عاجل | ترامب يهدد بوتين بعد قصف مطار الأمير سلطان العسكري بالسعودية ..وخطة الحرب النووية خلال أيام

السلام عليكم، ازيكم؟ دونالد ترامب امبارح طلع في راديو فوكس نيوز، ماشي، مش التلفزيون، طلع في الراديو. والحقيقة المذيع بيساله سؤال مباشر، قال له: "تفتكر بوتين رئيس روسيا بيساعد إيران؟" رد دونالد ترامب كان بالنسبة لي مفاجئ جداً، قال له: "آه، أنا أعتقد إن هو بيساعدها بنسبة قليلة، لأن هو يعتقد إن إحنا بنساعد أوكرانيا." زي ما حضرتك هتسمع كده بالظبط.

تدخل وقال له: "بس أنتم بتساعدوا أوكرانيا صح؟" قال له: "آه، إحنا بنساعد أوكرانيا، وعلى فكرة بوتين فاهم كده كويس، والصين برضه فاهمة كده كويس، وأنا أعتقد إن ده يعني فير، يعني ده أنا أعتقد إن هو عادل." زي ما حضرتك هتسمع كده.

خلص الانترفيو، طلعت جريدة جون ورويز وكشفوا إن إيران ضربت قاعدة الأمير سلطان في السعودية. والحقيقة إنها ما استهدفتش القاعدة زي كل مرة إنها بتستهدفها بصاروخ أو اتنين، دي ضربت خمس طيارات تزود بالوقود من طراز كي سي 135، نفس الطراز اللي وقع في العراق امبارح. وده تطور خطير جداً، ليه؟ لأن خد بالك إحنا هنا بنتكلم إن قدرة إيران على الاستهداف بتقل باعتراف أمريكا وإسرائيل، وإن إحنا بنتكلم إن تم فتح المجال الجوي الإيراني بشكل كبير جداً وتم محو الرادارات الإيرانية. فإزاي إيران شافت إن في خمس طيارات تزود بالوقود نزلوا السعودية وتم استهدافهم؟ أكيد بوتين.

بس القصة ما انتهتش عند كده، بالعكس، دي ابتدت. لأن في الساعات الماضية حصلت تطورات خطيرة جداً، منها إن أمريكا أبلغت إسرائيل بموعد إنهاء الحرب. عاوز تعرف إيه اللي حصل بالظبط وآخر التطورات؟ هقول لك. بس طبعاً عشان أقول لك وأكشف لك التفاصيل دي كلها، لازم أقول لك القصة من الأول.

قبل ما أخش في الموضوع، قبل ما أكشف لك التفاصيل، خليني أقول لك إن إحنا معانا راعي قوي جداً ومحترم جداً، وهو كتير مننا بيسأل: "إيه اللي يخلي اسم شركة بيفضل محفور في ذاكرة الناس سنين وسنين؟" الإجابة في كلمة واحدة بس: "الأصل". إحنا بنتكلم عن مجموعة التوفيقية، بنتكلم على كيان مصري بدأ من 1930 على إيد الحاج سيد أحمد، واستمر بخبرة المهندس فوزي السيد، ووصلت بذكاء المهندس سمير فوزي لقمه العاصمه الجديده. مجموعة التوفيقيه، كيان عقاري عريق، تاريخ طويل من الثقة وسمعة اتبنت على الالتزام وكلمة الشرف.

النهاردة مجموعة التوفيقية للمهندس فوزي السيد بتقدم مفهوم مختلف للاستثمار التجاري في سنتري بلازا بالعاصمه الاداريه الجديده. مشروع بيجمع بين خبرة عقارية ممتدة على مدار أجيال، تصميم معماري مميز للمهندس محمد حافظ حافظ كونسلتنت، وإدارة وتشغيل احترافي من شركة ام ار بي وفق أعلى معايير توتال فاسيليتي مانجمنت. هنا الاستثمار مش مجرد وحدة بتمتلكها، دي تجربة متكاملة بمعايير تشغيل وإدارة بتضمن استدامة وقيمة حقيقية في الاستثمار على المدى الطويل. تقدر تحجز بمقدم أولي 10% وتقسيط لحد 10 سنوات. تواصل معاهم دلوقتي من خلال اللينك أسفل الفيديو. مجموعة التوفيقية، استثمار مبني على الأصل.

