المفاوضات تتراجع، وترامب يصعد، والحشود الأمريكية في ازدياد

[موسيقى] [موسيقى] [موسيقى]

سلام للجميع وبنرحب بالاستاذ خطيب كالعاده. استاذ خطيب، نحن قبل ما نبلش طبعاً كنا عم ندردش أنا وياك ونحكي. شرد في ضغط على قناتك وشرد في ضغط من القنوات الأخرى وإلى ما هنالك.

أيه، نحن مثل ما اتفقنا رح ناخذ استراحة تقريباً شهر زمن لحتى حضرتك بس تضبط أمورك مع القناة. أي، لأنه فعلاً يعني المجهود اللي عم تحطه مجهود كبير ويبدو أنه الضغط عليك غير عادي من القوات الأخرى والاستقبالات واللقاءات. أي، وخصوصاً بـ في الف موضوع يعني حالياً على الساحة. فنحن بنعتذر من الأصدقاء يعني رح نوقف شوي بجوز شي شهر زمان على الأقل بس لحتى الأستاذ خطيب يلتقط أنفاسه مع القنوات الأخرى مثل ما بيقولوا.

وإذا في شيء موضوع مهم طبعاً، إذا في شيء موضوع خطير، إذا في ترامب استخدم السلاح الذري مثلاً يعني على سبيل المثال وضلينا بعدها عايشين، ممكن أنه ممكن أنه نطلع نعملنا هيك شي حلقة عنا. ماشي، حلقة ذرية.

أستاذ خطيب كيفك؟

يا هلا يا هلا يا مرحبا. أول شيء أنا بتشكرك على المقدمة اللي عملتها والتنويه. أنا الحقيقة رجل خجول وحباب مثل ما بيقولوا. [تنحنُح] فـ كثير ومثل ما بيقولوا كمان أنه حيطي أنه حدا صديق بيقول لي بدي أنا أستضيفك على قناتي فبقول له حاضر. ما بقول لحدا يعني مشكلة هي بالنسبة لي. بس الحقيقة أنه في كثير شخصيات أو أشخاص حلوين وكويسين وقنواتهم جديدة وكويسة بيطلبوا مني أنه أنا أطلع معهم وأنا عندي كل يوم فيديو على قناتي. فـ عم صير عندي مشكلة بضغط العمل وأنا رجل يعني في عمر مثل ما شايفين يعني في عمر 74 وبعد كم يوم أنا عيد ميلادي 2 بصير عنا دخلت في العام الـ 75 يعني. اللهم زد وبارك يعني.

وبيقولوا له نحن عنا العرب إيش بيقولوا؟ الله يطول عمرك. شلون يعني بده يطول عمره؟ هذا العمر له علاقة بالجسم وبالغدد وبالـ خلايا وبالوقت اللي بيتوقف في الأخير القلب ويستهلك بده يموت. وقد ما عاش الواحد بده يموت. هي لازم نفهمها أو بالاحرى نتعايش معها. هي الفكرة أنه الواحد بده خلص انتهى يعني أخذ دوره في الحياة. وكل هذا اللي صار في سوريا وفي هي بلاد الجورة التاريخية وما انقتلنا هذا الشيء يعني إنجاز. أنه أنا كم مرة هربت من القصف وكم مرة هربت من إطلاق النار ومشينا تحت الرصاص وطلعنا وبالأخير رحنا على دول ثانية وبالأخير صفينا هون يعني شوي إلى حد ما في شوية أمان.

ونحن عنا اللي بينقتل ما حدا بيسأل. بيقولوا أنه خلص هذا عمره خالص. يعني شلون عمره خالص؟ ما بيخلص عمره. أنتم قتلتوه. بيقول لك لا عمره خالص الله كاتبه له. لا أنت قتلته مثلاً إذا واحد مجرم وأطلق عليه النار. فـ بيتحججوا أنه يا أخي هذا اليوم اللي وعده فيه وعمره خالص. يعني بما معناه اللي قتل ما عنده يعني معاف أو بالاحرى سامح فيه. وياما ناس انقتلوا وما حدا جاب المجرم تبعهم إلى العدالة. وهي قصة العدالة من كم يوم عملت فيديو أنا. من أكبر الأكاذيب اللي سارية في بلاد الجورة التاريخية والكل متفقين عليها. يعني كلهم بيكذبوك وكلياتنا بنكذب هي الكذبة أنه في عدالة. بعمرها ما تحققت العدالة ولا من 10,000 سنة ما تحققت العدالة. وخاصة في بلاد الجورة التاريخية. أبداً غير الإجرام والقتل وأكل الحقوق واستباحة المال واستباحة البشرية والنسوان وكله مستباح. أبداً بعمرها ما تحققت العدالة.

فالمهم في الموضوع هلا هذا البحث طويل ممكن نحكي فيه بعد ما ناخذ استراحة. أنا وأنت وأنا يعني معتاد على أطلع مع قناة ريكاردو بشكل دائم وبنبسط يعني بهي الساعة بنعملها مثل استراحة. ولكن أنه مثل ما قلت أنه إذا أنا بدي أطلع مع ريكاردو بدهم الآخرين بيقولوا لي أنه يعني بدنا إياك. وأنا ما فيني أخجل حدا مثل ما قلت.

هلا بنيجي للموضوع الأهم. رجعت إيران هلا تصدرت المشهد أو صدرت الأحداث. في تصعيد هلا في تصعيد عسكري. هلا في حشود أمريكية جديدة. هذول حاملات الطائرات وجنود وتهديد. لأنه الإيرانيين كالعادة بتهربوا. يعني هن في عندهم مثل ما بقول لعيبة الكشاتبين. كل الحبة كل اللعبة على الحباية. الحباية هي النووي. لما ضيق هرمز ترامب اشتغل شغله. طبعاً مو ترامب الـ الدولة الأمريكية الـ البنتاجون اشتغلوا شغله أنه أنتم مانعين الملاحة محاصرين مضيق هرمز. نحن بنحاصركم لكم. فـ بيصير بالاخير سيب ونسيب على قولة الإخوة المصريين. يعني هلا عم صير خنقاً لأمريكا. إضافة إلى أنه وزارة الخزانة الأمريكية يومياً عم تفرض عقوبات. هلا في الآونة الأخيرة مو بس على إيران على كل الشركات والجهات والمؤسسات اللي عم تتعامل اقتصادياً مع إيران أو اللي عم تمشي لها أو تنفذ لها بضائع أو غيره. فهذا كمان من نوع الضغط.

الفيديو رقم واحد اللي عملته أنا يوم 28 شهر قلت أنا هي الحرب بدها تؤدي إلى استسلام إيران. مبارح عم بيقول ترامب أنه ما بقى في أمام إيران غير استسلام. الاستسلام شو يعني؟ أنه هذا الـ 41 كيلو. هن في أحد الخبراء قال أنه هم 41 كيلو. في ناس بقولوا 50 و 60. المهم هذول بدهم يتسلموا ينحطوا عند حدا. بتاخذهم روسيا. بتاخذهم الصين. منظمة حظر الأسلحة النووية. حدا بده ياخذهم لحتى يبطل ترامب ونتنياهو أو أمريكا وإسرائيل يضربوا إيران. وهلا في خيارات عم تنحط أمامه لدونالد ترامب من قبل وزارة الدفاع ومن قبل القطاعات العسكرية الوسطى وغيرها وبراد كوبر والاستخبارات وغيرها. أنه نحن فينا نضربهم مرة ثانية. لكن ضربة كثير خاطفة وسريعة وبنك الأهداف محدد وخالص. يعني بما معناه أنه هي الضربة مثل ضربة الـ 45 يوم. اضربوا هيروشيما وناغازاكي. أنه هي تكون بقى اللي بتخليهم يستسلموا الإيرانيين.

