النهاية | الخليج ينتظر نهاية خامنئي والمتظاهرون يقتربون من اسقاط المرشد الأعلى في إيران

سلام عليكم. ازيكم؟

الفيديو اللي قدام حضرتك ده المتظاهرين في إيران جابوا ونش وشالوا رمز الثورة بتاعه الخميني في إيران. لاول مرة بيتم إزالة رمز الثورة. وأنا عاوز أوريك إن المتظاهرين كان عندهم براح إنهم يجيبوا ونش وإنهم يشيلوا رمز الصبر.

امبارح حصلت أحداث في إيران في منتهى الخطورة. أولاً، لازم تعرف إن تم حرق مقار حكومي أو مقرات حكومية. تم استهداف مبنى الإذاعة والتلفزيون من قبل المتظاهرين. تم ضرب عناصر من الشرطة الإيرانية وتم قتل عناصر من الحرس الثوري الإيراني. انت متخيل؟

فالسؤال دلوقتي إيه اللي يحصل بعد سقوط النظام الإيراني؟ خد بالك أنا مش جاي أسألك السؤال بتاع الحلقة اللي فاتت، هل النظام الإيراني يسقط ولا ما يسقطش؟ لا، إحنا دلوقتي بنسأل أسئلة، أو الإعلام الغربي بيسأل أسئلة ما بعد سقوط النظام الإيراني. مين اللي سأل الأسئلة دي؟ والله جريدة ذا أتلانتيك، جريدة نيويورك تايمز، جريدة واشنطن بوست. وأنا أفاجأ إن في مقالة برضه جيدة جداً مكتوبة في جريدة ناشيونال بتتكلم على شرعية النظام الإيراني. والحقيقة إن الكتابات بتاعتهم تزيد عن احتمالية سقوط النظام الإيراني وابتدوا يحللوا إيه اللي يحصل بعد سقوط النظام الإيراني.

أنا جاي أكلمك بنقطة مهمة جداً، سقوط النظام الإيراني هيكون له آثار إيه على الدول الخليجية؟ يعني لو إيران سقطت، إيه اللي يحصل لدول الخليج؟ كلام في منتهى الخطورة بيتقال لأول مرة في ظل تعتيم إعلامي عربي بيحصل لتغطية المظاهرات في إيران. وخد بالك بس في الحتة دي، كام نيوز عربية ما بتغطييش المظاهرات في إيران. القناة العربية ما بتغطييش المظاهرات في إيران. بمناسبة يعني، أنا جاي أقول لك بالضبط إيه اللي بيحصل في الدولة. كلام خطير جداً.

بس طبعاً، عشان أوريك وأكشف لك الكلام ده كله، قبل ما أخش في الموضوع، قبل ما أكشف لك التفاصيل، خليني أقول لك إن إحنا معانا راعي قوي جداً ومحترم جداً وهو باي بروبرتيز. باي بروبرتيز بتنظم واحد من أكبر الإيفنتات العقارية اللي هتشهدها مصر. خمسة من أكبر المطورين العقاريين في اليونان جايين القاهرة يوم 17 و18 يناير عشان يقابلوا المستثمرين والعائلات المصرية اللي بيدوروا على الإقامة الأوروبية من خلال الاستثمار العقاري.

الإيفنت بيقدم لك فرصة تلاقي بيت في أثينا، واحدة من أجمل العواصم الساحلية في أوروبا. خلي بالك إن اليونان بقت اختيار أول لكثير من المصريين. طيران يومي وفي أقل من ساعتين بتبقى هناك. بلد مريحة، آمنة، وغنية بالتاريخ. ومع ذلك أسعار العقارات هناك زي عندنا بالظبط. وجاي استثمار هتستفيد بعائد إيجار مضمون وإقامة أوروبية ليك ولأسرتك مدى الحياة وحرية في السفر في أوروبا كلها. كل ده من استثمار عقاري واحد بس. ودلوقتي باي بروبرتيز جمعت لكم أقوى الشركات اليونانية في مكان واحد. شركة باي بروبرتيز معروفة بالإيفنتات العقارية، ناس محترفة وعندهم خبرة سنين في المجال. شبكة علاقاتهم واسعة بره مصر وبتضمن لك أحسن اختيار استثمار وبيمشوا معاك في كل خطوة. عشان تحجز مكانك في الإيفنت المنظمة باي بروبرتيز، هسيب لحضرتك اللينك أسفل الفيديو لو حابب تتواصل معاهم وتكون موجود.

