إيران تدرس اغتيال وزير الدفاع الأمريكي "بيت هيغسيث" بعد اختراقها أخطر قاعدة أمريكية في واشنطن

السلام عليكم، ازيكم؟ امبارح حصلت حادثة مثيرة جداً في مسيرات طارت فوق قاعدة عسكرية في واشنطن. القاعدة العسكرية دي بيقيم فيها وزير الدفاع ووزير الخارجية الأمريكي. والحقيقة، الحادثة دي حادثة مش عادية. يعني، أوعى تفتكر إننا بنتكلم على حادثة ممكن يكون الأمن مثلاً بيشتبه إن فرد طيّر المسيرات دي بطريقة خاطئة. لا، إحنا بنتكلم المسيرات دي فضلت ترصد بدقة القاعدة العسكرية وقامت ماشية. وفقاً لصحيفة واشنطن بوست، الحادثة دي الأمن الأمريكي بيحقق فيها بطريقة مختلفة، وبيتساءل: هل إيران رصدت وزير الدفاع الأمريكي ووزير الخارجية الأمريكي لتصفيتهم؟

الحقيقة، ده خبر بيقلب الدنيا في أمريكا هنا. والأمر مش عادي، والأمر مش صغير. بالعكس، ده حادث في منتهى الخطورة. عاوز تعرف ليه؟ هقول لك. بس عشان أقول لك، خليني أحكي لك التفاصيل وأحكي لك القصة من الأول عشان تبقى عندك رؤية مختلفة عن اللي بيتقال في نشرات الأخبار.

قبل ما أخش في الموضوع، قبل ما أكشف لك التفاصيل، خليني أقول لك إن معانا راعي قوي جداً ومحترم جداً وهو باتر هاوس. الطلب زاد جداً الفترة اللي فاتت دي على منطقة الجلالة في العين السخنة، وفي مشروعات ضخمة جداً بتعملها الدولة هناك بشركات متعددة، ولسه في استثمارات أكبر وأكبر هتتعمل في منطقة الجلالة خلال الفترة اللي جاية. عشان كده بقول لك دي فرصة دلوقتي إنك تستثمر هناك.

والنهاردة شركة باتر هاوس قررت تعمل حاجة غير متوقعة. رغم النجاح الكبير جداً اللي حققوه الفترة اللي فاتت، قرروا يعملوا عرض خاص جداً وحصري لعدد محدود من الوحدات. ودي، ودي فرصة بجد ما تتفوتش في منتجع فيدلا في منطقة الجلالة بمقدم 3% فقط، وسعر بيبدأ من 9700 جنيه فقط على 10 سنين، بشرط إنك تحجز معاهم استمارة حجز بقيمة 50,000 جنيه. والتسكين قريب جداً. المنتجع بيضم شاليهات وفيلات متنوعة بمساحات تبدأ من 65 متر، 95 متر، و105 متر. وطبعاً في مساحات أكبر زي التوين هاوس والتاون هاوس. والنهاردة مدينة الجلالة في مرحلة نمو وتوسع مستمر وتطوير سريع جداً وقيمة استثمارية وسعر بيعلى كل يوم. وبالنسبة لمنتجع فيداله، فهو بيقع في منطقة الجلالة، فإنت مش بتشتري مجرد مكان تقضي فيه وقت، إنت بتمتلك مكان حقيقي واستثمار مضمون في منتجع متكامل على ارتفاع 750 متر فوق سطح البحر. يعني هواء نقي، أجواء معتدلة طول السنة، وإطلالات بانورامية تخليك تعيش مستوى مختلف في موقع مميز جداً وقريب جداً من الداون تاون والتليفريك وجامعة الجلالة. يعني حياة كاملة. هسيب لحضراتكم رابط باتر هاوس أسفل الفيديو لو حابب تتواصل معاهم.