شو عم يعمل؟ عملوا عم حااولوا يستفيدوا من إمكانية أنه هم كانوا قادرين على إيذاء الآخرين. إيذاء الملاحة البحرية. تأثير على أسعار النفط. على أسعار المنتجات الأخرى اللي بتأثر بالنفط. كل هي عم يلعبوا عليها. لكن هذا الأمر عم يعالجه الجانب الأمريكي بقصة أنه نحن بدنا نضل نشدد عليكم الخناق لحتى تستسلم. وراح راح عباس عراقجي صار يعمل جولة. راح على إسلام آباد ورجع. اجا على عمان ورجع. راح على روسيا واجتمع مع الـ مع القادة الروس. طبعاً بوتين وغيره ووزير الخارجية لافروف.

هلا بزمانه حسني مبارك قال اللي بيتغطى بأمريكا عريان. لكن الحقيقة اللي بيتغطى بروسيا عريان. لأنه نفسهم المصريين هذيك الأيام أيام أنور السادات كان يقول أنه يا أخي ما معنى أنه خزلونا السوفيت اللي كانوا هم داعمين لـ لمصر ولسوريا ولهي البلاد. خزلونا. كل ما بدنا نقول لهم بدنا أسلحة متطورة. بدنا أسلحة هجومية. بيقولوا لنا أنه ديروا بالكم أنه إسرائيل بتضربوها فقط إلى حدود 4 يونيو 1967. هي بتضل لإسرائيل. بعد 5 يونيو بإمكانك تقاتل من شأنه. يعني في كثير كان ضغوط.

هلا اليوم بشار الأسد تغطى بالاتحاد بروسيا. تغطى بروسيا وروسيا حمته لحد الـ 2024. 2024 تخلت عنده روسيا. هلا روسيا جابته وحطته عندها وكذا يعني أنقذته لبشار الأسد والفريق الكبير اللي معه. بس هن خلت الدولة من إيده ورجعوا هم نفسهم استقبلوا اللي اجوا محل بشار الأسد. رغم أنه هم نفسهم كانوا يقاتلوهم سابقاً.

فـ هلا شو بدها تعمل لهم روسيا لـ لهدول الجماعة اللي هم الملالي؟ شو بدها تحسن تعمل لهم؟ أنا بشوف أنه ما أنا قادرة تعمل لهم شيء إلا في حدود أنه نحن بنتفاوض. نحن بطرح الملف على الأمريكان. لأنه هم الروس نفسهم بيعرفوا قديش حجمهم وقديش حجم أمريكا. هم بيعرفوا هذا الشيء. بيعرفوا أنه أمريكا هي ما تزال القوة العظمى الأعلى أو الأكبر على مستوى العالم.

فهذا الأمر بعدين أغرب شغلة وأعجب شغلة أنه بتصل عباس عراقجي بوزير الخارجية السعودي وقال مشان يتشاور معه شو بدنا نعمل في المفاوضات؟ أنت عم تتشاور مع دولة عم تضربها صواريخ؟ يعني شو ه الوقاحة؟ أنت عم تضرب السعودية وتضرب لها منشآت وبتضرب لها أماكن عسكرية وأماكن مدنية. أنت شلون عم تتصل فيهم لتتشاور معهم؟ أنت لما واحد بيكون في أزمة. لما دولة بتكون في أزمة بتدا بتتشاور مع دولة ما في بيناتهم حرب. يعني جهة ثالثة مو مع جهة أنت عامل فتح ليها معركة. ومو هي المعركة فقط المشروع الإيراني اللي انطلق سنة 1979 لهلا هو معاد للمملكة العربية السعودية. من وقتها لهلا يعني هم بيعتبروا أنه الأماكن المقدسة اللي موجودة في السعودية هي ليست حكر على آل سعود أو على المملكة العربية السعودية. هي يعني بما معناه أنه المسلمين لهم حصة فيها. وبما أنه هم عم يتزعموا كانوا عم يتزعموا العالم الإسلامي. فهن بدهم إياها. بدهم ياخذوها منهم. ودائماً دائماً الصراع كان حتى في سنة 2019 على ما أعتقد. الحوثيين بأمر من إيران من قاسم سليماني ضربوا وين ضربوا؟ ضربوا أرامكو الشركة السعودية الشهيرة. وعلى أثرها ترامب وقتها كان هو رئيس بهذيك الفترة. أي وجه ضربة لقاسم سليماني والمهندس اللي كان معه وقتلهم في العراق. صار اغتيال قاسم سليماني كان رد فعل ترامب على ضرب أرامكو تضامناً مع السعودية.

فـ نحن أمام حالة شديدة التعقيد وشديدة أحياناً الهزل. أنه أنتم عم تروحوا لتتفاوضوا. بيقول لك أنه إيران منتصرة. طيب طالما منتصرة ليش عم تتفاوض؟ ليش أنت حاطط أمريكا على بالك وقاعد عم تتفاوض معه؟ أنتم اليوم المجتمع الإيراني اليوم على كف عفريت. البلد تقريباً 50 60 70% من إمكانياتها العسكرية راحت. وحتى الإمكانيات المعيشية الاقتصادية الموجودة في إيران كمان راح قسم كبير منها. ولذلك نحن بنقول أنه الوضع بالنسبة لإيران كثير صعب.

هلا بالنسبة لأمريكا هيك دولة مثل أمريكا ما بتهزها هيك أزمة. أنه والله صار في أزمة دبلوماسية. أزمة بين مؤسسات المؤسسات الديمقراطية الموجودة. أنه في مبارح استجوبوا وزير الحرب في أنه هي الحرب وشو جدواها وصار عليه في خاصة النواب الديمقراطيين وكذا. هذا الشيء ما بيأثر. ممكن يأثر على شخص ترامب. هي هو آخر شيء هي المدة اللي هو الأربع سنين. هلا هو حالياً فيها. ما بحق له يجددها. فهي المدة الثانية غير الأولى. دائماً رؤساء أمريكا الأولى بيحسب حساب الناخب اللي بده ينتخبوه في المرحلة القادمة. لكن في المرحلة الثانية هي بسموها مرحلة الإنجازات لأي واحد. فهلا ترامب عم يشتغل في موضوع الإنجازات. واللي قام فيه ترامب هلا من نظر كثير من الناس والمحللين ومنهم الأمريكان أنه كان لازم يكون على زمان الرؤساء السابقين أنه يعملوا هذا الشيء ضد إيران. لأنه إيران هي خطر على الاقتصاد العالمي وعلى أمريكا طبعاً.

بالخلاصة ولذلك وهلا أمريكا بلشت تتأثر لأنه ارتفع سعر المحروقات في أمريكا مثلاً من جراء إغلاق مضيق هرمز. فـ يعني هذا الخطر. يعني ترامب هو الحقيقة خلينا نقول مو بس شجاع. خلينا نقول هذا التهور تبعه والغرور تبعه أنه أنا بدي أساوي شيء وأعيد أمريكا عظيمة من جديد. هو اللي خلى أي يعني إيران تضعضع كل هالقد. يعني هلا هي إذا بتاخذ أنت مقارنة بين وضع إيران اليوم ووضع إيران يوم 6 أكتوبر 2023 بتشوف فارق شاسع جداً. بين كانت دولة متمددة وأخذة أبعادها وعندها قوى ضاربة هون وهون. وبين هلا قاعدة عم تطلع هيك بتلاقي الأرض خسرانة والأرض حربانة والقيادات ما في. وفي صراع داخلي أنه مين بالاخير صاحب القرار. حتى الآن.

هلا الأزمة الحقيقية في إيران أنه ما عم بيقدروا يخلصوا بعضهم. أنه يعني مثلاً الحرس القومي. الحرس هذا شو سموه؟ الـ >> حرس الثوري >>. الحرس الثوري بده ينتصر ولا بده ينتصر الجناح السياسي تبع رئيس الجمهورية وزير الخارجية ولا الباسيج ولا البازار ولا يعني في صراعات وما في قيادة مثل اللي كانت موجودة. تلك القيادة كانت تدير الأمور. هذاك كان خامنئي أداة من الأدوات. راحوا أكثريتهم هذول انقتلوا.

