مشهد تاريخي جيش مصر يتقدم لـ الحدود.مفاجآة ترامب لـ السيسي.اختــراق صفقة غــ.زة.أسطول مصر يعبر لغـزة

سلام عليكم. جيش مصر في مشهد تاريخي يتقدم إلى الحدود. دي نقطة مهمة. يا ريت يا شباب تشوفوا لنا الصوت بتاع اليوتيوب عامل إيه. طيب، مفاجأة ترامب للرئيس المصري عبد الفتاح السيسي. الأسطول المصري، أو أسطول مصر، يعبر إلى قطاع غزة. إيه اللي بيحصل؟ وإيه كواليس النقطة دي؟ عندنا معلومات تُنشر لأول مرة فيما يخص النقطة دي بالتحديد.

مش كده وبس، هناك كواليس مفاجئة من الرئيس دونالد ترامب إلى الرئيس المصري عبد الفتاح السيسي. إيه بقى المفاجأة اللي بيجري تجهيزها في الكواليس ولم يتم الإعلان عنها في الصحف حتى وقتنا هذا؟ دي معلومة حصرية لنا في "خمسينة اقتصاد".

لكن برضه هناك مفاجأة أخرى، وبرضه لم يتم الإعلان عنها، وهي اختراق اتفاق غزة من جانب مين؟ بين قوسين، مصر. أيوه، مصر هي اللي اخترقته بطريقة معينة. هقول لحضرتك عنها في لايف النهارده. ودي برضه معلومة حصرية.

وفد بريطانيا البارز يصل مصر. هناك اتفاق طاقات تجري في الكواليس ما بين مصر بالتحديد، بين قوسين الجيش المصري، وكمان القيادة المصرية، إلى الجانب الاستخباراتي، وكمان الجانب البريطاني. لماذا يتم استدعاء بريطانيا إلى القاهرة؟ دي نقطة حبيت إن أنا أقول لحضراتكم إنها عندنا بتفاصيلها. مش هتلاقيها في مكان ثاني بالتحديد.

مش كده وبس، عندنا النهارده هل يعوض السيسي دونالد ترامب عن جائزة نوبل؟ وهناك خيانة كبرى وتحذير إسرائيلي صارم. وفد جيش مصر الأهم يصل إلى العراق منذ ساعات بالتحديد، وإيران تربك الحسابات. صفقة تفجر المنطقة ومصر تتدخل.

أهلاً بكم في لايف جديد من لايفاتنا في "50 اقتصاد" اللي بنعملها بشكل يومي للوقوف على آخر الأخبار، التفاصيل، القصص، كواليس ما يدور في الاقتصاد، في السياسة، في الدبلوماسية، وحتى الشأن العسكري. الجميع مرتبط بحاجة واحدة فقط وهي المصلحة.

قول لي في البداية بتشوفني منين؟ لو من داخل مصر من أنه محافظة، ولو من خارج مصر من أنه دولة. حاولوا تتفاعلوا معانا فيما يخص اللايف، وعشان نعلي اللايف ونوصل لأكبر قدر ممكن من الناس.

في البداية، هناك شكر. شكر مستحق لحضراتكم على كل الناس اللي معاها رقمي الشخصي، واللي قدرت كمان تتواجد على صفحتي الشخصية، واللي بعتوا لي رسائل على الواتساب، وحتى على واتساب القناة وعلى الصفحة بالتحديد، وصفحتي الشخصية فيما يخص يعني الظروف الصحية اللي أنا مريت بيها النهارده. وطبعاً هي كانت يعني نجوت من الموت بعجوبة، إن صح التعبير.

كنت بسمع دايماً عن أو بنكتب عندنا في الجرايد عن الشباب اللي بيتعرضوا لنوبات قلبية مفاجئة، وحتى منتصف العمر وغيره. ولأن البارح بالليل يمكن اتعرضت بعد الشغل ونتيجة الضغط كان 48 ساعة متواصلة في المكتب، فجأة لقيت نفسي يعني بيغمى عليا. ومش إغماء اللي هو بطريقة هبوط، لا، ده روح بتطلع بجد. الموت ده حق علينا. ويمكن الواحد يمكن أصعب لحظتين ممكن يقابلوك وقت الموت، أو لحظة والثانية أدركتها هو إنك حضرتك بتبقى في جزء الثانية محتاج تودع كل اللي أنت حابب تودعهم، وإنك ترجع أكتر وتستغفر وتحاول إنك أنت يعني ترجع لربنا.

في مشهد زي ما بيقولوا كده، أنت عارف إن دايماً تقرب من ربنا في اللحظات دي وتقول الشهادة، ده شيء أساسي. لكن برضه الأصعب هو إحساس الموت نفسه. ودي يمكن وال أهل والناس اللي بيبقوا مرتبطين بحضرتك، فبتبقى الأمور مختلفة شوية. وطبعاً لأن دماغي ناشفة شوية، قعدت شوية جسم عاوز يستسلم وعقل بيحاول إنه يواجه. لحد ما تم نقلي للمستشفى، والحمد لله خدت العلاج بتاعي وخرجت الفجر.

جيت الصبح برضه ركبت دماغي ونزلت الشغل. وكانت برضه دي مشكلة اتكررت النهارده. حتى يوم كان مركبين لي حاجات كده لحد ما أخلص إن شاء الله. فأنا بتأسف لو صوتي هيكون. وأنا بشكر حضراتكم. أستاذ بوب محمد اللي بعتلنا كم دعوات. أستاذ يوسف بيقول إن حضرتك بتدعي لنا بشكل واضح. وأنا سعيد برسائلكم. ويمكن وأنا خارج من المستشفى النهارده كلمت فريق البث المباشر جهزته. قال لك: "أه، جهزني". قلت لهم: "خلاص، أنا جاي". لسببين: أنا سعيد برسائلكم، سعيد بتفاعلكم معانا، سعيد بتواجدكم معانا باستمرار. وأنا بقدر حضراتكم جداً والله. وعلى فكرة رسائلكم بتعني لي الكثير بجد.

كمان يعني سعيد إني ببقى، أنتوا، أنتوا جزء من كياني ولازم أكون متواجد معاكم بشكل يومي. وبصراحة برضه في ناس تانية مرتبطة برقبتي، اللي هم الفريق اللي شغال معايا، وفريق كبير مش فريق صغير. يبقى يصعب عليا إني أضيع مجهودهم طول اليوم. لا، نيجي نجي ونشتغل. وهي كده الصحافة دايماً ولادها تقدر تقول بيقبروا بدري. التعبير وكل حاجة. العمار بيد الله. لكن هي الصحافة صعبة. الصحافة من أصعب المهن. مهنة لا تتمناها لألد أعدائك. لكن للأسف هي مهنة ممتعة. مهنة كل ضرايبها بتحاسب عليها من جسدك، من صحتك، من راحتك، من... مش عايز أطول على حضراتكم. ده شكر مستحق أنا بتوجه به لحضراتكم النهارده. أنتوا أسعدتوني، فرحتوني بجد. يعني أعتقد إن لا، أنتوا أهل بجد. فسعيد بيكم. وأنا بتأسف لو صوتي هيكون مش قوي، لكن أنا هحاول أقرص وأدخل في المود. أنتوا عارفين يعني في الأول وفي الآخر إحنا بقينا فترة مع بعض.

