ايران تغلق مضيق هرمز و ترامب يستدعي الناتو ويهدد بالانسحاب من الحلف اذا لم يستجيب

السلام عليكم، ازيكم؟

دونالد ترامب كان على متن الطائرة الرئاسية الأولى، إير فورس 1، وكان راجع البيت الأبيض. فاقترب منه مراسل فاينانشال تايمز وسأله: "إيه اللي هيحصل في الحرب بعد كده؟"

دونالد ترامب رد عليه رد غريب جداً، قال له: "على فكرة، حلف الناتو لو ما جاش وساعدنا في فتح مضيق هرمز بالقوة، لازم تعرف إننا ممكن ناخد إجراءات ضد حلف الناتو تؤثر على مستقبل الحلف." وقال: "على فكرة، إحنا ساعدنا أوكرانيا اللي بتبعد عن أمريكا مسافة كبيرة جداً، ده حتى في بينا وبين أوروبا محيط، برغم كده ساعدنا أوكرانيا. فلو حلف الناتو ما ساعدناش في فتح مضيق هرمز، هيكون في إجراءات مختلفة زي ما حضرتك تسمع كده بالظبط."

المفارق بالنسبة لي هو إن مراسل صحيفة فاينانشال تايمز سأل دونالد ترامب، قاله: "طب إيه اللي إنت عاوزه من حلف الناتو؟ يعني يساعدك إزاي عشان تفتح المضيق؟" وهنا كانت إجابة في منتهى الخطورة وإجابة كانت مفاجأة بالنسبة لي. "عاوز تعرف قال إيه؟ هقول لك، بس عشان أقول لك لازم أحكيلك القصة من الأول. قبل ما أخش في الموضوع، قبل ما أكشف لك التفاصيل، خليني أقول لك إن إحنا معانا راعي قوي جداً ومحترم جداً وهو..."

"كتير منا بيسأل: إيه اللي يخلي اسم شركة يفضل محفور في ذاكرة الناس سنين وسنين؟ الإجابة في كلمة واحدة بس: الأصل. إحنا بنتكلم عن مجموعة التوفيقية، بنتكلم على كيان مصري بدأ من 1930 على إيد الحاج السيد أحمد، واستمر بخبرة المهندس فوزي السيد، ووصلت بذكاء المهندس سمير فوزي لقمة العاصمة الجديدة. مجموعة التوفيقية كيان عقاري عريق، تاريخ طويل من الثقة وسمعة اتبنت على الالتزام وكلمة الشرف. النهارده، مجموعة التوفيقية للمهندس فوزي السيد بتقدم مفهوم مختلف للاستثمار التجاري في سنتري بلازا بالعاصمة الإدارية الجديدة، مشروع بيجمع بين خبرة عقارية ممتدة على مدار أجيال، تصميم معماري مميز للمهندس محمد حافظ (حافظ كونسلتنت)، وإدارة وتشغيل احترافي من شركة إم آر بي وفق أعلى معايير توتال فاسيليتي مانجمنت. هنا الاستثمار مش مجرد وحدة بتمتلكها، دي تجربة متكاملة بمعايير تشغيل وإدارة بتضمن استدامة وقيمة حقيقية في الاستثمار على المدى الطويل. تقدر تحجز بمقدم أولي 10% وتقسيط لحد 10 سنوات. تواصل معاهم دلوقتي من خلال اللينك أسفل الفيديو. مجموعة التوفيقية، استثمار مبني على الأصل."

