لا تتظاهر بالسعادة / سعد الرفاعي

لما اتعب نفسيا ما اخالط الناس. حتى امي ما اقعد معاها. اي والله كنت اتعذر باي شي.

عنده شغل ما اقدر اقعد معاها وانا بالي مش وياها. غلط اكون اعتزل الناس ما اخالط لين تطلع المشاعر السلبيه. احنا بشر في النهايه وتمر علينا حالات بين فتره واخرى ضيق صدر تعب نفسي شويه حزن عادي احنا بشر. بس انا ما اقعد مع الناس لما يحوشني الشي هذا. ما اخليكم تشوفوني ولا اكلمكم. اعتزل لين اعتدل بعدين ارجع.

اكثر الناس يعملون العكس. يتظاهرون لا الامور طيبه. يتظاهرون بالسعاده والراحه وهم مش سعيدين ولا مرتاحين. تحت بند اضحك وانا بداخلي مجروح. خايف من الناس لا يدرون. وانت شكو بالناس. اهم شيء نفسك وراحتك وسعادتك. انت عيش الحزن خله يطلع لا تقاومه. لو قاومت مشاعر الحزن فيك راح تبقى داخل ما تطلع. هي تحتاج تطلع اعراض انسحابيه بالبكاء بالشكوى لله. ما عندك مشكله انك انت تفضفض الانسان قريب منك حيل. لكن انا اقوللك مني انا لا تقول حق احد. عيشها مع نفسك. عيشها مع نفسك. انما اشكو بثي وحزني الى الله. بث حزنك وشكواك الى الله. والله لا ترتاح.

بس اياك انك تتظاهر بالسعاده وانت مش سعيد. واذا كنت حزين عيش حزنك مع نفسك ولا تخلي احد يشوفك. اعتزل حتى تعتدل وامورك طيبه ان شاء الله. شكرا.