إيران تبدأ تحريك صواريخها تجاه الخليج بعد اقتراب قاذفات نووية أمريكية

السلام عليكم، ازيكم؟ لينسي جراهام، النائب المقرب جداً من دونالد ترامب، طلع قال: "على فكرة الليلة دي شكلها الليلة موعودة." وحقيقة كلام لينسي جراهام كلام مهم جداً، خاصةً إن طلعت أخبار النهارده إن في طيارات أمريكية، وفقاً للمواقع الإسرائيلية، طيارات أمريكية وقاذفات من طراز بي 52 وطيرات تزود بالوقود بتطير قرب المجال الجوي الإيراني، ما ينذر إن أمريكا فعلاً ممكن تضرب إيران عسكرياً بشكل كبير.

الحقيقة الأمور دي في منتهى الخطورة، بس هيفضل سؤال واحد بس، سؤال مهم: دونالد ترامب بقى له أربعة أيام كل يوم يطلع يهدد إنه هيضرب إيران، صح؟ ليه ما ضربهاش؟ ده سؤال مهم جداً. على فكرة الموضوع مالوش علاقة برد فعل إيران، على قد ما له علاقة بالداخل الأمريكي. ليه دونالد ترامب ما قامش كده وقام ضارب إيران فجأة؟ ليه؟ ده سؤال جاوبت عليه "جالت تايم" الأمريكية، والحقيقة الإجابة دي لا يمكن تخطر على بالك، لأن على فكرة هم حاطين ثلاث سيناريوهات وقالوا لك: "هم ما لهمش رابع خلاص." ودي الخيارات قدام دونالد ترامب، ودونالد ترامب هيعمل إيه بالظبط؟

أرجو إن حضرتك تشوف الفيديو ده للنهاية، لأن هيفسر لك حاجات كتيرة جداً بتحصل داخل إيران وحصلت خلال الساعات الماضية، تكشف لك السيناريوهات وقدام دونالد ترامب، وليه دونالد ترامب مش عاوز يكشف إيران لحد دلوقتي. كلام خطير جداً هتسمعه لأول مرة. بس طبعاً عشان أقول لك وأكشف لك الكلام ده كله، قبل ما أخش في الموضوع، قبل ما أكشف لك التفاصيل، خليني أقول لك إن إحنا معانا راعي قوي جداً ومحترم جداً، وهو "أبشر بزنس".

لو عاوز توسع شغلك في السعودية والإمارات وما عندكش وقت تدور كتير ولا تمشي ورا إجراءات وتضيع وقت، يبقى لازم أقول لك على حل من الآخر، لأن ناس كتيرة قوي بتبقى عاوزة تتوسع في السعودية والإمارات، وهنا هم بيسألوا كتير، بس صدقني السؤال الكتير ده بيصدمك بآراء مختلفة، وكل واحد يقول لك رأي مختلف، وقليل جداً ممكن تعتمد عليه. عشان كده أنا برشح لك "أبشر بزنس"، ناس محترفة وعارفين هم بيعملوا إيه، ولما بيساعدوك كأنهم بيساعدوا نفسهم بالظبط، مش مجرد عميل.

أنت مش محتاج تسيب شغلك وتمشي ورا إجراءات وورق وتضيع وقت، ولا تدخل نفسك في متاهات. هم بيظبطوا لك كل حاجة من أول ما تفكر لحد ما شركتك تشتغل. غير كده، الناس في "أبشر بزنس" محترفة للغاية، والشفافية عندهم مش مجرد كلام، ده سيستم ماشي بيه الفريق كله، وكل خطوة واضحة ومفهومة. "أبشر بزنس" بتخلص لك الرخص التجارية الخاصة بشركتك، مش بس كده، بيخلصوا لك تأشيرات الإقامة، برضه بيخلصوا لك الحسابات البنكية الخاصة بشركتك اللي بتدوخ ناس كتيرة جداً. كل ده بشفافية كاملة وأسعار واضحة من أول خطوة. مش بس كده، "أبشر بزنس" بتقدم لك استشارات في الضرائب والتسويق والمحاسبة وتسجيل العلامات التجارية، يعني بيخلوك تبدأ شغل على طول من غير ما تضيع وقت. صدقني، لو عاوز تتوسع في الخليج، يبقى "أبشر بزنس" هو المكان الصح. هسيب لحضراتكم الرابط بتاعهم في الوصف أسفل الفيديو لو حابب تتواصل مع "أبشر بزنس"، وبرشحهم ليك بشدة.