نخش في الموضوع على طول. نخش في الموضوع على طول. الجديد اللي معاه النهارده ممكن يكون مختلف بالنسبة لحضرتك وأول مرة هتسمعه فيما يخص استدعاء الناتو. إيه اللي حصل؟ اللي حصل إن دونالد ترامب لأول مرة في الحرب دي بيقر رسمياً إن الجيش الأمريكي مش عارف يفتح مضيق هرمز. ماشي؟ لأول مرة. وعلى فكرة، دونالد ترامب طالع قال لك الموضوع صعب لأن اتنين تلاتة أو شخصين تلاتة يعني ممكن يروحوا عند مضيق هرمز ده يرموا ألغام، المضيق اتقفل. لأن أنا شرحت لحضرتك كذا مرة إن والله مضيق هرمز هو صحيح المسافة بتاعته 31 كم أو ده العرض بتاعه، بس لازم تعرف إن العرض ده بيضيق جامد جداً ممكن يوصل فقط لـ 5 كم في الاتجاهين للسفن اللي الغاطس بتاعها كبير، لأن المضيق هو ضحل ومضيق مش مستقيم، هو مضيق لازم تعرف إن هو عامل زي حرف S كده أو فيه منحنيات كبيرة، فبيخلي المرور منه صعب جداً ومعقد جداً مع سيطرة إيران على ضفة من ضفتي مضيق هرمز، فالأمر معقد جداً عسكرياً.

فالأول مرة رئيس أمريكي بيقر إنهم عاجزين على فتح مضيق هرمز، وإن على فكرة ده أحد الأسباب إنهم غارقين في الحرب دي. فدونالد ترامب المرة دي بيستدعي الناتو وبيقول لك: "الناتو لو ما جاش ساعدنا، هنسحب من حلف الناتو رسمياً." الراجل قال وش. قال لك: "هنسحب من حلف الناتو."

والحقيقة إن دونالد ترامب ما استدعيش الناتو فقط أو ما هددش الناتو فقط، لا، ده المرة دي اتكلم على الصين كمان. قال لك: "على فكرة، الصين اللي هي بتستورد 90% من نفطها بيجي عن طريق مضيق هرمز، لازم تعرف إن الصين لازم تلاقي لنا حل في المضيق ده أو تساعدنا في فتح مضيق هرمز، لأن لو الصين ما ساعدتناش في فتح مضيق هرمز، أنا هلغي زيارتي للصين آخر الشهر." خلي بالك، دونالد ترامب المفروض رايح الصين آخر الشهر ده يلتقي بالرئيس. قال لك: "أنا مش هروح لو الصينيين ما ساعدوناش في فتح مضيق هرمز."

"They should come by it. It never made sense for years if you go back and look at what I said years ago."

طب هل الصين مهتمية بزيارة ترامب؟ مهتمة جداً. الصينيين مهتمين جداً بزيارة دونالد ترامب. ماشي؟ فده أمر مهم.

طيب، دونالد ترامب ما اتكلمش على الصين ولا على الناتو، اتكلم كمان على بريطانيا. وقال: "على فكرة، بريطانيا موقفها غريب جداً. دول الحلفاء الطبيعيين بتوعنا ودول أول حلفاء لأمريكا، برغم كده موقفهم بصراحة كان صعب جداً. يعني قالوا لنا والله هنبعت لكم حاملتين طائرات، فقلت لهم يعني تبعتوا حاملتين طائرات بعد ما النصر حصل؟ إيه اللي أنتم بتقولوه ده؟" وبعد كده ما بعتوش حاملات الطائرات، وكان بالنسبة لي موقف غريب جداً، ولحد دلوقتي أنا مش فاهم موقف بريطانيا عامل إزاي.

"Now, I said to the Prime Minister of the UK, was reluctant to put his two aircraft carriers into arms ways ago, and as soon as we essentially much..."

الحقيقة الموقف ده موقف غريب، لأن مراسل صحيفة فاينانشال تايمز بيقول له: "طب إنت عاوز إيه من الناتو؟ يعني الناتو يعمل لك إيه؟" قال له: "بص، اللي عاوزه قوات خاصة، اللي عاوزه كاسحات ألغام، كل ما يلزم لفتح مضيق هرمز يجي." طيب، عارف يعني إيه الكلام ده؟ يعني إنت هنا بتتكلم على إن أمريكا عاوزة تعمل عملية إنزال بري بقوات مشتركة داخل إيران. على فكرة، أنا مش بقول لك غزو، أنا بقول لك عملية إنزال بري بقوات مشتركة أوروبية تنزل على الأراضي الإيرانية لفتح مضيق هرمز بالقوة. وهو قال إن هو عاوز كل ما يلزم للتصدي للمسيرات والصواريخ الإيرانية اللي بتغلق المضيق ده.

