Transcription
السلام ورحمه الله وبركاته. يا مساء الفل، يا رب تكونوا كلكم بخير وفي سعاده وفي سلام.
انا الأول، النهارده موضوع النهارده موضوع غلس أو حلو. حلو وموضوع اللي هو إيه؟ بننتظره بقى لنا كتير جدا، وكتير جدا بيسألوا عليه. ازاي نذاكر؟ وخليني أقول لكم، احنا مش هنتكلم بس النهارده عن مذاكرة. النهارده احنا هنتكلم على أكتر من حاجة. النهارده هنتكلم على مفهوم أوسع من المذاكرة، وهو: إزاي نذاكر؟ إزاي نتعلم؟ إزاي ناخد كورسات؟ إزاي نقرا؟ إزاي نعمل كل الكلام ده؟ أو بصيغة أدق، إزاي أدخل وأحشر معلومات في دماغي؟ أنا شايف ده تعبير يعني عبقري جدا جدا جدا.
ممكن إن أنا أستخدمه النهارده. في البداية، الناس اللي موجودة يا ريت اللايكات، ما تنسوش. وأكدوا عليا هل الصوت واضح ولا لا؟ أنا عاملة كده. أتمنى تكون الدنيا متظبطة. ما تنسوش اللايك.
طيب، لذلك تعالوا جدا. وعليكم السلام وبركاته يا حبيبة. وعليكم السلام وبركاته يا إيهاب. عليكم السلام وبركاته يا صالح. يا صالح ويا ندى وليد. يا جماعة أنتوا منورين والله العظيم. وماير كله زي الفل. طيب، يلا بينا، توكل على الله على طول. حلو، أنا النهارده هتعلق كده شوية بالمايك ده.
طيب، النهارده قلنا هنتكلم على إزاي نذاكر، إزاي نقرا، إزاي نتعلم، إزاي ناخد كورسات، إزاي كل الكلام ده كله. ولو هنلخص كل الكلام ده، فاحنا هنلخصه تحت كلمة واحدة فقط، وهي كلمة: إزاي وكيف أحشر المعلومات. فالكلام ده هو يبدو تسويقيا إن هو للطلبة، طلبة. ولكن على أرض الواقع هو لأي إنسان مصاب بالـ ADHD، أو عنده حد ابن خالته عنده ADHD، أو عنده حد من عياله عنده ADHD. جميل.
طيب، رقم واحد كده هنتفق على شوية قواعد. أولاً، هل المذاكرة شيء حلو ولا شيء رخم وتقيل وصعب وغلس؟ قولا واحدا، المذاكرة ده شيء، خلينا نقول إن هو شيء صعب. وخلينا نقول الكلام ده ماهوش كلامنا إحنا الشخصي. يعني حتى رغم عدم التحديث من فترة طويلة، بس الـ DSM، أو معيار التشخيصات بتاعتنا بيقول إن هو بيواجه صعوبات في المهام التنفيذية. فالموضوع صعب علينا. الآباء والأمهات والأشخاص اللي بيجلدوا نفسهم وبيجلدوا اللي حواليهم علشان نتعامل مع: "انت لازم تحب المذاكرة، وانت لازم تذاكر". يا ابني ما هو الموضوع سهل اهو بالنسبة لك، ادي الكتاب، ادي المعلومات. ما هو الموضوع بسيط. هو الموضوع مش بسيط. أو الموضوع بسيط بالنسبة للناس العادية. ليه بقول الكلام ده؟ بقول الكلام ده لأن أول خطوة إحنا محتاجين نعملها، محتاجين نشيل خالص جلد الذات. انت إنسان مش طبيعي. انت إنسان في المذاكرة وفي اكتساب المعلومات أقل من الطبيعي. في ابتكار المعلومات واكتشاف المعلومات والاستنتاج، انت فوق الطبيعي. بوم بوم. إحنا ناس ما عندناش مفهوم اسمه "دخل المعلومة زي ما هي". دماغنا مش جاية على كده. دماغنا قايمة بشكل أساسي على الإنتاجية، الاستنتاج، الاكتشاف، الابتكار، الصناعة. أنا لازم أخلق شيء، وشيء أنا عامله على إيدي.
المذاكرة، التاريخ، الجغرافيا، الكيمياء، الفيزياء، مع أهميتها طبعاً، ولكن المناهج العلمية والمناهج الدراسية، بداية من أول مدرسة لحد فوق خالص خالص خالص خالص. هل هي ليها لازمة؟ تبدو جامدة ليه؟ لأنها مواد غير تفاعلية. هي مواد قائمة على التلقين بشكل أساسي.
فأول حاجة، الله يسترك، بشكل بسيط جداً. قبل ما أراجع، ما تنسوش اللايك بجد، ماشي؟
طيب، نيجي للنقطة بتاعة إن شيل جلد الذات عن نفسك. اتعامل مع نفسك بحق حقيقتك وبطبيعتك، لأن ده أكيد هيفرق معانا كتير جداً. انت مش سيء. هو الموضوع فعلياً تقيل وصعب عليك. طب تثقيل عليا ليه يا عيد؟ ثقيل عليا علشان خاطر الموضوع قايم إن نظام التعليم في معظم الدول العربية هو قائم في المقام الأساسي على التلقين. أنا بحشر لك معلومات. هو لا يراعي النظام العام، لا يراعي الفروق الفردية. النظام العام لا يراعي الميول والهوايات.
طيب، وقف هنا بقى كده، بوست كده وتعالوا نفترض افتراض خالي شوية. إيه رأيك لو أنا مسكت وزير التربية والتعليم وعملت شوية تعديلات؟ التعديلات دي هي كالاتي: رقم واحد، أنت في أول محاضرة أو في أول درس في كل مادة، ده إيه اللي هيحصل؟ كالاتي: إن أنا هعرض قدامك، أو المدرس هيعرض قدامك على البورد 10 مواضيع. والطلبة حضراتكم هتعملوا فوت واختيار لخمس مواضيع فقط من دول. وفقاً لإيه؟ المواضيع اللي أخدت أعلى أصوات. الخمس مواضيع دي هنقسمكم خمس مجموعات. وكل مجموعة هتاخد موضوع. والموضوع ده هياخدوا ظرف. الظرف ده فيه ورقة. الورقة دي فيها 10 أسئلة. مطلوب إن المجموعة دي توزع الـ 10 أسئلة عليهم ويبتدوا يعملوا ريسيرش ويجيبوا دراسات وأبحاث. لأن أنا كاتب معايير معينة يدوروا فيها في الكتب الفلانية أو سيرش في كذا إلى آخره. ويجمعوا البحث ده. فاصبح أنا كمدرس بقى عندي خمس أبحاث. والأبحاث طبعاً فيها جزء نظري وفيها الجزء العملي. جمعتوا الخمس أبحاث زي الفل. كل مجموعة وكل واحد شرح فيها، جمع فيها حاجة. هتطلعوا تشرحوا لباقي زمايلكم. وأنا هشرف على العملية دي. يعني المجموعة الأولى جابت الموضوع الأول وجمعت الداتا بتاعتها. أنا راجعتها، لقيتها تمام زي الفل. لا هنا في تعديل. لا هنا هنعدل شوية حاجات يا شباب. وارجعوا لي في كذا وصححوا كذا إلى آخره. طب المجموعة الأولى، يلا بينا عشان تطلعوا تشرحوا لزمايلكم اللي أنتوا جبتوه. كلام جميل، كلام جميل.