نخش في الموضوع على طول. نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك وأول مرة هتسمعه فيما يخص ضرب الطائرات السعودية. إيه اللي حصل؟ اللي حصل إن إيران لأول مرة تصيب هدف عالي القيمة داخل الأراضي السعودية. أنت بتتكلم إن دي قاعدة الأمير سلطان، على فكرة قاعدة الأمير سلطان فيها أحدث المعدات العسكرية الأمريكية اللي لدى السعودية، ودي يا باشا فيها إف 15 السعودية وفيها صواريخ باتريوت. نزلت في القاعدة دي بالذات عشان أمريكا هتستخدم فيها طيارات التزود بالوقود بتاعتها.

طيب، وإيه المشكلة لما إيران تضرب طيارات تزود بالوقود دي؟ والله دي كارثة. ليه؟ لأن خد بالك امبارح قلت لحضرتك إن خلي بالك في طيارة تزود بالوقود سقطت في غرب العراق، وعلى فكرة الأمريكان استعادوا كل الجثث. يعني أنا كنت قلقان إن هم ما يعرفوش يستعيدوا جثتين هم مش لاقيينهم، بس خلاص هم لقوهم كلهم. وست جثث تم استعادتها بتاعة الطيارة دي. والطيارة التانية اللي أصيبت في الحادث نزلت في إسرائيل.

فقلت لحضرتك إن أمريكا لحد ما تتأكد إن ما تمش استهداف طيارات التزود دي بصواريخ إيرانية، أمريكا مش هتعتمد على المجال الجوي العراقي، وهتضطر إنها تفتح المجال الجوي الخليجي بشكل أو بآخر وتعتمد إنها ترسل طيارات التزود بالوقود بتاعتها لدول الخليج. وخد بالك إن دي نقطة تشغيلية مهمة جداً للجيش الأمريكي، لأن معلش هشرح الحتة دي عشان مهمة جداً. لازم تعرف إن الطيارات تزود بالوقود هي أهم سلاح لدى سلاح الجو الأمريكي، لأن لازم حضرتك تعرف المقاتلات الأمريكية مش بتطلع من المطارات الخليجية. المقاتلات الأمريكية بتطلع من حاملات الطائرات وبتطلع من أوروبا عشان تقصف إيران، فلازم يبقى فيه محطة في الجو لتزويد المقاتلات دي وهي ماشية في الجو عشان تعرف تودي مهمتها وترجع تاني. خلاص.

فكون إن أنت بتضرب طيارات تزود بالوقود ده أمر خطير. الأمر الثاني، خلي بالك إن أنت تعمل ريبليسمنت أو تعمل تبديل لطيارة زي دي ده أمر مكلف جداً بالنسبة لأمريكا وامر صعب جداً. إشمعنى؟ خد بالك أمريكا عندها من الطيارة دي الكي سي 135 كتير جداً، يعني هم بيتكلموا في أكتر من 300 طيارة عند سلاح الجو الأمريكي. بس هم بيتكلموا في عيب خطير، قال لك الطيارة دي المفروض هتخرج بره الخدمة بس الكونجرس في أمريكا رفض. فالبنتاجون أو وزارة الدفاع الأمريكية كانت عاوزين يخرجوا الطيارة دي ويستبدلوها بحاجة اسمها الكي سي 46، ماشي، طيارة أحدث، بس هتبقى عملية مكلفة وطريقة إنتاج الكي سي 46 الطراز الأحدث مكلف وبياخد وقت أكبر. ماشي.