طيب، نبدأ اللايف بتاعنا. ومحتاج من حضراتكم تتفاعلوا معانا أكتر بشكل قوي. لأن بصراحة اليوتيوب الظاهر إنه زعلان من حلقتين نزلناهم عن حرب أكتوبر. فيبدو إنه مقلل الريتش شوية إلى حد كبير. لأننا زعلنا فيهم الجماعة اللي على حدودنا الشرقية اللي ما يتسموا. فبتمنى أتمنى إن حضراتكم تتفاعلوا معانا على اليوتيوب وعلى الفيسبوك وكمان على التيك توك. وخلينا نبدأ. وأنا بتأسف قوي على المقدمة الطويلة، بس ده حق لحضراتكم.

خليني أبدأ بمعلومة لم يتم نشرها حتى وقتنا هذا. المعلومة دي معلومة مهمة تخص زيارة دبلوماسية كنت قلت لكم عليها من كام يوم. الزيارة دي قام بها وفد استخباراتي مصري. الوفد الاستخباراتي ده خلال الساعات اللي هي خلال الـ 73 ساعة أو الـ 72 ساعة اللي فاتوا، تم أو أُتمت هذه الزيارة هناك في العاصمة البريطانية لندن. لندن أو بريطانيا لديها مشروع هي الأخرى. شافت إنها بتبتعد عن المشهد وعن الواجهة، فبدأت تلجأ أو ترجع تاني إنها تقوم بدور قيادي. خاصة بعد ما إسرائيل قدمت كامل الفروض والولاء والطاعة للناحية الثانية، الولايات المتحدة الأمريكية، دون أن تأتمر بأمر لندن أو غيرها أو فرنسا. لأن هي من الآخر مندوب عن دول أوروبا، والناحية الثانية مندوب عن الولايات المتحدة الأمريكية في إثارة القلاقل في منطقة الشرق الأوسط. وإحنا حكينا القصة دي بالتحديد وقلنا هو ده الدور الوظيفي لإسرائيل. إسرائيل لا ليس مطلوب منها إنها تكون دولة، ولا المطلوب منها إنها تستقر، ولا المطلوب إنها تنتصر بشكل كامل. ودي نقطة مهمة لازم حضراتكم تكونوا على وعي بيه وفاهمينها. وحضراتكم فاهمينها بالفعل.

لكن النهارده في مصالح الدول بتختلف. النهارده بريطانيا لما لقت إن في استقرار في إسرائيل، وإنها بتحاول تخضع حكام في الدول المنطقة، وإنها بتسعى لتقديم وتعظيم فروض الولاء والطاعة لأمريكا، بدأت تنقل العطاءات لدول في المنطقة. هنا عندنا في مصر، القيادة السياسية استغلت هذا الأمر وأرسلت وفودها الاستخباراتية القادرة على التعامل مع الناحية الثانية، بريطانيا بالتحديد، وإن هي تقدر تلبي مطالبها. طب هل البي مطالبها بتواجد بريطانيا في قاعدة عسكرية مصرية مثلاً على أرض مصر؟ اطلاقاً. إحنا ما عندناش المكان أو الكلام ده. هل نديها أو نمكّنها من ثرواتنا؟ اطلاقاً. لكن هناك شراكات.

النهارده أنا بحيّز بريطانيا في حالة حدوث صدام أو صراع ما بيني وما بين إسرائيل في أي وقت من الأوقات، لأن ده شيء وارد. خد بال حضرتك، السياسة ما فيهاش ثوابت. وبالتالي أنا بحيّز الناحية الثانية، بريطانيا. بدخلها في مصالح مشتركة معايا. وتم بالفعل اتفاق هناك. والاتفاق ده المفروض هنعمل له حلقة موسعة. ويا ريت تكتبوا في الكومنتات لو عايزين حلقة "مصر وبريطانيا: الاتفاق السري". يا ريت تقولوا لنا.

لكن النهارده هديك أو هديك بمعلومة ثانية، وهو إن وفد بريطاني وصل بالفعل القاهرة. أه، وصل ولم يتم إعلانه. نفس القصة، وكأنه بيرد في رسالة عاجلة. وخد بالك، الاستخبارات الإسرائيلية عندها المعلومة دي، أو إسرائيل عندها المعلومة. لكن المعلومة دي مش معلنة أو منشورة حتى الآن في الوسط الصحفي في مصر. إحنا وقعنا عليها بالصدفة. لأن الوفد ده مش تمثيله قوي. بمعنى دقيق، وفد من الصف الثاني والصف الأول جاي الأيام الجاية. ده اللي هيتم إعلانه. الصف الثاني جه عند حضرتك هنا وبدأ مفاوضات في القاهرة في منطقة ما داخل القاهرة. والمفاوضات دي كانت بتنتد، كان بيحضرها مسؤولين استراتيجيين وآخرين عسكريين، ده غير الدبلوماسيين. وتم التفاوض على عدد من المشروعات وعدد من الصفقات المهمة.

أولها فيما يخص الجانب الاقتصادي، هيكون لهم حقوق هنا حقوق تنقيب بأسلوب أو بطريقة التخصيص المباشر في الأول. لكن هيدخلوا بعد كده المناقصات والمزايدات وهيدخلوا بتخصيص مباشر بعقد مُنصف. عشان بس أكون واضح مع حضرتك. دي معلومة. هتقول لي: "إزاي؟" هقول لك: "كده هي مصالح ما بينا وما بين بعض". أنت بتحيّز.

النقطة الثانية إن هناك صفقة عسكرية مهمة. ودي بقى اللي لفتت نظري. هتحصل مع بريطانيا. أنت النهارده محتاج بريطانيا محتاجة يكون ليها كم كبير من الاستثمارات تضخها ويكون ليها كم كبير من عائدات. أنت النهارده بتتكلم مع صفقة أو في صفقة يصل قوامها حتى وقتنا هذا وأنا بكلم حضرتك حسب التسريبات الأولية، صفقة عسكرية فقط تصل لحوالي من أربعة إلى ستة مليار جنيه استرليني. خد بالك دي نقطة مهمة جداً. الصفقة دي هتشمل صواريخ متطورة. ده الكلام الحديث اللي في الأول. هتسمع، هتشمل درع صاروخي متطور، هتشمل قنابل وذخيرة متطورة. أنت بتتكلم كمان عن جزء يخص الطيران بالتحديد، وجزء آخر يخص القطع البحرية. أنا بقى مش عارف تفاصيلها، لأن أنت لسه بتتكلم على كلام تفصيلي بسيط، خطوط عريضة. ما فيش تفاصيل مهمة تم إنشائها أو تم الحديث عنها في وقتنا هذا. ودي معلومة لما تفتكر أو حد ينشرها، اعرف إن هي طالعة عن طريق "50 اقتصاد". فريق الدبلوماسي جزاه الله مشكوراً قام بالمعلومة دي وجابها النهارده بالتحديد. فإحنا قلنا لا، مش هنقعد. فريقنا لأخر يقوم عامل حلقة كاملة تفصيلية لما حدث أو لكواليس الاتفاقات الغرف المغلقة.

فدي نقطة. طب أنت كمصر محتاج منهم صفقات عسكرية؟ أه. ليه بقى؟ لأن في تقرير لطيف النهارده صادر من بريطانيا نفسها إن صادرات الأسلحة البريطانية لإسرائيل وصلت في حدود 7 مليار جنيه استرليني. أنت صفقتك من أربعة لستة ولسه هتزيد. ده اتفاق أولي. خد بال حضرتك. أنت بتاخد من عندهم أسلحة متطورة. كمان بتطالب بحقوق التصنيع وإن يكون في شركات ما بينك وما بينهم فيما يخص التصنيع. ودي نقطة مهمة لازم حضرتك تاخد بالك فيما يخصها.