ودونالد ترامب، وفقاً للجريدة أو للمقالة، حب يطمن حلفاء الناتو وقال لهم: "على فكرة، الأمريكان يعني تقريباً إحنا خلصنا الحرب، إحنا قضينا على قدرة إيران الصاروخية وقلصنا قدرتهم 90% وقضينا على قدرة إيران في المسيرات وأصبحت قدرة إيران منخفضة جداً." فهو حاب يطمن حلفاء الناتو إنهم لازم يتدخلوا. بس إحنا هنا قدام إن الرئيس الأمريكي بيعترف لأول مرة إن أمريكا غرزت في الحرب بشكل قوي جداً، وإن أمريكا مش عارفة تطلع من الحرب أصلاً. تاخد بالك؟ أمريكا مش عارفة تطلع من الحرب. فده أمر مهم جداً.

الأخطر من كده، إن وزير الطاقة الأمريكي كان اتسأل من قبل مذيعة أمريكية بتقول له: "هو سعر برميل النفط ممكن يوصل 200 دولار للبرميل؟" عاوز أقول لك إن وزير الطاقة الأمريكي قاعد يراوغ. يعني إنت لما تسمع الإجابة بتاعته، الراجل ما قالش آه ولا لأ، قعد يراوغ في الكلام لدرجة إن المذيعة اتدخلت. خلي بالك، هي بتكلم وزير، هي ما بتتكلمش خبير ولا محلل ولا أي حاجة، وزير. فقالت له: "قولي لي يعني، لا ولا آه؟" الراجل برضه قعد يراوغ زي ما حضرتك تشوف كده بالظبط.

"Americans bracing, should they be worried that this war will drive the price of oil above a..."

"So Iran for 47 years has called the United States the great Satan. So because they call us the great Satan, I don't think we are the great Satan. In fact, clearly we're not. So I don't listen much to Iranian projections of what's going to happen. There is disruptions of very important waterway."

طيب، هل مراوغة وزير الطاقة إن هو ما عندوش حلم؟ لا، مراوغة وزير الطاقة لأن هو مش عاوز يقول آه، لأن فعلاً ممكن برميل نفط يصل لـ 200 دولار للبرميل. ولازم حضرتك تعرف، النهارده برميل نفط أو وقت ما أنا بسجل الحلقة هو 106 دولار للبرميل. ماشي؟ والأمر ده أمر خطير، لأن كل العوامل اللي بتؤدي لارتفاع أسعار النفط وإنها وصلته لـ 106 دولار ما زالت موجودة. إيران بتضرب خزانات الوقود، وضربت خزان وقود في مطار دبي. إيران بتضرب مصافي النفط اللي موجودة في الدول الخليجية، فبتؤدي لارتفاع أسعار النفط، وما زالت ملغمة مضيق هرمز ومنع العبور وقف تقريباً بشكل تام باعتراف دونالد ترامب شخصياً.

فإنت هنا بتتكلم إن برميل النفط ممكن يصل لـ 200 دولار أمر عادي جداً. أمر عادي جداً طول ما المضيق مقفول. ده مين؟ النفط ممكن يصل لكده. بس المفارق بالنسبة لي إن وزير الطاقة ابتدى يعد الشعب الأمريكي للكارثة دي إزاي؟ الأول كان بيراوغ، بس بعد كده وفقاً لصحيفة نيويورك بوست، طلعت قالت لك: "على فكرة، وزير الطاقة الأمريكي كريس رايت كان في لقاء تلفزيوني آخر وقال: آه، ممكن برميل النفط يصل لمستويات كبيرة جداً، بس الكلام ده هيكون في خلال أسابيع. هيرتفع في خلال أسابيع، بس الحرب دي هتنتهي قريباً في خلال أسابيع أو أقل من ذلك كثيراً." زي ما حضرتك هتشوف كده بالظبط.

