خطة ضرب مضيق هرمز تكشف لأول مرة ..تحرك عسكري أمريكي ضد إيران يهدد الخليج بالحرب

السلام عليكم، ازيكم؟ دونالد ترامب كان قاعد في مؤتمر صحفي. ففي صحفي بيقول له: "انت هتستخدم السلاح النووي ضد ايران؟" فرد عليه قال له: "نووي؟ استخدم نو؟ ليه؟ إيه السؤال الغبي ده؟ زي ما حضرتك تشوف كده بالضبط، why would them؟"

الحقيقة اللي كان بيدي إيحاءات أو كان بيدي إشارات إن هو ممكن يستخدم نووي هو ترامب نفسه. لما طلع قال لك: "حبيب الحضارة الإيرانية". لما طلع أكتر من تغريدة قال لك: "أنا هستخدم الأسلحة الفتاكة ضد ايران". قعد يدي إشارات كده إنه هيستخدم سلاح ما تمش استخدامه في الحروب قبل كده ضد ايران، وإنه ممكن يستخدم سلاح نووي. فالصحفيين بطبيعة الحال كانوا بيسألوا. بس ترامب نفى تمامًا.

طيب، أدام ترامب مش هيستخدم قوي، لو الحرب رجعت هيستخدم إيه؟ ده سؤال مهم جدًا. على الجانب الآخر، هل الحرب تعود ولا مفاوضات السلام هي اللي تستمر؟ وليه أصلًا الحرب ما رجعتش لحد دلوقتي؟ ده سؤال اطرح في أكتر من جريدة أمريكية، وكل جريدة ليها رأي معين. ليه الحرب ما رجعتش لحد دلوقتي؟ بس صدقني، كلهم اتفقوا إن الحرب هترجع، هترجع.

عاوز تعرف إزاي؟ هقول. بس عشان أقول لك، لازم أقول لك إن إحنا معانا راعي قوي جدًا ومحترم جدًا، وهو أكبر وأقوى إيفنت للعقارات والإقامة الذهبية في اليونان، راجع تاني في القاهرة وبقوة. الإيفنت بيجمع أقوى خمس مطورين عقاريين من اليونان في مكان واحد. هيعرضوا مشاريع حصرية وجديدة في أميز مناطق في جنوب ووسط العاصمة أثينا. باستثمار يبدأ بـ 250,000 يورو، هتحصل على إقامة أوروبية دايمة ليك ولأسرتك، حرية في السفر في أوروبا، وخطط أمان حقيقية في وقت كله متغيرات. كمان استثمارك بيوفر دخل إيجاري ثابت، تنويع لأصولك، وحماية من انخفاض العملة. برنامج الجولدن فيزا لسه متاح، لكن عدد وحدات الـ 250,000 يورو محدود جدًا، خصوصًا في مناطق زي جليفادا في جنوب أثينا، وكاتيليا في وسط البلد، وقريب جدًا من المواقع المميزة. البداية هتكون من 800,000 يورو. الإيفنت بتنظيم باي بروبرتيز، فريق معاك خطوة بخطوة لحد ما تستلم وحدتك وتأجر عقارك، حتى استلام بطاقة الإقامة الذهبية بتاعتك. احجز معادك مع المطورين يوم 9 مايو في الشيخ زايد، أو 10 مايو في القاهرة الجديدة. لو ناوي تبدأ، تواصل مع باي بورتيز من خلال الموقع الخاص. هسيب لحضراتكم الرابط بتاعهم أسفل الفيديو. ولو حابب تتواصل معاهم، لأن بالمناسبة دي فرصة ما ينفعش تعديك.

نخش في الموضوع على طول. نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك، وأول مرة هتسمعه فيما يخص ترامب هيولع في ايران. إيه اللي حصل بالظبط؟ إيه اللي حصل إن طلع فيديو لوزير الخارجية الإيراني عباس عراقجي. أخيرًا وصل باكستان والتقى بمسؤولين باكستانيين. وزي ما حضرتك شايف كده، الفيديو بيوريك إن خلاص إحنا داخلين على مرحلة تفاوض. بس صدقني، الفيديو ده عمل صدمة في الإعلام الأمريكي بشكل كبير جدًا، قبل أصلًا ما يجاوب على أسئلة كتير. ليه؟ لأن كل الناس قعدت تسأل: هو إيه الاختلاف بين الفيديو ده والفيديو بتاع وصول طول الوفد الإيراني في جولة المفاوضات اللي عقدت مع الأمريكان؟ لقوا إن في شخصية مهمة جدًا مختفية، وهو محمد باقر قاليباف. محمد باقر قاليباف، رئيس البرلمان الإيراني، اللي كان نازل أصلًا قبل عباس عراقجي في جولة المفاوضات الأولى، واللي هو كان بيقود المفاوضات، وكل الإعلام الأمريكي كان بيقول لك: هو ده الرئيس الجديد لإيران. دلوقتي الرئيس الجديد مش موجود أصلًا. فكان فيديو غريب.