في أمريكا ما عندهاش رفاهية إنها تقعد تبدل في الطيارات دي زي ما أنت فاكر، أو عندها طيارات كتير. بيتكلموا في قد إيه كم طيارة موجودة في الشرق الأوسط؟ بيتكلموا في 35 طيارة. الطيارات الباقية يا إما بتقوم بمهام نقل مهمة جداً للقوات الأمريكية الموجودة في الخارج، أو بتقوم بعمليات استراتيجية. صعب إن أمريكا تستبدل الطيارات دي بأي شكل. فأنت أولاً بتخسر مجال جوي العراق، فانت بتخسر طيارتين امبارح، أصبحوا سبع طيارات في 24 ساعة. سبعة عدد ضخم. والمشكلة إن أمريكا لازم تستبدله. والمشكلة الأكبر إنها مش هتعرف تستخدم لا مجال جوي العراقي ولا تنزل في قاعدة الأمير سلطان لأنها اتكشفت.

والسؤال هنا: إيه علاقة روسيا بإن القصف ده يتم على قاعدة الأمير سلطان؟ ببساطة، لأن الطيارات دي أول ما نزلت اتضربت. مين اللي عارف الحتة دي؟ الروس. وأنت بتتكلم إن ترامب بعظمة لسانه قال لك: "ده بوتين بيساعد إيران." وده على فكرة أمر عادل جداً، هو قال كده. قال لك "التسفير"، يعني هو شايفها عادلة. فده أمر في منتهى الخطورة. إيران بتستهدف خمس طيارات في الأراضي السعودية برغم التحذيرات السعودية، وأنت بتتكلم إن ده أمر هيكون فيه تصعيد خطير جداً.

طيب، الأمر الآخر إيه هو؟ طلعت جريدة اسمها ميدل إيست مونيتور. ميدل إيست مونيتور عملت زي تحليل. يعني خد بالك المقارنة بتاعتهم تبتدي بتقول لك: "والله ذكرت إحدى الصحف" هم ما حددوش الصحيفة، بس قال لك إيه؟ قال لك: "وفقاً للصحف إن أمريكا أبلغت إسرائيل إن الحرب دي قدامها أسبوع وأمريكا هتخلع." خد بالك من الكلام ده. هتيجي تقول لي: "على فكرة ده خبر ضعيف، لأن أولاً هم ما ذكروش المصدر، ثانياً هم بيقولوا صحف، يعني أي كلام. وبعدين المدى الزمني ده ضعيف، لأن ترامب نفسه قال لك الحرب دي هتقعد من أربع لست أسابيع." فانت دلوقتي بتتكلم الحرب هتستمر تلاتة بس؟

طيب، خليني أقول لك بالفكر والمنطق، مش تحليل شخصي. بوليتيكو ذكرت المعلومة دي، أكسيس ذكرت المعلومة دي، موقع فورين بوليسي أقوى موقع تحليلي في العالم ذكر المعلومة دي وفقاً لمقالة للكاتب ديفيد إجناطيوس اللي اطلع على آراء جنرال إسرائيلي قال له: "والله إحنا متخوفين جداً الحرب تكمل، لأن ثانية عاوز تكمل، بس الفكر العسكري بتقول إن إحنا نخلص الأهداف العسكرية ونمشي. نتنياهو عاوز الحرب تكمل." فالمقالة لما هي الصحيفة بتقول وفقاً للصحف، هي مش عاوزة تذكر المصادر، بس هو فكر منطقي إن فعلاً أمريكا عاوزة أسبوع وتخلص.

طب ليه؟ لأن خلي بالك المستشارين الأمريكان قالوا لدونالد ترامب: "قال لك يا باشا، أنت أزمة الطاقة دي أو أزمة النفط قدامها أسبوعين بالكتير وهتصبح أزمة اقتصادية عنيفة بالنسبة لأمريكا." وسيبك بقى من اللي أنت بتقعد تقوله للناس، أصل نفط كل ما يرتفع أمريكا بتبيع أكتر وبتكسب. أمريكا اللي بتكسبه من بيع النفط بتصرفه في الحرب. يعني أنت وفقاً لصحيفة فاينانشيال تايمز صارف 17 مليار دولار في 10 أيام أو 11 يوم. ماشي، ده وفقاً لفاينانشيال تايمز يعني أنا ما جبتش خبر من عندي. الحرب دي إحنا في أسبوعين، والأسبوعين قربوا يخلصوا، داخلين في الأسبوع التالت خلاص. فدونالد ترامب ما قداموش غير أسبوعين، وهو الظاهر عاوز يخلص في أسبوع.