"could..."

طيب، ما تنساش المقالات اللي أنا جبتها لحضرتك من صحيفة ميدل إيست مونيتور اللي قالت لحضرتك إن أمريكا بتقول إنها عاوزة أسبوع واحد فقط عشان تنجز المهمة. إسرائيل عاوزة تخلي الحرب دي لحد آخر الشهر. يعني 1 أبريل ينهوا الحرب. والحقيقة أنا هنا قدام مقالة كاتبها الكاتب الصحفي المجرم اللي اسمه زافي بار، اللي عاجبني دماغه جداً. يعني الراجل كاتب مقالة عجبتني قوي، قال لك إيه؟ قال لك: "خد بالك، الحرب دلوقتي قلبت حرب استنزاف رسمي. يعني أوعى تظن إن إحنا قدام حرب طبيعية. خلاص اللي أمريكا خايفة منه غرزت فيه نتيجة لحسابات خاطئة، نتيجة لتصرف روحي في القرار، نتيجة لعدم استعدادات الجيش الأمريكي بشكل كافي ولا المخابرات الأمريكية استعدت بشكل كافي. إحنا دخلنا في مرحلة استنزاف رسمي. إيران بتستنزف أمريكا وإسرائيل بشكل رسمي."

وكل اللي دونالد ترامب قعد يتريق فيه على جورج بوش في حرب العراق، هو عمل أنيل منه وعمل كوارث أكتر منه. ليه؟ لأن خلي بالك، حرب العراق أو حرب الخليج الثانية كانت مقتصرة على العراق فقط، حتى لما جم يغزوا العراق كانت الحرب على العراق فقط. ماشي؟ إنما حرب إيران قلبت حرب حرب إقليمية، ودلوقتي بتقلب عالمياً. بتستدعي الناتو أقوى تحالف عسكري في التاريخ إنه يساعدك. وإنت بتتكلم على أقوى جيش في العالم بيستدعي أقوى تحالف عسكري، ما معناه إن أمريكا غرزت، مش معناه إن هي إشارات إيجابية تماماً. يعني تصريح دونالد ترامب ده مش تصريح إيجابي ولا إن الأمور تحت السيطرة والكلام ده كله. بالعكس، ده دونالد ترامب كأنه بيستغيث، بيطلب الناتو رسمياً عشان ينجز الحرب، إنه غرز ومش عارف يطلع خلاص.

والحقيقة هنا إن الكاتب بيشير لأمر مهم جداً، قال لك: "لو خدت بالك في الحرب اللي إحنا فيها دي، هتلاقي إن مفيش أهداف عسكرية حاسمة تم القضاء عليها. المرشد جه، مرشد آخر. حتى لو طلعت سي بي إس الأمريكية وقالت إن المخابرات الأمريكية طلعت إحاطة استخباراتية للرئيس الأمريكي وقالت له إن المرشد الأعلى في إيران خامنئي كان متحفظ إن مكتبه ده يجي يحكم يعني، وإن خامنئي يعني كان شايف ابنه مكتب ده مش ذكي وما عندوش كاريزما ولا يصلح للحكم، زي على فكرة ما قالت صحيفة تلغراف قبل كده. المرة دي نازلة في سي بي إس وبتقول لك معلومات استخباراتية حصل عليها الرئيس الأمريكي والمخابرات قالت: على فكرة الراجل ده يعني خفيف زي ما ترامب ده طلع وقال، وإنه ما عندوش شخصية قيادية."

فكل الكلام ده ماشي، بس في الآخر ما زال النظام بيحكم، وما زال النظام لم يسقط. وأمريكا وإسرائيل كل يوم بيعدي وكل ساعة بتعدي أصبحوا على قناعة إن النظام لن يسقط. مش بس كده، ده أصبحوا على قناعة إن الشعب الإيراني مش خارج والشعب الإيراني مش هيطلع يقوم بثورة شعبية لإسقاط النظام. دول مشكلتين كبار جداً، لأن دول رهانين، هم دول رهانين الحرب. دونالد ترامب كان فاكر لما يقتل المرشد هيخلص الحرب، أو لو الحرب طولت الشعب الإيراني هيطلع بعد ما يضعف النظام الإيراني إن الشعب الإيراني يطلع بثورة شعبية ياخد الحكم. الاثنين ما حصلوش.