نخش في الموضوع على طول. نخش في الموضوع على طول. الجديد اللي معانا النهارده ممكن يكون مختلف بالنسبة لحضرتك وأول مرة تسمعه فيما يخص قطع رأس إيران. إيه اللي حصل؟ اللي حصل إن خلال الساعات الماضية في تطورات كبيرة جداً، وفقاً لجريدة "نيويورك تايمز"، قالت لك: "على فكرة النظام الإيراني ما بقاش فقط يعني بيحاول يحتوي مظاهرات، لا ده ابتدى يرتكب مجازر." ولازم تعرف إن النظام الإيراني في التلفزيون عمال يظهر إن والله الشوارع فاضية وإن كل حاجة تمام. وبالمناسبة، لو دخلت على مواقع التواصل الاجتماعي اللي ليها علاقة بإيران، هتلاقيهم عاملين يظهر لك شوارع ما فيهاش ناس وحركة المرور ماشية زي الفل.

بس "نيويورك تايمز" تقول لك: "ما تبصش على الشوارع، لازم تبص على المستشفيات." المستشفيات، أنت بتتكلم على قرب 600 قتيل وأكثر من 10500 متظاهر تم إلقاء القبض عليهم، ولازم تعرف إن في 50 رجل أمن اتقتل. ده يقول لك إن النظام خد قرار بمواجهة المظاهرات، مش بس مواجهتها، لا ده أخمدها بالقوة. هيخمد مد المظاهرات بالقوة، خاصةً النظام خامنئي وهو بيخمد المظاهرات ابتدى يلاحظ إن في حركات مسلحة طلعت ضده. فابتدى النظام إيه؟ ما يستخدمش شرطة الباسيج فقط لاحتواء المظاهرات، لا ده ابتدى يرفع السلاح بشكل كثيف جداً وابتدى إنه يطلق النار على متظاهرين، وممكن يتم إطلاقها على مشايخ، يقعد يقتل في الناس بشكل كبير جداً.

والحقيقة إن "نيويورك تايمز" تقول لك: "بالطريقة دي يبقى المرشد خامنئي أدى إجابة واضحة لدونالد ترامب، ماشي." وإن مرشد خامنئي لازم تعرف إنه مش بس رد بطريقة كلامية، إن والله طلع في خطبة قصاد الناس وقال لهم: "إيران مش هتستسلم، وإن النظام الإيراني هيظل." والكلام ده كله. لا، ده خامنئي وصل رسالته بالقوة، بدون الربط على أرض الواقع.

"روی کاغذ دارن نقشه جهان تغییر میدن." (بالفارسية: على الورق يرسمون خريطة العالم.) "يجلس الأمريكيون ويعملون على رسم خريطة مغيره للعالم حاليا." هذا على الورق طبعا وليس امرا واقعا. "هم يطلقون التصريحات بشاننا ايضا ويهددوننا، ان قاموا بتهديدنا فسنرد بالمثل، وان نفذوا تهديداتهم فسنقوم بتنفيذ تهديداتنا كذلك."

