إسرائيل تحت القصف.. وإيران تصنع ترسانة صواريخ متطورة تحت الجبال ومخزون الصواريخ الأمريكي ينفد

السلام عليكم، ازيكم؟ التقديرات العسكرية كانت بتشير أن إيران تمتلك 5000 صاروخ مختلف الأنواع، وعندها قرابة 10000 مسيرة مختلفة الأنواع. والحقيقة أن الأرقام دي كانت طالعة في المواقع العسكرية ونشرات الأخبار، والمحللين كانوا بيتكلموا أن دي مخزونات.

بس الواقع أننا هنا قدام كارثة. ليه؟ لأن خلي بالك، لما تيجي تبص على معدل القذائف اللي تم إطلاقها على الدول العربية وإسرائيل، هتلاقي أن أنت قدام أرقام مختلفة. إحنا في خمس أيام فقط، خمس أيام، إيران ضربت 1300 مقذوفة. مقذوفة هنا يعني مسيرة وصاروخ، على الإمارات، وضربت 562 مقذوفة على الكويت، وضربت 320 مقذوفة على إسرائيل، وضربت 197 على البحرين، وضربت 140 على قطر، وضربت 30 على السعودية. بالمناسبة، دي أرقام اليوم الخامس في الحرب. إحنا النهارده اليوم السابع. وخد بالك أن معدل هجمات إيران لم يتباطأ ولم يقل، برغم أن الرئيس الأمريكي طالع قال لك: "أنا دمرت 60% من صواريخ إيران".

فهنا إحنا قدام مشكلة كبيرة جداً. لو إيران تم تدمير عندها 60% وقدرت أنها تطلق الكم ده كله على العرب وإسرائيل، فما يعني مخزونات إيران قد إيه؟ والسؤال الأبرز: إيه اللي يحصل لو مخزونات أمريكا هي اللي فضيت أو خلصت؟ إيه اللي يحصل؟

الحقيقة، ده سؤال اتسأل في موقع قناة الجزيرة بالإنجليزية. الحقيقة، هم راحوا سألوا خبير قالوا له: "إيه اللي يحصل لو مخزونات أمريكا تأثرت؟" جاوب عليهم إجابة يعني أبهرتني جداً، والظاهر كده أن إحنا داخلين في السيناريو ده فعلاً. كلام خطير جداً، لأنه بالـ أرقام والوقائع والأخبار الدقيقة اللي طلعت من أمريكا، كلام كتير وخطير جداً حضرتك لازم تعرفه. بس طبعاً عشان أقوله لك وأكشف لك الكلام ده كله، لازم أقول لك القصة من الأول. قبل ما أخش في الموضوع، قبل ما أكشف لك التفاصيل، خليني أقول لك أن إحنا معانا راعي قوي جداً ومحترم جداً، وهو باتر هاوس.

الطلب زاد جداً الفترة اللي فاتت دي على منطقة الجلالة في العين السخنة، وفي مشروعات ضخمة جداً بتعملها الدولة هناك بشركات متعددة، ولسه في استثمارات أكبر وأكبر هتتعمل في منطقة الجلالة خلال الفترة اللي جاية. عشان كده بقول لك دي فرصة دلوقتي أنك تستثمر هناك. والنهاردة شركة باتر هاوس قررت تعمل حاجة غير متوقعة. رغم النجاح الكبير جداً اللي حققوه الفترة اللي فاتت، قرروا يعملوا عرض خاص جداً وحصري لعدد محدود من الوحدات. ودي فرصة بجد ما تتفوتش في منتجع فيدلا في منطقة الجلالة، بمقدم 3% فقط، وسعر يبدأ من 9700 جنيه فقط على 10 سنين، بشرط أنك تحجز معاهم استمارة حجز بقيمة 50,000 جنيه. والتسكين قريب جداً. المنتجع بيضم شاليهات وفيلات متنوعة بمساحات تبدأ من 65 متر، 95 متر، و105 متر. وطبعاً في مساحات أكبر زي التوين هاوس والتاون هاوس. والنهاردة مدينة الجلالة في مرحلة نمو وتوسع مستمر وتطوير سريع جداً، وقيمة استثمارية وسعر بيعلى كل يوم. وبالنسبة لمنتجع فيدالا، فهو بيقع في منطقة الجلالة، فإنت مش بتشتري مجرد مكان تقضي فيه وقت، أنت بتمتلك مكان حقيقي واستثمار مضمون في منتجع متكامل على ارتفاع 750 متر فوق سطح البحر. يعني هواء نقي، أجواء معتدلة طول السنة، وإطلالات بانورامية تخليك تعيش مستوى مختلف في موقع مميز جداً وقريب جداً من الداون تاون والتليفريك وجامعة الجلال. يعني حياة كاملة. هسيب لحضراتكم رابط باتر هاوس أسفل الفيديو لو حابب تتواصل معاهم. أوعى تفوت فرصة.