فأمريكا مجبرة إنها تكمل الحرب للآخر. فقال لك: "الأمريكان والصهاينة كل شوية يقول لك إيه؟ إحنا دمرنا كذا، وخفضنا نسبة إطلاق الصواريخ لـ 90%، وألقينا ذخيرة بعدد كذا، وقصفنا 6000 هدف في إيران. وإسرائيل تقول لك: إحنا كمان قصفنا 2000 هدف في إيران." قال لك: "بس كل دي بيانات، فين الحاجة الحاسمة في الموضوع؟ ما فيش." خلاص.

فإنت قدام مرحلة خطيرة جداً إن أمريكا بتضرب ما فيش أي رد فعل، ما فيش حاجة تؤدي أو تقول رسمياً إن نظام الحكم سقط أو ضعف. ليه؟ لأن إيران هي كمان بتحول الحرب لكابوس أمريكي، بتحول حرب إقليمية. لأن بالمناسبة، إيران بتضرب الدول الخليجية، ده أمر أمر. الثاني، إيران بتعد الحوثيين لدخول الحرب. فبدل ما مضيق هرمز ما هو مقفول وأمريكا مش عارفة تعمل فيه حاجة، ما بالك إن هم يبقوا مشكلتين؟ يبقى باب المندب كمان مقفول وأمريكا مش هتعرف تعمل فيه حاجة، لأنها جربت قبل كده وما عرفتش تفتحه بشكل عسكري.

فإنت هيبقى قدامك مشكلتين. وإيران كمان بتهدد إنها تقصف مضيق جبل طارق. إنت واخد بالك؟ فتهديدات كبيرة جداً يا جماعة. ده أمريكا بتحذر إن أمريكا ممكن تضرب من قبل إيران السواحل الأمريكية في كاليفورنيا ممكن تضرب من قبل إيران. فإيران حولت الحرب لحرب عالمية أصلاً مش إقليمية فقط، عكس العراق. والغريب في الموضوع إن لحد دلوقتي إيران بتضرب. هو الراجل بيقول لك إيه؟ بيقول لك إن أمريكا يعني عمالة تقول: "قضينا على 90% من الصواريخ والمسيرات والكلام ده كله..."

"The United States and Israel had done up to this point, destroyed over 90% of the rockets and in addition to Israel's stockpile, and you can see this reflected in the 90% reduction in the number of rocket launches. But the drones were a primary issue, and we had seen that the kingdom had been subjected to some of these drones, but so far, they are being dealt with very well."

قال لك: "بس كل يوم بتضرب صاروخ وكل يوم بتضرب مسيرة، والأمر ده أمر خطير. لأن مثلاً إنت تم ضرب مطار دبي، تم ضرب خزانات وقود في مطار دبي، تم ضرب قاعدة الأمير سلطان في السعودية، تم ضرب مطار الكويت وإيقاف الملاحة في مطار الكويت. قطر بتضرب، كل الدول الخليجية بتتضرب. الأمور دي أمور خطيرة جداً تقول لك إن الأمريكان مش شايفين إنجازات عسكرية. وعشان يعملوا إنجازات عسكرية لازم ياخدوا مخاطرة أكبر." طب إيه المخاطرة الأكبر؟ والله طلعت هيئة البث وفقاً لقناة العربية يعني، إن طلعت هيئة البث قالت إن إسرائيل تستدعي 450 ألف جندي.

"Israeli Broadcasting Corporation talks about American preparations for a ground operation in Iran, and also regarding the Israeli media, Channel 14, the Israeli Channel 14, talks again about the American plan to send 2,000 Marines to the region in this regard, and that there are preparations for a maximum mobilization reaching 450,000 reserve soldiers according to the Israeli Broadcasting Corporation."