أوعى تفوت الفرصة. نخش في الموضوع على طول. نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك وأول مرة هتسمعه فيما يخص رصد وزير الدفاع. إيه اللي حصل بالظبط؟ اللي حصل إن حرب إيران أصبحت معقدة جداً. ولما تسمع امبارح الشهادة اللي أدلت بيها رئيسة المخابرات الوطنية تولسي جابردت ورئيس المخابرات المركزية، الاثنين كانوا بيشهدوا في الكونجرس امبارح. في الحقيقة إن الكونجرس كان بيسألهم بيقول لهم: هي إيران بتمثل خطر على أمريكا وإن عندها صواريخ ممكن تضرب أمريكا؟ فالحقيقة إن الاثنين أكدوا إن إيران ما عندهاش أي صواريخ قادرة على الوصول للأراضي الأمريكية.

طيب، قالوا لهم في نائب اسمه توم كاتن قال إن والله إيران على بعد ست أشهر فقط إنها تحصل على صواريخ ICBM. ICBM اللي هي Intercontinental Ballistic Missiles، اللي هي صواريخ عابرة للقارات. يعني، توم كاتن ده هو يعني قال المعلومة دي ودي اتسربت من المخابرات وإن إيران على بعد ست أشهر إنها تمتلك الصواريخ دي وتضرب أمريكا. في الحقيقة إن رئيسة المخابرات الوطنية ورئيس المخابرات المركزية نفوا المعلومة دي وقالوا لك: على فكرة، إيران عشان تمتلك صواريخ بالستية قادرة للوصول لأمريكا مش قبل 2035. إنت متخيل التاريخ؟ يعني إحنا على بعد 10 سنين من إن إيران تحصل على الموضوع.

ده بيهد الدنيا ليه؟ أولاً، دونالد ترامب لما شن الحرب قال لك: والله أصل إيران عندها صواريخ ممكن تضربنا. ماشي؟ وقال لك: والله أصل يعني إيران خلاص تمتلك الصاروخ ده وهتضرب الأراضي الأمريكية. وطلعت معلومات إن إيران كانت بتختبر صاروخ بالستي في صحراء سيبيريا. بس إحنا بنتكلم على شهادة من رئيسة المخابرات الوطنية ورئيس المخابرات المركزية. يعني دول اللي بيقولوا.

فده أمر. أمر تاني واضح جداً إن توم كاتن اللي هو النائب اللي طلع المعلومة دي، واضح جداً إنها مش دقيقة. وواضح جداً إن تم تسويق المعلومة دي إعلامياً وسياسياً لتبليل الحرب. إنما المعلومة وفقاً للمخابرات الأمريكية مش صحيحة أصلاً.

بس، والحقيقة إن الكونجرس حاول إن هو يواجه الاثنين، رئيس المخابرات المركزية ورئيسة المخابرات الوطنية، وقال لهم: يعني إنتوا شايفين إن إيران كانت بتمثل خطر حقيقي على أمريكا عشان كده أمريكا شنت الحرب؟ فرد الاثنين قالوا لهم: إحنا مش دورنا إننا نقيم المخاطر. خد بالك، إحنا مش دورنا إننا نقول إيران أصبحت خطر على أمريكا ولا لأ. إحنا إننا نقدم معلومات، ومتخذ القرار هم اللي يقدروا. فإنت عاوز معلومة، أنا أجيب لك معلومة. إنما مدى خطورتها وإن إنت تربطها بالملفات السياسية والخارجية، دي حاجة بترجع للقاضي الأمريكي. إحنا مالناش دعوة بيه.

فده أمر مهم جداً. فإنت هنا بتتكلم كل المبررات اللي ساقها دونالد ترامب واللي ساقها وزارات الخارجية الأمريكية لضرب إيران هي غير دقيقة وغير حقيقية أساساً. فده أمر. ليه بقول لك كده؟ لأن خلي بالك الحرب في إيران يعني ولعت بشكل غير طبيعي. إنت عارف النهارده موقع أكسيوس بيقول لك إن والله الحرب دي وفقاً للخبراء بعد ضرب حقل بارس الجنوبي في إيران، لازم تعرف إنها تمتد لمايو شهر خمسة. يعني أنا دلوقتي بتكلم على خلاص آخر ثلاثة، ده هتقعد كمان شهر عشان تنتهي. والله أعلم ما تنتهي في خمسة ولا مش تنتهي في خمسة. ده تقدير أكسيوس. ماشي؟ وأكسيوس عنده مصادر قوية جداً. فقال لك تقدير الخبراء كده هتقعد لمايو. ماشي؟ فده أمر مهم جداً. إحنا على بعد شهر أو شهر ونص من الوصول لنهاية الحرب. ماشي؟ فده أمر مهم جداً.