نخش في الموضوع على طول. نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك وأول مرة هتسمعه فيما يخص مظاهرات إيران. أنا عارف إن أنا اليومين دول مركز جداً على مظاهرات إيران، بس ده لأني فوجئت إن في تعتيم إعلامي في مختلف وسائل الإعلام العربية. ماحدش بيتكلم على ثورة إيران في ظل إن إحنا بنتكلم إن فيه مظاهرات شديدة جداً. طب هقول لك شديدة ده إزاي؟

أنا في الفيديو اللي فات جبت لحضرتك مقالة كاتبها اتنين كتاب فورين بوليسي كانوا بيشبهوا إن المظاهرات اللي موجودة دلوقتي في إيران بتشابه المظاهرات اللي نزلت في 2022 بعد مقتل مهسا أميني. صح؟ إنما الكتاب بتوع جريدة ناشيونال والكاتب بتاع جريدة أتلانتيك بيقول لك يا جماعة، المظاهرات دلوقتي بالشكل الموجود ده مش بتشابه أي ثورة حصلت على النظام الإيراني إلا في 2009 لما نزل 3 مليون إيراني فجأة للشوارع الإيرانية. من كتر عنف المظاهرة الحالية. والأمر ده يوريك إن النظام الإيراني بيختبر ثورة مش زي أي ثورة شافها قبل كده.

لأن مثلاً الثورة بتاعة 2022 قام بها نخب ممكن تكون علمانية كانت بتطالب بالحرية بحاجات زي كده. الشعب ما استجابش للمظاهرات دي. طلعت مظاهرة تانية في أكتر من سنة، بس برضه ما كانش الشعب ملتف ليها. الثورة الوحيدة اللي تشابه الثورة الحالية هي ثورة 2009 لما نزل 3 مليون إيراني.

طيب، خليني أقول لك نقطة. لازم تعرف إن الثورة الحالية كمان تفوق ثورة 2009. بس أنا عاوز أوريك إيه؟ إن الكتاب كل شوية يقول لك: لا، الثورة دي تشابه 2022. لا، لا، دي تشابه 2009. صدقني، اللي بيتعرض له النظام الإيراني الحالي يفوق أي فترة أو أي مظاهرة واجهها النظام الإيراني. حلو؟ ليه بقى؟ لسبب وحيد. إن المظاهرة الحالية الناس مش نازلة عشان تطالب أو تتظاهر بخصوص قضية معينة. الشعب الإيراني نازل نتيجة لأن الشعب على حافة الهوية. يعني إيه؟ حافة الهوية؟ الشعب مش لاقي ياكل. حضرتك إن إيران بتعاني من أزمة اقتصادية خانقة جداً. دونالد ترامب خانق الاقتصاد الإيراني بشكل مرعب والنظام الإيراني أصبح أكثر ضعفاً ومش عارف يحل مشاكله الاقتصادية الداخلية ومش قادر يقدم حلول للشعب. هيقول لهم إيه؟ العملة دلوقتي بمليون و400 ألف ريال قصاد الدولار الواحد. النظام الإيراني هيحل الموضوع ده إزاي؟

الشعب الإيراني نازل عشان مش لاقي ياكل. مش نازل عشان يتظاهر ضد أزمة انتخابية زي ما حصل في 2009. مش نازل يتظاهر عشان واحدة اتقتلت. لا، الشعب نزل وابتدى ينتشر بشكل كبير جداً لأنه مش لاقي ياكل. الظروف الاقتصادية زي الزفت. الشعب مش عارف يعمل إيه خلاص. فدي أخطر نقطة يا جماعة. المظاهرة دي مالهاش قائد. النظام الإيراني يعرف يقتله أو إن هو يعتقله. واخد بالك؟ الثورة اللي قايمة دي مالهاش قائد.