فهلا اليوم. بالنسبة للأمريكان في واحد مبارح منهم من الـ من العسكريين قال أنه نحن عندنا مشكلة صار في الذخائر في صناعة الـ الأسلحة اللي بتلزم للحرب. صار عنا نقص إلى آخره. هذا الشيء متوقع وطبيعي. ويمكن تكون بقى هون هي الفقرة الأخيرة الأخيرة اللي بدي أقولها. يمكن تكون الهدنة اللي وافق عليها ترامب هي اللي نحن هلا فيها. تكون هدنة تكتيكية. أنه نحن بنوقف معهم. بنقعد بنجهز أو بنزخر أو بعيد إنتاج الصواريخ تبعنا. وبنبعث الـ المحاملات الطائرات خليها تطوق المنطقة. فـ بيقول لك أنه احتمال كبير أنه يصير تشديد أكثر شيء على موضوع المضيق. ويمكن إشراك دول أخرى في موضوع المضيق فقط وليس في موضوع الحرب على إيران. الحرب على إيران أمريكا وإسرائيل. لكن الدول الأوروبية هي جادة في هذا الموضوع وعم بيجتمعوا. بيفكروا كيف بدهم يلاقوا طريقة لتأمين العبور في مضيق هرمز.

هلا هو الـ في مثل إجماع من قبل الخبراء بما فاهم كان سمير التقي عم يحكي. أنه مشكلة إيران الرئيسية اليوم كونها ما عم تقدر تصدف وما عندها خزانات وقود. فهي الآلات الضخ واقفة. إذا ظلت واقفة لمدة أسبوعين أكثر من هلا بدهم يضطروا يسكروا البير وما فيهم يفتحوه لبعد شي ست شهور أو شي 18 شهر. يبدو أنه بتصير في مشكلة تقنية كبيرة إذا ما كان البترول بضل ماشي. بس انفتحت بير ما فيك تسكره. بس نسكر كرته عندي انفتح معك بسهولة. فلذلك هو ترامب قاعد ومبلط يعني. ويقعد لهم بالمضيق وقال لهم يلا فكروا على مهلكم. فـ مانه مستعجل الزلمة نهائياً. وبعدين بدك ما تنسى أنه في دولة عميقة بـ بالولايات المتحدة. بنهاية ترامب بينفذ أوامر. يعني نحن بضل عنا هالتخيل أنه هو عم ياخذ قرارات. و في قرار بالسيطرة على كل نقاط العداء للولايات المتحدة. يعني بلشوا بفنزويلا. اجوا على إيران. عندهم كوبا. وهيك بحاصروا عملياً. بيخضعوا روسيا ضد الصين. يعني بالنهاية هدفهم الصين.

فـ أنا ما أظن أنه حتى لو صار لو خسر الانتخابات بالولايات المتحدة. وبيقول لك معه مهلة 60 يوم. 60 يوم شو يضبط بطيخ مبسمر. هذا الـ 60 يوم بيل كلينتون حارب بصربيا أكثر من 60 يوم. وأوباما حارب بليبيا أكثر من 60 يوم. يعني هي عملياً ما بقول لك بده موافقة الكونغرس صح من حيث المبدأ. بس إذا الكونغرس ما قال له وقف ما بيوقف. بضل يحارب. حارب بفيتنام 15 سنة ما قال له الكونغرس وقف. يعني الناس مانا مستوعبة أنه والله إيران عم تضغط عليه وعنده مهلة. عنده مهلة شو لك؟ مانه سائل على حدا الزلمة. يعني هذا هذه شغلة استراتيجية. اليوم إيران إذا ما ركعت من هون لاسبوعين بدها تفوت بالحيط. بدها تفوت بالحيط. يعني وناوين يرجعوها للعصر الحجري.

بس أنا بتأسف على الشعب الإيراني بصراحة. يعني أنا أتمنى أنه يقدروا ينجحوا من دون ما توصل لمرحلة أنه يضربوا كل البنية التحتية. يعني ضرب الجسور وضرب محطات الكهرباء وكل هالامور ها بده يدفع ثمن الشعب الإيراني بالنهاية. وأنا ما بتمنى لأنه أنا بعرف مين الإيرانيين وبعرف هم كيف بيفكروا. يعني حرام والله ضيعانهم بشرفي. يعني نحن إذا بتقارن الإيرانيين بالـ بشعوب المنطقة الأخرى. يعني سابقيننا 100 سنة بالفكر. بس مع الأسف. أي شعوب تعبانة. شعوب تعيسة. وهن في بجوز 20 30% مع النظام وما عندهم ما عندهم مانع يبيدوا الـ 70% الثانيين. ما عندهم مانع نهائياً. يعني الأسد أو نحرق البلد. ما نفس المبدأ. نفس المبدأ بالعراق. بسوريا. بإيران. نفس المبدأ. هالعقلية هي عقلية هالعقلية الفاشية اللي ما شايفة شيء. ما أن شاي مانا شايفين حدا.

>> بس يضلوا هم بالسلطان. في مشكلة حكى عنها مبارح الدكتور حامد عبد الصمد >> عند الدول [تنحنُح] اللي كانت في يوم من الأيام عندها إمبراطورية مثل إيطاليا مثل العرب مثل الفرس >> مثل الأتراك. هذول ما تزال هي الحنين إلى استعادة الإمبراطورية عم تقتلهم قتل. هو بيحكي عم يحكي عن إيطاليا أنه بالاخير بعد ما خسروا كثير اجوا قالوا للأوروبيين خيو نحن أي بدنا نعيش معكم. ونحن بطلنا أحلام روما. ونحن ما بقى بدنا نستعيد الإمبراطورية أو التوسع تبعنا. هذا أمر الإيرانيين ما خلصوا منه. هي العقلية ما رح يخلصوا منها لينهزموا عسكرياً. أنا اللي بشوفه أنه هلا بـ بصدد أو في سبيلهم لأنه يوصلوا للهزيمة العسكرية.

أنا بس أكثر شغلة عم بتضايق لما في أصدقاء بيبعتوا لي فيديوهات لواحد بيكون أمريكي أو بريطاني أو سياسي كان بزمانه أو كان خبير عسكري أو غيره. بيقعد بيحكي لك قديش أمريكا وإسرائيل عم يخسروا. قديش إيران متمكنة وكذا. يا أخي طيب هذا الشيء غير الواقع. هذا الإنسان أنا ما بقول أنه فلان هذا أكيد طالع واخذ مصاري وحل الـ الجماعة إيران عم يدفعوا له ولا الإخوان عم يدفعوا له. ما بقول هيك لأنه ما بعرف أنا. بس أنه في شيء في شيء هذا مو معقول. أنه يا أخي هل يعقل أنه هلا نتيجة هي الحرب أنه أمريكا وإسرائيل خسروا أو انهزموا؟ كيف بدك تيجي تاننع الإنسان عم يشوف شيء قدامه؟ هذا الشيء نحن على فكرة سهل عندنا. يعني هذا اللي عم بعث لي رجل دكتور وكان شيوعي سابق وكذا. أنه هو مقتنع بهذا الشيء اللي عم يقوله. هو خلص تبرمج مخه أنه أمريكا خسرانة وإسرائيل خسرانة وإيران ربحت وخلص بدها تصير قوة عظمى في المنطقة وكذا كذا. يعني ما معقول. نحن هي السرديات. لما كانت غزة عم تتدمر وإسرائيل عم تيجي بتجتاحها كلها وما تترك فيها حجر على حجر. ما تزال أو استمرت قناة الجزيرة توهم الناس أنه لا أنتم وين رايحين؟ هذا اللي عم تشوفوه على الأرض مو هو الواقع. الواقع أنه إسرائيل عم تهرب. حتى في واحد قال أنه بدهم يضلوا لاحقين إسرائيل لتل أبيب من غزة ليوصلوا لتل أبيب ويحتلوها. وبالأخير إسرائيل تزول من الوجود. وهذا الحلم. أنا اللي بستغربه بشغلة أنه خيو لنفرض جدلاً أو حتى خارج العقل والمنطق والتاريخ وكذا. أنه حماس الإسلامية المتشددة انتصرت. يعني أنت اللي كنت بزمانك شيوعي أو ما زلت شيوعي وعقليتك ما تزال أنه عقلية المقاومة والنضال وكذا. أنت لازم تصفق للجهة اللي تنتصر تكون منيحة. مو جهة رجعية متخلفة. كل فترات الهدوء اللي ما فيها حرب بين إسرائيل وحماس كانت حماس عم تقتل فيها الفلسطينيين. عم تقتل الفلسطينيين بـ بـ شيء من العلن. من الشيء الغريب. يعني طالعوهم وطبوهم من على الأسطح واغتالتوهم وخذوهم. يعني هذا النظام اللي أنت بدك ينتصر. نفس اللي نفسهم اللي كانوا يقولوا نحن يعني كانوا متعاطفين مع تنظيم الدولة الإسلامية. أنه أخيراً الإسلام السني بده يصير عنده دولة. يشوفوا بعينهم كيف هذول الجماعة الدواعش عم يقتلوا العالم وكيف عم يعلقوهم. عم يعلقوا رؤوسهم على الأشجار وكيف عم ياكلوا بالعالم. وبطبيعة الحال بيركضوا وراء العالم أنه هذا مؤيد لأمريكا. بدموه. هذا مؤيد لإسرائيل. بعدموه. وهذا ملحد. بعدموه. وهذا بيجلدوه. هذا كله ما بشوفوه.