طيب، كمان هيكون ليهم هنا مدينة صناعية موجودة فيما يخص المنطقة الاقتصادية لقناة السويس. وهناك شراكة تصنيعية ما بينا وما بينهم. الأتوبيس أصلاً اللي هو من معالم لندن الشهير، أتوبيس أبو دورين، ده أصلاً بيتصنع عندنا هنا في القاهرة. خد بال حضرتك. فانت بتتكلم كمان عن إن يكون ليهم منطقة صناعية عند حضرتك هنا بما لهم من كم كبير من الاستثمارات.

أهم نقطة أنت أدرت حواليها الحديث وهي عدم ثقة مصر في أمريكا أو في إسرائيل أو حتى في لندن وبريطانيا نفسها أو حتى فرنسا. الناحية الثانية، أنت بتتكلم صفقات ومصالح. لا صداقة، لا عداء، لا أشقاء، لا اتفاق تام، لا اختلاف تام. فقط مصالح. فإحنا بنتكلم النهارده وإحنا بنقول المصالح. النهارده أنت بتجيبهم هنا وبتشرك أنت بريطانيا وليست أمريكا. أمريكا قالت هيكون في دول أوروبا إن شاء الله موجودة. لأن أنا جايلك في مفاجأة دلوقتي من داخل الخارجية المصرية.

معلومة حصرية لينا النهارده دلوقتي. دونالد ترامب. اصبر معايا بس. ما هو عشان كده اللايف ده ممتع. ما كانش لازم حتى لو كان في مرض أو عندي ظروف مرضية قهرية ما ينفعش أغيب عن حضرتك في اللايف ده بالتحديد. طيب، قال لك إيه؟ قال لك والله إن هم خدوا كم كبير من الأسلحة والمعدات فيما يخص إسرائيل. فانت النهارده لازم تثبت لبريطانيا إنك ذو جدوى اقتصادية فيما يخصها. ده رقم واحد. كمان بتخص أو بتثبت لبريطانيا نقطة ثانية إنها لازم تكون متواجدة ولها كرسي في منطقة الشرق الأوسط. إحنا من رجالتك يا بريطانيا. فالنهارده لو عندك أسهم مسمومة ومتضايقة مننا وعشان إحنا قافلين حدودنا عليكي، لا، إحنا بنفتح التعاون ما بينا وما بعض. وفي تعاون ما بينا وما بينكم. وأنتم برضه توقفوا الآليات الإعلامية الهدامة اللي عندكم. وفي نفس الوقت كان لكم موقف مشرف فيما يخص غلق أو إزالة الحواجز من أمام السفارة البريطانية. ما صعدتوش الموقف قوي. هو 24 ساعة ورجعتوا شغلتوا السفارة بكامل تمثيلها. وبعد كده حصل توافق ما بينا وما بينكم. فالأمور بقت ماشية كويسة. فانت النهارده عرفت تلعبهم بالكارت، كسرتهم. وفي الآخر بتجيبهم زي ما بيقولوا على جنب أو تعدهم جنبك كده عشان تفهمهم القصة فيها. هي دي السياسة، هي دي الدبلوماسية. ما فيش ثقة. خد بال حضرتك. قالها ونستون تشرشل، رئيس وزراء بريطانيا في الحرب العالمية الثانية. قال: "السياسة مصالح. لا صداقة، لا عداء. عدو الأمس هو صديق اليوم، وصديق اليوم تأكد بأنه عدو الأمس بأي حال من الأحوال. فقط مصالح".

ده كان الجزء البريطاني. أنا الجزء أو أو الشغل. أنا يعني زي ما تقول متشوق إني أشوف الحلقة دي كاملة مكتوبة بما فيها من تفاصيل واتفاقات. وإن شاء الله تكون عند حضراتكم نفس القصة فيما يخص بريطانيا. كنت قلت لك الحلقة اللي فاتت، يعني اللايف اللي فات بالتحديد واللي قبله، إن في صفقة عسكرية ما بين مصر وما بين فرنسا تمت بالفعل. وإنها صفقة غواصات في المقام الأول. ما تمش الحديث عن نوع الغواصات حتى وقتنا هذا، برغم إن إحنا عندنا كم نوع بنتكلم فيه. هناك مش نوع واحد زي ما هو معلم في الإعلام. عشان بس أكون واضح مع حضرتك. فدي نقطة أنا حبيت برضه إني أكلمك فيها. يبقى أنت النهارده بتدي صفقات هنا وبتدي صفقات هنا. وأنت بتدعو فرنسا للحضور والقاهرة لحضور القمة اللي هيلتقطوا فيها الصورة التذكارية كلهم. واللي يقدمها دونالد ترامب اللي أنت هتجيبه عندك. واللي دي عندنا كمصريين لها ثمن. حبيت أبدأ لك النقطة دي.

مشهد تاريخي. مشهد تاريخي بجد له كامل الاحترام والتقدير. مشهد تاريخي مزين بالأعلام المصرية. مصر بطل القصة والحكاية. بس برضه الشعب الفلسطيني، أهل غزة، بطل القصة والحكاية والرواية والحدوتة. الناس دي تحملت الكثير. لا أتحدث عن حركات مقاومة. كلهم لهم كامل الاحترام والتقدير بما لهم وما عليهم. ومن انتقادات وغيرها. خلاص، إحنا مش هنخش في عداوة. كل واحد بقى عارف اللي عنده إيه. اللي معروف عند حماس وتجاه ضد مصر، واللي حصل مع مصر، والقصه دي كلها. أنا يهمني الشعب الفلسطيني، أشقاء، الناس اللي هي تعبت، اللي لازم ترتاح.

النهارده في مشهد يعني زي ما بيقولوا يعني تندى أو يعني تفخر له الرؤوس. بيعود الشعب الفلسطيني تاني في مسيرات من أطراف قطاع غزة إلى داخل قطاع غزة. بعد أن وقع أو تم توقيع واعتماد الصفقة في الساعات المتأخرة من صباح أمس لدى مجلس الوزراء الإسرائيلي. بعد أن سافر ستيفن ويتكوف وجارد كوشنر، الاثنين، إلى إسرائيل وحضروا اجتماع مجلس الوزراء المصغر. اللي قبلها كان في غارة صغيرة كده في شارع الرشيدي. وبعدها تم احتواء هذا الموقف لحد ما تم توقيع اتفاق النار رسمياً، وقف إطلاق النار. وقتها تم أو صدرت الأوامر للجيش الإسرائيلي بوقف إطلاق النار.

طيب، دي نقطة مهمة. طيب، مشهد تاريخي راجع. النهارده المصريين مزينين بأعلام فلسطين. ومصر هم نفسهم هم اللي حاسين بالقضية وعارفين الأمور ماشية فين. وقال لك: "هنطلق اسم مصر على أكبر ساحات غزة". واعتقد إن مصر هتبدأ هي عملية إعادة الإعمار.

