د. أحمد هارون: هل المؤمنون يمرضون نفسياً؟ 🤔

القرب من الله يقي من الاضطراب النفسي ويساعدك أنك تتخلص من ده. يا أخي، خليك رحيم بقلوب الناس. الله سبحانه وتعالى خلى القرب منه غسيل ووقاية دائمة، لكن مش لكل النفوس. لذلك أمرنا ناخد بالاسباب. "ألا بذكر الله تطمئن القلوب" آية. القلوب المطمئنة المستقرة. لكن اللي عنده اضطراب لازم ياخد بالاسباب ويروح يتبع شريعة سيدنا موسى.

عارف مين سيدنا موسى؟ سيدنا موسى ده نبي ورسول ومن أولي العزم من الرسل. ثم يزيد على ده أنه أكثر الأنبياء ذكراً في كتاب الله. ثم يزيد على ده أنه الوحيد من رسل الله اللي كلمه الله. ومع ذلك سيدنا موسى اللي كان بيكلم الله، سيدنا موسى فوكزه موسى فقضى عليه. ضرب الراجل موته. ألقى الألواح. كلام ربنا رماه في الأرض. أخذ برأس أخيه يجره إليه. تصرفات تحدث للنبي ليس نقيصة في شخص النبي، وإنما تشريع لمن يتبع النبي اللي هو إحنا.

ربنا سبحانه وتعالى وهو بيكلمه ما قالوش يا موسى، يلي فيك الخمس صفات دول، بطل تعمل كذا. قال له: يلي فيك الخمس صفات دول، روح للدكتور الخضر. اللي هو لا نبي ولا رسول ولا من أولي العزم من الرسل ولا كلم ربنا ولا ذكر في كتابه إلا مرة واحدة. يروح للدكتور الخضر يعمل معاه فنيات علاجية ممنهجة.

الأولى: سايكو أديوكيشن. إحنا هنتفق اتفاق. هات تتابعني. هقول كذا. ما تقوليش كذا.

الثانية: يعمل معاه كوجنتيف إيديتن. تعديل معرفي. إحنا مش قلنا مش هتقول لي؟ مش اتفقنا هنعمل كذا؟

الثالثة: كيس ستادي تكنيك. يقول له الدكتور خضر: تعالى، فاكر الحالة اللي أنا قتلتها عشان كذا وكذا وكذا؟ فاكر الحالة اللي إحنا عملنا فيها كذا؟ إذا أنت مطالب تبقى ضمن تشريع الله لسيدنا موسى بما أنك من أتباع سيدنا موسى. وتاخد بالاسباب. تحافظ على نفسك وما تحاولش تكتشفها لوحدك. لأن قانون الاكتشاف من أهم بنوده الاتلاف. لو حاولت تكتشف كتير هتبوظ كتير. مش معنى أنك ذكية زيادة ومثقفة أكتر ووعي أكتر وخبراتك الحياتية فعلاً أكتر أنك تبوظي نفسيتك أكتر. في مرحلة قولي كفاية. هبوظ الطبخ. أجيب خطوة لورا والانسحاب المبكر بطولة.