طيب، هو عباس عراقجي جاي يعمل إيه؟ وجاي لوحده ليه؟ فين محمد باقر قاليباف؟ الحقيقة، عباس، عباس عراقجي جاي لوحده ليه؟ والله اللي تسمع الإجابة دي من دونالد ترامب. دونالد ترامب نزل تغريدة وقال لك: "عباس عراقجي جاي عشان يعرض عرض أخير من ايران ممكن يلبي الطموحات الأمريكية". ماشي. والحقيقة، قبل وصول عباس عراقجي لباكستان، حضرتك لازم تعرف إن كان في انقسامات كتيرة جدًا. وكان الإعلام الأمريكي ودونالد ترامب نفسه بيقول لك: "أنا مديت المهلة عشان الانقسامات الداخلية وعشان ايران تحل الانقسامات الداخلية". بس أنا بيني وبينك، ما كنتش بأصدق قوي موضوع الانقسامات دي، لحد ما شفت عباس عراقجي جاي لوحده. كل إنه يجي لوحده ومحمد باقر قاليباف مش معاه، ده يدل ليك إن فعلًا في خلافات. ده يدل ليك إن رئيس البرلمان الإيراني مش هو اللي عنده السلطة المطلقة. مين اللي عنده السلطة المطلقة؟ هو الراجل اللي قدام حضرتك ده، قائد الحرس الثوري الإيراني، اللي حضرتك شايفه، اللي اسمه أحمد وحيدي. راجل قوي جدًا. بس اللي أنا واقف قدامه إن كلام ترامب والإعلام الأمريكي إن فعلًا ايران فيها انقسامات.

طيب، الانقسام ده لازم تعرف إنه يدي إجابات في منتهى الخطورة. مين اللي هيقول لك على الإجابات دي والأسئلة دي؟ هو الكاتب الصحفي زافي بارل. زافي بارل، الكاتب الصهيوني المجرم، بس اللي دماغه كويسة جدًا، طلع قال لك إيه؟ قال لك: "لو إحنا صدقنا إن في انقسامات داخل ايران، وإن الحرس الثوري الإيراني حاليًا هو اللي بيسيطر على السلطة في غياب المرشد، اللي هو مكتب خامنئي، لازم تعرف إن دي كارثة. ليه؟ لأن لما يكون في صراع على السلطة بيقوده عسكريين".

دونالد ترامب عمال يضغط ضغط اقتصادي على ايران، صح؟ والضغط الاقتصادي ده، دونالد ترامب عمال طالع للسماء ويقول لك: "إحنا بنخسر ايران 500 مليون في اليوم، وإن مخزونات النفط الإيرانية وصلت لأقصى مدى". على فكرة، الكلام ده لسه نازل إنه مخزونات النفط في خزانات ايران وصلت لـ 5 مليون و300 ألف برميل. وده مؤشر خطير كتير على إنها مش عارفة تصدر النفط بتاعها، وإن الحصار الأمريكي شغال.

بيانات شركة كيبلر أظهرت بلوغ تخزين في محطة جاسك النفطية على مستوى عند 5.8 مليون برميل، ما يعكس تكدسا غير مسبوق في الصادرات غير القادرة على مغادرة الموانئ. ورغم أن ايران كانت تعول على ميناء جاسك كورقة بديلة لوقوعه على ساحل خليج عمان خارج مضيق هرمز، ما يمنحه ميزة جغرافية لتجاوز الخناق الأمريكي، إلا أن هذه الأفضلية تلاشت أمام الحصار الأمريكي الذي يستهدف السفن المرتبطة بالنفط الإيراني في أي نقطة حول العالم، وليس فقط داخل المضيق. ولكن كيف ترصد شركات تتبع الطاقة سعة التخزين؟ هذه الشركات تعتمد على صور الأقمار الصناعية لتحليل مستوى امتلاء خزانات النفط عبر أغطيتها العائمة التي تعكس ظلالًا يمكن من خلالها تقدير مستوى الامتلاء بدقة.

