قصتي مع النوم - لماذا ننام - الجزء الاخير - دوباميكافين

شوف، أبي أعترف لك اعتراف. أنا من الناس اللي كنت أقول الاكتئاب كلام فاضي. مو الاكتئاب كلام فاضي بشكل عام، لا لاا. الاكتئاب اللي إحنا نشوفه اليوم ونسمع فيه اليوم كلام فاضي.

لأني كنت عارف إن الاكتئاب مرض وحقيقي وموجود وشايفه أنا بعيني يعني، لكن كانت عندي مشكلة بالاكتئاب اللي منتشر الفترة الأخيرة. وأي شخص يحس بأي لمسة حزن سمى نفسه مكتئب. وكانت وجهة نظري هذه تستند على سؤال. السؤال هو: ليش ما كنا نسمع بالاكتئاب قبل مثل ما نسمع باليوم؟ ليش هذا الجيل مصاب بالاكتئاب أكثر من الأجيال اللي قبل؟

فكنت أقول: في جزء من الوهم تقريباً. بعيداً يا صديقي العسل عن جهلي المرعب في هذا الموضوع وفي هذا الكلام، وأعترف إني جاهل. لكن كانت وجهة نظري صحيحة ودقيقة وفي محلها. حتى السؤال كان سؤال مهم: هو فعلاً ليش إحنا اليوم نسمع بالاكتئاب أكثر من قبل؟ ليش اليوم نوصل لهذا المرض أو الاضطراب بسرعة؟ بس أنا كانت مشكلتي إني ما بحثت عن الجواب بالشكل جيد.

لكن صدقني يا صديقي العسل، ويشاء ربك سبحانه وتعالى إنه يعطيني درس بخصوص هذا الموضوع. وفعلاً أنا ما أقول لك إني أصبت فيه، ولكني لمسته أو حط عينه بعيني. اليوم راح أتكلم لك عن قصتي مع النوم وكيف فعلاً أثر بشكل كبير على صحتي النفسية في يوم من الأيام، لدرجة إني أنا ما كنت متوقع أبداً إني ممكن أوصل لهذه الحالة. يعني باختصار، أنا قد قلت لك هذا الكلام كثير، حياتي من يومي صغير ما كانت الحياة اللي أنت تطمح فيها. أنا ودي أقول كلمة كذا بس أنا محترمك ومحترم الألفاظ ومحترم الناس اللي قاعدة تشاهد. حياة كانت أ من يومي صغير، ومرت بأشياء ومواقف صعبة جداً. جا اليوم وأنا حياتي أفضل الحمد لله من قبل بكثير، ومرتاح ولا أتعرض لكميات الضغط والمصايب اللي كنت أتعرض لها وأنا صغير. تدهورت صحتي النفسية في شيء غلط، ولا عرفت هذا الشيء إلا أمس في عام 2022.

فخلينا نبدأ في سرد قصتي مع النوم من الجزء الأخير من سلسلة كتاب "لماذا ننام" للمؤلف ماثيو ووكر، واللي راح نستعرضها في هذا الفيديو. جاهز قهوة مح ترى؟ ما أبغاك تطلع أفضل كوب قهوة ممكن تقدر عليه، أو مشروبك تصلحه اللذيذ اللي أنت تحبه، ويلا نستمتع. استمتاع ما صار ولا حصل. يلا نستمتع.

[موسيقى]

القهوة المستخدمة في هذا الفيديو هي قهوة كينيا تووب نوريو، محصول من خطوة جمل، البراند السعودي اللي يقدم أجود أنواع القهوة المختصة. رابط فروعهم في الوصف.

السلام عليكم ورحمة الله وبركاته. أهلاً بك يا صديقي العسل في قناة دوباميكافين، حي حيث القهوة والموسيقى والكتاب. معك أخوك ناصر العقيل، مقدم ومؤسس هذه القناة. يا أهلاً وسهلاً، تشرفنا.

شوف، القصص المفروض بذكرها لك، أو القصة هذه اللي بذكرها لك في هذا الفيديو، المفترض إنها عبارة عن قصص صغيرة وملاحظات صغيرة أذكرها لك خلال السلسلة. لكن لأنها طويلة والسلسلة أصلاً جداً طويلة ودسمة، قررت إني يا جماعة عليكم أخليها في فيديو واحد. قلت لنا في ناس كثيرة: مين مهتمة في حياتك يا ناصر؟ يعني من الأخير يعني، أنا يهمني ماثيو ووكر ش قال في الكتاب عن النوم. قصتك في الجامعة، في الثانوي، ما بعد بعد ذلك، اكتئابك، ما يهمني. وأنا أتفق معك يا صديق العسل. لذلك أحب أشكرك إذا كنت مكمل في الفيديو إلى حد الآن. هذا دليل إنك مهتم.

عموماً، التايم لاين أو الخط الزمني حق القصة طويل. من 2012 إلى 2022. إحنا نتكلم عن عشر سنوات. لكن مربط الفرس حق القصة كان في سنة 2019. هذه هذه السنة اللي ما أدري ش حابين فيها الناس. أنا أسمع عنها كثير في السوشيال ميديا. الله يا سنة 2019. الله الله. إيش أنت لو شفت الجحيم أنا كنت عايش فيه، عرفت إن سنة 2019 من أزفت. الله يكرمك إن شاء الله. من طوط طوط السنوات اللي ممكن تمر على حياة ناصر. بس ما أدري عن حياتكم. يمكن حياتكم حلوة في 2019. اللهم لا حسد. بس أنا 2019 قد ما هي سيئة، إلا إنها هي نقطة التحول الحقيقية في حياتي. مرحلة نقلت حياتي نقلة مش طبيعية للأفضل.

طبعاً بسوها هذاك، تخيل يعني كانت في أحداث سيئة كثيرة تصير في 2019. كل حدث يجي يكون أسوأ من اللي قبله. وكنت أجي عند أمي وأقول: اسمعي يمه، أنا بإذن الله مقبل على خير كبير. كانت تقول: أيوه. ليش؟ كنت أقول: بسبب اللي قاعد أمر فيه من سقطات وعثرات وأشياء بائسة وتعيسة. يعني مثلاً، واحدة وده من المواقف السيئة اللي حصلت 2019 هو إني جلست قرابة الخمس شهور، تخيل، في الرياض في عز الحر أسوق سيارة ما فيها مكيف، وأداوم كل يوم في حر الرياض. تعرف إيش معنى حر الرياض كل يوم تداوم فيه؟ ساعة رايح للدوام، ساعة ونص راجع للبيت، من دون مكيف. الله المستعان. هذه واحدة. واحدة من الأشياء.