بعد أما شرحته الخمس مجموعات شرحوا للخمس مجموعات. كلام زي الفل. بعد كده كل مجموعة هتعمل لي 20 أو هنقول 50 سؤال. الأسئلة كلها اختيارات أو أسئلة عادية مقالي أو أياً كان. كل مجموعة هتعمل معلش مش هنعقدها، هتعمل 10 أسئلة بس. جميل. 10، 10. يبقى أنا في النهاية معايا 50 سؤال. الـ 50 سؤال دول، والأسئلة اللي أنتوا جبتوها. كل مجموعة أنا آخد منها سؤالين أو أياً كان خمس أسئلة من الأسئلة اللي هي جابتها. فياخد خمس أسئلة من هنا وخمس أسئلة من هنا وخمس أسئلة من هنا ومن هنا ومن هنا إلى آخره. فانا جمعت 25 سؤال من الأسئلة اللي أنتوا جايبينها. وده الامتحان الفاينال بتاعكم. الناس الـ ADHDs، إيه رأيكم؟ أنتوا اللي اخترتوا المواضيع، أنتوا اللي بحثتوا عنها، أنتوا اللي شرحتوها، أنتوا اللي أوجدتوا الأسئلة، وأنتم اللي بتمتحنوا في الأسئلة بتاعة المواضيع اللي أنتوا بحثتوا فيها. مدى ثبات الموضوع ده بالشكل ده عامل إزاي؟ أظن أنت هنا مش محتاج حرفين. أنت مش محتاج تقعد تذاكر حاجة. إيه رأيكم؟ أنا هنا حاطت لكم نظام تعليم بالظبط بالظبط. هنجيب أول الكلام ده ينفع في مجالات معينة. الكلام ده بينفع في كل المجالات بلا استثناء. لأن هو نظام تعليمي. نظام تعليمي على سبيل المثال. وعلى فكرة هو شبه شبه متطبق مع بعض في بعض المراحل. عارفين لما كنا في ابتدائي تلاقي مش عارف في نصوص فيقول لك النص ده قرا قراءة للقراءة والاطلاع. أيوه أنا فاكر صح. للقراءة والاطلاع. فاحنا هنعمل إيه؟ ما تكروش. طب ماذا لو إن احنا عملنا فوت يا جماعة؟ إحنا عندنا دلوقتي خمس نصوص لإتقان اللغة. وادي الخمس نصوص أهيت. وأنا جبت لكم اسم النص واسم الكاتب بتاعه. روحوا هاتوا النص وتعالوا. روحوا هاتوا المفردات وتعالوا. طبعاً ده لو إحنا في ابتدائي أو في إعدادي. في ثانوي كذلك. ماذا لو إن أنا قمت الموضوع على أبحاث وتجارب أنتوا اللي تجربوها بنفسكم؟ أنا هنا بعمل إيه؟ أنا هنا حولتك من متلقي، إن أنا بدخل لك المعلومة وبحشرها جوه دماغك، إلى إن أنت بقيت أنت الملقي، أنت المستنتج، أنت المبتكر إلى آخره. ليه؟ لأن دماغنا قايمة بشكل أساسي على ابتكار المعلومات. أنا بنتج الشيء. إحنا مولودين على قلب سؤال اسمه "ابتكر"، اسمه "ليه"، اسمه "ماذا لو". الأسئلة دي بالنسبة لنا عشق. لأن هي بتعطي كيفية ثانية، بتعطي بعد آخر.
فأول نقطة أحب أقول لك بكل بساطة: المشكلة مش فيك. يعني المشكلة في السيستم بتاع التعليم. لا. المشكلة في إيه؟ المشكلة في عدم مرونة النظام ده. متفقين؟ فشيل تماماً من على قلبك ومن على نفسيتك الحمل بتاع "انت سيء، انت مقصر، انت بتدلع" إلى آخره. هي المشكلة كلها النظام غير مناسب. طب هل ده معناه إن إحنا مش هنذاكر ومش؟ لا يا عم هنذاكر وكل حاجة.
هنا خليني أديلك مثال إزاي إن إحنا نتقبل إن في شيء سيء أو صعب أو تقيل، وإحنا هنتعامل فيه. صديقي الجميل العزيز الغالي، دلوقتي حضرتك قررت إن أنت تروح وكشفت عند كذا طبيب وقال لك والله هناخد أدوية. أخدنا الأدوية ما جابتش نتيجة. قال لك والله بص، ما قدامناش غير حل واحد فقط. والحل ده هيجيب نتيجة إن شاء الله كبيرة بإذن الله. والحل ده هو إن إحنا هندخل نعمل جراحة. ها ها ها. عملنا الأشعة، عملنا التحليل زي الفل، وعملنا العملية. هل فكرة العملية بالنسبة لك هي فكرة جميلة ولطيفة ولذيذة وممتعة؟ ولا فكرة صعبة وفيها مخاوف كتير؟ صعبة، فيها مخاوف كتير.
طيب، فكرة إن أنت بعد العملية هيبقى الحياة معاك يعني هنقول يومين تلاتة، أسبوع أياً كان مدة العملية. بعد العملية أسبوع. بعد العملية هيبقى حياتك ماشية إزاي؟ حلوة ولطيفة؟ ولا الحياة بتعرج ورخمة وتقيلة على قلبك؟ ثقيلة ورخمة ومرعبة ومخيفة. طيب، في الحالة دي بقى هنا سؤال بسيط جداً، وهو تفتكروا هل أنت عندك رفاهية إن أنا مش هعمل العملية؟ أصل هي فكرة مخيفة، أصل هي فكرة مرعبة. فمش هعملها. لا، ما فيش الكلام ده. هتعملها. هتعملها. ومش مطلوب منك تحبها. استنى، يعني اللي كان عمال بيغرس في دماغي فكرة حب المذاكرة ده كلام خاطئ؟ الإجابة نعم. كلام خاطئ. أنت مش مطلوب منك خالص يا صديقي إنك تحب المذاكرة أصلاً. عيد، أنا ما بحبش أقرأ كتب. مش مطلوب منك تحب تقرا كتب. عيد، أنا مش بعرف أو أنا مش بحب أو أنا بسرح في الكورسات. مش مطلوب منك تحب الكورسات. ما تحبش. وأنت مش بتحب ومش هتعرف تحب السيستم والنظام بتاع. السيستم والنظام بتاع التعليم. أنت بطبيعتك بتحب التعلم. أنت بتحب تتعلم شيء، بس مش بتحب نظامه. لأن نظامه بيفرض عليك شيء، والفرد ده شيء تثقيل على قلبك.
