لو اشتغلت علي نفسي ونجحت البنات هتجيلي؟

بستغرب قوي الشباب اللي بيدخل على الفيديوهات اللي بقول فيها اتبسط وعيش حياتك واسرف فلوسك واستمتع وسيب دايما وقت للمرقعه، ويكتب لي في الكومنتات بقى: لا، الكلام ده غلط، وأنت لازم تركز على شغلك ومستقبلك، وتنسى كل الكلام ده. على فكرة، أنت تقدر تركز في شغلك وفي مستقبلك، وفي نفس الوقت تتبسط بحياتك، ما فيش أي مشاكل.

ليه مقتنع إن أنت عشان تحقق أهدافك، وتوصل للنجاح اللي أنت كان نفسك فيه، لازم تبقى عشرينات كلها شغل، وقافل على نفسك، وما بتكلمش حد، وما بتشوفش حد، وقاعد متوحد معزول عن العالم كله، ومالكش صحاب، وما بتخرج، وما بتروحش في أي حتة، عشان تفضل شغال وبس؟ ليه مضيع على نفسك أحسن فترة هتعيشها في حياتك؟ ليه سايب كل المتع اللي في الدنيا، وقاعد قافل على نفسك، وكاب نفسك عشان تشتغل وبس؟ والله صدقني، أنت بتسمع لناس هي كده كده طبيعتها إنها كانت متوحدة، لكن في ناس كتير جدا أغنياء، ومعهم فلوس قد كده، وعايشين حياتهم وشبابهم، وعندهم صحاب بالهبل، وبيسافر، وبيروحوا كل حاجة.

فأنصحك تلحق نفسك، أنا مش خسران حاجة عن نفسي. هو إيه الفايدة إن أنت تعمل طلال فلوس؟ ده لو فرضنا إن أنت عملتها يعني، بس أنت ما حوكش صحاب، ما فيش أي خروجات، ما فيش أي سفريات، ما فيش أي حاجة أنت بتعملها، ما فيش واحدة حتى متحمل إن أنت تعمل أي حاجة معاها، لا ده أنت متجوز جوازة تقليدية وخلاص، وهي واحدة والسلام، ما ص. أنت لو فاهم إن حياتك هتبقى غير كده تبقى غلطان، هو ده المسار اللي أنت ماشي فيه دلوقتي، أنت هو ممكن تعمل فلوس كتير قدام، بس هتبقى متوحد في الآخر، ما اتعلمتش من صغرك إن أنت تبقى شخص اجتماعي، ما حدش هيبقى حواليك، ما حدش هيحبك، لأن أنت مش عارف تتعامل مع الناس، الموضوع جديد بالنسبة لك، أخرك بتعرف تتعامل مع الفلوس وخلاص. لا صداقات هتنجح فيها، ولا علاقات هتنجح فيها، لما تفوق هتلاقي نفسك عمال تعمل فلوس، ومش عارف تصرفها.

يا ابني صدقني، هي عيشة واحدة بس اللي هتعيشها، اليوم اللي هيمشي مش هتعرف تجيبه ثاني، لو ما عرفتش تستمتع دلوقتي بفلوسك، أمال هتستمتع امتى؟ لما تبقى عجوز؟ اسمع كلامي، وابعد عن المتوحدين اللي أنت بتسمع لهم، وشوف الناس الناجحة بجد، اللي عنده 28 سنة وناجح في حياته ومعاه فلوس، شوفوا بيعمل إيه بفلوسه. كده كده طبيعي هتلاقيه بيضيع كل فلوسه على انبساطه، وعلى ساعات، وعارف إن كده كده هيعمل زيهم أكتر بكثير، لأنه حاسب المعادلة صح، يدي وقت جامد قوي للشغل، وفي نفس الوقت ما ينساش انبساطه. مش لازم خالص كل ناجح يبقى كئيب ومتوحد زيك.