طيب، أنا عندي معلومة إن مصر النهارده، النهارده وامبارح على فكرة، الخارجية المصرية بدأت تتواصل مع كافة دول العالم. أنت بتتكلم النهارده، كل دول العالم بيتم توجيه دعوات ليها إنها تشارك في صندوق إعادة إعمار غزة. اللي هو هيكون صندوق دولي. هيكون الرقابة عليه دولية وليست مصرية. هتبقى مصرية، سعودية، إماراتية، قطرية، ألمانية، أوروبية، بريطانية، فرنسية. مش دولة واحدة. عشان خد بال حضرتك، أول ما يقول لك إن الصندوق ده اتعمل، هيقول لك: "مصر هي اللي بتاخد الصندوق ده، هي اللي بتصرف عليه". قصدي هي اللي بتاخد فلوس يعني بتسطو عليه. بتسطو عليه. دي الكذبة الجديدة اللي هتطلع. وبقول عاصم سبق الموضوع وقام. دي معلومة صدرت لنا وجبناها من الخارجية بطريقتنا. بدأت وزارة الخارجية تبعت لهم إشارات وإيميلات. وبالفعل النهارده بريطانيا بتستجيب. وكمان بالتحديد ألمانيا. ألمانيا اللي هي تعتبر من أكثر الدول اللي فيها اليمين خلاص هو اللي بيسيطر، هو اللي بيسوق اليمين. واليمين ده عنده آراء متطرفة فيما يخص القضية الفلسطينية. أنت النهارده بتتكلم عن اليمين اللي الألماني بيتصل النهارده المستشار الألماني ورئيس الوزراء الألماني بالرئيس السيسي وبيقول لك إن خلاص ألمانيا بتعرض أرقام. أرقام بنتكلم في أرقام كبيرة ممكن توصل لحوالي مع الوقت لنصف مليار يورو بالتحديد لدعم. مع الوقت لسه هو أعلن عن جزء من الرقم النهارده. بس هيتم لدعم أو لدعم القضية الفلسطينية بالتحديد وإعادة إعمار قطاع غزة. واللي هيقوم بده شركات مصرية وأي شركات عالمية عايزة تشارك، أهلاً وسهلاً. لكن الشركات المصرية مشرف عليها أو يتم الإشراف عليها من قبل الجيش المصري. اللي دلوقتي جهز آلياته كلها فيما يخص إعادة الإعمار. لا، ده كمان النهارده في كذا حاجة حصلت هحكيها لك فيما يخص الاختراق. بس هو جهز آلياته وبيطالب إن يتم دخول الآليات لتعبيد الطريق فيما يخص تجهيز الطرق. يعني فيما يخص المنطقة أو المسافة ما بين معبر رفح الجانب المصري والجانب الفلسطيني. وكمان ما بعد الجانب الفلسطيني عشان يتم رصف طريق في 48 ساعة إلى داخل قطاع غزة. طريق بكافة المعايير. ورجاء من الشركات المصرية المرة الجاية وهي بتعيد إعمار قطاع غزة، تعمل حسابها إن يكون فيه ملاجئ تحت الأرض ضد الذخيرة أو ضد الحاجات اللي هي بتخترق التحصينات. نحاول على قد ما نقدر نعمل ملاجئ تكون مدنية. دي نقطة مهمة. بنية تحتية مستعدة في أي وقت للتصدي لعملية صدام في أي وقت ممكن تحصل. يا ريت مصر تعمل ده. وأعتقد إن مصر هتعمل كده. أنا متأكد من النقطة دي. شركات مصرية هتقوم. من الجانب الآخر هيكون في العمالة هتكون من أهالي قطاع غزة نفسهم. هيتم تشييد بنية تحتية من جديد. كم كبير من المستشفيات. دول كتير بدأ يتم توجيه الرسالة ليها. كان أبرزها برضه المملكة العربية السعودية والإمارات وقطر وسلطنة عمان. فيما يخص كمان البحرين، الكويت. النهارده أنت بتتكلم عن الجزائر والمملكة المغربية. تم توجيه رسالة واضحة لها. واعتقد دي معلومة جاية من الخارجية النهارده. لأنها استفهمنا على كافة الدول اللي إحنا بنتكلم فيها دي في التحدي. بتأسف إني لموضوع الصوت. أنا آسف. أنا آسف. أنا عارف إني متقل على حضراتكم، بس تحملوني النهارده بس. وإن شاء الله بكرة أكون أفضل يعني.

طيب، فدي نقطة مهمة. طيب، جيش كمان الجيش الأمريكي بيتقدم أو بنتكلم جيش مصر بيتقدم إلى الحدود. وكمان جيش أمريكا. إيه القصة؟ طيب، ما تيجي ناخد العنوان ده ونحاول نقربه بعنوان آخر يخصه برضه. اللي هو انسحاب الجيش الإسرائيلي. النهارده بدأت عمليات انسحاب الجيش الإسرائيلي من كافة الشوارع الرئيسية والفرعية من داخل قطاع، خاصة إلى حدود بقى الخطوط الصفراء والخطوط الحمراء والخطوط الخضراء اللي تم رسمها. خد بال حضرتك إن مع تسليم آخر رهينة أو آخر أسير إسرائيلي لدى فلسطين والعكس كمان، آخر أسير فلسطيني لدى إسرائيل. اللي الأسرى ما بين اللي عند فلسطين واللي عند حماس واللي عند إسرائيل الناحية الثانية، هيكون في انسحاب كامل للجيش الإسرائيلي إلى خارج حدود قطاع غزة. ومصر حريصة إن كمان يكون في منطقة عازلة تكون ناحية الجانب الإسرائيلي وليس ناحية جانب قطاع غزة. تخيل. وعشان النهارده يبقى برضه أهل قطاع غزة عندهم القدرة على حماية نفسهم. والقوات الدولية هتتواجد في المنطقة العازلة. وهنا بقى نقطة جايبينها لك من مصادر دبلوماسية. جميل. النهارده كان في مشهد مهيب. انسحبت الآليات والمدرعات، فصائل وجرافات الجيش الإسرائيلي من كافة الشوارع في قطاع غزة. لكن كانت في نقطة مهمة متمسكة بها القاهرة. القاهرة اللي بتخترق صفقة غزة. أيوه، اخترقته. اخترقت وقفة إطلاق النار بطريقة معينة. وهي دي بقى اللي بتثبت إن القاهرة دولة أو مصر دولة بالتحديد. والقاهرة لديها صوت. صوت واضح جداً بأن ما يحدث على أرضها لازم يتم تصديره بره. ليه عملت معاك زي ما عملت معاك؟ دي أرضي. بوقفة إطلاق النار، أرضى بالإفراج عن الأسرى. وشوف إحنا هنعمل إيه. قال لك إيه؟ خد عند حضرتك مبدئياً جرافات أو الجيش المصري تواجد على الحدود. أه. جرافات الجيش المصري هي المتواجدة. يعني بالنسبة لك الجزء الأولاني من إعادة الإعمار ده على نفقة الجيش المصري. ادي واحد. الجرافات هتعمل الطرق على نفقة الجيش المصري عشان نبدأ نجهز دخول الآليات أو دخول الأسطول اللي إحنا محولتين. وأنا عندي معلومة عن الأسطول. ادي واحد.

فبالتالي الجيش كمان بدأ يتقدم إلى ما يخص الحدود. الحدود المصرية. طب متواجد يا عاصم؟ لا، استنى. النهارده عندنا في عنوان لطيف أنا ربطته بالقصه دي. خد بالك أنا ربطت العنوانين. خليك معايا في النقطة دي. هتحس إنك يعني مش وصلك، بس هتوصل لك.