وخلي بالك الخبر ده بينزل بعد ما القناة الـ 12 الإسرائيلية أشارت إن أمريكا بترسل 2200 جندي لمنطقة الشرق الأوسط. فهل أمريكا تعمل عملية إنزال بري للحصول على هدف قيم لإنهاء الحرب؟ يعني يطلعوا بإنجاز بأي إنجاز يعني وينهوا المسألة سياسياً؟ ولا إيه؟ الحقيقة تفسير للموضوع. إسرائيل لو بتستدعي 450 ألف جندي، هي مش هتنزلهم الأرض. ماشي؟ في إيران. حتى لو إسرائيل بتديك إشارات لكده، إسرائيل أهم هدف عندها هي لبنان. ده الهدف الأساسي.

والحقيقة الكاتب الصحفي هنا زافي بول بيعلق عن موضوعه وبيقول لك: "خلي بالك إن حزب الله بينتحر. حزب الله عمال ياخد ضربات قاتلة وبيتم اغتيال منه عناصر في غاية الأهمية، وبرغم من كده بيكمل، لأن إيران مش عاوزة تنهي الحرب. حتى هتقعد تحارب لحد آخر راجل في حزب الله. والمحادثات الحكومية اللبنانية وإسرائيل بيجروها، لازم تعرف إن هي أولوية عند إسرائيل لأنها تنهي الحرب سياسياً. بس ظاهر كده إن إسرائيل مش عارفة، وإن إسرائيل لازم تنزل بري وهيكون في خسائر ضخمة جداً في الجيش الإسرائيلي زي ما هيكون خسائر ضخمة جداً بالنسبة للجيش الأمريكي لو نزل بري. وده أمر صعب جداً."

بس الظاهر إن دونالد ترامب ما قداموش أي حل غير إنه يستدعي الناتو ويقلب الحرب عالمية ويخش بأكبر تحالف عسكري منذ الحرب العالمية الثانية، إنه بيعمل عملية إنزال بري بقوات مشتركة من دول مشتركة، دول عالمية، تحالف عالمي ينزل ويجيب اليورانيوم ده. ده المطلوب. أوعى تفتكر إن القوات دي هتخش تأمن مضيق هرمز. مضيق هرمز ده مش هيتم تأمينه حتى لو احتليت جزء من العراق، لأن ببساطة مضيق هرمز ده بيضرب بمسيرات وصواريخ. فإنت هتمنع الأمر ده إزاي؟ حتى لو نزلت بري خص.

ودونالد ترامب لازم تعرف رداً على غلق مضيق هرمز، الراجل بيضرب جزيرة خرج الإيرانية. ماشي؟ والضربة دي على فكرة هو تهديد لإيران لو فضلتوا قافلين مضيق هرمز، مش هتلاقوا الجزيرة دي، لأن الجزيرة دي بيطلع منها 90% من صادرات إيران. فدونالد ترامب بيرد على إن إيران قافلة مضيق إن إن هو بيضرب أهم جزيرة عند إيران. وطلع كلام إن دونالد ترامب عاوز ينزل بري ياخد الجزيرة. أنا مش مقتنع بالقصة دي، بس الإعلام الأمريكي عمال يزق فيها بشكل كبير جداً، مقالات كتيرة إن والله أمريكا عاوزة تنزل بري تاخد جزيرة خرج أو خراق ويأمنوا الجزيرة. وقال لك والله إحنا ناخد الجزيرة دي، بس الجزيرة دي 20 كم، ليل ونهار إيران هتصبح عليك بصاروخ وتمسي عليك بصاروخ في قوات برية محطوطين على 20 20 كم. يعني ده هدف سهل جداً بالنسبة لإيران.