واحدة من الأشياء اللي شفتها 2019. فكنت أجي أقول لها: أنا مقبل على خير كبير بإذن الله. فكانت تقولي: ليش؟ قلت: لأنه شوف، القدعنة تخذ الجدعنة بس. قلت: لأني سمعت إنهم يقولون إن السهم قبل لا يرتفع لازم يسبقه نزول، وأنا قاعد أنزل إلى قيعان الأرض يا يمه. فيبدو إن الارتفاع بتكون عظيمة. طبعاً ما عليك من هذا كله يا صديقي العسل، هو مجرد هبة. بس فعلاً أنا كنت أقول لأمي الكلام هذا. لكن اللي كنت أشوفه، كنت أشوف دوباميكافين. كنت عارف إن دوباميكافين حتكون نقلة إن شاء الله كبيرة في حياتي. كنت واثق من هذا الشيء والحمد لله.

لكن ش اللي صار في 2019؟ واحدة من الملاحظات اللي لاحظتها في 2019 هو إني كنت أفقد طاقتي بسرعة. أكون نايم من بعد العشاء للفجر. تخيل يومياً على هذا الحال. نوم مضبوط، أو كنت أعتقد إنه مضبوط. هو مضبوط طويل، نعم، بس جوته كانت سيئة. المهم، بجيك في التفاصيل. أصيل، كنت أعتقد إن نومي مرة مضبوط. حنام من بعد العشاء يومياً. أصحى الفجر. دن نايم زين. أول ما أصحى، لتر مويه. بعد اللتر مويه، فطور. بعد الفطور، ماخذ كوب قهوتي، رايح للدوام الساعة 7. ركز، أبغاك تركز على ذا الساعة. مهمة. الساعة 7 يبدأ الشغل. ما تجي 10 ونص 11 إلا وأنا منهار تماماً، فاقد طاقتي حرفياً. اللي يشوفني يقول: باذل مجهود مو طبيعي. وأنا جالس على مكتب ومكيف والحياة حلوة.

فما لاحظت أنا أكيد الشي هذا بسرعة أو بشكل مبكر. بس لما تكرر علي وكل يوم، لا قلت: في شي غلط. ك 2019 يا أخي في شي غلط. مو معقول إني دايم على بال ما تجي الساعة 11 قبل أذان الظهر إلا وأحس بانهيار وأبدأ أتثاوب وكأني أبغى أنام. أنا قلت: في شي غلط. لأني لاحظت هذا الشيء. بس أبداً ما ربطت هذا اللي صار فيني بنفس الحدث أو الملاحظات اللي صارت فيني 2012. ومن هنا تبدأ القصة.

2012 يا صديقي الجميل، كنت أدرس في الجبيل الصناعية. حلوين؟ حلوين. كانت محاضراتنا تبدأ الساعة 7. أول كلاس يبدأ الساعة 7. عشان كذا قلت لك ركز على الساعة 7. وكنت فعلاً أبدأ دوامي الساعة 7 لين يجي بريك الظهر. في المنطقة الشرقية عموماً، أغلب الجهات تقريباً، أغلب الجهات عندها هذه الساعة. اسمها بريك الغداء. بريك من الساعة 12 الظهر إلى الساعة 1 المساء يومياً. في الجامعات، في الشركات، في الجهات. أغلب الجهات ممكن في جهات ما عندها هذا البريك، بس الأغلب عندهم هذا البريك. ساعة البريك هذه ثابتة في المنطقة الشرقية. وما أجملها من ساعة. شوف المطاعم تنزح في الساعة ذي. اللي يطلع يصلي، بعدين يروح يتغدى، يرجع. الأمور. الحياة حلوة يعني. يا حلوة الشرقية. اسمعوا أهل الشرقية. بس بعطيكم معلومة. يعني أنا أول عشر سنوات من عمري عشتها في الشرقية، وتلاها أربع سنوات ما بعد الثانوي. أنا اليوم عمري 30. 14 سنة قضيتها في الشرقية. تخيل. طبعاً العشر سنين الأولى ما بين والرياض. اوكي. يعني ما كانت 100% الشرقية، بس كانت كنت أدرس هناك. فشرقية، رياض، رياض، شرقيه، وهكذا. تقريباً نص عمري معكم. أحبكم والله إني أحبكم يا جروب المطانيخ.

لا ويوم رحت الجبيل حبيتها أكثر بعد. حبيت شرقيه أكثر وأكثر. الجبيل كوكب آخر. عموماً، لا جا اللنش بريك، طلعنا صلينا، تغدينا، رجعت الكلاس. في كلاس ديجيتال كان في محاضرة عن مادة الديجيتال الساعة ده الظهر. استغفر الله. ما أبغى أحلف. أتثاوب أكثر من كلام الدكتور. مو طبيعي. طبيعي. الكسل، الخمول، الخضرا. م ب طبيعية. وكنت طول مدتي في الجبيل. طبعاً هذا كان الكلام كان ترى في سمستر التخصص. يعني بعد ما خلصت السنة التحضيرية. هذا كان أول فصل في التخصص. فكان دائم يتكرر معي الموضوع في بريك الغداء. وكنت دائماً أقول: بسبب إني كلت كثير وشبعت. هذه خدرة الشبع. لين اكتشفت في يوم من الأيام إنه لا. اللي فيك يا ناصر مو بخدرة شبع. اللي فيك نوم. أنت تبغى تنام. ما دامك تتثاوب وخدران، معناتها تبغى تنام. وما دامك تبغى تنام، معناتها نومك يحتاج تعديل.

وفعلاً نومي كان سيء. يعني أنا آخر شهوري في الثانوي أو سنواتي في الثانوي على ما بعد الثانوية. النوم كارثي. كارثي جداً. ما أنام إلا الساعة 12 وده في الليل. بوت، وأنمي، وأفلام، وحياة حلوة، ومباريات. ولا جت الساعة 1، حطيت راسي ونمت. وأصحى الصبح. يعني ما أنام إلا أربع خمس ساعات وأروح وأداوم. سواء كان في الثانوية أو كان في الجامعة. وأخلص الدوام وأطلع. طلع وأخذ لي قيلولة كذا ساعة، ساعة ونص. هذا أقسم بالله العظيم نمط حياة أو لايف ستايل. الله وكيلك. لا أحكيلك. سيء. كارثي. كارثي.

عموماً، قلت: لا لا. اوكي. ناصر تحتاج تنام. قرار من هذا اليوم. الغرفة يا شباب. أنا كان معي أعز أخوياي زياد وخالد. كنت أقول: خلاص، إحنا لازم نقفل الغرفة من بعد صلاة العشاء. نقفل باب الغرفة. ليه؟ لأن كنا نخلي باب الغرفة مفتوح وكان كل من مر كذا يقول: سلام عليكم. يدخل. وبلوت يا حبيبي. قلت: لا لا. الغرفة لازم تتسكر. لازم نحافظ على نومنا. فطلع القرار هو في هذاك الوقت. بس الالتزام الحقيقي ما جاله للفصل اللي بعده. الفصل اللي بعده خالد انتقل لمبنى ثاني. زياد اعتذر عن ذاك التل. صرت أنا الحالي في الغرفة. وفعلاً. الله أكبر. العشاء. أصلي العشاء وأقفل باب الغرفة وأنام.