والحقيقة إن ده يوريك قد إيه إن مظاهرات في إيران أصبحت خطيرة على النظام، وفي نفس الوقت يوريك قد إيه النظام ما زال متماسك لحد دلوقتي وما زال مصر على إنه هيواجه مظاهرات للنهاية. حلو؟ تقدير إسرائيل إيه للموضوع اللي بيحصل في إيران حالياً؟ والله وفقاً للإعلام الإسرائيلي، لازم تعرف إن تقدير الموقف في إيران اللي والله المظاهرات دي مش هتسقط النظام حالياً. المظاهرات دي عشان تلاقي لها أثر لازم تستمر. تستمر قد إيه؟ هم ما قالوش، بس هو بيقول لك لازم المظاهرات دي تستمر وقت أكبر، ساعتها هيحصل شروخ في النظام الإيراني. إنما المظاهرات تبتدي تخف أو المظاهرات اللي زي دي يبتدي متظاهرين يقلوا في الشوارع، خلاص ما عملتش حاجة. فده تقدير إسرائيل للموقف.

وخلي بالك نتنياهو بيعقد على طول اجتماعات أمنية مع وزرائه لتقييم موقف بالنسبة لإيران. ماشي.

"تراقب إسرائيل عن كثب التطورات في إيران، وقد امتدت المظاهرات المطالبة بالحرية في جميع أنحاء البلاد. ويبدي شعب إسرائيل والعالم أجمع إعجاباً كبيراً بالشجاعة الهائلة التي يتمتع بها المواطنون الإيرانيون. نأمل جميعاً أن تتحرر الأمة الإيرانية قريباً من نير الاستبداد، وعندما يحين ذلك اليوم، ستصبح إسرائيل وإيران من جديد شريكين مخلصين في بناء مستقبل من الازدهار والسلام لكلا الشعبين."

على الجانب الآخر، لازم تعرف إن النظام الإيراني ما اكتفاش فقط إنه يواجه متظاهرين برغم التهديدات الأمريكية، لا ده لازم تعرف إن رئيس مجلس النواب الإيراني امبارح طلع قال: "إن لو أمريكا تدخلت وضربت إيران بأي شكل أو مثلت تهديد على الأمن القومي الإيراني، لازم تعرف إن إيران هتطلق 500 صاروخ على إسرائيل وعلى القواعد الأمريكية."

"لدي رسالة للرئيس الأمريكي دونالد ترامب: انتبه ألا تكون النصائح التي تُسدى إليك بشأن الهجوم على إيران من نفس صنف المشاورات التي زعمت بموجبها أن مدينة مشهد قد سقطت. لذا وتجنباً للوقوع في حسابات خاطئة، اعلم أنك إذا أقدمت على اتخاذ إجراء لمهاجمة إيران، فإن إسرائيل وكافة المراكز والقواعد والسفن العسكرية الأمريكية في المنطقة ستعتبر أهدافاً مشروعة لنا."

طيب، اللي بيصرح ده رئيس البرلمان الإيراني. يعني ده مش نائب في البرلمان، ده مش رئيس إيراني اللي هو مسعود بشكيان، اللي هو راجل على فكرة مش عاوز يوجه الأمريكان، مش عاوز يتضامن مع الأمريكان. ماشي؟ بس ده رئيس البرلمان. هو من الآخر كده، وتحس كده إن إيران بتحاول تذكر أمريكا إن أي خيار أمريكا هتلجأ له، لازم تعرف إنه هيكون ثمنه غالي جداً، وأي تحركات عسكرية هيكون ثمنها غالي جداً.

طب إيه الوضع في أمريكا؟ والله الوضع في أمريكا إن والله دونالد ترامب اجتمع مع بعض من الجنرالات بتوعه، ولازم تعرف إنه المفروض يوم الثلاثاء هيحصل اجتماع بحيث إن الجنرالات يقدموا له الخيارات العسكرية اللي ممكن دونالد ترامب يلجأ ليها لضرب إيران. وقال إن والله دونالد ترامب لو اتدخل في مسألة ضرب إيران دي، لازم تعرف إنه هيتدخل بمنتهى القوة. هو مش مش هيتدخل بشكل عادي، لا ده هيوجه ضربات بمنتهى القوة، أو ده اللي طالع من عند دونالد ترامب.