بـ بدهم أنه وخاصة أنا أكثر شيء بيهرني اللي قاعدين في أوروبا أو في أمريكا. أنه خيو هذول اللي عم يطبلوا مثلاً لأبو محمد الجولاني ولا كانوا يطبلوا لتنظيم الدولة ولا اللي بطبلوا لحماس ولا ولا هلا لإيران. أنه أنتم بالاخير شو متأملين؟ إذا هذول انتصروا بالاخير أنه ممكن الإنسان تبعنا شو يقول؟ أنه يا أخي خلي أمريكا تنتصر وخلينا نخلص من هذول. لا هم بدهم إياها هي تنتصر. وتجي تفلح علينا وتنهب ثرواتنا. وتصير عنا ما بقى نعرف نتلبك ونتحرك. ويصير بقى القوى الأخرى اللي هي أمريكا وإسرائيل بدها تيجي تطالعهم. تقوم تقتلنا نحن. يعني تحولت بلدنا أو بلادنا من أواخر السبعينات أوائل الثمانينات لمنطقة معارك بين الناس اللي عندهم مشاريع توسعية. نحن صرنا هلا كسوريين بحاجة. وأنا يعني عم بحكي وكلي ألم. نحن بحاجة بقى أنه نصير بلد دولة مستقرة. يا أخي ما بدنا جيوش ولا بدنا نتوسع ولا بدنا شيء. بدنا شوية شرطة مدنية وناس ما معهم سلاح في قلب البلد. الشعب ما معه سلاح. فقط الجهات المختصة مع السلاح. وهي اللي في عنا أنظمة وقوانين ودستور وتطبقها. ونصير دولة مثل الخلق.

يعني هي الصراعات المتخلفة الغبية اللي هي صراعات على شيء ما بمثلنا ولا له علاقة بحياتنا ولا بتاريخنا. إلى متى؟ إلى متى بدها تستمر؟ نحن إذا هلا بدنا ننحكم بأفكار من 1000 سنة أو 2000 سنة. يا أخي وهذا العالم اللي عم يتقدم إلى الأمام. شد في صار تطور. شد قد في صار علوم مخترعات تغيرات في المستقبل. حتى في القوى. يعني أنت اليوم عم تيجي بتجيب بضاعة غير قادرة على مجابهة القوى العالمية. أنت البضاعة تبعك خلتك تكون متخلف. لا تمتلك شيء غير السلاح اللي عم تشتريه من عند هي القوى. اللي هي قوى متقدمة. وهي القوى المتقدمة وقت اللي عم بتبيعك التكنولوجيا تبعها بتحسن تنتصر عليك بالسلاح اللي موجود عندك. يعني اشتريت أنت طيران أمريكا بعثك طيران معين. أمريكا وقت اللي صنعته حاطة فيه إشارة أو كلمة سر أو شغلة بتحسن تخرب لك إياها بدون ما تطلع. بدون ما تـ بدون ما تتحرك.

ما عم نفهم نحن لسا بذهننا أنه كل واحد شلة على كتفه بارودة وار بي جي. أنه هذا بده يصير وبده ينتصر. وبده يحرر. وبده يعيد إنتاج الـ 1450 سنة هي. كل دقيقة بنفكر أنه نحن لازم نرجع. يا أخي كان هناك في جمل وكان في غنمات وكان في صحراء وكان ما في مي وما في كهرباء وما في إنترنت. وكان ما في غير هالسيف وهالترس وهالرمح. شلون بدك ترجع مجتمع الـ 2026 القرن الـ 21. ترجعه للقرن الخامس الميلادي؟ ما بتزبط.

فـ نحن بنقول ودائماً بنكرر. وأنا حتى ما أنفهم غلط. بقول أنه يا أخي أنت اعتقد باللي بدك إياه. بس تروك الدولة عن بالك. خلي الدولة تنعمل بطريقة أنه تكون قادرة على التعايش مع بقية المحيط تبعها وبقية دول العالم. لأنك أنت مانك عايش لحالك. وما أنك عايش في الصحراء. وما أنك عايش بجنبك ناس متخلفين. وما عندهم شيء. أنه أنت تيجي تروح تقاتلهم. تروح تنتصر عليهم أو ينتصروا عليك. هذا هي العقلية راحت. لازم بقى نتخلى عنها. إذا صارت دولة محترمة بتحترمك لك قبل ما تحترم غيرك. الدولة اللي هي حيادية. مانا مع حدا. ليست مع أحد الأديان ولا مع أحدى القوميات ولا مع أحدى الإثنيات. هي الدولة هي اللي بدها تحميهم للكل. وكل دولة تقوم على إحدى هذه المذاهب أو الأديان معناتها هي معاديل للآخرين. مثل ما عم نشوف هلا عنا في سوريا.

>> ما بعرف إذا شفت الحلقة الأخيرة للدكتور زاكاري. هلا كنت عمها سمعت شي ساعة وشوي منها. ما قدرت أسمعها كلها. بحسب الدكتور زاك هارلي أنه أهم إنجاز لهالحرب هو انسحاب الإمارات من أوبك ومن أوبك بلس. هلا المنطق تبعه بيقول لك أنه أوبك هي عبارة عن مثل عصابة ابتزاز. هي بتقرر شد سعر النفط وشد لازم يكون في نفط بالسوق وشد ما لازم يكون في نفط بالسوق. عاد نحن ليش بس النفط؟ أنتم كل الكوموديتيز مثل القمح مثل السكر مثل بكرة بتطلع عصابة من الدول بتقرر شد لازم في قمح يكون بالعالم وشد لازم السوق يكون سعر القمح وشد لازم تاكل قمح وما تاكل قمح. فهو بيعتبر أنه خروج الإمارات من منظمة أوبك هو أكبر إنجاز لهالحرب. لأنه يعني فعلاً بداية سيطرة الولايات المتحدة على سوق النفط العالمي. وأنها ماسكة الكل من رقبته. أنه عملياً بداية نهاية أوبك. لأنه الإمارات عاملة عاملة أي يعني عاملة مضخات بشكل أنها هي تقدر تضخ 5 ملايين برميل باليوم إذا بدها. وكانت متقيدة بأوبك. واليوم اليوم طلبت حتى قرض من الولايات المتحدة أو ربط الدرهم بالدولار 100%. هو أصلاً عملة دولاريه بالاصل. ولكن أنه بده يصير في نوع من التحالف الاقتصادي 100% مع الولايات المتحدة. وهذا معناته شيء كبير. لأنه فعلاً اليوم إذا إذا قدرت تحقق. إذا قدر ترامب خلينا نقول ترامب يحقق حلم الولايات المتحدة الأبدي بتدمير أوبك. الحلقة رهيبة للدكتور زاكار. أنا هلا كنت بعثت له المسج. كنت لسه عم بسمع أنه أحد أهداف الاستراتيجية الحلم. أحد أحلام الدولة العميقة بالولايات المتحدة الأمريكية أنها تدمر أوبك. وهي الحرب عملتها. لأنه لما بتيجي إيران بتضرب السعودية وبتضرب الإمارات. أول شغلة بدها تقول لها إياه الإمارات. يلعن أبوكم لا أبوك أنا بدي أطلع من هون وأحله عن طيزه. يعني بما معناها أنه خلص أنا بدي أشتغل بشكل مستقر مستقل. وأنا بحط إيدي بإيد أمريكا. ويا ويل اللي بقرب علي بعد اليوم. فـ >>