والله يا صديقي الجميل، اسمعني. اسمعني. أنا الفرق لاحظته من ثاني يوم على طول. لي يوم نمت بعد العشاء صحيت الفجر. لاحظت الفرق على طول. مو بعد من ثاني يوم. ثاني يوم بس إنه على طول لاحظت. حطه يجي بريك الغداء. أخلص البريك. أرجع طاقتي فل. نشاطي فل. استيعابي وتركيزي قوي. فرحت فرح ما يعلم فيه إلا الله. شيء مو طبيعي. أنا فرحان. مو عشاني ركزت في المادة. لا والله. فرحان عشان طاقتي. يا أخي ما أنا الشعور هذا إنك تكون قاعد في مكان ساعتين وتثاوب ما أنت قادر تاخذ غطة ولا تنام. كان شعور مزعج بالنسبة لي. مثلاً لو جتني الخدرة هذه كل يوم وأنا في الغرفة وأقدر أقيل عادي، يمكن ما طقيت خبر. لكن لا. مجبر إني أكون جالس في المحاضرة ساعتين أسمع 0 1 باينري كودز وأكون أتثاوب طول الوقت. كان الموضوع جداً ملعب.

عموماً، يا طويل العمر، فرحتي هذه خلتني أستمر. شفت المكافأة اللي تجي نهاية العادة بالضبط. خلتني أسوي ريتيش. إعادة. وفعلاً ثبت نومي من هذاك الوقت لين الفترة اللي كنت أقول لك عنها في 2019. تدري شو اللي لاحظته؟ أنا عشان أختم لك هذه الجزئية. لاحظت إنه قوة حفظي رجعت زي ما كنت أنا أعهدها. أنا من ناس اللي حفظه جداً قوي وفقدت الحفظ هذا في ذيك الفترة. رجع حفظي قوي ورجعت ذاكرتي أقوى. وتخيل لك أن تتخيل إني أتذكر عمق المواد التخصصية اليوم ولا أتذكر المواد الأولية مثل التحويلات من كلفن إلى فهرنهايت إلى دجري سيلسيوس. الأشياء العادية. من كيلو باسكال إلى بي إس آي. تخيل تحويلات هندسية بسيطة ما أذكرها. لأنها كانت في الفصل اللي كنت ما أنام فيه زين. واليوم أذكر بروتوكولات وأذكر كودينج وأذكر لغات الكود كامله وسي بلس بلس. يا عمي شيء مو طبيعي. بس لأني قررت أنام زين. وكانت جودة نومي جداً عالية. جداً عالية. عكس 2019. هي جودة النوم تفرق يا ناصر عن مدة النوم. يعني قد تكون نايم ثمان ساعات. أي. بس كيف جودتها؟ هنا حرفياً النكسة. زي ما يقولون.

أول ما دخلت القهوة حياتي بعد ثلاث سنوات. فقدت جودة النوم تماماً. شوف القهوة من أجمل المشروبات في حياتي والله. ودخلت حياتي تدريجياً. كنت في البدايات أشرب القهوة سريعة التحضير ذي أم ريال. كنت أسويها قبل الساعة 7. الله يا الدنيا. الله. فحطها وأحط معها حليب. تخيل حليب هذا اللي يجي سائل بعد اللي في علبة صغيرة. مو بالحليب لا لا. حليب علبة صغيرة. كل شيء ردي. كل شيء الرديئة. المزج ردي. المهم. أصلي مويه وسكر بعد. يلا ضف عليها. يعني قهوة بسكر. يا عفو الله. الوكد كان هذا الكوب كنت ك يعني بس أستلذ فيه يعني كذا كمزا. مو حتى مزاج. لذه كذا أستمتع بس.

لكن في سنة 2014 لا. دخلت عالم الكافي يا حبيبي. بديت أروح وأشتري قهوة حقيقية. أمريكانو. كنت أحط سكر وحليب. بعدين بديت أدرج الموضوع. أخفف الحليب شوي. أخفف الحليب شوي. بين أخفف السكر. المهم لين حصل إنه فعلاً صرت أشرب القهوة سادة. أها. لما وقعت في غرام القهوة صرت أشربها يومياً بانتظام. لازم مزاج. والله كان أقرب فرع لستاربكس يبعد عننا تقريباً 20 دقيقة تقريباً من بيتنا. وكنت أطلع أشتري. هذا الكلام في الرياض. كنت أطلع من البيت 20 دقيقة عشان أروح أشتري القهوة من هناك وأرجع. أما في الجبيل. لما طحت فيه أول مرة كان تو فاتح في الفناتير. فكنت أطلع من الجامعة لين الفناتير. كذا كنت أطلع من الجامعة الفناتير يسار. أروح يسار لين آخر الفناتير عشان أشتري قهوة من فرع ستاربكس هناك. بعدين أرجع وأتعدى الجامعة وأروح المنطقة الصناعية هناك عشان أطبق في شركة يوكوجاوا. كنت أحس إني في اليابان. مع إني في الجبيل. ما أدري ليش. مع إن ما في ولا ياباني في الشركة تقريباً. بس كذا كيوكو جاو ك تحس إني في اليابان. المهم إني كنت أشرب القهوة يومياً. مو هنا المشكلة. لأن نومي كان سليم وجميل. لأني كنت أشرب القهوة أول الصباح الساعة 8 كذا 7 8. فطبيعي ما تجي الساعة 8 في الليل إلا وأكون تقريباً تخلص جسمي من القهوة. 12 ساعة على شربي لها. فبالتالي أنام نوماً هنيئاً مريئاً.

