Transcription
السلام عليكم. قوانين الكراء في المغرب عرفات جوج تغييرات مهمه في هذا العام 2026. واحد منهم دخل حيز التنفيذ واحد شهر 7 2026، والثاني هو الأهم، غيبدا وغيدخل حيز التنفيذ في شهر 8 2026.
الأول تيخص الضريبه على الكره. مداخل الكره، ضريبه اللي خصك تخلص عليها للدوله، دخل عليها واحد التغيير مهم.
الثاني هو الأهم، كيخص الإفراغ. إلا مول الملك بغى يدير لك الإفراغ من الدار، ولا خصوصا محل تجاري أنت كاريه.
نبداو التغيير للمستجد الأول. من واحد شهر 7 2026، وليتي أنت إلا كاري لهذ الفئات بالضبط، رد البال مزيان. ولكن من بعد غادي يتوسعوا. ولكن 2026، إلا كري شي مؤسسة عمومية تابعة للدولة ولا الجماعة الترابية ولا غيرها، إلا كري شي مؤسسة بنكية، ما بغات تكون، إلا كار شي شركة تامين (لاسيرونس)، ولا ال كار شي شركة كبيرة. هذ الحالات هذو، هذ الفئات ولا المؤسسات ولا الشركات ولا الأبناك ولا لاسيرونس اللي ذكرت، ولا وجوب عليهم من شهر 7 2026 يقطعوا لك 5% من الكراء اللي كيخلصوا، ولي كل شهر، ويعطيودات الضرائب.
وهذ 5% كتسمى اقتطاع من المنبع. أي إدارة الضرائب كتقطعها لك من المنبع، من البلاصة اللي كتشدها فيها. أنت إدارة الضرائب كتقول لك أنا ناخذ 5%، ومنين تجي دير التصريح أنت قبل ما يسالي الشهر جوج من كل عام، ديك الساعة نتحاسب معك. كتمشي تعمر واحد الطلب، يرجعوا لك هذك الفلوس اللي اقتطعوا لك. ما معفيش، كيحسبوا الضريبه، كيشوفوا إلا كان ذاكشي هو هذاك وعليه. إلا كان ذاك 5% قل من ذاكشي اللي خرج لك في الضريبه ولا اللي خصك تخرج في الضريبه على الكراوات اللي كدخل، ديك الساعة كتخلص الفرق.
وكيما قلت، هذا الاقتطام المنبع ديال الضريبه د الكرا، بداو بالشركات الكبيرة وهذ المؤسسات العمومية والابناك والتامين وكذا. ومن بعد غيبقاو يهبطوا حتى يولي كل شي الشركات تقريبا كاملين، من صغيرها حتى لكبيرها. وحتى الناس اللي ما عندهمش شركة، ولو تكون كاري لشي مول الحانوت ولا شي واحد كيدير شي تجارة ولا شي حرفة ولا هذا، حتى هو غيولي يتلزم عليه مستقبلا، شوية بشوية، يولي يقطع لك هذ النسبة ولا أكثر كاع من الفلوس اللي كيعطيك ديال الكراء ويعطيها لادارة الضرائب.
مزيان. هذا المستجد الأول، ما قلت، راه دخل حيز التنفيذ من شهر سبعة 2026.
المستجد الثاني، جزء منه راه دخل حيز التنفيذ، جا في القانون اللي كينظم مهنة المفوضين القضائيين. وجزء آخر غيدخل حيز التنفيذ في هذا الشهر 8 2026، وجا في المسطرة ولا قانون المسطرة المدنية. تبع معايا وحل لي ودنيك مزيان. هذا راه مستجد أول مرة غادي تسمع وغادي تعرف.
الإفراغ. مول الملك إلا بغى يدير لك الإفراغ حيت ما كتخلصش الكراء، ولا حيت لعب ليك وخلاك تبان أمام المحكمة أنك أنت ما كتخلصش الكراء، ولا ما بغيتيش تخلص الكراء. الأصل في فلوس الكراء أن خص اللي كاري ليك يجي يطلبها، يجي ياخذها من عندك. ولكن إلا شي واحد كاري ليك وعنده نية مبيته أنه يخرجك. حنا كنعرفوا أنه مثلا في الدار، إلا بغى يخرجك ما يقدرش. القانون عاطيه واحد الشروط. في المحل التجاري، عاطي شروط أكبر كاع وتعويضات مهمة.
إذا، إلا كريت أنت شي دار عند شي واحد، إلا بغى يخرجك، يا إما تكون ما كتخلصش، كتماطل أنك تخلصوا في فلوس الكراء. في هذ الحالة، مول الملك إلا تبع واحد المسطرة ديال الإنذار والمصادقة على الإنذار، بامكانه يدعيك ويخرجك. خرجك ولو تكون ساكن في ديك الدار 100 عام.
