Transcription
اصل فكر فيها معايا كده. لو حاولنا نجبر شخص قلقان انه يفكر بايجابيه بس ونحرمه من حقه انه يقلق شويه، ساعتها وقت التنفيذ اداءه هيكون سيء جدا. لانه حاسس انه مش مستعد ومش عارف هيعمل ايه لو حصلت مفاجاه او حصلت مشكله هو مش محضر لها.
خلي بالك ان الخوف او القلق من اي تجربه بتكون اشارات من مخك العاطفي على وجود خطر محتمل هو غير مستعد للتعامل معاه. لازم تتعامل مع المشاعر دي بجديه وتحاول تحدد الاحتمالات السلبيه وتتمرن على طرق التعامل معاه بالتصور. بالطريقه دي انت هتكون بتمرن مخك العاطفي وبتجهزه للتعامل لو حصلت الحاجات اللي هو خايف منها.
مع تكرار التصور الاستجابات الشعريه دي اللي هي الخوف او القلق بتبدا تقل وبيبدا يحل محلها الاحساس بالجاهزيه والاستعداد. في موقف صعب وانت قلقان منه اقعد مع نفسك وتعمد تتوقع بعض الاحتمالات السلبيه وتحضر هتتعامل معاها ازاي لو حصلت. انت كده بتواجه مصدر القلق وبتح حضر له. لما تعمل كده بتلاقي توترك بدا يقل لان ما بقاش في حاجه مفاجاه مرعبه ممكن تحصل ولو حصلت انت عارف ازاي هتعامل معاها. Ja.