طيب، سؤالي: المظاهرات دي عمال كل يوم تسمع إن فيها قتل وإن المتظاهرين بيتقتلوا، وكل تهديدات دونالد ترامب ما نفعتش مع النظام الإيراني، ليه دونالد ترامب ما تحركش لضرب إيران؟ هو ده السؤال اللي جاوبت عليه "جالت تايم". "جالت تايم" الأمريكية بتقول لك إيه؟ بتقول لك: "خلي بالك، دونالد ترامب عمال يهدد كل شوية وعمال يهدد نظام إيران وهينتقم وهيعمل والكلام ده كله، بس هو ما تحركش، لأن صدقني دونالد ترامب ما عندوش خيارات جيدة في التعامل مع إيران." ماشي؟ وما عندوش حتى خيارات متوسطة. كل الخيارات اللي قصاد دونالد ترامب خيارات سيئة، كلها سيئة. واللي فرض عليه الموضوع ده هو تصريحاته. تصريحات دونالد ترامب، لأن دونالد ترامب بعد خطف مادورو، جاله حلقة من الثقة والغرور بشكل كبير جداً إنه يمكن يتدخل في أي ملف، وإن رسالة خطف مادورو دي تطبق على أي دولة في العقل. شوف قد إيه، وإن لازم كل الناس تخاف من أمريكا.

طيب، الكلام ده دعاه إنه يقعد يهدد النظام الإيراني بشكل كبير، ولازم تعرف إن اللي مسخنه في الموضوع ده نتنياهو. نتنياهو آخر مرة كان موجود عنده، قعد يقول له: "دول بيسلحوا نفسهم، برنامج الصاروخي الإيراني، خلي بالك كريس، إحنا عاوزين نتحرك." والكلام ده كله. فالراجل لقى مظاهرات ولقى بقى كلام نتنياهو، فالراجل أصلاً سخنان على موضوع الإضاءة. ودونالد ترامب حالياً عاوز يخلص كل الملفات، وسنة 2026 هو عام الانتقام بتاع دونالد ترامب وعام المواجهة العسكرية بتاع دونالد ترامب. حلو.

"Speaking of Iran, I hope they not trying to build up again because if they are, we're going to have no choice but very quickly to eradicate that build up. So I hope Iran is not trying to build up as I've been reading uh that they're building up weapons and other things. And if they are, they're not they're not using the sites that we obliterated, but they're using possibly different sites." (بالإنجليزية: بالحديث عن إيران، آمل ألا يحاولوا البناء مرة أخرى، لأنه إذا فعلوا، فلن يكون لدينا خيار سوى القضاء على هذا البناء بسرعة كبيرة. لذا آمل ألا تحاول إيران البناء مرة أخرى كما قرأت أنهم يبنون الأسلحة وأشياء أخرى. وإذا فعلوا، فهم لا يستخدمون المواقع التي دمرناها، بل ربما يستخدمون مواقع مختلفة.)

خلي بالك أبرز حاجة في الموضوع إيه؟ أبرز حاجة إن دونالد ترامب شاف إن في التعامل مع إيران بالذات روسيا والصين تحركوه، واللي أكد له الموضوع ده إنه خطف مادورو وروسيا والصين ماتحركوش. فهو شايف إن ملف إيران ده هو بيتعامل فيه بمنتهى الاريحية، لأن هو ما فيهوش أبعاد عالمية.

