثة إني بس أشوف قد إيش سكر عم بفوت. عشان هيك بنحكي عن حصصك اليومية. ما يزيد السكر عن الحد الطبيعي. هي الفاكهة اللي كلنا شايفينها مفيدة للجسم. لكن من أهم الشروط اللي حكيناهم، ما تتجاوز الكمية المسموحة والمطلوبة لجسمك منها. لك، لازم كل اللي عم يحضرونا ياخذوا، يحفظوا الصورة، ياخذوا سكرين شوت ليعرفوا كل فواكه فيها قد إيش سكر. عم نحكي عن الفواكه. الفواكه فيه سكر. طيب، الخضرة. بطاطا. قد إيش فيه سكر؟ البطاطا. نعد مع بعض. واحد مكعب سكر. اثنين. ثلاث مكعبات سكر. أربع مكعبات سكر. خمس مكعبات سكر. ست مكعبات سكر. سبع مكعبات سكر. ثمان مكعبات سكر. نزيد تسع مكعبات سكر بالحجم المتوسط. بالضبط. البطاطا الخضراء فيها تسع مكعبات سكر. قديش عم بفوت سكر من دون ما نعرف. عصير البرتقال الطازج. هذا العصير الطبيعي للبرتقال. نشوف كم في سكر. مكعب سكر. نزيد اثنين. ثلاث. شو بتتوقع؟ مالك. أربعة. خمس مكعبات سكر. ستة. سبعة. ثمانية. تسعة. هذا كوب العصير الطازج تسع مكعبات سكر. نحن عم نشربه على أساس صحي. بيعطينا جرعة من الفيتامينات، الفيتامين سي. ولكن بالمقلب الآخر، عم ناخذ كميات مهولة من السكر. سكر مع كل كوب عصير برتقال طازج. عشان هيك بنحكي كل برتقالة، لكن ما تشرب عصيرها.

طيب، إذا عم نحكي عن الشراب. عم نحكي عن البرتقال الطازج. إذا أنا قارنت البرتقال الطازج بالكولا. الكولا اللي نحن بنعرف إنه فيه سكر. ونحن بنعرف إنه هيدا مليان سكر. مقارنة مع عصير البرتقال. هي الكولا رح نشوف شو فيها سكر. لكن النتيجة رح تصدمكم. مكعب سكر. مكعبين. ثلاث. أربعة. خمسة. ستة. سبعة. ثمانية. تسعة. مكعبات سكر. لكان، عصير برتقال طازج وواحد كولا. اثنيناتهم مضرين مثل بعض فيما يتعلق بالسكر.

طيب، عندي سؤال. إذا بدي خيرك، طول ما اثنيناتهم عندهم نفس كميات الكبيرة من السكر. إذا بدي خيرك، كولا أو عصير برتقال طازج. إذا خيرتني، عصير برتقال طازج ولا برتقالة؟ فالاكيد البرتقالة. لكن إذا صعبت علي أختار العصير الطازج أو الكولا، بعد ما عرفنا ضرر السكر اللي فيهم، راح أختار العصير الطازج. لأنه بعده طبيعي. ما فتنا بالمصنع. يمكن يكون ضرره أخف. بس دكتور، الملفت إنه شخص عادي ممكن ياكل كل هذه الفواكه بنهار واحد، يعتبر حاله عم بياكل شيء صحي وعم حافظ على وزنه. المفارقة، واحد فيها كلهم هدول بنهار واحد هو مرتاح. وهيدا بيتاكل. يعني بعد الغداء بياخذ لك حصة بطيخ وكمشة كرز. هيدا بيتاكل بنهار واحد مرتاح. قد إيش أنا لازم آخذ سكر بالنهار كرجل؟ والمراة اللي عم تحضرنا. قد إيش المراة الراشدة لازم ياخذوا سكر بالنهار؟ كمية السكر اللي بتلزمنا باليوم. للرجال 55 غرام. مجموع السكر من مختلف المصادر. وللستات 25 غرام. الستات أقل بيلزمهم احتياج يومي من السكر. حكيت كثير بالحلقة، قلت كثرة السكر من الفواكه بيعمل دهون على الكبد. شو يعني دهون على الكبد؟ شو بصير؟ دهون على الكبد يعني تراكم للدهون الثلاثية (الترايجليسرايد) على الكبد. السؤال، من وين أتى هذا الدهون؟ وهون الخطر. من تركيزنا على سكر الفواكه، الفركتوز. هي الفاكهة فيها فركتوز وفيها جلوكوز. مين منهم؟ لأنه نحن بنعرف الجلوكوز لما حكينا عن مقاومة الأنسولين. جلوكوز، جلوكوز. الفركتوز ما حكينا عنه، لأنه باعتبار فاكهة طبيعية. المفاجأة هون إن الفركتوز مسؤول عن الكبد الدهني أكثر من الجلوكوز. شو يعني كبد دهني؟ دهون بتتراكم على الكبد. لأنه زاد السكر عنا في الدم. اجت من جلوكوز مرتفع فع الدم، وفركتوز مرتفع في الدم. لكن الفرق، سكر الفاكهة ما بيدخل ولا لخلية في جسمك. فقط بروح على الكبد. وهون الخطر الزائد. لما سكر الفواكه بزيد، ما بيدخل ولا خليه. الجلوكوز بيدخل الخلايا العضلية، بيدخل الخلايا الدهنية، بيدخل معظم خلايا جسمك. السكر، السكر. السكر. الفركتوز بروح دغري على الكبد. الفركتوز السبب الرئيسي في دهون الكبد أكثر عن الجلوكوز. إيش يعني دهون الكبد؟ دهون الكبد مش مجرد كلمة عابرة. دهون الكبد يعني أهم العلامات التشريحية لمقاومة الأنسولين. يعني إذا ما عالجناها بأسرع وقت، نحن قريبين جدا، إن لم نكن، بارتفاع ضغط الدم، السكري النوع الثاني، وتصلب الشرايين.

دكتور، السيجارة بعرف إنه السيجارة بتضر الرئتين. بنعرف إنه السيجارة في عندها تداعيات خطرة جدا على صحة الإنسان. ولكن فيما يتعلق بخسارة الوزن، في كثير ناس بيعتبروا بالموروثات الشعبية، وفعلاً لما بدخنوا بينقص وزنهم وبيساعدهم إنهم ما ينصحوا. السيجارة، هل في أي علاقة ممكن تربط السيجارة بالأنسولين ومقاومة الأنسولين وزيادة أو نقصان الوزن؟ هي السيجارة، إذا كان أكلك للسكر بيرفع سكرك من بره، فهي السيجارة رح ترفع سكر جسمك من جوا. ما فهمت. يعني التدخين اللي اليوم نحن بنفكر إنه فقط للرئتين، هي السيجارة رح ترفع شيء مهم في جسمك، هرمونات التوتر، الكورتيزول والأدرينالين. والكورتيزول رح يرفع السكر في دمك، كأنك ماكل قطعة حلوى. يعني هذا رح يصنع السكر من جوا جسمك. أول مرة بسمعها. السيجارة بتنصح. السيجارة بتنصح. احكي لك كيف. علمياً السيجارة بتنصح. نعم. السيجارة. العالم دخن، بقولوا بيضعفوا. لما بوقفوا دخان، بزيد وزنه. هيدا المتعارف عليه عند الناس. أنت عم تقول لي اليوم السيجارة بتنصح. كيف؟ علمياً كيف السيجارة بتنصح؟ المفاجأة هون، إحنا لما بندخن، ها السيجارة فيها نيكوتين. النيكوتين نعم بقلل الشهية، صحيح. لهذا السبب اللي بدخن رح تكون شهيته أقل. ولكن رح يكون في عنده شيء اسمه توفي (TOFI). تذكروا إيش يعني TOFI؟ Thin Outside, Fat Inside. يعني هو نحيف من بره، لكن دهونه ونصاحته جاية بالشرايين من جوا. هذا واحد. اثنين، هي السيجارة رح تزيد لك الدهون في الكرش. يعني ممكن يكون كل جسمك نحيف، لكن هي تنصح الكرش من بره وترفع لك الدهون من جوا. كيف؟ هي السيجارة رح ترفع في جسمك شيء اسمه العوامل الالتهابية، ورح ترفع شيء اسمه العوامل التاكسدية. العوامل الالتهابية والعوامل التاكسدية رح تضرب القفل تاع الخلية اللي هو مستقبلات الأنسولين. يعني رح تعمل لك مقاومة أنسولين. يعني السكر اللي بدمك والسكر اللي رفعه الكورتيزول من جوا، رح من الدم يروح على شرايينك. عشان هيك ربطنا الدخان دائما بتصلب الشرايين وأمراض القلب. فأنت أنت ممكن تكون نحيف من بره، لكن سمنة داخلية من جوا. هيدي أول مرة بسمعها. وهالمعلومة ما بتخطر على البال. مثبت علمياً. نعم. عم نحكي دكتور عن أمور نحن ممكن نتحكم فيها. ولكن في عناصر مش ممكن نتحكم فيها وعناصر بتضر صحة الإنسان، وأيضاً بتدخل ضمن عوامل بتحفز الأمراض المزمنة، مثل التلوث، التلوث البيئي، المبيدات، وإلى آخره من عناصر نحن مش ممكن نتحكم فيهم. الأشياء اللي نحن بنتحكم فيها، نظامنا الغذائي واستراتيجيتنا نحافظ على صحتنا. ولكن نكون واقعيين، في عوامل اليوم مثل التلوث اللي عم نشهده في العالم والتلوث البيئي، هذا للأسف ما بنقدر نتحكم فيه. عشان هيك نحكي سلامة الإنسان بالمطلق عملياً شيء صعب للغاية. لكن اللي بنحكيه نحن اليوم ورسالتنا، نتحكم في الأشياء اللي تحت سيطرتنا، اللي قادرين نتحكم فيها ونسيطر عليها.