الأمر الآخر حضرتك لازم تعرف إن سعر برميل النفط النهارده وأنا بسجل 115 دولار، وكان قبل ساعة بالظبط 113. النفط بيزيد كل ساعة. ليه؟ لأن حصل كارثة في حرب إيران. إيه هي؟ أولاً، خد بالك إن بعد ما إسرائيل ضربت حقل بارس الجنوبي، الأول طلعت أخبار إن دونالد ترامب كان عارف. بس دونالد ترامب من ساعة ما تم ضرب حقل بارس الجنوبي وهو عمال يبعد نفسه عن القرار ده. يعني هو الخبر طلع إن هو عارف، بس هو من ساعة ما تم الإعلان بيقول لك يا باشا ماليش دعوة. عاوز وعمال يقول يا جماعة خلاص إسرائيل في خط أحمر كده مش هتضرب حقل بارس ده تاني. تعهد من رئيس أمريكا وقال إن لو إيران أكملت إنها تضرب المنشآت القطرية، لازم تعرف إن أمريكا هتنسف حقل بارس. ماشي؟ زي ما حضرتك تشوف كده.

ده خط أحمر ليها. إنت متخيل أمريكا هي المهاجمة تحط خط أحمر ليها إن يا جماعة أو يا إيران ما تضربيش خطر ده. بعد الخط الأحمر بتاع ملك هرمز هنا إنت بتتكلم على فقدان سيطرة في الحرب. إن أمريكا مش عارفة تتحكم في الحرب دي. وتاني أمريكا كان عندها الأسبقية في الحرب. أمريكا هي خدت القرار بشكل مفاجئ. عملت مرحلة الصدمة والرعب في إيران. متحكمة في مجال الجوي. إيران ما عندهاش لا قوات دفاع جوي ولا قوات بحرية ولا قوات جوية. وبرغم كده أمريكا بتحط خطوط حمراء لإيران. أو إوعى تضرب قطر. طب ليه؟ لأن إيران عمالة تضرب قطر وضربت درة التاج القطري اللي هي منشآت مهمة جداً في قطر وبنية تحتية مهمة جداً في قطر. زي ما حضرتك هتسمع كده بالظبط.

>> أعلنت الداخلية القطرية أن الدفاع المدني سيطر بالكامل على جميع الحرائق في منطقة رأس لفان الصناعية دون تسجيل أي إصابات. كانت وزارة الدفاع القطرية أعلنت عن تعرض البلاد لهجوم بصواريخ بالستية انطلقت من إيران استهدفت مدينة رأس لفان الصناعية. أكدت الوزارة في بيان رسمي أن الهجوم الصاروخي أسفر عن وقوع أضرار مادية في المنطقة الحيوية، فيما أفادت هيئة بحرية بحرية بريطانية أن لا أضرار >>

فده أمر خطير. وفقاً لأكسيوس، لك والله بعد الضربات الإيرانية دي ما تمت على قطر، لازم تعرف إن الضربات كانت حاسمة وكانت قوية جداً لدرجة إن أمير قطر كلم ستيف ويتكوف مبعوث الإدارة الأمريكية لشؤون الشرق الأوسط. وستيف ويتكوف دبر مكالمة بين القطريين ودونالد ترامب. وعشان كده دونالد ترامب طلع قال لإيران: بلاش تكملي في ضرب قطر. طيب، هل إيران سمعت كلامه وبطلت إنها تضرب قطر؟ لا. بعد مكالمة دونالد ترامب وبعد تصريحات دونالد ترامب، عاوز أقول لك نيويورك تايمز تقول إن إيران ملت مهاجمة القواعد الأمريكية في الخليج ومهاجمة آبار النفط والغاز في الخليج. فده أمر خطير جداً. فالحرب عمالة تشتعل أكتر.