هناك مفاجأة من الرئيس ترامب للرئيس المصري عبد الفتاح السيسي. المفاجأة دي جايبينها لك من مصدر دبلوماسي. قال لك إن بيتم من أمريكا بشكل من الباطن تفويض مصر في إدارة كافة بنود صفقة غزة. صفقة وقف إطلاق النار والإشراف عليها. حتى إنها بما فيها عملية إعادة الإعمار. يعني أمريكا هي المتصدرة المشهد. ما فيش مشكلة. لكن أنت كمصر بتدو أو بتقوم بدور. الدور ده تقدر تقول عليه مقاول. ما هو أنت لو ما قمتش بالدور ده غيرك هيقوم بيه ومش هيقوم بالشكل اللي أنت عايزه ده. هيقوم بشكل يهدد حضرتك. وبالتالي أنا كمان عندي نقطة مهمة جداً تخص القصة دي بالتحديد. إيه هي بقى القصة دي؟ إن مصر هي اللي بتتصدر المشهد. وبالتالي عملت اختراقات بسيطة كده لوقف أو صفقة ترامب. أول حاجة، إحنا بنتكلم سلم كان فيه حوالي 400 شاحنة بتستعد. هي خلاص بتستعد للدخول عبر معبر كرم أبو سالم. أما فيما يخص الجانب الآخر، ففرضة معبر رفح هيتم عن طريق إدخال شاحنات بمجرد ما تعدي آليات الجيش المصري تمهد الطريق لدخول هذه الشاحنات. وإحنا بنرصف الطريق في ساعتين اثنين. مش هنغلى. وخاصة بقى دول أهلنا في قطاع غزة. ده إحنا ممكن نخلصه في ساعة واحدة. فدي نقطة مهمة.

طيب، هحاول أعلي الصوت حاضر. هحاول أعلي الصوت. طيب، بنتكلم كمان في نقطة ثانية. أستاذ يوسف بيقول لي: "أنا ورا الكاميرا لو سمحت علي الصوت عشان الناس تظبط الدنيا معاها شوية". أو بيقولوا: "معلش، أنا آسف، معلش". ماشي. فدي نقطة. طب النقطة الثانية النهارده هيخش جنود من الجيش المصري لتجهيز النقطة. هل هي قوات خاصة أو تبع الاستخبارات المصرية أو القصة دي كلها؟ نفس ما حصل في المرة الأخرى الأولى حصل. هيحصل دلوقتي. أنت كمان بيتم تكيس قطاع أو معبر رفح من الجانب الإسرائيلي. خد بقى الشديدة أو الجانب الفلسطيني. إسرائيل بتنسحب أو انسحبت النهارده من معبر رفح بآلياتها بمدرعاتها بالناس اللي كانت متواجدة. هيتسلموا قوى دولية بقيادة أمريكا. أه، بس المدير مصر. يعني هتتواجد قوات مصرية، مسؤولين فلسطينيين، مسؤولين من الأمم المتحدة، مسؤولين من دول أوروبا وفرنسا وألمانيا وبريطانيا بالتحديد، وكمان أمريكا. بما فيهم 200 جندي أمريكي. غير 200 اللي تم إرسالهم إلى إسرائيل الناحية الثانية. لا، ده في 200 تانيين. خد بال حضرتك. هيبدأوا أو هينزلوا في المعبر ده بالتحديد. الـ 200 دول هينزلوا في ضيافة القوات المصرية في الجانب المصري. بعد كده هيتم إدخالهم عن طريق المعبر. هيكونوا مشرفين بس. أنت الأساس القوى الكبرى هتبقى من مصر. يبقى جيش مصر بيعدي الحدود وبيدخل قطاع غزة بشكل رسمي. مش راضيين نقولها عشان بس هو اللي هيكون يعني العنصر الأساسي في تفتيش الشاحنات المعدية اللي هتمر عبر أو هتعدي عبر المعبر من الجانب المصري والجانب الآخر. يعني معبر رفح المفتوح من الجانب المصري هيزيد. فدي نقطة مهمة. يبقى تفويض ولا مش تفويض؟

طيب، كنا بنتكلم في 400 شاحنة. بقينا نقول 600. خد بقى بالك دلوقتي حالا وأنا بكلمك. مصر بتتكلم في 1000 شاحنة يومياً. يومياً هتضغط عشان تقدر تدخلهم. يومياً لكل أرجاء قطاع غزة. في نفس التوقيت وهيشرف على توزيع المساعدات ناس أو فرق من الناس اللي اتكلمنا فيهم دول. بيبقى فيهم الجانب المصري بالتحديد. وعايز أقول لك بالبلدي كده، مصر هي اللي هتوزع برضه المساعدات. وهيكون معاه المسؤولين الفلسطينيين. دي نقطة. خلال ساعات برضه. دي معلومة مش هتلاقيها لا في مكان تاني. هيوصل وفد فلسطيني. الوفد ده تبع الرئاسة الفلسطينية. بيتم تنسيق لصفقة ما. ويمكن النهارده الوفد ده قبل ما يتحرك أو أول ما وصل القاهرة جهز بيان صحفي. البيان ده تم صياغته في القاهرة. ودي معلومة تخصنا إحنا برضه. فريقنا الدبلوماسي جايبها. وتم إرساله للسلطة الفلسطينية على لسان الرئيس محمود عباس. اللي وجه الشكر لدونالد ترامب بشكل يعني يبان إن مصر هي اللي صاغت البيان. رقم اثنين، الإشادة بما قامت به دول أوروبا. رقم ثلاثة، الإشادة طبعاً بالدول المصرية والدول العربية. رقم أربعة، إن إحنا بنتحرك في فلسطين بقوة بمساعدة الشقيقة مصر والشقيقة الأردن. بيرجع التحالف أهو مرة أخرى. وعشان يتم إقامة انتخابات وسلطة كاملة في فلسطين. الانتخابات دي هتكون انتخابات برلمانية. عندك كمان انتخابات رئاسية. عندك كمان انتخابات المحليات. بيتم دلوقتي خلاص تجهيز قوات أمن. حوالي 10,000 جندي. ومصر عندها طموح إن توصل بالأرقام دول لحوالي 50,000 جندي فلسطيني تم تدريبهم. خد بالك دول قوة عسكرية. النهارده أنت بتتكلم عن مشهد كبير هيتم تجهيزه داخل قطاع غزة. أنا بقول لك ده سيناريوهات من المستقبل أهو. حاجات من جوه الكواليس المصرية. مصر بتفكر فيها توصل لإيه. فالقوات دي متواجدة لحماية. وهيكون في قوات دولية وقوات مشتركة. فدي برضه نقطة مهمة حبيت أقول لك عليها.

أمال إيه؟ عاصم، أسطول مصر يعبر إلى قطاع غزة. ده عايز أقول لك دول أسطولين. أسطول بحرية مصرية متواجد في المياه المصرية بالقرب من قطاع غزة. ده نظراً لمراقبة دور أو دور مصر مراقبة اتفاق وقف إطلاق النار. فده يستدعي تواجد البحرية المصرية. لأن صدرت أخبار النهارده أو تواترت أخبار عن إن البحرية الإسرائيلية بتهدد الأهل أو أهلنا في قطاع غزة. إنها بتقترب من الحدود المائية وبتحاول تضرب نيران فيما يخص. لأن النهارده دونالد أو بمعنى دقيق بنيامين نتنياهو بيحاول إفشال الهدنة بأي حال من الأحوال بالاشتباك مع الفلسطينيين تحت أي ظرف من الظروف. فدي برضه نقطة كنت حابب أكلم حضرتك فيها. نقطة مهمة جداً لازم تاخد بالك من إيديها. حاجة. فالبحرية المصرية بتتواجد للرقابة أو للإشراف نيابة عن أمريكا فيما يخص موقف أو وقف إطلاق النار كمراقب. أنت هنا مش مجرد واحد شريك في الصفقة. أنت مراقب للصفقة. ودي نقطة لازم تاخد بالك منها.

