Transcription
كلها كام يوم وهنشوفه بشكل رسمي. تحديث iOS 19؟ الحقيقة ما عندناش أي iOS 19. كلها كام يوم وهنشوف. iOS 26؟ سمعتوا عن التسريب ده؟ تعال أقول لك إيه الحكاية، بس قبل ما ندخل في التفاصيل، الفيديو ده معمول ليك. ما تنساش تعمل لايك للفيديو وتشترك في القناة وتفعل الجرس عشان تجي لك الفيديوهات اللي بنعملها أول بأول.
السلام عليكم ورحمة الله، عاملين إيه؟ زي ما اتكلمنا قبل كده، إن أبل رايحة في اتجاه توحيد تصميم الأنظمة بتاعتها، اللي هتكون كلها مستوحاة من نظام واحد، وهو الـVisionOS، اللي هو التصميم أو الشكل الدائري للايقونات. وعشان كده أبل قررت، وبناءً على واحد من أقوى الناس اللي موجودة دلوقتي في التسريبات، واللي دايماً تسريباته بتطلع صح، إن أبل هتغير اسم النظام تماماً من iOS 19 لـiOS 26. وده عشان رقم الإصدار يتماشى مع السنة. يعني التحديث الجديد، أبل هتعلن عنه في شهر 6، هينزل رسمي في شهر 9، 2025، السنة اللي إحنا فيها، ويفضل موجود معانا لحد شهر 9، 2026. يعني أبل قررت إن التحديث اللي هينزل هيكون رقم السنة اللي نزل فيها. أفهمك تاني، يعني التحديث اللي نازل ده هيدعم الأجهزة ما بين سنة 2025 و2026 بس، عدد الشهور اللي فيه التحديث هتكون في 26، عشان كده رقم الإصدار مش هيكون 2025، هيكون iOS 26، اللي هي سنة 2026. عارفين نظام العربيات؟ موديلات العربيات؟ العربيات في آخر السنة، إحنا مثلاً دلوقتي في 2025، هتنزل العربية موديل 2026، لأن الناس هتركبها أكتر في 2026. بس بالنسبة لي كانت ممكن تبقى حاجة منطقية أكتر إن أبل يوم 1 يناير كل سنة تعمل المؤتمر وتعلن عن التحديث، وبكده يكون عندنا الـ12 شهر بيحملوا رقم التحديث والسنة.
انتم ملاحظين حاجة؟ أبل عندها مشكلة تقريباً مع رقم تسعة. نزلت iPhone 8، والسنة اللي بعدها على طول راحت منزلّة آيفون X، اللي هي 10. ودلوقتي عندنا iOS 19، قررت تغير التسمية تماماً، وتخليها iOS 26 بناءً على 2026. في حاجة بينها وبين رقم تسعة، بس عارف التسمية الجديدة دي برده كويسة جداً. في حاجة، إحنا دلوقتي الموبايل اللي في إيدك، لو بتتفرج عليا من الآيفون بتاعك، أنت عندك iOS 18، iPadOS 18، ولكن الساعة watchOS 11، macOS 15، visionOS 2. أرقام كتير، ولخبطة كبيرة بين أرقام الأنظمة. ولكن دلوقتي كلّه بقى حاجة واحدة: iOS 26، iPadOS 26، macOS 26، watchOS 26، visionOS 26. ودي حاجة منطقية جداً، أو حاجة مش هتلخبطنا. التسمية الجديدة دي، وزي ما قلت لك، بتثبت وبشكل كبير جداً شكل النظام هيكون عامل إزاي، لأن إحنا زي ما اتكلمنا قبل كده إن ده واحد من أكبر التغييرات اللي أبل هتعملها في تاريخها في نظام الـiOS بشكل عام. كل حاجة في التصميم هتتغير تماماً، الأيقونات، والقوائم، والإعدادات، اللي هتكون بتصميم دائري شفاف، مختلفة تماماً عن التصميمات اللي موجودة دلوقتي. هتكون ستايل واحد لكل الأنظمة: الـiOS، والـiPadOS، والـvisionOS، والـmacOS، والـwatchOS، بشكل واحد، كلّه الستايل بتاعه واحد، وده اللي إحنا بنقول عليه لغة التصميم.
على رأس التغييرات الكبيرة بنظام iOS اللي جاي، وعندك حاجة كمان هنقولها مع بعض دلوقتي، يمكن تكون كمان أقوى من النقطة دي، حاجة قوية جداً. المهم من الحاجات المهمة في iOS 19 أو 26 هو التغيير الكامل لتطبيق الكاميرا في النظام. الكاميرا هتكون بستايل وبتصميم مختلف تماماً عن التطبيق الحالي، أو حتى اللي شفناه على مدار تاريخ أبل. تصميم الكاميرا كأنه بالضبط كده مقسوم اتنين: جزء خاص بالتصوير الفوتوغرافي، تصوير الصور العادية، وجزء خاص بتصوير الفيديو. الاتنين كأنهم جوه هو تطبيق واحد، ولكن منفصلين عن بعض. غير الشكل المختلف، فأنت هيكون عندك سهولة كبيرة جداً في التعامل مع التطبيق ده، إن الأدوات والأيقونات اللي قدامك على تطبيق الكاميرا قليلة جداً، وأنت اللي تقدر بطريقة معينة تطلعها على الشاشة، ولكن المنظر اللي قدامك في تطبيق الكاميرا هيكون الأيقونات عددها قليل جداً، والأدوات قليل جداً، عشان تشوف المشهد اللي أنت بتصوره بشكل أوضح، وتقدر تطلع نتائج صور أفضل. وحتى لو مش هي دي الفكرة، ولكن التغيير مطلوب على فترات كده، لازم نشوف تغيير كبير يخلينا نعيد تجربة استخدام الأجهزة بتاعتنا من الأول، ودي من الحاجات اللي ممتعة جداً لما بيكون عندك نظام كل حاجة فيه متغيرة لأول مرة، وتبدا تكتشفها تاني.