بس الكاتب بيقول لك إيه؟ بيقول لك: "خلي بالك، أنت بتضغط على ايران غلط. لأن اللي ماسك السلطة دلوقتي، اللي هو أحمد وحيدي، ده قائد الحرس الثوري الإيراني. ده كل الأرقام الاقتصادية ما تفرقش معاه. ايران تفلس، ايران عندها مشكلة في الاحتياطي بتاعها، ايران مش هتعرف تصمد قصاد الحصار الأمريكي. كل ده ولا يفرق معاه. لأن ده راجل عسكري، وراجل عسكري أصلًا طالع من حرب. يعني ده كان في حرب لمدة 39 يوم، والراجل شايف إنه منتصر. ما دي الكارثة. يعني هو مش عسكري فقط، ده هو شايف نفسه إنه منتصر. فالراجل مش هينصت لأي أرقام تقول له إن عندك مشكلة، أو تقول له إن الاقتصاد الإيراني في أزمة، أو الكلام ده. بالعكس، ده الراجل عاوز يستدعي الحرب، وشايف إن الحرب لو رجعت هيقدر يفرض كلمته. فترامب بحصاره لايران، لازم تعرف إنه مش بيدي الضغط المطلوب على أحمد وحيدي. بالعكس، ده بيزود الانقسامات الداخلية".

وبمناسبة ترامب، ممكن يكون شايف إن ده حاجة كويسة. إن والله مش لازم يرجع الحرب دلوقتي، وإن والله يفضل يحاصر ايران لحد ما يطلع لهم صاحب. يعني لحد بقى ما يصفوا خلافات كده ويطلع لهم صاحب، نبقى نشوف إيه اللي هيحصل. بس الكاتب نفسه قال لك: "خلي بالك، دونالد ترامب لا يؤتمن في الجداول الزمنية". يعني، يعني دونالد ترامب قال لك إيه؟ قال لك: "والله أنا هرجع الحرب قريبًا جدًا". وبعد كده مد المهلة. ماشي. قال لك يوم الأربعاء أنا مش همدد المهلة، زي ما قال بلومبرج. وج يوم الأربعاء، أما مد المهلة. ماشي. وزي ما طلع الإعلام الإسرائيلي قال لك: "والله ده مد المهلة لحد يوم الأحد". طيب، الكاتب زافي بارل بيقول لك: "ترامب ما يؤتمنش ليه في الجداول الزمنية؟ لأن الراجل ده ممكن يضرب أجلاً، يعني بعد شهور، أو بعد أسابيع، أو عاجلاً بعد أيام، أو بعد يوم الأحد اللي هو بعد بكرة".

بس الكاتب بيقول لك إيه؟ بيقول لك: "عاوز تلاقي الإجابة، لازم تعرف الإجابة دي مش هتطلع من عند ايران. يعني ترامب مش مستني حاجة تحصل من ايران. بالمناسبة، ولا أصلًا مستني منهم رد. ترامب مستني حاجات تحصل في الجيش بتاعه عشان بس تبقى فاهم كويس جدًا. إحنا في مرحلة، مرحلة تعمير البنادق. يعني كل واحد بيستعد للطرف الآخر. ماشي؟ إزاي؟ قال لك لو خدت بالك، هتلاقي مثلًا إن حاليًا في ثلاث حملات طائرات موجودين في الشرق الأوسط: يو إس أبراهام لينكن، يو إس جيرالد فورد، وجايلهم يو إس جورج بوش، اللي وصلت على فكرة. يعني ده آخر كلام طلع إن يو إس جورج بوش وصلت فعليًا. حلو. قال لك لو خدت بالك، هتلاقي إن حملات الطائرات دي بقى لها كتير في البحر. بالذات يو إس جيرالد فورد بقى لها 300 يوم. ده من يونيو الماضي، من يونيو 2025 وهي في البحر. فقال لك حملات الطائرات دي، أدام رجعت تاني الخدمة، لا تعتقد إنها تستمر طويلًا في البحر من غير ما ترجع تاني القواعد بتاعتها عشان ترجع القواعد بتاعتها، لازم تنجز مهمتها. فالناس دي بقى لها 300 يوم، لازم ترامب ياخد قرار الحرب بسرعة. فالقرار طالع من حملات طائرات ده حاجة. القرار طالع من شحنات العسكرية اللي عمالة تتدفق على الشرق الأوسط عن طريق الطيارات سي 17. وبالمناسبة، تم رصد شحنات عسكرية ضخمة جدًا يفوق الشحنات العسكرية اللي تم نقلها قبل الحرب للشرق الأوسط. يعني قبل حرب ايران، جيش أمريكي كان نقل بعض الشحنات. بيقول لك بقى إن اللي تم نقله وقت الهدنة يفوق اللي تم نقله قبل الحرب. أنت متخيل قد إيه؟ متخيل الجيش الأمريكي عمال يستعد قد إيه؟"