فرقم واحد، تحب المذاكرة؟ لا. ما تحبش المذاكرة. امال أقبلها؟ أقبلها. يعني إيه؟ زي ما جيت قلت لحضرتك، هتعمل عملية. هل إن عندك رفاهية إنك ما تعملهاش؟ لا. هل أنت مطلوب منك يعني على سبيل المثال، قال لك مثلاً إيه؟ يوم العملية ما ينفعش تاكل قبل العملية بثمان ساعات. هتعمل إيه؟ مش هتاكل قبلها بثمان ساعات. طب أنا جعان. ما فيش أكل. مش هتشرب قبليها بثمان ساعات. مش هشرب قبليه بثمان ساعات. هتنفذ. هتنفذ. ليه؟ لأن أنت قبلت إن ده اختيار. والاختيار ده أنت واثق في إن هو هيضيف لك، هيفيدك. هيفيدني علمياً؟ يا عم مش شرط يفيدك علمياً. أقل ما فيها هيفيدك اجتماعياً. هيفيدك. هيضيف لك اجتماعياً. تبقى الدنيا زي الفل وأنت كده جامد جداً والدنيا زي الفل معاك. فالأمر صعب. وما تجلدش نفسك. هو صعب. وما تجلدش نفسك. إزاي يكون سهل؟ انسى إن يكون سهل. سهل في حاجة واحدة بس لو نظام التعليم اتغير. طيب، نظام التعليم المفروض يكون فيه مرونة وبتاع، اوكي. هو ما فيهوش مرونة. ها، حلو. يبقى إذا أنا مش هذاكر. ما تستعبطش. بطل استعبط. اوكي؟ بليز. بطل استعبط. أنت هتذاكر. أنا مش هروح عملية. بطل دلع. هتروح وهتتعامل وهتبقى الدنيا زي الفل وهتكمل للآخر جداً. فكل الحاجات دي اتعامل معاها وكأن هي بالنسبة لنا أشياء خلاص مسلمات.
نيجي للخطوة الثانية. وهي إحنا كده تمام، اوكي. نيجي للخطوة الثانية. إيه الخطوة الثانية يا بيه؟ لو أنا دلوقتي جيت لحضرتك وقلت لك، هو أنت من المذاكرة؟ أنا هنا مش هتكلم بقى على القراءة وأخره. هو أنت مين المذاكرة تحديداً؟ مطلوب إيه؟ أنا هنا عاوز إجاباتكم. أنا هنا عاوز إجاباتكم. إيه اللي مطلوب من؟ هو إحنا ليه بنذاكر؟ سيبكم بقى بنستفيد وحلو. المفروض أعمل إيه؟ سها بتقول نجاح. ماشي. النجاح ده مرهون بإيه؟ النجاح ده مرهون بإيه؟ أيوه، السلام. ندى جابتها. برافو عليك يا ندى. السيستم عاوز درجات يا جماعة. لحظة، اوكي. السيستم عاوز درجات. بس كده خلاص. شكراً. نقطة. لا سيبكم بلا معرفة بلا بتاع. شكراً يا يسرى. والله العظيم يسرى. أنت منين؟ من أي دولة؟ أياً كان. مش هينفع طبعاً أتكلم، بس أنت تمام. ماشي.
طيب، إحنا دلوقتي المطلوب مننا هو إيه؟ المطلوب مننا بمنتهى البساطة، بمنتهى السلاسة، هي إن أنت مطلوب من سعادتك إنك تجيب درجات. منورة بيكي وبكل أهل السودان. أنا بشكرك. طيب. الفكرة كلها يا صديقي إن أنت مطلوب منك تجيب درجات. فانت محتاج تركز على إزاي أجيب درجات، مش إزاي أذاكر. تاني تاني. مطلوب منك تركز إزاي أجيب درجات، مش إزاي أذاكر. أنا هذاكر في أول السنة، في نص السنة، في آخر السنة. تمام. هل الكلام ده يا جماعة مناسب لكل ناس عشان تعرف تذاكر؟ لا. أنا هنا بتكلم فقط للناس الـ ADHDs فقط. فبالله عليكم بس عشان خاطر دوشة التعليقات. أنا عارف مش دلوقتي، بس الناس اللي هي بعدين يا جماعة، أنا بتكلم هنا على الـ ADHD تحديداً.
طيب، يعني إيه؟ يعني حضرتك مش مطلوب منك تذاكر المنهج كله. ابتدي دعبس. إيه الحاجات دي عليها درجات أكتر؟ ابتدي ركز إزاي تحشر المعلومات بطريقة ما علشان تجيب بيها درجات. لكن جو إن أنت تحفظ المادة من الجلده للجلده، انسى الكلام ده. يا جماعة الخير، يا جماعة الخير، أنا بتكلم كلام عملي. وعارف إن الكلام ده هيثير الجدل. بس أنا هنا على أرض الواقع. واللي هيمضي وهيبصم على الكلام ده هو الناس الـ ADHDs. ويعني معلش والله، نقطة كده جانبية. يعني أنا بفضل الله عز وجل، ده مش استعراض خلاص، بس بفضل الله عز وجل، أنا معايا اتنين ليسانس. أنا معايا ليسانس آداب تاريخ جامعة إسكندرية، وليسانس آداب علم نفس جامعة إسكندرية. وحاصل على الكوتشنج من الـ ICF، دي تقريباً 100 وحاجة ساعة على ما أظن يعني. والحمد لله دلوقتي كذا كورس. يعني بفضل الله عز وجل. فأنا في التعلم لا، أنا دايس جداً بفضل الله عز وجل. وده توفيق ووسع من ربنا عز وجل. جميل.
[موسيقى]
إحنا تمام. ماشي. طيب، فالفكرة كلها إزاي إن أنا أجيب الدرجة. إيه الأسئلة في المادة دي اللي هتجيب الدرجة؟ إيه البنود اللي في المادة دي هتجيب الدرجة؟ إزاي أربط المعلومات بشكل ما؟ فالمعلومات دي والتلخيص ده يجيب لي درجة. فعلى سبيل المثال، الناس اللي عندها MCQ، فهيبتدوا يركزوا على إيه؟ والله تمام، بص، هو هنا غالباً ممكن يسأل سؤال هنا، ممكن يسأل سؤال هنا، ممكن يسأل في كذا هنا. ممكن يجيبها في صح وغلط. هنا بس ده اللي أنا عاوزه. أنا هذاكر بوضع أسئلة. أنا هحل أسئلة على طول. وهدور على الأسئلة في المحتوى. تمام. المهم، العب بشكل أساسي. الدرجات بتيجي إزاي؟ طبعاً بالتاكيد مش محتاجين أقول لكم يا جماعة الغش وحش. اوكي؟ خلاص. دي أمر مفروغ منه. فسيبكم منه. أنا هنا بتكلم إزاي أذاكر مذاكرة تجيب لي درجات.
طيب، نيجي بقى هنا لحتة جانبية كده تفريعة نتخانق فيها شوية ونرجع تاني. عشان أنا دلوقتي المفروض أجاوب على سؤال. هو إيه المذاكرة اللي تجيب درجات؟ اوكي. وإحنا شكلنا إيه وإحنا بنذاكر؟ فهنتكلم في الكلام ده. يلا بينا.