هلا مبارح مبارح نفس الحلقة اللي عم تحكي عنها أنت. أنا شفتها بالصدفة. >>

ما كلها. لأنه هو ساعتين ثلاثة بضل. >>

أم. >>

بس الشغلة المهمة اللي حكاها. هو بيحكي من وجهة نظر مواطن أمريكي. هو بتهمه مصلحة أمريكا. أنه أمريكا عم تروح تخدم هي الشعوب. يعني هي الشعوب مثلاً العراق. >>

هي برايها أو بزعمها أنه نحن صحيح بنحقق مصالح. بنفس الوقت نحن هي الشعب العراقي نحن بنخلصه من هذا اللي صار. أو بخلص السوريين من نظام بشار الأسد مثلاً. وقد ما كلفنا هذه العملية تكلف. لكن برايه هو أنه ها الشعوب استحصت على التغيير. أو رفضت الحداثة. رفضت التطور. رفضت العلمانية. الديمقراطية. الليبرالية. رفضتها. يعني هو قال أنه نحن جينا خلصنا في العراق. خلص لازم نمشي. نتركهم يصطفلوا. هذا رأي زاك.

شوف هي خطيرة. هي الفكرة أنه أنت خلصتهم من صدام حسين. بتتركهم وبيمشوا. بدهم يقتلوا بعضهم. هذا اللي صار. لما كانت أمريكا بقت بقت من 2003 لل 2010 في العراق. صاروا الطرفين يقتلوها لأمريكا. وخسرت أمريكا 3 4000 عسكري في العراق. وبالأخير بقول لك زاك. نحن شو استفدنا؟ كامريكان نحن شو استفدنا؟ المشكلة الأساسية فعلاً ليست في سلوك أمريكا. ولا سلوك الصين. ولا سلوك روسيا. المشكلة الأساسية عنا نحن. يعني تصور نظام بشار الأسد العلماني. العلماني على أساس علماني. بروح بجيب بيعمل نداء ضمن سوريا بال 2003. أنه اللي بحب يروح يجاهد في العراق يروح يدبر حاله مع فلان وعلان. صار شبه علني في سوريا تجنيد إرهابيين وإرسالهم للعراق مشان يقاتلوا أمريكا. فهي الشعوب كيف بتفكر؟ العلماني فيها بفكر كيف يبقى بالسلطة. والإسلامي بفكر كيف بده يخلص السلطة من الآخرين وهو يحكم. وضمن الإسلاميين نفسهم. كل إسلامي أو كل جماعة إسلامية بتفكر أنه هي الجماعة الإسلامية اللي هي موجودة بالسلطة كمان ما منيحة. لأنه هي هذول خوارج. هذول غلاة. هذول متشددين. هذول أي شو بسموهم كمان. يعني هي التهم اللي أنه يعني ما عم بطبقوا شرع الله. أو هن بغاة. أو هو. هي هي البلاد هي هيك طبيعتها. نحن إيمتى بدنا نخلص منها؟ نخلص منها في حالة واحدة. أنه لما بقوموا المثقفين تبعنا بدورهم التاريخي بمخاطبة الرأي العام. بتوضيح الأمور للرأي العام. أنه يا أخي هيك مو ماننا ماشيين صح. نحن ماشيين باتجاه الهاوية. نحن هي الدماء اللي سالت كلياتها في بلادنا لسه ما شفنا شيء. لسه كل مالها الموضوع ماشي لقدام. يعني نحن الدمار لسه لقدام. في حدا كان بيتخيل سوريا تصير هيك؟ في حدا بيتخيل أنه سوريا كل المدن وانت ماشي مثلاً. بتمشي من عند غرب حلب بتوصل لحدود حماه وغرب الطريق كمان بتلاقي المدن أو القرى نازلة على الأرض. وعندك كمان ريف إدلب. عندك أريحا. عندك جسر الشغور. هي المناطق السرائب. وانت ماشي لـ خان السبل. هذول كلهم تهدموا. هذول. وحوالي دمشق وريف دمشق وجوبر و ودمر كلها أكثريتها تهدمت. هي المناطق خلال هال 14 15 سنة الليت كلها. لأنه ما يسمى الثورة راحت تسلحت. وراحوا في دول دخلت على الخط. وهذول. وكمان من كم يوم عمل أي حلقة حامد عبد الصمد. أنه دائماً وأبداً الجماعات الإسلامية بتروح بتلاقي حدا يستأجرها. وبعد ما يخلص بيضحي فيها. بيشيل هيك وبيكبها. وما تزال بتعيد نفس السالفة. الجماعات الإسلامية مين من قال لها تعالي لادعمك وأعطيك مصاري وأعطيك فلوس؟ بيشتغلوا عنده. وقت اللي بينتهي دوره بيكبوه. وما بيفهموا ولا بيتعلموا. ليش؟ لأنه هن بالأصل هن هيك. هن أصلاً جماعات عابرة للقارات. تنظيم الإخوان المسلمين لما تشكل في مصر سنة 1928 مو المفروض يكون تنظيم مصري. وين وصل؟ بتعرف أنه في شيكاغو في تنظيم إخوان مسلمين. من فترة طالع دونالد ترامب قانون أنه اعتبر هذول. طلع القانون أول شيء من شيكاغو قبل ما يطلعه دونالد ترامب. المحافظ أو الـ رئيس المدينة أو العمده تبعية ولاية الـ >> ولاية شيكاغو. قالوا نحن نجرم تنظيم الإخوان المسلمين. وبعدين ترامب طالع القرار بتجريمهم. وشو موصلهم؟ شو وصل حزب الله لفنزويلا؟ كلياتها جماعات عابرة للقارات. إيش اللي وصل تنظيم القاعدة في سنة الـ 79 على أفغانستان. واش اللي وصلوا لنفسهم بالاخير راحوا ضربوا الأبراج تبع التجارة في في أمريكا. إيشو اللي أخذ المجاهدين؟ إيش لهم السوريين؟ إيش لهم علاقة بالعراق ولا بأمريكا ولا بغير أمريكا؟ نحن منطق الدولة. عقلية الدولة. ما موجودة عنا. نحن مستباحة الحدود تبعنا. كل واحد عنده فكرة أنه هو بده يحارب. بده يقاوم. بده يتوسع. في غ دوله جنبها. وبصير هي المشاكل. وبالأخير أولادنا أو شبابنا هم اللي بيدفع بيدفعوا الثمن. المغرر فيهم. وبنقتلوا وبروحوا فرح عمله. وما حدا ما حدا سائل عنهم بفرنك.