نخش في الموضوع على طول. نخش في الموضوع على طول. الجديد اللي معانا النهارده ممكن يكون مختلف بالنسبة لحضرتك، وأول مرة هتسمعه فيما يخص نفاذ الصواريخ. إيه اللي حصل بالظبط؟ اللي حصل أن المواقع كلها، من ضمنها نيويورك تايمز، كانت نشرت أن رئيس أركان الجيش الأمريكي دان كين كان قعد مع الرئيس الأمريكي دونالد ترامب قبل ساعات من الحرب، وقال له: "يا ريس، خلي بالك الحرب لو طولت ومرت أيام أو أسابيع وحرب مفتوحة، ده ممكن يأثر على مخزونات الجيش الأمريكي".

والحقيقة ده تفصيلة أو معلومة اتسربت للإعلام. بس أنت ممكن تقول: "والله دي معلومة أي كلام". بس الواقع أن دونالد ترامب نفسه كتب تغريدة بعد ما الإعلام سرب المعلومة دي وقال لك: "أيوه، دان كين حذرني الموضوع ده، بس دان كين راجل عارف كويس جداً هو بيعمل إيه، وأنا لو اديت له الأمر، هيعرف يعمل حاجة واحدة بس، أن هو ينتصر ويحقق نصر سهل على إيران". ده كلام دونالد ترامب قبل الحرب.

الواقع أن كلام دان كين حقيقي. ليه؟ إحنا النهارده اليوم السابع في الحرب، وكانت تقديرات فاينانشال تايمز وفقاً للمخابرات الإسرائيلية أن والله الجيش الإسرائيلي بيقول أن الجيش الأمريكي مش هيعرف يكمل في الحجم العسكري أو الضربات العسكرية الكثيفة على إيران بسلاح الجو فقط أكتر من 10 أيام. طيب، طلعت نيويورك تايمز واتفقت مع المعلومة دي وقالت والله هم من سبعة لـ 10 أيام برضه. وبمناسبة، أنا بحب جداً أجيب المعلومة دي وأكررها أكتر من مرة. ليه؟ لأن إحنا النهارده اليوم السابع وداخلين على اليوم. فإيه اللي يحصل لو نفذت ذخيرة الجيش الأمريكي؟

الرئيس الأمريكي اليوم أشار أيضاً مرتين لموضوع نفاد المخزونات الأمريكية من صواريخ الدفاع، من صواريخ الثاد والباتريوت. وهذا موضوع مهم سونيا، لأنه يناقش في وسائل الإعلام على امتداد الأيام الماضية. تقارير كثيرة تتحدث عن أن المخزون الأمريكي من صواريخ الباتريوت والثاد قد ينضب قبل أن تنتهي صواريخ إيران البالستية. وهذا يعني أن سماء إيران، عفواً، سماء إسرائيل ستصبح مكشوفة. لكن الرئيس الأمريكي، بسبب كثرة هذه التقارير، قال اليوم بأن الذخيرة الأمريكية، لكنه لم يشر أي نوع من الذخيرة، لكنه قال: "الذخيرة الأمريكية ليست محدودة، أن هناك كميات غير محدودة من الذخيرة الأمريكية في المستودعات والمخازن الأمريكية".