طيب، في بقى أسطول ثاني وهو أسطول المساعدات اللي بيجهز دلوقتي. خلاص جهز ودخلت الشاحنات بالقرب من معبر كرم أبو سالم. لحين تجهيز معبر رفح هو الآخر الناحية الثانية. اللي هو مش مخول بمرور الشاحنات. لكن إحنا هنحاول نتسرب عشان نعدي الشاحنات دي بشكل أو بآخر.

طيب، ودي كانت مفاجأة ترامب للرئيس السيسي. اللي هي تفويضه هيكون في صفقات كتيرة. بس إحنا بنحاول نوصل لها ل من جانب دبلوماسي أو من جانب آخر. إن يكون في يعني معلومات تسريبات للنقطة دي قبل ما يجي مصر.

طيب، بنتكلم كمان في نقطة ثانية مهمة برضه وهي تخص الرئيس ترامب. اللي خلاص راحت منه جائزة نوبل للسلام. واللي حتى بتتكلم عن ماريا كورينا. اللي هي المفروض أو حصلت على جائزة نوبل للسلام. النهارده في فنزويلا. واللي أهدتها للرئيس دونالد ترامب. واللي هي بقى لها يومين ثلاثة أصلاً مستخبية في السفارة الأمريكية في فنزويلا هناك. واللي هي زعيمة المعارضة في فنزويلا. والمفروض صادر بحكمها أو بحقها أحكام. ماريا أو ماريا كورين ماشادو. دي واحدة اللي هي تقدر تقول بتنوب عن دونالد ترامب هناك في فنزويلا. وهي إنسانة أو عندها فكر يميني. مهندسة في مجال الصناعة بالتحديد. بتسعى للقضاء على الاشتراكية. عندها بتخوض مفاوضات شرسة أو تقدر تقول منافسة شرسة مع الرئيس الفنزويلي نيكولاس مادورو. ده خصمها الأكبر ليه. حاولت إنها تدخل قصاده كم كبير من الانتخابات وكم من الاصطدامات. لكن حتى وقتنا هذا لم تحقق أي حاجة. مدعومة من أمريكا رأساً. خد بال حضرتك. ومستخبية أو لاجئة لدى السفارة الأمريكية هناك في فنزويلا. وعايز أقول لحضرتك إن هي بتعد أمريكا في حال وصولها للحكم إنها تتحول لنظام رأسمالي حر. وطبعاً فنزويلا أو البترول الفنزويلي هيكون تحت تصرف أمريكا. فدي نقطة مهمة.

طيب، هل مصر ممكن تعوضه؟ أه. أه. مصر ممكن تعوضه. هو راجل عنده النرجسية عليه. وإحنا كمصر ما يفرقش معانا النقاط دي بالتحديد. إحنا في النهاية عندنا اتفاق واحد بس عايزين نبرمه. اتفاق المهم اتكلمنا فيه امبارح وأول وأول وأول فيما يخص اللايفات اللي عملناها. وهو اتفاق غزة. لازم يتم للنهاية. إسرائيل تسعى لإفشاله. وأنا جايب لك مفاجأة دلوقتي تخص بنيامين نتنياهو والرئيس السيسي والرئيس دونالد ترامب. وإيه اللي حصلت في الكواليس. وإزاي مصر قدرت إن هي تخلي نتنياهو في صدام ومواجهة مع ترامب. وده كان تقرير من يعني نشره النهارده الواشنطن بوست أو الواشنطن بوست هي اللي نشراه النهارده. وهحكي لك تفاصيله. ده تسريبات من البيت الأبيض. فإنا بكلمك إن الراجل ده أو بمعنى أدق بيجري دلوقتي الحديث على إنه يحدث أو يحصل على وسام عندنا. نجمة سيناء. ده واحدة من أرفع الأوسمة. بس بصراحة يعني ترامب ما يستاهلهاش. ليه بقى؟ لأن نجمة سيناء دي بتاعة الشهداء والناس اللي شاركت في حرب أكتوبر. عندنا برضه وسام مهم جداً اللي هي قلادة النيل العظمى. ودي واحدة من القلادات اللي صعبة أي حد برضه يحصل عليها. لكن أنت النهارده بترضي غرور هذا النرجسي. وعشان تستخدمه في يعني أنا بفهم. أنا وأنتم مش بنقول بقى عشان يوصل لرئيس ترامب يعني. إحنا بنفهم كلنا مع بعض القصة دي بالتحديد. ف عشان في الآخر تحقق المطالب اللي أنت عايزها كمصر. وإنك تبعد عن حدودك الخطر. وتعيد إنصاف القضية الفلسطينية مرة أخرى. ودي نقطة مهمة.

طيب، بنتكلم كمان عن خبر مهم جداً وهو خبر خيانة كبرى وتحذير إسرائيلي صارم. قبل ما أجي لك بقى على مفاجأة دونالد ترامب وإيه اللي حصل وإزاي النهارده دونالد ترامب هدد بشكل واضح بنيامين نتنياهو. وأمهله أيام بسيطة لمغادرة السلطة هناك في إسرائيل. نقطة ومن أول السطر.

طيب، الخيانة الكبرى بنتكلم فيها. احتياطي أو بمعنى دقيق متحدث باسم الجيش الاحتلال الإسرائيلي قال لك: "الميليشيات المتعاونة مع الجيش الإسرائيلي في غزة لن تدخل إلى إسرائيل وعليهم مواجهة مصيرهم". قال لك إن حالة من الاضطرابات والتشنجات دلوقتي بتسود بين الميليشيات التابعة للاحتلال. وهم عددهم من حوالي أربعة إلى خمس ميليشيات على ما أعتقد. أعتقد أهمهم ميليشيا جماعة أبو الشباب اللي هي بتاعة ياسر أبو الشباب. وده في عقاب الإعلان عن وقف اتفاق النار. الدنيا مقلوبة هناك. الناس دي هتكون في مواجهة مع أهل غزة ومع فلول أو الباقيين أو المتبقين من حماس. الناس دي مش هيبقى ليها أي دور بأي حال من الأحوال. الناس دي الدول أو القوات الدولية المتواجدة هتعتبرها هدف لو حاولت في وقت من الأوقات إنها تدخل في صدام معاها. لأن الناس دي هي يد إسرائيل لضرب المنطقة. الراجل أبو ياسر أبو الشباب عامل حوار النهارده مع صحيفة موقع "يديعوت أحرونوت" بيقول لك: "إننا نتطلع إلى غزة خالية من فصائل المقاومة. وإننا لنا دور هنديره الفترة القادمة. ولابد من إشراكنا". ده عايز يدخل من دلوقتي في الحكم وفيما يخص النقطة دي. فاسرائيل خانته. تخلت عنه.