وبالمناسبة، مالهاش ملهم. زي ما قال الكاتب بتاع جريدة ناشيونال. قال لك خلي بالك من نقطة مهمة جداً. الثورة المرة دي بتمبروفايز. يعني بترتجل. الثوار بيرتجلوا لأنهم ما شافوش مشهد زي كده. نزلوا عشان لا، هم نازلين ثورة عشان تزوير الانتخابات ولا أي حاجة. دول نازلين عشان كلهم طهقانين. فما فيش حاجة يمشوا عليها. ما فيش كتاب ألعاب يمشوا عليه خلاص.

تاني حاجة، خد بالك إن من كتر الثورة المرة دي مش بتشابه أي فترة سابقة، إن العنف مش نافع مع المتظاهرين. لازم تعرف إن النهارده واشنطن بوست قالت لك: على فكرة، الأمن الإيراني ابتدى يستخدم العنف بشدة، ماشي، أو بقسوة، أو بشكل موسع. خلاص؟ برغم تهديدات دونالد ترامب لو قتلتم متظاهرين أنا هاخد شخص في إيران. النظام الإيراني الظاهر مالقاش بد غير إن الأمن الإيراني يتعامل بقسوة. برغم كده فشل في قمع المتظاهرات أو السيطرة.

What about Iran? Is the aim with Iran the collapse of that awful 47-year tyranny? Well, I don't want to say it, but I will tell you they're not doing well.

وهقول لك نقطة مهمة جداً. خلي بالك، النظام الإيراني لو أخمد الثورة دي، الثورة دي هتتجدد تاني. شوف بقى الخطورة. لأن أنت بتتكلم على ظروف اقتصادية زي الزفت. فالشعب لازم ينزل، لازم يثور. فمعنى كده إن الثورة دي لو تم إخمادها، لو قامت تاني، النظام الإيراني مش عارف تتعامل معاه. فانت بتتكلم على ثورة مالهاش قائد، مالهاش جهة، ومالهاش مطالب. هم عاوزين يشيلوا المرشد. فده أخطر ما في الموضوع.

زي ما الأمر بالنسبة للنظام الإيراني معقد، بس الأمر بالنسبة للثوار معقد أكتر. هم المفروض يعملوا إيه؟ يمشوا ورا رضا بهلوي اللي هو نجل شاه إيران السابق اللي سقط، اللي هو أصلاً قريب جداً من إسرائيل وأمريكا؟ ولا إنهم يمشوا ورا قائد جديد هم مش عارفينه؟ وما تمش تعيين القائد الجديد وما فيش حد محبوب حالياً على الساحة يمشوا وراه. نفس الفراغ السياسي اللي كان موجود في مصر في ثورة 2011. ما كانش فيه أي حاجة. هنعمل إيه؟ فانت بتتكلم إن نفس الأمر ده بالنسبة للشعب الإيراني. مش عارف يلتف ورا القيادة. فالأمر ده ملخبط النظام وملخبط الثوار. بس حالياً الثوار ملتفين مش حوالين قائد، حوالين مطلب. المرشد لازم يسيب السلطة. النظام الإيراني ده لازم يتقطع. وده أمر مهم جداً.

عاوزك تبص عليه. لأن إحنا النهارده بنتكلم إن المظاهرات انتشرت في كل المحافظات الإيرانية. بدل ما كنت بقول لك والله ده منتشر في 11 محافظة من أصل 31، ولا 22 من أصل 31، أو حتى 27. النهارده بقول لحضرتك 31 محافظة إيرانية المظاهرات فيها بتتدش. والحقيقة إن واشنطن بوست ونيويورك تايمز، الاثنين ركزوا إن في إغلاق للمحال في المحافظات الكبرى. يعني المحلات الكبيرة الضخمة، المحلات بتاعتها ابتدت تقفل. ودي علامة تنذر ليها. إن أصحاب المحلات دي شايفين إن السيناريو رايح للأسوأ. يعني مش مطمنين إن الأمن هيحجم المظاهرات ولا حاجة. لا، أصحاب شايفين إن المظاهرات رايحة للأسوأ. فبيقفلو المحلات بتاعتهم. ما بيفتحوش. ماشي.