دكتور، قلت أنت بالحلقة، قلت عن المكملات الغذائية إنه مهم ناخذها. طيب، هون أنا عندي سؤال. المكملات الغذائية، إيمتى مهم آخذها وكيف مهم آخذها؟ وهل المكملات الغذائية فعلاً بتفيد أو هو بول غالي الثمن عم يطلع بالبول؟ والسؤال، بناخذها مكملات أو بناخذها بالأغذية الطبيعية؟ وكيف بناخذها؟ وخاصة إنك ذكرت الفيتامين دي، المغنيزيوم، الزنك والحديد. المفاجأة هون إنه الناس عم تاخذ المكملات الغذائية من غير حساب، وكأنه بتتعامل مع أغذية طبيعية. المكملات الغذائية تلزمنا لما يكون فيها نقص حقيقي. احتاج لعمل تحليل، أحدد مين من هالمكملات في نقص. لأنه ممكن أكثر من عرض يكونوا لنفس المكمل الغذائي. وهون الخطر. هي الأيام. طيب، لك، ممكن الناس اللي عم تاخذ مكملات من دون ما يعرفوا إذا عندهم نقص حقيقي بهذه المعادن بجسمهم، شو بكون هالمكملات عم بتفيدهم أو عم بتضرهم؟ هي المكملات، جسمك رح يتخلص منها على الفاضي. فقط رح تخسر فلوسك ورح تتعب جسمك فيها وما رح تستفيد منها. إذا نحن المكملات هي بتلزم لمصنع الطاقة وما فيها نقص في الجسم، يكفي من مصادرها الطبيعية. إذا أنا عملت تحليل وبيّن عندي نقص، بأخذ بجرعة محسوبة من خارج الأغذية الطبيعية.

طيب، قلت لي أهم أهم المكملات، كيف لازم آخذهم وإمتى لازم آخذهم إذا عندي نقص بهذه المعادن بجسمي؟ كثير ناس بتاخذ فيتامين دال سنوات، هلا عم تسمعونا وما عم تستفيد وما بتتحسن الأعراض. السؤال، ليش؟ كم ملايين تنفق على فيتامين دال اليوم في العالم وما في نتائج حقيقية؟ ليش؟ السر في معلومة بسيطة. فيتامين دال، فيتامين يحتاج الدهون للامتصاص. أخذنا فيتامين دال مع وجبة دهنية، رح يصير امتصاص. إذا أخذناه مثل البي 12 ومثل الحديد، الامتصاص يكون قليل جدا. كم ملايين بتنكب كل يوم من فيتامين دال في العالم. لك، فيتامين دال لازم ناخذه مع دهون. كمشة مكسرات، دهون طبيعية. أكيد أفضل. أفوكادو. أي شيء فيه دهون طبيعية، ناخذه معها الفيتامين دال. مع أكثر وجبة دسمة بتاكلها في يومك. المغنيزيوم. المغنيسيوم ناخذه قبل النوم، مع أو من دون أكل. الزنك. بعد الغداء أو بعد العشاء. الفيتامين بي. ناخذه الصبح. فيتامين بي حتى يعطينا الطاقة. ما ناخذه بالليل حتى نعرف ننام. يعني بقلق. نعم، صحيح. إذا أخذناه بالليل رح يعطينا طاقة. طيب، شو في إشارات نقص بتقول أنت عندك نقص فيتامين بي 12؟ بي 12 من أهم الإشارات له، رح يصير عنا تنميل وخدر بالأطراف. رح يصير عنا نسيان غير مبرر. تلف وتعب عام. هي من الأعراض الشائعة. إذا انوجدت عندك، نحلل لـ بي 12. نقص البي 12 لو ما ممكن يوصل. نقص البي 12 ممكن يساهم في حدوث جلطة قلبية. أوف. نعم. يعني مهم كثير نعرف قديش مستوياتنا نحن وإذا في نقص، نكمل من خلال مكملات. نعم. البي 12 مهم جدا للتخلص من مادة اسمها الهوموسيستين. هذا الهوموسيستين، وجوده في الدم رح يجرح الأوعية الدموية وراح يراكم الدهون عليها ويؤسس لجلطة. لهذا السبب، البي 12 رح يحول الهوموسيستين إلى مادة أخرى، ميثيونين. فحافظ على البي 12 يكون بمستوى طبيعي. الحديد مع شو بناخذه كرمال يكون فعلاً فعال؟ مي، حليب، شاي، أو عصير ليمون حامض. الحديد ممنوع ناخذه مع الحليب. لأنه الحليب رح ينافسنا. الحليب فيه كالسيوم والكالسيوم ينافس الحديد في الجهاز الهضمي للدخول. فإنا راح يكون في الي منافس ثاني. لهذا السبب ما بننصح الحديد يتاخذ مع الحليب. لأنه راح يقل امتصاص الحديد وراح يقل امتصاص الكالسيوم بالحليب. فهذا مش خيار. شاي. الشاي ممنوع ناخذه مع الحديد. لأنه الشاي بيحتوي على مواد اسمها التانينز. هي المواد بتمنع امتصاص الحديد. يعني هو ما بنافسنا، هو أصعب. بيمنع امتصاصنا بشكل كبير جدا. مع شو بناخذ الحديد؟ المي ممكن، لأنها المي محايدة. لا رح تزيد امتصاص الحديد ولا رح تقلل امتصاص الحديد. الأفضل مع الليمون. يعني مع فيتامين سي. لأنه فيتامين سي بيرتبط مع الحديد وبيزيد امتصاصه. إذا في كثير ناس عم تاخذ فيتامين سي من دون من دون مفعول. فالحديد لازم يتاخذ مع الفيتامين سي. كان إن كان عصير برتقال، عصير حامض، عصير ليمون. هو اللي بيزيد فعالية امتصاص الحديد. صح. صح.

قبل ما واحد يدخل إلى مرحلة الفحوصات ليعرف إذا في عنده نقص حديد أو لا، هل في إشارات معينة بيرسلها الجسد ممكن يقول عنده نقص حاد بالحديد؟ المفاجأة إنه إذا شفنا ست بالذات عم تطلب فحم حتى تاكله، أو مكعبات ثلج عم تاكلها، أو طين وتراب من باب البيت عم تاكلهم، ما تتفاجؤوا. هذا شيء لا إرادي بنسميه بالطب بيكا. بيكا. بيكا. بنصير نطلب مواد غريبة. وهي إشارة صادقة من الجسم بنقص الحديد. الحاد. لأنه مش كل شخص ناقص حديد بيكون عنده بيكا وبياكل أو بيطلب فحم أو أمور ما بتتاكل. ولكن وحدة من العوارض لنقص الحديد الحاد هو العالم تاكل تاكل مش أطعمة، تاكل أمور منا للأكل. أكيد. بالإضافة إنه نقص الحديد رح دائماً يكون في عنا تعب على أبسط مجهود. رح يكون في عنا ضربات قلب سريعة. كثير من مرضى نقص الحديد بنكتشفهم لما بيجي ما بيشكي من نقص الحديد. هو بيشكي من ضربات قلب سريعة. قبل ما نروح، روح نبحث عن الغدة الدرقية وعن مشاكل القلب. شيك على نسبة الحديد.