حلو ليه يخلص في أسبوع؟ هل فقط عشان الطاقة؟ لا، لأن خلي بالك ترامب خايف من حاجة مهمة جداً ابتدت تتضح معالمها في الحرب دي، إن أمريكا ابتدت تخلص بنك الأهداف بتاعها في إيران. ماشي، هيصبح إن الحرب دي كل ما تكمل هتاكل في قدرة الردع الأمريكية. يعني إيه؟ يعني خد بالك إن أمريكا دلوقتي عمالة تضرب إيران، بس إيران بقى لها بالظبط تلات أيام عمالة تسبب خسائر أو ابتدت إنها تستوعب الصدمة وابتدت ترد على الأمريكان وتسبب فيهم خسائر. ماشي، وده حاجة غير معهودة بالنسبة للجيش الأمريكي إن هو يضرب ويضرب ماشي من دولة المفروض مسحها. يا جماعة إحنا بنتكلم إن رئيس أركان الجيش الأمريكي امبارح طلع قال لك: "إحنا ضربنا 6000 هدف في 13 يوم." دي قوة نيرانية غير طبيعية، الأكبر في التاريخ. عارف يعني إيه تضرب 6000 هدف في دولة في 13 يوم فقط؟ ده إيه ده؟ وإيه ده؟ الحرب لسه مكملة.

فبرغم كده، إيران استوعبت الضربات وابتدت ترد. فأنت قدامك إن الفترة القادمة أهداف أمريكا في الحرب دي مش هتبقى عالية القيمة، وأهداف إيران هتبقى أكتر قيمة. وأنت هنا هتجرب حرب استنزاف والحرب هتطول. فطول ما أنت موجود في الحرب، أسعار النفط هتعلى. بتتكلم إن قدرة الردع بتاعتك هتقل، لأن أنت هتقعد تضرب وخسائر دي خليك بيشوفها، والعالم كله بيشوف الجيش الأمريكي وهو بيتضرر وبيقع له جنود. تاني حاجة، المخاطر السياسية هتزيد، لأن إيران كل ما تسبب فيه خسائر، الكونجرس هيقوم ومش هيقعد. ودلوقتي عنده أسباب كتيرة جداً لإيقاف الحرب. أسعار النفط بتتكلم إن القتلى بتوع الجيش الأمريكي. يا جماعة إحنا دلوقتي بنتكلم إن قتلى الجيش الأمريكي تخطوا لـ 12 قتيل. يعني ده أمر خطير جداً، وبتتكلم في 140 جريح. وعلى فكرة الطيارات الخمسة اللي اتضربت في الأمير سلطان ده كان فيها عاملين أمريكان. أنت ما تعرفش برضه القتلى بتاعتهم قد إيه. قصص.

فكل يوم بيعدي على الأمريكان بعد اليوم العاشر أصبح إن الخسائر الأمريكية ضخمة. فما ينفعش ترامب يكمل الحرب دي. فقال لك يا باشا، أسبوع وهنمشي. هل في دليل على الأمر ده؟ الحقيقة آه، في أكتر من دليل. أول دليل إن دونالد ترامب ابتدى يستهدف جزيرة خرج أو خراج. ماشي، جزيرة خراج دي دي جزيرة مسؤولة عن 90% من صادرات النفط. طيب، أول ما يجي في بالك كده إن القوات الأمريكية ضربت جزيرة خراج، هتقول والله الجزيرة دي فيها تلات مصافي نفط ومسؤولة عن 90% من صادرات إيران. فهم ضربوا أكيد البنية التحتية للنفط لإيران؟ لا، هم ما جروش ناحية مصافي النفط خالص، ولا جوم تحت البنية التحتية الخاصة بالنفط في إيران. هم ضربوا قواعد إيرانية وضربوا رادارات في القاعدة دي وضربوا قوات برية. الظاهر كده كانوا بيستخدموا مسيرات شاهد 136 بتطلق من جزيرة خراج. الظاهر إن القوات الإيرانية كانت بتحتمي خلف مصافي النفط، لأنهم أدركوا إن أمريكا مش هتستهدف مصافي النفط. فكانوا بيهتموا بالجزيرة دي بالذات.

