هل لازم أتخلص من كل عقدي النفسية قبل الزواج؟

هات كده انسان الدنيا جت عليه وشاف من الناس ظلم وشر كتير لغايه ما قفل على نفسه زي ما بنقول اتعقد. تفتكر حد زي ده ممكن يتشافى فعلا بكلام نظري يعني يقعد يقرا كتب ويحضر محاضرات وفيديوهات وهيطمن للعلاقات والدنيا ثاني؟ صعب مش كده.

ما هو شاف الاذى فعلي. فمهما تقول له وتحلف له عمره ما هيصدق ثاني في وجود الخير في الدنيا دي الا لو شاف انسان بيعمل الخير لوجه الله لايف كده قدام عينيه. عمره ما هيقتنع فعلا انه يستحق الحب والاهتمام وان في ناس صادقه في مشاعرها معاه غير لما يحس الحب ده بنفسه من شخص متمسك بيه لاقصى درجه وفضل جنبه ما سابوش.

لكن اليومين دول ثقافه السلف هيلب وصلتنا المعتقد ان الواحد المفروض يحل عقده ومشاكله النفسيه كلها قبل ما يفكر في الارتباط او الجواز. لدرجه ان في بنات بتسال ازاي تخطى رغبتي في الزواج. ليه عايزه كده؟ علشان سمعت ان المفروض الواحده تعمل لنفسها وتبقى كذا لنفسها وتحقق اكتفاء ذاتي. امال ربنا خلقنا لبعض ليه؟ واضح كده اننا بنحتاج بعض.

اكيد ما حدش مطالب ولا بيصلح حد ولا يشيل مشاكل حد. لكن في ناس لو دخلت حياتك مفعولها بال000 كتاب ومحاضره وبودكاست. منهم اللي هيبقى مجرد درس صعب ودمه ثقيل لكن كنت محتاجه. ومنهم هيبقوا ناس ربنا باعتهم لنا ينقذونا من العزله يوروك الخير والحب والاهتمام اللي ما شفتوش قبلهم.

احنا ربنا بيسخرنا لبعض بطرق ما نتخيلهاش. ونبقى بنطلب من نفسنا فوق طاقتنا اننا نخوض الرحله الطويله دي من النضج بطولنا. ده لو كان ينفع.