عندنا من الحاجات القوية جداً في التحديث اللي جاي، إن أداء البطارية هيعتمد على الذكاء الاصطناعي. وخلي بالك، ده مش خاص بس بالايفونات اللي بتدعم الذكاء الاصطناعي، لكل الآيفونات اللي هينزل لها التحديث الجديد، أداء البطارية هيتظبط بالذكاء الاصطناعي. مع هي دي الفكرة بقى، مع المحافظة على أو ثبات الأداء، الأداء هيبقى ثابت، الأداء كويس، واللي هيدير الأداء بتاعك ده في الموبايل بتاعك الذكاء الاصطناعي، بناءً على كل واحد فينا، وطريقه استخدامه، ودي هتفرق كتير في طريقة إدارة البطارية بتاعتك من خلال استخدام الذكاء الاصطناعي. عندنا كمان، بما إننا بنتكلم عن البطارية، عندنا انديكيتور، لما توصل الشاحن بالموبايل بتاعك أو بالايفون بتاعك، هتقدر تعرف الموبايل، الموبايل هيوصل لحد كام خلال وقت قد إيه، هيظهر قدامك على اللوك سكرين. عندنا كمان، وكنا اتكلمنا عنها بالتفصيل في فيديو هتلاقيه في الـi فوق هنا، الـFloating Power.
عندنا كمان في iOS 26، رائع للمهتمين بالألعاب، عندنا تطبيق جديد أبل هتنزله خاص بالألعاب، تقدر من خلاله توصل للاعب بتاعتك، توصل. عارفين برنامج البلاي ستيشن على الموبايل بتاعك؟ أنت بتشوف من خلاله الجوائز الفردية، وبتقدر تعرف كل حاجة عن الألعاب بتاعتك، ولعبتها قد إيه؟ ده اللي هيحصل بالظبط في الأبلكيشن الجديد اللي أبل هتنزله، بالإضافة إنك تبدا الألعاب بتاعتك من داخل التطبيق ده. في التحديث الجديد هنشوف الجيل الثاني من سيري، وهنشوف طبعاً مميزات جديدة للذكاء الاصطناعي. ولو معاك AirPods، فأنت هيكون عندك ميزة قوية جداً، وهي ميزة الترجمة المباشرة. أنت حاطط الـAirPods في ودنك، الموبايل معاك، تتكلم مع حد بيتكلم بلغة تانية، السماعة مباشرة هتترجم لك الكلام اللي هو بيقوله، أو اللغة اللي هو بيتكلم بيها. تحديث iOS الجديد 26 هيدعم الـSI الجيل الثاني والجيل الثالث، وهيدعم من أول iPhone 11، 12، 13، لحد آخر آيفون هيكون موجود. والجدول الزمني عشان تبقى عارفه، يوم 9/6 اللي جاي إن شاء الله، اللي هو رابع يوم العيد، كل سنة وأنتم طيبين، أبل هتعلن في مؤتمر WWDC 2026 عن الأنظمة بتاعتها كلها، وهينزل iOS الجديد 26 يوم 9 سبتمبر، اللي تقدر تنزله بالمناسبة النسخ التجريبية أو نسخ البيتا، وطبعاً أنا ما أنصحش إن حد يعمل كده. وبعدين بيجي في شهر تسعة مع صدور الآيفون، بعد صدور الآيفون بأسبوع أو 10 أيام أو أسبوعين، بينزل بشكل رسمي لجميع المستخدمين. على فكرة، عندنا تقرير تاني برده من Mark Gurman، إن الآيفون اللي جاي اللي هو آيفون 17، هيكون اسمه آيفون 26 أو 2026، وده هيكون لنفس الفكرة اللي إحنا بنتكلم عنها.
أخيراً، لو أنت من مستخدمي الـiPad، سريعاً حابب أقول لك الخبر ده، إن الواتساب نزل بشكل رسمي، تطبيق الواتساب الرسمي بقى موجود دلوقتي على الـiPad، اللي تقدر تشغله من خلال الموبايل بتاعك، تعمل كونكت بين الموبايل وما بين الـiPad، بتطبيق رسمي دلوقتي على الـiPad. أهم حاجة، لو وصلت للجزء ده من الفيديو، تكتب لي تحت في التعليقات إيه تحليلك للي حصل ده، رأيك بالنسبة لي مهم جداً. وبس كده، لو عجبك الفيديو ما تنساش تعمل لايك، لو محتوى القناة عجبك ما تنساش تشترك وتفعل الجرس عشان تجيلك الفيديوهات اللي بنعملها أول بأول. أشوفكم دائماً على خير، سلام.