الكارثة الحقيقية بدأت في سنة 2016. لما شريت ماكينة اسبريسو. على أساس إني ما أقدر أشتري كوب قهوة كل يوم. هذه التفاصيل راح تعرفها في كتابي إن شاء الله اللي قرب قرب صدوره بإذن الله. مو بما أقدر أشتري كوب قهوة لأن ما عندي فلوس. لا. لكنه يدهور خطتي المالية حق الشهر. بحوس ميزانية الشهر هذا. الكوب 20 20 ريال بيحوس ميزانية الشهر. بتعرف ليه في الكتاب. المهم. لما شريت ماكينة الاسبريسو كنت أسوي قهوة وقت ما أبغى من دون ما أستخسر فلوسها حتى. فشرب في الصباح، وأشرب بعد الدوام، وأشرب ممكن قبل لا أنام. وحالتي حالة. هنا حرفياً فقدت جودة النوم. صار نومي جداً جداً خفيف. وكنت أفتخر بالشيء ذا. لا. ركز معي. كنت أقول: أنا الحمد لله أشرب القهوة وأنام. وفي نفس الوقت أقول: أشرب القهوة وأصحصح. ما أدري هو أنت لما أنت تشرب القهوة تصحصح ولا تنام يا ناصر؟ ما أدري. لكن كنت أفتخر إني أشرب كوب القهوة وأنام عادي. وأنام ثمان ساعات بعد. وكنت أفتخر. أفتخر برضه. أفتخر إن نومي خفيف. كان خفيف جداً جداً جداً إلى درجة مو طبيعية. فانت إذا نومك خفيف، لا المفروض تخاف. حرفياً يا صديقي الجميل. لازم تخاف. لازم تعرف إنه في مستويات من النوم من العمق أنت ما أنت قاعد توصلها. وهذه المستويات لها تأثير قوي جداً على هرمونات كثيرة في. يا ساتر. خلاص تكلمنا كثير. أتوقع تسع مقاطع. مور ذان إنف. أو ثمان مقاطع. ما أدري كم. ثمان مقاطع. أتوقع من كثر هذا نسيت العد.

ف عموماً، فقدت عمق النوم أو النوم العميق في 2016. 2017 كنت أشتغل شفتات. إذا فقدت حتى النوم المنتظم. يلا باي باي نوم عميق. باي باي نوم منتظم. وأشرب القهوة في أي وقت. طبعاً كالعادة. والله إني أذكر. ما أنساها. يعني كنت آخذ كوب قهوتي من البيت وأشربها الصباح في الدوام قبل الساعة 7. الساعة 7 كذا. لا جت الساعة 11 كنت أنادي التي بوي وأقول له: جيب لي بلاك من اللي موجود عندك. ويجيب لي بلاك كوفي. وكنت أحياناً آخذ اسبريسو برضه. فالوضع كان يعني كارثي حرفياً. كان عموماً فقدنا النوم العميق. فقدنا النوم المنتظم. جت 2018. وقفت النادي. انتهى اشتراك النادي. ولا كنت أقدر أجدد. فما في نادي. الله. ما في نادي. يا سلام. استمريت على هذا الحال يا طويل العمر لين سنة 2019. وجتني هذيك الملاحظة إنه أنا صاير أفقد طاقتي بسرعة. شو اللي صاير؟ ماذا يحصل هنا؟ ما ربطت الموضوع بالنوم أبداً. مثل ما حصل لي في 2012. لا لا لا. أبداً. لأني كنت أقول: نومي سليم الحمد لله. نايم ثمان ساعات. بس كنت أجهل الفرق بين النوم العميق واللي جودته عالية. ما كنت أعرف شش الفرق بين جودة النوم والنوم أصلاً.

ف عموماً، تمضي الأيام ونطلع من السنة المتني ب 60 نيلة حق 2019 هذه. ندخل على سنة أنيل اللي هي. [موسيقى] 2020. عموماً، لاعتراض على القدر ترى أنا مجرد أمزح. اوكي. بالعكس، أنا بالنسبة لي سنة 2020 أفضل. مش المهم. ما علينا. دخلنا 2020. أها. جاء الحظر المنزلي أو حظر التجول. هذيك يا طويل العمر كان آخر أيامي أو عهدي بالشمس. إحنا صرنا نداوم عن بعد وبيتنا ما تدخله شمس. ودوام من الغرفة وفي الغرفة. كنت صراحة مبسوط عشان موضوع دوباميكافين. لآني بديت أنتج في القناة أسرع. يعني قبل لا تبدأ انطلاقتها أصلاً. لكن بديت أقطع أشواط كبيرة جداً بحكم إني قاعد في الغرفة. وقهوة رايحة قهوة جاية. يا حبيبي ط. لا أوصيك. أصلاً بالمناسبة، ماكينة الاسبريسو كانت تحت في البيت. شلتها حطيتها في الغرفة. أنت تذكرها يمكن في فيديوهاتي الأولى بتشوفها. قاعدة هناك. بتشوفها وراي. ماكينة الاسبريسو وطق يا حبيبي اسبريسو. وحيث القهوة والموسيقى. ويلا.

عموماً، اللي حصل لي كذا بسرعة. 2016 فقدت النوم العميق. 2017 فقدت النوم المنتظم بسبب الشفتات. 2018 فقدت النادي. 2020 فقدت الشمس. باي باي ناصر. حرفياً باي باي ناصر. فاللي لاحظتها في 2020. بالرغم من إنه الحمد لله القناة قاعدة تنتشر بسرعة وقاعدة تكبر بسرعة والقاعدة الجماهيرية تكبر والأثر قاعد أشوفه في حياتي والحمد لله. ما بعد شفت ولا ريال للحين. بس مبسوط إني قاعد أشوف المستقبل. والحمد لله لاقت قبول كثير والكثير قاعد يدعمها. ويا ربك. وأنا ممتن لكم بالمناسبة. ممتن لك أنت شخصياً. شخصياً أنت تطالع. والله إني ممتن لك. ورب الكعبة. حتى لو ما تابعتني إلا من شهرين. ممتن لك جداً. مشاهدتك بس هي أكبر دعم لي. فقط. فما بالك بنشر وتحفيز واطراء وثناء. سواء ترسل لي في السوشيال ميديا ولا تسوي لي تاج في تويتر ولا في أي مكان. شكراً لك. أنا ممتن.