طيب، تعالى نمسك بقى بقى السيناريوهات اللي قالتها "جالت تايم"، اللي كلها سيئة بالنسبة لدونالد ترامب. قال لك إيه؟ أول حاجة قال لك: "خلي بالك، دونالد ترامب دلوقتي في أول سيناريو يرد بيه على اللي بيحصل في إيران ده، يقوم بحاجة ظريفة كده، يوجه القاذفات البي 52 اللي بتطير قرب المجال الجوي لإيران ويقول لها: خشي اضربي إيران." بس تضرب مراكز للجيش، مراكز قيادة وسيطرة، تضرب قواعد، تضرب منشآت بحرية مثلاً. ممكن تقوم بضربات قوية لكن رمزية. يعني إيه رمزية؟ يعني ضربة في ليلة واحدة ويمشوا.

طب ليه أمريكا هتلجأ لضرب في ليلة واحدة؟ قال لك والله لما تيجي تبص هتلاقي إن ما فيش حاملات طائرات في الخليج العربي، صح؟ فده يقول لك إيه؟ ده يقول لك إن خيارات الجيش الأمريكي لتوجيه ضربة لإيران بتتم بخيارات محدودة. يا إما القاذفات دي هتطلع من أوروبا، يا إما والله هتطلع من القواعد الخليجية. وأديك شايف إن الخليج أصدر أمر لدونالد ترامب من أيام حرب الـ 12 يوم، قالوا له: "ما تستخدمش قواعدنا لضرب إيران." فدونالد ترامب عشان يواجه إيران بضربة عسكرية هتبقى بقى قاذفات بتتحرك من أوروبا، ما معناه إنها هتبقى ضربة مكلفة جداً، ما ينفعش إنها تستمر كذا يوم. ماشي كده؟ لأن الراجل ما عندوش أصول في الخليج يعرف يحركها لضرب إيران. قواعد مقفولة، بس في نفس الوقت الراجل مش عايز يتكلف. ودي سياسة دونالد ترامب بعد خطف نكروس. ما الراجل ما بيحبش يخش في حرب طويلة.

طيب، لو دونالد ترامب عمل كده، إيه اللي هيحصل؟ لو دونالد ترامب دخل وضرب قواعد عسكرية إيرانية ومشي، لازم تعرف الدنيا هتتقلب في إيران. أول حاجة المتظاهرين هيشوفوا إن دول دونالد ترامب. متظاهرين في إيران هيشوفوا إن دونالد ترامب بعت ليه؟ لأن هو أولاً لما وجه الضربة العسكرية دي ما خلى النظام ينهار، صح؟ وخلى النظام في موقف أقوى. النظام أثبت إن المتظاهرين دول بيتحركوا استجابة لدعوة من دونالد ترامب، أو إن هم بيدعوا دونالد ترامب لضرب إيران واعتداء على بلدهم.

"بين شوارع إيران المشتعلة بالاحتجاجات وغرف القرار في واشنطن يتصاعد سيناريو بالغ الخطورة. الرئيس الأمريكي دونالد ترامب يتلقى إحاطات بخيارات لضربات عسكرية محتملة ضد طهران في رسالة ضغط غير مسبوقة على خلفية قمع المتظاهرين."

هيبقى النظام قادر إنه يقمع المتظاهرين أكتر، وهتبقى قواته بتتعامل مع متظاهرين مش هي بتتعامل مع متظاهرين. الحرس الثوري الإيراني هينزل ويتعامل مع متظاهرين وهيقتلهم على المشاعر. ورقم 600 اللي أنت شايفه ده، اللي هو رقم مش حقيقي باعتراف الإعلام الإسرائيلي نفسه، لأن الأرقام دي ممكن تكون متضاعفة، بس اللي بيظهر في الإعلام مش قد يعني. ساعتها هتلاقي الرقم ده اضربه في خمسة في ستة، لأن الحرس الثوري لما ينزل هيبقى رافع مدافع ورافع بقى أسلحة فتاكة والكلام ده كله، وهيعتبر المتظاهرين دول إنه بيتعامل مع الأمريكان أو بيتعامل مع الصهاينة، هيقتلهم كلهم خلاص. وأي حد هينزل الشارع هيتقتل. أمر واضح جداً. فده أمر. الأمر الثاني: منظر أمريكا هيبقى زي الزفت. أنت يا باشا قعدت تهدد كل يوم، في الآخر جيت ضربت لي قاعدة ولا مخزن صواريخ ولا منشأة عسكرية بحرية؟ إيه الكلام الفارغ ده؟ فالهيبة والنجاح اللي أنت عملته في فنزويلا أصبح لا شيء باللي أنت عملته. أنت ضيعته باللي عملته في فنزويلا.