بص، تعالوا كده نتخانق كده على جنب شوية. حاجة معرفش هتثير الجدل ولا لا. هو بفضل الله عز وجل، بفضل الله عز وجل، وأنا عارف إن أنا مش مش الحالة الأساسية. بس في فرع ما من الفروع اللي أنا درستها في علم النفس، كنت بدرس اضطراب فرط الحركة ونقص الانتباه. الكلام ده للعلم. أنا لسه دارسه تاني تاني. كنت بدرس اضطراب نقص الانتباه وفرط الحركة. الكلام ده مفروض إنه النهارده ما بقاش في حاجة اسمها نقص انتباه. وتم إثبات إن الكلام ده خاطئ تماماً. اسمها نقص تحكم في الانتباه. وفي مصطلح جديد اسمه نقص التحكم في الذات. دكتور راسل باركلي طالع 2011. ودلوقتي بنتكلم على فرط النشاط مش فرط الحركة. فإحنا بنتكلم إن المعلومات اللي أنا بدرسها في الكلية اللي أنا لازم أحفظها ولازم أجاوبها، هي المعلومات اللي بين قوسين النهارده هي غير دقيقة. أتمنى تكون الرسالة وضحت. كتير جداً من المناهج هي مناهج لم يتم تحديثها. والله بدون مبالغة، بدون مبالغة. ويمكن الناس اللي هيبقوا معانا في الدبلومة بتاعة الـ ADHD هيعرفوا النقطة دي. أنت بطريقة ما هي بتشترك في جوجل سكولر شب عشان خاطر يوصلك أحدث الأبحاث والدراسات عن موضوع معين عن الـ ADHD. بفضل الله عز وجل، أنا واحد لما بشتغل في الجلسات وفي دورات، أنا بشتغل اشتغل بدراسات مش معموله من سنتين تلاتة. مش مش دراسات حديثة. أنا أقسم بالله، أقسم بالله، في دراسات بشتغل بيها. الدراسات دي هي معموله. يعني أنا آخر دراسة مطلع عليها كانت يوم 8. تم نشرها. ده تاريخ النشر 8 مايو 2025. يعني تقريباً من يومين تلاتة من تاريخ الحلقة دي. إحنا بندرس حاجات من 1800 و 1900. بالإضافة إن الكلام ده تم إثبات عكسه. ده مطلوب منك تحفظه وتتعامل بيه. هل ده تشكيك يا جماعة؟ ده تشكيك في تحديثات العلم. النهارده بعض المدارس في مصر، بعض المدارس في مصر بيدرسوا مادة البرمجة. ده استثناء. هو مفروض عشان نقدر بقى نتكلم وأقول لك لا، ده المادة دي بتتذاكر من الأول للآخر. أنت المفروض البرمجة دي مادة أساسية. أظن الرسالة وضحت. أظن الرسالة وضحت. أنا هنا بتكلم على إن أنا إزاي أأقلم مع الكلام ده. اوكي. فانا هنا مش بتكلم العلم إيه وإزاي أتعلم. أنا هنا بتكلم على السيستم ده. اوكي.
طيب، وهنا بتكلم لحالة هي الاستثناء. الاستثناء بمعنى إن إحنا الـ ADHD. إحنا مين؟ إحنا بنتكلم في 11، 15، 20% أياً كان. اوكي. طيب، تعالوا بقى نرجع تاني ونجاوب على سؤال. فاكرين السؤال اللي أنا وقفت عنه قبل الخناقة؟ كان إيه؟ السؤال اللي أنا وقفت عنده قبل الخناقة كان إيه يا جماعة؟ يا جماعة. أيوه، شروق بتقول: "لسه عندي حاجات رائعة مني فيا والاعياء. أجي السنة الجاية أعمل إيه؟ أجمع فيهم؟" والله العلي كان في سؤال يا جماعة أنا سألته. حاضر يا شروق. السؤال كان إيه؟ أيوه، أيوه.
طيب، السؤال كان إيه؟ هي الطرق اللي أنا هجيب بيها درجات. جميل. هقول لكم دلوقتي تلات طرق. لا، هقول لكم دلوقتي تلات طرق. المفروض هنبقى في كورس. أنا قلت لكم حالا عنه، بس أنا اتسحلت في التحضير وبتاع. ودلوقتي المفروض باخد كورس تاني في الـ ADHD للبالغين. فمسحول كده فيه شوية. بقى لي كام يوم. اه. إزاي أجيب الدرجات؟ فهقول لكم دلوقتي تلات طرق عشان بعد كده بقى نقول أكتر. وبرضه عشان وقتنا.
رقم واحد: الطريقة الأولى، طريقة س وج. يعني إيه يا باشمهندس؟ يعني أنت مطلوب منك إنك تطلع، تطلع، تطلع على الأسئلة. أولاً، ما تبدأش بذاكر. ما تبدأش مذاكرة بالنص بتاعك بالشرح. بص على الأسئلة الأول. اقرا الأسئلة كويس. لو عرفت تحفظ الأسئلة وتركز فيها، اعملها. طيب. وبصوا بقى هنا في احتمالين. بعد أما تذاكر الأسئلة، يلا بينا نسمع الشرح إلى آخره. فدي طريقة. فأنت أنت وانت بتسمع الشرح، أنت مخك عمال بيلقط، بيلقط. آه، دي بتاعة السؤال الفلاني. فديت حاجة. بالإضافة إن مخك بقى فاهم السؤال بيجي إزاي. مش عبارة عن نص جامد. طب دي الطريقة الأولى. فأنا الأول بذاكر الأسئلة، ثم فيما بعد إن أنا بقرا النص أو بشوف الفيديو أو أياً كان.
طب الطريقة الثانية: وهي طريقة س وج. يعني إيه س وج؟ يعني إيه؟ مطلوب منك تذاكر الأول الأسئلة. وبعد كده بص، السؤال ده إجابته كذا. السؤال ده إجابته كذا. السؤال ده إجابته كذا. بس. فدي أول طريقة تقدر إن أنت تذاكر بيها.