دكتور، بالختام، ملايين البشر بياخذوا أدوية ضغط وسكري على مدى الحياة. ممكن يكون فعلاً وعلمياً مثبت شفاء تام وعكس المرض، أو ممكن نكون عم نعطي للناس أمل زائف؟ سؤال جداً ممتاز. وبدي جواب جداً دقيق. راح أجاوبك من تجربتي وراح أجاوبك من العلم. ونبدأ بالعلم قبل التجارب. شو بيقول؟ ممكن الشفاء التام وعكس المرض؟ أوف. ضغط وسكري؟ نعم. دكتور، ما بدي كلام غير ما يكون فعلاً، لأنه هون بدي إياه مثبت علمياً. ما بدنا نعطي أي أمل زائف للناس. رح نحكي علم. وهون رح نجاوب بناءً على الأبحاث والدراسات. اليوم لما بنحكي عن السكري، في عنا شيء اسمه الشفاء من السكري النوع الثاني (Diabetes Remission). Remission يعني أو Reverse، يعني الشفاء الوظيفي. وهذا مش من عندي. هذا من الناشنال لايبراري أوف ميديسن (NLM). أعطونا تعريف للشفاء من السكري النوع الثاني وسميناه Diabetes Remission. إيش يعني الشفاء من السكري النوع الثاني؟ أنا مريض سكري النوع الثاني، قمت بإيقاف الدواء. يتم عمل قياس للفحص التراكمي للسكر. هيدا بالبحث عم نقول. نحن ما بنقول للناس وقفوا دواء. هيدا مهم. اللي عم نقوله، هيدا بالبحث. شو صار بالمختبرات؟ شو صار؟ نعم. نعم. فترة لا تقل عن ثلاث شهور من إيقاف الدواء كانت نتائج التراكمي طبيعية. هذا بنسميه Diabetes Remission. إيقاف الدواء. هذا ما بيكون الآن. اللي بيسمعنا يوقف الدواء. ممنوع. ممنوع إيقاف الدواء. نحن بنحكي عن متابعة مع طبيبك تحت رقابة طبية. من خلال تنظيم الأدوات اللي حكينا فيها، من غذاء، من تخلص من التوتر، من تمارين رياضية. ويتم سحب الدواء بإشراف الطبيب. إذا تم وتجاوزنا ثلاث شهور وكانت النتائج طبيعية، بنسميه Diabetes Remission، شفاء وظيفي. وهون بدي أحكي ملاحظة مهمة. هو شفاء وظيفي Remission. ما استخدمنا كلمة Cure. إيش الفرق؟ شفاء وظيفي يعني أنا كنت مريض سكر نوع ثاني، اليوم أنا ما عم باخذ دواء. اليوم أنا قراءاتي طبيعية. ولكن هذا مرتبط بنمط غذائي وبمقاومة الأنسولين والسمنة. في أي لحظة صار خلل في نمط الغذاء، وفي مقاومة الأنسولين والسمنة، رح أرجع لهذا المرض. عشان هيك ما بنسميه Cure، يعني شفاء تام. طيب، فيما يتعلق بالسكري، ممكن عم بتقول ومثبت علمياً. فيما يتعلق بضغط الدم، لأنه موضوع دقيق. ضغط الدم ممكن الشفاء منه. في ضغط الدم بنحكي الشفاء من ضغط الدم. ولكن بنسبة من الحالات اللي فيها مقاومة الأنسولين والسمنة مسؤولة عن ارتفاع ضغط الدم. بمعنى، في أسباب أخرى ممكن ترفع ضغط الدم، مثل الأسباب الوراثية مثلاً، أسباب تتعلق باعتلال ومشاكل الكلى. يعني في أسباب أخرى. لكن إذا كان السبب الجذري هو مقاومة الأنسولين، نعم يمكن. ولكن مرة أخرى، تحت إشراف طبي. تنبيه. في ناس اليوم عم بتموت من هالممارسات. هي الممارسات ما بتصير إلا بإشراف طبي. مش الآن أطبق هالممارسات على نفسي.