"رابعاً: أنت ستعطي فرصة للنظام الإيراني للانتقام. سيذهب ليضرب إسرائيل. لن أقول لك إنه سيضرب القواعد الأمريكية فيك، لا. أدام أنت ضربته ومشيت، سيذهب ليضرب إسرائيل." فانت خسران في كل حاجة. وضربة ما كانش ليها أي أثر، ممكن مالهاش أي حاجة. بس.

طيب، تعالوا نروح للسيناريو الثاني. تستغل نجاحك في فنزويلا وتقوم بـ "ديكابيتيشن". يعني إيه؟ "ديكابيتيشن"؟ تقطع الرأس. تقطع الرأس. خش يخطف المرشد. وعلى فكرة الصهاينة كانوا عارفين مكان المرشد في حرب الـ 12 يوم وطلبوا من دونالد ترامب إنهم يختلوا المرشد. دونالد ترامب قال لهم: "لا." طيب، دونالد ترامب دلوقتي شايف إن أي عمل عسكري مش هيجيب فايدة. خش يا باشا واخطف المرشد. قال لك: "أنت لو خطفت مرشد، لازم تعرف إن كل الخيارات اللي داخل النظام الإيراني أكثر تشدداً وتهوراً." وأي قائد هيجي جديد مش هيبقى قوي زي المرشد، لأن لازم تعرف إن أنت بتتكلم، المرشد بالنسبة للنظام الإيراني هو رمز. رمز ممكن يكون ديني كمان، مش رمز سياسي فقط. رمز الناس في النظام الإيراني يجب إن هم يستمعوا ليه ويطيعوا أوامره. ودي حاجة ليها علاقة بالعقيدة وحاجة ليها علاقة بالنظام اللي أسسه الخميني والكلام ده كله. فده رمز ديني ورمز سياسي والكلام ده كله. فانت لو خطفته، هيجي لك بقى ناس أولاً متشددين، ثانياً ما عندهمش القدرة إن هم يحكموا زملائهم، لأن كل القادة كلهم زي بعض تقريباً في إيران. فانت هتبتدي تشعل الفوضى داخل النظام الإيراني، وبالتبعية هتشعل الفوضى داخل إيران. والفوضى داخل إيران ممكن يتبعها عمليات مسلحة، وهتبقى أنت برضه خسران وما ساعدتش الثوار. أنت كده كأنك قعدت سيناريو العراق بس بطريقة مختلفة. ما عملتش غزو وما نزلتش بجنودك على الأرض واحتليت، بس أنت مجرد ما تقطع رأس لنظام إيراني. أصل النظام الإيراني مش زي نظام مادورو. ماشي؟ أو زي نظام فنزويلا. نظام فنزويلا ده نائبه الرئيس راحت بلغت على الرئيس وراحت قعدت مع القطريين والأمريكان وقالت لهم: "الرئيس ده نسلمه ونعمل إيه؟" والكلام ده كله. إنما النظام الإيراني، أتباعه مش خون. ماشي؟ يعني أتباع النظام الإيراني مش عاوزين يسلموا. فانت هنا بتتكلم إن أنت هتخش تعمل فوضى في إيران غير طبيعية ومش هتخلي نظام أضعف، بس هتخليه أكثر تطرفاً، إنه هيبقى عاوز ينتقم، وانتقامه المرة دي هيكون انتقام نوعي خلاص.