طيب، إيه آخر الأخبار تاني؟ قال لك والله أصل إيران البرلمان فيها بيدرس إن هو يفرض رسوم على السفن اللي هتعدي من مضيق هرمز. شوف بقى الخطورة بنتكلم على إيه. إحنا بنتكلم إن إيران هتفرض رسوم على مضيق هرمز. أي سفينة عاوزة تعدي تدفع فلوس لإيران. ما معناه إن مضيق هرمز ده أصبح لإيران. وما معناه فرض سيادة إيران على مضيق هرمز. وإن المضيق ده هيفضل مقفول إلا بإذن إيران. إيه رد فعل الأمريكان؟ والله الأمريكان دلوقتي بيجهزوا لتواجد عسكري أكبر. وفقاً لموقع رويترز قال لك والله خد بالك أمريكا بتستعد لتعزيز قواتها وتواجدها العسكري في الشرق الأوسط. هيدفعوا بالأف الجنود في الشرق الأوسط. اشمعنى؟ بيتكلموا إن هم هيفتحوا مضيق هرمز. هيفتحوا مضيق هرمز بالقوة. وبيتكلموا على عملية إنزال عسكري عند مضيق هرمز لمحو القدرات الإيرانية على استهداف مضيق هرمز. وإن هم هيأمنوا منطقة مضيق هرمز دي.

فده كلام خطير جداً. أمريكا هتنزل تاخد اليورانيوم؟ ولا تختال القادة؟ ولا تضرب منشآت النفط؟ ولا تحرر مضيق هرمز؟ أصبحت الأهداف متشعبة. أمريكا كانت داخلة لهدف واحد بس وهو إنها تقضي على المرشد وتنهي حرب إيران. وإن يبقى في ثورة بتقوم في الشارع والثورة دي تسقط النظام. إنما دلوقتي إحنا بنتكلم على سيناريو مختلف تماماً. أمريكا بقى عندها أهداف متشعبة. وأمريكا مش عارفة تخلع غرزتها. وعلى فكرة دونالد ترامب قال إن والله أنا برفض نظرية مستنقع. أنا ما وقعتش في مستنقع ولا حاجة. وكل حاجة عندي زي الفل ومتحكم في الحرب وهعرف أخلص منها إمتى والكلام ده كله. بس أنا بتكلم فيه لو تقدير أكسيوس إن والله الحرب دي هتكمل في شهر مايو. طب ما إحنا هنا بنتكلم على نقطة خطيرة جداً. ده دلوقتي أسعار النفط 115 دولار للبرميل وعمالة تطلع. ما بالك شهر مايو هتبقى عاملة إيه؟ هل الرئيس الأمريكي يصمد لمايو؟ أنا أشك. يعني الرئيس الأمريكي اقتصاد بلده ما يصمدش لمايو. أوعى تظن كده. ولازم لازم تعرف إن الرئيس الأمريكي ظهر كده بيلعب كل الألعاب اللي هو عمره ما كان يعتقد إن هيلعبها مع إيران.

