Transcription
تخيل أن في حرب الآن شغالة في جسمك وأنت مش حاسس بها. الحرب دي بتستنزف طاقتك، بتبوظ [ضحك] حرقك، بتزود وزنك من غير أي سبب واضح. الحرب دي اسمها الالتهابات المزمنة، ووصفوها العلماء بالقاتل الصامت.
معاكم دكتور جنى عبد الناصر، يلا بينا ندخل في الموضوع على طول. في نوعين من الالتهابات. النوع الأول لما يحصل لك تعويرة في صباعك في إيدك، فالجزء ده يحمر ويورم عشان الجرح يلتقم. وده النوع اللي إحنا كلنا بنحبه، والنوع الطيب اللي ما فيهوش أي مشكلة.
النوع الثاني ده النوع الخبيث اللي بيقعد في جسمك سنين طويلة من غير ما تحس، من غير ما يكون في أعراض بشكل مباشر، من غير ما تعرف. بيفضل في جسمك سنين، وده اللي بيكون ورا معظم أمراض العصر المنتشرة حاليًا، من مقاومة إنسولين وهرمون الكورتيزول، ومشاكل في المفاصل، ومشاكل في القلب، وكمان صعوبة نزول الوزن.
في فيديو النهارده هقول لكم على خمس علامات خفية اللي جسمك بيصرخ بيها وبيقول لك: "أنا ملتهب". وهقول لكم على الخطة الغذائية، وإيه الأكل المسموح، وإيه الأكل الممنوع، وإيه العادات اليومية اللي لو مشيت عليها الالتهاب ده هيختفي تمامًا.
أول علامة: الشعور بالتعب المستمر والخمول والكسل. بتصحوا من نومكم دايما حاسين بخمول، حاسين بكسل، حاسين إن أنتم في ضبابية في الدماغ، في كده حاجة بتشوش في دماغ، حاجة مشوشة كده في دماغكم، وفي عدم يعني عدم وضوح، عدم رؤية، قلة تركيز، نسيان. حتى لو نمتوا بشكل كويس، بتصحوا كسلانين جداً وعايزين تناموا.
ثاني علامة: وهي آلام في المفاصل والعضلات. بتصحوا جسمكم متكسر، حاسين إن في ألم في العضلات والمفاصل نفسها، والألم ده غير مبرر، مش فاهمين إيه السبب.
ثالث علامة: صعوبة في نزول الوزن. مهما كنتوا ملتزمين بنظام غذائي وحركة، أيًا كان، حاسين إن في صعوبة في نزول الوزن. ده لأن الالتهابات بتزود جداً من هرمون الكورتيزول ومن مقاومة الإنسولين.
رابع علامة: مشاكل في الجهاز الهضمي. سواء انتفاخات، غازات، مشاكل إسهال بشكل متكرر. كل المشاكل دي بتدل على وجود التهابات بنسبة عالية جداً، لأن 70% من مناعتك والتهاباتك بتبدأ من أمعائك. فبالتالي كل...
آه، سوري، خامس علامة نسيتها. خامس علامة: مشاكل دائمة في البشرة. يعني ظهور حب الشباب، وإكزيما، احمرار في الوش. كل العلامات دي تدل على إن جسمك بيعاني من الالتهابات بقى له فترة وأنت مش حاسس.
طيب، إيه الأطعمة اللي لو استخدمناها في يومنا هتقلل جداً من معدل التهابات الجسم؟ أول حاجة: الدهون الصحية. زيت الزيتون، الأوميجا 3 زي السالمون، الماكريل، بذور الكتان، بذور الشيا. الخضار الورقي الداكن زي السبانخ والبروكلي. التوابل الذهبية. التوابل الذهبية زي الكركم والزنجبيل. ويا سلام بقى لو حطيتوا عليهم كده رشة فلفل أسود، مهمة جداً عشان امتصاص الكركم والزنجبيل. التوابل دي فيها مواد فعالة أقوى من بعض الأدوية في تقليل الالتهابات، فأنتم متخيلين؟ فالمشروب ده فعال جداً. وآخر حاجة: صديقة الأمعاء الألياف. والألياف دي هي اللي بتغذي البكتيريا النافعة. البكتيريا النافعة دي اللي بتفرز أحماض دهنية بتقلل التهابات الجسم كله. ما تنسوش التوتيات زي التوت والفراولة.