أستاذ خطيب في موضوع مهم الحقيقة. هلا أحد الأصدقاء كتب سؤال عليه. بس أنا بس بدي أعلق على الكلام وعلى كلام زاك هاربي. زاك هاربي قال أنه الولايات المتحدة استثمرت نفس الأسلوب اتبعت نفس الأسلوب مع أوروبا واليابان. ولكن كان في لها فائدة. ولكن مع جماعتنا كونهم عضوا الإيد اللي بتمد لهم. يعني عملياً هو كما لسان حاله يقول. إذا أنت أكرمت الكريم ملكته. وإن أنت أكرمت اللئيم تمردا. يعني أنه هي الشعوب لا تستحق شيء نهائياً. شعوب متخلفة ناكرة للجميل. وأكثر ما أنه ممكن تحصل عليه أنها تذبح بعضها. وهذا كلامه الحقيقة يعني وشيء مؤسف.

>> لكن أنا أنا بدي استغل هي الفرصة وأقول >>

كمان أمريكا وأوروبا كمان ما ساعدوا الشعوب تبعنا. ما ساعدوهم. يعني أنت مثلاً جيت شلت صدام حسين. رحت بنفس الوقت أنت بتمول جماعة إرهابية. أو بتدعم جماعة إرهابية. هي الجماعة الإرهابية شو بدها تنتج لك؟ يعني في المجتمع بدها تنتج لك نفس الفكر. ونفس الـ نفس العقلية اللي خلتهم يروحوا يضربوا الأبراج تبعك. نفس العقلية اللي بتخليهم يهاجموا سفارتك أو يحتجزوا مواطنين أمريكان. الحقيقة أنه الشيء الوحيد اللي بامكان أمريكا وغيرها يعملوه بالنسبة لشعوبنا هي الضغط من أجل تجفيف المنابع في المناهج تبعنا. نحن المناهج تبعنا هي اللي عم تطالع هذول الناس. هلا اليوم بتلاقي الولد ماشي. مبارح شفت فيديو أطفال طالعين من المدرسة. صح لهم واحد قال صحفي. أنه كنتوا والله كنا بالمدرسة حاطين لهم أبوعات ولابسين قلابيات وغيره. إيش عم تعلموا؟ بلش يحكيله إيش عم يتعلموا. دروس الكذا اللي الـ الفقه اللي ما بعرف إيش كذا. نحن بزمانه. الحبيب بورقيبة إيش قال؟ نحن لازم نعبي العالم كله بما معناه يعني باسات من عنا. يروحوا يتعلموا علوم دنيوية. علوم وضعية. مشان يجوا يخدموا بلدهم. هلا اليوم اللي عقله مبرمج بكل المناهج الدينية من وقت اللي انوجدت لهلا والفقه الإسلامي والدين الإسلامي تعبى عقله من وقتها لهلا. كويس ما اختلفنا. هو حر براسه وبعقله. بس هذا شو له فائدة في المجتمع؟ خلينا نسأل سؤال هيك بكل شجاعة وصراحة. في المجتمع. في بده محل مهندس. بده واحد خبير. بده واحد ذكاء اصطناعي. بده واحد يعمل جسور. بدنا واحد يعمل أنفاق. بدنا واحد يعمل شيء يفيد البلد. هذا هو طبيب. مهندس. مخترع. ما في عنا هيك شيء. نحن اليوم في أجيال طويلة عريضة عم بتم إنتاجها في بلادنا تحمل الفكر اللي ما بفيد بالاخير. وإذا علقت بصير دار. بيتحول إلى مشروع حرب أهلية.

>> بالضبط. طيب خلينا ننتقل للموضوع المهم وهو ظهور كمية هائلة من الفيديوهات التحريضية بعد قصة أمجد يوسف. يعني اليوم بقولوا لك أنه كلهم أمجد يوسف. ولكن ما كان في فيديوهات. كمية التحريض على الطائفة العلوية شيء لا يوصف. اليوم وكأنه بتقول الأيام بدها تقوم بكره. فشو رأيك بهالمهزلة اللي صايرة اليوم بهالمحاكمات وبهال ما بعرف شو يعني. أيه يعني يعني سيناريوهات فاشلة وتمثيليات سخيفة. أتفه من هيك ما صار. وشو الهدف منها؟ يعني هن شو متأملين منها؟ أيام بدهم يضلوا يخدروا هالناس اللي ميتة من الجوع. الناس اللي ما عم تلاقي ما عم تلاقي تاكل. وبدهم بس يخدروهم. يعني. واليوم بلشوا يطالعوا الكروت من جيبتهم. كرت ورا كرت. يعني عملياً بلشوا يستخدموا بقى هال هال هال كروت اللي صار مخبينها. مثل اللي خبى قرشه الأسود قرشه الأبيض ليومه الأسود. فشو رأيك بهالكمية الهائلة من الـ من التحريض على العلويين بشكل خاص؟ تفضل.

من ثلاث سنين أول ما فتحت هي القناة كنت أول أكتب في الصحافة. بعدين صرت أحكي بالقناة. وأنا ماني مقرشف يعني كل شيء عندي. بس إذا رح تدور بلاقي عندي أكثر من فيديو. كان النظام موجود. يعني كانت الجماعة اللي هلا عم تحكم بسوريا عم تحكم في إدلب. والنظام كان موجود. وكان في تحريض على العلويين. فأنا عامل فيديوهين ثلاثة أربعة عم بحكي فيهم أنه العلويين كشعب ما في أرو منهم. ولا في أطيب منهم. ولا في أحسن منهم. ولا في أكثر منهم مقدرة على التعاون وعلى الاحتواء وعلى المحبة. وقلت أنه ارفع أنت الشخصيات الإجرامية العلوية اللي كان النظام يعتمد عليها في قمع الناس. ويماثلها عدد كبير من ضباط السنة ومن الشخصيات السنية تقوم أيضاً بنفس الفعل. وهو قمع الناس وقتلهم. مو على أساس طائفي. نظام الأسد ما قتل حدا على أساس طائفي. لأنه كان في قبل 812 في كان 20 مليون إنسان موجودين تحت سيطرة النظام. في منهم يمكن 18 مليون سني. لو كان بيقتل النظام على أساس طائفة للطائفة السنية كان قتلهم. ولو كان فقط بيقتل على أساس طائفة ما كان قتل عبد العزيز الخير. وما كان حبس العلويين سنين طويلة الـ المعارضين له. فنظام الأسد كان يقتل المجرمين. ونظام الأسد يتألف من مجموعة مجرمين من مختلف الطوائف. وبالأخص من الطائفة السنية. يعني بدك تقول النسبة للسنة 70% تقريباً في كل المجالات. يعني الحكومة والشعب والعسكر والجيش والمخابرات. والسنة وأسماء معروفة. إلا في ناس عملوا لهم الإحصاء جد. كان في مجرمين من السنة. وعاطف نجيب اللي انطلقت الثورة السورية بسبب أفعاله في درعا هو من السنة. فهي قصة التركيز ها. أنا الحقيقة ما لازم نرد عليها. لأنه بعدين حكيت شغلة بوقتها بهذيك الفيديوهات القديمة. أنا قلت أنه الناس اللي هجرتهم الحرب الأهلية من إدلب وهم من السنة. وين لقوا ملاذ آمن؟ في ريف اللاذقية وطرطوس وجبلة وبانياس. عند الإخوة العلويين. في نفس هي الفترة. في شغلة كمان مهمة. أنه أي واحد سني كان يركب ويروح حلاتيه. ويلاقي ملاذ آمن بين العلويين. كان ما بيسترجي حتى. حكيتها هيك مثل ما هلا عمكا. ما كان يسترجي علوي يمر في الجو. يعني يكون راكب طيارة مثلاً من فوق محافظة إدلب. وليس على الأرض. ما بيسترجي علوي واحد. مرت سنين من 2015 لل 2024. ما بيسترجي علوي واحد يدخل على محافظة إدلب بالغلط. إذا دخل بدك تنسى هذا الأمر. ما بصير.