إنزال بدري على إيران أمر خطير. طب أنا هقول لك خبر تاني. إنت عارف إن كان في زيارة من رئيس وزراء اليابان لأمريكا. على فكرة الزيارة دي كانت زيارة هامشية وزيارة بروتوكولية مالهاش أي حاجة يعني. بس قالوا إيه؟ قال لك والله ده دونالد ترامب أول ما يشوف رئيسة وزراء اليابان هيقول لها: إنت لازم تشاركي في الحرب دي. وفقاً لرويترز برضه. وهيقول لها: إنت لازم تبعتي كاسحات ألغام لمضيق هرمز والجيش الياباني لازم يشارك. طيب، وإيه مشكلة رئيس وزراء اليابان؟ المشكلة إن الشعب الياباني رافض تماماً المشاركة في الحرب دي. وإن الحرب دي سمعتها سيئة جداً داخل اليابان. زي ما هي سمعتها سيئة جداً في الهند بالمناسبة. يعني لازم تعرف إن تم مهاجمة الرئيس الهندي بشكل كبير جداً بسبب الحرب دي. فحرب هي سمعتها سيئة. وأوروبا مش عايزة تدخل فيها. فالنهاردة رئيسة وزراء اليابان هتتجر في الحرب غصباً عنها وهتشارك. والاحتمالية الأكبر إن فعلاً تسمع كلام ترامب. بس ده هيقلل من شعبيتها بشكل كبير قوي. بس الظاهر إن ترامب بيستعين بكل الحلفاء اللي يقدر إن هو يستعين بيهم عشان يكمل في الحرب دي.

لحد هنا الكلام حلو جداً. بس إيه علاقة ده باختراق قاعدة عسكرية بيقيم فيها وزير الدفاع الأمريكي ووزير الخارجية؟ الحقيقة الخبر خبر جلل. لأن أنا هربطه بخبر نازل في رويترز. رويترز كانت بتتكلم إن والله خد بالك إيران دلوقتي عندها فراغ في السلطة. وإن صنع القرار في إيران أصبح صعب جداً حالياً. ما فيش صنع قرار. في ضرب إيران ما بتعرفش أي حاجة غير إنها تحط ضر. ما عندهاش رؤية سياسية. بعد اغتيال عائلة الأرجاني واغتيال القادة العسكريين والسياسيين في إيران، مكتب خامنئي ما تعتمدش عليه. وأصبحت إيران حالياً متحكم فيها الحرس الثوري الإيراني بشكل مطلق. وإن الحرس الثوري الإيراني مش شايف أي حاجة غير الانتقام. انتقام لخامنئي، انتقام لعلي لارجاني، انتقام لكل القادة اللي تم اغتيالهم.

طيب، هينتقموا إزاي؟ الحقيقة هينتقموا بكذا طريقة. أولاً، خد بالك إن إيران بتشعل المنطقة بشكل كبير. يعني عمالة تولع في المنطقة كلها. ده أمر. بس الأمر الآخر ما تنساش إن حصل حادثة في كنتاكي الأمريكية. إن والله في مسيرات اتسرقت من قاعدة عسكرية في كنتاكي في أمريكا. والمسيرات دي هي SkyView NX. والمسيرات دي مسيرات عسكرية ومش للاستخدام التجاري. مسيرات بتعمل بالذكاء الصناعي. مسيرات غالية جداً. الواحدة فيها بـ 30,000 دولار. ماشي؟ فدي مش مسيرات اللي سرقها مش فاهم هو سرق إيه. ده أولاً. ثاني حاجة لحد دلوقتي الأمريكان مش لاقيينها. تتكلم المسيرات دي اتسرقت من نوفمبر مش لاقيين المسيرات. فده أمر مهم. بس الأهم إيه هو؟ إن الحادثة بتاعة رصد قاعدة وزير الدفاع الأمريكي ووزير الخارجية الأمريكي، لازم تعرف إنها خلت فيه انتفاضة داخلية في الأمن الأمريكي. لأن هم على قناعة تامة إن إيران ليها علاقة بموضوع. حتى لو إيران مالهاش علاقة، بس الأمريكان عندهم وجهة نظر إن إيران عاوزة تغتال وزير الدفاع الأمريكي بالذات وزير الدفاع. لأن هو يعني هو اللي بيحارب إيران. فحالياً المسيرات اللي طارت فوق القاعدة العسكرية اللي بيقيم فيها وزير الدفاع ووزير الخارجية، لازم تعرف إنها حادثة كبيرة. وبيقولوا إن المسيرات اللي اتسرقت من كنتاكي ممكن تشارك في عملية الاغتيال دي. وزي ما في مسيرات اخترقت القاعدة وصورت القاعدة ومشيت، المرة دي مسيرات انتحارية هتخش وتضرب القاعدة من قلب أمريكا. مش من سواحل إيران ولا من البحر ولا أي حاجة. عملية داخلية.