طيب، الطريقة الثانية وهي طريقة البيرد فيو. وديت خلينا نقول لك إن هي ما أقدرش أقول لك إن هي طريقة، ولكنها خطوة أساسية. فانا عشان كده حطيتها هنا. بمعنى إيه؟ مطلوب من سيادتك إن أنت تتعامل مع المحتوى بتاعك اللي أنت بتذاكره الأول بنظرة شمولية. عيد، الله يبارك لك، قول كلام نفهمه. بص يا صديقي، إحنا مطلوب الأول قبل ما نبدأ نذاكر. على سبيل المثال، مثلاً، أنا دلوقتي لو جيت قلت لك يا باشا، بص، ادي الكتاب ده كله. فالموضوع هيبقى تقيل قوي. رخم جداً. رخم، رخم، رخم. كبير. كم صفحة؟ بنتكلم تقريباً في 300 صفحة تقريباً. طب لو جيت قلت لك يلا عشان نذاكر ده؟ اه. اعمل الأول البيرد فيو. البيرد فيو يعني إيه؟ أول حاجة، بص على الفهرس. هو الفهرس هنا بيقول لك إيه؟ الفهرس هنا يا باشمهندس بيقول لك: اتفضل، ده عبارة عن 26 فصل. فصل الأول بيتكلم على كذا، الثاني الأول أنها الثقة إلى آخره. وكمل الباقي. بص كده عليهم كلهم. طب ما تيجي نفتح راندم عشوائياً فصل منهم ونشوفه ماشي إزاي؟ الفصل ده قد إيه وقت؟ اعمل الأول بيرد فيو. ما تذاكرش المادة كلها. ما تذاكرش الفصل كله. طب أنا دلوقتي يا عم، أنا هذاكر الفصل رقم سبعة مثلاً ده اللي عندي دلوقتي. أعمل إيه؟ بيرد فيو الأول عليه. بص كده على المادة من أولها لآخرها. هقول لكم على حاجة قد تكون غريبة. بس الـ ADHDs اللي جربوها هيعرفوها وهيقولوا نفعت معاهم ولا لا. من الحاجات اللي بتساعد على التدبر في قراءة القرآن هي إن أنت تشوف هو الجزء ده فاضل له كام صفحة. ليه؟ إحنا بنحب نشوف الموضوع أوله إيه وأخره إيه. إحنا نحب نشوف الصورة كاملة. من أعظم الحاجات إن أنت تسمع قصة الصورة دي. تسمع شرح للصورة دي قبل ما تقراها. من أجمل الحاجات تلاقي السيناريو بتاع القصص ماشي إزاي. بس. فالعب بالاستراتيجي بتاعة البيرد فيو. البيرد فيو زي ما قلت لك، بص على الصورة كاملة ماشية إزاي. الحاجة اللي بعضنا كان بيتريق عليها وللأسف بيقولها من باب الخجل. لما يجي يقول لك: "لما يجي يقول لك دلوقتي يا بيه، يلا بينا نعمل سبيد للفيديو". أحب أقول لك: لا يا باشا، أنت ما تعملش سبيد. إيه؟ أشوف الفيديو هيبقى ممل. أجري في الفيديو، نط نط نط نط نط. بس. عارفين لما يجي حد يقول لك إيه؟ "أنا هقول لك على خمس طرق والخمسة هي أهم واحدة وهتصدمك". فإحنا بنيجي عاملين إيه؟ أنت عاوزني أقول كده عشان خاطركم؟ معاك الفيديو للآخر. لا، ابدأ بالخمسة. ماشي. بس خلاص. ما ترجعش دغ يا باشا. ما تسكش عليا يا بيه. بس. خلص. إحنا دلوقتي عاوزين نعمل إيه؟ بص على الخمسة بصد. ده بش عاوز يوصل لإيه في الآخر. بس كده. أوقات كتير جداً بيبقى في أفلام بنشوفها. أنت عاوز تعرف هو البطل مات في الآخر ولا لا؟ هات الآخر الأول. بس كده. نشوف مات في الآخر. أه. بس خلاص. يلا بينا بقى نكمل أو ما نكملش. موضوع سخيف. بس. ففكرة كلها، أنت محتاج إن أنت تتعامل بالبيرد فيو. تبص على الصورة كاملة قبل ما تبص على أي حاجة تانية. فل، يبقى إحنا كده قلنا أول طريقة كانت إيه؟ فكروني عشان أنتم لو ما رجعتوش مش هقول الثالثة. أنا قلت طريقتين. والطريقة الأولى فيها اتنين مش واحدة. فيها خناقة. دي. امم. الفهرس. الفهرس اللي هي بتاعة البيرد فيو. البيرد فيو، نظرة الطائر. اوكي. امم. يلا.
[موسيقى]
تاني طريقة هي البيرد فيو أو الفهرس. يا سلام يا ندى. مذاكرة. أول طريقة الأسئلة. أول حاجة هتعملها تذاكر الأسئلة. طيب. نقول لكم الطريقة التالتة. نقول لكم الطريقة التالتة. إحنا بنتكلم على المذاكرة يا زهراء. طيب، تعالوا كده نخش على طول على الطريقة الثالثة. الطريقة الثالثة هي: أنت محتاج تذاكر بطريقة المدرس اللي هي إيه؟ اللي هي طريقة المدرس. مش فاهم. بص، كلام في ودنك. لسه معاه دلوقتي في ودنك. وأنتم دلوقتي قاعدين تسمعوني والدنيا زي الفل. أحب أقول لك إن أنا عارف، وأنت عارف، وأنا عارف إن أنت عارف، وأنت عارف إن أنا عارف إن أنت بتسرح كتير. وأن خيالك واسع. وأن أحلام اليقظة عندك بتبقى قوية جداً وقت المذاكرة. فبعد إذنك عاوزين نوظف دي. الحتة دي بتاعة السرحان دي. إحنا محتاجينها في موضوعها. أنت بالفعل عندك نقطة قوة اسمها التخيل واسمها أحلام اليقظة. طب ما تخش في أحلام اليقظة وتتخيل نفسك إن أنت مدرس. وأن أنت واقف بتشرح المادة دي. وقدامك طلبة. الطلبة دول أنت محتاج كارهين المادة. فانت محتاج تحببهم في المادة دي. ومطلوب منك تبص على المادة دي كده بشكل سريع. وتتخيل نفسك وأنت واقف وعمال بتشرحها. يا أبو الأعياد، أعمل ده في دماغي ولا أعمله على أرض الواقع؟ لو عاوز رأي، ممس. أحب أقول لك على أرض الواقع. يعني إيه؟ يعني لو تعرف تقفل على نفسك الباب بالمفتاح وتجيب سبورة. والله العظيم، أقسم بالله ما كنت أعرف ساعتها. والله العظيم وأنا لسه صغير. وأنا في ابتدائي. لا كان في إعدادي وفي ثانوي. في كلية. والله كنت معلق سبورة في أوضتي. معلقة سبورة. وأقفل الباب. وأتخيل نفسي إن أنا بشرح لهم على السبورة دي. وكنت جايب ورق سلوفان. ورق سلوفان من أي مكتبة. ورق سلفان شفاف. وألزقه على الحيطة. وهات قلم ماركر. وامسح بالمنديل. بس خلاص. شكراً. أنت زي الفل. بس أنت تمام يا باشا. أنت كده جامد جداً.
طيب، ما كانش في ساعتها موبايلات بتاعتنا. طب كان؟ فانت ممكن تعمل إيه؟ ممكن تجيب كاميرا الموبايل وتثبتها. وأنت دلوقتي بتصنع محتوى بتشرح فيه المادة بتاعتك. تمام؟ عاوز تهزر؟ هزر. عاوز تستظرف؟ استظرف. المهم تخلص أم المادة اللي معاك. أنت عاوز تبسطها على اللي حواليك. بس. ففكرة في كده. جميل. فانت الفكرة كلها، أنا عاوز خيالك. قدرت تعمله على أرض الواقع وتجيب سبورة وتشتري يا عم سبورة وتعلم ماركر وبتاع زي الفل. قدرت تعمله على التابلت. جميل وأمين. وأنت راجل جامد جداً. قدرت تقعد تعمله على ورقة وقلم. أنت زي الفل. وأنت دلوقتي في درس يا عم صور فيديو. صور فيديو. أنا هعملها في خيالي. أعملها في خيالك. الفكرة كلها زي ما قلت لكم، أنت محتاج توظف أحلام اليقظة. لأن هي نقطة قوة عبقرية عندك. بس كده. بس كده. في الجزء الأول. اوكي.