على الناحية الثانية، في تقرير منشور في واشنطن بوست في افتتاحية الصحيفة النهارده. الصدر أو المرآة الأولى أو الصفحة الأولى فيها بيتكلم عن إن هناك كواليس عن إن دونالد ترامب نتيجة الدور اللي قام بيه. وخد بال حضرتك هناك دول لازم تقوم بدور معين لصالح السياسة الأمريكية. خلينا نتفق. عايز أقول لحضرتك كان في حد كاتب بوست قدامنا. حد محلل سياسي. ومعظم السياسيين بيقولوا إن 90 أو 95% من أوراق اللعبة في منطقة الشرق الأوسط والعالم حتى وقتنا هذا في يد الولايات المتحدة الأمريكية. وإحنا مش هنقول لك لأ. كلامك صحيح. 95%. 99% زي ما بعض الناس قالت. حتى الرئيس السادات كان ليه مقولة عظيمة جداً بيقول لك بقى برضه 99% هي من أوراق اللعبة بمنطقة الشرق الأوسط في يد الولايات المتحدة الأمريكية حتى وقتنا هذا. بس عايز أقول لك نقطة مهمة. ده تستقل بال 1%. أنت بال 1% كمصر قلبت المعادلة. بال 1% كصين قلبت المعادلة. فالنهارده أنت بتتكلم بالفعل 99% من أوراق اللعبة في إيد أمريكا. لكنها لم تصنع بها أي شيء. حاولت إنها تحرك الخليج إنه يضغط عليك عشان توافق على حاجات معينة. ما وافقتش. حاولت إنها تضغط عليك بورق سد النهضة. ما وافقتش. حاولت إنها تلاعبك بإسرائيل. ما جرتش وما دخلتش صراع ولا صدام معاه عشان يتم تصفيتك أو تدخل في اليمن أو تتصدر مش عارف فين. اليمن اللي هي بتعلن امبارح إنها جاهزة للتطبيع مع إسرائيل. وإن لابد يكون هناك دولة اسمها جنوب اليمن. وجنوب اليمن لوحدها بتقول الكلام ده. إذا النهارده كل ما كان يحدث من الآخر كده هو مسرحية كبرى.

فالنهارده مصر ليها دور لازم تقوم بيه. وإلا إسرائيل اللي هتقوم بيه. وبالتالي مصر النهارده فوضت إسرائيل إنها تقوم وتفرض على نفسها حاجات مستحيلة وصعب إنها تتنفذ. ورفعت لافتاتها كلها: لا للتهجير، لا لتصفية القضية الفلسطينية، ولا بأي حال من الأحوال للسماح بأن يكون في أي مشروع في قطاع غزة يستثني الفلسطينيين اطلاقاً. الموضوع مغلق. طب ده كان نتيجته إيه؟ إن إسرائيل دخلت وأخدت المشهد. لما دخلت وأخدت المشهد بدعم من أمريكا في المقام الأول فشلت. ده اللي بيقوله التقرير بتاع واشنطن بوست. قال لك إن في النهاية قعدة دونالد ترامب الأخيرة هي ونتنياهو كانت في الغرف المغلقة على صوته عليه ونهروا. إهانة بالبلدي. مش كده وبس. ده كمان أداله مهلة كي يغادر السلطة أو يتحول إلى حكومة إدارية تستكمل ما تبقى ليها لحين إن يكون في حكومة أخرى. هتقول لي: "إزاي؟" هقول لك إن هو قال له: "إن أنت أسأت بعلاقتنا بمصر وبالخليج". طب هو ما كانش عارف كده؟ أيوه كان عارف كده. وعشان ده برضه بيأكد إن كنترول أو الكنترول كله أو الريموت كنترول في إيد مين؟ في إيد أمريكا. مش في إيد إسرائيل. قال: "طب هو ما كانش عارف يا عاصم؟" كان عارف وكان بيحركه لصالحه. بس لما فشل قال لك: "لا، أنا ما أعرفكش. أنا هاجي النهارده أتكلم مع الجانب الآخر". وهو الجانب المصري اللي هيحقق لكل أطمح النهارده.

وأنا بكلمك دلوقتي موقع "أكسيوس" بيقول لك نقلاً عن المصادر بأن أمريكا أو القمة الأمريكية المصرية هيكون فيها زعماء دول. منهم باكستان، منهم الهند، منهم دول أخرى زي إندونيسيا. بنتكلم كمان عن دول تركيا، قطر، خليج قد يكون السعودية ممثلة كمان هي والإمارات. ولو إن الإمارات واخدة جنب في الموضوع لأن لها أهداف تانية في النقطة دي كلها. واعتقد إنها مش راضية بنسبة 100% عن الاتفاق. كمان بتتكلم النهارده عن دول أوروبا كلهم. بريطانيا، فرنسا، ألمانيا، إيطاليا. هيكونوا متواجدين وممثليهم. واحتمال يكون هم إيه الصف الأول المتواجد مع حضرتك. فدي قصة ثانية. النهارده أنت أرغمت على دول يجوا عندك. ودي عندنا كمصريين لها ثمن. أنا فاهم إن الناس بتاعة مصالح. والمصلحة طالما في أي مكان هييجوا لك. لكن بأمانة إحنا عندنا كمصريين زيارة ترامب لينا بدون ما ندفع دولار واحد. وأنت فاهمني. بدون ما ما نتنازل عن أي ثروة من ثرواتنا. وأنت فاهمني. بدون النهارده ما نروح نصطدم في أي حرب أو اصطدام حوالينا. صف قدراتنا العسكرية. وأنت...

فاهمني؟ ده كلها مكاسب حضرتك بدون مضرب طلقة رصاص واحدة، أو يعني اتكبد عناء نقطة دم واحدة ونقطة عرق. كل القصة لعبته بنفس ورقة دبلوماسية، مدام عفاف، احنا أصحاب الكلمة دي. وبعدها تقرير أجنبي قاعد يقول لك مصر بتستمد على، بتشوف كل واحد أخره.

النهاردة، النهاردة لبنان بتقول لك أنا مستنياك، تعالوا. ده القضية اللبنانية مصر فتحتها مع أمريكا، خد بالك. النهاردة جايب لك مفاجأة من العراق، وفد عسكري مصري متواجد في العراق. وإسرائيل بتطلع تقارير سيئة جداً عن إن العراق بتجهز من الفاو والمينا ده المفروض في 2028 بكتير و2030 هيكون جاهز، وإن هذا المينا هيسحب كم كبير من قدرات قناة السويس، وإنه وإنه وإنه. ده تقرير النهاردة منشور حضرتك، ده تقرير منشور النهاردة.

فلما تقرير زي ده منشور، وأنا لقيت إن في هجوم على فرسون يا شباب، قولنا إيه اللي بيجري في الكواليس؟ بالصدفة جينا تحت معلومة إن الجيش المصري متواجد بفريق هناك بيبني منصات دفاع جوي، أكيد حوائية صواريخ، لأن ده بقى السيستم، منصة دفاع جوي في حيا الصواريخ في تدريب قوات. فده بيرفع من كفاءة الجيش العراقي. فمن الآخر يرجعوا للعبه مرة أخرى، نرجع القوة ثانية. دول الحرس القديم، دول الحضارات تبدأ هي تسيطر على محيطها، وبالتالي ده يشيل العبق شوية ويكون هناك تحديات لدى إسرائيل. نفس القصة بتحصل في لبنان، وإن شاء الله سوريا قريب، ما تقلقش يعني، إن شاء الله سوريا قريب والأمور تستقر فيه.