أمر. الأمر الثاني إن تخلي بالك. كل ده أنت ما وصلتش للقمه. ليه؟ الجمعة النهارده. الجمعة. النهارده الجمعة بعد صلاة الجمعة هتلاقي المتظاهرين كلهم بيلتفوا حوالين بعض وينطلقوا في الشوارع. وهتلاقي أعمال عنف أكتر من السابق. لأن النهارده بكلمك على حرق مقار حكومية. فده أمر خطير جداً.

أنا عاوزك تشوف إن في فيديو نزل لمتظاهر إيراني بيطلب من نظام دونالد ترامب إنه ينقذ المتظاهرين الإيرانيين زي ما حضرتك هتشوف كده بالظبط.

"انقذوا إيران، انقذوا الشعب الإيراني."

ده أصبح المتظاهرين بيكلموا دونالد ترامب. طيب، هل إيران تسكت؟ أو النظام الإيراني يسكت؟ لا. عاوز أقول لك النظام الإيراني قطع الإنترنت.

"انقطاع الإنترنت يؤشر على أنه الأجهزة الأمنية في إيران ستتدخل تدخلاً عنيفاً من أجل أن تمنع التواصل ما بين الجماهير وبعضها البعض أو التنسيق فيما بين المتظاهرين. زيادة حدة هذه التظاهرات من أجل أن تسهل التدخل العنيف لقوات الباسيج أو الحرس الثوري في وقت هذه التظاهرات."

بس هل أمريكا تسكت؟ أبداً. طلع إيلون ماسك. وزي ما حضرتك شايف في الفيديو دي أقمار صناعية مرصوصة ورا بعض كده. ده نظام ستارلينك. ماسك فتح الإنترنت للمتظاهرين الإيرانيين عشان يكملوا بإسقاط النظام الإيراني. مش بنتكلم إن ماسك عاوز يوفر الإنترنت للإيرانيين ما عندهمش إنترنت. لا، ده المرة دي لهدف سياسي. مظاهرة لسه بتنشأ والظاهرين عاوزين يكلموا بعض والفيديوهات لازم تنتشر أكتر. فستارلينك دخلت عشان توفر الإنترنت للإيرانيين برغم إن الحكومة الإيرانية قطعت الإنترنت عن كامل البلاد زي ما قالت نيويورك تايمز امبارح. مشهد خطير جداً جداً.

طيب، الحقيقة جريدة أتلانتك كانت أكتر من رقعة. ليه قلت لك خلي بالك؟ لازم تعرف إن النظام الإيراني هو في أضعف مراحله لكذا سبب. إيه هي؟ قال لك لو خدت بالك هتلاقي النظام الإيراني حالياً بيحارب الحرب على أرضه. ولازم حضرتك تعرف إن بالضبط من سنتين كان المرشد الأعلى في إيران كان بيتحكم في مليشيات خارجية كبيرة جداً. حزب الله، الحوثيين، ميليشيات شيعية في العراق وسوريا. وراح استقبل مادورو في 2022. خد بالك المعلومة دي. نيكولاس مادورو راح زار إيران والمرشد الأعلى في إيران قال له: خلي بالك، أنا مستعد أعاونك لو حصل أي اعتداء عليك. وقال له إن إيران هتعاون أصدقائها.

نكسدور سقط. حسن نصر الله سقط. بشار الأسد سقط. الحوثيين اتضربوا. والمرشد ما عرفش يساعد كل دول. ده يقول لك إيه؟ ده يقول لك النظام الإيراني في أضعف مراحله. وإن هو بيحارب الحرب دي داخل أرضه. والمشكلة إنه بيحارب شعبه. والمشكلة الأكبر إنه ما عندوش حلول ليه.