ف عموماً، المفترض إنه يعني وضعك قاعد يتحسن. ين صار؟ مفترض الحالة النفسية تتحسن أكثر. لا والله رافق ذلك ضغط كبير جداً في العمل. يعني كنت أداوم شفتين. وكنت أروح للجامعة برضو. وكنت أشتغل على دوباميكافين. هذا كله في 2020. فالوضع كان ماساوي. أنت طبعاً 2020 قاعد تلعب وجيمين وحياة حلوة. وكثير في 2020 تزوجوا فجأة. وبرضه كثير في 2020 تطلقوا. الله المستعان. لكن حبيبنا لا. كانت 2020 بالنسبة لي عمل. ما استمتعت أبداً. ولا جمعت أهلي. ولا قعدت. ولا استمتعت بأي شيء. كنت مستمتع بالإنتاج. كنت مستمتع بالانطلاق. متعة لا توصف. لكن الحالة المزاجية كانت مضطربة. مزاجي ما عاد صار هو رايق زي كل يوم. ما أدري ليش. في شيء تغير. صرت أمل من القراية بسرعة. صرت أفرح وقت تسجيل الحلقة. بعد ما أخلص منها خلاص يكون مودي معكر. مزاجي في الدوام. ما عاد لي خلق الجامعة. وهكذا. لأنه لما وصلت 2021. جسمي قال: كفا. [موسيقى] خصوصاً النوم برضه قاعد يقول: طولت في بعادك تن. زودت في عنادك تن. بعدت عن النوم. بعدت عن الرياضة. بعدت عن الشمس. نهاية 2021. ما أنساها. على بداية 2022. قفلت جوالي ثلاث شهور. حرفياً مغلق. ما فتحت إلا في يوم ملكة أخوي. بس مغلق. أو استغفر الله. كان الخطبة. مغلق. حرفياً الجوال مغلق. عندي جوالين مقفلها. حطها في الدرج. جالس في الغرفة. أنا وقتها كانت صحتي النفسية مرتاحة شوي. طبعاً رجعت للنادي. هذا الوحيد اللي رجعت له. بس ودي ألحقه الوحيدة اللي رجعت لها في السنة السودا. وما كان النادي بعد يعني. نادي نادي زي اليوم. اليوم النادي أنا بالنسبة لي زي العمل. التزام في كل شيء. حتى في الغذاء. قبل لا كان النادي يعني يعني أروح النادي. أروح بس مثلاً ما أركز على تطوري في التمارين. ما أركز على تطوري في الأوزان. ما أركز على غذائي. هل أنا قاعد آخذ الغذاء الكافي لجسمي ولا لا. أشياء كثيرة. وأكل فاست فود وكله يعني في في تفاصيل ما هي نمط حياة صحي. خلينا نقول. وفعلاً حصل الانهيار في 2021. 2021 فقدت علاقات كبيرة بالنسبة لي. وقفت الجامعة. ما عاد أبغى أكمل دراسة. ما عاد أبغى شهادات عليا. ما عاد أبغى حتى الدكتوراه. حلم. ما عاد أبغى أوصلها. ما عاد أبغى دوباميكافين. تخيل. تخيل. نهاية 2021. يمكن أنا تلقاني قاعد أنزل لك في ذاك الوقت. بس أنا ما عاد أبغى دوباميكافين خلاص. ولا عاد أبغى أقرا. ولا عا لا لا. استغفر الله. كنت أقرأ. استغفر الله. كنت أقرأ مستمتع في القراءة. بس ما أبغى أشرح. ما عاد أبغى قناة. ولا عاد أبغى فلوس. ولا عاد أبغى مستقبل. ولا عاد أبغى شي. ما أبغى شي. ما عاد أبغى شي. حرفياً. حرفياً. كفاية. لين سافرت سويسرا في 2022. وجت النقله الحقيقية. لا. هذا ترى مو صدق. أقسم بالله كذا كثير. والله العظيم كذا كثير. اوكي. ترى الكاميرا نظيفة. في ضباب بس عشان تكونون في الصورة. إني مسحتها أكثر من مرة. أحسب في. لا إله إلا الله. إيه يا سويسرا. شوف يا طويل العمر. شفت التدهور اللي أنا عشته في 2021. ضف عليه إنه جسمي صار ما عاد هو قادر إنه ينام ثمان ساعات. يلا. هذه عادي. إيش شفت الفراولة اللي يحطونها فوق الكيكة؟ بالضبط. تخيل صرت ما عاد أقدر أنام أكثر من أربع ساعات متواصلة. وبعد كذا مقطعة. مقطعة. مقطعة. مقطعة. مقطعة. لين أحاول أكمل ثمان ساعات نوم. فيصير أنا قاعد في فراش 12 ساعة. تخيل. بس عشان أحاول أجمع ثمان ساعات نوم. والله العظيم. يعني أنا يوم فقدت النوم. شوف. اسمعني. يوم فقدت النوم. خلاص. عا. خلاص. أنا بالنسبة لي كذا دن. حرفياً. فقدت المتعة في حياتي. حرفياً. لأن أنا بالنسبة لي أول أولوياتي النوم. ثم الأكل. بعد كذا خذني وين ما تبغى تأخذني. وديني وين ما تبغى توديني. لازم أكون شبعان نوم. شبعان أكل. انتهى الموضوع.

اللي صار يا طويل العمر إنه والله جت كذا في 2022. اقتراح. ليه ما نسافر أوروبا يا شباب؟ وكان مجموعة أصدقائي. أصدقائي مجبور على أخوتهم. للأسف. لا لا أمزح. أحبهم. عموماً. من أجمل الأشخاص اللي عرفتهم في حياتي. سافرت معهم. لاوروبا. فرداً فرداً. ما في شخص في ذاك السفرة ما أعزه وأكن له مكانة في قلبي عظيمة. رحنا سويسرا. شوف اللي صار بالضبط. شوف زي ما أحكيلك. إحنا طبينا سويسرا. خليني أذكر مثال. صباح. أي صباح. خذنا السيارة من زيورخ وانطلقنا. إلى بنروح ل جريندلوالد. قرية قريبة من إنترلاكن. إحنا المفترض مسافرين من الليل. أنت مستوعب؟ طلعنا على باريس. من باريس أخذنا ترانزيت إلى زيورخ. ومن زيورخ طلعنا سيارة بتقريباً مسافة ساعتين إلى ساعتين ونص. على بال ما وصلنا جريندلوالد. وصلنا جريندلوالد. هايب. إحنا هايب مليون. طاقتنا فل. مستحيل تنام. يعني أنت تصم. لا إله إلا الله. المناظر في السويسرا تخليك تقول: يا عفو الله. شلون الجنة؟ حرفياً إذا هذه الدنيا. كيف الجنة؟ شيء مو طبيعي. شيء مو طبي. أنا بالنسبة لي إلى حد الآن. إلى حد الآن. أجمل بقاع الأرض اللي مرت علي وشفتها أنا على أرض الواقع. سويسرا بلا منازع. وأرجوك. أرجوك. لا تفارق الحياة قبل ما تروح سويسرا. لازم تشوف جما. لازم تشوف هذا الجمال اللي أودع الله في الأرض. حرام ما تشوف طبيعة. ضروري تشوفه.