دكتور، بالختام، أكيد اللي عم بتقوله جداً مهم، لأنه في فوضى اليوم فيما يتعلق بـ ناس عم بتوقف الأدوية وعم بتسبب فعلاً بوفيات وعم نشوف حالات بالمستشفيات بالعالم العربي جراء قرار بياخذوا الناس لحاله جراء يوقفوا الدواء من دون إشراف طبيب. آخر سؤال عن أمراض القلب تحديداً. ممكن أعرف إنه أنا عندي استعداد أكثر من غيري إنه أطور أمراض القلب قبل وقوع المشكلة؟ في أمراض القلب. مفاجأة إن أول شيء بفكر فيه الناس الآن اللي بيسمعونا لما بنحكي عن جلطة قلبية، رسم القلب أو تخطيط القلب (ECG). الصدمة إن رسم القلب لا يمكن أن يتنبأ أبداً بوجود جلطة قلبية. بل ممكن تكون جلطة قلبية حادة في بعض الحالات التخطيط ما بيكشفها. اليوم رح نحكي عن إشارات وأدوات تعطيك مؤشر قبل ما تحتاج تخطيط، قبل ما تحتاج إنزيمات قلب، قبل ما تحتاج قسطرة، وقبل ما يصير عندك ألم الصدر اللي بيمتد للذراع اليسار. إشارة من أهم الإشارات لوجود جلطة قلبية. شو هن الإشارات؟ الإشارة الأولى، وقد تسبق بأشهر أو سنوات، اضطرابات النوم. أثبتت الأبحاث الحديثة إن اضطرابات النوم، يعني صعوبة في بداية النوم أو النوم المتقطع، قد يكون إشارة مهمة مسبقة لأمراض القلب والشرايين. وقد لا يكون. وقد لا يكون. لكن إن وجدت، لازم نبحث عن القلب والشرايين. بس بد نعمل هلا على الناس اليوم إذا ما نامت، مش يعني يكون عنده يقول عندي مشكلة قلب. أنا رح أصير معي جلطة بعد سنوات. ما كمان ما بدنا نخوف الناس. إن صارت تستحق إننا نبحث عنها، ولكن مش معناه إنه هذا بشكل مطلق. فقط يجب أن نستثني السبب. الثاني، التعب مع الجهد البسيط ما كان بالسابق. يعني أنا بعرف إنه أنا بيتي على الدور الثاني وصار في عندي جهد لهذا الشيء. أشك بأمراض القلب. ثلاث، وهي رسالة لكل زملائنا الأطباء. فحص بسيط نحن عم نطلبه في حالة الحرارة والالتهاب عند الناس. بنطلب فحص اسمه CBC، CRP. فحصين بسيطات تقريباً معظم الناس بيعملهم. أنا هون بحكي عن الـ CRP. فحص اسمه بكل بساطة C-reactive protein، معامل الالتهاب. هذا لما بيكون عند الإنسان التهاب بيكون مرتفع. إذا عند شخص الـ CRP ما في حرارة وما في التهاب، أثبتت الدراسات الحديثة إن الـ CRP ارتفاعه قد يكون مؤشر لبداية أمراض الشرايين التاجية وأمراض القلب. هي علامة. ثلاث. مش حيزعلوا منك زملائك أطباء القلب إنه ليش بده يقول ليش طبيب أمراض باطنية ودارس موضوع العملية الأيضية عند الناس بده يحكي بموضوع خصه بالقلب. لأن. عم. هذا يمكن يعتبروه تعدي على كارون. لأنه هذا اللي بحكيه هو دراسات طبية نتفق عليها وليس تجارب فردية. الآن نبحث الآن وأنتم معي. ندخل نبحث. ما علاقة معامل الالتهاب والتنبؤ بأمراض القلب والشرايين؟ الآن اكتبوا لنا أي شيء بالتعليقات.

بالختام دكتور، إذا بكرة بدي أبلش بأول خطوة كرمال أنا أحسن صحتي، بكرة شو لازم أعمل؟ أول شيء، ابدأ نهارك الصبح بكاسة مي. ابدأ نهارك الصبح بتنفس عميق. ما تبدأ نهارك بشاشة التليفون. الخمس دقائق الأولى لما بتصحى من النوم مهمة جداً في تحديد يومك صحياً. ثلاث، احرص على التغذية المتوازنة السليمة. أربعة، مارس الرياضة بكل أنواعها، المشي وتمارين المقاومة بكل أنواع الرياضة. خمسة، احر حرص على النوم العميق في الوقت الصح. يعني نمت أنا ثمان ساعات بنهار، ما بيغنوا عن ساعات الليل. والقياس الوحيد اللي بدك تهتم فيه أكثر شيء، محيط خصرك أو كرشك. لأنه سمنة الكرش أخطر من كل أنواع السمنة. أخطر من سمنة الأرداف، أخطر من أي سمنة في الجسم. لأنها حسب ما أثبتت الدراسات، سمنة الكرش مربوطة بعلاقة طردية مع أمراض الشرايين التاجية والقلب. شكراً لك دكتور. فعلاً معلومات قيمة جداً. على أمل الناس ياخذوا الخلاصات المهمة من هذه الحلقة ويبلشوا يطبقوها بحياتهم، لأنه هدول الأمور نحن قادرين نتحكم فيها. والأمور اللي قادرين نتحكم فيها ممكن تقينا من الكثير من الأمراض. شكراً.