فدي أمور مهمة جداً. الحرب دونالد ترامب عاوز ينهيها. وخد بالك من أمر إن دونالد ترامب ما قداموش كتير. هو قدامه أسبوع، لأن مستشاريه حذروه وقالوا له: "خلي بالك، إنت قدامك أسبوعين والموضوع ده بتاع النفط ده هيقلب لك كارثة في الاقتصاد الأمريكي." هم قالوا له كده. قالوا له: "هيقلب لكارثة في الاقتصاد الأمريكي." فلازم تتحرك. دونالد ترامب حط أسبوع، هو مش عاوز يوصل للأسبوع الثاني. قال لك: "يا باشا، هو أسبوع وننجز." فمعنى كده إن إحنا داخلين على نهاية الحرب، ومعنى كده إن دونالد ترامب بيعد لعملية جبارة. هو عاوز ينهي الحرب بحاجة كبيرة جداً، حاجة إيران لو في قوات مشتركة نزلت على أراضيها هي اتهزمت.

لأن بالمناسبة، إيران لحد دلوقتي بتحاول تصور إنها منتصرة في الحرب وإن هي ماسكة زمام الأمور أو بتاخد زمام الأمور بتاعة المعركة دي من أمريكا وإسرائيل. بتقلب الدفة: "إنتوا ضربتونا بس إحنا دلوقتي اللي ابتدينا نفوق وابتدأنا نرد والكلام ده كله." لو نزلت قوات على الأرض زي ما بتقول أمريكا أو زي ما دونالد ترامب عاوز يعمل، هتبقى كارثة بالنسبة لإيران. كارثة. لأن ببساطة الأمريكان لو خدوا حاجة مش هيسيبوها. وأنا هنا مش بتكلم على جزيرة خرج، أنا بتكلم على اليورانيوم. هل يستعيد الأمريكان اليورانيوم؟ ودي هتبقى على فكرة عملية معقدة جداً، لأن أمريكا هتجيب الأكراد وهتجيب بقى قوات من الناتو وهتجيب قوات كبيرة جداً زي ما عملوا في أفغانستان كده، بس يستعيدوا اليورانيوم. عملية قصيرة، ياخدوا اليورانيوم ويمشوا أو يدمروا اليورانيوم تحت الأرض ويدمروا المنشآت اللي فيها اليورانيوم. حاجتين دول كافيين بإنهاء الحرب. كده أو كده. أنا بقول لك المدى الزمني أسبوع. هو ده اللي هتتحرك فيه أمريكا.

على الجانب الآخر، لازم تعرف إن الدول العربية ما تعرفش تستحمل أكتر من كده. خلينا نبقى صادقين مع بعض. الدول العربية أنا هنا ما بتكلمش على خسائر اقتصادية، أنا بتكلم على القرارات العسكرية اللي الدول العربية ممكن تاخدها. الدول العربية عمالة تستحمل، تستحمل، تستحمل، بس صدقني الأمر يعني فاق الحدود. والسعودية اللي مصبرها حاجة واحدة بس إنها عارفة تصدر نفط. ماشي؟ في حين إن في جيران عند السعودية مش عارفين يصدروا نفط زي الكويت مثلاً، ما عندهاش طرق بديلة زي العراق مثلاً. خلاص.

بس خد بالك إن الدول العربية مش هتفضل صامتة كتير، خاصة إن الأضرار ما بقتش متوقفة فقط على ضربات على أراضي الدول الخليجية فقط. لا، بص على دولة زي العراق. في حرب بين أمريكا وإسرائيل من جهة، وإيران من جهة، على الأراضي العراقية. وخد بالك إن دي ممكن تقلب حرب أهلية. يعني أمريكا وإسرائيل بيضربوا الحشد الشعبي في العراق، وإيران بتضرب القواعد الأمريكية في أربيل. خلاص وبيستهدفوا قواعد هناك لدرجة إنهم قتلوا جندي فرنسي كان موجود هناك.