طيب، ناخد الأسئلة بتاعتكم. طبعاً في ناس بتصيح وبتقول: "آه بالضبط، نوظف الخيال في التعلم". عيد، الفاينال بعد تسعة أيام. أحط جدول؟ ما تحطيش جدول. وأوعي. هنولع. هنتسخط. أرنب بديل قرد بيحب غزالة. انسي الكلام ده. ما فيش الكلام ده. إحنا أصلاً بنكره الدراسة عشان خاطر الدراسة أساساً لها إطار وليها جدولة. فإحنا ما بنحبش. فأن تحضر الجدول. ما فيش الكلام ده. ماشي؟ خلي بالك. ماشي. طب أنا هعمل إيه؟ أنا دلوقتي أنا هنا. وإيه هنا؟ يا باشا، أنا دلوقتي عندي حتى حاجات كده في. إحنا بناخدها إن شاء الله في الدبلومة. يعني الناس اللي في الدبلومة. حاجة اسمها العلاج باليقظة. غير العلاج الجدلي السلوكي. غير الـ DBT. علاج اليقظة دي. أنا دلوقتي قاعد يا باشا. أنا هخلص ده. أنا هخلص الفصل ده. إيه اللي هعمله بعد كده؟ أعمل أي حاجة. مش هفكر. أنا دلوقتي عاوز دلوقتي أخلص الفصل ده بس. مش هقوم غير أما يخلص. ماشي. بالظبط. هنعمل جدول. الدنيا بالبوظ مننا أكتر.
طيب، دي حاجة. إيه تاني؟ أسئلتكم يا جماعة. إحنا كده قلنا تلات طرق. معلش، معلش. في جزء تاني هقول لكم خلي بالكم من تراكات معينة. قلنا تلات حاجات. إيه هما تلات حاجات؟ والناس اللي يكتبوا لنا في التعليق الله يستركم دنيا وآخرة. الهي تتسقوا سوبيا في الجنة. الهي تتحفوا في الجنة حتف. والهي يهبت في وشكم أبواب جهنم. اكتبوا في التعليقات تحت ملخص النقط دي. إن في ناس خلقها ضيق وجايين عاوزين نقط على طول. هنقول لهم آمين. واللي يقدر يعمل من الحاجات دي ريزات. الله يستركم يا ريت يعمل. إزاي التركيز يكون كامل؟ لا، ما هو التركيز معانا يا فدوى مش هيكون كامل. إحنا يا إما ما بنركزش خالص، يا إما تركيزنا يعني فوق الطبيعي. يا إما إحنا هايبر فوكس. يا إما إحنا عندنا مشكلة أصلاً في الانتباه. فإحنا دلوقتي عاوزين ندخل في الهايبر فوكس. فإزاي ندخل في الهايبر فوكس بالثلاث طرق اللي إحنا قلناها. ماشي. إزاي يا خلاص؟ ريهام أو رحمة. ريهام. ريهام بتقول: "هي في ابتدائي". لا والله فرحتيني يا أبيض. خلاص. ذوق. أنا آسف. بس أنا مبسوط يا ريهام. إزاي أذاكر قوي في الامتحان؟ أنا سادسة ابتدائي وعندي مشكلة بالتركيز. بصي، بصي. أحب أقول لك أنت ذاكري دلوقتي عشان ترتاحي بعدين. الكلام دي كان نفسي أقول لحد أصغر مني. أنت لما تذاكري دلوقتي ترتاحي جداً بعدين. بصي هتلاقيهم كلهم بيقول لك طبعاً وبتاع وكده يعني. ماشي. فحاولي. بصي، بصي يا رحمة. يا ريهام. طبي الطرق اللي قلنا عليها اللي هي أحلام اليقظة. إن أنت واقفة بتشرحي لنفسك. والله بجد بجد يا ريهام. هاتي الدباديب وقعديهم قدامك. واقعدي اشرحي لهم. فديت حاجة. ا. يلا بينا. اقعدي اشرحي على سبورة. حاجة تانية. صوري نفسك فيديو وأنت بتشرحي. حاجة تالتة. إلى آخره. فالطرق بتاعة إن أنا بكت بمثل الشرح ده بيثبت عملية الشرح. قلنا عملية الأسئلة. يعني جاوبي الأسئلة على طول. والجزء ده طبعاً في طرق تانية كتير جداً زي الخرائط الذهنية. وزي إن أنا أقعد س وج. يعني هقرأ النص وأطلع الأسئلة اللي ممكن تيجي فيه. كل دي طرق للمذاكرة. بس كلها طرق جميلة. لأن إحنا بنذاكر حاجة إحنا مش فاهمين أصلاً هي جاية ليه. زهراء بتقول: "إزاي أحدد حجم كل فصل؟ يا عيد، أنا حاسس إن هي بتتك". يا عيد. بصي، حجم كل فصل أنا هقدر أحدده من خلال البيرد فيو. يعني البيرد فيو ده هيبقى بيوريك الصورة كلها عبارة عن إيه. هيخليكي يعني على سبيل المثال. في مثلاً مواد في الكلية بتبقى مواد سهلة خلاص. أنا عارفها. لمها. في مواد تانية وأنت بتطلع عليها. لا، هي شكلها رخم. مادة تقيلة. فاهمين قصدي؟ فديت الفكرة. فعلشان كده بقول لكم لا. يعني هو البيرد فيو ده هيخليكم تلموا الدنيا. جميل. حلو جداً. كلام زي الفل.
طيب، تعالوا بقى نقول تريكات كده معينة في المذاكرة هتفرق معانا جداً جداً. بس أنا طبعاً أنتم دلوقتي محتاجين إن أنا أقولها. بس قبل ما أقولها محتاجين نعمل إيه كده؟ اوكي. لا، طبعاً لو الكلام ده عجبكم. ولو مش عاجبكم أكيد مش هتكونوا مكملين معايا. كل اوكي. يا رنا. البيرد فيو. البيرد فيو هو عبارة عن إيه؟ البيرد فيو هو عبارة عن إن أنا بعمل ا نظرة كده من فوق. بقرا الفهرس كله. ببص على الفصل كله عبارة عن إيه. بيتكلم في إيه. أنا عاوز أفهم الليلة دي كلها. والله سؤالك ده هنا خلاني أنا كان في تكنيك كنت محتاج أقوله ونسيته. وهو بالظبط عدد الصفحات الباقية وكل الكلام ده. إن أنا محتاج منك تسجل فويس نوت. الفويس نوت ده بيكون عبارة عن 30 ثانية. بتلخص لي فيها الفصل ده كله. يعني عاوزك تبعت لي كده 30 ثانية. 30 ثانية دول يقول لك والله الفصل ده بيتكلم على 1، 2، 3، 4، 5. وآخره. خلي بالك اللي أنت عملته ده. إن أنت عشان تطلع لي 30 ثانية بتشرح لي فيهم أو بتلخص لي فيهم الفصل ده بيتكلم على إيه أو الباب ده بيتكلم على إيه. 30 ثانية. لأن أنا بعملها بناء على البيرد فيو. جميل. إن أنا هنا بالنسبة لي أنا تعمدت. الموضوع مش سهل. الموضوع مش سهل. جميل. فالفكرة كلها زي ما قلت لكم. يعني هيخليني إن أنا أعصر دماغي. ها. وبتاع والقطها وإلى آخره عشان أطلع بالـ 30 ثانية دول. متفقين؟ متفقين.