الحقيقة لازم تعرف أن وزير الدفاع الأمريكي قال: "ما فيش الكلام ده". وطلع قال: "إحنا يعني بنحذر إيران أنها لو بتراهن أن أمريكا مش هتكمل الحرب، يبقى هي غلطانة". بس الواقع بيقول عكس كده. ليه؟ لأن بالمناسبة، قناة الجزيرة راحت لخبير عسكري اسمه كريستوفر بريبل، وده محاضر في مركز اسمه ستيمسون سنتر. الراجل بيقول إيه؟ بيقول لك: "خلي بالك، أمريكا عندها 20 سلاح بتستخدمهم في حرب إيران". عندها 20 سلاح. هو ما بيتكلمش على أسلحة دفاعية فقط، لا، بيتكلم على صواريخ دفاع جوي، بيتكلم على قنابل هجومية، صواريخ هجومية، براً وبحراً وجواً، وكلام ده. 20 سلاح. والحقيقة أن الراجل بيقول أن خلي بالك، من ضمن الـ 20 سلاح دول، أكيد أكيد بعد اليوم العاشر أو بعد فترة من الحرب، لازم تعرف أن في مخزونات لدى الجيش الأمريكي هتتعرض لخطر أو نقص شديد، نتيجة أن أمريكا كانت بتدعم أوكرانيا قبل الحرب، نتيجة أن الجيش الأمريكي استهلك بالفعل عدد كبير من الصواريخ الاعتراضية في حرب الـ 12 يوم. فهو بيقول أن يا جماعة، في بعض المخزون لبعض الأسلحة الأمريكية هيقل بشدة. زي إيه مثلاً؟ قال لك أول حاجة كده بسم الله الرحمن الرحيم: منظومات الدفاع الجوي. صواريخ الدفاع الجوي، خاصة منظومات. أول مخزون لدى أمريكا هيتعرض لنقص شديد جداً. ثاني حاجة، قال لهم: "بصوا، صواريخ باتريوت". يعني لسه مش قوي، بس هي القصة كلها في السلاح الهجومي. القنابل الموجهة اللي اسمها جاي دانت. القنابل الموجهة دي هتتعرض لنقص شديد في المخزون بتاعتها. اشمعنى؟ قال لك والله الحاجات دي إنتاجها معقد جداً وبياخد شهور. يعني أنت عشان تنتج حاجة معينة بتاخد شهور. طيب، قالوا له: "إيه اللي يحصل يعني لو مخزونات أمريكا أثرت؟" قال لهم: "بصوا، لو مخزونات أمريكا اتأثرت، هتشوف أن أمريكا بتعمل إجراءات استثنائية خطيرة جداً". أولاً، لازم تعرف أن أمريكا هتبتدي تسحب أصول. خد بالك بقى من الكلام اللي هيتقال ده. قال لك هتبتدي تسحب أصول خطيرة ومهمة جداً لتأمين أوروبا، وبعدين أصول خطيرة ومهمة جداً لتأمين الصين أو تأمين آسيا. وده اللي بيحصل في كوريا الجنوبية. أنا جبت لحضرتك تقرير من صحيفة تركية كانت بتتكلم أن أمريكا هتنقل منظومات دفاع جوي من كوريا الجنوبية. ماشي. ونقل الأصول ده هيفضل لحد ما أمريكا تحقق هدفها اللي هو لحد دلوقتي ما نعرفش هو إيه. يعني هدف أمريكا في الحرب ما نعرفش هو إيه. ماشي. قال لك نقل الأصول ده هيتم، وأمريكا هتفضل مكملة في الحرب، لأن ببساطة أمريكا لا يمكن أنها تتقبل هزيمة.