أولاً، لازم تعرف إن النظام الإيراني هيتفاوض على إيه؟ يسلم برنامج النووي ويسلم برنامج الصاروخي؟ طب هيحارب بإيه لو هو سلم الحاجات دي لأمريكا؟ تاني يوم تضرب. أنت ما عندكش أي أسلحة. بس.

"ضربات قاصمة تعرضت لها إيران خلال الفترة الأخيرة ليس فقط بشكل مباشر استهدفها في عقر دارها، بل أيضاً طالت حلفائها وقضت على قادتها من سقوط نظام الأسد في سوريا واغتيال قادة حزب الله ومتابعة استهداف عناصره في لبنان إلى سلسلة الضربات التي بدأتها إسرائيل على إيران في يونيو 2025 وانضمت إليها الولايات المتحدة لتعلنا معاً تدمير جزء كبير من المواقع النووية الإيرانية."

خيارات سيئة جداً. الحاجه الوحيدة الوحيدة اللي بتخلي أمريكا تفكر كذا مرة إنها تشن حرب على إيران هو برنامج الصاروخي الإيراني. عشان كده أمريكا عاملة شايفه إن الثورة الإيرانية دي حاجة عظيمة يجب إنها تكمل. وتسقط المرشد. لأن ده سيناريو عظيم جداً بدون حرب مع إيران. وما تنساش كلمة دونالد ترامب لما طلع قال لك إن إسرائيل جت لي حرب الـ 12 يوم بتستنجد بي عشان أوقف الحرب. يعني ما تنساش الكلمة دي. المرشد الأعلى يروح يسلم برنامج النووي لإسرائيل وأمريكا. هيعيش إزاي؟ لازم يقاوم. فطول ما هو مرشد بيقاوم، العقوبات عليه خانقة. ولو خدت بالك هتلاقي من ساعة ما جه دونالد ترامب والنظام الإيراني ابتدى يضعف بشكل كبير جداً. جو بايدن لما كان موجود كان بيسمح للنظام الإيراني إنه يهرب النفط بتاعه. دلوقتي النفط الإيراني غير مرغوب فيه. لأن فيه وفرة في المعروض. أوبك مغرقة السوق وأسعار النفط أصلاً زهيدة جداً. بتتكلم 60 دولار للبرميل. وبعد ما أمريكا هتضخ 50 مليون برميل، اللي فنزويلا هتضخهم في السوق، هتلاقي أسعار النفط نزلت كمان لـ 55. بالك؟ فالنظام الإيراني يهرب النفط على كام؟ أصل تهريب النفط ده الدولة اللي بتاخد النفط هتشتريه بثمن أرخص من النفط الأساسي. إيران أصلاً بتبيع برميل للصين بـ 14 دولار. هتبيعه بكام بعد كده؟ فهمني إزاي؟

النظام الإيراني تحت وجود دونالد ترامب وتحت العقوبات الأمريكية وعودة منظومة العقوبات من الدول الأوروبية اللي هي سناب باك. تعرف النظام الإيراني اتخنق. بقول لحضرتك العملة، الدولار الواحد بيساوي مليون و400 ألف ريال. إيران. أمر قاسي جداً. وده يقول لك إن النظام الإيراني مش هيعرف يكمل السنة. ما عندوش حلول. طب هيعمل إيه؟ قول لي أنت هيعمل إيه؟ هيجيب فلوس منين أصلاً؟

والنظام الإيراني واضح جداً إن خياراته إنه يدعم الآلة العسكرية عن دعم الشعب. لأن هو في الآخر ما قداموش خيارات كتير. ما قداموش سيناريوهات يعرف يناور بيها بفلوس. وما عندوش فلوس كفاية حتى يعرف يناور بيها. لازم تدعم الآلة العسكرية بتاعتك عشان تواجه حرب من إسرائيل اللي أصلاً إسرائيل وأمريكا عاملين يضغطوا عليك بشدة وإن هم بيعملوا تحركات عسكرية وإسرائيل عاملة تهدد والكلام ده كله. وفي نفس الوقت الشعب ضغط عليك. وواضح جداً إن فيه ضباط من الحرس الثوري بيتم استهدافهم، بيتم القضاء عليهم، بيتم ضربهم. كان طلع فيديو قبل كده إن في ضابط إيراني واقع على الأرض من الحرس الثوري والمنتظرين عاملين يضربوه برجليهم. مشهد خطير جداً جداً.