عموماً. ف يعني من أمس مواصلين. طبعاً أنا ما أنام في الطيارة. كل الطيارة حرفياً يا صديقي الجميل. كل الطيارة تشخر. الكله نايم. إلا أنا. فاتح كتاب. خطة تسويقية. في صفحة واحدة وقاعد أقرأ. ومن أجمل الكتب أصلاً. الكتاب. الكتاب خرافي. الكتاب برجع أقرأ ثاني مرة بالمناسبة. كتاب خرافي. كتاب مرة خرافي. ف عموماً. مواصل. الأخ ناصر صاحي. وكل ما مرت المضيفة. بالله لو سمحتي. كوب قهوة. وشيل. لأني عارف إنه ما فيها نومة. وفعلاً هذا اللي حصل. لما وصلنا جريندلوالد. القرية. يلا يا شباب. ش نسوي؟ ونسوي؟ وفعلاً طلع معنا جدول. عموماً. طلعنا تمشينا. ودري. وقفنا عند بحيرة. صارت في أفلام. الشاهد. رجعنا نهاية اليوم للكوخ. أنا شربت قهوة. يمكن آخر عهدي بالقهوة. يعني الصباح في فرع من فروع ستاربكس. فرع في زيورخ. ما أنساه. أنا خلاص. خلاص. مشاعر. ما أقدر. ما أقدر أعبر. في مشاعر. ما أقدر أعبر عنها. يا عفو. يا جمال الفرع. يا جمال الإضاءة اللي داخله. لأن كل الجدران كانت عبارة عن قزاز. والشجر. وال. يا سويسرا. أنا راجع لسويسرا. بإذن اللي ما تنام عينه. راجع له. راجع. خب تطلع الشنجن. راجع. راجع. مو طبيعية ذيك الأرض.

فهذا آخر عهدي بالقهوة. صباح. صدقني. شف. أول ما قررنا خلاص بننام. كان الكلام هذا الساعة 10 في الليل. توها طايحة الشمس. فعلاً. والله طاحت الشمس. من هنا خلصت صلواتي إلى النوم. تدري أنت. دخلت في النومة قبل لا يلمس راسي المخده. نمت على طول. أسرع دخول في النوم. من من من ما قد عهدته في حياتي. أنا. أنا عشان أنام يبغى لي نص ساعة. ساعة. أتقلب عشان أنام. كذا أنام. مو طبيعي. لا واسمع. وبان كنت ما أقدر أنام أكثر من أربع ساعات. وبعدها تتقطع نومتي. الله وكيلك. وطقطق. ثمان ساعات متواصلة. حلوة. عمي. أقسم بالله نومة. ما أنساها. ما أنساها. الله يذكرها بالخير. واحد من أصدقائي الأعزاء كان جنبي. مو كان يشخر. كان يسوي أعمال صيانة في كونستركشن. في حفريات. في شيء. مو ما كان شخير. هذاك. أحبك يا تعرفني. والله يا صديقي الجميل. ولا كنت أدري عنه. يعني كنت بس عن الكذب. كنت. نقلت سمعته. وكنت أقول مع نفسك. وز. في النوم. على طول. يا ساتر. أتقلب وأنام على طول. وأدخل في النوم على طول. مو طبيعي. أقول: قوم الله يعزك. دورة المياه. وأرجع وأنام على طول. ش ش الحياة الحلوة ذي؟ أنا فاقد يا عبد. هذه أشياء فاقدها من زمان. فاقد الدخول بالنوم السريع. فاقد النوم العميق. فاقد إنه لا تقلبت أدخل في النوم على طول. ولا إذا قمت الله يكرمك دورة المياه ورجعت أدخل في النوم على طول. فاقد الأشياء ذ تماماً. وفاقد ثمان ساعات من النوم متواصلة. فاقدها. فكيف رجعت لي؟ قلت: اوكي. أكيد لأني مواصل من أمس وتعبان. وأكيد طبيعي. اوكي. طبيعي. يلا. اوكي. قمت الصبح. أضبط الفطور. ونفطر. ونشرب كوب قهوة. وفعلاً كان ما يحصل لي. أشرب كوب قهوة إلا في الصباح. وين باقي اليوم؟ ش نسوي؟ هايين وراقين ونازلين ونمشي. نمشي. نمشي. تحت الشمس. نمشي يا صديقي الجميل. كان متوسط خطواتنا اليومية. المتوسط الأفريج 25 ألف خطوة. لا تزال موجودة في جوالي. كنا نوصل 34 ألف خطوة في اليوم. مستوعب؟ مشي مو طبيعي. وطبعاً سويسرا جبال. يعني حتى المشي مو مريح. متعب. هذا المجهود من الطاقة اللي من أول الصباح لين آخره. على كوب القهوة اللي ما آخذه إلا الصباح. على التعرض للشمس. مثل ما كان الناس عايشة قبل في القرون الماضية. ذكوراً وإناثاً. كله كان يتعرض للشمس. والاستمرار لمدة 16 ساعة مستيقظ. هو اللي خلاني لما أجي وأحط راسي نهاية اليوم أنام على طول. وتتكرر نفس النومة الممتعة اللي حصلت لي في أول يوم. استمر هذا الحال يا صديقي العسل طول السفرة. السفرة هذيك فيها تأملات كثيرة. ما أبغى أقولها لك. في أشياء كثيرة لاحظتها علي لازم تتعدل.

