Transcription
الادوار اللي من النوع ده زرعت في العقل اللاواعي عند الجمهور انها النجمه اللي في السماء واللي اي حد يتمنى تكون ملك. بص، انا معاك ان منى زكي موهبه عاديه جدا، يا دوب شويه قبول قدام الكاميرا وملامح بسيطه وهاديه واسلوب ممكن نوصفه بانه لطيف. ده كلام ممكن نقوله عنها من بدايه ظهورها سنه 98 لحد 2003 مثلا.
الخمس سنين دول يعتبروا هم فتره الانتشار لموناى زكي. ورغم انها ما عملتش ادوار قويه في الفتره دي وده كان شيء طبيعي، الا انها نوعت برده. عملت بنت الناس الفقرا في "اضحك الصورة تطلع حلوه" >> "ارجوك يا ستي ما فيش داعي للكلام ده". وبنت الناس الاغنيه في "الحب الاول" >> "ثانك يو يا هشام". وطالبه في الجامعه الامريكيه، وفي نفس الوقت جسدت شخصيه جهان السادات قدام احمد زكي >> "مش هو ده اللي انت كنت بتحلم بيه انور طول عمرك".
انما الحظ لعب دور كبير قوي مع منى زكي في الفتره دي بصراحه. بالصدفه الافلام اللي اشتركت فيها في البدايات خلتها دايما البنت اللي البطل بيحبها وهي يا اما رافضه يا اما مش اخده بالها. يعني خالد كان بيدلدق لها حب طول احداث الفيلم وهي في عالم موازي مع هشام بدر، اضطر انه ينط من فوق شلال عشان تفهم انه بيحبها. اما اكرم مصور الافراح راح حبها يوم فرحها وطلب منها الجواز >> "انا [موسيقى] بحبك وعايز اجوازك".
الادوار اللي من النوع ده زرعت في العقل اللا واعي عند الجمهور انها النجمه اللي في السما واللي اي حد يتمنى تكون ملك. في رايي ان بدايه منى زكي في السينما كانت البدايه النموذجيه، فيلمين مع احمد زكي ونجمه جيل جديد وادوار رغم بساطتها لكن دايما محطوطه في القالب صح.