الحالة الثانية اللي يمكن مول الدار يدير لك فيها إفراغ هي إلا احتاج ديك الدار هو. ما عندوش، ما عندوش فين يسكن. يا إما كاري، ولا ما عندوش فين يسكن لا هو لا مرته لا ولاده، ولا واحد من ولاده، لا والديه، ولا واحد من والديه. هذو بالضبط، من حقه يصيفط لك إنذار يقول لك خوي لي داري، را أنا بغيتها للسكن الشخصي، ولا السكن ديال هذ أفراد الأسرة ديالي اللي ذكرت.
الحالة الثالثة اللي ما كينديلك فيها إفراغ، إلا خصه يريب ويعاود يبني. ولكن حنا اللي كيهمنا وفين كاين المستجد هو إلا ما كتخلصش. التماطل في أداء الكراء. إلا داز ثلاث شهور، القانون عطيه الحق هذا مول الملك تيقول له عندك الحق تصيفط له إنذار باش يخلص هذا الثلاث شهور الفوق اللي عليه. ومن يوصلوا هذا الإنذار، عنده غير 15 يوم. ف هذيك 15 يوم خصه يخلص لك هذيك الفلوس اللي كتساله ديال الكراء.
إلا دازت 15 يوم، ولو بنهار ولا حتى ساعة، من حق هذا مول الملك يمشي يصحح ذاك الإنذار ويرفع عليك دعوة الإفراغ بسبب التماطل في أداء الكراء. وغيربحها وغتخرج من ديك الدار، وخا تكون كنت كاري فيها 100 عام.
إذا، كلمة السر: إنذار بأداء الفلوس اللي عليك ديال الكراء، وأنت كمكتري، وما تجاوبش. وشنو الجواب في هذه الحالة ديال فلوس الكراء؟ أنك تمشي تخلص. وإذا وما تمشيش تخلص في الأجل ديال 15 يوم، هزك الماء، يخرجك من ديك الدار. إلا الله يرفع عليك دعوة، واخا تكون، كنعاود نكررها، كاري تما شحال ما كريت.
منعاه في المحل التجاري. أخطر. إلا كريت شي محل، كتكون يا إما شريتي الفوند كوميرس (الأصل التجاري) بزبالة فلوس، ولا كتكون خدام سنين وأنت تما وربيتي واحد الأصل تجاري، واحد الكونط كوميرس اللي كيكون ساوي الملايين. إذا، نفس الحالة. إلا عندك شي محل تجاري، داز ثلاث شهور ما جاش ياخدهم، ولا أنت ما كتعطيش، ومشى صيفط لك إنذار عن طريق مفوض قضائي، قال لك كسالك ثلاث شهور ولا أكثر، ودازت 15 يوم، غير بنهار ولا حتى ساعة، ما قلت، من حقه يمشي يصحح ذاك الإنذار أنك ما خلصتيش ثلاث شهور الفوق، وصيفط لك إنذار باش تخلص، ودازت 15 يوم الفوق وما خلصتيش، إلا صحح ذاك الإنذار ورفع به دعوة ديال الإفراغ، يخرجك من ذاك المحل، وخا تكون كاري تما 100 عام، وخا يكون عندك الفوند كوميرس تما ساوي مليار، ماشي 100 مليون، وما يعطيك حتى ريال ديال الدعوة.
ورد البال وسطر لي حتى على هذه اللي جايه. شي 1 سطر. تقدر أنت تكون حاط فلوس الكراء، ولا كتديها له كاع. كتمشي عنده، كاري عنده حتى شي محل ولا شي دار، وكتمشي كتقلب عليه. هاك الحاج، هاك الحاجة، هاك سيدي، هاك لالة، هاك فلان. ها فلوس الكراء ديال هذا الشهر. لا ما نشدهمش من عندك، خوي لي محل. زيدني. ودوز ثلاث شهور، ويصيفط لك إنذار. فحال أنت اللي ما بغيتيش تخلص. فحال هو كيجي عندك وأنت ما كتبغيش تخلص. كيفكر هو. تيقول لك هذا المحل ولا الدار، إلا جيت أنا نخوي هذا السيد هذا، خصني نعطيه واحد التعويض كبير. وتقدر المحكمة، فحال الدار، تقول له لا، أنت ما عندكش مبرر تخرج للسيد من هذا الدار، غيبقى كاري وكيخلصك الكراء ديالك.
فتيقول: أنا ندير هذ الخطة. كاين هذا البلان في القانون اللي تيقول: ثلاث شهور ما خلصش الفوق، صيفط له إنذار. إلا دازت 15 يوم وما شديتش الفلوس، عاوتاني ركز لي على "ما شديتش"، ماشي "ما جابش". هنا فين كاين المستجد. وما شديتش الفلوس، بامكاني نصحح ذاك الإنذار ونقول لهم هذا السيد فازت فوق 15 يوم على الإنذار وما جابليش فلوس الكراء اللي ف هذاذا الإنذار. وديك الساعة المحكمة غتخرجوا من ذاك المحل وتعطيه لي بزيرو درهم، ولا تخرج خرجوا من ديك الدار، وخا ساكن فيها هو شحال ما سكن.