عموماً، رجعت أنا وجلست مع أمي. نفس الجلسة. وقلت: يا يما. اسمعيني. مسكينة أمي. يا كثر ما تسمعني. والله. قلت: أنا يعني دخلت في دوامة تأمل مو طبيعية. السفره دي حق 2022 اللي أنتم راجعين منها. صدقين يا يما بتغير حياتي. بتغير حياتي للأبد. والله لهالدرجة. ليش؟ قلت: اسمعيني. ما أنا كنت أتشكى من نومي. وكنت أتشكى. لالالالا. وعطيتها الهستوري. هي عارفته أصلاً. قلت: يا يما نومي تعدى من أول يوم. شلون أنا في الرياض ما أقدر أكمل أربع ساعات. في سويسرا أنام ثمان ساعات متواصلة. من أبدع وأجمل ما يمكن. يعني وش؟ وش الفرق؟ مو معقول. في شيء. في شيء لازم يكون في شيء. في أشياء أنا قاعد أسويها غلط في الرياض 100%. هي اللي معكرة صفي ومزاجي وحالتي وكل شيء. قالت أمي: لا لا. الخضار. الخضار يوسع الصدر. قلت: يما. اوكي. الخضار يوسع الصدر. اوكي. الخضار يوسع الصدر. يا يما. بس مو للدرجة ذي. طبعاً إحنا قاعدين نمزح. لأنه فعلاً في شيء. في شيء غلط أنا قاعد أسويه. فقلت لها: اللي لاحظته أنا يا يما إنه إحنا صدق اليوم في العصور هذه اللي إحنا عايشين فيها. للأسف عصر التكنولوجي. عصر التقنية. عصر الشغل على مكاتب وشاشات. قلت: يا يما. أول شيء فقدنا الشمس. هذا أول شيء. صرنا ما نتعرض للشمس بشكل طبيعي. بشكل يومي. يعني أطلع من البيت ما في شمس. على السيارة. مو قاعدة تلمسني الشمس بشكل مباشر لين أوصل المكتب. ما في شمس. أغلب طبيعة الناس كذا عملها اليوم. أو على نسبة كبيرة. خلينا نقول. في ناس لا تتعرض للشمس. بس أنا أتكلم عن الناس اللي ما يتعرضون للشمس. اوكي. العمل المكتبي. ففقدنا الشمس. هذا واحد. اثنين. صار نمط حياتنا يا يما مريح. ما عاد صرنا نبذل مجهودات بدنية مثل ما كانوا يبذلونها أجدادنا. كان الواحد منهم يقوم من أول الصباح يدبك ويشيل ويحط لين آخر الليل. أو لين تطيح الشمس. يعني اليوم إحنا مرتاحين على أسرة. ومن أسرة على كراسي. ومن كراسي على أسرة. وهكذا. ما في نشاط. ما في شيل. ما في حط. في أي تعب. هذا الشيء الثاني. ففي سويسرا كنا نتعرض للشمس يومياً. كنا نبذل مجهودات يومياً. يا يما نمشي. نمشي فعلاً مشي يهول. ونشيل ومعنا شناط وحط. وفعلاً فعلاً في مجهودات بدنية. هذا الشيء اللي فقدناه اليوم. قلت: بالإضافة يما إلى شيء اسمه جودة النوم. أنا أتوقع إنه في شيء غلط في موضوع نومي. وقتها بحثت عن إنه ليش أنا ماني قادر فعلاً أنام أكثر من أربع ساعات. وكان مقطع في اليوتيوب بسيط تكلم عن شيء اسمه الكواليتي أوف سليب. جودة النوم. وأول ما ذكر القهوة. فقال هو إن القهوة تأثر عليك حتى لو شربتها. ممكن تنام. بس نومك ما يكون جيد. ما يكون عميق. وبدأ يتكلم. ما تكلم عننا بالتفصيل مثل ما أتكلم عننا ماثيو. مثل ما قلت لك. لكنه كان بالنسبة لي إشارة إنه لا. ناصر عدل سلوك القهوة شوي. حاول تخلي القهوة مثل ما كانت في سويسرا. أول الصباح بس.

والملاحظة الأخيرة. قلت: يا يما. إن كنا ننام في الليل ونستيقظ النهار. إحنا اللي صار فينا من 2020. أغلبنا. حتى من قبل. في ناس كثير نام النهار وتصحى الليل. أو ينام ما يصحى إلا نص النهار. بعد الظهر. قلت: هذه السلوكيات يا يما. أتوقع هي اللي خلتني أوصل للحالة اللي وصلت لها في نهاية 2021. بالإضافة إلى أشياء جانبية أكيد. لكن هذه هي الكور. هي الأساس. هذه الأشياء اللي أنا فعلاً فقدتها عبر الوقت.

فعزمت يا يما: كوب قهوة واحد في الصباح. هذا واحد. أرجع للنادي وأتمرن بشكل يومي. كأولوية. مع الراحة أكيد في وصل الأسبوع. لكن لازم أتمرن. لازم أبذل مجهود قوي. مو بس حتى أتمرن. لازم ألهث وأنا أتمرن. لازم التيشيرت يرطب وأنا أتمرن. لازم معدل نبضات القلب يكون جداً عالي. لازم أتعب. لأنه هذه الغاية من التمرين. مو بني أروح أتمرن على جوالي. ولا أسولف. ويلا أحرك المشين. وعادي. وما في لا عرق. ولا في تعب. ولا في. لا. أبغى تمرين تمرين رجال. من الأخير يعني. كوب قهوة واحد في اليوم. تمرين يومياً. وأنام في الليل يا يمة. وأستيقظ في النهار. وأعرض نفسي للشمس. هذا القرار اللي أنا اتخذته. حاولت أطبقه في الرياض. ما قدرت. حرفياً ما قدرت. مشتتات. مشتتات. وأولهم أهلي. أنا قلت لهم هذا الكلام. قلت أهلي. أنتم من أكبر المشتتات حالياً. كان بإمكاني فعلاً إني أطبق هذا النظام. بس ممكن أزعل ناس كثير. ممكن أضايق ناس كثير. ممكن أفقد علاقتي بناس كثير. لأن الناس ما راح تستوعب. ش اللي أنا ناوي عليه. ش اللي أنا أبغاه أصلاً. فكون بس مجرد إنه يدري إني أنا فوق. ولا أبغى أنزل له. ما راح يستوعب. إنه لا والله. أنا أبغى أعدل نومي. أبغى أنام نوم الليل. وأستيقاظ النهار. مثل ما كانت الناس الطبيعية عايشة في الماضي. ولا راح يستوعب أمور كثيرة. وقال: يلا تعال. خلنا نطلع كافي. ما راح أشرب كافي. في تفاصيل كثيرة مزعجة. أقدر أطبق هذا النظام. بس ممكن أزعل ناس كثير. فقلت: اوكي. ليش ما أطلع من منطقة الراحة اللي أنا فيها هذه؟ وهب على دبي. وفعلاً انتقلت دبي. طبقت النظام مباشرة. مباشرة. 2023. ما أنساها. من بداية 2023. وأنا من قبل حتى. من أول ما انتقلت دبي. وأنا مطبق النظام. وفعلاً تعدل نومي بشكل مو طبيعي. نومي صار زي السيستم. تطق 10. طق. حاط راسي ونايم على طول. شيء مو طبيعي. فكنت فرحان فرح لا يوصف بحالتي المزاجية وحالتي النفسية. وقوة ذاكرتي. وجودة نومي. ونشاطي البدني. وإنجازي. وكل طاقتي خلال اليوم. يا رجل رجعت مثل ما كانت. كنت جداً جداً مبسوط بهذا الشيء. فلما جاء يوم من الأيام. في مشاركة الشريك الأدبي. كنت مسافر من الرياض للدمام. فللأسف نسيت كتابي. وقتها تقرأ كتاب ديفيد جاجن. كانت هرت مي. لا يمكن إيذائي. مستحيل. مستحيل أركب الطيارة من دون كتاب. لو تخنقني. فمرت. ولقيت في فرع لـ أحد الجهات اللي تبيع كتب. ما أبغى أسوي لها دعاية. هوب. لمحت كتاب "لماذا ننام". قلت: لحظة. الكتاب هذا أنا من أول أنا شايفه. حاطه في راسي من زمان. من أول ما صدر أصلاً 2017. خلينا ناخذه ونترجم بعد. يا سلام سلم. لأنه واضح إنه مادة دسمة. واضح من حجم الكتاب. وفعلاً والله أخذت الكتاب. وفتحته. وبديت أقرأ فيه في صالة الانتظار ذاك اليوم. الله يا المتعة. أنا قبل أشتري الكتاب كنت متردد. لأني كنت أقول: خ ش بيضيف لي؟ أنا أوريدي عارف جودة النوم. والحمد لله عرفت شيء بسيط عنها وعدلتها. ما أحتاج الكتاب. لكن في فضول للمعرفة. أبغى أعرف ليش هذا الكتاب كان عليه ضجة في 2017 أو 2018. كان ص صدق عليه ضجة. يعني إنه هذا الكتاب عظيم. قلت: يلا يا ناصر. انتبه تعتقد إنك تعلم. ها. لا تنسى. أول ما تقول: أعلم. مكتفي. أنت جاهل. خذ الكتاب. ولا أكثر. وفعلاً خذت الكتاب وقريت. وعرفت إني لا أعلم شيء عن النوم. أي والله. الكتاب شرحته لك يا صديقي الجميل في سلسلة. الآن ممكن تكمل. هي عشر فيديوهات. مع المقطع اللي بيكون مجمع كل شيء.