فأول حاجة هينتقم فيها مين؟ المتظاهرين. ماشي؟ فده أول، خلي بالك، أي سيناريو المتظاهرين هم بيدفعوا الثمن.

فقال لك: "أنت كده بوظت الدنيا بالديكابيتيشن ده." فنزويلا ينفع، ينفع فيها. ما ينفعش فيها. قال لك إيه؟ السيناريو الثالث بقى، واسمع الجديد بقى. قال لك: "هو ده أحسن إيه؟ أحسن سيناريو." قال لك: "يا باشا، بص، أنت اضرب إيران، بس مش ليلة واحدة. أنت قعد مستمر لضرب النظام الإيراني، ونفس حرب الـ 12 يوم دي عيدها. إن أنت يبقى لك سيادة جوية، مسك الجو في إيران، كل هدف عسكري تتحرك فيه بمنتهى الاريحية، تقضي على منظومات الدفاع الجوي، خش بهدل إيران وهاتك بقى يا قواعد عسكرية كل يوم، وأي قاعدة عسكرية أو أمنية بتشوف إنها بتواجه متظاهرين، تقعد تضربه بحيث إن أنت تضعف النظام الإيراني عن جد أو عن حق وتخليه في منظر سيء جداً، يستطيع المتظاهرين إن هم يقلبوا المشاكل."

بس الراجل هنا بيقول لك إيه؟ بيقول لك: "خلي بالك، الموضوع ده كان موجود عند الصهاينة في حرب الـ 12 يوم، وهم اللي ما استحملوش." يعني الصهاينة كانوا ماسكين الجو في حرب الـ 12 يوم دي بتاعة يونيو 2025 دي، وكانوا بيتحركوا بمنتهى الحرية في سماء طهران نفسها، وكان عندهم شبكة من الجواسيس إيران ما تعرفش عنها حاجة، وكانوا كانوا مغفلين النظام الإيراني وخدوه على حين غرة، وكان كل الأمور تقول إن لو إسرائيل عاوزة تكمل في الحرب دي، لازم تعرف إن النظام الإيراني كل يوم بيضعف. ماشي؟ بس إسرائيل ما عرفتش تكمل نتيجة للقذف الصاروخي كل يوم. الأمر الثاني، لازم تعرف عشان أمريكا تقوم بعملية عسكرية زي كده، لازم تحرك أصول، عاوز وقت، وأنت ما تعرفش أصلاً المتظاهرين هيفضلوا صامدين قد إيه. ما هو أنت لما تجيب حاملات الطائرات دي، حاملات الطائرات مش بتيجي في يوم، تاخد لها شهر عشان تجي لك هنا في المنطقة بتاعتك. فانت هنا بتتكلم كلم إن المظاهرة مش هتفضل شغالة. ولو جيت تقوم بعملية عسكرية من القواعد الخليجية، الخليج هيقول لك: "لا."

وبمناسبة حتة الخليج هيقول لك: "لا" دي، وإن أمريكا لازم تستخدم القواعد الخليجية، لازم تعرف إن الطيارات الخبر اللي أنا قلته في المقدمة إن في قاذفات بي 52 وطيارات تزود بالوقود طالعة من قاعدة الحيتين قط. فأمريكا ما عندهاش قواعد قريبة من إيران تعرف تشن بيها غارة يومياً أو غارات يومياً تضعف بها النظام الإيراني. فدي الأمور الحالية.