طيب. ا. طيب. أنا هاخد بقى الأسئلة في الآخر. لأن أنتم أسئلتكم كتير وأسئلة حلوة. فانا هاخدها في الآخر. لأن هي هتبقى ملهمة لباقي الناس. طيب، قبل بس ما آخد الأسئلة يا جماعة، اللايك على الفيديو. الله يستركم. تمام؟
طيب، تعالوا نخش في الخطوة اللي بعدها. وهي لابد نراعي إن الـ ADHD هو عبارة عن الآتي. الـ ADHD هو عبارة. شخص عنده نوعين من الذكاء فيهم فرط كبير قوي. يعني إيه نوعين الذكاء اللي عندنا ممتازين؟ هم رقم واحد: الذكاء اللغوي. رقم اثنين: الذكاء البصري. وغالباً بيكون البصري منتشر عند الكل. اللغوي بيكون شائع.
لو البصري عندك قوي. البصري يعني إيه؟ يعني بحب الصور قوي. أحفظ الصور جداً. تفاصيل الصور. أحب أشوف الملخصات. ذاكر وابحث كده عن حاجة اسمها الخرائط الذهنية. الموضوع وطلع فروع ومن الفروع طلع فروع ووصف لكل فرعي إلى آخره. فانا محتاج أشوف الصورة دي. صورة، صورة، صورة. فوتو. اوكي. صورة. فالعب دايماً إنك تربط كل حاجة أنت بتذاكرها عن طريق رسومات. عن طريق مثلثات. عن طريق مربعات. عن طريق شمس حاجة أو بيطلع منها فروع إلى آخره. جميل.
طيب، لو أنا ذكائي اللغوي قوي. الذكاء اللغوي اللي هو يقول لك يا باشا يلا بينا نحفظها بأغنية. أو نحفظها بملخص كلامي. هقول كلمة كده وبشوفوها في التعليقات. الناس اللي عارفينها هيقدروا يجاوبوها. كلمة "جزع 3 ت". ده ملخص للوظائف التنفيذية الستة. أنا مش هعرف أحفظهم. فانا بعمل إيه؟ بجيب حرف من كل واحدة. والحرف دول يتجمعوا يعملوا كلمة. الكلمة دي كده خلاص. أنا بمجرد ما أعرفها. الوظائف التنفيذية هي إيه؟ جذع و 3 ت. بس. شكراً. فديت بالنسبة لي أول حاجة.
ا. الحاجه الثانية وهي إحنا قلنا كده أنت عندك ذكاء بصري فهتستغله إزاي؟ بخريطة ذهنية. ذهنية. برسومات. بحد مدرس بيشرح بأداء كويس جداً. مش مجرد حد عمال بيلقن كلام. وعلى الجانب الآخر وهو الذكاء اللغوي بيتلخص بالمختصرات. وإلى آخره. فدي طرق وأدوات تساعدك في التركيز.
طيب، الطريقة الثانية وهي طريقة إن أنت شخص بتاع الأوقات الحاسمة. أنت بتاع الأوقات النهائية. أنت بتعرف تجيب جون في اللحظات الأخيرة. فاستثمر ده. لو أنت فاضل على الامتحان وقت قليل. يلا بينا. أنا محتاج النهارده المادة دي تخلص. محتاج النهارده الفصل ده يخلص. ومحتاج أرجع بقى لأول حاجة خالص. قول لها: "النهارده هات لي الآخر". أنا محتاج أجيب درجات. إيه اللي لو دوسنا فيه قوي ده اللي هيخلينا نعدي وهيعدي مرتاحين؟ فديت بالنسبة لنا نقطة في غاية الأهمية. نقطة جانبية يمكن نعملها بقى للسنين الجاية أو حاجة. إن أنت محتاج تركز بشكل واضح جداً على يفضل الدروس الفردية مش المجموعات. المجموعات تشتتك وتسحلك. يفضل يكون الحاجات البرايفت أو أنت قاعد مع حد قادر يفهمك ده. حتى لو حاجة مصورة أو على اليوتيوب أو غيره. بس في حد قادر يرجع له. اوكي.
آخر معلومة هنقولها النهارده مع بعض قبل الأسئلة بتاعتكم. وهي: محتاج تعزل نفسك تماماً عن كل المشتتات. يعني إيه الكلام ده؟ يعني بكل بساطة، أنت محتاج إن أنت تركز قوي في الحتة دي. المكتب اللي أنت قاعد عليه ما يكونش عليه حاجات كتير. ما ينفعش وأنا قاعد يكون الموبايل قدامي. الموبايل بقى أنت كبير أو صغير. أنا بتكلم الكلام ده على كله. أنا كمان بعمل نفس الحركة. موبايل بحطه في درج وبعمله صامت وبشيله في حتة وقت مذاكرتي. طيب. ما ينفعش يكون في أيتمز كتير حواليا. دماغي هتروح وتيجي إلى آخره. يفضل يكون في ميه جنبك. يفضل يكون أنت قاعد في مكان. المكان ده أنت في وشك في حيطة. آخر حاجة وهي إن أنت هتخش على اليوتيوب وهتكتب "ADHD study with me". ذاكر معايا. تلاقي ليها 50 مليون فيديو. لحد قاعد 10 ساعات بيذاكر في فيديو لايف. بفكر. بفكر بأمانة. ممكن نعمل حاجة زي كده مع بعض. ده كله عبارة عن إيه؟ عبارة عن إن أنا قاعد بذاكر. والمذاكرة دي أنا الكاميرا مفتوحة عليا. وإحنا قاعدين بنذاكر سوا. بس لو أنتم موافقين على حاجة زي كده. اكتبوا.
في التعليقات بجد والله، ممكن أعملها. الكاميرا مفتوحة لايف واحنا كلنا دلوقتي قاعدين بنذاكر. فكرة إن في حد بيذاكر معاك وبيذاكر قدامك هتبقى حاجة جامدة جداً. فدي نقطة في غاية الأهمية هتفرق معانا جداً جداً جداً. ممتعة، ممتعة بشكل رهيب.
[موسيقى]
المذاكرة بتكون 50 دقيقة وبعد كده 10 دقائق بريك، وبعد كده 50 دقيقة و10 دقائق بريك، إلى آخره. فممكن نعملها وممكن نبدأ فيها من النهارده. أنا كائن ليلي، اوكي؟ فممكن أعملها النهارده بالليل مثلاً على الساعة، ممكن 12 بالليل لو أنتم حابين. وأعملها واللي موجود، اوكي؟ يعني أنا ممكن الفكرة طقت في دماغي كده وأنا بقولها، ممكن نعملها سوا، اوكي؟ تمام. فدي بالنسبة لي الفكرة.