بس القصة هنا مش في مخزونات أمريكا. القصة هنا في مخزونات إيران. هي إيران عندها قد إيه؟ الخطير في الأمر أن الحرس الثوري الإيراني بيقول لك: "إحنا عندنا إنتاج". يعني هم بينتجوا. مهما كان مخزونات الصواريخ اللي عند إيران، زي ما قال ترامب أن هو قضى على 60% منها، بس أنت هنا بتتكلم أن إيران الظاهر بتجدد من مخزونها. وده يبقى الخطير. طيب، تجدد من مخزونها فين؟ قال لك والله في المواقع اللي أسفل الجبال. بمناسبة، دي تقارير بتكمل المقالة بتاعة الجزيرة. فـ الظاهر أن إيران عندها إنتاج أسفل الجبال، أو عندها مصانع لإنتاج الصواريخ والذخائر أسفل الجبال.

صواريخ أكثر تطوراً تنضم إلى الحرب، هكذا تعلن إيران مع نهاية الأسبوع الأول من العدوان الإسرائيلي الأمريكي. فما الذي نعرفه عن تلك الصواريخ وما تمثله من أهمية ضمن ترسانة الصواريخ البالستية الإيرانية؟ البداية جاءت مع إعلان أخير للحرس الثوري الإيراني في موجته الصاروخية الحالية عن استهداف تل أبيب بصواريخ "كسر خيبر" عقب ساعات من إعلان انضمام صواريخ "خرم شهر أربعة" المتطورة للمعركة. استخدمت طهران صاروخ "كسر خيبر" لأول مرة في الرد على العدوان الإسرائيلي في يونيو حزيران الماضي.

طيب، هم بيتكلموا أن ليه إيران عندها الرفاهية أنها تنتج الصواريخ؟ لأن خلي بالك، أن إيران أصلاً كان عليها عقوبات، فـ إيران بتعرف تنتج الذخيرة بتاعتها، سواء صواريخ أو مسيرات، بأبسط الأشياء، بأشياء ممكن كمان ما تكونش متوقعة. خلاص. والمثل على كده أن مسيرة شاهد، هي الموتور بتاعها موتور عجل. لأن أنت مثلاً بتسمع صوت مسيرة شاهد قبل ما بتشوفها، لأن صوتها مزعج، لأن ده صوت موتور عجل. فهل إيران تقدر فعلاً أنها تنتج مسيرات وصواريخ أسفل الجبال؟ ممكن. والدليل على كده إيه؟ هو أن لازم يحصل عمليات برية. وعشان كده بيتم اللجوء للأكراد حالياً أن هم ينفذوا عمليات برية في إيران. بس خلي بالك أن عمليات برية دي بطيئة جداً. أنت عشان تنقل وحدات برية وتأمنها، ووحدات برية دي توصل لمناطق تخزين أو مخازن الصواريخ والمسيرات أسفل الجبال، ده أنت عايز قصة. ماشي. قصة يعني. ماشي. فـ أنت هنا قدام موضوع مهم جداً.

الحاجة الثانية اللي ما حدش مركز عليها، أن إيران بتعمل تطوير في هجماتها بشكل متنوع. زي إيه مثلاً؟ زي مثلاً أن من كام يوم والله طلعت طيارتين من طراز سوخوي 24 إيرانية كانوا متجهين لقاعدة العديد وطالعين يضربوا القاعدة دي. وطلعت على طول مقاتلات إف 15 كيو إيه اللي هي "أبابيل" اللي هي خاصة بسلاح الجو القطري، وطلعوا أسقطوا الطيارتين دول. ده تحول في الهجوم. يعني إيران ما بتضربش صواريخ ومسيرات فقط، ده بيطلعوا طيارات مأهولة. ماشي. طلعوها منين والمدرك منين والكلام ده كله قصة. ده أمر. أمر ثاني. قال لك والله أصل إيران أسقطت 15 جنوب إيران. ده تحول خطير جداً. ليه؟ لأن أمريكا طلعت قالت لك: "على فكرة ما تمش إسقاط أي مقاتلة، والمقاتلة إف 15 يعني ما تمش إسقاطها".