فالكاتب هنا عاوز يقول لك، عاوز يقول لك إيه؟ عاوز يقول لك إن الحرب قادمة، عاجلاً ليس آجلاً. وبالمناسبة، لا تعتقد إن عباس عراقجي لما يوصل باكستان هيدي العرض اللي يرضي للأمريكان تاني. كل طرف شايف إنه هينتصر بالحرب. بالمناسبة، وحاليًا هو شايف إنه منتصر أكتر. ماشي؟ فإجابة السؤال هي الحرب راجعة. كل الأوساط الأمريكية متيقنة إن الحرب راجعة. طب ليه كل طرف بيراهن إنه هينتصر؟ والله بص بقى كالاتي. قال لك لو أخدت بالك إن ايران بتراهن على التقارير اللي طالعة إعلاميًا إن أمريكا استنفذت جزء كبير جدًا من مخزوناتها من الصواريخ الدفاعية أو الصواريخ الهجومية. إزاي؟ قال لك والله وفقًا لصحيفة وول ستريت جورنال، كانت نزلت مقالة في 3 مارس كانت اتكلمت إن أمريكا استنفذت 25% من صواريخ الدفاع الجوي بتاعتها. ماشي؟ بس التقرير نزلت حديثًا، سواء بقى السي إن إن، سواء بقى من بعض وسائل الإعلام الأجنبية، بما فيهم وول ستريت جورنال نفسها، بتتكلم إن أمريكا استنفذت 50% من صواريخ ثاد، اللي هي أبرز وأقوى منظومة دفاع جوي في العالم. ماشي؟ وعلى فكرة، أغلاهم كمان. طيب، المنظومة دي كانت دخلت الخدمة في 2008، بس بدأ التسليم الفعلي للجيش الأمريكي في 2011. والمنظومة دي بيتم إنتاج منها من 30 لـ 60 صاروخ في السنة. في السنة، ما بكلمكش في الشهر، بقول لك في السنة. طب مين اللي قال الكلمة دي؟ والله اللي قال الكلمة دي تقارير الموافقات بتاعة الكونجرس. واللي قال كده زيلينسكي. يعني واخد بالك؟ زيلينسكي لما يطلع يعلق على مخزون صواريخ باتريوت وثاد الخاص بالجيش الأمريكي، زي ما حضرتك تسمع منه كده:

"Americans have expended two years' worth of Patriot missiles."

طيب، أمريكا استنفذت 50% من صواريخ ثاد، و30% من صواريخ باتريوت. وعاوز أقول لك إنها استنفذت كمان 45% من مخزونات صواريخ توماهوك، اللي هي صواريخ هجومية مهمة جدًا بالنسبة للبحرية الأمريكية. واستنفذت كمان 20% من مخزونات صواريخ أرض جو الأمريكية بعيدة المدى. واستنفذت ثلث مخزونات من صواريخ SM-6 و SM-3. وعلى فكرة، الـ SM-3 ده هو الأشهر انتشارًا في الخليج، عشان بس تبقى فاهم. ده الإمارات حققت بيه نجاحات كبيرة جدًا في التصدي للصواريخ والمسيرات الإيرانية. ماشي؟ فـ SM-6 و SM-3 دول تقريبًا كده العمود الفقري حاليًا لرخص ثمنهم، أو إنهم أرخص من صواريخ باتريوت وصواريخ ثاد، وفعاليتهم الكبيرة. طيب، فده أمر مهم.

"The U.S. stockpile of munitions has fallen to worrying levels, forcing the Pentagon to withdraw weapons from Europe and Asia to compensate for shortages in the Middle East. The figures are enough to show the extent of depletion. The army used about 1,200 Patriot missiles, the cost of each exceeding $4 million, and 1,000 Tomahawk missiles out of 3,000 that America possesses, and more than 80% of THAAD interceptor missiles."