نحن نقابله بأنه هلا نحن يطلعوا هذول الأبواق المنافقين الكذابين الدجالين يقعدوا يجرموا الطائفة العلوية. بشار الأسد وأبوه عملوا الطائفة العلوية محرقة وقود. يعني كل ما كانوا تضايقوا يبعثوا الشرطة العسكرية يلموا الشباب من هالقرى العلوية وياخذوهم مشان يقاتلوا فيهم. ولكن بنفس الوقت كانت بلادهم أو قراهم هي قرى فقيرة. يعني مهضوم حقها. وما عندها خدمات. وما عندها كهرباء مثل الخلق. ولا عندها آبار مثل الخلق. ولا عندها منشآت زراعية أو هذه اللي بتساعد الفلاحين الزراعية. كل هـ الأماكن أو الخدمات كانت تنوجد أكثر في مناطق السنة. ليش هذا؟ ليش هذا الشيء؟ هذا الشيء اسمه أنا بقول هذا هستيريا جماعية. في كم واحد من هذول المزعبرين هم اللي بضخوها بين الناس. يعني مبارح في واحد عم يجادلني بيقول لي يا أخي الدروز بيكرهوا السنة. قلت له بعمرهم الدروز ما كرهوا السنة. وبعمرهم الدروز ما تخلوا عن سوريا. وهم أكثر من 100 سنة وهن عم يدافعوا. وهن.

قاموا بالثوره يعني بمعنى قاموا الثوره قبل ما يسقط النظام بسنتين او ثلاثه ضد نظام بشار الاسد وبتيجي بتقول لي انه بيكرهوا السنه الدروز. نحن عايشين معهم في شمال سوريا، نحن كنا نروح في السبعينات على كفتين اننا اصدقاء هناك نسهر وما في سيارات ننام عندهم ننام عندهم في البيوت. كيف بيكرهوا السنه؟ مو عيب هذا الكلام؟ معنا بالمدرسه وكانوا اصدقائنا ورفقاتنا ولهلا ولبكره هن اصدقائنا واخوتنا والشيعه تبع معار المصريين نفس الشيء ما في عندهم ما عندهم حدا بيكرهنا يا رجل.

يوم اللي الشيعه تبع معاره نصرين رك ادلب ومعاره نصرين عفوا الفوعه وكفريا ركبوهم الباصات الخضر بال 2018 في واحد من شيعه معار المصريين طلع حكى كلام هو دكتور قال يعني انا هلا رايح والله ماني زعلان على الفوعه وكفريه انا زعلان على الاصدقاء اللي بعرفهم من بيت فلان وبيت علان عد نص عوائل معارض المصريين تقريبا هذول حبايبنا واخوتنا وبقول لكم باي باي وكذا يعني شيء كلام كان مؤثر جدا.

نحن السوريين هلا نحن ضايعين نحن الان تطورنا كثيرا ولكن الى الخلف وهي مشكله ما لها حل ولا بتنحل في المدى المنظور يعني ما بتنحل هيك الا بدها شغل كثير وبدها ناس بتفهم وناس طيبين وناس كويسين يقعدوا يخاطبوا الراي العام ويوضحوا هي الامور. في اكثر من 130,000 سني من درعا لجاوا للسويدا ما في واحد انضرب كف. والعدد اللي لجا للساحل لا يقل عن عن مليونين بالمناسبه يعني الادال والحلبيه اللي لجوا للساحل ولا واحد انضرب كف.

طيب دقيقه بس دقيقه دقيقه ريكاردو. ما صارت هلا ب 812 وكانت ادلب محاصره وبعدين هلا صارت المفتوحه كلها على بعضها وكان في ناس من ادلب عايشين في الساحل بتعرف انه قسم كبير منهم ما رجعوا على ادلب. انا هي المعلومه بعرفها ومتاكد منها ما رجعوا على ادلب ليش؟ لانه مبسوطين خلص خلال فتره اللي كانوا طالعين اضطرارا عملوا علاقات جيده وهن وجيرانهم العلويين وغير العلويين قاعدين ومبسوطين وما في هذا التمييز لهلاهم قاعدين ما رجعوا يعني مو مو الكل عم بقول انا قسم كبير منهم ما رجعوا.

ايه مع الاسف يعني انا في اي نحن باخر حلقه احدى صديقاتنا كانت معنا على ال كانت معنا بالحلقه انا بس تاكيدا للكلام يعني كونك انت حكيت بالموضوع انا بس على السريع اذا سمحت لي اي يعني هذا البوست انا عملت له مشاركه يعني ريتا عملت عملت مشاركه من 11 سنه تخيل انه هذا البوست حاطته يوم 26 ابريل ابريل بال بال 2015 يعني عم تقول هذا الحكي اللي رح احكيه موسى سطائيه يا جماعه اي عائله بتوصل من الجسر والضيعه المحيطه هنم اهلنا واخواتنا ناس هربانه ولجوا لعنا هي علويه بال 2015 عم تطلب من الناس انه تعامل هالناس باحترام علما انه بقولوا لك لما كانوا يشوفوا عيله ادلبيه او حلبيه جاي على الساحل العيله جاي من مره والاولاد يقولوا له وين البابا عم يجاهد يعني الاب عم يحارب الدوله وباعت عيلته ومراته واولاده لعند العلويه لانه مناطق امان وبيعرف انه ما حدا رح يتعرض لهم طبعا وحده مثل ريت خيرك بتقول لك تفيق لي شو حماره يعني شوف لوين وصل.

لا هو لا هو ما لازم تتندم هي لازم ما تتندم لانه هذا السلوك الانساني يعني ما بجوز نحن نعمل سلوك انساني ونتندم عليه وهلا وبكره وما يز زال يعني مناطق العلويين او المسيحيين او الدروز هلا في ناس ايش بيقولوا يعني انا بتهموني انه يعني انه انت ما معنا عم تراضي شو ليش بدي راضي فلان وعلان يعني انا ما عندي طموحات في سوريا ما بدي حتى ماني مفكر روح يعني انا ليش بدي راضي فلان وعلان وبدي اعمل شعبيه يعني شو الهدف واحد يعمل شعبيه لو كنت انا قائد سياسي لو كنت رجل اعمال لو كان لي طموح بقول انا براضي بعدين كل هذا الحكي هل هو يعني انه انا ضد السنه كمان لا يعني هو بقى المنطق او المبدا مثل ما حكينا مره انه في مبدا عام انه انت ضد القتل خلص وين ما كان في قتل بدك تكون ضده مو والله فلان قتل فلان ما عليه شيء وفلان ماو مع ما عليه شيء وانه تجيب مجرمين يحاسبوا مجرمين تقول لانه هذوك كانوا مجرمين كثير وهذول كانوا مجرمين كثير بس هلا هذول بايدهم السلاح وبايدهم السلطه فنحن بدنا نستعيد بلدنا بدنا نستعيدها بعقلنا بتفكيرنا السليم بدنا نستعيد بلدنا ب اي بمبدا المواطنه بحقوق الانسان بالليبراليه بكل شيء يتيح للمواطن السوري انه يعيش بامان وما حدا يكون مهدد حياته او وجوده.

اليوم في ناس كانوا موجودين انا بعرف هون في اوروبا وقالوا انه يا اخي صارت سوريا كويسه وراحوا وبلشوا يعيدوا شغلهم السابق يستعيدوه وغيره رجعوا هلا يفكروا انه هذا بركي طقت بكره بركي يعلقوا مع بعضهم بركي ما بعرف شو يعني صاروا يفكروا لانه ما بتعطيك ما بتعطيك امان هلا السوريا لو كانت تعطي للناس الامان كنت شفت الناس هيك رجعانه على بلدها وين ليش انا مبسوط يعني ولا انت مبسوط قاعدين في غير دوله ما مبسوطين نحن قد ما انبسطنا وش قد ما هون كنا مرتاحين لكن بيبقى الواحد في بلده اصلا انت لما بتكون في بلدك وعم تقوم بشيء مفيد للبلد انت نفسك تشعر بسعاده غير مسبوقه يعني او لا يمكن تشبيهها بشيء ثاني ابدا.

