Transcription
قانون الهي سبحان الله غير لي طريقة تفكيري وكيف أدرك الأمور وحتى كيف أتعامل مع مشاعري وحتى أواجه أيضاً التحديات اللي ممكن أمر فيها.
لما بنعمل الفحوصات لجسمنا شو هدفنا بالنهاية؟ إنه نتأكد إنه كل شيء تمام أو من الممكن إنه إذا في خلل نصلحه. ربنا قد ما هو رحيم فينا وما بده إيانا نظلم أنفسنا، بنمر بمواقف عبارة عن فحص داخلي لجواتنا ليخرج ما في صدورنا ويمحص ما في قلوبنا.
فبطلت أركز على شو عم بصير بالواقع حوالي، ولكن عم بركز بالعالم الداخلي. درجة الإيمان في القلب. علي بن أبي طالب إيش بيقول رضي الله عنه: "أتزعم أنك جرم صغير وفيك انطوى العالم الأكبر؟ وما حاجتك في الخارج وفكرك فيك وما تصدر؟"
أنصحكم بشغلتين أنا بطبقهم مع نفسي. أول سؤال بسأله لحالي: أنا من شو خايفة؟ وهنا يرتفع الإيمان بالله الرحمن الرحيم. وثاني شغلة: بماذا تعلق قلبي؟ لأنه أي شيء حيتعلق قلبي فيه هو مجرد وسيلة، ولكن لما بيتعلق قلبي فيه يصبح هو المسيطر علينا. وأهم نقطة: هل أشرك نفسي أو أشرك الآخرين بأنهم يكونوا مصدر أرزاقي؟
فلما بنقرأ القرآن ونشوف قصص الأنبياء والرسل هي عبارة عن رسالات لنا لتهذيب النفس، لكيف يزداد الإيمان جواتنا. فربنا من رحمته بده إياك تكون إنسان حر مطمئن، ما تكون إنك أنت عبد لأي شيء حواليك. Okay.