فالأمور دي تقول لك إيه؟ تقول لك إن إيران رايحة من سيء لأسوأ. والنظام الإيراني ما تنساش المقالة اللي أنا جبتها لحضرتك من صنداي تايمز البريطانية اللي قالت فيها إن المرشد الأعلى في إيران خامنئي حاطط خطة إنه هو والدايرة المحيطة بيه اللي يقدروا بـ 20 شخص بما فيهم ابنه. مكتبه بس اللي هو المفروض ولي العهد. الناس دي كلها هيطلعوا على روسيا وهيروحوا لبوتين.

والحقيقة إن الكاتب بتاع جريدة أتلانتك بيقول لك: على فكرة، لازم تعرف إن اللي قرب بين فنزويلا وإيران هو الكره لأمريكا والعداء لأمريكا. بس واضح إن العلاقة الوثيقة اللي نشأت بين فنزويلا وإيران خلت مستقبلهم هم الاثنين وثيق ببعض أكتر من اللازم. بدليل إن فنزويلا لما سقطت، إيران عليها الضوء. وإيران بيطلع فيها ثورة. والأمر ده ما فيهوش صدف. السياسة ما فيهاش صدف. ما فيهاش ابتكار. أو ما تجيش تقول والله ده حصل كده يعني عشان الشعب فجأة مش لاقي ياكل. لا، كل حاجة سيناريوهات محطوطة.

وما تنساش إن دونالد ترامب شبه عملية اختطاف نيكولاس مادورو بضرب إيران في حرب الـ 12 يوم وضرب البرنامج النووي الإيراني. إهانة ما بعدها إهانة هنا. بس هي إشارة إن بعد فنزويلا، إيران تسقط. حلو جداً. دلوقتي النظام الإيراني كده كده اتفقنا إنه هيسقط. لو سقط، إيه اللي يحصل؟ هتبقى كارثة. ليه هتبقى كارثة؟ لأن أنت قدامك نفس السيناريو بيتطبق في فنزويلا. السيناريو بتاع فنزويلا. أمريكا خدت فنزويلا بدون إطلاق صاروخ واحد أو بدون شن حرب. ماشي. وخدوا النفط بتاع فنزويلا. ابتدوا يتحكموا فيه. 30 لـ 50 مليون برميل. يعني تقدر بـ 3 مليار دولار أمريكا خدتهم من فنزويلا. فنزويلا هتبقى محمية أمريكية. هتشتري فقط البضائع الأمريكية. هيطردوا الخبراء الروس والصينيين والإيرانيين من الأراضي الفنزويلية. فأصبحت فنزويلا محمية أمريكية بدون تدخل عسكري أمريكي واضح في السياسة الفنزويلية. ماشي.

طب لو حصل نفس السيناريو ده في إيران وأمريكا استولت على النفط الإيراني ده، هتبقى ضربة قاصمة لروسيا والصين. روسيا أولاً، الآلة العسكرية الروسية هتتهدد بشكل كبير جداً. الصين، واردات النفط الإيرانية دي غاية في الأهمية بالنسبة للاقتصاد الصيني. بعد فنزويلا كمان تبقى غاية في الأهمية. بس بالنسبة لدول الخليج دي كارثة. خلي بالك، إيران دي كانت حليف أمريكا الأول في منطقة الشرق الأوسط قبل آية الله الخميني أو ثورة 1979. لآية الله الخميني. سقوط النظام الإيراني دلوقتي هيخلي الخليج محاوط كل حتة. وهيخلي الخليج يفقد نفوذ كبير جداً في التأثير على السياسة الأمريكية. ده هيبقى دونالد ترامب الحاكم الناهي. مش بس كده، الآلة العسكرية الإسرائيلية هتجد حليف جديد في منطقة الشرق الأوسط. حليف ما عندوش أي مشكلة إنه يتعاون مع إسرائيل. ده لو جه حاكم مقرب من إسرائيل. اللي هو رضا بهلوي الثاني. اللي هو ابن شاه إيران. ده أصلاً تربية إسرائيلية. بتكلم على مشهد في منتهى الخطورة.