بس القوات الأمريكية ضربتهم بشكل كبير جداً. وبرغم إن أمريكا ما ضربتش أي بنية تحتية نفطية في جزيرة خراج، عاوز أقول لك إن أسعار النفط سجلت 103 دولار للبرميل، وفي الطريق ها، وفقاً لجي بي مورجان، زي ما حضرتك شايف الموقع بتاع أويل برايس منزل مقالة بيقول لك جي بي مورجان بيتوقع 120 دولار للبرميل في ظرف كام يوم. يعني فده أمر خطير جداً.

فده أول شاهد إن أمريكا ابتدت تضرب أهداف ما كانتش عاوز تضربها قبل كده، جزيرة خراج. طب تاني حاجة تقول لك إن الحرب قربت إنها تخلص؟ والله القوات الأمريكية امبارح استدعت قوات برية. استدعت أكتر من 2200 جندي من القوات البرية، قوات المظلات، إنها تتجه للشرق الأوسط. طب هل هم دول بس؟ لا، عاوز أقول لك إن هم بيستدعوا أكتر. يعني هم هيطلبوا عدد آخر من الجنود غير الـ 2200 دول. ظاهر كده إحنا بنتكلم قرابة الـ 6000 أو الـ 8000. فده أمر. ومش بس كده، القوات الأمريكية استدعت عدد آخر من القطع البحرية العسكرية إنها تيجي الشرق الأوسط. عاوزين يفتحوا مضيق هرمز بالقوة. ماشي.

فإحنا هنا بنتكلم على عملية برية. طيب، العملية البرية دي بتكون آخر حاجة في الحرب. ليه آخر حاجة في الحرب؟ أنت بتكون متأكد إن أنت هتقوم بعملية برية تكون عارف إن أنت هتقابل من القوات دي. ده أولاً. تاني حاجة، أنت هتكون متأكد إن أنت سببت أضرار كبيرة جداً في الحرس الثوري الإيراني في قواته البرية اللي هي ما تمسكتش. ده أمر آخر. الأمر الثالث، أوعى تفتكر إن هم بيتكلموا على غزو. يعني أول حاجة تيجي في بالك إن ده غزو. ده مش غزو. هم داخلين ياخدوا اليورانيوم. آخر أخبار اليورانيوم إن والله بيقول لك إن إيران نقلت اليورانيوم المخصب من مفاعلين نوويين لأسفل جبل. وأسفل الجبل ده ما ينفعش الطيران والقذائف تطوله، فلازم تنزل بري. فأمريكا هتنزل بري عشان تاخد اليورانيوم. ولو خدوا اليورانيوم هيكونوا أنجزوا مهمة كبيرة جداً وأنجزوا إنجاز ضخم جداً في إيران، لأنهم هيحرموها من أكتر يورانيوم مخصب عند النظام الإيراني. فده أمر آخر.

طيب، فاللي أنا عاوز أكد عليه إن العملية البرية دي بتيجي في آخر أوقات الحرب. وده اللي بيحصل حالياً. أنت شايف في قوات برية بتوصل للشرق الأوسط. وعملية برية لازم تعرف إنها بترفع تكلفة الحرب بشكل كبير جداً، لأن إحنا هنا بنتكلم على خسائر بشرية غير اللي عندك. أنت أصلاً لحد دلوقتي شغال جوي أو شغال بسلاح الجو وعندك خسائر بشرية. ما بالك إن أنت تنزل على الأرض؟ الخسائر البشرية هتتضاعف. كده أو كده، حتى لو جبت الأكراد معاك يخشوا بري ويساعدوك، كده أو كده في خسائر. ماشي. فالخسائر البشرية لما تتضاعف، لازم تعرف إن ده حاجة الجيش الأمريكي هيلجأ لها في الأواخر. ده أمر. الأمر الآخر اللي بيأكد لك إن الحرب هتنتهي إن دونالد ترامب امبارح ابتدى يتكلم ويقول لقادة الناتو، وفقاً لأكسيس، قال لهم: "على فكرة إيران شكلها كده عاوز تستسلم." وقال لهم: "على فكرة إن مجتبى خامنئي ده أنا مش عارف هو الرئيس الحقيقي ولا مش هو، بس لو هو الرئيس الحقيقي لازم تعرف إن هو عنده مشاكل كتير وصحياً مش قد كده." يا أخي ده وفق الموقع أكسيس يعني.