وقال لك: "السيناريوهات الثلاثة دي تكتشف فيها إيه؟" تكتشف إن الرئيس الأمريكي ما عندوش أي سيناريو فعال ولا سيناريو قابل للتحقق يقدر يساعد بيه المتظاهرين. والراجل للأسف إنه لازم يعمل حاجة. ماشي؟ وأي حاجة، شوف بقى أي حاجة هيلجأ لها دونالد ترامب، دون العمل العسكري، هيبقى برضه بيبيع المتظاهرين. ليه؟ مثلاً لو دونالد ترامب وسع في العقوبات على نظام إيران، هكس المتظاهرين نزلوا الشارع عشان في يقين إن دونالد ترامب هيخش. لو النظام الإيراني ابتدى يقتل فيهم، صح؟ فأنا كمتظاهر نزلت عشان أقلب أنت بالنظام في إيران عشان أنت وسعت العقوبات عليه. الكلام فارغ ده. أمر.

الأمر الثاني: هتقوم بهجمات سيبرانية ضد بعض القواعد العسكرية الإيرانية. هي إيران فيها نت أصلاً؟ معلش يعني. إيران ما فيهاش نت. وبمناسبة الهجمة السيبرانية دي، أمر واقعي يعني، ده مش مش تأليف من الكاتب. لأن خلي بالك دونالد ترامب طلع من كام ساعة وقال لك: "أنا هتكلم مع إيلون ماسك فيما يخص الإنترنت في إيران."

وبمناسبة الإنترنت في إيران، خليني أقول لك بس تعالوا على جنب كده. إيلون ماسك حرك الأقمار الصناعية بتاعته ستارلينك عشان يدي إنترنت في إيران، صح؟ طب هم إيران عندهم الأطباق اللي تستقبل الإنترنت بتاع ستارلينك ده؟ خلي بالك الإنترنت بتاع ستارلينك اللي هي الأقمار الصناعية اللي بتبث الإنترنت لازم لها أطباق مخصوصة تستقبل النت. هل الإيرانيين عندهم الأطباق المخصوصة؟ عندهم؟

"قال إنه يعتزم التحدث إلى إيلون ماسك بشأن استعادة الإنترنت في إيران بعد أن قطعت السلطات هناك خدمة الإنترنت، واصفاً خيار تزويد المتظاهرين بالإنترنت من شركة ستارلينك بأنه جيد."

كان عندهم على يعني إيلون ماسك لما حرك ستارلينك عشان يدعم إسرائيل بالنت في حرب الـ 12 يوم، عندهم الأوكرانيين عندهم. إنما في إيران هيجيبوه منين؟ فدي أمور يجب إن أنت تبص لها بشكل كبير جداً. في تحرك تاني غير العمل العسكري. الإيرانيين نفسهم مش هيشوفوا إن هو حاجة فعالة أو حاجة مهمة أو تساعدهم أو أي حاجة. هيبقى دونالد ترامب فقد كثير من مصداقيته بعد تحويل نجاحه الباهر في فنزويلا. في الآخر، يا رب أكون شرحت لحضرتك الموضوع بشكل مبسط. ويا رب ينصر العرب ويا رب ينصر فلسطين. يا تحيا مصر. سلام.

"انت مش عارف احنا مين؟ احنا اللي الناس بتجيلنا من كل مكان علشان تشوف بلدنا. احنا اللي علينا العين. احنا حضارة بقى لها سنين والعالم مش عارف سرها. احنا خفة دم بتضحك القلب. [موسيقى] وكرم بيتضرب به المثل. [موسيقى] جدعنة وشهامة مش موجودة في زمننا. ورحمة بتطلع من عينينا قبل قلبنا. لا إله إلا الله. احنا بسمة بتفتح ألف باب. [موسيقى] أكله حلوة بتدي بلدنا طعم. احنا الأمانة والذكرى الحلوة اللي ما بتتنسيش. احنا حكاية حكاية تعجب. خلي أفعالنا تحكي عنا. ربنا ربنا أدانا نعمة لازم نحافظ عليها ونوريها للعالم كله. وري ضيوفنا احنا مين؟ احنا مصر يا محروسة بسيف شاطر وسيف حارس عليك يا مين. ومن فوق السماء السابع حاميك رب العالمين."