>> المسؤولون الأمريكيون يتحدثون عن مسيرات طائرات مسيرة تحلق فوق قاعدة فورت ماكنير العسكرية في واشنطن العاصمة التي تبعد نحو 6 كيلومترات فقط عن البيت الأبيض ويسكن فيها كل من ماركو روبيو وزير الخارجية وبيت هيكث وزير الحرب بالإضافة بالطبع إلى جنرالات عسكريين يعملون في القوات الأمريكية >>

فحالياً أمريكا بتنتفض بشكل كبير جداً لمنع العمليات دي. ولو حصل حاجة زي كده، لازم تعرف إن الحرب هتكون طالت الأمن الأمريكي والداخل الأمريكي. زي ما هي طالت أمريكا عن طريق أسعار النفط. ماشي؟ وأصبحت الحرب دي معقدة جداً. ما حدش فاهم إيه المسار بتاعها راح على فين. لأن كل يوم إنت قدام فصل جديد. وإن إسرائيل عمالة ترتكب أفعال متهورة بشكل لا يصدق. وواضح جداً إن إيران ما زالت بتحتفظ بقدرتها الصاروخية. وأمريكا وإسرائيل مش عارفين يقضوا على قدرتهم الصاروخية. طيب، ليه إيران ما زالت محتفظة بصورتها؟ والله عشان نقطة مهمة جداً وتقريباً هي إجابة ساذجة بس صدقني هي مهمة. ليه بيقول لك خلي بالك إنتوا ليه ناسيين إن إيران عندها منصات إطلاق صواريخ سهلة التنقل؟ وخد بالك إيران مش حاطة مخازن في الجبال وخلاص. إيران عندها عربيات بتحط عليها الصواريخ والعربيات دي بتتحرك كل شوية. وأوعى تفتكر أو تظن إن منصة إطلاق الصواريخ هي بشكلها الحالي إن عربية عليها صاروخ. لا، دي ممكن عربية عفش يكون عليها صاروخ. فهم بيقولوا إن الحرب دي أصبحت معقدة. وأخطر ما فيها إن أمريكا وإسرائيل ابتدت تنفذ منهم الأهداف. لأن هم ابتدوا يعملوا أفعال متهورة. ده نتيجة إن الأهداف اللي هم لموها بمعلومات استخباراتية أصبحت أقل. وإن هم بيرتكبوا كم من الأفعال أكثر تهوراً من السابق. وممكن يشعلوا المنطقة.

والأمر الآخر إن لحد دلوقتي دول الخليج متماسكة. مش عايزة تخش الحرب. بس الثمن غالي جداً. غالي جداً فوق ما إنت ممكن تتخيل. ولازم حضرتك تعرف إن كل ما الحرب بتتعقد أكتر وبرميل النفط بيرتفع، أوعى تظن إن دول الخليجية هتبقى أكثر ميلاً للحرب. بالعكس. إزاي؟ لما برميل نفط بيرتفع، خليك بيبقى عنده رؤية إن أمريكا ممكن تنسحب في أي وقت. فخليك حالياً بيبقى والله مش ماشي قوي إن هو يخش الحرب. في ظل إن أنا على قناعة إن العرب كده هيخشوا. بس أنا بقول لك لما برميل نفط يرتفع بالشكل ده 115 دولار للبرميل، والله أعلم هيوصل قد إيه في آخر اليوم. ده تحول لافت في السياسة الأمريكية وضغوط على الرئيس الأمريكي. ولازم تعرف إن الحرب دي أضرت دونالد ترامب بشكل كبير جداً. وهو نفسه ما كانش يعتقد إن هو داخل الملف ده. لأن على فكرة لو أجرى تقييم كويس للحرب دي عمره ما كان بدأها. وخليني أقول لك حاجة مهمة جداً. دونالد ترامب طلع قال لك: أنا اتفاجئت إن إيران ضربت الدول الخليجية. جون بولتون كان على السي إن إن وقال: ولا، على فكرة أنا لما كنت مستشار رئيس أمريكي في فترة الرئاسة الأولى، أنا قلت له كده. قلت له: خلي بالك إيران هتضرب الدول الخليجية. واطلعت له. فإزاي دونالد ترامب نسي إن إيران ممكن تضرب الخليج لو تم ضرب إيران؟