"So the civil war, if it returns to Iraq, and there is a war, a sectarian war or a war in some way, this will threaten the stability of the Gulf after the war. So the Gulf is at its limit. The Gulf's decisions must come out quickly and try to contain the damage in any way, because the damage has exceeded the limits. And I tell you, no country can assess its losses as long as the war is ongoing. The losses are assessed after the war. And I tell you that the Gulf countries have suffered heavy losses. So the Gulf countries will not remain silent for long, especially since the damage is no longer limited only to strikes on the territories of the Gulf countries. Look at a country like Iraq, in a war between America and Israel on one side, and Iran on the other, on Iraqi territory. And keep in mind that this could turn into a civil war. America and Israel are striking the Popular Mobilization Forces in Iraq, and Iran is striking American bases in Erbil. And they are targeting bases there to the extent that they killed a French soldier who was there."

فالحرب الأهلية لو رجعت العراق وأصبح في حرب حرب بقى طائفية أو حرب بشكل أو بآخر، ده هيهدد استقرار الخليج بعد الحرب. فالخليج على آخره. الخليج القرارات بتاعته لازم تطلع بسرعة ويحاول يلم الأضرار بأي شكل، لأن الأضرار كده فاقت الحدود. وأنا بقول لك ما فيش دولة تقدر تقيم مدى الخسائر بتاعتها طول ما الحرب شغالة. ماشي؟ الخسائر بيتم تقييمها بعد الحرب. وأنا بقول لك إن الدول الخليجية عندها خسائر كبيرة. فدول الخليج مش هتفضل قاعدة تتفرج، حتى لو هي عارفة الحرب دي مشاركة فيها إسرائيل، حتى لو هي عارفة إن أمريكا ممكن تخلع في أي وقت، بس استفزاز غير طبيعي وضربات على الأراضي غير طبيعية.

والقصة كلها لو دخل الحوثيين، إنت بقى إيه؟ هتقفل كتاب وتفتح يا باشا كتاب تاني. أنا مش هقول لك تفتح صفحة جديدة، أنا بقول لك تفتح كتاب جديد. خلاص. إحنا بنتكلم على مشكلة كبيرة جداً. وهنا مع دخول الحوثيين إنت قدام قصة إن دونالد ترامب هيكون عمل مشكلة كبيرة جداً للاقتصاد الأمريكي والاقتصاد العالمي والدول العربية كلها. كده أو كده، تاني خليج اللي إنت هتشوفه بعد الحرب دي، خليج مختلف في كل حاجة، سياسياً وعسكرياً واقتصادياً مختلف تماماً. وهيكون خليج أقوى بكتير جداً وعنده نظرة مستقبلية كبيرة، مش هيبقى اعتماد على أمريكا بنسبة 100% زي الأول، وإنهم سايبين إن القواعد الأمريكية دي كفيلة إنها تردع إيران. لا، إحنا هنا بنتكلم إن الحرب هتخلص في وجود نظام هيبقى قائم، والنظام القائم ده ممكن يقوم في أي لحظة أو ممكن يعيد الحرب في أي لحظة. لازم تعتمد على قوتك العسكرية، حتى لو رحت جبت أسلحة من الصين وأغضبت الأمريكان، لازم تعمل كده.

في الآخر، يا رب أكون شرحت لحضرتك الموضوع بشكل مبسط. ويا رب ينصر مصر، يا رب ينصر العرب، ويا رب انصر فلسطين. يا رب تحيا مصر. سلام.

"انت مش عارف احنا مين؟ احنا اللي الناس بتيجي لنا من كل مكان عشان تشوف بلدنا. احنا اللي علينا العين. احنا حضارة بقى لها سنين والعالم مش عارف سرها. احنا خفة دم بتضحك القلب."

"وكرم بيتضرب بيه المثل."

"جدعنة وشهامة مش موجودة في زمننا ورحمة بتطلع من عينينا قبل قلبنا. احنا بسمة بتفتح ألف باب."

"أكلة حلوة بتدي بلدنا طعم. احنا الأمانة والذكرى الحلوة اللي ما بتتنسيش. احنا حكاية، حكاية تعجب. خلي أفعالنا تحكي عنا. ربنا ادانا نعمة لازم نحافظ عليها ونوريها للعالم كله. وري ضيوفنا إحنا مين؟ إحنا مصر."