الحقيقة أن إيران عرضت صور لمنظومة دفاع جوي وهي بتسقط مقاتلة إف 15. طيب، إيه المثير في الأمر؟ المثير أن المنظومة اللي عرضتها إيران، هي كانت بتصور الإف 15 قبل ما تسقطها. لو الكلام ده حقيقي يعني. على فكرة، أمريكا بتقول: "الفيديو ده مزيف". القيادة المركزية: "هذه التقارير إسقاط الإف 15 كاذبة". وكما تتخيلون، إيران تفعل كل ما بوسعها لتقديم الأكاذيب والخداع وتضخيم الأرقام. هذه البروباجاندا هي لشعبهم. أسقطوا، أغلقوا الإنترنت، ويأملون أنهم يتمكنون من إقناع سكانهم أنهم يحققون النجاح. ما قاله أحد قادتهم مؤخراً: "قتل 500 أمريكي". هذا ما يدعونه. هذه أكاذيب، والأكاذيب ستستمر، والقيادة المركزية ستستمر بكشف هذا الزيف والكذب.

بس لو صح أن كلام الفيديو ده اللي عرضته إيران أن منظومة الدفاع الجوي كانت بتشوف المقاتلة قبل ما تسقطها، وهي مقاتلة إف 15. ماشي. أنت هنا على نقلة نوعية في الدفاعات الجوية الإيرانية. وأنت ممكن تتساءل: هي إيران عندها أسلحة إيه؟ وإزاي أمريكا برغم مرور سبعة أيام مش عارفة تدمر الحاجات دي كلها؟ الحاجة الثانية، لما يطلع الجيش الأمريكي كل شوية يأكد لك أن والله أمريكا خلاص على بعد أيام، وإيران تخلص صواريخها، أو إيران ما يبقاش عندها مخزون، وأن أمريكا بتضرب كل المخازن، وإنه يطلع تقرير وول ستريت جورنال يقول لك: "والله أصل المخازن أسفل الجبال دي حاجة سهلة جداً، وإيران أصبحت حبيسة اللي هي طبيعتها الجغرافية، ما بقاش عندها ميزة". لا، ده بقى عندها عيب، لأن أسفل الجبال خلاص إسرائيل وأمريكا عرفوا مخارج ومداخل بتاعته، فخلاص أي حاجة تطلع منه وتضرب. ماشي. بس خلي بالك أن أنت في نفس الوقت إسرائيل بتتبهدل.

النهاردة صحيفة اسمها "هآرتس" بتقول لك أن إسرائيل، المباني اللي وسط إسرائيل اتبهدلت. ده صحيفة إسرائيلية معارضة تقول لك: "المباني اللي وسط إسرائيل اتضربت". بس كده، إيران ابتدت تدخل صواريخ انشطارية لقصف إسرائيل. في تحول جديد في الحرب. ما بقتش تضرب إسرائيل كده وخلاص. بيقول لك دخلت صواريخ انشطارية، اللي هو "خرم شاه أربعة". فده صاروخ فرط صوتي وبيحمل رأس انشطاري. والفيديوهات اللي طلعت للرأس الانشطاري وهي نازلة على إسرائيل يقول لك أن في تطور للحرب.