>> Well, I I know for a fact that he was aware of those potentials. I I raised uh the option of uh regime change in Iran several times uh during the the time I was a national security advisor. I never persuaded the president to adopt that position. And one reason was uh that others had different views and every time I raised it, they raised a whole long list of difficulties that are entailed by a regime change campaign. >> If you're going to embark on it, you better have answers to them. And certainly closing the strait of Hormuz was always one of them. And so attacks on Arab nations... >>

تقييمات الرئيس الأمريكي وتقييمات الإدارة الأمريكية كان فيها نوع من أنواع التسرع والغرور. اعتمدوا على سيناريو فنزويلا إن والله إحنا قضينا على فنزويلا، فإيران هتبقى نزهة بالنسبة لنا. الواضح إن لأ. وإن إيران بقى لها 47 سنة بتستنى الحرب دي، تستعد ليها. بس تاني أمريكا لا يمكن تنسحب. انسحاب أمريكا هتبقى كارثة. وإكمالها الحرب كارثتين ثلاثة. ماشي؟ فدي أمور تقول لك إن الحرب هنا اتعقدت جداً وما حدش عارف هتخلص إزاي. وده أخطر ما في الموضوع. لأن ما فيش سيناريو للخروج وما فيش شيء منطقي الخبراء يفكروا فيه. كل اللي هم شايفينه دلوقتي إن العالم اتبهدل بسبب الحرب دي. العالم كله. وإن إيران عمالة تصعد وأمريكا بتصعد. والعرب هم اللي فقط بيحاسبوا على تكاليف الحرب دي.

فإلى متى تظل الحرب شغالة؟ وإزاي هتخلص الحرب؟ ده سؤال كل الناس عايزة تجاوب عليه وتعرف إجابته. لأن ببساطة كل ما تحط ميعاد لنهاية الحرب بتلاقي تقرير تاني يقول لك: لا، ده مش اليوم ده، ده اليوم اللي بعديه. ده هيبقى الشهر الجاي في مايو. بس أنا على قناعة إن الرئيس الأمريكي ما يعرفش يكمل في ظل أسعار النفط دي. صعب جداً وعملية معقدة جداً لإكمالها. هنشوف إيه اللي هيحصل. مين اللي هيسلم الأول؟ إيران اللي هتسقط فجأة؟ ولا أمريكا اللي هتتبهدل اقتصادياً وتشوف إن حتى عملية عسكرية داخل إيران هتكون مكلفة في الأرواح والمعدات وهتكون عملية ذات تكلفة عالية جداً.

آخر خبر هقوله لك. وزارة الدفاع الأمريكية طلعت قالت: إحنا لو عاوزين ميزانية عاجلة مش عاوزين 50 مليار، 200 مليار عشان نكمل الحرب دي. مين اللي علق القصة دي؟ اللي علق القصة دي وزير الخارجية الإيراني. طلع قال: ده إنتوا لسه شفتوا حاجة. يعني ده 200 مليار دول ده إنتوا لسه في بداية الحرب. وإن إيران مش هتسيب أمريكا غير لما تستنزف أمريكا بشكل كبير قوي. إحنا قدام نفس سيناريو فيتنام بالمناسبة. بس سيناريو مختلف بأسلحة أكثر تطوراً. بس إنت قدام دولة عمالة تولع في المنطقة كلها وقادرة على إطلاق صواريخ ومسيرات. فشئ خطير جداً. هنشوف الأمور تمشي إزاي. يا رب أكون شرحت لك الموضوع بشكل مبسط. ويا رب نصر رب العرب. ويا رب فلسطين. يا رب تحيا مصر. سلام.