إذا، رد البال. أول نقطة: إلا جاك إنذار، جاوب عليه. والجواب في حالة التماطل في أداء الكراء، أنه يقول لك ثلاث شهور الفوق، أربع شهور، خمس شهور، ولا أكثر كاع، أنك تخلصوا فيها. أنك تمشي تدير الفلوس. وتدير الفلوس هنا ماشي بينك وبينه. فوا صيفط لك الإنذار، كيولي التعامل على أساس ذاك الإنذار.
إذا، شنو غدير؟ قبل ما تدوز 15 يوم، غتهز ديك الفلوس. غتمشي عند المفوض القضائي. غتقول له بغيت نعرض هذ الفلوس على هذا السيد، على قبل هذا الإنذار اللي صيبت. لطيه دابا القانون الحق وعطيك القانون الحق أنت تستعان مفوض قضائي أنه يعرض على ذاك السيد اللي كيسالك في هذه الحالة فلوس الكراء الوفاء بداك الدين، بداك الكراء. والمفروض القضائي كيمشي عنده. والمستجد الجديد أنه بدون إذنكم، ما غيتسناش المفوض القضائي ياخذ إذن من المحكمة عاد يمشي يعرض الوفاء على هذا السيد هذا. يعرض عليه هذ الفلوس الكراء دياله. كيمشي مباشرة عند السيد، تيقول له بنا الإنضام الفلان فلاني اللي صيفط للسيد أنك كتساله ثلاث شهور ولا أربع شهور ولا كذا، ها هو يعرض يوفي لك بهذ الديون هذ.
الحالة شنو كيوقع؟ الأولى: هذاك السيد كيشد فلوسه، سال الفيلم. ولكن قبل 15 يوم. راه إلا وفيتي من مور 15 يوم، يقدر بذاك الإنذار يخلصك مور 15 اليوم، يرفع عليك دعوة بالإفراغ ويخرجك بزيرو درهم، بسبب التماطل في أداء الكراء.
الحالة الثانية: ما بغاش. قال له أنا ما نشدهمش. وهذه كتعني الحاجة اللي قلنا قبيلة، أن هذا السيد عنده نية مبيته أنه يستغل هذ القضية باش يدير لك الإفراغ بدون تعويض، ولا يخرجك من الدار اللي كاريها أنت سنين.
والحالة الثالثة: إلا ما لقاش المفوض القضائي، ما قدرش يتوصل. في هذ الحالة بجوج، شنو كيوقع؟ المفوض القضائي كيدير ذاكشي في المحضر دياله. يا إما رفض يشدهم، يا إما ما لقيتوش. كتكلف أنت، يدير الإيداع ديال ذاك المبلغ في صندوق المحكمة. راه ضروري تعرضهم عليه هو الأول. إلا ما قبلش، ولا ما تلقاش، عاد تقدر تمشي لصندوق المحكمة. وكيمشي لمحكمة المفوض القضائي، وحسب القانون الجديد ديال المفوضين القضائيين، وكيدير طلب لرئيس كتابة الضبط باش يحط هذ الفلوس في صندوق المحكمة. وكيرفق مع الطلب، يا إما واحد المحضر إخباري كيخبر فيه أنني قلبت على هذا السيد وما توصلتش ليه، ما لقيتوش. ولا ما حضر، رافض العرض. أنا هذا السيد لقيته، ولكن رفض ياخذ هذ الفلوس هذه اللي كيسال لهذا السيد هذا اللي كلفني بهذ الوثائق هذه. كيحط الفلوس بصندوق المحكمة بسمية هذاك السيد اللي صيفط لك الإنذار.
هذا الشي كامل شحال هذ كان خصو يدار في هذيك 15 يوم اللي ذكرنا ديال الإنذار. المسطرة المدنية وحدد الأجال. يمكن لك تعرض الوفاء بهذا الدين، بهذ الفلوس الكراء، في الأجال ديال 15 يوم. خصك تعرض قبل ما تدوز 15 اليوم الوقت اللي وصلك الإنذار. وإلا عرضتي وما قبلش هذا السيد، ولا ما تلقاش، عندك 15 يوم أخرى باش تحطهم له. دير له الإيداع في صندوق المحكمة. كيولي عندك أجل ديال 15 يوم أخرى. وهذا المقتضى غيبدا العمل به، ما قلت، من أواخر شهر 8، تقريبا 24 شهر 8 2026.
ونصيحة الناس اللي كارين قدام. إلا قدرتي دابا قبل ما تكون المشاكل، دير واحد الملحق للعقد ديالك، ولا واحد الاتفاق مع السيد اللي كاري ليك، أنك تولي تخلصه عن طريق تحويل البنك. أنك تحول الفلوس، ولا تحط له الفلوس في الحساب ديالك. ديك الساعة، ماشي شغلك أنت، يبغي ما يبغيش، يجي ما يجيش، عنش عنده. تحط في الحساب ديالو. تهنى مع راسك.
وبنسبة للناس اللي يكريو جداد، ديرها في العقد من الأول. قويا: أطيني حساب بنكي ديالك، وندير في العقد مبلغ الكراء الواجب الكرائية. تبدا تخلص عن طريق الحساب البنكي ديال مول الملك فلان فلان، كل شهر ولا شهرين على حسب الاتفاق.
ساح الله أكبر.