طيب، الرهان على إيه؟ الرهان على الصمود. أنهي طرف هيعرف يصمد أكتر؟ إيران واضح كده أن هي هتفضل متمسكة لحد آخر صاروخ. أمريكا واضح جداً أنها لن تقبل الهزيمة. لأن يا جماعة، إحنا بنتكلم أن مش جيش هيتهزم. إحنا ما بنتكلمش هنا أن أمريكا بتحارب في فيتنام، ولا أمريكا مثلاً بتحارب في أوروبا. بتتكلم أن أمريكا بتحارب، والخليج كله بيدفع ثمن الحرب، وبتحارب عند منطقة غاية في الحساسية بالنسبة لمصالح أمريكا. مصالح أمريكا الاقتصادية مهددة. إحنا بنتكلمش على مصالح عسكرية المرة دي. يا جماعة، الحرب خرجت من مفهومها. أنت مش رحت تضرب إيران والعملية كانت سهلة وبسيطة ومشيت. ده أنت واضح أنك جلست. عدى أسبوع أهو. سبعة أيام. سبعة أيام. أول أسبوع دونالد ترامب لا يمكن كان يتوقع أن أول أسبوع ده يتضرب الكم ده من الصواريخ والمسيرات ويقع ست جنود أمريكان. وأنا بقول لك في أكتر. وأنا بقول لك مش ستة بس، في أكتر. ماشي. فالجرزة وطوا. واضح أن ترامب لما طلع يقول لك: "لا، إحنا هنقعد نحارب أربع أسابيع أو خمس أسابيع"، وعمال يتكلم في مسائل أسابيع، أن الأمر ده صعب على الجيش الأمريكي نفسه. ماشي. وأن هو الجيش الأمريكي ممكن فعلاً يكمل خمس أسابيع، بس هيكون أضر استراتيجياً بشكل كبير جداً، ومش هيكون مؤهل للتعامل مع روسيا أو الصين بالذات بأي شكل.

"نحن لدينا أفضل وأقوى القوات في العالم، ونحن سننتصر بسهولة إن لم نكن فعلنا ذلك بالفعل وفقاً لإطارنا الزمني. بغض النظر عن الوقت، مهما استغرق الأمر، سنفعل ذلك. ومن البداية، نحن برهنا وتوقعنا أن الأمر سيستغرق من أربعة لخمسة أسابيع، ولكن لدينا قدرات لنستمر وسنفعلها. سيقول الناس اليوم: الرئيس يود أن يفعل ذلك بسرعة ومن ثم سيشعر بالملل. لا أود أن أشعر بالملل."

يعني خلي بالك، أمريكا هتكون أدت للصين هدية كبيرة جداً أنها خرجت من الحرب دي وتم استنزاف جزء كبير جداً من أصولها العسكرية. الصين لو ضربت تايوان بعد كده، أمريكا ما تعرفش تعمل حاجة. ما عندهاش مخزون. ما عندهاش. فده أمر خطير جداً. الاثنين بيحاربوا للنهاية.

طيب، هنا تيجي مقالة لفورين بوليسي. مقالة فورين بوليسي بتقول لك إيه؟ أول حاجة يقول لك إيه؟ يقول لك أصل أمريكا مسمية العملية العسكرية دي، مسمياها "Operation Epic Fury" يعني "الغضب الملحمي". ماشي. طيب، الكتاب بتوع فورين بوليسي منزلين مقالة يقول لك إيه؟ يقول لك: "لا، إحنا مش قدام Epic Fury، إحنا قدام Operation Epic Confusion"، يعني "الارتباك الملحمي". ليه؟ مش يقول لك أول حاجة، دونالد ترامب ما ادى سبب لكل حلفائه وكل الشعب الأمريكي وأي حد هو سن الحرب ليه؟ وأنا كنت اتكلمت في الأمر كذا مرة. بس هم في مقالة هنا بيقول لك إيه؟ معتمدين على استطلاع رأي تم في شبكة أنباء اسمها CBS. بيقول لك أن CBS عملت استطلاع رأي لقوا أن 60% من الأمريكان مش فاهمين الحرب دي ابتدت ليه. يعني إيه السبب الأساسي؟ فده كارثة. ماشي.