طب تفسير سير الحاجتين: إيران عاوزة تستسلم، وإن مجتبى خامنئي صحياً مش قد كده أو هو ما يعرفش إن هو رئيس حقيقي ولا لا. طيب، ليه إيران عاوزة تستسلم؟ لأن إيران الرئيس الإيراني مسعود بشكيان امبارح كلم رئيس السيسي. والمكالمة دي على فكرة ما حدش يعرف لحد دلوقتي فحواها إيه غير الرد المصري. إن مصر قالت له: "ما ينفعش تستهدف الدول العربية، واستهداف الدول العربية ده أمر مرفوض." والكلام ده كله.

فده أمر مهم. أنت عارف الرد، ما تعرفش مسعود بشكيان كلم الرئيس السيسي ليه؟ مصر هي الدولة الوحيدة اللي مش مشاركة في الحرب، ولا حتى إيران استهدفتها. يعني تركيا تم ضربها تلات صواريخ، تكلم عمان تم ضرب ميناء صلالة اللي هو ميناء مهم جداً يا جماعة. عمان دي أول ما المرشد الجديد جه قعدوا يهنوه، اللي هو مكتب. لما تم انتخاب مرشد، العمانيين هنوه. أنت متخيل؟ وبرغم كده إيران ضربت ميناء صلالة. الدولة الوحيدة اللي ما اتضربتش، وأمريكا محذرة رعايا إنها تبقى موجودة فيها هي مصر. ماشي. فإيران كلمت مصر امبارح. فالمكالمة دي الظاهر ترامب أراها إن دي بداية استسلام، أو إن الإيرانيين بيجسوا النبض كده الحرب تندهي إزاي، أو إنهم ما عندهمش مشكلة خاصة إن طلعت تسريبات بعد كده إن والله الإيرانيين ممكن يقبلوا بوقف الحرب لو أمريكا وقفت ضرب إيران. وده أبرز الشروط على فكرة. وقال لك بعد كده ممكن ناخد تعويضات والكلام ده كله. بس الكلام ده إيه؟ أي كلام. الحرب تقف لو أمريكا وقفت القصف أو وقفت قصف إيران. ماشي. فده أمر مهم.

فيما يخص إن المرشد مش بصحة جيدة، اللي أكده وزير الدفاع الأمريكي برضه في نفس الموقع أكسيس، طلع قال لك: "على فكرة مجتبى خامنئي شكله مشوه." اتشوه عشان كده ما ظهرش في التلفزيون وعشان كده ما عرفش يتكلم. الظاهر كده إن الإصابة اللي لحقت بيه مش في عينه فقط، الظاهر وشه كله مشوه. ماشي، وإن الراجل كده صعب إن هو يؤدي مهمته بشكل أو بآخر، أو حتى صعب إن هو يطلع. طلع على الشعب الإيراني في الوقت اللي هو فيه ده، لأن هو صحياً مش تمام. فده تفسير الكلام اللي قاله دونالد ترامب لقادة الناتو.

طيب، أنت هنا قدام كذا نقطة. طيب، أول نقطة، تفسير الحرب إيه؟ يعني ترامب عاوز يمشي. بص، تفسير الحرب أنا ما لقيتوش. يعني مسار الحرب ماشي إزاي غير في جريدة ذا أتلانتيك. جريدة ذا أتلانتيك في واحدة مصرية، أنا متأكد إنها مصرية، أنا ما أعرفش جنسيتها إيه يعني، بس هي كانت عايشة في مصر والعراق. فهي مصرية من وجهة نظر اسمها نانسي يوسف. نانسي يوسف كاتبة مقالة بتقول لك الحرب مكونة من أربع مراحل، وإحنا في المرحلة التانية. إيه الأربع مراحل اللي هي بتتكلم عليها؟ على فكرة هي ما جابتش الكلام ده من دماغها، هي اتكلمت مع مصادر في وزارة الدفاع الأمريكية.