النهاردة أنت بتتكلم، لبنان بتقول كده. دول كتير في المنطقة بتحاول إنها تست أو تجيب مصر. ما تفكرش إن الخطوة الأولى هي الأخيرة اطلاقاً، مش أول ضربة. النهاردة مصر هيتم تفويضها في ملف إيران. إيران النهاردة عاملة انقلاب زي ما بيقولوا. بنتكلم عن صفقة كبيرة جداً المفروض إن هي بتوصل، تم يعني بنتكلم عن قطار جوي ما بين روسيا وما بين إيران بتدفق طائرات عملاقة، طائرات من طراز أي إن 124 الروسية، اللي هي خلال 24 ساعة قامت بشحنة ثالثة من الطائرات المقاتلة الروسية المتجهة إلى طهران. الشحنة دي جايه بالضبط من قاعدة اسمها إير كوستك الجوية دي في سيبيريا للاراضي الإيرانية. طب إير كوستك دي فيها مصانع إيه؟ قال لك مصانع عسكرية، مصانع طائرات بيتصنع فيها طائرات سخوي سو 30 وياك 130 المقاتلة، وكمان أنت بتتكلم عن طائرة ثانية اللي هي المك 29 الروسية. قال لك في كم كبير من هذه الطيارات قد وصلت بالفعل للأراضي الإيرانية، بنتكلم في أكتر من حوالي 14 طيارة من هذا الكم، وده رقم كبير جداً. بتتكلم عن كم كبير من الصواريخ المتطورة، منصات الدفاع الجوي، منظومات الأس 400 والأس كمان اللي واخداها مصر بتاخد الفعال. أنت بتتكلم النهاردة كمان عن صواريخ متطورة اللي هو بيقول لك بتصل مداها إلى 8000 متر، يعني صواريخ فرط صوتية وصواريخ صواريخ عالية التدمير والقدرة التدميرية.

فأنت النهاردة بتتكلم عن دولة اختلفت العنجهية الإيرانية اللي كانت بتقول لك إن أنا بصنع كل حاجة، لا، آه بتصنع بس قدراتك مش قوية زي دي. إذا النهاردة إيران بترجع كقوة منافسة، ما عنديش مشكلة. المهم النهاردة الجهد يتوزع على كل هذه الدول، ما بقاش أنا لوحدي أون سبوت تحت المجهر زي ما بيقولوا. ودي برضه نقطة كنت حبيت أوضحها لحضرتك. فانت هتتولى ملف إيران دبلوماسياً، وعشان ترجع العلاقات ما بينها وما بين الغرب، ودي سهلة، وترجع العلاقات ما بينها وما بين أمريكا. وأنا قلت لك إن مصر بتتفاوض إن شركات أمريكية تروح تثقب على النفط والغاز وتاخد حوت غاز هناك والنفط، وده كله بثمنه في إيران، وترفع بقى العقوبات عن إيران وتبقى معاها الدولارات، ويبقى إيران بس في المقابل تتخلى عن مشروعها، المشروع اللي هو إقامة أذرع في كل الدول حوالين. ودي نقطة مهمة مصر متمسكة بدي. هتعمل ده يا إيران؟ أنا معاك، هخلص القصة من الصبح. والأمريكان بدأوا يفوضوا مصر في النقطة دي. فدي نقطة ثانية.

إذا النهاردة أنت بتتكلم عن دونالد ترامب اللي هدد كمان. ارجع لتقرير الواشنطن بوست، قال لك هدد الأخ بنيامين نتنياهو، قال له لا، أنا كده هسحب دعمي، دعمي لإسرائيل. آه قالها. لا ده بروكر، ده رجل اقتصاد، ما يفرقش معاه أنت مين ولا وظيفي ولا دولة مش وظيفية. هسحب دعم لإسرائيل. أنا مديك 21 مليار دولار منذ بداية الحرب، بتكلم عن 6 مليار دولار أسلحة جديدة هوردها لحضرتك. تكلفة حربك عاملة 180، 118، 118 مليار دولار حتى وقتنا هذا، خسائر في الاقتصاد الإسرائيلي بندعمها. فالنهاردة أنت بتتكلم النهاردة إن كمان شعبيتي كدونالد ترامب تراجعت. فيا إما تنفذ اللي أنا عايزه، توقف الحرب، يا إما هيبقى في اتجاهات ثانية. وبالفعل حصل الكلام ده، وده اللي نقلها لواشنطن بوست. وعندما تقول الواشنطن بوست بنثق في رأيها، لأنها بتنطق وفق مصادر بارزة جداً. فدي نقطة مهمة جداً.

بنتكلم عن بدء تسليم وعودة تسليم الأسرى هيكون خلال الساعات اللي جايه على يوم الاثنين إن شاء الله. أعتقد إن ترامب احتمال يزور مصر على يوم الاثنين، يوم الثلاث بالتحديد. يعني يا يوم الاثنين يا يوم ثلاث، بس حتى الآن البيت الأبيض بيقول يوم الاثنين. أعتقد اثنين بالنسبة لهم، ثلاث صباح ثلاث بالنسبة لنا. فمش عارف بقى القصة بالتحديد فيها إيه. هيكون في عودة للأسرى. إيتمار بن جفير مش عايز يسلم أسرى بعينهم، لكن بيتكلم كمان عن إن حكومته هتنفك عن أو حزبه هينفك عن حكومة نتنياهو. كذلك بتسائل سيموتريتش، يلا مع السلامة، اللي هو وزير المالية، مع هو كمان عايز ينفك. فبالتالي هناك اسقاط أو سقوط هيحصل في حكومة بنيامين نتنياهو، اللي بيجتمع النهاردة بحزب الليكود، الحزب بتاعه، وعشان يختار رئيس خلفاً ليه. وبالتالي تتحقق المفاجأة بأن السيسي أربك إسرائيل في اللحظات الحاسمة، ونتنياهو في الفخ المصري بإسقاطه أمام بنيامين دونالد ترامب من ناحية، والناحية الثانية حتى في تقرير النهاردة طالع بيتكلم عن خسارة واضحة فيما يخص إسرائيل بالتحديد، وبيتكلم نصاً كده: هزيمة أو استسلام بنيامين نتنياهو، أسقطه السيسي من على صهوة جواده أو جواده. فدي نقطة كانت مهمة.

الوفد العسكري المصري هناك، إحنا قلنا طبعاً هو بيعمل إيه في الجانب الآخر فيما يخص العراق. أعتقد إحنا كده غطينا كل النقاط. بتأسف لو أنا ما قدرتش إني أديكم المجهود اللائق بحضراتكم، زي ما قلت لحضراتكم حتى الجهاز كل شوية يهز في كتفي، فالظاهر إن في حاجات كده. يلا الحمد لله، قدر الله وما شاء فعل. هنا القاهرة، عاصمة القرار العربي، عاصمة القرار الشرق أوسطي. هنا لسنا طرفاً من المعادلة، نحن من يصنع المعادلة. وقديماً قالوا: كان في المدينة ساحر قد مات، فاستراح الناس من أذاه. خلف الساحر ابناً، فاق في السحر أباه. وهذا حالنا وحال الدبلوماسيين المصريين. كلنا سحرة لحد ما أشوفكم، إن كان في العمر بقية. أترككم في رعاية الله. شكراً لكم وسعدت بيكم، وأسف لكم. سلامكم.