الحاجة الثانية، قال لك والله دونالد ترامب بيدي تصريحات فيها ارتباك. طلع يقول لك مثلاً: "أنا قضيت على البحرية الإيرانية". ماشي. بس بعديها بتلاقي رئيس أركان الجيش الأمريكي يقول لك: "ضربات الجيش الأمريكي مستمرة على الأصول البحرية والبنية التحتية الإيرانية". وبعد كده تلاقي أن بعد تصحيح الرئيس الأمريكي ده، تم ضرب حاملة مسيرات إيرانية، تم ضرب فرقاطة إيرانية قرب سواحل سريلانكا. طب ما يا جدعان، هو قضى على البحرية ولا لسه بيقضي على البحرية؟ فقال لك ده في لخبطة. ماشي. حاجة ثانية، يقول لك: "إحنا مش هنعمل عملية برية". يعني عملية برية دي ماضية على الوقت شوية. وتلاقي في نقل جنود أمريكان للشرق الأوسط. بيقول لك ده في 50,000 جندي أمريكي في الشرق الأوسط. وبتلاقي أن في عملية برية بتتم، بس بالوكالة عن طريق الأكراد. فـ التلاز البري ولا مش نازل برج؟ حاجة ثانية، يطلع يقول لك إيه: "مخزونات أمريكا عمرها ما تتأثر، ومخزونات أمريكا في القمة، وأمريكا قابلة على أنها تخش في الحرب". بس كل المواقع العسكرية بتقول لك: "لا، مخزونات أمريكا فيها مشكلة". فقال لك هنا إحنا قدام لخبطة كبيرة جداً.

بس سيبك من كل ده. أهم لخبطة: هدف الحرب إيه؟ يعني دونالد ترامب لما يعمل إيه في إيران يعلن الانتصار؟ قال لك لو هو عايز يغير النظام، إحنا كده قدام كارثة. لأن النظام عمره ما هيتغير. شوف بقى الكلام الخطير جداً اللي قاله المقالة دي. قال لك: "تغيير النظام ده حاجة استحالة تحصل في إيران". ماشي؟ لأن أنت قتلت المرشد. قتلت المرشد، أصبح كل الجيش الإيراني كلهم ماشيين بفتوى، لأنهم كلهم شيعة، ماشيين بفتوى الانتقام لمرشده. خلاص. فـ مين الخاين اللي هيطلع يعمل انقلاب؟ ومين اللي هيطيعه في الانقلاب ده؟ استحالة يحصل. فـ ده استحالة تغيير النظام ده. إنسان. عشان كده دونالد ترامب بعد ما قال أن إحنا والله بنفكر نغير النظام، طلع وزير الدفاع قال لك: "لا، العملية دي مش تغيير النظام".

Turns out the regime who chanted death to America and is not... التخبط ده هو الكتاب بيقول لك ده تخبط. بس أنا بقول لحضرتك هو تخبط طبيعي. أنا بقول لك طبيعي ليه؟ إحنا في وسط الحرب، وأمريكا بتجدد كل شوية أهدافها، لأن في أهداف ظهر كده أمريكا بتدرك أنها مش حقيقية. الحاجة الثانية، ما تنساش أن العملية تمت على عجل. يعني بسرعة. أنا على فكرة مش بدافع، وماخدش وجهة نظر أن أنا بدافع. أنا بحاول أفسر لك ليه الغلط جه منين. ماشي؟ عشان ما تقراش حاجة ثانية، ما تقولش والله ده بيدافع. لا، أنا بحاول أفسر لك اللخبطة جت منين. اللخبطة أن نتنياهو أقنع ترامب أن أنت لازم تضرب دلوقتي عشان تقضي على المرشد وأعوانه في اجتماع واحد. ضربة واحدة يا باشا هتجيب كل ده. فالضربه اللي جت متسرعة، برغم طلب الجيش الأمريكي معلومات استخباراتية هي أزيد ووقت أزيد. زياد دونالد ترامب أدى الأمر بضرب إيران، فحصلت الربكة دي كلها. أنا مش واقف هدف أمريكا إيه، ولا واقف يعني التدبيرات إيه والتحليلات إيه. أنا واخد بالي من اللي جاي. كل اللي إحنا فيه ده حصل، بس المشكلة إيه اللي هيحصل؟