فلو خدت بالك، ذخائر الجيش الأمريكي كبيرة جدًا. طب هي كم تبلغ خسائر الجيش الأمريكي؟ بص، الخسائر بتاعة الجيش الأمريكي بتتعد. ليه بتتعد؟ لأن لحد انتهاء الحرب، ما تقدرش تحط إيدك بالضبط خسائر الجيش الأمريكي قد إيه. فطول ما الحرب ما انتهتش، الجيش الأمريكي مش عارف يعمل حصر لخسايره. بس واضح جدًا إنه عنده خسائر كبيرة جدًا في الطيارات. عنده ثلاث طيارات إف 15 وقع عن طريق الدفاعات الجوية في الكويت. والطيران الكويتي بتتكلم على طيارة إف 15 وقعت في ايران. أصلًا بتتكلم على طيارتين نقل عسكري سي 130 هيركليز، الجيش الأمريكي نفسه دمرهم في ايران وهو بيحاول ينقذ الطيارين بتوع الإف 15 اللي وقعت. بتتكلم على المسيرة الأمريكية إم كيو 4 ترايتون اللي وقعت قصاد السواحل الإيرانية. وبالمناسبة، ما حدش جاب سير عنها في الإعلام المصري، ماعرفش ليه، مع إن الجيش الأمريكي اعترف رسميًا إنها سقطت قدام سواحل ايران.

"With the continuation of the war, estimates indicate the loss or damage of advanced American military equipment in several locations in the region, according to a Wall Street Journal report. According to the report, the cost of damages during the first three weeks ranges between $1.4 billion and $2.99 billion. Most of these losses are due to Iranian ballistic missile and drone attacks. The damages included F-15 fighter jets, the cost of each is about $100 million. F-35 aircraft also sustained damage, with the cost of each aircraft exceeding $82 million, in addition to the loss of more than 12 MQ-2 drones."

بتتكلم على خسائر كتيرة جدًا جدًا. 13 جندي ميتين. بتتكلم على أكتر من 450 حالة إصابة في الجيش الأمريكي. زائد منظومات الثاد بقى اللي اتضربت في قاعدة موفق السالمي. منظومات الثاد اللي اتضربت في الخليج. منظومات باتريوت اللي اتضربت كمان. خسائر كتيرة قوي. أنا متهيأ لي دي أكبر كم من الخسائر ألحقت بالجيش الأمريكي في مدى قليل، 39 يوم منذ الحرب العالمية الثانية. فدي خسائر غير طبيعية. ماشي؟ ده اللي برهن عليه ايران. لأن والله الوقت مش صالح. خسائر الجيش الأمريكي بتتكلم، إغلاق مضيق هرمز. أنت عندك النهارده برميل نفط كسر الـ 105. ده رقم هلامي بدون حرب. وإن ايران شايفة إن ترامب مش هينفع إنه يحاصر المضيق أكتر من كده، لأن الاقتصاد العالمي راح في داهية. وأنت عندك بقى وقود الطيارات والأكل، سي 2 أو، والكلام ده كله، كل ده، أو ثاني أكسيد الكربون، كل ده في مشكلة. ماشي؟