وصدقني انا ما شرحت لك من الكتاب الا تقريبا 30 الى 40% خلنا نقول يلا ما ابغى بالغ 50% من الكتاب. واللي شرحت لك في هذه السلسله ما خفيه كان اعظم وراح انزله لك باذن الله. بس عشان ما ازعجك واصدقك وتكون السلسله جدا طويله راح تكون في المحتوى الخاص لقناه دوبا ميكا. في ممكن تكون الفيديوهات ام اكصر ممكن تكون اطول ايا كان لكني انا بحط في عين الاعتبار اني لازم اصورها ولازم انقل لك المعلومه. فان كنت تبغى المعلومه الاضافيه الاشياء اللي كانت تتكلم عن مثلا صحه القلب الزهايمر ضغط الدم اشياء كثيره كثيره متعلقه بامراض وما امراض في ناس ما تحب تسمع الكلام هذا ف بنحطه لكم في المحتوى الخاص باذن الله او ممكن نستعين بشخص يقدم لكم هذا المحتوى. هذه بتكون احدى مفاجات دومي كافين في السنه الجايه.

عموما حبيت اذكر لك قصتي مع النوم لانها فعلا اثرت علي نفسيا وهي اللي فعلا اجابت عن ليش احنا اليوم فعلا نصاب باضطرابات نفسيه كثيره عكس الماضي لاننا فقدنا رتم الحياه الطبيعي يا صديقي الجميل. فبالتالي ارجوك خليني انا وياك نتعاون ونعيدها سيرتها الاولى خلنا نرجع عايشين مثل قبل في القرن ال 21. خلنا نطلع كل يوم خلنا اول شيء خلنا ننام في الليل ونصحى في النهار. الناس اللي عندها عذر ومضطره تصحى في الليل ما اتكلم عنكم انا اتكلم عن الناس اللي لا تفضل السهر. خلنا ننام خلنا ننام في الليل مثل ما كنا ونصحى في النهار مثل ما رب العالمين خلقنا على هذه الهيئه. والشيء هذا ونتعرض للشمس بشكل يومي لو ع دقائق او ربع ساعه اول النهار او نهايته ما قدرت على اول النهار او نهايته يا عمي اطلع واقعد خمس دقائق في الظهر عادي م مشكله اهم شيء تعرض للشمس. صدقني الكون مصمم انه يحميك من شعه فوق البنفسجيه من الاخير يعني وثقب الاوزون بعيد كلب عننا لا تطول في شمس الظهر لكن صدقني انها مو مضره لو جلست فيها ثلاث دقائق الى اربع دقائق ترى مو مره مضره يعني عكس ما يشاع من كلام للاسف غير صحيح. فتعرض للشمس فنام في الليل واصحى في النهار وتعرض للشمس وخفف قهوه وارجوك حافظ على نشاطك البدني وحافظ على صحه غذائك لان الغذاء شيء مو بطبيعي اثره عليك على المستوى النفسي وعلى النوم وعلى الصحه وعلى كل شيء مو بطبيعي حتى على الطاقه مو بطبيعي. ارجوك انا ممكن اشرح لك كتاب عن الغذاء في يوم من الايام اذا ودك ما عندي مشكله بس اهم شيء لازم تقتنع ان الاشياء اللي ذكرتها لك هذه نوم ليل استيقاظ نهار تعرض للشمس نشاط بدني وغذاء صحي مهمه جدا جدا في حالتك النفسيه والصحيه والبدنيه والعقليه والذهنيه وكل شيء يا صديقي الجميل الى درجه ما تتصور.

حبيت اشارك تجربتي الشخصيه انا ما وصبت في الكتياب انا متاكد ويني وين الكتياب هي مو بعد من هب ودب اصيب بالاكتئاب لكن قد يصاب باضطرابات مزاجيه قد تصاب باضطرابات ذهنيه وانا هذا اللي حصل لي انا اتوقع ان الاكتئاب طالع فيني قال ها بتتعدل ولا ولا كيف فالحمد لله وضبط وضعي وضبطت نفسيتي وطاقتي الى هذا اليوم. حبيت انقلك هذه القصه من واقع تجربتي الشخصيه مو بقصه قصها ماثيو ولا شيء من تجربتي الشخصيه. وممكن انت تشاركني تجربه من تجاربك الشخصيه مع النوم اذا كانت لك تجربه او اذا على الاقل طبقت اللي قلناه احنا في الفتره هذه وفعلا لقيت منه اثر يا ريت تكتب لي صدق اني بقرا التعليق حتى لو ما تجاوبت معه صدقني بقراه ان شاء الله انا اسرع بالنسبه لي اني اقرا التعليقات من اني اقرا وارد عليها فهمت شلون. فاتمنى ان تكون هذه السلسله نالت اول شيء على رضاك واستحسان وفادت وهذا هو الاهم يا رب انها تكون فادتك او انها تكون فادت شخص انت شاركت السلسله هذه معه. فاذا عجبك هذا الفيديو من هذه السلسله تقدر تعطينا عليه لايك وتشاركه مع من تحب للناس اللي تحب تاكل وهي تتفرج وتسمع قصص ولا يشغلوني قبل لا ينامون اهم شيء ينامون ما عندي مشكله شغلني قبل تمس اهم شي ينام.

وبكذا يا صديقي العس تكون انتهت جرعه من اعظم الجرعات اللي تكلمنا عنها في هذا القناه يا صديقي الجميل الكتاب هذا مره مره انا متيم فيه طايح في غرامه فالله ينفع بها الامه يا رب العالمين وشكرا من اعماق القلب على استماعك وعلى انصاتك وعلى تطبيقك للمعلومات او مشاركتها ان فعلت شكرا يا صديقي العسل على وقتك اكيد اكيد وقتك اللي هو اتمن ما تملك السلام عليكم ‏h