الواضح أن مفيش نهاية مرتقبة. وبرغم أن والله أنت بتتكلم أن في 12 دولة تدخلوا أن هم يحاولوا يوقفوا الحرب ويعملوا وساطة، بتتكلم النهارده أن ميزانية الجيش الأمريكي اللي اتكلفتها في أول أربع أيام، أول أربع أيام في الحرب، الجيش الأمريكي اتكلف 11 مليار دولار. 11 مليار دولار. ماشي. فـ على فكرة، اللي كاتب الخبر ده سكاي نيوز عربية قالت لك: "11 مليار دولار تكلفة الجيش الأمريكي في أربع أيام فقط". أنا ما بتكلمش على اليوم الخامس والسادس والسابع. أنا بتكلم في أربع أيام. فـ الحرب دي مكلفة جداً. الحرب دي قاتلة جداً. والحرب في حاجات كتيرة مش هينفع ترجع زي الأول. يعني مثلاً، النهاردة فاينانشال تايمز طالعة تقول لك إيه؟ تقول لك: "يا جماعة، خلي بالكم، إيران بتضرب أصول نفطية. الأصول النفطية دي عشان تتصلح هتاخد سنين". زي مثلاً الفجيرة، زي رأس تنورة. الكلام ده كله لما بيقف وبيتضرب بصواريخ ومسيرات. أوى تعتقد أن ده هياخد أسبوع ولا شهر ولا شهرين. وبيضربوا أصول. وزي ما صدام حسين عمل في العراق وولع في آبار النفط والكلام ده كله. الظاهر أن إيران أعجبت بالاستراتيجية دي كلها، أن هم يولعوا في النفط في الخليج كله، بحيث أن أمريكا تكبر أنها توقف الحرب. بس إحنا ما نعرفش مدى قدرة أمريكا على الاحتمال قد إيه. ولا نعرف إيران. ودونالد ترامب النهاردة طالع يقول لك إيه؟ طالع يقول لك: "على فكرة، ما ينفعش يجيبوا أي رئيس يحكم إيران غير لما أنا أرضى عنه. أنا هتدخل في موضوع الرئيس ده". لأن طلع ابن خامنئي ده كان المفروض هيجي يمسك، لأن خلي بالك، هو طلع في فيديو وقال لك: "أنا همسك مكان أبويا". والكلام ده كله. دونالد ترامب قال لك: "لا، مش أنت اللي تحدد. أنا اللي أحدد". وقال لك: "مكتب ده لايت ويت، يعني واد خفيف، يعني مش هيعرف يحكم إيران". والكلام ده كله. دونالد ترامب عايز يكرر تجربة فنزويلا في إيران. التصريحات دي تقول لك إيه؟ أن ترامب عنده قوة وسلطة مبهره وقوية قوية جداً على إيران، وواثق من النصر. بس في نفس الوقت على أرض الواقع، إيران ما زالت بتضرب، لم تتوقف. حتى الوتيرة بتاعة الهجمات ما بطقتش. فـ أنت بتتكلم على تحول خطير جداً. وأنهي الأصدق؟ ده اللي هنشوفه خلال الأيام القادمة. بس السؤال هنا مش مدى قدرة أمريكا وإيران على الصمود. مدى قدرة الخليج على الصمود. ده سؤال مهم جداً. يا رب أكون شرحت لحضرتك الموضوع بشكل مبسط. ويا رب مصر، رب ينصر العرب. ويا رب فلسطين. يا رب تحيا مصر. سلام.

أنت مش عارف إحنا مين؟ إحنا اللي الناس بتجيلنا من كل مكان عشان تشوف بلدنا. إحنا اللي علينا العين. إحنا حضارة بقى لها سنين، والعالم مش عارف سرها. إحنا خفة دم بتضحك القلب، وكرم بيتضرب بيه المثل. جدعنة وشهامة مش موجودة في زماننا، ورحمة بتطلع من عينينا قبل قلبنا. إحنا بسمة بتفتح ألف باب. أكله حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية. حكاية تعجب. خلي أفعالنا تحكي عنا. ربنا ادانا نعمة لازم نحافظ عليها ونوريها للعالم كله. وري ضيوفنا إحنا مين. إحنا مصر.