طيب، بالنسبة للأمريكان بيراهنوا على إيه؟ والله الأمريكان بيراهنوا إنهم يعني ممكن ينزلوا بري في ايران. الأمريكان بيراهنوا إن والله كل تهديدات ايران دي، يعني بيعدوا العدة. وفقًا لسي إن إن، بيقول لك إن الجيش الأمريكي عمال يدرس إزاي يقضي على كل الدفاعات الإيرانية عند مضيق هرمز ويفتح مضيق هرمز بالقوة، سواء بالبر أو بالبحر. ماشي؟ ده خطة جديدة تمامًا. بتتكلم إن ايران أصلًا متبهدلة. وحتى لو ايران عرفت تستعيد جزء من صواريخها ومسيراتها اللي كانت محبوسة داخل المخازن اللي أمريكا ضربتها، لازم تعرف إن الجيش الأمريكي بيستعد بخطة، خطة مختلفة غير اللي كان بيشنها في حرب الـ 39 يوم أو في الجولة الأولى. الجولة الثانية المفروض في مجزرة. والاستعدادات العسكرية دي كتيرة قوي تدل ليك إن المجزرة قادمة، قادمة. فاللي أنا عاوز أقول لحضرتك عليه في الآخر، إن خد بالك إن الحرب ما فيش منها بديل. لا بالنسبة لايران ولا بالنسبة لأمريكا. وأي عروض أمريكا قاعدة مستنياها، لا تعتقد إنها قاعدة فعلًا مستنية عرض من ايران. كل الكلام ده كلام فارغ. لأن ايران مش هتقدم حاجة بالنسبة لأمريكا، والأمريكان مش هيستسلموا بالنسبة لايران. فانت داخل على معركة قادمة. السؤال هنا: من يصمد؟ حقيقة، أنا بيني وبينك، أنا مش مقتنع بالتسريبات الإعلامية اللي بتقول لك أمريكا عندها نقص في مخزونات الصواريخ، وإن أمريكا، الجيش الأمريكي عندهم يعني نقص كبير جدًا في الأسلحة بتاعتهم. الكلام ده أنا مش ببلعه. دي موافقات الكونجرس والكلام ده برضه مش ببلعه. لأن أنا كنت وريت حضرتك قبل كده فيديو في السي إن إن بيقول لك إنهم بيطبعوا الصواريخ طباعة ثلاثية الأبعاد. فدول مش بيصنعوا، بيقعدوا بقى يعملوا الصواريخ على إيديهم أو بالمكن. لا، ده طالعة ثلاثية. ده الصاروخ بياخد خمس دقايق. ماشي؟ فالحتة دي أنا مش مقتنع بيها قوي. وحتة إن والله مخزونات الصواريخ دي عشان حرب ايران، أنا برضه مش مقتنع بيها. لأن على فكرة، مخزونات الصواريخ ما أثرتش على الجيش الأمريكي في حرب ايران. المخزونات اللي عنده دي تكفيه في جولة جديدة من حرب ايران. بس هتكشفه وتعريه لو الصين قامت احتلته. ماشي؟ على الجانب الآخر، أنا على قناعة تامة إن الحرس الثوري الإيراني هو اللي مسيطر على كل الأمور. ويكون إنه يمنع محمد باقر قاليباف إنه يروح باكستان، دي فضيحة. على الأقل أظهر إن والله الراجل مازال موجود. ماشي؟ حتى لو ما أخدش قرار، بس بينه. كون إن تودي عباس عراقجي، دي فضيحة. بس ده يقول لك قد إيه التشدد داخل ايران. وبالمناسبة برضه، لازم تعرف إن الموضوع الإيراني ده مش هيتحل بسهولة. والخلافات دي هتجيب ايران الأرض أكتر من الحرب نفسها. لأن ده اللي كان بيرهن عليه دونالد ترامب. بالمناسبة، إن النظام الإيراني فعليًا بيقتل نفسه بنفسه. لأن من ساعة احتيال عائلة جاني، وما فيش حد موجود.

طيب، واحد هيطلع يقول لك: "كل الكلام ده كلام فارغ، الحرب مش هترجع". طيب، تعال بقى نبص لو الحرب ما رجعتش إيه اللي هيحصل؟ أنت بتتكلم إن ايران هتروح لقنبلة نووية. سيبك بقى إنهم يقعدوا يفردوا رسوم، أو إنهم يقعدوا يصدروا النفط، أو يهربوا النفط. أنا مش واخد بالي خالص من موضوع مضيق هرمز. أنا واقف قدام إن ايران هتبقى كوريا الشمالية جديدة. فالحرب لازم ترجع. كل الكلام اللي أنت تسمعه ده كلام فارغ، وإن ايران انتصرت، حصلت، وإن ايران حاجة عظيمة، وإن الجيش الأمريكي اتهزم. الرواية ما تدخلش ذمتي بجنيه. يعني ما أشتريهاش بجنيه. على فكرة، مش جاي أقول لك إن أمريكا عظيمة، بس أنا بقول لك مش منطقي اللي بيحصل. أمريكا ما ينفعش تسكت على ايران. ايران هتصبح كوريا الشمالية الجديدة. وأنت بتتكلم إن روسيا انتصرت، والصين انتصرت. مشهد أمريكا لا تتقبله مهما كان. أمريكا قوية، ضعيفة، فاهمني إزاي؟ فقصه هنا، أنت بتتكلم على تحول خطير جدًا في الحرب. إلى متى يستمر؟ وإلى متى تستمر الهدنة؟ ده السؤال الإعلام الأمريكي عاوز يجاوب عليه. يا أكون شرحت لك الموضوع بشكل مبسط. ويا رب انصر مصر، ويا رب انصر العرب، ويا رب انصر فلسطين. يا رب تحيا مصر. سلام يا محروسة بسيف شاطر وسيف حارس عليك يا مين. ومن فوق السما السابعة حاميك رب العالمين. مين؟ من الضل.