اكيد في حدا ما بيتمنى يرجع ولو الزياره مع وما بيتمنى يرجع ويعمر ر بيت يعني الواحد كان بيقدر بمبلغ نحن بمدخولاتنا هون مبلغ عادي نحن بنصرفه هون ما بنحس فيه كان بيعمل شيء كان بيشغل ناس كان بالواحد بيرجع بيشغل ارضه بيستفيدوا الناس بيستفيدوا قرايبينهبيستفيد من الناس يعني كل واحد كان بيجيب له قرشين على البلد يعني هم بدهم مليارات ليعمروا البلد معنا في مليارات برا بس مين بده يرجع هلا بهالظروف يعني مين غير المجنون يعني بده يرجع بهالظروف اذا كان يلي يلي من جماعتهم هن وعم يرجع عم يقولوا له تعال لهون انت بشار كان مانعك من السفر فممنوع تطلع ف ادفاع.

هلا بعد سنه ونص هلا بعد سنه ونص من وصولهم هذول للسلطه وبعد ما ارتفعت العقوبات وبعد ما شالوها من قوائم الارهاب وغيره حتى اليوم ما في بنك وسيط يعمل لك حساب بنكي اذا حدا بده يحول مثلا جاي واحد مستثمر ما رح يشيل لك مليون دولار بالشنتاي ويجيبهم بده بنك البنك ما في لحد اليوم ها.

ما صار هذا الامر ففي خطاب كثير وفي كذب كثير وفي تحريض على قتل الناس وما بعرف هذا شو بفيدهم يعني هلا هن السلطه الحاليه عم تشجع موضوع انه يكونوا السنه في مواجهه كل البشر في سوريا انه لازم نحن يظلوا مرعوبين مننا وخايفين مننا ومهددينهم نحن بحياتهم ببيتهم بمعيشتهم وممننين عليهم انه تاركينهم احياء حتى الان هذا الشيء بده يخرب البلد ما في مجال وبدها تنخرب قبل كل شيء الطائفه السنيه من هذا التصرف انك انت تيجي تحط طائفه كامله في مواجهه الناس انه في مواجهه بقيه الناس في سوريا سوريا بلد فيها تركيبه مثل ما بيقولوا تشكيله او موزييك اجتماعي فريد من نوعه الناس عايشين جنب بعضهم المسيحي جنب العلوي جنب الدرزي جنب الاسماعيلي عايشين جنب بعضهم والشيعي وعايشين بامان وهي الصراعات كلياتها لازم تنتهي لحتى نقدر نقول انه والله هي السوريا ممكن يوم من الايام ترجع.

احد ال الشباب عتشات عم يقول انه في مجازر جديده بالساحل ما بعرف انا ما سمعت لحد الان على الاقل ما سمعت بس انا ما بستبعد انه تصير فعلا مجازر جديده بالساحل بعد كل هالتحريض وبعد كل هال هال هالسفالات والحقارات اللي عم نشوفها ونسمعها كل يوم وهالمحاكمات الدونكي شوتيه هي اللييلي ما بعرف كيف باي منطق يعني باي منطق عم ينفذوها وتمثليات سخيفه وتافه يعني ما متعلمين حتى الحد الادنى من التمثيل ما متعلمينه شيء مخجل الحقيقه يلي عم يصير وتسربت الفيديوهات اليوم الفضيحه مادري مين م مسرب فيديوهات من سجن صيدنايا اكيد انت شفت الفيديوهات اللي تسربت من من سجن صيدنايا نسيت فيديو الفيديوهات من كاميرات المراقبه.

اي انه في كاميرات مراقبه بتعرف والكاميرات المراقبه فضيحه يعني بالنسبه للنظام ظام لانه بالنتيجه سجن سيدنايا كان سجن اشبه ما يكون باي سجن مدني كان في زيارات وفي مراقبه لل للوريدورات ولل وللزنزانات منان الناس ما تتقاتل مع بعضها يعني كان سجن عادي مثله مثل اي سجن لا في مكابس ولا في سبع طوابق تحت الارض كلها كذب اليوم الفيديوهات في واحد مسرب فيديو الفيديوهات مسربها دقيقتين بس فضيحه الى اول ما اخر كل شيء حكوه عن سجن صبنايا كان كذب وكل هالتطبيل والتزمير اللي طلع بقناه الجزيره والعربيه كله كذب بكذب.

بدهم يستفيدوا شيء هن من هذا يعني من. اللي سربها لا سربها واحد من جوا يعني واحد من. قصدي قصدي قصدي الكذب شو بيستفيدوا منه. بيستفيدوا منه اله الناس اله الناس. يعني بيبقى الكذب كذب يعني ما يعني هذا بيتضارب مع الواقع وبيض ضاره مع ال مع سيروره الحياه انه هو بالاخير بيبقى كذب وغير مفيد لا للي كذب ولا المكذوب عليه اللي بفيد انك تعمل خطوات عمليه من اجل الناس هذا اللي بفيد بفيد السلطه وبيفيد الناس لكن هي السلطه انا ماني متامل فيها لا ما بتعمل ما بتعمل غير هيك فزعات وهجوم على الناس وكراهيه واحقاد وناس عم تقول بدنا نقتلهم وناس بدنا نضربهم وليكوا امجد يوسف طيب ليش ما بتقول ول اللي زمانه طلع في في ادلب طلع اخذ عناصر وراحوا وقتلوا شيء 25 واحد من اهل كفر شو اسمها لوزه هي قلب لوزه قريه درزيه امنه طلعوا واحد اسمه سفينه تونسي جاي جاهد عنا راح قتل شيء 25 واحد دروز لانهم دروز بقلب لوزه طيب امجد يوسف قتل قديش 40 هذا خمس 20 يعني شو فرقه ليش ما بتجيبه سيرته انت سمعت حدا من اعلاميين السلطه عم يحكي عن الناس ارتكبوا مجازر هذول ما محسوبين الدروز كفار.

لا هو ما محسوب المجرم المجرم لانه من عندهم او عم بيجرم من اجله. مجاهد هذا مجاهد يا استاذ خطيب هذا مجاهد انت غلطان بالنمره هذا مجاهد شو الواحد بده يحكي ليحكي على كل نحن صارنا ساعه انا بس بدي ارجع انوه يعني نحن ما كان معنا ناس كثير بالبدايه انه نحن رح نوقف لحوالي الشهر على الاقل هلا نتيجه انه الاستاذ خطيب مشغول زياده عن اللزوم وما عم ما عم لحق له انا على قنوات ثانيه فما عم يلحق دعاوه دعوات سوري مو دعاوه ما نسينا العرب اي دعوات ليطلع على القنالات فبده يتفرغ شوي لقناته فنحن رح نعطيه اجازه مفتوحه.

لا واللي اللي ما بشوفنا هون ممكن يشوفنا على قناتك او على قناتي بشوفنا كل واحد لحاله. ايوه راد اكيد فممكن نوقف شي شهر خلينا نقول شي اربع اسابيع لحتى الاستاذ خطيب يلتقط انفاسه مثل ما مثل ما بقولوا.

وبتحب تختم بكلمه اخيره استاذ خطيب. هذا هو يعني همنا نحن البلد وهمنا الشعب تبعنا وهمنا انه يعني نتخلص من هي من ه الكابوس هلا سوريا حاليا في كابوس بس كيف بده يصير التخلص ما بنعرفه يعني هلا بشار الاسد ظلينا سنين ونحن عم نترقب انه نخلص منه بالاخير ما شفنا الا فقنا الصبح ما لقينا فهي نتامل انه شي يوم نخلص من هذا الكابوس اللي نحن فيه.

اوكي شكرا كثير شكرا كثير استاذ خطيب ف شكرا للي تابعونا اليوم ونلتقي بشكل رح نلتقي بشكل مفاجئ يعني اذا صار اي شيء انا ممكن ابلغ الاستاذ خطيب انه نطلع نحكي مره ثانيه بس هلا رح نتركه شوي يرتاح ويلملم امور قناته بالدرجه الاولى شكرا للجميع ونلتقي بتمنى ما يكون الوقت طويل باي باي باي باي باي.