أول مرحلة: الضربة الأولى اللي هي الصدمة والرعب. ماشي، إن أنت فجأة كده تضرب إيران وضربات عنيفة جداً والكلام ده كله. تحقق فوضى داخل النظام الإيراني، ما يبقاش عارف يرد أو يستخبى أو الكلام ده كله. فالصدمة والرعب، الضربة الأولى.

الحاجة التانية: فتح المجال الجوي أو السيطرة الجوية الشاملة. ودي على فكرة اللي فيها أمريكا حالياً. السيطرة الجوية الشاملة إن هم يقضوا على الدفاعات الجوية، وإن الطيارات تقعد ماشية براحتها كده ولا حد يعرف يضربها ولا حد يحاول يسقطها ولا أي حاجة. فينفسوا أهدافهم بمنتهى القوة ويوسعوا من الضربات الجوية بتاعتهم ويستهدفوا أي حتة في إيران. ماشي، وده اللي هم فيه حالياً.

طيب، عشان كده الست بتقول لك أربع مراحل، وهم في المرحلة التانية اللي هي فتح المجال الجوي. طيب، المرحلة التالتة: تحييد الاستقرار. تحييد الاستقرار ده يعني إيه؟ يعني إيران تنفذ منها صواريخها أو ما تعرفش تضرب الصواريخ، أو ينفذ منها منصات الإطلاق الصاروخي وينفذ منها المسيرات.

طيب، المرحلة الرابعة: الانسحاب. ماشي.

طيب، الرؤية دي هي رؤية الجيش الأمريكي، وإحنا في المرحلة التانية. بس لو أخدت بالك، المرحلة التالتة دي اللي فيها خلافات كلها. ليه؟ لأن تحقيق الاستقرار من وجهة نظر أمريكا غير من وجهة نظر إسرائيل، وغير من وجهة نظر الخليج. ماشي. ليه؟ تحقيق الاستقرار إن إيران ضرباتها ما تبقاش قوية. الأول أو عدد إطلاق الصواريخ ما يبقاش كبير. يعني على فكرة إيران حتى لو بتطلق صاروخ واحد في اليوم، أمريكا ممكن تتغاضى، أو حتى تطلق خمسة، أمريكا ممكن تشوف الكلام ده. ماشي. ده إشارة إن والله الجيش الإيراني أضعف حالاته، وإن الجيش الإيراني ما بقاش عنده مخزون زي الأول. ماشي. ساعتها الجيش الأمريكي هيقول لك: "إحنا خلاص خلصنا مرحلة الاستقرار فهنسحب." ماشي.

طيب، هم عشان يخلصوا مرحلة الاستقرار دي، إيه أهم حاجة هم بيركزوا عليه؟ الصواريخ؟ لا. المسيرات؟ لا. برضه الفوضى. يبقى النظام الإيراني في حالة فوضى. ماشي، وهم شايفين إن والله ممكن نقتل مجتبى أو ممكن ما نقتلهوش. يعني هو حالياً في حالة ضعف، بس يبقى نظام غير قادر إن هو يحاول يستعيد القدرات النووية الإيرانية. يعني يبقى بقى عاوز ينشئ قنبلة نووية أو حاجة زي كده؟ لا. يبقى نظام ضعيف جداً، حتى لو قادر إن هو يحكم إيران، أمريكا ما عندهاش مشكلة، بس ما يبقاش عنده طموح نووي. وحتى لو عنده طموح، ما يعرفش ينفذه، سواء بقى اقتصادياً عليه عقوبات، سواء عسكرياً هو في حالة ضعف، سواء سياسياً هو بيحكم بشكل سوري وعنده مشاكل داخل نظام الحكم. فهيسيبوه كده مترنح. ماشي. فدي المرحلة اللي أمريكا عايز تنسحب عندها.

