Transcription
هل فعلاً كل أنواع البلاستيك ممنوع استخدامها في المايكروويف؟
أنا أقول الصح، آه كلها ممنوع.
أوكي.
يعني رغم إن يقول لك فيهم أنواع يقول لك ده سيف.
سيف.
هو الحقيقة سيف إن هو مش هيحصل له ميلتنج. مش هيدوب تمام، لكن ما زال هيحصل بعض المايكرو بلاستيك تعدي مع الحرارة بالذات.
فأنا لو حد سألني إيه أمن أستخدمه؟ مايكروويف إزاز أو السيراميك. ده يعني لو أنا عندي اللي هو الصيني والسيراميك والحاجات دي موجودة في كل بيت، يعني مش صعبة يعني نحط فيها الأكل ونسخن.
عشان برضه السؤال الثاني اللي أكيد أنا شايفه جاي اللي هو هل المايكروويف آمن ولا لأ؟ صح؟
طبعاً، لأنه إحنا مؤخراً بقينا نسمع لا ارموا المايكروويف استغنوا عنه.
أنا شفت فيديو على السوشيال ميديا. أنا ما بحبش أقول أسامي خالص. لدكتور ما في مصر وعمل. ليه بقول كده على فكرة؟ مش عشان أنتقد شخص، لكن أنتقد فكرة. لأن الفيديو ده دايماً أتكلم عنه، لأن شفت له مشاهدات ملايين كتير قوي، ملايين كتيرة قوي. فهو بيقول للناس إن المايكروويف آآ دار وإنه بيطلع إشعاع. قالها كده حرفياً بيسبب سرطان. ما أعرفش اللي شافه يعني.
هذا الكلام غلط مليار في المية. آه، إحنا فجأة اتفاجئنا إن كل الناس لا يا جماعة ما تستخدموش المايكروويف. استغنوا عنه. آمن مليار في المية. بشروط. سوق الاستخدام هو اللي يعمل مشكلة. على فكرة شركات الميكروويف نفسها اللي واخدة موافقات كاتبة الكلام اللي أنا بقوله ده. يعني انتوا لو قريتوا في المانيوال بتاعي هتلاقوا الكلام ده مكتوب، بس ما حدش بيقرأ طبعاً.
فما استخدمش بلاستيك في في المايكروويف ده قدر المستطاع. ما أطبخش في المايكروويف. أصل أصل في ناس بيكسلوا. حط بقى 20 30 دقيقة بقى وعمالين نطبخ في الميكروويف. الطبخ في الميكروويف بيأثر على القيمة الغذائية بتاعة الأكل. لكن للتسخين المايكروويف آمن جداً جداً. بيستخدم في كل دول العالم. كل منظمات العالم الرئيسية الكبيرة جداً وافقت عليه.
طب ليه بقى الإشاعة أو الشائعة اللي طلعت إن هو بيعمل سرطان دي؟ كده المايكروويف ما فيهوش أي نوع من الإشعاع. المايكروويف بيستخدم حاجة اسمها كهروماجنتك ويفز اللي موجودة في الموبايل بتاعنا وموجودة في الهواء حوالينا في كل حتة. وليس لها أي علاقة بسرطانات اطلاقاً. هو الإلكتروماجنتك ويفز دي الطاقة المغناطيسية دي بتحرك جزيئات الأكل فبتولد حرارة. حتى تلاقي نفسك الأكل سخن قوي، لكن الطبق السيراميك لسه ساقع، لأنه ما بيهتزش وجزيئاته صلبة ما بتهتز. فمش هيحصل فيه هذا التسخين.
التسخين بالمايكروويف وأنا شخصياً بستخدم ده في البيت عندي آمن مليار في المية بالشروط اللي إحنا قلناها.
أوكي.
الشروط إن هي بلاش خالص أي بلاستيك.
يفضل بلاش خالص أي بلاستيك. ولو مضطر يبقى لازم البلاستيك يكون مكتوب عليه إنه آمن وجاي من مصدر ما. عشان كده أنا بقول ليه بلاش؟ طب ما اوكي مكتوب عليه، بس هو مصنوع فين؟ البراند بتاعه إيه؟ مدى الجايد لاينز والمراقبة كانت إيه؟ فطب وليه طيب؟ يعني حتى لو هو جاي في علبة بلاستيك اقلبوها يا جماعة في الطبق السيراميك وسخنوه بيها ويبقى تسخين مش طبخ.
آه، يعني ما ما أطبخش فيه حاجة، هو بس تسخين.
تسخين دقيقتين ثلاثة فل قوي خلاص. ثلاث دقائق تسخين دقيقتين مش أكتر.