آه، ورانا حاجات بالهبل. متأخر خلاص يا جماعة، خلاص يا جماعة، خلاص يا جماعة. جميل. طيب، الفكرة كلها بقى، يلا بينا ابعتوا بقى كده أسئلتكم. جميل. يلا بينا ابعتوا أسئلتكم.
أوكي. أنا قلت لازم أنام بدري. أنا قلت إحنا ننام بدري قوي، ننام بدري قوي، ننام المفروض من الساعة 9 مثلاً لحد الساعة 12. اوكي؟ فدي حاجة.
طيب، هل الدوا بينفع في التركيز أثناء المذاكرة والامتحان؟ تمام. مش هيفرق الفرق الكبير اللي أنتم متوقعينه، ولكن هيسند طبعاً. هيسند. السمك والأسماك بشكل عام بتفرق؟ آه طبعاً بتفرق. المكسرات بتفرق؟ بتفرق طبعاً. الفاكهة بتفرق جداً؟ بتفرق. لكن الحاجات دي بلاش نعتمد يا جماعة إن هناك عنصر خارجي هو اللي هيخلينا نذاكر. الموضوع هيبقى فيه مجاهدة للنفس لابد. إحنا بس كل دي مجموعة أدوات. بتفرق؟ آه طبعاً. إن شاء الله تعمل إضافة كويسة. المهم تكون تحت استشارة مختص.
ممكن أتكلم على القراءة؟ قراءة الكتب العادية، نقدر نقرا ونستمر. طيب خليني أقول كده بشكل عام على القراءة، ماشي. ممكن في مرة كده نبقى نعمل حلقة كده عن القراءة تحديداً.
بصوا يا جماعة الخير، القراءة بشكل أساسي ليها شوية شروط. زي إيه؟ زي على سبيل المثال، ما ينفعش يكون أو ما يفضلش، ما يفضلش يكون الورق بتاع الكتب أبيض. يعني ده ورقة أبيض، ماشي، اوكي. على سبيل المثال مثلاً الكتاب ده ورقه أبيض. الورق الأبيض، اوكي. ده ورق أبيض، اوكي. طيب الورق الثاني، الورق الأصفر. أنتوا واخدين بالكم في فرق كبير ما بين الاثنين؟ لحظة، بصوا كده الفرق. بصوا الفرق. مش عارف هو باين معاكم ولا لا، بس ده أبيض وده أصفر. فالورق المسفر أو الورق الكريمي شوية ده، ده بيكون طبعاً أفضل. الورق المسفر زي ما قلت لكم ده بيكون أفضل في الـ، ده بيكون أفضل في القراءة. فديت الحاجة.
الحاجة الثانية وهي، يفضل في القراءة يكون الورق، تختاروا نوع الورق يكون الورق مسفر شوية. فديت حاجة. الحاجة الثانية يكون خط نفسه، الفونت نفسه كبير. الحاجات دي كلها بتسهل علينا. الحاجة الثالثة وهي إن إحنا بنعمله كفهرس الأول، البيرد فيو. بعد كده ممكن نخش فيما بعد.
طيب، الحاجة اللي بعد كده وهي إن لما نيجي نقرا، إحنا مش محتاجين نقرا الكتاب كله على بعضه. إحنا محتاجين نقرا فقط جزء. ونقطة كمان ومن أهم النصائح إن إحنا يكون معانا وتر مارك. وتر مارك، معرفش هي فين، معرفش هي فين. يعني خلينا نقول مثلاً ممكن تكون الوتر مارك حاجة زي كده مثلاً، وأنا بقفل بيها أو نص ورقة بقفل بيها باقي الكلام، علشان خاطر تبقى عيني بس على السطر ده أو بشاور بيه. يعني قلم أو حاجة. ده طبعاً هيفرق معانا. ويفضل طبعاً العقدة بتاعة الناس اللي عندها الـ OCD تقدر تشخبط في الكتاب وتعمل علامات. أنا لسه متعافي من الخطوة دي قريب. بدأت أكتب اسم الكتاب وبدأت أشخبط فيه وأطلع بأسئلة وأعملك نوت. فدي حاجة ممتعة. اوكي؟ تمام.
أحدد نفسي وقت أخلص فيه الفصل مثلاً خلال ساعة. يفضل، يفضل أحدد وقت يا زهرة، ولكن مش شرط.
شروق، ممكن أرد لحضرتك في حاجات كتير واقعة مني في الأحياء والكيمياء، بس المواد الباقية الحمد لله مستوايا حلو فيها. فآجل المادتين دول أو أعمل إيه؟ بصي، خليني أقول لك، لا يعني أنا مش هقدر إن أنا أفيدك في ده. لكن أنت لو قادرة تنجزي وتخلصي منها، اخلصي وانجزي. لو أنت محتاجة قوي المجموع والدرجات، اوكي؟ يعني هنا لا محتاجين تفاصيل كتير جداً ومحتاجة تقعدي مع حد. لأن هو قرار مهم. فصعب خالص خالص إن أنا أفيدك دلوقتي. لكن زي ما قلت لك، يعني هو القرارين كلاهما حلو ومر. جميل. أهم حاجة بس ما يكونش خطوة التأجيل هو خطوة هروب. لا، دوسي وخلصي. أو لا، لو هتفرق معايا قوي الدرجات، فهقول لك لا طبعاً عيدي.
فديت من الصبح بذاكر فصل فيزياء يا جماعة الخير. فككم من المذاكرة، ما تذاكروش. ما تذاكروش. لموا المادة. لموا المادة بمعنى إيه؟ شوف الفصل ده يتلم إزاي. إحنا فرقة ما بين إن في حاجة مش فاهمه فهلجأ لحد يشرحها لي، وما بين إن أنا بسرح. فإنا هنا مشكلتي في السرحان مش في المذاكرة أصلاً. في المكان اللي أنا قاعدة فيه، في إن أنا عاملة مجهود ذهني كبير، إن أنا قاعدة بذاكر لوحدي. فإنا محتاجة حد معايا، إلى آخره. فكل دي حاجات هتفرق جداً جداً جداً معانا. اوكي؟ تمام.
طيب، خلونا كده نكتفي بهذا القدر. وإن شاء الله في اقتراح كده جميل جالي إن إحنا عيد عندنا أسئلة. فأنا هستأذنكم إن إحنا أي حد عنده سؤال هنعمل حلقة اللي إجابة الأسئلة إن شاء الله على الـ ADHD. في التعليقات هتكتبوا كلمة سؤال والسؤال اللي أنتم عايزينه. فان شاء الله يعني ربنا مستعان. وبفكر بشكل جاد في إن إحنا نعمل استادي وذ مي مع بعض. فالله المستعان. شكراً جداً جداً لكم ونتقابل إن شاء الله على خير الأسبوع القادم.
الدبلومة بتاعة متخصصين الـ ADHD يعني خلاص شرفت على الانتهاء. أنا هعلن بقى للمجموعة الكبيرة ونتقابل إن شاء الله على خير. شكراً جداً لكم. السلام.