إسرائيل عندها وجهة نظر تانية، بس خلي بالك أنا بفرق بين الجيش الإسرائيلي ونتنياهو. الجيش الإسرائيلي عاوز عاوز يحقق أهدافه العسكرية ويمشي، زي ما قال ديفيد إجناطيوس. نتنياهو عنده لا، وخلي بالك نتنياهو حالياً بيضغط على دونالد ترامب بشكل كبير جداً. أوعى تنسحب. ليه؟ لأن نتنياهو عاوز يقتل مكتب. ده أمر. نتنياهو مش عاوز يمشي غير لما يقضي على كل القادة الإيرانيين كلهم، ما يبقاش منهم واحد. ماشي. نتنياهو عاوز يمشي لحد ما الحرس الثوري الإيراني يسقط، وساعتها هو يجيب واحد تبعه، أو يبقى في نظام جديد يبقى مأمون. لأن نتنياهو ببساطة فاهم كويس جداً إن أمريكا مش هتحارب إيران تاني، ولا حتى بعد 50 سنة أمريكا مش هتلجأ لحرب دي تاني. فنتنياهو شايف الحرب تخلص على كده.

الخليج وجهة نظره إيه؟ الخليج الحرب عاوز تخلص. يعني ده أهم حاجة. خلي بالك الخليج وجهة نظره أسرع حاجة ممكنة الحرب دي تخلص فيها، مهما كانت العواقب. الحرب لازم تخلص. ماشي. فانت عندك تلات وجهات نظر مختلفة. ماشي.

طيب، إيه اللي يسري؟ اللي يسري اللي كلام المونيتور إن الحرب دي قدامها أسبوع كمان. وده وقت خليجي ممكن يتقبله. أسبوع وهتضعف النظام الإيراني وهتبقى تخلي النظام الإيراني مترنح والنسخة الأضعف منه. الخليج ما عندوش مشكلة. تانية عنده مشكلة. فده أمر خطير جداً.

طيب، هل الأسبوع ده ممكن يروح لأسبوعين؟ بص، الأسبوع ده عشان أمريكا تنجز في المهمة، لازم يستعيدوا اليورانيوم. ده أهم حاجة. لو استعادوا اليورانيوم، نزلوا بري وخدوا اليورانيوم، الحرب تخلص. هيمشوا. حتى لو إيران بتطلق صواريخ، هيمشوا. ماشي. بس دي عملية برية معقدة جداً. وثاني، هي مش عملية غزو. اللي أنا شايفه إن الحرب دي أصبحت مدمرة بشكل كبير جداً. وحتة إن أمريكا تقعد تحارب لحد آخر راجل في الحرس الثوري الإيراني ده هدف إسرائيلي، ده مش هدف أمريكي. وترامب زي ما خبراء قالوا له: "أنت قدامك أسبوعين ويبقى أزمة النفط عندك قاسية جداً وممكن تؤدي لخسائر سياسية ضخمة." فالراجل عاوز ينجز في أسبوع. فهو هيضغط الجيش الأمريكي عشان ينجز في أسبوع. خلاص، وهيعرف يبيع الحرب دي واحنا عملنا واحنا سوينا. فلاول مرة بنعرف مسار الحرب ماشي إزاي، ولاول مرة بنحط إيدينا على توقيت إنهاء الحرب. ما أبلغت به أمريكا إسرائيل: أسبوع كمان ونمشي. يا رب أكون شرحت لحضرتك الموضوع بشكل مبسط. ويا رب مصر يا رب ينصر العرب. ويا رب فلسطين. تحيا مصر. سلام.

أنت مش عارف إحنا مين؟ إحنا اللي الناس بتجيلنا من كل مكان عشان تشوف بلدنا. إحنا اللي علينا العين. إحنا حضارة بقى لها سنين والعالم مش عارف سرها. إحنا خفة دم بتضحك القلب وكرم بيتضرب بيه المثل. جدعنة وشهامة مش موجودة في زمننا ورحمة بتطلع من عينينا قبل قلبنا. لا إله إلا الله. إحنا بسمة بتفتح ألف باب. أكله حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية. حكاية تعجب. خلي أفعالنا تحكي عنا. ربنا ربنا أدانا نعمة لازم نحافظ عليها ونوريها للعالم كله. وري ضيوفنا إحنا مين؟ إحنا مصر يا محروسة بسيف شاطر وسيف حارس عليك يا مين. ومن فوق السماء السابع حاميك رب العالمين.