أنا قلت لحضرتك الكاتب الصحفي محمد حسنين هيكل وهسمعهولك بنفسه وهو بيقول لك إن الحرب إسرائيل اللي كانت بتشنها ضد مصر كان النفط جاي من إيران. إيران كانت بتودي أسلحة لإسرائيل بالمناسبة يعني.

"ومع قطع هذه العلاقات كان البترول الإيراني يتدفق على إسرائيل حتى في 67."

"لم تحارب إسرائيل قط إلا ببترول إيراني من يعني 56، 67، و73. وأنا أسمع بعض الناس بيقولوا إنه والله إحنا استقبلنا الشاه هنا وفاءً بأنه ساعدنا. أنا نفسي واحد فيهم يقول لي اسم ناقلة واحدة جت لمصر. أدي عندي."

"لم يقدم لنا الشاه مساعدات بترولية في 73."

"لم يقدم. وأنا جايب كلامه حتى هو كلامه هو مع السفير الأمريكي في سنة 74 بيقول له: أنا عملت كل شيء في وسعي وأنتم لا تساندون. أنا أديت إسرائيل كل بترول احتاجت." هو بنفسه اللي بيقول.

الأمور دي كلها تقول لك إن لا، المشهد ده خطير جداً. لو حصل، إيران لو سقطت في إيد أمريكا، كارثة طبعاً بالنسبة لنا كلنا. مصر، دول، كل العرب كارثة. إن أنت بتتكلم على دولة المفروض لو اتشالت عليها العقوبات هتبقى دولة كبيرة جداً واحتياطي نفط مرعب وآلة عسكرية مرعبة. كل ده هيسقط في إيد الأمريكان. تبقى خسارة. فده أمر يجب إنه يقول لك حاجة واحدة بس. إن إحنا يجب إننا نتعاون بشكل أكتر كثيراً من السابق ويبقى فيه تحالفات عسكرية عربية واضحة وما فيهاش كلام وما فيهاش تأويل. وما فيهاش والله سوشيال ميديا بتخرب العلاقات بين الدول. ده تهريج. يعني لما دولتين سوشيال ميديا تخلي فيه خلاف ما بينهم ده والله تهريج. ده معناه إن العلاقات بين الدولتين دول أضعف كثيراً من حبة ناس بيطلعوا يشتموا بعض. انتهى.

فدلوقتي لما أنت تيجي تبص، يجب إن يكون فيه تحالف جديد بقى. وأنت بتتكلم دلوقتي في تحالف ابتدى يظهر شوية. تركيا، مصر، السعودية، باكستان. ده تحالف مهم. يا رب أكون شرحت لحضرتك الموضوع بشكل مبسط. ويا رب انصر مصر. رب العرب. ويا رب انصر فلسطين. يا رب. تحيا مصر. سلام.

"أنت مش عارف إحنا مين. إحنا اللي الناس بتجيلنا من كل مكان عشان تشوف بلدنا. إحنا اللي علينا العين. إحنا حضارة بقى لها سنين والعالم مش عارف سرها. إحنا خفة دم بتضحك القلب."

"وكرم بيضرب بيه المثل. جدعنة وشهامة مش موجودة في زماننا. ورحمة بتطلع من عينينا قبل قلبنا."

"إحنا بسمة بتفتح ألف باب. أكله حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية. حكاية تعجب. خلي أفعالنا تحكي عنا."

"ربنا أدانا نعمة لازم نحافظ عليها ونوريها للعالم كله. وري ضيوفنا إحنا مين. إحنا مصر."

"يا محروسة بسيف شاطر وسيف حارس عليكِ. يا مين ومن فوق السماء السابع حاميكِ رب العالمين."