طيب، ده يودينا بقى للأطعمة اللي ما ينفعش إن إحنا ناكلها. الأعداء الخمسة لالتهابات الجسم. أول عدو لينا: السكريات والحلويات. ثاني حاجة: المقليات والوجبات السريعة، الفاست فود بقى والحاجات اللي إحنا بنشتريها من بره، والمشروبات الغازية أيًا كان. ثالث حاجة: اللحوم المصنعة. اللحوم المصنعة زي اللانشون والسوسيس. رابع حاجة: الدقيق الأبيض ومشتقاته. المخبوزات بقى، الباتيه، كرواسون، كل الحاجات دي. وآخر عدو معانا هو الزيوت النباتية. زيت عباد الشمس وزيت الذرة. الزيوت دي مليانة أوميجا 6 اللي بتحفز أصلاً من الالتهابات. فنستخدم أحسن زيت زيتون، أو نستخدم قطع صغيرة من الزبدة في أكلنا.
إيه العادات بقى اليومية اللي إحنا هنعملها كل يوم هتفرق معانا جداً في حياتنا وهتقلل جداً جداً من علامات الالتهابات في جسمنا؟ أول حاجة: ضبط جودة النوم. ننام بشكل كويس. الموضوع مش بس عدد ساعات النوم. عدد ساعات النوم طبعاً بيفرق جداً من سبع لثمان ساعات، بس إن إحنا ننام إمتى؟ مش اللي هو تنام الصبح وتسهر طول الليل وتنام سبعة لثمان ساعات ولا كأنك عملت حاجة. أهم حاجة النوم بدري. فالنوم بدري مش رفاهية، النوم بدري مهم وعدد ساعات كافية.
ثاني حاجة: إدارة التوتر النفسي. الضغط النفسي المستمر والقلق والتوتر المستمر بيفرز هرمون الكورتيزول، اللي هو الهرمون المسؤول عن القلق والتوتر في جسمنا. ولما هرمون الكورتيزول بيكون عالي جداً في جسمنا ده بيموت البكتيريا النافعة، فبالتالي بيزود التهابات الجسم. فجربوا تعملوا تمارين تنفس، تتحركوا، وتعملوا تمارين يوجا، أيًا كان.
ثالث حاجة: الحركة. فما ينفعش تقعدوا لفترة طويلة في مكان معين أو من غير حركة. لازم تتحركوا بشكل مستمر. ومش مطلوب منكم خالص إن أنتم بقى لازم تروحوا جيم، ولازم بقى تلعبوا تمارين مقاومة. لا خالص. كل يوم لو هتتمشوا حتى على الأقل خالص نص ساعة، فدي كفيلة لتنشيط الدورة الدموية وتقليل التهابات الجسم.
فالالتهاب مش مرض بيحصل في يوم وليلة. دي قرارات وعادات خاطئة كل يوم بنختار إن إحنا نعملها في أكلنا ونومنا وحركتنا. فجربوا، جربوا النهارده إن أنتم تبدأوا حتى لو بخطوة بسيطة. امنعوا سكر، ناموا بدري، ابعدوا عن القلق والتوتر، اتمشوا كل يوم نص ساعة، ظبطوا الأكل، دخلوا الحاجات اللي هي مهمة وابعدوا عن الحاجات اللي بتضركم. بمجرد ما هتبدأوا تشتغلوا على نفسكم وتبدأوا في العادات الصحية دي، جسمك هيشكرك. تاك.